الحياة الأسرية *~ نقاش للشباب فقط ...<<< عن معشوقتهم الازلية .............................السرعة [الأرشيف]

~*RoSaMaRia*~

08-12-2006, 10:59 AM

السلام عليكم ورحمة الله ..

موضوع للشباب ...
بس ذا لا يعني انو الصبايا ...يقفن مكتوفات الايادي ...
لازم نحشر نفسنا في كل شي ...:09:
واللي في نفسها شي ..لا تستحي ...خل تقوله ..:biggthump
الموهيم ..
النقاش باختصار ..
ليه الشباب يحبو السرعة والسيارات ..؟
ليه في شباب يسرعو ويفحطو ومدري ايش ..
مع انهم عارفين انو ذا شي خطير بل ومميت ...؟
اش شعورهم ..؟
وما يفكرو في غيرهم من اللي في الشارع ..؟
هل تعرضت لحادث سير ..؟ قص علينا القصة بالتفصيل ..
من والى ..اوكي ؟؟
يللا
نبغي تفاعل لانو الموضوع بروحه حماسي ..:biggthump
سيارات وسرعة ...:D

الجمس الحمر

08-12-2006, 12:39 PM

السيارة أداة فيها قوة كبيرة .... واللي يركبها يحس بالقوة هذي :p

التفحيط ومدري شنو .... فن في قيادة السيارة والتحكم بهذه الالة القوية

مثل الطيار اللي يعمل حركات بالجو

ما اقصد الانتحار .... ولكن عندنا بالكويت رابطة ونادي للتفحيط والمفحطين :D

اما ما اراه في بعد افلام التفحيط السعودية ... واكرر انها في السعودية فقط

انتحاااااااااااااااااااااار

ورأي ان هذا الشاب ..ما يفحط الا ماكل شيئ - حبوب . مخدر الخ

وفيه سبب ثاني ..... ما عندهم شغل

مراهق فيني طاقة كبيرة بطلعها .... اذا ما لقيت مكان اقدر اطلع فيه هالطاقة ... وشسوي ؟ :boggled:

بالكويت عندنا المخيمات والبحر .... هناك من كثر ما تتحرك ترجع البيت تنام يومين :D

سواء كان لعب كرة او طائرة او ركض او صيد او تفحيط ( مؤدب ) او تطعيس

وكلها شغلات ونيسة ممتازة لتضييع الوقت ... ولها فائدة

قسم ثاني بالكويت ... ماكو شغل

فتلقاه يحوس بالمجمعات .... مشاكل و تعدي على اعراض البشر
و الحين تطوروا ...... مرات خمر اذا قدروا يجيبون .... اعمال منافية للادب من راسهم لكرياسهم

بالسعودية هذا النوع ...نفسه ..ولكن الاسلوب يختلف ..لاختلاف البيئة هناك

تفحيط ... استراحات الله يعلم وشيصير فيها

و انت رااايح :)

---------

حوادث .... ما اذكر ولكن الربع صارلهم كثير ودخلوا المستشفى :D

حوادث مرورية خاصة في الطرق البرية وليس تفحيط

بس مرة كنا نسوق الجيب ... وكان اللي يسوق مسرع ( وهو ما يعرف يسوق )

لفت فينا السيارة من الرمل الناعم

وانا اشوف الارض والسيارة تمشي بالعرض

كان موقف مرعب جدا ... ولكن الحمد لله ما انقلبت :)

Ahmed Blight

09-12-2006, 03:24 AM

خخخ انا خارج القائمة المقصودة :09:
ما احب السرعة خخخ >>> اضافة اني اكره العاب السيارات و الاشياء المماثلة و ما عندي مثلها خخ و لا افكر اشتري :09:

غير ان ابوي مللني من محاضرة السرعة و لازم يسألني اصحابك يسوقو سريع و لا ايش :bigeyes:

خخخ بعدين انا لما اكون مع اصحابي و يكون الي يمشي فينا تجاوز اللمت السبيد للشارع لازم اعمل تذكير خخ ان تجاوزنا اللمت سبيد و احصل عبارة: احمدو شعليك انت من اللافتة ما لها معنى خخخخ
فأنا ارد: حنا في البحرين تسمون هذي شوارع بعد عشان تسوقوا بسرعة خخخ :09:

بعدين مهما الناس تكلمت في الموضوع محد راح يسمع
دامهم يشوفوا نتيجة الشيء و ما يتعضوا
خلاص خلهم يتعضوا بعد الحادث :09: <<< اذا ما قلنا للي عمله الله يرحمه :09:

sweet Mio

09-12-2006, 05:50 PM

انا اسوق سيارة لكن اخاااااااااااااااااف من السرعه ><"
وبصراحه عندنا بالكويت الشباب كلهم واغلبهم يحبون السرعه بالسياره والاستعراض مع ان في نوادي خاصه للي يحب هالشي ><"
والله انا عندي اخوي اللي اصغر مني بسنه يمووووت بالسرعه ودايم يستعرض ><"
واخاااف يصير له شي بسبب طيشه بالسياره ><"
واشوف الكويت شبابها كله جذي ><"
الله يستر عليهم بس ويبطلون هالحركات
>>>> تخاف تتهور على يوم وتدوس بسرعه :09:
احيانا احس انها ممتعه لكن ......... :02:
وانا احب السرعه والاستعراض في البر :D ممتع ممتع ممتع ووناااااااااااسه
اما بالشارع لاااااااااااااااااااا ><"
ثااانكس روزا ^^..
سي يوووو ^.^

full option

09-12-2006, 06:35 PM

هذا يسمونه عمى السرعه يعني اذا الواحد يسوق 200 يحس ان سرعته 80
واذا كان يسوق عال80 يحس ان السياره واقفه مكانها :D

sweet Mio

09-12-2006, 06:46 PM

هههههههههه
هههههههههههههه
والله كلامك صحيح 100 %
وهذا فعلا اللي حاصل

.::RaK_BoY::.

09-12-2006, 07:46 PM

انا نفس الشي
اذا اسرع تحت ال150 احس ان بييني الرقاد
لازم شي يونسني
مرة وانا راجع من دبي اخواني كانو وياي....المهم صارة وااايد اشياء(تهورت) ومن هذاك اليوم محد يركب وياي...يقولولي انت مينون تبا تموت
احنا ما نبا نموت
مووت بروحك ^^;
وفي مرة تهورت وكنت بسوي دريفت
بس للاسف
عفدت الحواجز XD
-----
الناس ما تفكر
كل همهم انهم يوصلون بسرعه
اما عن اللي يفحطون
كأنهم يقولو<<يا ناس شوفوني شو اسوي
اللي هي قاعد تحرق توايرك وتخرب المكينه...وبعدين؟
تقعد تصيح سيارتي اختربت
والسموحة

الوصلاوي

09-12-2006, 09:39 PM

اوووووووووو .. ايام الصراحه ^^ ..

السبب ..
إن الشاب فيه طاقه .. في فترة من الفترات ..
ولا يعرف كيف يفرغ هذه الطاقه ..

