تسجيل الدخول

مشاهدة النسخة كاملة : بشرى: محلات لبيع العاب البي سي بالرياض


رومنسي مره
21-11-2006, 12:04 PM
السلام عليكم:D

اخش في الموضوع ...
في مجموعة محلات تبيع العاب بي سي بالرياض وهي شبه نادره وقليل منها يعطي العاب البي سي حقه

فحبيت اننا يا اخوان نتكلم شوي عن المحلات هذي ونحطها في موضوع للفائده العامه وش رأيكم؟

يلا حمسوني عشان اكتب اللي اعرفه ...بس اول شئ اللي يدل محل يبيع العاب بي سي يدلنا عليه ولا يبخل علينا بالوصف...
وصدقوني لو تفاعلتو مع الموضوع أوعدكم ان شاء الله انه يكون بمثابه ارشيف لكل الاعبين..
عمود ارتكاز
21-11-2006, 12:56 PM
والله في محلات كثيرة عندها محموعة ألعاب جيدة ولكن لا يوجد محل تحصل فيه الألعاب الجديدة
الألعاب الجديدة تحصلها في سوق العليا للكمبيوتر ، اسأل عن بندر :)
رومنسي مره
21-11-2006, 01:42 PM
طيب هذي بدايه طيبه ....بس يا ريت لو تدلنا على محلات عشان انت عارف مشاكل الالعاب البي سي كثيره واضمن لو اخذناها من محل...ولا ايش رأيك؟
amajed
21-11-2006, 03:02 PM
فيه محلات تجيب لك اللعبه بعد اسبوع من نزولها في امريكا

وبعدين اخوي رومنسي انا مااحب حركة شجعوني واقول لكم ×_×
ياخي حط الي عندك مثل خلق الله بدون ماتخليهم يتحببون عندك

الي عندي هو محل النسر للبرامج
الالعاب الاصلية تنزل عنده اول باول وسريع سريع والي يبي الوصف يتصل عليهم وهذي ارقام فروعهم الثلاثه في الرياض

014659008
014773287
012481221

وتبي الصراحه احس ماعندك محلات في بالك .. اذا بغيت محلات ينفع تطلب مكان محلات وندلك بدون السيناريو هذا
ولو عندك ياليت تحطه مباشره !
XTrAcKeR
21-11-2006, 03:39 PM
السلام عليكم ورحمة الله وبركاته

للألعاب الجديدة عندك امبراطورية الحاسوب اعتقد هذا اسم المحل اذا ما كنت غلطان تحصله على الشارع اللي بين اسوق طيبة والعويس (ما اذكر اسم الشارع) .
وعندك محل اسمه جزيرة الكنز فيه هندي هناك اسمه "شيبو" المحل هذا تحصله في حراج الكمبيوتر خلف "أرض البرامج".

والالعاب القديمة تلقاها عند اللي يبيعون البرامح في حراج الكمبيوتر.
HDR
21-11-2006, 03:56 PM
أهلاً أخوي .... عندك محل أسمها احداثيات على طريق المدينة المنورة بالبديعة مقابل بلشرف غرب أسواق الرياض الدولي .... أتعامل معهم منذ سنوات طويلة ... أشرطتهم مضمونة و بسعر معقول ... حوالي 25 ريال والاشرطة ثنائي الطبقة ذو 8,5 جيجا بـ 50 ريال ...و الرجل أسمه أمجد ... وبالتوفيق ...
Angel Of Night
21-11-2006, 04:00 PM
في بعد محل على نفس الشارع اللي فيه خط الإنتظار
أظن هو امبراطورية الحاسوب والألعاب عنده أول بأول
WE Vll
21-11-2006, 11:09 PM
عندك جرير.. عندهم ألعاب EA جميعها..

و عندكم حراج العليا فيه محلات كثيرة..
رومنسي مره
21-11-2006, 11:32 PM
فيه محلات تجيب لك اللعبه بعد اسبوع من نزولها في امريكا

وبعدين اخوي رومنسي انا مااحب حركة شجعوني واقول لكم ×_×
ياخي حط الي عندك مثل خلق الله بدون ماتخليهم يتحببون عندك
ولو عندك ياليت تحطه مباشره !


