بشااااااااره البلاي ستيشن3 نزلها تطوير

[البيكهام هام]

للكويتيين اللي يبي يطور الجهاز بمحل جيم ستيشن سعر التطوير 100 دينار والشريط الكوبي10دنانير

انصحكم تنطرون :biggthump

بس حبيت ابلغكم انه قدروا يطورونها;)

[barca-ps3]

خبر جيد للبعض !

لكن بالنسبة لي ..
لن استعمل الكوبي ابداً
لافائده من اكثار عدد الالعاب !

[sweet Mio]

امممم
خبر حلو
واصلا الكوبي ما منه فايده فالاصلي احسن
والمحل هذا وين بمجمع الرحاب ؟؟ لان مضيعه شوي لوول
لكن اذا ممكن تطويره فهذا شي حلو اكيد
ومشكور عالخبر
بس يبيلي اروح واتاكد اكثر^^"

[barca-ps3]

والمحل هذا وين بمجمع الرحاب ؟؟ لان مضيعه شوي لوول


مقابل جيم سنتر

[ShRsHr]

تطويره 100دينار والكوبي 10 والاصلي 23 دينار

اقول خلك على الاصلي ابركلك

[XORO]

من الدينار الكويتي الى الدرهم الإماراتي :o
تطوير الجهاز = 1000 درهم
الشريط الكوبي = 100 درهم
الشريط الاصلي = 250 درهم

بعد التفكير ؟؟؟؟؟؟؟؟؟؟؟؟؟؟ :33:

خلونا في الاصلي احسن واضمن :biggthump

[R O C K Y]

معقوله @@

صار فيه كوبي بالسرعه هذي ...طيب الكوبي مضبوط ولا فيه خلل

والسعر مع الوقت كلوا راح ينزل مش مشكله

[Snake-87]

لوووووووووووووووووووووووووووول
100 دينار ؟ والله نصاب حسينو هذا
سؤال فضولي : الالعاب بلو ري وإلا DVD?

[sweet Mio]

مقابل جيم سنتر


اهاا اي عرفته
ان شاء الله بروح ونشوف ^^

[Mesharey]

على هالأسعار يبقى الواحد على الأصلي ارخص له P:

سؤال فضولي : الالعاب بلو ري وإلا DVD? نفس السؤال في بالي :33: ..

[سنسال]

السلام عليكم

وحقاًخلنا نضل على الاصلي

[فوق المستحيل]

لن استعمل الكوبي ابدا

اخواني عن تجربه..ترى البلو راي يتأثر بسرعه بالسي دي حتى لو كان اصلي وانا جربتها كذا مره

فما بالك بالكوبي

[البيكهام هام]

اي احسن لكم لاتطورونها
بس هذه بداية خير يعني مع الوقت يطيح سعر التطوير ويطيح سعر الكوبي وبالنسبه لي انا بطورها شهر6 اذا طاح سعرها يعني لو وصل سعر التطوير40دينار بطورها على طول:biggthump
وبالنسبه لديفيدي ولا بلوراي والله ماسألته:33:

[D3BOL]

خليك على الاصلي احسلك وخاصةً للالعاب الي تستاهل

ماراح اطوررها الا لما ينتشر في كل المحلات ويرخص تطويرها

والمحل اسمحلي بوااااااااااااااااااق يستغل الفرصه

واذا طورتها ا بضل اشتري اصلي واخلي الكوبي للالعاب الي اطقطق فيها

مثلا ً فاينل فانتسي وميتل قير اكيدددددددددددد اصلي

[Snake-87]

its metal gear baby

[سنسال]

خليك على الاصلي احسلك وخاصةً للالعاب الي تستاهل

ماراح اطوررها الا لما ينتشر في كل المحلات ويرخص تطويرها

والمحل اسمحلي بوااااااااااااااااااق يستغل الفرصه

واذا طورتها ا بضل اشتري اصلي واخلي الكوبي للالعاب الي اطقطق فيها

مثلا ً فاينل فانتسي وميتل قير اكيدددددددددددد اصلي

ههههههههه كلامك صح وانت ذكرت نقطه مهمه بواقين

[joker_zambrotta]

