تسجيل الدخول

مشاهدة النسخة كاملة : خلاص ... اجمع القطه واشتريه ..بس!!!!


StOrM_x.M.x
09-01-2007, 12:36 PM
السلام عليكم ورحمة الله وبركاته ..

نزلت عليكم ضيف مرة اخرى ياعضاء منتدى الاكس بوكس المميزين;) ... خلاص وكلمنا الشباب وبدأت القطه تنحسب عشان شراء الاكس بوكس 360 .. بس ياشباب حبيت اسأل اسئله اخيره على ضوء اجاباتها نشتري الجهاز -لذذلك ارجوا الدقه فيها - ..

أولا .. سمعت انه بينزل اصدار جديد للاكس بوكس يعالج فيه بعض الاخطاء السابقه كحرارة الجهاز وعمل المعالج!! ..اذا كان هذا الكلام صحيح فمتى بينزل هلااصدار ؟؟؟ وهل تنصحون انتظاره ولا مايفرق لو شريت الموجود حاليا ؟؟


ثانيا .. المحل !! نعم المحل اللي بشتري منه وش تنصحون به ..انا من اهل الرياض !! لاني رحت بيت الكمبيوتر في العليا يقول بــ 1749 ريال الاصلي طبعا ..بس مافيه ريموت !! والهارديسك 12 جيجا اتوقع او حول هالرقم والله ما ادري !! اش رايكم؟؟


ثالثا .. انا عندي تلفزيون له سنه عندي LCD نوعيه لا بأس بها .. ولكن لا أدري ان كان به HDTV او لا .. ولكن في واحد قالي : هل عندك فتحه وراء التلفزيون لونها اخضر وازرق !! رحت ودورت وراء التلفزيون @_@ :boggled: ..لاني اول مره ادري بهاللون ..انا مادري اللي على الاحمر والاصفر والابيض ..المهم لقيت فتحتين خضراء وفتحتين زرقاء !! هاه وشرايكم ..وش فايدته؟ !! وهل هو مناسب او لا؟؟

رابعا .. وهو سؤال وطلب يعني انا من لاعبي العاب البي سي ..خاصة الالعاب الشوتر ..وهي خبرتي !!
والعب اونلاين كثير ... ولكن تعرفون البي سي نلعب باستخام الماوس والكيبورد .. وهو دقيق جدا بالنسبه للتصويب !! فهل هناك اي فرق باستخدام يد الاكس بوكس؟؟ وهل مع التمرين اطلع اجيبها هد على طول :09: ؟

اما الطلب فهو مهم ..اريد محل في الرياض لأ جار لعب الاكس بوكس 360 يعني محل العب فيه اكس بوكس 360 بالساعه !! هذا طلب ضروري جدا للي يعرف محل في الرياض ..بهدف تجربة الجهاز لاول مره ..وتجربة العاب الشوتر بيد الاكس بوكس !!

وشكرا لكم مبدئيا على الاجابه ..مع اني مزعجكم هاليومين :blackeye: :blackeye: ..تحملونا !!
(Ntada)
09-01-2007, 09:01 PM
هلا والله اخوي
مرحباً بك كواحد من مقتنين جهاز الإكس بوكس..:-
سؤوال الأول:
الإصدار الجديد سمعت انا نفس الشيء
الإصدار الي رح ينزل رح تتقوى الرسومات الى 1080 ..
والمعالج رح يتغير مدري الى كم
والحرارة رح تقل كثيررر لأن الجهاز يحتمي الصراحة..
سؤال الثاني:
فيه محلات كثيرة من ضمنها بيت الكمبيوتر اذا انت تبي تركب سوفت وير حق الكوبي ..
انصحك تشتريه من جيم ماستر .. او من البطحاء....
اذا تبيه تلعب بالأصلي :-
اشتره من بيت الكمبيوتر من دون اي تفكير لأن ضمانهم ضمان استبدال لو خرب في اي وقت ترجعه
يعطونك جديد ...

