مشاهدة النسخة كاملة : باباسنفور وداج وسيلفي على طريقة طايطنك(لا للتقليد)
باباسنفور
23-11-2001, 03:50 PM
بعد مرور 80 سنه علىغرق السفينه الشهيره تايتنك والتى حملت على متنهااروع قصص الحب من الفتى جاك وفتاة تدعى روز وتكللت القصه بنهايه حزينه ومؤلمه ابكت جميع من شاه الفيلم
ولكن هناك قصه حدثت على ظهر سفينه لشاب يدعى بابا سنفور وفتاه فرنسيه من اصل مغربي تدعى سيلفي لم يسجلها التاريخ ولم تندرج بتظهر لنا بمولود يدعى فيلم:D
وربما لان بابا سنفور سعودي وهوليود معروفه بمحابة اليهود
:D
عموما زين ن هوليود ما انتجت الفيلم لان نهاية قصة حب باباسنفور ماتشرف اي عربي.
فتابع معنا عزيزي القارىء القصه .......
باباسنفور: الو داج
داج :هلا سنفوري :D خير وش بك؟؟؟؟
بابا سنفور: يا شيخ تهاوشت انا وابوي
مسكين شاف بيدي سيجاره مالبورو احمر وطردني وقال لوانه مالبورو ابيض كان ماقلت شىء
بس احمر مره وحده:D
عاد ابي انام عندك اليوم..
داج: حتى انا الله يرجك مطرود من البيت بعد..شافتنى امي وانا اناظر فيلم فيه مشاهد لك عليهاوزعلت على وقالتلي اقضب الباب :D
بابا سنفور: لا يا شيخ الدجه ...لا تقول ...والحل
بابا سنفور: احل وانا اخوك مالنا جلسه بهالديره ...ضاقت بنا الدنيا هنا...لا وظايف ولا عيشه زين الناس (طبو بالسياسه )وضيقة صدر ...اقول خلنا نهاجر بس ..
داج: نهجر الله يهديك ..طيور حنا
باباسنفور: ياخف دمك بس ...هاه وش قلت
داج: يقولون فيه سفينه اسمها (طايطنك) بتمر من يم جده بعد اسبوع واعرف انا مدير شؤون الموظفين فيها ...نتوظف اي شىءعندهم انشاء الله نمسح البلاط ...بس مانجلس هنا...
باباسنفور: شايف كذا..
داج: عندك غير هالحل؟؟؟؟
باباسنفور: لا
داج: خلاص اجل جهز اغراضك بنقلع بكره يم جده ....
اتمنى يكون الجزء الاول اعجبكم
لنا جزء ثاني
داج2222
23-11-2001, 03:57 PM
هههههههههههههههههاي بعدي شيخ السنافر ارسلللللللل كمل كمل الله يصلحك و الله و المواهب مدفونه:أفكر: :D يلا عاد اخلص كمل
حلوه :)
وبانتظار الجزء الثاني ....
هههههههههههههههههههههههههه
منتظر الجزء الثاني
:)
انا بنت ابوي
23-11-2001, 05:09 PM
حلللللللللللللوه كمل...............:)
Lucky guy
23-11-2001, 05:13 PM
كخخخخخخخخخ حلوة بالله كملللللللللللللل :D :D :D :D
باباسنفور
23-11-2001, 08:31 PM
مشكورين
لكن تعبان وبس هذولا الى ردوا مايصير
عموما الجزء الثاني بكره انشاء الله
RPG_master
23-11-2001, 10:06 PM
حلووووه كمل كمل:)
سيلفي2065
23-11-2001, 10:12 PM
اللللله ونااااسه
شكلها بتكلع فلللله:D
بس وراها قصيره...نصيحه لاتقصر الاجزاء ;)
RPG_master
23-11-2001, 10:19 PM
كتب العضو (سيلفي2065)
اللللله ونااااسه
شكلها بتكلع فلللله:D
بس وراها قصيره...نصيحه لاتقصر الاجزاء ;)
اهااااااااااااا بتكلع...امممم وين تنصرف هذي؟؟:p
ارفين
23-11-2001, 10:26 PM
كمممممل حلللللللوه
بس بالله صدق فلم طايطنك خلاك تبكي....انا والله ولا أثر فيني
RPG_master
23-11-2001, 10:33 PM