الصراحه أنا من النوع الي يفحط و يسرع ..
لكن هالكلام كان في السابق .. ماقول إني بريء 100% الحين ..
ولكن على الخفيف :)

قبل كنت دوووووووومـ أســرع ..
دووووووووم ألعب في السيارة ..

كان عندي لكزس قبل ..
ما يمر يوم دون ما أسوي شي فيه ^^ ..
مغير الكمبيوتر .. و امبطل الكتمه ^^ ..
طيارة الصراحه كان ..

كنت كل فترة أبدل التواير ..
وحتى نزلت القير مرتين ..

لين ما السيارة هورت ..
على آخر أيامها .. كان الكامري يطوفني قومه ..!.! :blackeye:

مع هذا ما بطلت من هالسوالف ..
لين مادعمت وتكنسلت السيارة ..

عقب يوم تميت فترة بدون سيارة . عرفت قيمتها ..
الحين عندي لكزس بعد ..
لكن الحمدلله محافظ عليه ..

وصرت بعيد عن هالحركات :)

بالنسبة للسرعة ..
اتمنى من الشباب إنهم ما يسرعون ..
صدقوني السيارة من بعد الـ 140 .. إذا صار أي شي بسيط .. " لو كنت أحسن سواق في البلد " .. بتنسى كل شي في ذيج الحزة ..!!
كل شي يصير بسرعه ..
وما بتعرف تتصرف ..!.

الله يهدي شبابنا .. :)
أفضل شي ..

إنشاء أندية لهذي الأشياء ..
مثل ماهو صاير عندنا في الإمارات ..

في حلبات سباق ..
وفي أندية ..

وعندنا حلبة الفجيرة للدراق ريس ..
وأماكن كثير لإخراج هذه الطاقات .. منها : عوافي .. :)

الله يحفظكم إن شاء الله

الوصــــــــــلاوي

~*RoSaMaRia*~

09-12-2006, 10:39 PM

اهلين اخويا الجمس الحمر ...
السيارة أداة فيها قوة كبيرة .... واللي يركبها يحس بالقوة هذي :p

منطق جميل ..!! :أفكر:
التفحيط ومدري شنو .... فن في قيادة السيارة والتحكم بهذه الالة القوية
مثل الطيار اللي يعمل حركات بالجو
ما اقصد الانتحار .... ولكن عندنا بالكويت رابطة ونادي للتفحيط والمفحطين :D
يعني هالرابطة تعلم التفحيط على سنع والا تنظم نشطات المفحطين ..؟!! :33:
اما ما اراه في بعد افلام التفحيط السعودية ... واكرر انها في السعودية فقط
انتحاااااااااااااااااااااار
ورأي ان هذا الشاب ..ما يفحط الا ماكل شيئ - حبوب . مخدر الخ
ذكرتني بتسجيلة التفحيطات السعودية الي حطوها على قناة الـ BBC
واشادو بيها اشادة كبيرة ...!! :boggled:
وفيه سبب ثاني ..... ما عندهم شغل
مراهق فيني طاقة كبيرة بطلعها .... اذا ما لقيت مكان اقدر اطلع فيه هالطاقة ... وشسوي ؟ :boggled:
ايه هالسبب متفشي كثير ...بس الصراحة زي ما قلت في كلامك اللي تحت ..
انو في طرق ممتازة ومفيدة لملأ وقت الفراغ ليه التفحيط ..يعني ؟؟ !! :33:
بالكويت عندنا المخيمات والبحر .... هناك من كثر ما تتحرك ترجع البيت تنام يومين :D
يا بختكم .:( ..احس احنا البنات ما يحصل لنا نتشيطن على راحتنا ...!! :biggthump
سواء كان لعب كرة او طائرة او ركض او صيد او تفحيط ( مؤدب ) او تطعيس
وش يعني ..."تطعيس"..؟ :33: :33:
قسم ثاني بالكويت ... ماكو شغل
فتلقاه يحوس بالمجمعات .... مشاكل و تعدي على اعراض البشر
و الحين تطوروا ...... مرات خمر اذا قدروا يجيبون .... اعمال منافية للادب من راسهم لكرياسهم
بالسعودية هذا النوع ...نفسه ..ولكن الاسلوب يختلف ..لاختلاف البيئة هناك
تفحيط ... استراحات الله يعلم وشيصير فيها
و انت رااايح :)
ايه للاسف الشديد هالاشكال وهالفساد موجود في كل مكان ...
وما يشيب له الراس انو هالظواهر بدت تتفشى بقووووة
حوادث .... ما اذكر ولكن الربع صارلهم كثير ودخلوا المستشفى :D
الموهيم انهم قامو بالسلامة ..:)
حوادث مرورية خاصة في الطرق البرية وليس تفحيط
بس مرة كنا نسوق الجيب ... وكان اللي يسوق مسرع ( وهو ما يعرف يسوق )
لفت فينا السيارة من الرمل الناعم
وانا اشوف الارض والسيارة تمشي بالعرض
كان موقف مرعب جدا ... ولكن الحمد لله ما انقلبت :)
يمااااااااا ...يخوف ..!!!
الحمد لله ع السلامة ...وكويس انو الله ستر :)

~*RoSaMaRia*~

10-12-2006, 02:41 PM

خخخ انا خارج القائمة المقصودة :09:

ما احب السرعة خخخ >>> اضافة اني اكره العاب السيارات و الاشياء المماثلة و ما عندي مثلها خخ و لا افكر اشتري :09:
عجييييييييييييبة ...اول مرة اشوف ولد كيدا ..؟! :bigeyes:
من صجك انتا والا تمزح ..؟! :33:
غير ان ابوي مللني من محاضرة السرعة و لازم يسألني اصحابك يسوقو :(
هههههههههه اكيد لانه يدري فيك بزر وينخاف عليك ...:09:
خخخ بعدين انا لما اكون مع اصحابي و يكون الي يمشي فينا تجاوز اللمت السبيد للشارع لازم اعمل تذكير خخ ان تجاوزنا اللمت سبيد و احصل عبارة: احمدو شعليك انت من اللافتة ما لها معنى خخخخ
فأنا ارد: حنا في البحرين تسمون هذي شوارع بعد عشان تسوقوا بسرعة خخخ :09:
احمدو ربكم على شوارعكم في البحرين ...بالنسبة لشوارع مدينتنا كنه شوارع الجنة والنعيم :D ...
يوم كنا في البحرين ..اخويا قام يسرع ويطلع حرة المطاب والخوف على السيارة من التكسر ..
!!!!! :boggled:
بعدين مهما الناس تكلمت في الموضوع محد راح يسمع
دامهم يشوفوا نتيجة الشيء و ما يتعضوا
خلاص خلهم يتعضوا بعد الحادث :09: <<< اذا ما قلنا للي عمله الله يرحمه :09:
اول مرة تقول حاجة فيها حكمة ...!! :09: خخخخخخ :bigok:
صح لسانك ..:biggthump
وتسلم ع المشاركة الحلوة ...

