المساعد الشخصي الرقمي

مشاهدة النسخة كاملة : الامارات تفوز على الكويت 3-2 في كأس الخليج


ToUaReG
23-01-2007, 06:40 PM
الامارات تفوز على الكويت 3-2 في كأس الخليج

فاز منتخب الامارات على نظيره الكويتي 3-2 في المباراة التي اقيمت بينهما يوم الثلاثاء في الجولة الثالثة والاخيرة من منافسات المجموعة الاولى في بطولة كأس الخليج الثامنة عشرة لكرة القدم. تقدمت الامارات بهدف عبر اللاعب اسماعيل مطر في الدقيقة الاولى ورد المنتخب الكويتي بهدف التعادل عبر بدر المطوع في الدقيقة 30 ثم احرز فيصل خليل الهدف الثاني للامارات في الدقيقة 31 ثم عاد منتخب الكويت للتعادل عبر فهد هزاع في الدقيقة 34.

وتمكن مطر من انتزاع الفوز للامارات باحرازه الهدف الثالث في الدقيقة الاولى من الوقت المحتسب بدل الضائع للشوط الثاني.



مبروووك للامارات ^^ ..
dmx
23-01-2007, 06:57 PM
مبروك للامارات و هاردلك للكويت
Private Jeddawi
23-01-2007, 08:04 PM
مبروكـ للامارات .. هاردلك للكويت ،،
DJ_rashid
23-01-2007, 08:08 PM
مبروك للإمارات بس يقوولوون انه اذا الإمارات تأهل باجر بتكون إجازه.. صح هذا الكلام ولا؟
xuae_3
23-01-2007, 08:47 PM
مبروك للإمارات بس يقوولوون انه اذا الإمارات تأهل باجر بتكون إجازه.. صح هذا الكلام ولا؟
أجازة شو؟ هههههههه
مبروك للإمارات
gulf rock asia ....
HAMAD 11
23-01-2007, 09:16 PM
انا كنت موجود بالمبارة قبل شوي

احلى شي يوم جاب اسماعيل مطر الهدف والله طرنا طيران من الفرحة :biggthump
SNIPER GAMES
23-01-2007, 09:29 PM
السلام عليكم ورحمة الله وبركاته


نا كنت موجود بالمبارة قبل شوي

احلى شي يوم جاب اسماعيل مطر الهدف والله طرنا طيران من الفرحة

فعلا كانت فرحة قوية في الملعب غير طبيعية والحمد الله إني كنت في الملعب لأن الكويتين نشفوا ريجنا وقدموا مباراة قوية ... مبرووك للأبيض :biggthump
!!!!!
23-01-2007, 09:36 PM
والله كانت مباراة اعصاب ..
حتى ابوي نازعني من كثر اندماجي بالمباراة خيفانة يدخل علينا جول في آخر الشوط وينتهي الحلم !
الحمدالله فزنا وماشالله عالمسيرات كشششخة..
عقبال الفرحة الاكبر ان شاءالله ^_^..
وسعيدة لمستوى اسماعيل مطر في تحسن ملحوظ بين مباراة اليمن واليوم ..


اتمنى من كل اللاعبين يلعبون نفس مايلعبون في الدوري .. والله عدهم احسن من جيه .. لكن يمكن تكون خطة المدرب هي السبب ..
DMC
23-01-2007, 09:55 PM
مبروك الفوز للمنتخب :أفكر:

هاردلك للمنتخب الكويتي

كنت موجود بالمبارة قبل شوي

احلى شي يوم جاب اسماعيل مطر الهدف والله طرنا طيران من الفرحة :biggthump
اكيد اسماعيل مطر جوهرة وحداوية عمرها ماتتصدأ ;)

حتى ابوي نازعني من كثر اندماجي بالمباراة خيفانة يدخل علينا جول في آخر الشوط وينتهي الحلم !

ههههههههههههههههههههه

بالعكس لازم يكون قلبيج من حديد :D

وسعيدة لمستوى اسماعيل مطر في تحسن ملحوظ بين مباراة اليمن واليوم ..
هيه الجيكر شفته بس للاسف ماسلمت عليه في المبارة الي طافت

بس يلا ان شاء الله بسلمه :D


اتمنى من كل اللاعبين يلعبون نفس مايلعبون في الدوري .. والله عدهم احسن من جيه .. لكن يمكن تكون خطة المدرب هي السبب ..

اظن هاذي السبب :)
ToUaReG
23-01-2007, 10:56 PM
مشكورين شباب عالردود ^^ ..



مبروك للإمارات بس يقوولوون انه اذا الإمارات تأهل باجر بتكون إجازه.. صح هذا الكلام ولا؟

انت شكلك يا يتطلع اشاعه او تدور الاجازه دواره :09: ..
راؤول الأسطورة
23-01-2007, 11:30 PM
هدي شوي كل أخبارك تحارب فيها منتخب بلادك :D
الف مبروك للمنتخب الاماراتي ومبروك ايضا للمنتخب الكويتي ظهوره بالمستوى المميز اللي قدمه وربما أعاد شبح البسمة في وجوه مشجعيه على الأقل املا ان يحرز الأفضل بالبطولات القادمة :biggthump
ولو راسية فهد الفهد >> اللاعب لمستغرب من عدم تواجده بالمباريات الماضية ، صكت الجول كانت المسيرات الحين بالكويت :o
برأيي التحول كان منذ خروج محمد جراغ اللي دوخ مدافعينا بمباراتنا السابقة :31:
والظهير وليد "لقبته بجروسو" ما شاء الله عليه واضح ان له مستقبل مميز مع الازيرق ;)
PhytoN
23-01-2007, 11:34 PM
مبروك للإمارات بس يقوولوون انه اذا الإمارات تأهل باجر بتكون إجازه.. صح هذا الكلام ولا؟
LOL mskeen rashood ::D

seer ergd warak mdars bachr EKEKEK !!
C.RONALDO
24-01-2007, 12:03 AM
والله انا كأس الخليج ماني عادة دوره اساس ما اقول لأن الكويت خسر لكن دوري فاشل ..
اتابع مانشستر والدوري الانجليزي استمتع بمهارات الاعبين الي نقدر نسميهم لاعبين اصلا ..

وبخصوص المباراة انا ماشفتها ولا كان ودي اشوفها ادري ان الكويت من اول ما تعادلت مع اليمن مافيهم خير الاعبين .. منتختب واسطات ..

واخيرا اقول مبروك للامارات ومو هاردلك للكويت ..

تحياتي ..