من جد ما ادري وشو الي يبكي فيه يوم شفته كنت نايم ويوم خلص وانا نايم يعني ما اثر فني:p
باباسنفور
24-11-2001, 03:40 PM
اكمكم الان
داج :بسرعه خف رجلك ورانا طريق طويل
باباسنفور:اقول اهاا بس لاتزعجنا الحين هذاني خلصت
داج: الشرهه ماهي عليك ...الشرهه على الى يطلع معك
باباسنفور: اقولا ماحد غصبك تبين ترجع...ضف خشتك
داج :يعني كذ
باباسنفور: ايه ....مسويلي فيها (عشان عندك 6000 مشاركه ):D
داج : جب قطتي بس
بابا سنفور: اي قطه يابو قطه
داج: بدينا فى شغل المخوله ....والزرف
باباسنفور:شف ماني مرجعلك القطه ... تبيى تجي حياك ...ماتبي اقضب الجاده:D
داج: يالله معليه ...نشوف اخرتها
باباسنفور: تدل انت الطريق ...ولا تدربي هالدميجه
داج: لا ماعليك ز...خويك دليله
باباسنفور: اوكي
داج : وش اوكي... تلعب على تتكلم انجليزي عشان اتوهق انا
بابا سنفور: اقول الله يقطع القراوا بس
داج: شكل هالهجره ماورا نفع
بابا سنفور: انت بس خلك معي وشف وش نستفيد
داج : خلك معي ولا طاش ماطاش :D
بابا سنفور: يابيخك مير ..
داج : اقول يالله بس مشينا
بابا سنفور: يالله عاد ياداج يقولون انك خفيف دم ....وسع صدرنا بهالطريق ...
داج: اووووووووه .... ولا يهمك ... مافيه الا ضحك ووناسه
باباسنفور: نشوف...:بابا سنفور: شف... وشو ذا .... شف شكله تقول كنه فار مضيع بلنتي :D
داج: ههههههههههههههههه... وانت الصادق كنه بابا سنفور...
بابا سنفور: لا تخليني اقلب عليك ....تراي ان استلمت يا ويلك منى
وش يقكك
داج :هه :p يا حليلك محاتسيك شيخ الدجه
باباسنفور: محاتسيك شيخ السنافر
داج : اوووووووووه ... عطنى قطتى خلني ارجع ...
بابا سنفور: صاحي انت .... مابقى الا شوي ونوصل
يالله بس خل عنك الهرج وخلنا نتغدا بس
داج : اوكي
بابا سنفور: يا شين اللى توه متعلمها وازعجنا:p خخخخخخ
داج: خل عنك بس تراي جايع
بابا سنفور : انا ابي اكل من هرفي
داج: اي هرفي ... هرفي بطريق مكه
بابا سنفور: اووه صح
داج: هنا مافيه الا بخاري ... ولا تشم بنزين من هالمحطات ...
بابا سنفور:
يالله هذا مطعم خلينا ندخل
داج : يالله
بابا سنفور: ذا الزول شكله ماياهل غداه
داج: انت وش دراك احسن ناس يطبخون الزوله ... نشوف
الزول NAF: آي دايرين ايش
قلابه ...شكشوكه... مقلوبه...كمونيه
باباسنفور: بخاري ... ويبيع قلابه ... وشكشوكه ...كمونيه ...عسى ماشر
عموما اذن نكمل بعد العشاء
Lucky guy
24-11-2001, 08:02 PM
كخخخخخخخخخخخخخ حلوة بعدين تعالى naf الي هو نواف ترها مو زوال بل باكستناني :D :D
باباسنفور
24-11-2001, 08:42 PM
: والله فى الحقيقه عندنا فى السودان البخاري هو القلايه والكمونيه ... والحاجات هذي
داج : هههههه حركه
بابا سنفور: ههههه حلوه ذي اول مره اسمعها
naf: آي يازول والله هذا الى عندنا
تبغوا تفزلوا ماتبغوا هيا مع السلامه
داج: وشفيه ذا الزول بياكلنا
بابا سنفور: انا ادري عنه هو ويا خشمه اللى تقول كنه منقار غراب :D
داج: اقولك شيخ السنافر ....ليش ما نهبلبه ونكت عليه ... مدامه عصب علينا ومسويلي فيها .
