قصة جني يطارد (دجو ) و (الكوبرا)

[الوسط]

تذكرون الجني (جلعوط) ؟؟؟ اللي قابلة أصدقائنا في قصة (عملية كوماندوز في أفغانستان) ...
اللي ما يذكره يرجع للرابط التالي:


ج5 من عملية في أفغانستان (http://montada.com/games4arab/showthread.php?threadid=49511/forum//forum/)

تحت عنوان (في خيمة الساحرة) ....



نفي الجني (جلعوط)


المكان : صحراء منغوليا
الزمان: قبل الفجر بقليل
درجة الحرارة: 40 درجة تحت الصفر

المشهد ....

شخص يشبه الحصان بدرجة كبيرة ... ويلبس ملابس سهرة ... ويتجمد من البرد،في جو لا يستطيع إنسان تحمله ...

كان هذا الشخص هو الجني (جلعوط) واللي كان يشتغل عند الساحرة الأفغانية العجوز ...
والسبب في وجوده في هذا المكان هو (دجو) ...
اللي كسر البلورة اللي كان عايش فيها (جلعوط) على راس الساحره ، اللي خلت دجو يشوف أكثر وحده تحبه في الدنيا ... واللي كانت للأسف (عنز) مجهولة الهوية ...

قبل ما نبدأ الأحداث نعطيكم نبذة موجزة عن (جلعوط) ...
كان (جلعوط) من الجن الفاشلين في الحياة ... وجلس يبحث عن وظيفة فترة طويلة ...

وأخيراً بمساعدة بعض الأصدقاء واللي دلوه على الساحرة العجوز اللي كانت تبحث عن جني جديد يساعدها في عملها ،واللي توسع وزاد في الفترة الأخيرة ..

ولكن الأمور ما مشت مثل ما يبي (جلعوط) ... فالمشاكل بدت بينه وبين الساحرة ...
فكان (جلعوط) كثير السهر وما يؤدي واجبه كما يجب ... ويتأخر عن الدوام ...

مما اضطر الساحرة إنها تخصم من راتبه ... وتخلي عليه عرض خاص لسوء خدماته ..
وبعد ما كسر (دجو) البلوره على راس الساحرة ... طردت الساحرة (جلعوط) لصحراء منغوليا ... عقاباً له ..

جلعوط: برررررررر .... وين أنا ....

ويتذكر (جعلوط) اللعنة اللي رمتها عليه الساحرة ... وكيف نفته للصحراء ...

جعلوط: كله من ذاك الإنسان ... قطع رزقي ... وشردني ... لازم أنتقم منه ...




في منزل دجو


كان دجو نايم و يحلم إنه لا زال في أفغانستان ... وكان يحلم إنه في الجبهة مع قوات التحالف ...
وكان يتصل بالوسط يطلب منه المساعدة...

دجو: ألو " الوسط" أرسل لنا تعزيزات ... إحنا محاصرين ... ألو ... ألو ...
ويدخل جندي معه آلاف الفاكسات ...

الجندي: هذي الفاكسات وصلت من "مخابرات المنتدى ...

دجو: ما ني فاضي لك ... إفتحها ...
وينتبه دجو فجأه لشيء ويكمل: لا ... لا ... لاتفتحها .... كلها ملغمة وبتنفجر ...
ولكن الجندي فتحها ... و....صحى دجو من النوم فجأه ...

دجو: والله الكابوس ...أنا في الجبهه ... وأستلم فاكسات من "الوسط" ...

وقام دجو من فراشه علشان يشرب مويه ...
لما مر دجو من غرفة الجلوس ودخل المطبخ ... ظهر دخان أبيض ...
وظهر مع الدخان رجل له وجه حصان ، نحيل الجسم ويلبس ملابس السهرة ...
وما كنا هذا الرجل الغريب اللي طلع فجأة إلا (جلعوط) ...

جلعوط : ويني أنا ؟؟ المفروض أكون في بيت اللي تسبب في طردي ...
ولمح (جلعوط) دجو وهو يشرب مويه ...

جلعوط: هذا أنت يا لئيم ... (وكشر عن أنيابه المخيفة) ...