~*RoSaMaRia*~

10-12-2006, 02:47 PM

انا اسوق سيارة لكن اخاااااااااااااااااف من السرعه ><"
يا بختك والله سويتي تسوقين ...مو انا !! :( وش اسم سيارتك ؟؟ :أفكر:
والله انا عندي اخوي اللي اصغر مني بسنه يمووووت بالسرعه ودايم يستعرض ><"
واخاااف يصير له شي بسبب طيشه بالسياره ><"
اقول انتبهي له بس دام انك اخته الكبيرة ...عن لا سمح الله وبعيد الشر ..
يسير ما لا تحمد عقباه ...:(
واشوف الكويت شبابها كله جذي ><"
الله يستر عليهم بس ويبطلون هالحركات
اغلبية الشباب في كل مكان كيدا ...
الله يحفظهم لاهلهم ...ويخفف من رجاجتهم ...
>>>> تخاف تتهور على يوم وتدوس بسرعه :09:
احيانا احس انها ممتعه لكن ......... :02:
ههههههههههههه ...يبغي لها قلب يا حبيبتي ...قلب قوووووي ;)
وانا احب السرعه والاستعراض في البر :D ممتع ممتع ممتع ووناااااااااااسه
اما بالشارع لاااااااااااااااااااا ><"
ايه احسن ..لانو في الشارع الارواح المعرضة للخطر عددها كبير ...
ثااانكس روزا ^^..

سي يوووو ^.^
يور موست ويلكم سويتي ...
نورتيني يالغلا ;)

~*RoSaMaRia*~

10-12-2006, 02:49 PM

هذا يسمونه عمى السرعه يعني اذا الواحد يسوق 200 يحس ان سرعته 80

واذا كان يسوق عال80 يحس ان السياره واقفه مكانها :D

ههههههههههههه ..
يبغي لي اجرب اشوف اذا كلامك عدل ...!!! :biggthump

~*RoSaMaRia*~

10-12-2006, 03:00 PM

انا نفس الشي
اذا اسرع تحت ال150 احس ان بييني الرقاد
لازم شي يونسني
خخخخخخخ ..يعني السرعة هي الحل الوحيد ؟! :09:
مرة وانا راجع من دبي اخواني كانو وياي....المهم صارة وااايد اشياء(تهورت) ومن هذاك اليوم محد يركب وياي...يقولولي انت مينون تبا تموت
احنا ما نبا نموت
مووت بروحك ^^;
ههههههههه ...تسدق عاد ..؟؟ انا امووووووت على ركبة السيارة مع شخص متهور ومرجوج ..
احس اكشن ووناسة بالحيـــــــــل ...:wow:
وفي مرة تهورت وكنت بسوي دريفت
بس للاسف
عفدت الحواجز XD
احسن ...خخخ :09:
الناس ما تفكر
كل همهم انهم يوصلون بسرعه
مع انو السرعة داخل المدن ما توفر وقت كثير ..
يعني لو يسرع في خط مممكن يوفر وقت اكثر وممكن يستاهل يسرع شوي ..
بس اكيد ما يبرر ..
اما عن اللي يفحطون
كأنهم يقولو<<يا ناس شوفوني شو اسوي
اللي هي قاعد تحرق توايرك وتخرب المكينه...وبعدين؟
تقعد تصيح سيارتي اختربت
ههههههههههههههههه ...:D
ما اتوقع ان اللي بيفحط ...بيحط اهمية لسيارته والمحافظة عليها
ومدري ايش ...كل همه يستعرض وبس !! :biggthump

شاكرة لك تواجد معنا وابداء رايك ...مررررررة :)

~*RoSaMaRia*~

10-12-2006, 03:11 PM

السبب ..
إن الشاب فيه طاقه .. في فترة من الفترات ..
ولا يعرف كيف يفرغ هذه الطاقه ..
زي ما قال اخويا الجمس فيه طرق اخرى لتفريغ هالطاقات
مو الا التفحيط والسرعة ...
الصراحه أنا من النوع الي يفحط و يسرع ..
لكن هالكلام كان في السابق .. ماقول إني بريء 100% الحين ..
ولكن على الخفيف :)
ليه ...؟ وش صار لك وهونت عن التفحيط ..؟ :33: اكيد حادث الله يكافينا الشر :(
كان عندي لكزس قبل ..
ما يمر يوم دون ما أسوي شي فيه ^^ ..
مغير الكمبيوتر .. و امبطل الكتمه ^^ ..
طيارة الصراحه كان ..
كنت كل فترة أبدل التواير ..
وحتى نزلت القير مرتين ..لين ما السيارة هورت ..
على آخر أيامها .. كان الكامري يطوفني قومه ..!.! :blackeye:
خخخخخخخخ ..معقولة ؟؟ :wow:
مع هذا ما بطلت من هالسوالف ..
لين مادعمت وتكنسلت السيارة ..
الموهيم انك قمت بالسلامة ..وما جاك مكروه
عقب يوم تميت فترة بدون سيارة . عرفت قيمتها ..
يااااااااااااااااااوك ...الحياة بلا سيارة مدري كيف تمشي !!! :boggled:
الحين عندي لكزس بعد ..
لكن الحمدلله محافظ عليه ..
ان شا الله تبقى محافظ عليه وتورثه احفاد احفادك ...:biggthump
وصرت بعيد عن هالحركات :)
خلك كيدا دوم ألزم لسلامتك ..:)
بالنسبة للسرعة ..
اتمنى من الشباب إنهم ما يسرعون ..
صدقوني السيارة من بعد الـ 140 .. إذا صار أي شي بسيط .. " لو كنت أحسن سواق في البلد " .. بتنسى كل شي في ذيج الحزة ..!!
كل شي يصير بسرعه ..
وما بتعرف تتصرف ..!.
اهااااا ...واضح انو كلامك عن خبرة اكيدة ...
يبغي للشباب يسمعون كلامك ...بس الصراحة انا بجرب بالاول وبعدينا باسمع كلامك ...:09:
الله يهدي شبابنا .. :)
أفضل شي ..
ان شا الله ياااااارب :)
إنشاء أندية لهذي الأشياء ..
مثل ماهو صاير عندنا في الإمارات ..
في حلبات سباق ..
وفي أندية ..
وعندنا حلبة الفجيرة للدراق ريس ..
وأماكن كثير لإخراج هذه الطاقات .. منها : عوافي .. :)
شي حلو على الاقل ما تتعرض ارواح الناس اللي في الشارع للخطر ...
في الحلبة السواقين بروحهم هناك وينجازون بارواحهم ...:p
الله يحفظكم إن شاء الله
الله يسمع منك ..وربي يحفظك لحبايبك ويحفظهم ليك ...