بابا سنفور: ابشرررررررر ... خلاص
داج: اقولك يا زول... وش اسم زوجتك زوليه
الزول naf: تنكت انت .... هيا انقلع من وشهي (وجهي ) يالله لاحسن اديك وحده يخر منها خشمك المعفن دا..
بابا سنفور: هد اعصابك وشفيك معصب ... روق واسمع هالنكته يقولون فيه زول قالوله اقرا الحروف العربيه من الالف الى الياء قال (آي)
داج: ههههههههههههههههههه(قديمه)
باباسنفور: عطنا وحده جديده يا الجديد
داج : اسمع يقولك فيه زول قالوله ارسم طياره رسم نقطه قالوا له...وش هذا قال طائره بس من بعيد :D
naf: والله والله ... الظهر دا دايرينه انتو ا مايعدي على خير ....
داج وبابا سنفور بغرور وش بتسوي يعني
naf: اقيف انتا وياه ....هنا .... دقيقه راح وجاي
بعد ساعه رجع الزول naf (الزوله عندهم الدقيقه ساعه) راكب كورولا لونها بزالي
وهو جاي كان مبسوط يغني انا الزول انا عندي كورولا خضرا كالبزيلا وانا شعر فلافل روحت الناصريه ودوني العليا .....
بابا سنفور: وش فيه ذا الزول مبسوط
داج: وانا وش دراني شكله توه طاق الكورولا موديل 90 :D
naf : آي ..... شونوا جابكم هنا.... يا بجم...
بابا سنفور وداج جلسوا يناظرون بعض ويكرون عليه من الضحك
داج: شكل الزول نسا
بابا سنفور: وش قصته ذا المخرف
الزول: والله لو ما تمشي انت وياه من قدام محلنا راح تشوفو شي عمركم ماشفتوه
داج: موانت قلتلنا اقيفو :D هنا لا تروحوا دقيقه وجاي .... وحنا انتظرناك
باباسنفور: حنى انت قلتلنا دقيزه وجاي وجلست ساعه وتوك جاينا ....هاه وش بتسوي ....
الزول : انا قلتلكم كدا .... كيف الكلام هادا .... يالله بس امشي هناك انتي ويا بلا هرج فادي(فاضي)
جاء بعد ربع ساعه من الهواش والمراد بين داج وبابا سنفور والزول جا الزول الاول ويوم شافوه دروا ان الى هاوشوه ماهو خويهم الاول ..... وخذ يا عينك ما تشوف الا غبار داج وبابا سنفور
والزولين وراهم .... يا صبي انتا وياه ... طبعا الزولين عجازين ...مافيه امل يركضون وقفوا ورجعوا لمحلهم بتاكسي:D
بعد ماريح داج وبابا سنفور وبعدوا عن محل الزولين .... قام كل واحد منهم يلوم الثاني ...وذا يقول كله منك والثاني يقول لا منك ... انت الى وهقتنا ....
داج: خلاص ... بس ... عطنى قطتي ... يالله بسرعه...
بابا سنفور: اقول ... لايكثر ... تبي ترجع حياك الله وقطتك بح ... واذا رجعت اصلا بيقتبلك الزولين ويفرمونك فرم ...
داج: يعني الشغله لوي ذراع
بابا سنفور : سمها الى تسميه
داج: يالله وش اسوي مالى الا اصبر .... ونشوف الين نوصل السفينه ونهاجر من هنا ونرتاح ...
طبعا طول الطريق وداج وباب سنفور مافيه ا استلا م تنكيت .... وانواع الكركه ....
داج : خذ هاذي نتكته يا شيخ السنافر :شمري محشش دخل المسجد صلى وطلع قال للمسيحي :ليش ماتصلي معانا ؟؟؟ قال له انا مسيحي قال له انا شمري و اصلي معهم .
بابا سنفور: ههههههههههههههه الله يرجك يا شيخ الدجه ...
