المساعد الشخصي الرقمي

مشاهدة النسخة كاملة : عام هل اشتري البلاي ستيشن3 او ماشتريه


Deadly Spot
21-11-2006, 09:52 AM
قابلت واحد من الشباب بيبيعه جهاز البلاي ستيشن3 20 جيجا مع ريد رايدر 7 ب 3400 ريال وانا وافقت وقلته
يوم الخميس اجيب معاي الفلوس واشتريها منه

انا ذحين خايف اني راح اندم لما يرخص سعر الجهاز وينزل نسخ معدلة احسن
مدري تنصحوني اني اشتريها الان او اصبر لما ينزل السعر
G.D.F
21-11-2006, 10:17 AM
اهلا اخوي

قريت قبل شوي خبر بخصوص الأجهزه اللي تجي السوق بشكل غير رسمي

يقولو مراح تحصل على الضمان وخدمات مابعد البيع

هذا اللي قريته ومادري اذا هو صح أو خطأ ...
KING OF DANGER
21-11-2006, 10:44 AM
السلام

تبي نصيحتي؟

اصبر

لمين تعرف الاسعار ويوضح لك كل شي

والحين ترا كل اشرطة 3 موجوده على 2

تحياتي...
Biwi
21-11-2006, 01:43 PM
اكيد لا تشتري اصبر كلها 4 اشهور وبتلقاه بـ 1800 عند الوكيل ان شالله
ذيبان911
21-11-2006, 02:02 PM
هلا أخوي أقرى هذا






...في جايتكس دبي شركه سوني قدمت كتيب لكل زائر لقسم البلاي ستيشن...




...وهذا الكتيب يحتوي على نصائح مهمه يجب الاخذ بها...
...وشركه سوني لاحظت الكثير من المحلات التجاريه تبيع البلاي ستيشن 3 وباسعار خياليه...
...ومن هذي النصائح:
اذا اشتريت البلاي ستيشن 3 قبل شهر مارس القادم لن تحصل على
1: ضمان الشركه
2:العاب او مشاهده افلام
3:القدره على اللعب بالاونلاين
4:الشركه المصنعه لن تقوم باصلاح اي خلل
5:قد تخسر اموالك على شي ماراح تستفيد منه لان معظم الاجهزه الموجوده حاليا هي النسخه اليابانيه والامريكيه وبالدول العربيه راح يصدر البلاي ستيشن 3 بالنسخه الاوروبيه ( النسخه المتخلفه ) في شهر مارس القادم , يعني كل الالعاب والافلام والاكسسوارات راح تنزل للنسخه الاوروبيه في الدول العربيه, فهذا الشي راح يكون مشكله كبيره لاصحاب النسخه اليابانيه والامريكيه لانهم راح يحصلون صعوبه في شراء الالعاب من خلال المحلات التجاريه...


القرار راجع لك أخي العزيز
DARK PAST
21-11-2006, 02:36 PM
مايحتاج مع الكلم الي قالوه أخواني بزيد أن الألعاب التوب أغلبها بتنزل في 2007 تبي تشتري ذلحين ألعاب حتى رسومها البلاي ستيشن2 مايستاهل بستثناء بعض الألعاب عشان كيذا أنتضر وبيكون...

1-سعر مناسب.

2-خدمات (يعني الي مب وجوده للي بيشترونها الحين)

3-أكسسوارات.

4-نسخة معدلة (بدون أخطاء في الكمبوتر أو شيء مثل كيذا)

5-وأخيرا التوب جيمز.

وش تبي غير كيذا أحسلك أنتظر.


أنشالة أتكون من الأوائل الي بيشترونه من الوكيل

بااااي
barca-ps3
21-11-2006, 03:06 PM
مثل ما اقلوا

مو بس انت اللي ودك تمتلكها !

انطر لما تنزل بشكل رسمي
THE_MATRIX
21-11-2006, 03:11 PM
لو تبي نصيحتي انتظر على الأقل اسبوع وبتشوف كيف ..
و اشتر لك امريكي 60 جيجا وانت مرتاح ^^ ..
Alolaqy
21-11-2006, 05:10 PM
والله بكيفك اخوي..بس لو تشوف نصيحه الاعضاء احسن..

