مشاهدة النسخة كاملة : عام الـ PS3 .. موجود بالرحاب .. والسعر ..... !
barca-ps3
17-11-2006, 10:49 PM
السلام عليكم
قبل شوي رحت مجمع الرحاب ..
بس بتأكد اذا الجهاز نزل أو لأ
أول ما شفت الكرتون .. بغيت اناقز من الوناسه
سألت عن سعر ابو 60GB
المحل الأول 400دك الجهاز بروحه
المحل الثاني 450دك مع لعبه وحده
^^^^ هالمحلين ماعندهم جهاز معروض
المحل الثالث 500دك مع لعبتين
شفت عنده جهاز معروض وطلت منه انه يحطه جدامي
قالي ماراح تستفيد شي .. لأنه طافي
قلتله ما يهم بس ابكحل عيوني فيه .. ناطره من 2004
مسكته وشلته .. وأسأل صاحبي اقوله انا بعلم ولا بحلم !
لولا صاحب المحل مو موجود .. جان بست الجهاز :silly:
انا ان شالله راح انطر الاصدار الاوربي علشان الأفلام .. PAL
من كثر الوناسه نسيت لا اصور الجهاز XD
transfer
17-11-2006, 10:59 PM
مسكته وشلته .. وأسأل صاحبي اقوله انا بعلم ولا بحلم !
لولا صاحب المحل مو موجود .. جان بست الجهاز :silly:
هههههههههههههههههههههههههههههه
ahmed316
17-11-2006, 11:26 PM
مش غالــــــــــــي
barca-ps3
17-11-2006, 11:38 PM
مشكورين على مروركم
سعر الجهاز 500 دك = 1725$
السعر الرسمي للجهاز 600$ + لعبتين 60$ + 60 $ = 780$
المفروض 780$ وعندنا 1725$
وتقول :
مش غالــــــــــــي
!!
ahmed316
17-11-2006, 11:55 PM
مشكورين على مروركم
سعر الجهاز 500 دك = 1725$
السعر الرسمي للجهاز 600$ + لعبتين 60$ + 60 $ = 780$
المفروض 780$ وعندنا 1725$
وتقول :
!!
انت دخلت على ebay ابل كده؟ في اجهزه بتتباع بي 5 الاف دولار صباح الورد :31:
http://cgi.ebay.com/PLAYSTATION-3-PS3-PS-3-PREMIUM-60GB-SYSTEM-PRE-ORDER_W0QQitemZ170050765532QQcategoryZ62054QQtc%20%20ZphotoQQrdZ1QQcmdZViewItem
9000 دولار
fatal framer
17-11-2006, 11:56 PM
شباب انصحكم لا تشترون من الرحاب الحين السعر مصخرة في محل قالي 550 الا شلون يصير سعر البلاي ستيشن 3 غالي لهل الدرجة
وفي محلات قالت 400 و 350 و 450 بس نصب اصلي وايد زايدين في السعر
انصحكم تشترونها من فيرجن ارخص وابرك في السعر
بس مو الحين لان النسخ الاولية دايما فيها عيوب
Ninja.Gaiden
18-11-2006, 12:02 AM
انتظرو النسخة الاوروبية...افضل وارخص
MrDeath
18-11-2006, 05:19 AM
what is the difference between the 20GB and the 60GB???
cantona222
18-11-2006, 06:55 AM
what is the difference between the 20GB and the 60GB???
:bigeyes: :bigeyes:
السالفة فيها تفاصيل طويلة شوي ........ لو تدور بمواضع قديمة راح تحصل على جواب.
و شكرا عالموضوع.