والله التطوير شيء حلو .. بس غالي وللحين مو مضمون فالواحد ينطر لي الصيف ويشوف شنو يصير بعدين أحســن

[TearlesS]

لووووووووول نصاب حده ياجماعه جيم ستيشن يستغل الزباين ويقص عليهم مساكين والله الصيدات مايدرون.. وآخر شي يطورها لك ومايعرفك لا اخترب جهازك

ياعمي خلك على محل عبدالكريم والله احسنهم :09:

[Kunio-Kun]

يخرب بيته 100 دينار لووول ...... هذا صك على .... الحراميه في .. مجمع الرحاب و أولهم جيم سنتر
والمحلات التابعه له لنا له اكثر من محل .. المشكلة الكبيرة ان (جيم سنتر) هل مـحـل الـحرامـي معتمد
كاقائمة رئيسية في افضل العاب في .... الكويت من ..... قبل مجلة دوت كوم ...... شي مهزلة . صراحه

انسى اشتري البلاي ستيشن او اطورها من الكويت :)

[فوق المستحيل]

ياجماعه انا عندي اللعبه بعض المرات الاصلي مايشتغل وتصير مشاكل


لان الديسك لازم يتنظف من فتره لي فتره


لا تجازفون بالبلو راي..والله حرام !!


هذي خطه خبيثه من المحلات..يسوي لك تطوير بعدين تقعد تخرب كل يوم ويقعد اهو يستفيد من الاعطال


علاوه على هالشي يمكن تخترب العدسه وسعرها غالي جدا فتضطر تروح له ويصلحها لك واهو يستفيد


صدقوني مايصح الا الصحيح..


الاصلي اصلي

[الذهبي1]

الأفضل الانتظار إلى شهر مارس 2007

[robinho]

سؤال شباب أنا بسئل منو يقدر يستفتي إذا كان الكوبي يجوز شرعا ولا لأ لأنه يعتبر سرقة ملكية فكرية تكفه سئلولي لأن ماعرف وين و ياريت عقب الإستفتاء يكتب من منو و أي شيخ

[D3BOL]

نفس السؤال الي ادور ابراسي ...؟؟


للاسف ما اعرف ...

[thaer89]

انا بنصح ما طورها واستنوا حتى تنزل سعرها وتزداد الالعاب متوفرة و ينزل مود شيب اكثر و كمان اصلا مش مستهلة 100 دينار وما في الالعاب تستريها

[بيبي 3]

مشكور أخوي
على الخبر
بس أبي قول شئ
مرة رحت عند المحل البرنس سألتة عن سعر ميتل قير قالي سعره 85 د.ك
وأنا نجنيت من القيمه وارجو الرد

[joker_zambrotta]

^^ هل محل يتعامل مع kojima productions عشان جذي يعرف سعر اللعبه اللي راح تنزل بعد سنه وحتى ديمو مالها

الكوبي جدا راح ينعل والدين العدسه البلوراي
خلك عل اصلي وكل شهر اخذلك لعبه طبعا ماراح تلحق على الالعاب بعدين :)

[Snake-87]

مرة رحت عند المحل البرنس سألتة عن سعر ميتل قير قالي سعره 85 د.ك
وأنا نجنيت من القيمه وارجو الرد
لووووووووووووووووووول
قزرها عليك 100%
او انت صيدهxD

[فوق المستحيل]

الكوبي اخلاقيا لا يجوز...شي بديهي

انت لما تشتري كوبي..المحل الي يبيع لك..سارق تعب الشركات والمهندسين الي تعبوا على صناعه الجيمز

الشركات تستحق المبالغ الغاليه لان هذا حقها وحرام نهضم حقها

[** Hisoka **]

خلك عل اصلي وكل شهر اخذلك لعبه طبعا ماراح تلحق على الالعاب بعدين

والله أمنيتي أن تكون كل ألعابي أصلية لما أشتري الـPS3 !
لكن مو حرام أدفع 25 دينار على لعبة ؟ ويمكن تطلع مملة وأقعد انتظر شهر علشان أشتري لعبة غيرها <--- Come ooon Duude!!