انتظر اشوي...كلها اربع اشهور ولا ثلاث ويرخص سعرها اكثر ..بوايد من الي بتاخذه الحين..و60 جيجا مو 20 جيجا..

يعني افصل بكثير..وبيتعدل فيها كل شي..يعني قصدي لما تنزل بشكل رسمي افضل..

والقرار الاول والاخير لك..
Deadly Spot
21-11-2006, 06:07 PM
مشكورين شباب على النصيحة انا بعد قراتي لرد ذيبان911 قررت اني اصبر نزول
الجهاز بشكل رسمي
الحمدالله اني ماستعجلت بشراء الجهاز :)
Ninja.Gaiden
21-11-2006, 06:29 PM
هذا افضل قرار
ذيبان911
21-11-2006, 07:16 PM
تعجبني والله خل المحلات مرة ثانية مايستغلون خلق الله
سوداني^نشيط
21-11-2006, 07:26 PM
لا تستعجل يا اخي الكريم

السعر مبالغ فيه جداً

اصبر وسوف تشتريه بأقل وتشتري 1400 ميتل قير وديفل مي كراي والعاب اخرى

تعلم التوفير ولا تستعجل
commmaando
21-11-2006, 07:38 PM
شنو يقصدون السوني إنه خدمة الأون لاين ماراح يقدر يستخدمها الي شاري النسخة الأمريكية كالإكس بوكس قاعد نلعب فيه عادي
barca-ps3
21-11-2006, 08:06 PM
شنو يقصدون السوني إنه خدمة الأون لاين ماراح يقدر يستخدمها الي شاري النسخة الأمريكية كالإكس بوكس قاعد نلعب فيه عادي

يعني انك تختار دولتك وتشبك << حالياً ما يصير
بس اكو طريقة انك تلي دولتك "أمريكا" وتشبك على أساس انك موجود بأمريكا !
commmaando
21-11-2006, 08:23 PM
يعني تقدر تلعب من منطقتنه بس التسجيل لازم يكون على أساس إنك في أمريكا زين لأنه هذا الي مسويه الحين في الإكس بوكس :) أشوه يعني ما يسونلنه بلوك من الخدمة .
hamad_007
21-11-2006, 08:36 PM
لو تصبر لين شهر 1 بكون وصل بين ال3000 و ال3500 لكن يمكن يكون فيه عيوب .

عشان جذي اذا تبا البلايستيشن3 مضمون 100% أحسن لك تشتريه في شهر 6 و هو أنسب وقت بكون رخيص و خالي من العيوب .
Persona
21-11-2006, 09:30 PM
عجلة من شيطان^^
و
بالنسبة لي انا راح اشتري وي اول ( اول مرة اشتري جهاز خق نيتندو ^^ )
لان بس بـ 600 ريال تقريبا ^^
وبعد سنة راح اشتري بي اس 3 ^^
بحيث يكون رخص سعرها ونزل له كوبي ^^
سلام
wael_yemen
21-11-2006, 09:51 PM
هلا أخوي أقرى هذا






القرار راجع لك أخي العزيز
وش الكلام اللي أنت مقتبسه.....يعني راح يعطونا نسخة البلاي ستيشن 3 المتخلفة!!!!! متخلفة وش...عقليا!!!!
WE Vll
22-11-2006, 02:36 AM
مين قال الWii ب 600 ريال!! الDS ليت ممكن!

تقريباً سعره 1400 ريال.. فوق 250$ !



عموماً شباب لو واحد انعرض عليه PS3 أمريكي 60 جيجا بـ 2900 ريال .. وش رايكم؟
و 3100 مع لعبتين ويد تحكم ثانية.. فهل يشتريه؟
Gentleman
22-11-2006, 03:16 AM
مثل ما قالو الشباب .. قضية الالعاب مهمه .. فالالعاب من الوزن الثقيل لم تبدأ بعد .. فلم الشراء ..

بالتوفيق ان شاء الله ..

وشكرا ..