Jhon 911
18-11-2006, 09:05 AM
السعر واااااااااااااااااااااااااااايد غالى
barca-ps3
18-11-2006, 02:28 PM
انت دخلت على ebay ابل كده؟ في اجهزه بتتباع بي 5 الاف دولار صباح الورد :31:
http://cgi.ebay.com/PLAYSTATION-3-PS...QQcmdZViewItem (http://cgi.ebay.com/PLAYSTATION-3-PS3-PS-3-PREMIUM-60GB-SYSTEM-PRE-ORDER_W0QQitemZ170050765532QQcategoryZ62054QQtc%20%20ZphotoQQrdZ1QQcmdZViewItem)
9000 دولار
وانت من صجك تصدق هالكلام !
تدري ان هالموقع صاد أربع حالات "احتيال" والسبب PS3 !
بالنسبه لي ما صارت عندي ثقه فيه !
شباب انصحكم لا تشترون من الرحاب الحين السعر مصخرة في محل قالي 550 الا شلون يصير سعر البلاي ستيشن 3 غالي لهل الدرجة
وفي محلات قالت 400 و 350 و 450 بس نصب اصلي وايد زايدين في السعر
انصحكم تشترونها من فيرجن ارخص وابرك في السعر
بس مو الحين لان النسخ الاولية دايما فيها عيوب
كلامك صح .. وزيد عليها انك تشتري النسخه الاوربيه علشان الأفلام !
انتظرو النسخة الاوروبية...افضل وارخص
صح ^_~
what is the difference between the 20GB and the 60GB???
السالفة فيها تفاصيل طويلة شوي ........ لو تدور بمواضع قديمة راح تحصل على جواب.
السعر واااااااااااااااااااااااااااايد غالى
اي والله غالي .. !
انطر الاوربي .. واشتره من النت ابرك من هالعصابات !
الجمس الحمر
18-11-2006, 02:48 PM
غالية حد امها
حاول تطلبها من الخارج ..تكون ارخص
واترك المحلات الي عندنا لين تصير البلاي ستيشن ..مخلل
يطيح بجبدهم أحسن..
وماراح آخذه الا لما ينزل الجهاز من الوكالة وبالسعر الأصلي..
joker_zambrotta
18-11-2006, 05:35 PM
هل فييرجن الكويت بينزلون الجهاز قبل سوني الخليج اللي بينزلونه شعر 3؟؟؟؟؟؟؟
thaer89
18-11-2006, 07:02 PM
انا اقول انترو هر الى شعرين ثم اشتروا افضل بكثير
اولا سعره برخص وكمان بكون متوافر و اخير بكون عرفنا اذا ما في مشاكل
MoDiYr
18-11-2006, 07:31 PM
يا جماعه انا شريتها اليوم الصبح
الجهاز جميل جدا وهادي عكس ما قالو عنه وحرارته طبيعية مثل الـ 360 ماكو فرق بالحرارة
انا شريتة 60 GB + شريطين
ولاكن هناك مشكلة ان الجهاز ما معاه وصلة تلفزيون بلازمة معاة الوصلة العادية مالت البلي ستيشن AV
ولعبة توني هوك علقت معاي وما اشتغلت وبدلتها بكول اف ديوتي 3
وسلامتكم
Gentleman
18-11-2006, 09:49 PM
400 و 500 دينار ..؟؟
جدا جدا غالي .. وشخصيا لن اشتري الجهاز الى ان يصل سعره تقريبا في حدود الـ 150 او الـ 200 دينار .. او عندما ارى انتشار العاب اكثر ..
على فكره .. بجم الالعاب تنباع ..؟؟
وشكرا ..
barca-ps3
18-11-2006, 10:07 PM
غالية حد امها
حاول تطلبها من الخارج ..تكون ارخص
واترك المحلات الي عندنا لين تصير البلاي ستيشن ..مخلل
الناس يبونها تصير مخلل علشان يتلذذون فيها XD
يطيح بجبدهم أحسن..
وماراح آخذه الا لما ينزل الجهاز من الوكالة وبالسعر الأصلي..
تتوقع الوكاله بيبيعونه بنفس الوقت وبالسعر الأصلي << إللي اعرفه ان وكالاتنا الله بالخير !