[البيكهام هام]

8
8
اي والله عدل كلامك
انا بنطر لما يوصل سعر التطوير 40 ويكون كثرت الاشرطه وقل سعر الكوبي
يعني معقوله على طول كل شهر اخذ 12 لعبه بس؟12 لعبه بالسنه بالنسبه لي لاتكفي
انا بس من اهنيه للصيف لما اتأكد انه التطوير مضمون وطاح سعره وصار 40 اطورها بدون تردد

بالنسبه للي يقولون التطوير يخرب الجهاز
اي احسن تطورها وتطيحلها لعب بالكوبي ولا تشتري الاصلي 25دينار اربع اشرطه 100 دينار وزيد عليهم اربع اشرطه 200 دينار يعني 8العاب اصليه سعر جهاز ثاني:bigeyes:
انا اقول طور جهازك ومتع نفسك بالكوبي وبعد ثلاث او اربع سنين يكون جهازك هذا ولا ويكون بهذاك الوقت البلاي3 100 دينار ومطوره وجاهزه:biggthump

[ADEEEL]

^
^
^
كلام صحيح عشان جذيه انا من انصار الكوبي :) بس ماقلتلي الالعاب المنسوخه للبلاي3 هل هي تستخدم سيديات dvd او بلوراي ؟؟؟ وهل اقدر انسخ الالعاب على الهارد ديسك ؟؟

[البيكهام هام]

والله لالحين مومبين شي
بس كل شي راح يبين في الشهور القليله القادمه;)

[Yusuke Urameshi]

نصيحتي انطر مني للصيف و شوف الاجواء لم الكل يجربها و تشوف ردة الفعل المهم ان الكوبي يوصلنا ابرك من الاصلي الي على ما تشتري لعبه يبيلك دهر علشان تجمع فلوسك لا و تطلع اي كلام انا رجال لازم اطلع من المحل يكون الكيس مليان علشان اذا طلعت اي كلام ما اكون خسران شي

[hyuga Neji]

شباب انتو وين تتكلمون البلايستيشن 3

نزله كوبي عن طريق الهارديسك وليس البلو راي او الديفيدي

شباب البلوراي لما تقرصن فقط تم سحب الملف اللي داخله ولم يتم وضعه في بلوراي

وانا مانصح احد يطور الجهاز لان الالعاب اللي راح تنزلهم على الهارديسك راح تكون اقل في الحجم

يعني هذا يدل ان اللعبه راح تفقد اشياء من مميزاتها مع هذا اللعبه راح اتكون كبيره لان اول لعبه جربوها

موتور ستورم وعلى ماعتقد ان كان حجمها 18جيجا خلوها 15جيجا يعني فقدت شي كبير

ولو فرضنا انك شريت هارديسك 300جيجا راح تنزل العاب 50جيجا واولهم ميتل جير4

يعني الهارديسك ماراح يشيل الا 6 العاب

مع ذالك لا احد يعلم الغيب يمكن في المستقبل تاتي العاب 100جيجا كل شي معقول لان حنا في بدايت

الجيل والعاب اول سنه راح تاخذ 50جيجا

فأنا انصحكم لا حد يطور الجهاز واسف على اللإطاله

[Snake-87]

^
^
تفكير سليم ^^ مثل موميري الPSP لحد ياخذ بو 1 جيجا .. لأنه ما يكفي إلا حق جم لعبة ^^"