سؤوال الثالث:
تلفزيون LCD رح يطلع مررررررررة حلو للإكس بوكس <<اسأل مجرب
وانا اتوقع انه رح يمشي

السؤال الرابع:
لن تجد دقة في العالم زي دقة البي سي لأنك تلعب بالماوس تجيب HAED SHOT على طول
بالنسبة لإكس بوكس صعبة شوي لكن مع التعلم رح تقدر واذا انت من محبي الشوتر
ترى الإكس بوكس ابداع من هذي الناحية

السؤال الأخير:
مستحيل تلقى محل في الرياض في تأجير بالساعة هذا شي اكيد

ارجو ان اكون افدتك
اخوك NTADA
ADEEEL
10-01-2007, 08:31 AM
انصحك تاخذ الجهاز الحين وشرط يكون مطور يشغل العاب كوبي وتأكد ان الجهاز امريكي والــ دي في دي درايف يكون سامسونج لأنه الافضل

ومن ناحية الدقه في العاب الشوتر فلا تخاف يوجد قطعه خاصه لأكس بوكس تشبك عليها فأره وكيبيورد وتشتغل على اي لعبه :)

بخصوص الشاشه الي عندك اعتقد الرسومات راح تطلع جيده افضل من التلفاز العادي بكثير

وجهاز الاكس بوكس المطور يقال انه راح ينزل بعد 6 شهور وانا اقولك اخذلك جهاز الحين واستمتع فيه لحد ماينزل الاكس المطور وبيعه واشتر المطور :) والسلام عليكم
StOrM_x.M.x
10-01-2007, 12:42 PM
الاخ العزيز والغالي (Ntada)

شكرا على ردك الجميل والمفيد .. الصراحه استفدت منه مره .. بس ماادري متى بينزل هذا المطور؟؟

وانا الصراحه اشكرك على اجابة كل الاسئله بالتفصيل ..وأتمنى لك دوام التوفيق والنجاح في حياتك ..
اما من ناحية مافيه محل يأجر ساعات للعب الاكس بوكس 360 ..فهذا شي غريب !! وقهر انه مافيه!!

لان البلاي ستيشن 3 يوجد له اجار وهو توه نازل !!!!!

الاخ العزيز والغالي ADEEEL


انصحك تاخذ الجهاز الحين وشرط يكون مطور يشغل العاب كوبي

أنا احب العب على الايف هل ينفع هذا الجهاز اللي ذكرته !!!؟؟؟؟


ومن ناحية الدقه في العاب الشوتر فلا تخاف يوجد قطعه خاصه لأكس بوكس تشبك عليها فأره وكيبيورد وتشتغل على اي لعبه :)

متأكد !!! لانه هذا شي حلو ... وهل القطعه متوفره حاليا .. وودي باسم هذه القطعه او صوره لها ..

وشكرا مره أخرى لكم
X-Master
10-01-2007, 01:28 PM
أولا .. سمعت انه بينزل اصدار جديد للاكس بوكس يعالج فيه بعض الاخطاء السابقه كحرارة الجهاز وعمل المعالج!! ..اذا كان هذا الكلام صحيح فمتى بينزل هلااصدار ؟؟؟ وهل تنصحون انتظاره ولا مايفرق لو شريت الموجود حاليا ؟؟

تشوفيا اخوي الانتظار راجع لك اذا كنت تبي تنطر للنسخة الجديدة ..... لكن انا شاري جهازي من قبل شهرين ( نسخة شهر 5 ماي 2006 ) واول ما شغلته سويت كل الابديتات الموجوده للجهاز .... ولحد الحي ما شفت أي نوع من الحرارة الا الحرارة العادي ( نفس الحرارة إلي تطلع من مروحة الكمبيوتر ) وانصحك انك تحط الجهاز ( اذا شريت انشاء الله ) في مكان مفتوح ... يقدر يتهوا مو يكون حاله حال الساتالايت المقطوط بين الف طوفه وكبت

بالنسبة للطلب الثاني والاخير ما اقدر اجاوب عنه لاني ببساطة من الكويت




ثالثا .. انا عندي تلفزيون له سنه عندي LCD نوعيه لا بأس بها .. ولكن لا أدري ان كان به HDTV او لا .. ولكن في واحد قالي : هل عندك فتحه وراء التلفزيون لونها اخضر وازرق !! رحت ودورت وراء التلفزيون @_@ ..لاني اول مره ادري بهاللون ..انا مادري اللي على الاحمر والاصفر والابيض ..المهم لقيت فتحتين خضراء وفتحتين زرقاء !! هاه وشرايكم ..وش فايدته؟ !! وهل هو مناسب او لا؟؟