هل فييرجن الكويت بينزلون الجهاز قبل سوني الخليج اللي بينزلونه شعر 3؟؟؟؟؟؟؟
أهل الخبره راح يجاوبونك !
يا جماعه انا شريتها اليوم الصبح
مبرووووووووووووووك
يعطيك خيره ويكفيك شره
الجهاز جميل جدا وهادي عكس ما قالو عنه وحرارته طبيعية مثل الـ 360 ماكو فرق بالحرارة
نفس كلام ign
انا شريتة 60 GB + شريطين
شنو اللعبه الثانيه ؟
ولاكن هناك مشكلة ان الجهاز ما معاه وصلة تلفزيون بلازمة معاة الوصلة العادية مالت البلي ستيشن AV
انا ما اعتبرها مشكله !
لأن سوني تحاول ترضي جميع الأطراف .. إللي ما عنده تلفزيون HD .. شيبي بالوصله ؟
الوصله سمعت انها رخيصه بالكويت تقريباً 14 دينار
400 و 500 دينار ..؟؟
جدا جدا غالي .. وشخصيا لن اشتري الجهاز الى ان يصل سعره تقريبا في حدود الـ 150 او الـ 200 دينار .. او عندما ارى انتشار العاب اكثر ..
على فكره .. بجم الالعاب تنباع ..؟؟
وشكرا ..
اذا بتنطر السعر يوصل 150 أو 200 .. هذا يعني انك بتشتري الجهاز سنه 2008
أما سعر الألعاب عن الحراميه 25 دينار لكل الألعاب !
أما السعر الأصلي 54$ إلى 59.99 $
يعني مابين 15 إلى 20 دينار
joker_zambrotta
18-11-2006, 11:38 PM
راح يوصل الجهاز شهر 3 وبسعر 190 دينار ل60 غيغ
هذا الكلام من شركة التجهيزات الوكيل الرسمي لسوني الكويت
barca-ps3
18-11-2006, 11:51 PM
راح يوصل الجهاز شهر 3 وبسعر 190 دينار ل60 غيغ [
هذا الكلام من شركة التجهيزات الوكيل الرسمي لسوني الكويت
كلام حلو
أذكر مره سألت واحد بفرعهم اللي بسوق شرق
قالي احنا راح نجيبه .. بس مو نفس السعر !
إذا بـ 190 .. هذا شي طيب
واللي يبي يستفسر أكثر عندي كرتهم
وهذا رقمهم :
شركة مخزن التجهيزات ذ.م.م.
المكتب الرئيسي - الضجيج
تليفون :804477
سوق شرق
تليفون: 5/2409442
فاكس : 2409445
www.supplyingstore.com (http://www.supplyingstore.com)
أتمنى إني فدتكم بخصوص هذي الشركه ^_^
فوق المستحيل
19-11-2006, 07:25 AM
انا ما اعتبرها مشكله !
لأن سوني تحاول ترضي جميع الأطراف .. إللي ما عنده تلفزيون HD .. شيبي بالوصله ؟
الوصله سمعت انها رخيصه بالكويت تقريباً 14 دينار
وانت الصاج ب 7 دنانير عند باناسونيك
وهالوصله اسمها HDMI
هي للالعاب الهاي ديفينشن
ولكن هذه الوصلات ايضا تتفاوت بالاداء
فمثلا هناك وصلات تدخل اشاره بنسبه 100 % ولكن توصل الى التلفزيون بنسبه 40 او 50 % فيحصل هناك فقد للصوره والالوان
شركه monster تبيع وصلات HDMI في اليكترونيات الغانم و كفاءه التوصيل تصل الى 100 % ولكن كالعاده السعر غالي
يعني سعر الوصله 35 دينار
وشكرا
Guilty Gear X
19-11-2006, 09:23 AM
وانت الصاج ب 7 دنانير عند باناسونيك
وهالوصله اسمها HDMI
هي للالعاب الهاي ديفينشن
ولكن هذه الوصلات ايضا تتفاوت بالاداء
فمثلا هناك وصلات تدخل اشاره بنسبه 100 % ولكن توصل الى التلفزيون بنسبه 40 او 50 % فيحصل هناك فقد للصوره والالوان
شركه monster تبيع وصلات HDMI في اليكترونيات الغانم و كفاءه التوصيل تصل الى 100 % ولكن كالعاده السعر غالي
يعني سعر الوصله 35 دينار
وشكرا
لا تحتاج الى وصلة كواليتي الا اذا تريد توصيل الجهاز لابعد من 20 متر تقريبا.