[Tamaki_q8]

اصلي و بس

و اذا حطيت تطويرة ماراح تقدر تلعب اون لاين :33:

[البيكهام هام]

8
8
8
لا منو قالك:o انا طورت الاكس بوكس360 صارلي ثلاث شهور ومن اول ماطورتها وانا العب بالدوري الياباني برو6 باللايف ولايومك هذا مافيه شي;) تشيشت بروح اباري واحد باللايف
بالبرو6:biggthump

وانا مصمم اني اطورها اذا وصل سعرها 40 وشي اكيد اني ماراح اندم لاني اندم بشغله وحده هي اني اشوف بوقت يكون نزلت فيه العاب كل وحده احلى من الثانيه واكتفي بشريط واحد:( نفس الحين كان ودي اخذ جنجي بعد بس مااقدر:02:

[TIZEN]

والله يا جماعه قمت النصب ديربالكم أحد يطورها والله عندي واحد أعرفه بالرحاب قالي تبي تنصدم تدري سعر التطويره كم؟؟؟؟
قتله كم يعني؟؟
قالي والله ما أكذب عليكم قالي سعرها 3 دنانير!!!!!!!!!!!!!

[7manutd7]

الأصلي أحسن نصيحة أخوي

[البيكهام هام]

والله يا جماعه قمت النصب ديربالكم أحد يطورها والله عندي واحد أعرفه بالرحاب قالي تبي تنصدم تدري سعر التطويره كم؟؟؟؟

قتله كم يعني؟؟

قالي والله ما أكذب عليكم قالي سعرها 3 دنانير!!!!!!!!!!!!!

يالله وينه اعطيه جهازي يطوره:biggthump

[TIZEN]

يالله وينه اعطيه جهازي يطوره:biggthump


هذا واحد كان يشتغل ما أدري بالضبط بأي محل بس يقولك النصب بالرحاب حلالي ومع هالشي الناس تشتري!!!
تبيه تلقاه بالunder ground جنسيته مصري ومعاه واحد هندي محله صغير بس مايطور
وما عنده الا كراتين فاضيه
لووول:D

[البيكهام هام]

لوووووول
مصري طلع ههههههه تلقاه حاقد وده يسوي نفس اللي يسوونه
المهم هم كلهم نصابين بس والله جيم ستيشن صارلي ثلاث شهور مطور الاكس بوكس عنده ولله الحمد لايومك هذا مافيه شي:biggthump يعني لو بطورها بطورها بنفس المحل وانا معاك انه كلهم نصابين بس انت تطورها مره وحده وخلاص مو عشر مرات;)

[TIZEN]

ياعمي سعر القطعه 3 دنانير +التركيب قول 10 مو 100 !!!!!!!!!!!!!!!!!!!!!!!!!!

[البيكهام هام]

اي ادري عشان جذيه ناطرها لما تطيح ل40 وخله ينصب على ثلاثين بالطقاق احسن من اني اشتري اصلي;)

[DeathMatch]

الى يمدحون الاصلي هذوله عندهم فلوس لاتعد ولا تحصى
اما انا فعلى قد حالى يعني الكوبي رحمة لي ولأمثالي
انا ابي انطر شهر 3 واشتري الجهاز واحاول اصله مطور وخالص
وشكرا

[Mr.Mohsen]