خذا هذي يما ن النكت عن المحششين
اثنين محششين وقفتهم شرطه قال للسائق السياره: الرخصه و
الاستماره
جا المحشش طلع المحفظه قال له الثاني : عنك عنك . ثلاثه محششين وقفوووو تاكسي قالوله طريق المكان اللي يبونه
سائق التاكسي قلد صوت السياره وقال لهم وصلنا جا الاول دفع الفلوس ونزل والثاني نزل زالثالث قال شوف المره الثانيه لا تسرع.
داج: هههههههههههه ...خخخخخخخخخخ......اووووووهههههههههه ...... قبحك الله يا غلام ...
يالله خذ وحده ثانيه
ثلاثه محششين وقفوووو تاكسي قالوله طريق المكان اللي يبونه
سائق التاكسي قلد صوت السياره وقال لهم وصلنا جا الاول دفع الفلوس ونزل والثاني نزل الثالث قال شوف المره الثانيه لا تسرع.ثلاثه محششين وقفوووو تاكسي قالوله طريق المكان اللي يبونه
سائق التاكسي قلد صوت السياره وقال لهم وصلنا جا الاول دفع الفلوس ونزل والثاني نزل زالثالث قال شوف المره الثانيه لا تسرع.
بابا سنفور: ههههههه.... حركه... اشهد انك سلفي يا دجو ...
خذ هذي وحده ... تستاهل يا داج
مرة..حمار و هدهد..إتفقوا إنهم يسافروا با لطيارة...وهم في الطيارة يقوم الهدهد يكبس على زر جات المظيفة..قالت له شو بدك...قال لها الهدهد أدلع..وسواها الهدهد مره ثانية وثالثة بنفس الحركة...الحمار عمل مثل الهدهد..إشتكت المظيفةا لى الكابتن قالت فية إثنين بيعاكسوني قال لها ..إ فتحي الشباك وإرميهم...لما رمتهم المظيفة..الهدهد يقو ل للحمار بتعرف تطيرقال الحمار لا ...قال الهدهد لما إنك ما تعرف تطير تدلع ليش
داج : قديمه ..... < اصلا هو ماقد سمعها بس يبي يحطم
بابا سنفور : اقول اترك عنك الخربطه والضحك ... شف بس وصلنا السفينه ....هيه هيه هيهي وصلنا
داج : هيهيهيههيههي وصلنا وصلنا .... خلينا نركب وندور عندهم اكل ترانا ما اكلنا شي من يوم مسكنا الطريق .
انتهى الجزء الثاني
غدا الجزء الثالث
Lucky guy
24-11-2001, 09:04 PM
كخخخخخخخخخخخخخ الله يرجك :D
باباسنفور
25-11-2001, 03:37 PM
والله انتم ماتحمسون بس يالله نكمل وش نسوي
الجزء الثالث
ابحرت السفينه ومر علي ابحارها يومين وقد اشتغل فيها داج طباخا وبابا سنفور يمسح ارضية السفينه :D
داج : تراني جوعان ابي شى اكله
بابا سنفور : لاتزعجنا الحين رايح اجيبلك عشاء
داج: وش فيه هذا يناظرنا !!!
بابا سنفور : ماادري يمكن معجب:p
داجك من زين اشكالنا عشان يعجب فينا
بابا سنفور: ياخي ليش انت مستقل نفسك تراك وسيم
داج : والله م.....من جدك تتكلم انا وسيم .... وانا اقول وش فيك تصر اني اهاجر معك... ايا الملعون
بابا سنفور: صدقت انت ووجهم ... يا شيخ (عتاب) احلى منك
داج: المهم ... شف لنا اكل
راح بابا سنفور يجيب اكل ويوم دخل المطبخ الى فى السفينه لقاه فاضى قال فرصه ياولد اخذ كل اللى بالثلاجه ...انا جوعانين مره
داج: وش هذا يا شيخ السنافر ... كل هذا اكل
بابا سنفور:؛ يالله اشبع تراي شاريها من المطعم (< ............نصاب ..يبي يمن عليه )
داج: والله ما تقصر يا سنفوري والله ... انك احلى سنفور بهالدنيا
بابا سنفور: داري جبت شى جديد ... على العموم كل بس ..
بعد مافرم داج وبابا سنفور الصحون ولحسوها لحس ....
باباسنفور:دجو ... تشوف البنت الى جالسه هناك...