MooDMaN
19-11-2006, 10:12 AM
السعرر خيالي ليش ها لغلاء
MoDiYr
19-11-2006, 11:22 AM
اللعبة الثانية هي Resistance: Fall of Man (http://www.gamefaqs.com/console/ps3/data/928399.html)
ووين احصل وصلة البلازمة المحلات الي تبيع البلي ستيشن 3 كلهم ما عندهم قالو راح نطلبها ؟؟؟؟
barca-ps3
19-11-2006, 02:13 PM
اقتباس:
المشاركة الأصلية كتبت بواسطة فوق المستحيل http://director.montada.com/montada_icons/buttons01/viewpost.gif (http://www.montada.com/showthread.php?p=5105158#post5105158)
وانت الصاج ب 7 دنانير عند باناسونيك
وهالوصله اسمها HDMI
هي للالعاب الهاي ديفينشن
ولكن هذه الوصلات ايضا تتفاوت بالاداء
فمثلا هناك وصلات تدخل اشاره بنسبه 100 % ولكن توصل الى التلفزيون بنسبه 40 او 50 % فيحصل هناك فقد للصوره والالوان
شركه monster تبيع وصلات HDMI في اليكترونيات الغانم و كفاءه التوصيل تصل الى 100 % ولكن كالعاده السعر غالي
يعني سعر الوصله 35 دينار
وشكرا
لا تحتاج الى وصلة كواليتي الا اذا تريد توصيل الجهاز لابعد من 20 متر تقريبا.
ووين احصل وصلة البلازمة المحلات الي تبيع البلي ستيشن 3 كلهم ما عندهم قالو راح نطلبها ؟؟؟؟
تلقاها عند إلتكترونيات الغانم .. يوريكا .. مخزن التجهيزات !
اللعبة الثانية هي Resistance: Fall of Man (http://www.gamefaqs.com/console/ps3/data/928399.html)
ماشالله ..
شنو اطباعك عنها ؟
ما جربت تشبك فيها اون لاين ؟
MoDiYr
19-11-2006, 03:48 PM
نعم شبكت اون لاين وسجلت عضوية الماستر طبعا ما ادري كم خذو من الماستر كارد وسويت اب ديت علشان ادخل ps store وطبعا تقريبا نفس الاكس بوكس
بس الاكس بوكس احسن بالاستور من ناحية الداون لود لان البلي ستيشن 3 لازم تنطر الداون لود لما يخلص واذا عطيته كانسل خلاص تعيد الدوان لود من الاول
عكس الاكس بوكس انك تقدر تسوي داون لود وانت تلعب وتقدر توقف وتكمل الدوان لود منى ما تبي
ومن ناحية البي اس بي هناك ميزة هي انك تعمل شبكة خاصة بالبي اس بي ( يعني شبكة واي فاي ) علشان تستعمل الاون لاين فيها ( هذا الي اكتشفتة حتى الان من ناحية البي اس بي )
ويمكن تعريف جهاز الكمبيوتر او سماعة البلوتوث والفائدة من الكمبيوتر ارسال الصور والاغاني
والسماعة للمحادثة لايف مع الاصدقاء
وانطباعي عن لعبة Resistance: Fall of Man (http://www.gamefaqs.com/console/ps3/data/928399.html) اللعبة جيدة بس مو التصوير الي توقعناه ( مع العلم اني شريت وصلة HDMI من اكترونيات الغانم ماركةmonster بـ 33 دينار ) وما اقدر اقول اكثر لاني حتى الحين في بداية اللعبة
اما كول اف ديوتي التصوير روعة واكتشفت شي مهم جدا (((((( ان وجود خاصية الـ WII في PS3 ))) وهي تحريك الذراع لليمين واليسار لضرب بالبندقية من غير ذخيرة ( مثل الضرب بالعصى )
وطبعا لعبت باللعبتين اون لاين كول اف ديوتي تحتاج الى اب ديت اما الاخرى ما تحتاج واللعبتين جيدتين لعبة Resistance: Fall of Man (http://www.gamefaqs.com/console/ps3/data/928399.html) تتحمل اكثر من 40 لاعب بالمعركة الواحدة ولاكن ما في لاعبين وايد انشاء الله بعد انتشار الجهاز راح يكثرون .