تشوف الال سي دي وضوح عالي ... واذا كان يدعم الاتش دي يصير الوضوح اعلا ... اذا تبي تعرف اذا كان تلفزيونك يدعم ال HD وراه اذا لقيت خمس مداخل جنب بعض يعني فيه ( احمر اصفر ابيض ازرق اخضر )




رابعا .. وهو سؤال وطلب يعني انا من لاعبي العاب البي سي ..خاصة الالعاب الشوتر ..وهي خبرتي !!
والعب اونلاين كثير ... ولكن تعرفون البي سي نلعب باستخام الماوس والكيبورد .. وهو دقيق جدا بالنسبه للتصويب !! فهل هناك اي فرق باستخدام يد الاكس بوكس؟؟ وهل مع التمرين اطلع اجيبها هد على طول ؟

بالنسبة لألعاب الشوتر والاونلاين فالاكس بوكس الافضل في هذه الناحية من كل الاجهزة الاخرى وحتى احسن من البي سي

والتحكم باليده مالت الاكس بوكس ممتاز واذا ما عجبتك تقدر تطلب قطعة تقدر فيها توصل ماوس وكيبورد الاكمبيوتر + فتحتين اضافيتين للUSB + مدخل لتوصيل يدة الPS2 !!


اتمنى اني افدتك
StOrM_x.M.x
10-01-2007, 02:01 PM
أكيد أستفدت ..ويعطيك الف عافيه على هذا الرد الجميل والمفيد ..

حمستني اشتري الجهاز بسرعه عشان العب ... وبالنسبه للجهاز الجديد ..مافرقت اهم شي يشغل نفس الالعاب .. وبس ..

مشكور مرة اخرى
Modi
10-01-2007, 03:50 PM
ماعندي شي اقوله اغلب الاعضاء ماقصروا ..


بس لو انت مستعجل على الجهاز مره
اشتره من بيت الكمبيوتر لأن يجي معه ضمان سنه "المحل الوحيد الي يعطيك ضمان"

لاني شريت جهاز ماله ضمان وخرب وتوهقت وتصليحه بـ 800 ريال !! شريت واحد جديد
من بيت الكمبيوتر وبضمان وانا مرتاح حتى لو خرب يغيرونه لي :)
jasson_x
10-01-2007, 05:50 PM
السلام عليكم


اذا تبي تعرف اذا كان تلفزيونك يدعم ال HD وراه اذا لقيت خمس مداخل جنب بعض يعني فيه ( احمر اصفر ابيض ازرق اخضر )

أخوي انت متاكد من هذي السالفة:bigeyes:
لانه انه عندي تلفزيون prima 29 بوصة فيه هذي الألوان
مع العلم أني شاريه اب 88 دينار بحريني قلت أطقطق فيه لين ينزل ال ps3 اخذلي تلفزيون LCD
بس اذا يدعم HD وايد زين راح اوفر
PremaFrost
10-01-2007, 07:46 PM
شرفتنا اخ ستورم بمنتدانا وانشاءلله تستمتع بجهازك
بالنسبه لأسئلتك
1- كلامك مضبوط راح ينزل اصدار جديد للاكس بوكس واسمه زايفر
وهذه محتوياته
راح تكون له فتحه HDMI
هارد دسك بسعه 120
برسوسر 65 ان ام اصغر وافضل ليعالج مشاكل الصوت العالي
طبعا مايفرق اذا شريته الحين او بعدين انا جهازى وجهاز اغلبيه الشباب تمام الجهاز عندهم ومافيه اي مشاكل
...................................
2-انا والله من سكان الكويت انشاءلله اهل الرياض يساعدونك بالمحل الافضل لك ولسعرك
............................
3- كلام صديقك صحيح لازم يكون هناك مدخل لونه واحد ازرق والثانى اخضر وهو فايدته حق الهاى دفنشن والله اعلم
...................
4- مافى اى مشاكل اذا كنت من اصحاب FPS عندك العاب كثيره للاكس بوكس وسهل الاستخدام ومريحه
ومن افضلها عندى
Call of duty 2&3
perfact dark zero
وبالنسبه لتوقيعى
اللعبه الى بالنص اهيا lost plant
راح تنزل عندنا بالكويت يوم السبت او الاحد
واللعبه على اليسار اهيا Mass effact
موعد صدورها نص هالسنه