The Elder
25-11-2001, 06:12 AM
مرحبا يا شباب
حبيت اكتب هذا الموضوع عن ستار وورز وكريزي تكسي بعد تجربتهم على الكيوب. بس قبل ما ابدى احب اقول اني احب العاب الطيران ويمكن هذا ياثر على تقيمي للالعاب.
ستار وورز/ جربت اللعبة لمدة ثلاث ايام (تقريبا 9 ساعات) واقدر اقول ان اللعبة ممتعة. فعلا اشتاق اني العبها مرة ثانية لانها تعطي كل من يحب العاب الطيران كل الي يتمناه. تحكم جيد، مساحة كبيرة، رصاص، ليزر، قذائف، قنابل، صواريخ. اللعبة فيها عشر مهمات وبعضها صعبة جدا. عادة انك تنفذ المهمات وفيه عشرات المدافع تطلق عليك وعشرات الطيارات تهاجمك واحيانا تلصق وحدة وراك ما تفكك ولا تخليك تقدر تنفذ المهمة لانك لازم تلفلف على طول عشان ما تدمرك. تحمل طيارتك للرصاص جيد خاصة كل ما تقدمت في المراحل وعطوك طيارة جديدة. الاصوات رائعة خاصة كل الاتصالات اللاسلكية من رؤسائك واصدقائك وجنودك، حتى من اعدائك وهم يهددونك. فعلا كانك في حرب حقيقية. الرائع انك تتحكم في معاونيك(واحيانا الجنود على الارض). تامرهم (بل D-Pad) اذا تبغاهم يهاجمون الطيارات المعادية او يضربون المدافع الارضية او يبقون معاك. وفعلا تشوفهم ينفذون طلبك بالحرف ويقاتلون واحيانا يموتون. المهمات مختلفة. احيانا تدمر اهداف او ترمي قنابل على مباني او تحمي طيارات ضخمة(تحتاج لغة عشان تفهم وش المطلوب منك). عادة يكون عندك وقت محدد لتنفيذ المهمة قبل ما الاعداء يدمرونك او يدمرون الي مفروض تحميه.
- مميزات اللعبة: رسوم جبارة، اصوات ستريو رائعة، مهمات متنوعة، اماكن ضخمة، تحكم ممتاز، افلام حقيقية لاول مرة في لعبة لننتندو. وقت التحميل لا يذكر.
- عيوب اللعبة: الوان اللعبة قليلة (اغلب اللعبة رصاصي)، بعض المراحل صعبة جدا. لاعب واحد فقط.
الخلاصة: اللعبة ممتازة للي يحبون العاب الطيران. اللي ما يحبون الطيران يمكن يملون بعد كذا مرحلة لان اللعب متشابه. يعني اللي شاف ان ستار فوكس مثلا رائعة فلا يفوت هذي اللعبة. فعلا رائعة.
كريزي تكسي/ جربت اللعبة لمدة ثلاث ايام (تقريبا 4 ساعات) اقدر اقول ان اللعبة مجنونة فعلا. انت سواق تكسي في مدينة مليانة زباين. ركب الزبون ويقولك وين يبغي (بيظهر سهم يبين وين تروح) وعليك توصيله باسرع وقت وباي طريقة. الوقت محسوب ويزيد شوي كل ما وصلت احد والزبون بيعطيك فلوس على التوصيلة. وصلة بسرعة وخذ واحد ثاني وهكذا. المتعة في صراخ الناس في الطريق وسب السيارات الاخرى وزباينك بعد. بس انت ما عليك، حط رجلك وصل الزبون وخذ فلوسك. صحيح تقدر تكسر اي شي بس الناس ما تقدر تصدمهم. طبعا الرسوم حلوة والاصوات والموسيقى رائعة. الطريق مختلف وفيه شوارع ضيقة وجسور نص مفتوحة تطير عليها واحيانا تسوق تحت المويه. السيارات كلها كشف وموديلاتها قديمة وعندك اربع شخصيات تختار منهم ويختلفون في نوع السيارة وتعليقاتهم. سرعة اللعبة فعلا مجنونة وكنها لعبة اركيد فعلا. شوي وتدور مكان تحط فيه هلل في جهاز الكيوب.
- مميزات اللعبة: رسوم حلوة، اصوات رائعة جدا، وتحكم ما قد شفت افضل منه. تعليقات مسلية جدا. بعض الالعاب الجانبية المسلية.
- عيوب اللعبة: مدينتين فقط, راح تحفظ شوارعها بعد فترة بسيطة. لاعب واحد فقط. مافي شرطة تلاحقك.
الخلاصة: اللعبة مسلية جدا وبتخليك تتعرف على متعة العاب سيجا. المشكلة انها محدودة وبلاعب واحد فقط. يعني ما راح تلعبها لمدة طويلة. الي ما قد لعبها على الدريم كاست نصيحة يجربها عند صديق او محل لانه ممكن جدا يتعلق فيها ويشتريها. النصيحة الاكبر ان الواحد يستنى لين يرخص سعر اللعبة ويشتريها. اللعبة ممتعة ما تتفوت بس قصيرة ما تستاهل سعر لعبة جديدة.
ارجو اني عطيتكم فكرة عن هذي الالعاب قبل ما احد يشتريها. اللي اكيد انك تشتري لويجي لان فعلا فيها سحر ننتندو الي ما راح يخليك تندم ابدا.