Ahmed Blight

10-12-2006, 04:31 PM

:09:
عجييييييييييييبة ...اول مرة اشوف ولد كيدا ..؟! :bigeyes:
من صجك انتا والا تمزح ..؟! :33:

خخخخخخخخ لول نايس اني اول واحد >>> مضيع :09:
بعدين على بالك كل الاولاد اكتنغ ستيوبد
العرب اغلبهم خخ بس اذا نظرتي الى الغرب هم ملتزمين بقوانين القيادة اكثر من العرب
طبعا مو كلهم بس الاغلبية >>> فانتي حذفي اسمي من قائمة العرب :09:

انا امي اذا تسوق بسرعة لازم المح و انوه
بس مرة انا و اصحابي سقنا 220 خخخخ لما كنا مسافرين الكويت
كنا ماخذين يسار و كل من يكون حد قدامنا نعطيه فلاش يبعد خخخخخ
ذاك الوقت كان وناسة تحس الشارع فاضي :09: >>> هو تجي حالات احب السرعة بس مرة في السنة خخخ

و العب العاب سيارات لما اكون مع اصحابي >>> حده كراش ريسنغ << امزح العب نيد فور سبيد :09:

هههههههههه اكيد لانه يدري فيك بزر وينخاف عليك ...

اي بزر عندك مانع :09::09::09: >>> خخخخخ

احمدو ربكم على شوارعكم في البحرين ...بالنسبة لشوارع مدينتنا كنه شوارع الجنة والنعيم :D ...
يوم كنا في البحرين ..اخويا قام يسرع ويطلع حرة المطاب والخوف على السيارة من التكسر ..
!!!!! :boggled:

خخخخخخخ انا ما يهمني الموضوع الي يبغي يموت الباب مفتوح وليش اهتم دامه بايع نفسه :D
:09:

اول مرة تقول حاجة فيها حكمة ...!! :09: خخخخخخ :bigok:
صح لسانك ..:biggthump
وتسلم ع المشاركة الحلوة ...

خخخ انتي حاقده علي روزا :09: <<<< يستهبل
خلاص كل يوم بقول لك حاجة مفيدة >>> بس ما تتعلق بالعرب >> ما احب امدحهم :09:

سلاااامز

sweet Mio

10-12-2006, 04:42 PM

يا بختك والله سويتي تسوقين ...مو انا !! :( وش اسم سيارتك ؟؟ :أفكر:
اي والله اسوق ><"
سيارتي لانسر 2007
اقول انتبهي له بس دام انك اخته الكبيرة ...عن لا سمح الله وبعيد الشر ..
يسير ما لا تحمد عقباه ...:(
اي اي اكيد بس هو الله يهديه ما يسمع الكلام ويموووت بالاستعراض والاخ يروح نادي عشان يستعرض :blackeye:

اغلبية الشباب في كل مكان كيدا ...
الله يحفظهم لاهلهم ...ويخفف من رجاجتهم ...
امين :o
ههههههههههههه ...يبغي لها قلب يا حبيبتي ...قلب قوووووي ;)
ايه والله معاج حق

يور موست ويلكم سويتي ...

نورتيني يالغلا ;)
يسلمو حبيبتي ^.~

عقبالج ان شاء الله تسوقي سياره :D

~*RoSaMaRia*~

10-12-2006, 04:47 PM

~*RoSaMaRia*~

10-12-2006, 04:51 PM

عقبالج ان شاء الله تسوقي سياره :D

الله يسمع منك ...
من بؤك لباب السما :( <<< انقلبت مصرية

Ahmed Blight

10-12-2006, 05:24 PM

Lus
لي باك ان شا الله مع رد مفصل عليك ..
بس دحينا مو مشتهية اتناجر معاك ما لي نفس السراحة ..:28:
الموهيم تدري وش اللي لي نفسه دحينا وفي هالمومنت ؟ :أفكر:
انهم يجيبوك يجلسوك قدامي ..واطارقك كم من طراق يمكن تصحى ..
والا تهد عنك الرجاجة ...:biggthump
احس انك بتجيب ليا الضغط والسكر وبتفطر مرارتي ..:02:
الله يسامحك يا الشين ...:12:
بس جد بودي اتناقش وياك نقاش طويييييل ..
ابغي اشوف تاليتها معاك وهل اقدر اقنعك بوجهات نظري ,,,؟ :أفكر:
والا النقاش معاك عقيم ؟؟وما يجيب عيال ...؟ :09:
يللا سي يو ليتر ..:biggthump

خخخخخخخخ ذكرتيني ببنت قالت لي لو اشوفك وجه بوجه بعطيك سطار >>> و ابشرك في غيرها قالوا لي نفس الشيء <<< ناوي يغيضك

خخخ و لا كمان اذا ارويكي محادثة لي مع بنت خالتي سبيت فيها بنات البحرين ايش تعملي :09:

تناقشي نو بروب خخخ بس ما اتوقع توصلي لنتيجة >>> يظل تفكيرك كفتاة عربية :09:
بس في امل للنقاش اذا افكارك مطورة مو عربية عقيمة :09:
يلا سي يا

~*RoSaMaRia*~

12-12-2006, 10:27 PM

العرب اغلبهم خخ بس اذا نظرتي الى الغرب هم ملتزمين بقوانين القيادة اكثر من العرب
يا كثر المخالفات المرورية عند الغرب ..
ويا كثر اللي يسوقو وهم مخمورين ...
اقول بس ريحني بلاش غرب بلاش حكي ما له داعي ...
:31:
هو تجي حالات احب السرعة بس مرة في السنة خخخ
كويس طلع عندك عرق الرجة الولادية ...:biggthump
لاني بديت اشك ..!! :33: <<< في ايش ..؟؟!!! :boggled: خخخخخخخخ
و العب العاب سيارات لما اكون مع اصحابي >>> حده كراش ريسنغ << امزح العب نيد فور سبيد :09:
اقول ...مو كنو كراش ريسينغ زاااااااااايد عليك ..؟ :33:
خييييييييخ ...
خخخخخخخ انا ما يهمني الموضوع الي يبغي يموت الباب مفتوح وليش اهتم دامه بايع نفسه :D
:09:
ايه ...عاد انت ما يحتاج ...
اللهم نفسي ..وبس !!:09:
خخخ انتي حاقده علي روزا :09: <<<< يستهبل
لساتك عارف ..؟ :33:
انا وانت عداؤنا مستحكم من يوم الله خلقنا ..:biggthump
خيخ

خخخخخخخخ ذكرتيني ببنت قالت لي لو اشوفك وجه بوجه بعطيك سطار >>> و ابشرك في غيرها قالوا لي نفس الشيء <<< ناوي يغيضك
حلووووووووووووووو ..
يبغي ليهم يوم يجوبوك في ساحة سوق الخميس ...
عشان البنات اللي فهن حرة يطلعوها ...:12:
وقوم المساطر والمطارق ...:09:
خخخخخخخخخخخخخخخخخخخخخ
خخخ و لا كمان اذا ارويكي محادثة لي مع بنت خالتي سبيت فيها بنات البحرين ايش تعملي :09:
هذا بدال ما تصير نصير ومحامي عن بنات بلدك ..:(
تدري عاد .. ؟؟ مرة اخويا ورفيقو كانو يتناقشو عن موضوع.... الموهيم
..انو الرفيق بدا يغلط على بنات بلدنا قال له اخويا : بناتنا درر وجواهر ..بس هات من يقدر:wow: ...
تعال تتلمذ على يد اخويا كم من يوم :09: ...خخخخخخخخخخخخخخخ
تناقشي نو بروب خخخ بس ما اتوقع توصلي لنتيجة >>> يظل تفكيرك كفتاة عربية :09:
بس في امل للنقاش اذا افكارك مطورة مو عربية عقيمة :09:
لي الفخر اني عربية وبنت عربية وافكاري عربية واعتز بعروبتي ..
وعربية اصيلة ...مش عربية حيا الله كلام ..
واللي مو عاجبة هذا الحيط قدامه خل يرقع راسه فيه ...:boggled:

شكرا ع المداخلة اللطيفة ...
لوسي لو :biggthump

Scorpion KING-911

19-12-2006, 05:57 AM

السرعة داء خطير .