بنكمل بعد شوي على هذا الرابط

[الوسط]

نكمل


لما شرب دجو ... أخذ معه كاس المويه للفراش ... ولمح (جلعوط) يناظره والشرار يطلع من عيونه ...
لما لمح دجو (جلعوط) وقف يناظر فيه ...

دجو: وش هذا القبيح ... أأأأ ... الظاهر إني إلى الآن قاعد أحلم ...
وكمل دجو مشيه وهو مقتنع إنه يحلم ... وإصطدم بقطعة أثاث .. وطبعاً قعد يتألم ... ويسب ويلعن في الكابوس اللي خلاه يصحى من النوم ...

وتوقف دجو فجأة عن السب ...
دجو: أنا تألمت ... معناه إني ما أحلم ... يعني الشيء القبيح هذا صدق موجود معي .. (وأنتبه دجو لأول مره إن شكل (جلعوط) مألوف عنده) ..

جلعوط (وعيونه حمر من الغضب ): أنا جاي أنتقم منك ... خربت حياتي بسببك ..

وصرخ دجو ... ورمى كاس المويه ... ووقع كاس المويه على (جعلوط) اللي إختفى على طول ...

وطلع دجو من البيت ... وقام يركض بالشوارع بملابس النوم .. وبعد فترة من الركض بغير هدي ...
وقف دجو حتى ياخذ له نفس ويفكر وين يروح ...

وتذكر إن أقرب واحد ساكن في هذي المنطقة هو صديقه (الكوبرا) ... وبدون ما يفكر أكثر إتجه دجو لبيت الكوبرا ...




في بيت الكوبرا


لما وصل دجو لبيت الكوبرا قام يضرب الباب بجنون ... حتى صحا الكوبرا وقام يفتح الباب ... وبمجرد فتح الباب دخل دجو بدون ما يشاور ...

الكوبرا (وهو نص نايم): أنت تدري الساعة كم ؟؟؟

دجو: ألحقني تكفى يا كوبرا ... فيه جني يطاردني ...

الكوبرا: إنا لله ... هذا جزا من ياكل كاكاو قبل النوم ...

دجو( وهو يهز الكوبرا بقوة) : أقول فيه جني يلاحقني ... ما تفهم أنت؟

الكوبرا: فك رقبتي ... خنقتني ..
(وقام الكوبرا يدف دجو للباب) ..

الكوبرا : رح إرقد الله يصلحك ... وتلحف عن البرد ...وخلني أرجع أنام ...

دجو (وهو يمسك بالباب حتى ما يطلع): أنت مهبول الجني يستنناني في البيت ..

فما كان من الكوبرا مع إلحاح دجو إلا إنه يتركه ...

الكوبرا: وبعدين معك ... خلني انام .. أنا تعبان ...

دجو: مستحيل أرجع للبيت مره ثانية ...
وترك الكوبرا دجو لوحده ودخل يغسل وجهه ...

وبينما كان دجو مرعوب ... ظهر له (جلعوط) مره ثانية ...

جلعوط: أخيراً لقيتك ...

دجو (بصوت مبحوح): كو ... بر... ا ... كوبراااااااا ...

ويدخل الكوبرا ومعه كاس مويه ...

كوبر ا : ممكن تتوقف عن الصياح ... أنا أسمعك.
(ويلمح الكوبرا (جلعوط) .. ويصرخ هو بعد ويرمي كاس المويه)

بعد ما رمى الكوبرا الكاس إنكبت نص الموية على (جلعوط) وحصل نفس المرة الماضية ... إختفى ...

الكوبرا: إختفى ... ليه ..

دجو: نفس اللي صار المرة اللي راحت ... والحين صدقت؟؟؟

الكوبرا: أنا عندي لك حل ... أنا أعرف ساحرة عجوز يمكن تعرف تتعامل مع هذا الجني ...

دجو: لا... ما أبي سحرة ... كفاية اللي جاني منهم .. شكلي بأشتغل في المطافئ ... علشان كلما طلع لي أطفيه...

الكوبرا: وبتقعد كل عمرك ترش مويه ... بتجي معي الصبح للساحرة ... وحتى ذاك الوقت بننام جنب المغسلة ...