التقرير القادم للعبة فيفا 2002 ان شاء الله
الدر
حبيت اكتب هذا الموضوع عن ستار وورز وكريزي تكسي بعد تجربتهم على الكيوب. بس قبل ما ابدى احب اقول اني احب العاب الطيران ويمكن هذا ياثر على تقيمي للالعاب.
ستار وورز/ جربت اللعبة لمدة ثلاث ايام (تقريبا 9 ساعات) واقدر اقول ان اللعبة ممتعة. فعلا اشتاق اني العبها مرة ثانية لانها تعطي كل من يحب العاب الطيران كل الي يتمناه. تحكم جيد، مساحة كبيرة، رصاص، ليزر، قذائف، قنابل، صواريخ. اللعبة فيها عشر مهمات وبعضها صعبة جدا. عادة انك تنفذ المهمات وفيه عشرات المدافع تطلق عليك وعشرات الطيارات تهاجمك واحيانا تلصق وحدة وراك ما تفكك ولا تخليك تقدر تنفذ المهمة لانك لازم تلفلف على طول عشان ما تدمرك. تحمل طيارتك للرصاص جيد خاصة كل ما تقدمت في المراحل وعطوك طيارة جديدة. الاصوات رائعة خاصة كل الاتصالات اللاسلكية من رؤسائك واصدقائك وجنودك، حتى من اعدائك وهم يهددونك. فعلا كانك في حرب حقيقية. الرائع انك تتحكم في معاونيك(واحيانا الجنود على الارض). تامرهم (بل D-Pad) اذا تبغاهم يهاجمون الطيارات المعادية او يضربون المدافع الارضية او يبقون معاك. وفعلا تشوفهم ينفذون طلبك بالحرف ويقاتلون واحيانا يموتون. المهمات مختلفة. احيانا تدمر اهداف او ترمي قنابل على مباني او تحمي طيارات ضخمة(تحتاج لغة عشان تفهم وش المطلوب منك). عادة يكون عندك وقت محدد لتنفيذ المهمة قبل ما الاعداء يدمرونك او يدمرون الي مفروض تحميه.
- مميزات اللعبة: رسوم جبارة، اصوات ستريو رائعة، مهمات متنوعة، اماكن ضخمة، تحكم ممتاز، افلام حقيقية لاول مرة في لعبة لننتندو. وقت التحميل لا يذكر.
- عيوب اللعبة: الوان اللعبة قليلة (اغلب اللعبة رصاصي)، بعض المراحل صعبة جدا. لاعب واحد فقط.
الخلاصة: اللعبة ممتازة للي يحبون العاب الطيران. اللي ما يحبون الطيران يمكن يملون بعد كذا مرحلة لان اللعب متشابه. يعني اللي شاف ان ستار فوكس مثلا رائعة فلا يفوت هذي اللعبة. فعلا رائعة.
كريزي تكسي/ جربت اللعبة لمدة ثلاث ايام (تقريبا 4 ساعات) اقدر اقول ان اللعبة مجنونة فعلا. انت سواق تكسي في مدينة مليانة زباين. ركب الزبون ويقولك وين يبغي (بيظهر سهم يبين وين تروح) وعليك توصيله باسرع وقت وباي طريقة. الوقت محسوب ويزيد شوي كل ما وصلت احد والزبون بيعطيك فلوس على التوصيلة. وصلة بسرعة وخذ واحد ثاني وهكذا. المتعة في صراخ الناس في الطريق وسب السيارات الاخرى وزباينك بعد. بس انت ما عليك، حط رجلك وصل الزبون وخذ فلوسك. صحيح تقدر تكسر اي شي بس الناس ما تقدر تصدمهم. طبعا الرسوم حلوة والاصوات والموسيقى رائعة. الطريق مختلف وفيه شوارع ضيقة وجسور نص مفتوحة تطير عليها واحيانا تسوق تحت المويه. السيارات كلها كشف وموديلاتها قديمة وعندك اربع شخصيات تختار منهم ويختلفون في نوع السيارة وتعليقاتهم. سرعة اللعبة فعلا مجنونة وكنها لعبة اركيد فعلا. شوي وتدور مكان تحط فيه هلل في جهاز الكيوب.
- مميزات اللعبة: رسوم حلوة، اصوات رائعة جدا، وتحكم ما قد شفت افضل منه. تعليقات مسلية جدا. بعض الالعاب الجانبية المسلية.
- عيوب اللعبة: مدينتين فقط, راح تحفظ شوارعها بعد فترة بسيطة. لاعب واحد فقط. مافي شرطة تلاحقك.
الخلاصة: اللعبة مسلية جدا وبتخليك تتعرف على متعة العاب سيجا. المشكلة انها محدودة وبلاعب واحد فقط. يعني ما راح تلعبها لمدة طويلة. الي ما قد لعبها على الدريم كاست نصيحة يجربها عند صديق او محل لانه ممكن جدا يتعلق فيها ويشتريها. النصيحة الاكبر ان الواحد يستنى لين يرخص سعر اللعبة ويشتريها. اللعبة ممتعة ما تتفوت بس قصيرة ما تستاهل سعر لعبة جديدة.
ارجو اني عطيتكم فكرة عن هذي الالعاب قبل ما احد يشتريها. اللي اكيد انك تشتري لويجي لان فعلا فيها سحر ننتندو الي ما راح يخليك تندم ابدا.
التقرير القادم للعبة فيفا 2002 ان شاء الله
الدر