و ياما حصد أرواح أحبابنا و أصحابنا .

و أنا مرة شفت الموت و أنا ماشي 240
من يومها ما عاد صرت أسرع

ToUaReG

19-12-2006, 09:37 AM

حدك بابا XD ..
قال شباب قال .. دا كان زمان XD ..
الحين البنات يشاخطون يمك تقول ذبانه شاخطه XD ..
:09: ..

يبا انا واحد احب السرعه ^^ ..
بس ما احب التفحيط "^^ .. احس باحساس عجيب لما ادوس ..
و بيني وبينك ادري انه خطر ..
وقبل كنت ما اعرف يا 120 يا 200 !! ..
بس الحين الحمدالله صرت اكثر شي 140 "^^ ..
والحين ما ادوس الا اذا كنت مستعيل وغير هذا ما ادوس ..
و بعد اذا كان في واحد يتحرش تلقاني ادوس معاه ..
شباب يحب المغامره XD ..
بس مثل ما قلت لك التفحيط و التشفيط ما احبه ..

و لاحظت اني لما اسرع اكون منتبه اكثر واذا سقت شوي شوي
احس انه السياره تروح يمين يسار وكأنه فيني نوم ~.~" ..

و على طاري الحادث ..
انا صارلي حادث لدرجة انعدام السياره ..
بس ما كنت على سرعه كبيره .. كنت شوي شوي ماشي -_-" ..

و يسلمو على الموضوع المشوق :D ..

ToUaReG

19-12-2006, 09:38 AM

السرعة داء خطير .

و ياما حصد أرواح أحبابنا و أصحابنا .

و أنا مرة شفت الموت و أنا ماشي 240
من يومها ما عاد صرت أسرع

خطاك السوء ><" ..
والحمدالله الله عداك الشر ^^ ..

Scorpion KING-911

19-12-2006, 11:48 PM

خطاك السوء ><" ..
والحمدالله الله عداك الشر ^^ ..

خطاك اللاش .
و الله يسلمك

~*RoSaMaRia*~

22-12-2006, 10:31 AM

السرعة داء خطير .

و ياما حصد أرواح أحبابنا و أصحابنا .

و أنا مرة شفت الموت و أنا ماشي 240

من يومها ما عاد صرت أسرع

الحمد لله انك قمت بالسلامة ...
ما تشوف شر مرة ثانية ..
الله يحفظك لاحبابك ويحفظهم ليك ...
وان شا الله كل الشباب ينتبهون من السرعة
محروسين بعين الله اللي ما تنام ...
شكرا ع المشاركة اخوي :)

~*RoSaMaRia*~

22-12-2006, 10:38 AM

الحين البنات يشاخطون يمك تقول ذبانه شاخطه XD ..
:09: ..
خخخخخ ..قول ما شا الله ..يما منك ..:09:
عقبال ما يجي دوري اشاخط كني ذبانة :09: :biggthump

وقبل كنت ما اعرف يا 120 يا 200 !! ..
بس الحين الحمدالله صرت اكثر شي 140 "^^ ..
الحمد لله ..وبشويش ان شا الله تصير ما تعرف اكثر شي الا 40 :09:

والحين ما ادوس الا اذا كنت مستعيل وغير هذا ما ادوس ..
حتى في العجلة ما له داعي الدوس خاصة في وسط الديرة ...
لانه ما رح يوفر لك اكثر من 5 دقايق وخطره كبيييييير ...

و بعد اذا كان في واحد يتحرش تلقاني ادوس معاه ..
شباب يحب المغامره XD ..
خخخخخخخ..
مو هينا مشكلتنا ..سوالف التحدي والكبرياء وما لي شغل ابوريه من الاحسن :boggled:

و لاحظت اني لما اسرع اكون منتبه اكثر واذا سقت شوي شوي
احس انه السياره تروح يمين يسار وكأنه فيني نوم ~.~" ..
هاذي السالفة قلت ان شا الله اني ابجربها :أفكر:

و على طاري الحادث ..
انا صارلي حادث لدرجة انعدام السياره ..
بس ما كنت على سرعه كبيره .. كنت شوي شوي ماشي -_-" ..
الحمد لله على قومتك بالسلامة ..
وما تشوف شر ان شا الله والله يحفظك لاحبابك ويحفظهم ليك ..
يا رب

و يسلمو على الموضوع المشوق :D ..

الله يسلمك ...كويس انه عجبك :biggthump
نورتنا وكل يوم تعال :biggthump

ليكويد1

23-12-2006, 03:31 AM

السلام عليكم ورحمة الله ..

وعليكم السلام والرحمة!!

ليه الشباب يحبو السرعة والسيارات ..؟

مو كل الشباب تحب السيارات انا من النوع اللي ما اتاابع!! بس افهم!!

بالسياارت...

وأما السرعة انا صراحة اسرف في امااكن السرعة!! يعني في خط في شاارع سرييع اوصل 160 !!

وفي خط الريااض نوصل 180 واركب مع شباب توصل 200 الطرييق يحتم علييك !!!

وتشووف انه فااضي!! قداامك!!

اما زحمة وتنسرع هذا جنون!!! بس المراهقة وماتسوي><

ليه في شباب يسرعو ويفحطو ومدري ايش ..
مع انهم عارفين انو ذا شي خطير بل ومميت ...؟
اش شعورهم ..؟

انا ما افحط!! وبهاامة التفحييط!!!

اما السرعة ممثل ماقلت الك><

اما اناه السرعة مميتة المووت بيطالك في كل مكاان لو كنت وااقف والله اراد بتموت!!!

واصلا ذا تسرع ماتحس انك تسرع!!! عاادي!! بس تشوفا لمؤشر عالي><

هخهخخ

هل تعرضت لحادث سير ..؟ قص علينا القصة بالتفصيل ..
من والى ..اوكي ؟؟

تعرضت بس نا مراافق مو السواااااق!!!

وكلها كاانت خفيفة!!

بس مرة من فووق جسر!!! كان ظلمة الطرييف افتكر سيدة وانتبه انه جسر جاان بنروح في خراايطها>>> يعني ينروح فيها><

بس الله ستر !!

يسلموا على المووضوع على فكرة ملصق في اغلب شواارع الريااض توعية عن السرعة بس من اللي يفتهم><

تحياتي!!

