لو تبنشر وأنت مسرع شتسوي ؟؟؟

[TRY NO RACE]

السلام عليكم


أكيد فيكم من سأل نفسه لو انفقع فيني الكفر وأنا مسرع شو اللي لازم أسويه ؟

طبعا بالنسبة لي ولك ولأي شخص لازم كلنا نتصرّف نفس التصرّف.
ولأقرّب الموضوع كتبت المثال التالي
من منكم يعرف كيف تلف الدّبابة يمين أو يسار؟
الجواب كالتالي
الدّبّابة إذا أراد السائق أن يلف يمين فهو بكل بساطة يوقف الجنزير الأيمن عن الحركة وبالطريقة هذي يصير هو المحور الأساسي لها بمعنى محور الإرتكاز. وقوة دفع الجنزير الأيسر هي اللتي تجعلها تتجه إلى اليمين.
بالضبط مثل رقصة الهنود الحمر على النار


أنت يا قائد السيّارة إذا لا قدّر الله وبنشر الكفر معك فإياااك ثم إياك أن تضع قدمك على الفرامل!! لأنك بالطريقة هذي ستجعل السيارة مثل الدّبابة وستتجه بك حسب الكفر الّذي بنشر معاك لا قدّر الله .
يعني لو الكفر اليمين ضرب معاك ومسكت فرامل فالسيارة ستتجه إلى اليمين والعكس صحيح. وطبعا تختلف زاوية الإتجاه حسب مدى الضغط على الفرامل.

خلاصة ماسبق
إذا بنشر معك كفر لا تمسك فرامل
خلك مثبّت الطّاره لحد ما تنزل السرعة إلى 80 أو 60 كيلومتر بالساعة بعدين امسك فرامل على درجات مو دعسة وحده



أعتقد النقطة وضحت والله يحفظني وإياكم من شر الحوادث
drive safely

[ssaallmm]

مشكور على الموضوع

وفعلا إنفجار الإطارات خطير جدا

واصل

[MR.أستبنه]

الموضوع مكانه في منتدى السيارات
تم النقل

[Dark Flame]

شكراً على المعلومات

المشكله اذا كنت تمشي 190 او اكثر ..إنفجار الكفر راح يخل بتوازن السياره


اعرف شخص ضرب عليه كفر حط رجله على الفرامل تقلب فيه الموتر ..فعلاً الأمر خطير ويحتاج الى معرفه هذا الأمر

شكراً ثانيه

[TRY NO RACE]

عفوااااااااااااااااااا
وأعتذر لأني وضعت الموضوع بمكانه الغير مناسب





شكراً على المعلومات

المشكله اذا كنت تمشي 190 او اكثر ..إنفجار الكفر راح يخل بتوازن السياره


اعرف شخص ضرب عليه كفر حط رجله على الفرامل تقلب فيه الموتر ..فعلاً الأمر خطير ويحتاج الى معرفه هذا الأمر

شكراً ثانيه



وهنا يأتي دور السيّارة
قبل ثلاث أيام أخوي ضرب عليه الكفر على سرعة 160 والحمد لله ولاشيء صار لييييييييش؟
لأنها Mercedes Benz
والحافظ الله

عفوا أخوي

[Thug Life]

jتسلم جليسنا :)

معلومات مفيده ..

ThuG life

[D.D.S]

وهنا يأتي دور السيّارة
قبل ثلاث أيام أخوي ضرب عليه الكفر على سرعة 160 والحمد لله ولاشيء صار لييييييييش؟
لأنها Mercedes Benz
والحافظ الله
عفوا أخوي



اول شىء . الحمدلله ما صار له شىء :)

مرسيدس . عيل راح يكتب لها تقرير الحين :D قبل ما يرد ع الموضوع .. امزح

.

شكرا لك ..

معلومات قيمه و ومفيده

شكرا لك مره أخرى

وبالتوفيق

====

[(( صدوق الود ))]

مشكووووور على المعلومه القيمه

مع السرعه الزايده تثبيت الطاره ماينفع اعتقد الا بقدرة قادر سبحانه

بس مع الفرامل مصيبه أكبر بتحصل لاسمح الله :ouch:

لكن مع السرعه حاول تثبت الطارة بيدك ورجلك وربك ييسرها :D

[darkcrusher]

وعليكم السلام ورحمة الله وبركاته

بارك الله فيك أخي جليس البدر على المعلومات القيمة

بإنتظار مواضيعك الرائعة والمميزة

[راعي الجي تي آر]

موضوعك جميل وكلامك صحيح مية كية ولا فراخ الجمعية
مشكووور الغالي

[TRY NO RACE]

Thug Life
D.D.S
(( صدوق الود ))
darkcrusher
راعي الجي تي آر

الله يعافيكم يارب
وصراحة أشكر كل من رد على هذا الموضوع المتواضع شاكر لكم حفاوة الإستقبال والتشجيع :09:
جزاكم الله خير

[نجم الالعاب]

يا ساتر.....