و الحل مع ال 360

[shakira]

اول شي اخذت ال كور سيستم و كمل سنه معاي و شوي شوي كان مايقرى الالعاب بعدين خلاص مات طلعلي الالوان الحمرا

اخذت مالت ربيعي و كنت العب اوبليفيان و فجأه طلعتلي خطوط في الشاشه مع جمود الصوره و كل ما اشغل لعبه او بس اخليه على المينيو 4 دقايق و يطلعن اخطوط مع اني حاط مراوح و دائما التهوه اوكيه


اشتريت جهاز يديد و يوم ادخل اون لاين الفريند ليست و اريد اطلع يحتاج دقيقه عشان يطلع من المينو .....والحل

كل الاجزه الثلاث كانو اب ديتد وشوه اسوي بالاجهزه يلي اختربت و اريد احمي جهاز صديقي من انه يخترب ارجوكم

الحل

[FARES360]

والله مادري.. شنو مشاكل اجهزتكم :ouch:
بس حبيت اعرف
الأجهزه كلها ..الي لعبتها
كم مده عيش كل جهاز منهم ؟ ... يعني كم صاره الجهاز عندك والي عندك ربيعك بعد

[Mr.X]

هلا اخوي
بالنسبه للمبات الثلاث الحمر فهي عيب تصنيعي من شركة مايكروسوفت ,, ومثل ما انا سمعت فمن الاصدارات اللي صنعوها بتاريخ شهر 8 -2006 تلافو فيها هالمشكله ,,
وبالنسبه لحل مشكلة الثلاث لمبات حمر فأعرف واحد صارت له هالمشكله وحلها بهالطريقة


http://files.xboxic.com/general/3lights.png
عندي طريقه مضمونه اكثر من ال 3 كفوف
http://www.youtube.com/watch?v=iVGjtsLKJqI

والطريقه بكل اختصار انك تفتح الجهاز وتطلع البورد بعدين تسخن البروسسر على الآطراف بستخدام استشوار (( مجفف شعر)) 2000 واط وبعدها خله يبرد بدون ماتلمسه 30 دقيقه بعدها ركب كل شي وجرب الجهاز وراح يكون شغال 100% والطريقه جربتها على جهازي وجهاز صاحبي ورجعت الاجهزه طبيعيه مره ثانيه

وهو حالياً صلح جهازه وجهاز صديقه بهالطريقه ,, لكن فيه واحد من اصدقائه خرب جهازه ونفس هالمشكله صارت له ,, وصلحه لكن بمسدس حراري مو بالاستشوار ,, وهالطريقه يقول انها افظل لأنها ما تاخذ منه أكثر من 3 دقايق بالمسدس الحراري ,, بدال ما كان يستخدم الاستشوار وياخذ 30 دقيقه
وانا حالياً جهازي ميت علشان نفس هالمشكله صارت له ,, لكن قريباً راح اصلحه بعد ما تكون الادوات جهازه ويكون كل شي جاهز عندي , وإن شاء الله بأنزل عرض فيديو لتصليحي لجهازي واكتب عنه موضوع وكيفية التصليح علشان هالمشكله هي اكبر مشكله تعاني منها مايكروسوفت وعلشانها مددو فترة الضمان من 3 شهور إلى سنه و 60% من اصحاب xbox360 صارت لهم ..

[Ninja.Gaiden]

انا جهازي عمرة سنة وشغال 100%

[الحــزيــن]

ياشباب انا صارتلي نفس المشكله بعد ماشريت الجهاز بأربع شهور ورجعت جهازي للي شريته منه وقالي ان فيه مهندس للخراب هذا ووديت الجهاز للمهندس وقال ان فيه خراب في التشيبات حقت معالج الرسوم ويقول بيغيرها بـ350 ريالا ما ادري هو صادق ولا يلعب علي تكفون يالربع علمووووووووني وش الحل؟؟؟؟؟؟؟؟؟؟؟


على فكرة ترا جهازي ياباني مو امريكي

[حارث2000]

جهازي ايضا توفى وحاولت اصلحة بالمسدس الحراري بس مافية فايده جهاز سيء توبة منه

[shakira]

انزين هل فيه طريقه ارسل الجهاز لمايكروسوف امريكا و يصلحونه عن طريق ارامكس او اي بدفعلهم يلي يبونه بس ما اشتري واحد يديد

.
اول جهاز تقريبا كمل 10 شهور و مارحمته فيهن من بيت لبيت يعني من حقه
لكن مال صديقي ماكمل 5 شهور
و يلي شريته امس في مشكله بطء المينو


يعني هل فيه امل ارجعه لمايكرو امريكا لانه هذا الحل الوحيد

[Mr.X]

ايه بس بشرط يكون عندك الضمان ,, ويكون الجهاز مو مطور ,, يعني ما يكون يشغل كوبي ببرنامج او بقطعة
لأن هالشي بيلغي الضمان

وتقدر تراسل مايكروسوفت وترسله لهم بفرعهم اللي بأمريكا ,, لكن تكاليف الشحن عليك مو عليهم !! وانا اشوف ان هالشي مكلف جداً لأن الشحن بلحاله يمكن بياخذ 500 ريال سعودي !!
فأنت ورأيك

هالموضوع بيفيدك
استفسار عن مشكلة اللمبات الحمراء في الاكس360 (http://www.montada.com/showthread.php?t=500540)
شوفي الرد السادس بالموضوع للفائدة الاكبر

[REDFOX-ZERO]

لا تشي هم حبيبي اللعب وييوونك مغمضة ( بس لا تدعم طووفه ) وانشاء الله ما يصير شي ^^.