الى يمدحون الاصلي هذوله عندهم فلوس لاتعد ولا تحصى
اما انا فعلى قد حالى يعني الكوبي رحمة لي ولأمثالي
انا ابي انطر شهر 3 واشتري الجهاز واحاول اصله مطور وخالص
وشكرا
لا عندنا فلوس وكلنا على قد الحال لكن فكر !! تدمر جهازك علشان العاب رخيصه .. وتدمر جهازك عشان تلعب فيها سنه او سنتين ؟؟ باللي ستيشن 2 كانت العاب الكوبي تأثر على العدسه فما بالك البلي ستيشن 3 !!! واذا كنت تقول انه سعر السي دي ب 25 فتقدر تطلبه من مواقع يطلع عليك ارخص ومثلا موقع امازون سعر اللعبة ب 55 دولار يعني 16 دينار كويتي تقريبا + التوصيل ما يتعدى 3 دينار ... فاذا طلبت اكثر من لعب ما يزيد سعر الشحن .. نفرض انك شريت 3 العاب اصلية ب 48 دينار .. ونفرض انه سعر الكوبي ب 10 يطلع 30 دينار ..! انت تشوف انه في فرق شاسع بالسعر ؟؟؟

[البيكهام هام]

8
8
طبعا قبل لانطور الجهاز نتأكد انه سعر الكوبي طاح ووصل سعره لخمسه او اقل
وتقولي هالشي يأثر عالجهاز؟انا متأكد اني اذا طورتها وانت استمريت عالاصلي انت تخسر فلوس اكثر مني بواجد 4 العاب 100 دينار:bigeyes: مايصير هالكلام وانا اذكر اول مانزلت البلاي2 اكثرهم قالوا ماراح نطور الجهاز وبنستمر عالاصلي وبعد سنه كلهم طوروا اجهزتهم:wow: صدقني راح تطورها وراح يجيك يوم من الايام تنجبر انك تطورها لانه حرام تشتري اصلي سعره 25 او 20 وسعر الكوبي يكون دينارين او دينار;) وبتقولي بيأثر عاللايف؟اقولك كاهي الاكس بوكس كل يوم العب برو6 وجيرز اوف وور لايف بالكوبي والحمدلله مافيه اي مشكله:biggthump

[Tamaki_q8]

اكس بوكس لايف غير و ps3 شي ثاني يعني شغله مو حلوة لما تبي تلعب اون لاين و يطلعلك banned :P

الانك مركب مودشيب ._.

[البيكهام هام]

طبعا ماراح اطورها الا اذا سألت راعي المحل بالشغلات هذه;) وصدقوني اقولكم اياها صح انه الاغلبيه يقولون ماراح نطور اجهزتنا بس راح يجيكم يوم من الايام كل اجهزتكم مطورينها:)

[عاشق راؤول]

حراميه

100 دينار ع التطوير


الحمد الله ما اشتريت للحين

بس بغيت اسال سؤال

كم قيمه الجهاز المتطور وهل ارتفع سعره ( اكيد ارتفع )

[دافيدس]

ان شاء الله الهكرز يقومون بالواجب ويخلوك تقدر تدخل على الأون لاين وانت مطور جهازك زي ماصار مع البلاي ستيشن 2 والإكس بوكس 360
الهكرز ماخلو شيء ماخترقوه ومهمتهم الان بعد ماخلصو على الإكس بوكس 360 البلاي ستيشن3 ان شاء الله ينجحو

[ADEEEL]

اعتقد ان سالفة تطوير الـ ps3 راح تسبب صداع مثله مثل الــ psp لأن راح ينزل تحديث للنظام كل فتره وهذا راح يمنع تشغيل الالعاب المنسوخه وحتى لو نزل برنامج تشغيل العاب كوبي جديد هم راح ينزل تحديث للنظام عشان يمنع الكوبي وهكذا الى لانهايه مع صداع التطوير والتحديث وخسارة الفلوس وربما خراب الجهاز نفسه

[msm]

أشك بالخبر ..

هل في أحد شاهد بنفسه تشغيل ألعاب منسوخة على الجهاز ؟ ..أو المقصد تشغيل عن طريق القرص الصلب ؟..

[سلماوي]

اعتقد اشاعه !!