Maldini

23-12-2006, 04:49 AM

~*RoSaMaRia*~

23-12-2006, 11:21 AM

مو كل الشباب تحب السيارات انا من النوع اللي ما اتاابع!! بس افهم!!

بالسياارت...
عجيييييبة ..!!! :33:

وأما السرعة انا صراحة اسرف في امااكن السرعة!! يعني في خط في شاارع سرييع اوصل 160 !!

وفي خط الريااض نوصل 180 واركب مع شباب توصل 200 الطرييق يحتم علييك !!!

وتشووف انه فااضي!! قداامك!!

اما زحمة وتنسرع هذا جنون!!! بس المراهقة وماتسوي><

لا يا ليكو ...ما فيه سرعة ...
مو كويس ..لانو لا سمح الله وبعيد الشر تصير حاجة ..
وذيك الساعة الندم ما بينفع ...وبتقول روزي المرجوجة قالت حاجة عدلة في حياتها :biggthump

اما اناه السرعة مميتة المووت بيطالك في كل مكاان لو كنت وااقف والله اراد بتموت!!!
صحيح كل شي بارادة الله سبحانه ..
لكن ذا مش معناه انو نرمي حالنا في مواطن التهلكة ..

واصلا ذا تسرع ماتحس انك تسرع!!! عاادي!! بس تشوفا لمؤشر عالي><

هخهخخ
خخخخخخخخخخ ..ايه صح :biggthump
بس اللي جالس ورا والا ع سيت المرافق يحس :boggled:

تعرضت بس نا مراافق مو السواااااق!!!

وكلها كاانت خفيفة!!

بس مرة من فووق جسر!!! كان ظلمة الطرييف افتكر سيدة وانتبه انه جسر جاان بنروح في خراايطها>>> يعني ينروح فيها><

بس الله ستر !!
الحمد لله انو ما صار لكم شي وانو ربي حفظكم ..
لازم تاخذوها درس :12:

يسلموا على المووضوع على فكرة ملصق في اغلب شواارع الريااض توعية عن السرعة بس من اللي يفتهم><

تحياتي!!
الله يسلمك اخويا ..
وزي ما قلت يا ما الناس تشوف حوادث وياما الحكومة تعمل حملات توعية ..
لاكن قليل اللي يسمعو الكلام للاسف :02:
دعواتي

~*RoSaMaRia*~

23-12-2006, 11:24 AM

أهلين روزا ماريا

بالنسبة للحوادث أنا من أسبوعين أعتقد تعرضت لحادث و كسرت يدي بس كسر خفيف و أصبت ببعض الكدمات
قبل أربع سنوات تعرضت لحادث أيضا رجلي انكسرت , يعني صرت متعود , بس ان شاء الله ما نشوف حوادث
أنا أحب القيادة الهادئة المتزنة

و شكرا على الموضوع

اهلييييييييييين بيك اكثر سايلنت ..
وينك يا ولد ؟؟ ما تنبان ابد ...
سلامات والحمد لله ع السلامة ...وما تشوف الشر ان شا الله ..
شكرا ع المشاركة ...:)

ToUaReG

23-12-2006, 05:17 PM

خخخخخ ..قول ما شا الله ..يما منك ..:09:
عقبال ما يجي دوري اشاخط كني ذبانة :09: :biggthump

عاد ذيج الوقت يعتزل شماخر :09: ..

الحمد لله ..وبشويش ان شا الله تصير ما تعرف اكثر شي الا 40 :09:
هذا يمكن اذا اسوق قاري ( دراجه ) :09: ..
بين البيوت مو 40 "^^ ..

حتى في العجلة ما له داعي الدوس خاصة في وسط الديرة ...
لانه ما رح يوفر لك اكثر من 5 دقايق وخطره كبيييييير ...

وسط الديرة اكيد ما ادوس لانه بالاساس سيارات وزحمه "^^ ..
انا اقصد اذا خط سريع و فاضي XD ..

خخخخخخخ..
مو هينا مشكلتنا ..سوالف التحدي والكبرياء وما لي شغل ابوريه من الاحسن :boggled:
البقاء للاسرع :09: ..

هاذي السالفة قلت ان شا الله اني ابجربها :أفكر:
شخص عن شخص تفرق ..
في ناس سواقتهم خداي اذا بطيئين ولا سريعين :09: ..

الحمد لله على قومتك بالسلامة ..
وما تشوف شر ان شا الله والله يحفظك لاحبابك ويحفظهم ليك ..
يا رب

الله يسلمج .. واجمعين انشالله ^^ ..

اما اناه السرعة مميتة المووت بيطالك في كل مكاان لو كنت وااقف والله اراد بتموت!!!

عدل كلامك .. كلن يموت في يومه .. بس انت تعجل في موتك وهلاكك في السرعه المميته ><" ..

واصلا ذا تسرع ماتحس انك تسرع!!! عاادي!! بس تشوفا لمؤشر عالي><

بهاذي صدقت .. انا مره بشارع الخط السريع جدامي سياره والشارع فاضي ..
يعني بلحق عليها .. احس كأني دايس 100 او 120 ..
بس لما مريت يم السياره و اشوف العداد ولا 220 -__-" ..

و ما تشوفون شر شباب ^^ ..

~*RoSaMaRia*~

23-12-2006, 05:37 PM

عاد ذيج الوقت يعتزل شماخر :09: ..
لا تتطنز اقول بس ...:12:
اصلا شوماخر يوم شافك في الحلبة خاف وهج وخلا الحلبة لرواعيها :09:

شخص عن شخص تفرق ..
في ناس سواقتهم خداي اذا بطيئين ولا سريعين :09: ..
الا ابسالك ..وش المعنى الحرفي لكلمة خداي ..؟ :33:
هاللي انتا وامبر ماسكين فيها ..؟ :boggled:
انا كلما بغيت استشهد فيها خفت ان الاستشهاد يطلع غلط :biggthump ..وانكسف :o
خخخخخ <<< تبغي تبوقها على قولتكم :09:

وليم ورع ديانا

25-12-2006, 01:36 PM

اصلا التفحيط صار رياضة وطنية :)

و غير كذا اتفحيط اشتهر دولياً و هذا الرابط :sadwavey: :footinmouth:

http://www.youtube.com/watch?v=nI3lcwsMMPU&mode=related&search=

~*RoSaMaRia*~

05-01-2007, 03:45 PM

اهلين اخوي ..
مشكور على الرابط

~*RoSaMaRia*~

10-01-2007, 11:50 PM

وكنت اقول في نفسي ما في امل اسرع بالسيارات مجنون الي يسرع بالسيارات بعد يومين بديت اسرع بس طبعا مو في مكان عام ..
خخخخخخخخخخ ..
اجل انت مجنون :09: على حسب كلامك

... قلت يا ولد خلني اخذلي دورتين بالسيارة ...
هذا الروح الشريرة وتسويلات الشيطان :09: :09: :09:

بعدها لحق وراي يا محمد يا وصخ يا وصخ يا وصخ
خخخخخخخخخخخخخخخ ..
بزر في خامس ولسانه حده قذر خخخخ :09:

