منافسة بين جيم سنتر وجيم ستيشن

[Mar@dona]

السلام عليكم


اووووووو منافسة بين جيم سنتر او جيم ستيشن

كل واحد يطيح سعر

جيم سنتر حاط اعلان سعرة 199


وجيم ستيشن حاط اعلان سعرة 190

وشوي وشوي قام يطيح احس سعرة

لحد بستريها شباب والله صبروا والله الصبر زين


:)


المحلات الكل قام يطالع اتقولون حرب مو محل:)

[Mr.Mohsen]

والله مو مسألة صبر المسألة إنك قاعد تسوي حق المحلين تسويق :D

[ShRsHr]

190 :bigeyes:

انا قبل امس رايح انا واحد من شباب مجمع رحاب بيشتري الجهاز نصحته يركد شوي
ويطول باله بس كان معزم وماقدرت علي :D <==== ينطر فاينل فانتسي

ورحنا جيم سنتر(نصب وحتيال)
وخذينا الجهاز 300دينار ومع اربع اشرطه ويدتين

وجربت رسيستنس وصراحه شفت قدرت البلاستيشن وروعة رسومات في هل لعبه

وانشاالله انا ماني ماخذ الجهاز الا اذا نزلت فاينل فانتسي والعاب قويا ثانيه
مو اشتري الحين واخلي يطيح بجبدي واقعد انطر الالعاب متى تنزل انطر لمن ينزل سعر
وتنزل العاب الي بخاطري ^_^

[Mr.Mohsen]

طبعا السعر اللي يقصده ماردونا صناعه صينيه مو يابانيه

[** Hisoka **]

جيم سنتر حاط اعلان سعرة 199


وجيم ستيشن حاط اعلان سعرة 190

صناعة صينية ؟ وأنت تقصد الـ 20 ولا الـ 60 GB ؟
إذا 60 GB وصناعة صينية وسعره 190 .. معناها لا تحلم الجهاز يعيش معك فترة طويلة .

[ShRsHr]

ياحبيبي صيني والياباني نفس شي ونفس المواصفات شفيكم مستصغرين الصين

وبعدين الايدي العامله صينيه رخيصه مو مثل اليابان عشان جذي تشوف سعر رخيص

[عاشق يوشي]

انا مستغرب منكم دايما تقولون الياباني احسن من الصيني يعني معقولة الصيني مايعيش للعلم السوني 2 كل النسخ صينية والاكس بوكس 1وال360 والناس يشترون ولاشفت احد يتشكى من الصيني ومن خلال تجربتي لما خذت البلاي 2 الياباني من اوائل النسخ الياباني كان كل يوم والثاني يخترب علي وبعدين النسخ الجاية من الps3 كلها راح تكون صينية

[Mar@dona]

السلام عليكم


اخوي انا ما اسوي تسويق حق المحلين لكن انقل اخبار الرحاب واسعارها:D


او طبعا امريكي او اكيد صناعة صينية او 60 جيجا


شوي وشوي يطيح لا تخافون

:)

سلام

[Tamaki_q8]

القطع في ps3 كله انتاج japan بس المصنع الي مركب الجهاز في الصين يعني بالعقل

can japan factory make all ps3 to all over the world :P

:أفكر:

[Mar@dona]

ندري ان امريكي صناعة صيني الكل جذي


لكن الي صاير حرب اسعار

بين محلين وهالشي فرصة للزباين :)

يشتري وا اهو مرتاح بهالسعر

لا غالي ولا شي بس ننطر بعد شوي وشوي بس شكلها بتصير ابلاش:D

[joker_zambrotta]

يبيله سوني 3

[Mar@dona]

يبيله بس مو الحين ننظر هم يرخص شوي

وشي ثاني مااااااااكو العاب قوية ننظر شوي

كل تاخيرة فيها خيرة

او كل ماننظر شوي يعدلون اي خلل بسوني3

سلام

[Snake-87]

شباب الحين تنزيلات هلا فبراير ^^"
+ مافيكم صبر لي شهر مارس ؟ شهر 3 راح ينزل بالوكيل وسعره 180 دينار @@ PAL

[Mar@dona]

يمعود سنيك نظام بال

الامريكي او بس

او شنو 180 قام اتقول عند الوكيل


خو الوكيل كل شي غالي الكل يدري

المهم بعد المنافسة الحرب بين المحلين اكيد يصير رخيص


سلام

[Gentleman]

يعني صار سعره بالمحلات 190 بنسخة 60 جيجا .. معقولة ..؟؟

وشكرا على الخبر ..