لان الماقع الاساسية للعكر او مصدر اخبار الهكر ماكفي معلومه وحده على مسألة التطوير او تهكير الجهاز حتى نسخ العاب على القرص الصلب

والى الان لاشي

[albacino]

أنا شايف أن الموضوع عباره عن تسويق لمحلات بالكويت هذا يمدح وهذا يسب والعكس .......... ياجماعة فكونا من التسويق

[AL.ITTI7DE]

أنا أتوقع إن الكوبي نزل كتجربة

ودليل على إمكانية إختراق الجهاز

لكن ما اعتقد إنه ناجح حاليا

وأكيد راح يكون فيه خلل

لكن بعد فترة

راح ينزل الكوبي وبدون مشاكل

أهم شي إنهم عرفوا كيف يخترقوه

الله يخليلنا الهكرز قولوا آمين خخخخخخخخخخ

هذي وجهة نظري بالموضوع

تحياتي

[البيكهام هام]

أنا شايف أن الموضوع عباره عن تسويق لمحلات بالكويت هذا يمدح وهذا يسب والعكس .......... ياجماعة فكونا من التسويق
لاوالله لا امدحه ولا شي انا اقولك اياها كلهم نصابين:o بس صج هو حاط اعلان يطور البلاي3 وانا حبيت اني اوصلكم هالمعلومه واللي مومصدقني يروح لمجمع الرحاب ويروح محل جيم ستيشن ويتأكد بنفسه ;)

[][-][Mr.ZeNoN][-][]

إتركوكم من سالفة التطوير

اللي يقولك حرام أشتري أصلى عشان تطلع اللعبة فلوب!!

أقوله طالما فيه بلايستيشن ستور تنزل ألعاب الديمو تجرب قبل لاتشتري مافيه مشكلة مع الأصلي

الأصلي وبس خلونا نرتاح من مشاكل العدسة فالبلوراي حساس جدا!!!

[فوق المستحيل]

اخوي mr.zenon

خلهم يجربون الكوبي...ويشوفون شلون يندمون ندم مابعده ندم

البلو راي مو حساس وبس..

بل حسااااااااااااااااااااس جدا..لدرجه انه حساس مع الاصلي..فما بالك بالكوبي

خلهم الوقت يعلمهم

[البيكهام هام]

8
8
مستعد اتحداك انه بعد سنتين بالكثير راح تطور جهازك:) ومستعد اني اتحداك بشغله ثانيه وهي اني راح اشتري العاب اكثر منك وراح تخسر اكثر مني فلوس;) خلها سعر التطوير يوصل 40 بس واول واحد يطورها انا:bigok:

[فوق المستحيل]

انا مستعد اطور..لكن مثل ماقلت بعد سنتين..بعد مايكون الجهاز رخص التراب ولا يهمني

لكن الحين في ظل ضياع الصيانه ووجود الباتشات عبر الانترنت.يصعب هالامر

[barca-ps3]

بعض الناس يراهنون ويجزمون على شي بالمستقبل ..

ترى علم الغيب عند الله !

قبل ما تشتري الاصلي ..
نزل الديمو عندك .. إذا عجبك اشتره .. ما عجبك على راحت لا تشتريه ووفر فلوسك حق لعبه ثانيه !

للأسف بعض الناس ودهم يحطمون الرقم القياسي باقتناء ألألعاب .. حتى لو انهم يتجهون للكوبي !

[البيكهام هام]

8
8
8
لا والله انا اصلا قبل لا اشتري كل لعبه انزلها ديمو والعبها واذا عجبتني اشتريها واذا ماعجبتني طاف وتفكيري مونفس اللي تقوله اخذ اكثر الالعاب المقصد من كل الكلام اللي قلته انه تخسرون فلوس اكثر
والله عشرين دينار على كل لعبه هذا بكبره حرام:wow:

وهم للاسف فيه ناس تقول ماراح تطور اجهزتها وبعدين تطورها:)