امي : يا لهوتييييييييييييييي ولدي مااااااات <<< طبعا انا مش في البيت بس كنت متخيل ان امي تقول كذا
يا ويح قليب امك المسيكينة :( تكسرالخاطر :02:

... مجرد كف واحد وكلمتين وسحبني واخذني البيت ......................
خخخخخخخخخخ ..
اش دعوى ؟ هذا بدال ما يبوسك ويقول لك الحمد لله ما فيك شي :09:

وثكرا على حسن القراية
من قال لك اننا احثنا القراءة :09:

شعووووووووور خياااااااااااااالي جدا جدا جدا ... يوم تفحط تحس انك تتمرجح في أرجوحة الموت لا انصح الشباب بالتجريب
خخخخخخخخخ
كويس انك ما تنصح الشباب اجل انا بروح اجرب لاني شابة :09:

S!NDBAD

14-01-2007, 10:34 PM

الصراحة هالموضوع شدني كثير
السبب بالنسبة لي.. هو سبب غريب لكن... صوت السيارة عند ضغط البنزين :32:
انا غرامي شي اسمه صوت المحركات و في كل سيارة لازم اسمع صوت محركها
للعلم اني ليلحين ما اسوق لكن.. البر و ما يسويه و الجماعة الفاسدين يخلونك تسوق غصبن عنك :09:
صحيح ان صار فيني حادث سيارة لكن مو غلطي XD البنات لوووووول دعموني بسارة اعتقد كامري
في البر :09:
و اعتقد اني لهالسبب احب السرعة انه صوت محرك السيارة و عند ضغط البنزين على الاخر
و سماع صوت السيارة و هي تمشي بالشارع على الاخر و سماع المحرك مع صوته العذب ادمااااااان
و اللي راكبين في لومينا S او bmw اربعمية و شي يعرفون شعوري... ;)

D.D.S

15-01-2007, 11:32 AM

Pinkoo

15-01-2007, 03:30 PM

وعندنا حلبة الفجيرة للدراق ريس ..
وأماكن كثير لإخراج هذه الطاقات .. منها : عوافي .. :)

لووووووووووووووووووول عوافييييييييي

هذا المكان خراش.....حق المجنونين بس هههههههههه بس كول^^

......................................

صراحة انا ما الومهم...التفحيط والسرعة احساس حلو.....اذا انا اتجنن يوم اخوي يفحط بنا السيارة اول اجوف الشباب يوم يفحطون فمابالج بهم هم:silly: :09: :09: :09: :09:

يلا شباب حبتين لوووووووووول

الله يهديهم انشالله.......والله ما يمر علي يوم الا واسمع عن حادث........وكلهم شباب

~*RoSaMaRia*~

24-01-2007, 02:33 PM

السبب بالنسبة لي.. هو سبب غريب لكن... صوت السيارة عند ضغط البنزين :32:
انا غرامي شي اسمه صوت المحركات و في كل سيارة لازم اسمع صوت محركها
للعلم اني ليلحين ما اسوق لكن.. البر و ما يسويه و الجماعة الفاسدين يخلونك تسوق غصبن عنك :09:

:31: :31: :31:
شهالسبب ؟ ما لقيت احسن منه ؟ ..:33:
بس عل الاقل كويس ..اذا تحب الصوت المزعج اكيد مرح تنزعج من صوت صياح البيبي حقك
بعد عمر طويل ..خخخخخ :biggthump

صحيح ان صار فيني حادث سيارة لكن مو غلطي XD البنات لوووووول دعموني بسارة اعتقد كامري
في البر :09:

هههههههههههههههااااااااااااااااي ..
قطعتنا خطنا سندباد ...عاد بنات يدعمونك ؟ لا وبعد بكامري خيييييييخ:09:
شكرا ع المرور والرد :biggthump

~*RoSaMaRia*~

24-01-2007, 02:44 PM

السرعه وناسه بس اذا زادت حدها .. ...>>> :footinmouth:

عن التقحيص .. يتفلسفون و بعدين يتحسفون :biggthump

الله يعينا عن الحوادث :biggthump

==

وشكرا ع الموضوع :)

هي قولو لروحكم شباب ,,,:biggthump
قبل لا تتحسفو وتثكلو امهاتكم لا سمح الله وبعيد الشر ...:biggthump

العفو على الرد :) [/CENTER]

NMD

24-01-2007, 09:52 PM

رنـــــــا

26-01-2007, 03:36 PM

اما ما اراه في بعد افلام التفحيط السعودية ... واكرر انها في السعودية فقط

انتحاااااااااااااااااااااار
ايه والله انك صادق عيالنا مهابيل الله يصلحهم هذا من الكبت خخخخخ

بالكويت عندنا المخيمات والبحر .... هناك من كثر ما تتحرك ترجع البيت تنام يومين :D

اذكر مره رحنا مخيم مع اهلي من بعدها نمت اسبوع خخخخ

HUMAED

26-01-2007, 11:53 PM

اولا:مب كل الشباب تفكيرهم بهـا الطريقة..
=====

ليه الشباب يحبو السرعة والسيارات ..؟

اعتقد بسبب حب السيارات والسرعة منذ الصغر<<يعني مستحيل تشوف بنت صغيرة تلعب بالسيارات
ومحاولة تقليد الغيـــر ..
عموما شكرا على الطرح ,.

Prince Of Darkness

31-01-2007, 10:09 PM

ShRsHr

05-02-2007, 11:51 PM

سرعه في سياراه ماعتبرها سرعه :D

منو يبي يجرب سرعه الحقيقيه على motor bag يعطيني خبر

بس ها لازم تكون عنده شجاعه ومايهتز من الخوف ويهز سيكل معا ^^

~*RoSaMaRia*~

07-02-2007, 10:06 AM

والله انا مالي شغل بالسرعة لأني أول شي ما أقدر اسوق السيارة الى داخل المزرعة

ولكن حتى لو كنت برة .. أفضل ان الناس تقولي " سياقتك هادية / والله زين انت تسوق بركادة" على انهم يقولون "شفت شسوا هذا ؟! /شفيه هالمينون شقاعد يسوي "

ويعطيكم العافية على الموضوع ...

هههههههههههه كويس انو انتا عاقل وراكد ...

في شباب اصلا ينبسطو لا قالو عنهم سريعيييين ومهفتجين هع
..الله يعافيك وحياك دوم

~*RoSaMaRia*~

07-02-2007, 10:07 AM

ايه والله انك صادق عيالنا مهابيل الله يصلحهم هذا من الكبت خخخخخ
اذكر مره رحنا مخيم مع اهلي من بعدها نمت اسبوع خخخخ
تسدقو اني ولا مرة في عمري خيمت ؟ :bigeyes: :wow: :33:
...يللا معليش ...مشكورة ع التعقيب

~*RoSaMaRia*~

07-02-2007, 10:10 AM

اولا:مب كل الشباب تفكيرهم بهـا الطريقة..