[Mr.Mohsen]

بالنسبة لي انا ما راح اشتري الاوربي PAL لان لدي العاب بلي ستيشن 1 و 2 بنظام NTSC/UC اصليه ما يقارب 50 لعبة .. فلازم اخذ النظام الامريكي عشان يشغلهم .

[ZOROOOOO]

شباب الحين تنزيلات هلا فبراير ^^"
+ مافيكم صبر لي شهر مارس ؟ شهر 3 راح ينزل بالوكيل وسعره 180 دينار @@ PAL

أخوي تقدر تقولي شالفرق بين الأوروبي والأمريكي لأن إلي أعرفة إنة الأمريكي أهو إلي ماشي بالسوق؟؟؟؟

[yosif007]

يعني صار سعره بالمحلات 190 بنسخة 60 جيجا .. معقولة ..؟؟

وشكرا على الخبر ..

معقولة و نص انا امس كنت في الرحاب مرتين الصبح و في الليل عرض علي صاحبي محل جيم سنتر الجهاز ابو 60 جيجا نظام امريكي ب250 دينار مع شريط اصلي و اذا بدون شريط يصير ب220
لما رحنا الليل علشان نشتري الجهاز لقينا الاسعار هي ب190 دينار بدون شريط
و احتمال تنزل اكثر بعد اسبوعين و بعدين ترجع تصعد( بعد ما يخسر اصحاب جيم ستيشن و جيم سنتر جم دينار )

[barca-ps3]

أخوي تقدر تقولي شالفرق بين الأوروبي والأمريكي لأن إلي أعرفة إنة الأمريكي أهو إلي ماشي بالسوق؟؟؟؟

بإختصار بسيط

1 - السعر أرخص .. 150 د.ك للـ 20 جيجا --- 180 د.ك للـ 60 جيجا

2 - تكون الكفاله على الوكيل نفسه < مو على المحلات

3 - نظام الكهربا الاوروبيه نفسنا << ما يحتاج محول اللي جنه جيم كوب !
<< الاجهزة الامريكيه اللي من دون محول .. هذي أجهزه ملعوب فيها !

4 - أفلام الـ DVD بالشرق الاوسط تشتغل على نظام PAL << افلام البلوراي فري ريجن

<< اما سالفة السيرفر .. هذي بالنسبة لي لغز ما اعرف جوابه !

[albacino]

حلوووووووووووووووووووا والقادم مذهل أكثر

[AL.ITTI7DE]

أهم شي كم وصل سعره بجيم ماستر

أنا أخبره أول مانزل كان بـ4000 ريال

طبعا هذا الـ60 جيجا

[SFS]

شباب الحين تنزيلات هلا فبراير ^^"
+ مافيكم صبر لي شهر مارس ؟ شهر 3 راح ينزل بالوكيل وسعره 180 دينار @@ PAL

أقول سنيك الوكيل عندنا ما فتح باب للحجوزات..؟؟

لان خوفك ينزل بشهر ثالث وتشوف طق مطاقق وعفسه وزحمه..:p :p

[][-][Mr.ZeNoN][-][]

المشكلة المحلات مستغلين حكاية الصيني والياباني لانهم عارفين إن الزبائن مساكين وينخدعوا بسرعة..

المحلات مستغفلينكم يا أساتذة البلايستيشن

[deera]

[-][Mr.ZeNoN][-][;5238857']المشكلة المحلات مستغلين حكاية الصيني والياباني لانهم عارفين إن الزبائن مساكين وينخدعوا بسرعة..

المحلات مستغفلينكم يا أساتذة البلايستيشن
__________________________________

كلامك صحيح 100% عن خبرة ان كان ياباني ولا باكستاني المهم يكون جديد مو مستعمل استعمال خفيف و منظف وينباع على اساس جديد مثل البلايستايشن 2 الكبير موجود ببعض المحلات و بالكرتون لكن لما يتبطل من الداخل تشوف البلاوي .... المهم صيني كان ام ياباني ما في فرق المكونات واحدة لكن التجميع في مصانع سوني المختلفة ........