والله اني اذكر البلاي2 اول ماكتشفوا التطوير وكانت بوقطعه صغيره اللي تركب بالجهاز :D انا من اللي طوروها بهذاك اليوم وكان سعر التطويره35 اذكرها هالكلام اخر سنة2000 يعني بعد سبع شهور من نزول البلاي2:p البلاي2 عطيتها سبع شهور اما البلاي3 لما يوصل سعرها40 كل جيل جديد زياده خمسه:09: ولا اني استمر بشراء الاصلي لاني انا بصراحه مدمن العاب وحرام على كل لعبه اخسر 25او20:bigok:

[][-][Mr.ZeNoN][-][]

والله اني اذكر البلاي2 اول ماكتشفوا التطوير وكانت بوقطعه صغيره اللي تركب بالجهاز انا من اللي طوروها بهذاك اليوم وكان سعر التطويره35 اذكرها هالكلام اخر سنة2000 يعني بعد سبع شهور من نزول البلاي2 البلاي2 عطيتها سبع شهور اما البلاي3 لما يوصل سعرها40 كل جيل جديد زياده خمسه ولا اني استمر بشراء الاصلي لاني انا بصراحه مدمن العاب وحرام على كل لعبه اخسر 25او20

نعم نعم

حتى أنا سوييت نفس الشي

لكن بعد تركيب المودشيب الجهاز ماصار يشتغل..

بسبب إن ولد الـ(طيييييييط) خرب العدسة ولعب فيها

حتى لو مافيه مشكلة بتضل المشكلة بالألعاب الكوبيات..مثل البلاي2 أغلب الكوبيات CD عادي وهي أصلا DVD

فبسبة هذا الشي حولت للأصلي

وإذا أنت من النوع المجااازف أصبر سنتين على الأقل بتنزل قطع كثيرة

لكن أنا ماراح أطور جهازي ولا شي بخليه مثل الـPSP يشغل أصلي وبس..

[SFS]

النصب والاحتيال وصل الى حد لا يطاق بمجمع الرحاب..

ولما يخترب الجهاز المحل مو مسؤول عن جهازك..ويقطها براسك..

المشكلة فيه صيدات وايد عندنا..

[البيكهام هام]

مو الحين بطورها:) اقل شي بالصيف وانت طالع ;)

[barca-ps3]

النصب والاحتيال وصل الى حد لا يطاق بمجمع الرحاب..

ولما يخترب الجهاز المحل مو مسؤول عن جهازك..ويقطها براسك..

المشكلة فيه صيدات وايد عندنا..


إي والله النصب عندنا مو طبيعي

بس يقول المثل
زرق الخبول على الميانين !

انا اذا بشتري شي من الكويت .. بس الجهاز
أما الألعاب .. الله يخلي امازون !

[deera]

للكويتيين اللي يبي يطور الجهاز بمحل جيم ستيشن سعر التطوير 100 دينار والشريط الكوبي10دنانير

انصحكم تنطرون :biggthump

بس حبيت ابلغكم انه قدروا يطورونها;)
______________________________________
شباب لا حد يصدق المحل ما في تطوير للحين كل ما في الأمر يبي يحر اللي قباله
و شفتو شلون بدأت المنافسة بالأسعار بيناتهم لكن اعتقد ان المنافسة انتهت

[عاشق يوشي]

اخوي معقولة نزلها تطوير بهالسرعة وين احنا لحد الحين ماشفنا شيء من المواقع يثبت كلامك

[البيكهام هام]

والله ياجماعه تعبت من الكلام
انا شفت اعلان بره المحل ودشيت وقالي اي اطورها بمية دينار والشريط الكوبي 10 واللي مومصدقني يروح للمحل ويسأله:o انا كنت بقدم لكم خدمه وابشركم انه نزلها تطوير بس مدري ليش تهجمتوا عليه واتهمتوني بالكذب:02:

[Tamaki_q8]

