المساعد الشخصي الرقمي

مشاهدة النسخة كاملة : ابي نصيحتكم !!!


D3BOL
26-01-2007, 09:51 PM
السلام عليكم ورحمة الله وبركاته


نويت اشتري تلفزيون بلازما بس مادري اي نوعيه ؟؟؟؟


ابي نوعيه ممتازه .....


سمعت بعض الاشاعات اتقولو ان البلازما اطبع اي عند تغير القنوات فان هذي القنوات اطبع اذا غيرت بسرعه ... وكذلك الشاشه الزرقاء اذا وضعتها ما يناهز 4 ساعات يخترب جهازك ...


فياريت اتقولولي هل هذه الاشاعات صحيحه وتنطبق على كل جهاز ؟؟؟؟


وياريت اتقولولي نوعيه ممتازه للبلازما ..؟؟


ابي واحد امجرب الابلازما ابنفسه اقولي اشلونه ؟؟؟




وياريت اكون موقع الموضوع صح لان جهلت اين اضع هذا الموضوع واعتقد هذا المكان هو الانسب
وشكراً ^^
..............
دلالالالال
26-01-2007, 10:09 PM
ما عندى اى معلووومه عنه :)
moneeeb
27-01-2007, 02:35 AM
السلام عليكم ورحمة الله وبركاته



نويت اشتري تلفزيون بلازما بس مادري اي نوعيه ؟؟؟؟


ابي نوعيه ممتازه .....


سمعت بعض الاشاعات اتقولو ان البلازما اطبع اي عند تغير القنوات فان هذي القنوات اطبع اذا غيرت بسرعه

ايش يعنى اطبع...ايش قصدك بيها

اشترى سونى بلازما:biggthump

سلام
wael_yemen
27-01-2007, 07:16 AM
انا فاهم قصده...اطبع قصده تسوي مثل ظل...يعني تكون مثلا مكتوبة Dubai TV ولما تقلب القناة اللي بعدها تشوف مثل ظل لكلمة Dubai Tv قبل لا تختفي وتتغير مثلا ل Al Arabiya Tv :33:
أعتقد هذا قصده:33:
D3BOL
27-01-2007, 03:27 PM
^
^
^
اي نعم اخوي هذا قصدي .................... بس هل هذا صحيح ؟؟؟؟

وارجو تزويدي بالمعلومات

وشكراً
FAS
27-01-2007, 04:01 PM
عندك السوني أفضل التلفزيونات ,
خصوصاً الWega رهيب ....
عندي Bravia HD TV ومستواه ممتاز بلا شك ...
ولا فيه المشكلة الي ذكرتها ....
( وطبعا أسعار السوني غاليه مقارنة مع الباقيين )
Deep Night
31-01-2007, 07:40 AM
سوري ما عندي اي معلومة عن هذا الموضوع
AL ADMIRAL
05-02-2007, 08:28 AM
وعليم السلام

بالنسبه للي تقول عليها أشاعه ( الصوره تنطبع)
هذا يسير مع شاشات البلازما لمن تكون صوره ثابته لفتره طويله ( مثل شعار القناه أو شريط الأسهم) مثل ما قلت لمن تتركه فتره طويله ودايمن تحطه
بس الحين مع الشاشات الجديده خفت هذي المشكله

الشاشات المسطحه النحيفه نوعين بلازمه و LCD
أنا أنصحك بي الـ LCD فهي من ناحيت طبع الصوره تكاد معدومه
وطبعا مثل ما ذكرالأخ FAS السوني الي يجيك BRAVIA ممتاز

1/طيب لازم الجهاز الي تاخذه فيله مدخل HDMI فهي وصلة عالية التعريف وتقوم بنقل الصوره بأحسن ما يمكن
الصراحه ما حتستفيد منها الحين كثير بس في المستقبل القريب حتحتاجها مثل تشغيل أفلام HD-DVD و BLU-RAY و بلاستيشن 3
2/ الجهاز يكون قادر على التعريف العالي ويكون مكتوب عليه HD-ready
وأحذر من التي يكون مكتوب عليها HD-compatible (موائمة للتعريف العالي) فهاذي غير قادره على عرض صورة التعريف العالي بجودته
3/أنصحك بي الشاشه التي تعرض 1080p يعني 1080 خطا دفعه واحده و بلاستيشن 3 يعرض هذه الجوده
والتلفاز الذي يكون 720p ليس بسيئ ولاكن 1080p أفضل
و الفرق الذي بين 1080p و 1080i هو أن p يعرض الخطوط دفعه واحده أما i دفعتان (الـpأحسن)

أنصحك بشراء الآن مجلة T3 النسخه العربيه لهذا الشهر لأن فيها موضوع مقارنه بين عدت شركات من شاشات البلازما و الـLCD وتقول لك المجله رأيها عن أفضل منتج
ومنها تكسب خبره

بس حتطورط بي التعلق بهاذه المجله :) لأنها أفضل مجله عالميه في التقنيه

و أنشالله مايكون شريت التلفزون (^_^)
D3BOL
09-02-2007, 01:21 PM
شريت لووووووووووووووووووووووول

بس اشكرك اخوي على النصايح والحمد لله التلفزيون لا اطبع ولا شي وضوحه ولا اروعه ويوجد له مدخل hdmi ^^

ويعطيك العافيه اخوي على تفاعلك وتفاعل الاعضاء الاخرين
TiTaN
09-02-2007, 02:13 PM
سمعت بعض الاشاعات اتقولو ان البلازما اطبع اي عند تغير القنوات فان هذي القنوات اطبع اذا غيرت بسرعه ... وكذلك الشاشه الزرقاء اذا وضعتها ما يناهز 4 ساعات يخترب جهازك ...



بس حبيت أقول إن شغلة "اطبع" إسمها العلمي إنحراق الشاشة << بدأنا الفلسفة :09:

و حسب نوعية الشاشة و جودتها ، يبدأ التأثير بعد 40000 ساعة أو 30000 ساعة :)