=====

اعتقد بسبب حب السيارات والسرعة منذ الصغر<<يعني مستحيل تشوف بنت صغيرة تلعب بالسيارات
ومحاولة تقليد الغيـــر ..

عموما شكرا على الطرح ,.

اكيد مش الكل تفكيرهم كيدا ..لاكن كثااااار منهم كيدا ...اش فيك معصب ؟ :33:
العفو وشكرا ع المشاركة

~*RoSaMaRia*~

07-02-2007, 10:11 AM

وعليكم السلام ورحمة الله وبركاته ^^

ههه بصراحة أني في هاي الشغلة مختلف عن كل الشباب ! ،، ما عندي إهتمام يذكر بالسيارات ومش مهووس بالسيارات وأخبارها وموديلاتها وصورها .... وبصراحة أحسنلي ،، مش ناقصني وجع راس ^^
وشكرا أختي العزيزة على الموضوع :D

هههههههههه ..احسن لك والله ..:D
ترا حتى امك وخواتك وزوجتك كمانا مو ناقصهم وجع راس << تعاني :31:
لا شكر على واجب وحياك دووم

~*RoSaMaRia*~

07-02-2007, 10:12 AM

سرعه في سياراه ماعتبرها سرعه :D

منو يبي يجرب سرعه الحقيقيه على motor bag يعطيني خبر

بس ها لازم تكون عنده شجاعه ومايهتز من الخوف ويهز سيكل معا ^^

يووووووووووووه ..انتا طالع لنا بفنتق جديد

هعهعهعهع ...
بس انتبه لا تطير علينا :D

~*RoSaMaRia*~

07-02-2007, 10:17 AM

بليييييييييز خلاص لا تردو في الموزوع وتسووه زي موزوع نقاش مسكة اليد
واللي يبتدي اول ...اوكي ؟
ترا وربي سهقت وتعبت من كثر ما ارد ...والموزوع مدهر صار له شهرين
بس شنسوي لهالقسم النايم ؟
الشكوى لله لا الى الناس <<< تعاني

من التراب

14-02-2007, 12:45 AM

[quote=~*RoSaMaRia*~;5138036]

ليه الشباب يحبو السرعة والسيارات ..؟

أنا أحب السيارات بس مب مجنون في حبها
السرعه ..."تعودت عليها @_@" ... يعني الصراحه أنا أسرع 160 على طريق الجامعه
^.^ ... وإذا إستهديت بالله وشغلت إذاعت القران الكريم أسرع 120

ليه في شباب يسرعو ويفحطو ومدري ايش ..
مع انهم عارفين انو ذا شي خطير بل ومميت ...؟
اش شعورهم ..؟

لالالا ... أنا أحب سيارتي لو يصير لها خدش صغير أروح أصلحها على طول ^..^
أحب أتهور شوي بسيارة الدفع الرباعي (نيسان بترول) .. لأنها جديمه وقويه :D

وما يفكرو في غيرهم من اللي في الشارع ..؟

دوم أفكر فيهم علشان أهرب منهم لو قربوا مني ><"
(وخاصه البنات يمشن شوي شوي ~_~" -يالذيذ يا رايق-)
الصراحه السياره مسؤوليه ولازم كل الشباب يدركها

هل تعرضت لحادث سير ..؟ قص علينا القصة بالتفصيل ..
من والى ..اوكي ؟؟

امممم الحمد لله كل شي بسيط
1- شحفت شاحنه واقفه بسيارة أخوي بس كان مسافر الحمد لله ^..^"
كان أول حادث في حياتي وبعد الحادث هربت للبيت :09:
2- كسرت ليت سياره صغيره بسيارة العايلة الكبيره وطبعا دفعت كل تكاليف التصليح
هالحادث تحملت المسؤولية وتصلت بالشرطه :o
3- باااااااص كبير شحفني عالدواب بسيارتي الجديده ><" يا حرااااااام
بس صلحوها لي ع حسابهم :biggthump

**********
مشكوووووووور ع الموضوع الحماسي السريع
وتسلمووووووو

وما في داعي تتعبين نفسج وتردين ;)

PrinceOfSorrow

14-02-2007, 04:50 AM

ليه الشباب يحبو السرعة والسيارات ..؟
انا قبل ماكنت أميل لهذا شي لكن بعد ماخذيت ليسن
عرفت الشعور ^_^ هذا شي يحبه كالشخص ساق سيارة وانا منهم

ليه في شباب يسرعو ويفحطو ومدري ايش ..
مع انهم عارفين انو ذا شي خطير بل ومميت ...؟

أسرع بس مافحط ابدا ;)
وسرعتي 120 أو 160 فقط مازيد أبدا
وطبعا اسرع لما اكون بروحي وشارع خالي

اش شعورهم ..؟

مادري عنهم بس انا شعوري يكون عادي @.@

وما يفكرو في غيرهم من اللي في الشارع ..؟

أكيد وساعات غيرنا مايفكرون فينا في شارع >_<

هل تعرضت لحادث سير ..؟ قص علينا القصة بالتفصيل ..
من والى ..اوكي ؟؟

لو سمحتوا محد يفاول علي
لا الحمدالله ^-^

hiba mona11

18-02-2007, 10:39 PM

http://www.falntyna.com/img/data/media/11/1137114121_3.gif

Gold Roger

24-03-2007, 01:32 AM

في التأني السلامة وفي العجلة الندامة ...

انا عن نفسي ما اتعدى سرعة ال 120 كم

الا لما يكون الشارع فاضي ويكون الوقت ليل . وحدي 150 كم .

والله يبعد عنا وعنكم شر الحوادث , واقول للشباب ان الحل لديك للتخلص من هذه السرعة الجنونية ..
فقط تخيل مايحدث لو حصل لك حادث ( لا سمح الله ) او مايحدث لغيرك وانا متأكد لو بدأت تفكر بهذه الطريقة سوف تستطيع ان تتخلص من هذه المشكلة .

FAS

06-04-2007, 12:15 AM

ليه الشباب يحبو السرعة والسيارات ..؟

سؤال ما له إجابه ....
هي شيء في الدم , مادري شنو , بس شيء احبه وأحب اسويه , السبب ... مجهول ....
بس كل ما ابتعد عنها ... أحس ان في نداء داخلي ينادي يبيها ...!
مادري هي شعور غريب ....

ليه في شباب يسرعو ويفحطو ومدري ايش ..

هذيلا ناس ما عندهم سالفه :)
التفحيط ما يعجبني ....

مع انهم عارفين انو ذا شي خطير بل ومميت
.... ...

اش شعورهم
شيء حلو ... ما ينوصف .... وناسه .... تحدي .... إثارة ...

وما يفكرو في غيرهم من اللي في الشارع
بالنسبه لي , أفكر بغير , ما أسرع إلا بعد نص الليل ... يعني الشوارع فاضيه ...

والحمدلله ما صارتلي حوادث ....
===
بصفه عامة , سواقتي قانونية من حيث التجاوز واللفات والإشارات ....
لكن السرعة ... 160 اعتبرها طبيعيه ....

الله يستر علينا ويهدينا ....