والله ياجماعه تعبت من الكلام
انا شفت اعلان بره المحل ودشيت وقالي اي اطورها بمية دينار والشريط الكوبي 10 واللي مومصدقني يروح للمحل ويسأله:o انا كنت بقدم لكم خدمه وابشركم انه نزلها تطوير بس مدري ليش تهجمتوا عليه واتهمتوني بالكذب:02:

انا بعد شفت اعلان بس انا مو مقتنع انه التطويرة زينه حق ps3 و 10 دنانير حق لعبه كوبي :28:

لوول لو البلديه يعرفون انهم يبيعون هه سعر جان يصكرون كل المحلات في الرحاب :09: الانه هذا قمه النصب

[][-][Mr.ZeNoN][-][]

والله ياجماعه تعبت من الكلام
انا شفت اعلان بره المحل ودشيت وقالي اي اطورها بمية دينار والشريط الكوبي 10 واللي مومصدقني يروح للمحل ويسأله:o انا كنت بقدم لكم خدمه وابشركم انه نزلها تطوير بس مدري ليش تهجمتوا عليه واتهمتوني بالكذب:02:

والله أنت ذكرتني بأيام

أنا زمان بالعضوية القديمة جدا أيام أول مانزل البلايستيشن2 كان لازم تشغل الكوبي بالجيم شارك

نزل قطعة تشغل الكوبي بدون جيم شارك..رحت سويت موضوع وفيه محل كذا وكذا وكذا

إلا جا واحد..عفوا قصدي إثنين متفلسفين آآآخر فلسفة..

الأول قالي أنا عارف السوق وهالقطعة ماهي موجودة (طبعا وقتها قلت في نفسي "أتحدى" :31: )

والثاني قالي أنت ماتستحي تكذب أنا ماحصلت القطعة عند ألعاب السعيد

طيب من متى صار ألعاب السعيد أول من ينزل البلاوي ذي؟؟ لو ينزل يكون هو آخر من نزل عنده القطعة!!

قلتله مو مصدق تعال قابلني بالمحل الفلاني..قالي فاضي أقابل حضرتك؟!! << مو قلتلك إنسان فيلسوف :33:

يالحبيب أي واحد ماشاف القطعة ماراح يصدقك..أنا عن نفسي ماأكذبك بس لازم أشوف القطعة عشان أتأكد

والسموحة

[deera]

اخوي البيكهام هام حاشى مو القصد انك .......لا سمح الله المقضد ان المحل نفسه اهو اللي يكذب
بوضعه للاعلان عن التطوير و اهو مو موجود للحين اما بالنسبة انك سألته عن السعر 100 دينار
صحيح 100 % كلامك لكن على رأي المثل (اللي ما يبي يزوج بنيته يرف السعر ) و هذا مو ما يبي يزوجها لا بالساس ما عنده بنية كلهم صبيان .......... لا تزعل من احد بس الموضوع انه بأهم المنتديات و المواقع الهكرية يقولون ممكن يحصل التطوير بالايام القادمة ليش انه نزل اللينكس عالجهاز اصبح التهكير عليه قريب ولا اشرايك معقولة يكون هالمحل عنده مطورين متفرغين حقه اكيد لا بيجيب الفكرة من هالانترنت مثل كل الناس و اشكرك على اهتمامك بايصال كل جديد و سعة صدرك

[demon fox]

خبر حلو شكرا لك^^

لكن انا خلاص خذيتها قاعدة ي اجهزة النكست جنريشن لن اتعامل مع الكوبي^^

[msm]

يالحبيب أي واحد ماشاف القطعة ماراح يصدقك..أنا عن نفسي ماأكذبك بس لازم أشوف القطعة عشان أتأكد
طالما ان مجموعات القرصنة المنتشرة في مواقعها المختلفة لم تذكر أي شي عن النجاح في كسر حماية الجهاز بواسطة مودشيب أو ماشابه حتى الآن .. فالخبر مكذوب ..والعتب على المحل الذي يستغل ذلك للترويج والتسويق ..