استاذي امجد يشرفني انك تمر على موضوعي بصراحه
وبغيت اقولك انه في بالي محلات تجيب الالعاب اول بأول حتى قبل نزول الأصلي منها..!!! ومنظمين كتالوج وكل كم يوم يضيفون ألعاب جديده
لكن حبيت اشوف الاعضاء من يشترون العابهم ...
بسم الله :
فروع جيم نيشن(مملكه الألعاب)...
ف
فرعهم الرئيسي على طريق العروبه
1-امشي على التخصصي اتجاه تقاطع العروبه
2- خلي اليورومارشيه على يدك اليسار ..وادخل يمين على طريق العروبه
3-راح تحصل المحل على يدك اليمين قبل اول اشاره(اشاره الملك فهد)
WE Vll
22-11-2006, 03:18 PM
جيم نيشن..امممممممم أنا دايم آخذ منه ألعاب ال360..بس عمري ما شفت ألعاب جديدة للبي سي!
وبصارحة المحل ماعليه يعني يحاول ينافس وبقوة

عموماً هذي أشهر المحلات:

جيم ماستر، مركز النسر، ألعاب طوكيو، جيم نيشن (توه خاش بالمنافسه)، بيت الكومبيوتر

بعضهم يبيعون للبي سي ألعاب جديدة بس الحرام ان اسعارها غالية..

يعني مفروض 19$ يبيعونها بـ50$!!

وجميلة استاذ (أبو ماجد)
BeaUnkill
22-11-2006, 06:08 PM
بندر في حراج العليا وبس :D

ومش حتئدر تغمض عينيك D=
رومنسي مره
22-11-2006, 06:46 PM
شباب سألت عن آخر العاب البي سي اللي نزلت جيم نيشن
باتل فيلد ونيد فور سبيد كاربون
والباقي نسيته لان هذا اللي همني!!هههخ
دحـــــدح
24-11-2006, 01:49 PM
محل جمب محل جيم ماستر جمبه علطول لازقبه محل كمبيوتر صغير وشكله يجيب الهم بس عنده كل الالعاب الجيده حتى ونج اليفن 10 عنده ولعبه ديفدي ب40 ريال
WE Vll
24-11-2006, 08:49 PM
فيه محل بالسويدي اسمه على ما اظن الأفق للكومبيوتر..


كنت اشتري منه قبل 7 سنوات.. كان مافيه الا هو.. بس الحين ما يحتاج


العليا أقرب و أزين..
فارس المجد
25-11-2006, 09:46 AM
ألعاب بـ 50 ريال!http://smileys.smileycentral.com/cat/4/4_11_10.gif (http://www.smileycentral.com/?partner=ZSzeb001_ZNxmk133YYSA)
أشتري نسخة أصلية أحسنلي

أعرف محل صغير تتوفر فيه كل الألعاب المشهورة حتى الجديد منها وهو في شارع التحلية مقابل مدرسة العليا
السي دي فيه ب10 ريال فقط والـDVD ب 30 أو 45
رومنسي مره
25-11-2006, 12:56 PM
وش فيها لو كانت اللعبه مغلفه ومطبوع عليها صوره وفي علبه فخمه ودي في دي اديشن
مع الكراك والسيريال 50!! ا انا اشوف السعر مناسب جدا بل رخييييييص لان الاعاب البي سي تعمر

-طبعا انا اتكلم عن جيم نيشن-
راصد الأفلام
26-11-2006, 03:30 AM
جيم ماستر ... ؟!!

وينه فيه ذا المحل :(
راصد الأفلام
03-01-2007, 04:31 AM
اي والله انك صادق ياخوي : BeaUnkill

بندر وبس ... ومش حتقدر تغمض عينيك ... عيني عليه باردة ..

قمة الاخلاق والتعامل ... ماودك الى تشتري منه ....

عندي للعبة ; كويك 4

شهرين ورديتها له اقول ماتشتغل قام عطاني بدل اللعبة لعبتين وهو يقول ولا يهمك

وانا الغلطان ....

قمة التعامل ولا يهتم كم تدفع او كم الحساب ..

معاملة قلة في هذا الزمان ..:)
mr-pan
05-01-2007, 08:45 PM
محل ((عالم الأفاق)) محل كل الأشرطه الي على بالك عنده في السويدي
حتى الأشرطه الي توه نازل عنده
4255667
D.Otakon
05-01-2007, 09:02 PM
السلام عليكم

شباب في احد يعرف محل في البحرين يبيع اللعاب منسوخة للـPC ؟..وكم اسعارهم؟
SILENCE.98
07-01-2007, 10:18 PM
حراج الكمبيوتر نياهاهاههاها
‍‍‍
08-01-2007, 12:33 AM
طيب من الي يعرف محل يبيع العاب اصليه لان البي سي افضل شي الاصليه الكوبي كله مشاكل وماتقدر تلعب جماعي
k115
28-11-2007, 02:05 PM
اصلي جرير كل الفروع

والنسر الي بشارع ثلاثين السليمانيه
k115
28-11-2007, 02:13 PM
ما اظن فيه افضل من العاب تركي الي بسطته بحراج العليا قدام صراف ساب كل شي جديد ولا فيها اي مشاكل ولي سنتين اتعامل معه بس الفتره الاخيره ما صرت اشتري الا اصلي