[Leonium]

الياباني الصيني كله سيم سيم والفرق بين الاجهزه هو الاصدار Version

قطع الجهاز صنعوها باليابان وتركيبها صار بالصين = بلايستيشن3 صينيه
قطع الجهاز صنعوها باليابان وتركيبها صار باليابان = بلايستيشن3 يابانيه

وجيم سنتر وجيم ستيشن اثنيناتهم الله يستر عليهم يلعبونها صح وبالنهايه انت الخسران واهما الربحانين لوووووول

[delpiero89]

http://www.sh3be.com/download.php?action=lsn&id=1105
: \ عيال الشسمه .. !!!


قبل يومين انا عندهم يقولي 240 .... اطلع من المحل ادش المنتدى الا واصل 190


بس الحمدلله للحين ما اشتريت الجهاز


مشكور على الخبر

[Evil Saiyan]

السلام عليكم

احبب اقولكم ياجماعة ان العرض كان للجهاز بس

يعني تدفعون 190 على جهاز بروحه بدون يدة ولا محوّل ولا لعبة معاها

بالنسبة لي بنطر لي الصيف وبشتريها عاد بيكون السعر نازل وتكون العاب نازلة حلوة

ومشكور على الموضوع

[فوق المستحيل]

ياجماعه هذي مضاربه بين هالمحلين وسمعت اخبار ان الاسعار ارتفعت عن 190

وبخصوص الوكيل..انا سمعت انها نزلت بالكويت وسعرها ب 369 دينار

[Snake-87]

^
^
نزلت بالوكيل بشكل غير رسمي ... (انها الكويت) الوكيل غير رسمي شنو تنطر اكثر من جذي؟
وكيل بقالة مو شركة .. زباااااالة xD

[فوق المستحيل]

اكو وكيل غير سوني سنيك ؟

ومنو بيكون ؟

[Mar@dona]

انا الحمدالله


ماشريتها واصلا ليش اشتريها لا العاب ولا شي


ننطر زننطر احسن لغبتي المفضلة للحين مانزلت:D وناسة


الحين مانزت شبي بالسوني ارتفع سعرها ولا طاح بالاخير يطيح سعرها


واشتري مع لعبتي :)


سلام

[D3BOL]

قبل امس جيكت على الاسعار اقل سعر هو جيم ستيشن 200 دينار مع شريط 60 قيقا و امريكيه صنع ياباني ....

والسعر ممتاز .....

[Snake-87]

^
^
عجبتك الصورة إلي حطيتها xD ?

والسعر تقريبا مثل الرسمي .. السعر الرسمي 180 دينار + شريط = 200
ولكن الصناعة الصينية سعرها اصلا 130 دينار بالصين .. فهو ربحان ربحاااااان

[SFS]

قبل امس جيكت على الاسعار اقل سعر هو جيم ستيشن 200 دينار مع شريط 60 قيقا و امريكيه صنع ياباني ....

والسعر ممتاز .....

متأكد أخوي الجهاز صنع ياباني..؟؟

لان السعر حده زقرتي..:)

[Evil Saiyan]

المشاركة الأصلية كتبت بواسطة D3BOL http://director.montada.com/montada_icons/buttons01/viewpost.gif (http://www.montada.com/showthread.php?p=5248666#post5248666)
قبل امس جيكت على الاسعار اقل سعر هو جيم ستيشن 200 دينار مع شريط 60 قيقا و امريكيه صنع ياباني ....

والسعر ممتاز .....


يالغالي اخاف يكون بدون يدة و محوّل

ترا المحوّل سعره 30 دينار واليدة 25 دينار

[D3BOL]

بالنسبه لجيم استيشن دشيتله وقالي 200 لل 20 قيقا مع شريط


وصناعه صينيه مادري ليش قلت يابانيه


واحد من ربع اليوم بالدوانيه قلتله قالي للعشرين مو 60


اسف اخوان


بس قالي ارفيجي لقيتها 220 مع شريط .... 60 قيقا و صناعه صينيه و نظام امريكي


بس مادري اي محل جيك على المحلات


بالنسبه للصينيه ارفيجي شراها صينيه نظام امريكي 200 دينار مع شريط وهذا اب كندا


اشفيكم على الصيني الحين انسى ياباني كلا صيني


جيك على الاكس بوكس بالمحلا ت كلا صيني


واسف على الخطأ وتروالي السعر ممتاز

وانصحكم تنطرون على ما تنزل الالعاب القويه ... اشفيكم مستعيلين ^^

[Mr.Mohsen]

أحب اضيف شي .. ان الصناعه اليابانيه غير متوفره بالسوق نهائيا رحت لكل المحلات كله صناعه صينيه واقل سعر حصلته 230 دينار مع لعبه امريكيه 60 قيقا وشكرا .