(وإن كان الصديقين إتفقوا على الذهاب للساحرة ،فهم إختلفوا على مكان النوم ... ففي الوقت اللي أصر فيه دجو إنهم ينامون عند الثلاجة علشان الأكل والشرب ... أصر الكوبرا إنهم ينامون عند الباب حتى يهربون إذا طلع لهم (جلعوط) فجأة ... )



وعلى بال ما يتفق الصديقين على مكان النوم ... نراكم يوم الأربعاء إن شاء الله

رسالة خاصة لدجو: إعذرني على إدخالك في القصة ... ولكن كل الأعضاء يبغون يقرون قصة بطلها "دجو" إذا كان ودك وقفت القصة ...

[Lucky guy]

كخخخخخخخخخخخخخخخ الله يرجك صراحة حلوة القصه بس ليه ما تكمله الثلاثاء ؟ :D :D :D

[الوسط]

هلا والله بالطيار عريف THE LUCKY GUY


وش جايبك هنا. .. وتارك شغلك في المخابرات:غضب: :غضب:

مشكورررررررر على المشاركة :) :)

بأكملها الأربعاء لظروف الدراسة وأنا أخوك ... وياريتني على هذا الحرص أفلحت :(


وتقبل تحياتي


الوسط

[Lucky guy]

هلا بالوسط ....

أنا تارك شغلي للنايم هو مستلم بدالي :D

ايه نسيت بقولك شي على الخاص الحين لاتروح :D (( يعني رساله خاصة )) :)

[LINK0072]

ههاااااااااااااااااااااي

حلوه
بس يوم الأربعاء يالله باقي يومين

[باباسنفور]

الله يرجك يا دجوووووووووووووووووووووووو

[داج2222]

هههههههههههههههههههههههههههاااااااااااي الله يربشك يا شيخ فللللللللللللللللللللللللللله يعطيك العافيه...

و بعدين من قال اني باعترض انك تحطني في قصصك الا شرف لي و انا اخوك ما قصرت كمل كمل:D

[عماد 18]

وطلع دجو من البيت ... وقام يركض بالشوارع ((بملابس النوم ))
وش دعوى يالامريكي :) ..
كلها سروال طويل و فنيلة ..

[Chandler]

حلووووووووووووة...

كملها في اقرب وقت

[باتيقـول]

هههههههههههههههاي حلو الوسط انا اشهد انك اكبر مونسم

[الوسط]

كالعادة إسمحوا لي على التأخير ...

THE LUCKY GUY

ماينفع تترك النايم لحاله ... يمكن ينوم نفسه مغناطيسي ... زي المره اللي راحت :غضب:

=================

LINK0072


والله ودي أخلصها في أقرب وقت .... ولكن ...

=================

باباسنفور


حياك الله ... ومشكورررررر


================

داج2222


شكراً عمو داج2222....

هذا زرع زرعته وأحصده ... الله يعينك على (جلعوط) ...

===============

عماد 18



وش دعوى يالامريكي .. كلها سروال طويل و فنيلة ..


يارجال ... كان لابس ملابس نوم.... يعني لازم تتطلع الفضايح :أفكر:

=============


naf


شكرررررررررااااااااا

============

باتيقول

شكراً أخوي .... وما قصرت






وتقبلوا تحياتي

الوسط

[Kasser]

كمل القصة:D

[الكوبرا]

خخخخخخخخخخخخخخخخخ رهيبه يالوسط

اخيرااا رااح امثل مع البطل دااج <== صدق نفسه..:D

بس ياليت...يالوسط تحااول انك...تخليني...اخنق داااج

عشاان النااس تشااور لي و تقول((اهووو خناااق دااج...:D ))

[Kasser]

أقول

دجو صار ممثل مشهور


دجو: أبغى توقيعك؟ :D

[داج2222]

كتب العضو (كاسر الألعاب)

دجو: أبغى توقيعك؟ :D

هذا حق انزاجي؟!من زينه عاد:p

[عماد 18]

قصده التوقيع اللي توقعه بيدك :) ..