واذا في ايي سؤال انا حاضر
البيكهام هام
19-11-2006, 07:10 PM
8
8
بسألك بجم شريتها؟ومن اي محل بالضبط؟
MoDiYr
19-11-2006, 09:38 PM
انا شريتها 60 GB + لعبة بـ 450 دينار من محل جيم سنتر بمجمع الرحاب
سعر اللعبة 25 دينار
انا شريتها 60 GB + لعبة بـ 450 دينار من محل جيم سنتر بمجمع الرحاب
سعر اللعبة 25 دينار
الله يعطيك خيرها يكفيك شرها وشر عيون الأعضاء اللى ما يذكرون الله :D
يالضلاليه يا هنود الرحاب
عيل الشريط 25 دك
منكم لله
بو ضاري
20-11-2006, 05:51 AM
الله بالخير..
يشترونه بسعر الجمله باقل من 200 ديناروينباع ب ..600دينار
وكل مره اجيهم هالمحلين اطلعهم على حقيقيتهم جدام الزباين واقص وجهيهم ووجهم يقلب الوان.
ونفس الشيء ترا الالعاب ..سعر الجمله حتى بالنت يعطونك خصم عليه..والا 25 دينار على شريط؟ ..زيدها عشر دنانير واطلب نتنيدو دي اس لايت من النت :)..
Maldini
20-11-2006, 11:02 AM
غالي كثير و الله
أنا بلعب بالجهاز يوم 22 يعني بعد بكرا , صديق لي جايبه من أمريكا (:
Maldini
20-11-2006, 11:06 AM
MoDiYr
الله يهنيك بالجهاز و عقبالنا
barca-ps3
20-11-2006, 12:33 PM
مشكورين يا شباب على حضوركم
أمس رحت مجمع الرحاب مره ثانيه
اكو محل سألته عن الأمريكيه .. قالي اليوم نزلت " عن أمس " .. يحسبني ما افهم ..وانا رخيت الحبل معاه
قلت صج !
قالي اي .. انا اليوم وصلت من أمريكا وجايب معاي الأجهزه الأمريكيه
سألته عن الفرق < بس استهبل عليه XD
قالي ألألوان تختلف .. اليابني لون الجهاز اسود .. والأمريكي أبيض وسلفر ..<< لا تدورن يوم قالها .. كااااااااااااااااااك
قلتله : صج والله !
قالي عندياهم بالبيت .. < بغيت اصكه بكرتون الـ ps3 على راسه !
ويقول كان معاهم باحتفال نيويورك << بس سأته شنو صار .. توهق الرجال .. لوووووووول
و سألته متى صار الأحتفال ؟
قالي يوم السبت
قمت اقوله عن الأحتفال إنه كان مع دخول يوم الجمعه وعن الشاحنه وكل شي ..
قالي صح .. تذكرت .. << اللي يسمعه يقول.. هالسالفه صارت من 4 سنين !
رفع ضغطي وقلتله من الآخر بكم اليابانيه ؟
قال 450 الجهاز بروحه!