داج:ة ايه وش بها
بابا سنفور: يا خي دايم اشوفها ما تكلم احد ودايما حزينه ما ادري ليه وتجلس بالساعات قدام البحر
داج: طيب وش عليك فيها انت ؟؟؟ بتتزوجها ؟؟؟؟
بابا سنفور: والله يا ليت على الاقل تخفف على الهم اللى انا فيه... حرام والله ... تشوف وشلون حلوه والله حرام هالحزن يلامس عيونها
داج: انت عينك عليها من زمان ؟؟!
بابا سنفور: اي والله يا دجو
داج: طيب ليش ما تروح تكلمه ؟؟؟
بابا سنفور: من جدك انت هذي شكلها بنت نعمه ومتربيه ببيت عز
:(
اجي انا بابا سنفور اكلمها وش تبي فيني ؟؟!!!!
داج: يا حبيبي مافيها شىء ... الحب مايعرف غني او فقير الحب اسمى من هالحاجات (< ..... قام يتفلسف)
وصدقنى اذا انت كلمتها واعجبت فيك ماراح يفرق بينكم الى الموت
بس انت جرب ... كلمها زمانت خسران شىء
بابا سنفور: امممممممم... هقوتك كذا
داج: اتكل على الله وروح كلمها ..
فعلا راح بابا سنفور يكلمها واعجبت به وصاروا يكلمون بعض دايم ويسولفون مع بعض واصبحوا اصدقاء
داج: ماش بابا سنفور ... عرفها وعطاني بالخامس وصار يهوجس كثير ...
:(
يا ليتنى مانصحته ... اه ... يالله الله يوفقه بس...
وعند النوم
بابا سنفور:( كذا وبدون مقدمات ) تصدق اني حبيتها...
داج: بسم الله ... على ... خير انشاء الله ... من هذي الى حبيتها؟؟؟
بابا سنفور: سيلفي
داج: وش انت يا سلفي؟؟!!!!!!!!!!!!!!
بابا سنفور: اوووووووووواوووووووو ... لالالا ما اسمحلك تغلط عليها ... هذي سلفي الغاليه مغربيه ولا كل المغاربه ......... تسواك وتسوى عشره من اشكالك . :D
داج: اهااااااا قلبت على يا الخاين لكن يالله استاهل انا... طيب وبعدين وش صار بينكم؟؟؟
بابا سنفور: تبي الصراحه البنت طيبه وحبوبه وعلى نياتها وماهي متكبره وعزمتنى انا وياك بكره على حفلة حميد الشاعري وهشام عباس:D فى الدوري العلوي ...
داج: معقول
بابا سنفور: ايه اقولك البنت طيبه وماتملك الا انك تحبها من اول ما تكلمها او تشوفها
داج: يا عيني ...ياعيني ... على الحب والغرام
بابا سنفور : لايكثر بس... ونم ورانا سهره بكره
الجزء الرابع غدا
بس هاه نبي تفاعل
داج2222
25-11-2001, 07:10 PM
هههههههههههههههههههههههاااااااااااااي حلوووووووووووووووه اكمل رجك الله يا ولدي:D :D
Chandler
25-11-2001, 07:28 PM
حلووووووووووووه...
اجل انا زول يا فلبيني <<< بابا سنفور فلبيني ((هذي عيارته توني سامعها من ابو شوشة))
طاااايييييب...شغلي معاك بعدين
فداء الحـــــب
25-11-2001, 07:38 PM
ههههههههههههههههههههههههههههههههاي
ام حق قصه من جد انكم مصرقعين
على العموم تسلم افكارك ياخي ونستنا وخليك دايم كذا
على العموم ذا اول موضوع انا اقراه في المنتدى وانشاء الله
يكون فاتحة خير
وكـــــــــــمل خلنا ننبسط اكثر:D :D
باباسنفور
25-11-2001, 10:02 PM
من قالك ان عيارتي الفلبيني
شكل الى قالك احول شويه عليه احول :D :D
وش جاب لجاب
واما الزول فهي مزحه ولا تزعل يا عيوني :D :D
جميع حقوق برمجة vBulletin محفوظة ©2024 ,لدى مؤسسة Jelsoft المحدودة.
جميع المواضيع و المشاركات المطروحة من الاعضاء لا تعبر بالضرورة عن رأي أصحاب شبكة المنتدى .