كان اكو زباين .. قصيت وجهه جدامهم
يحسبون الناس مهبل ما يفهمون !
MoDiYr
20-11-2006, 01:28 PM
الله يبارك فيكم ويعطيكم العافيا
barca-ps3
20-11-2006, 06:49 PM
الله يبارك فيكم ويعطيكم العافيا
الله يعافيك
joker_zambrotta
20-11-2006, 08:08 PM
لووووووووول والله محلات الرحاب يربحون رببببببببببح
إفلوووووووووووس
عاد كنت موجود قبل سبوع وسألت هندي محل جيم سنتر متى ينزل سوني 3
قالي بأأأأأد سبووووأ=بعد سبوع
الله يذكرك بالخير يا درب الزلق
بانتظار شهر 12 يقولون في دفعه ثانيه من سوني عشان تشتري من النت وانت مرتاح
لورد اكس
20-11-2006, 08:15 PM
السلام عليكم ,,,
والله يا ناس انه الانترنت نعمه كبيره علينا ,,, تخلصنا من الاحتكار وصار عندنا وعي كبير بالاجهزه وقيمتها وصار الواحد فينا يقدر بشتري من المصنع مباشره وما يتحمل غير قيمة الشحن والجمرك ,,,
بارك الله فيكم ,,,
barca-ps3
20-11-2006, 08:17 PM
لووووووووول والله محلات الرحاب يربحون رببببببببببح
إفلوووووووووووس
عاد كنت موجود قبل سبوع وسألت هندي محل جيم سنتر متى ينزل سوني 3
قالي بأأأأأد سبووووأ=بعد سبوع
الله يذكرك بالخير يا درب الزلق
بانتظار شهر 12 يقولون في دفعه ثانيه من سوني عشان تشتري من النت وانت مرتاح
ههههههههههههههههههههههههههههههههههههههههههههه
هدا لهم مال كلب .. لووووووووووووول
انا اقول لو تنطر الأروبي احسن .. علشان الأفلام + السعر ينزل + ألعاب قويه !
S!NDBAD
22-11-2006, 03:29 PM
انا الاسبوع اللي طاف يوم الاثنين رحت الرحاب و لقيت الجهاز معروض في محل واحد ><
و هو جيم سنتر اعتقد و كان سعره 600 دينار :wow:
يعني الجهاز نزل 100 دينار في اسبوع !!
البشارة يا شباب الجهاز واصلنا بنهاية السنة ;)
ما يحتاج تصور الكل راح الرحاب و قعد ساعتين يطالع الزجاج و الجهاز ^^
creative suite
22-11-2006, 08:07 PM
ينوا العالم ينوا .. 500 دينار و 450 لووول .. :D
أروح أدفعلي مقدم سيارة أبرك :D ..
الله يحفظك ويديمك لنا ياأمازون ..
راح انطر تنزل النسخة الاوروبية ..
واخذها بسعرها الأصلي ..
ولاعزاء للهنود والسوريين :)
وسلامتكم
ali ramadan
22-11-2006, 08:12 PM
لالا يا شاباب سعر PS3 .... 600 دولار لا غير فى امريكيا واما فى يابان الله اعلم
والسلام مسك الختام
واحد من الشباب قالي شاف الجهاز بفيرجن بالمارينا مول والسعر 530 حق نسخة 60 غيغا..
يعني حتى الفيرجن نصابين..:)
والي يغري اكثر ان الجهاز موصول بشاشة LCD..
بس يدات التحكم شي خيالي..
وعلى قولة صاحبي ما شاف منو قاعد يلعب بالجهاز "لانها بلوتوث "..:p
جميع حقوق برمجة vBulletin محفوظة ©2025 ,لدى مؤسسة Jelsoft المحدودة.
جميع المواضيع و المشاركات المطروحة من الاعضاء لا تعبر بالضرورة عن رأي أصحاب شبكة المنتدى .