المساعد الشخصي الرقمي

مشاهدة النسخة كاملة : اخيرا وبعد تردد كبير نويت اشتري 360


back
31-01-2007, 01:55 PM
السلام عليكم
وبعد ترددي وحيرتي لفتره طويله ايش اشتري 360 والا بلاي 3 قررت اشتري ال 360
بس بغيت اسالكم كم سؤال هل اشتري الحين والا اصبر شوي فيه دفعات احسن بتنزل وانا خايف من سالفة اللمبات الثلاث الحمر صراحه هل اشتري امريكي والا اوربي ونوع الادرايف
وسؤال لاهل جده وين ارخص محل يبيعه وفاهم ودمتم سالمين
Mr.Xbox
31-01-2007, 02:42 PM
وعليكم السلام

اذا تبي تشتريه الحين تأكد انه من الاشهر الاخيره (( من شهر 10 وفوق)) وعلشان تتفادى اللمبات الثلاثه الحمراء لاتخليه يصير حار كثير , وتأكد ان الغبار مايوصله , وانه يوضع بمكان بارد قليلاً
واشتري النسخه الامريكيه بسبب توفر اشرطتها في الدول العربيه ونوع الدرايف مايأثر كثير...

بالنسبه لأرخص المحلات للأسف انا بالكويت , ننتظر احد يفيدك من اهل جده

ومبروك الجهاز مقدماً..
yameii Wii
31-01-2007, 03:07 PM
وعلشان تتفادى اللمبات الثلاثه الحمراء لاتخليه يصير حار كثير , وتأكد ان الغبار مايوصله , وانه يوضع بمكان بارد قليلاً

شو المبات الحمره ...؟
ومستر اكس بوكس توقيعك حلو كاميو والثانيه ما اعرف سو اسمها
Mr.Xbox
31-01-2007, 03:18 PM
شو المبات الحمره ...؟
ومستر اكس بوكس توقيعك حلو كاميو والثانيه ما اعرف سو اسمها

اللمبات هذولي تطلع ان جهازك فيه خلل ,وكثرت الاجهزه اللي طلعت فيها هاللمبات ((وانا واحد منهم >_<)) ويسمونها بالانجليزي three lights of death ^^

تسلم ^^ والصوره اللي على اليمين اسمها Joanna dark بلعبه Perfect Dark zero
back
31-01-2007, 04:23 PM
تسلم حبيبي مستر اكس بوكس معليش بغلبكم شوي
بس حبيت اسال والسؤال للجميع كيف اعرف تاريخ الاصدار ونوع الدرايف وبالنسبه للدرايف يقولوا علشان اللي تشغل كوبي والجوده ومعرف شنو
اما الامريكي خايف اخذه وماله ضمان عندنا واقعد بها احنا الضمان للاوربي في المنطقه العربيه والا كيف؟
Mr.Xbox
31-01-2007, 05:06 PM
الله يسلمك ^^

تاريخ الاصدار لما تروح على المحل قوله ابي ارف تاريخ الاصدار , راح تكون في فتحه بعلبه الجهاز او انك تشوف الجهاز من الخلف تلاقي عليه تاريخ الاصدار

وبالنسبه للدرايف واله ماعندي خلفيه عن الافضل بس على ما اعتقد كلهم نفس الشي ((بس في ناس يقولون سامسونج افضل..))

والامريكي لما تشتريه راح يعطونك ضمان((اذا ماعطاك روح محل ثاني))... انا مع جهازي خذيت ضمان

واي سؤال انا حاضر ^^
فوق المستحيل
31-01-2007, 05:27 PM
اختيار موفق

انا سمعت من الاخ الاول على الاصف ان في نسخه راح يكون فيها HDMI واظن راح يكون حجم الهارد ديسك 100 جيجا وقد تكون موجوده بعد فتره من الان لكن لا ادري متى بالضبط
back
31-01-2007, 07:22 PM
يعطيكم العافيه شباب
اخوي عاشق المستحيل بالنسبه للاصدار اللي تتكلم عنه انا سمعت انه مايكرسوفوت انكرت الشيء هذا وقالت انه هذا قاعدين يجربوه بس وليس هناك نيه لاصداره في القريب واللي عنده خبر يقولنا
بس بغيت اسالكم الحين عندنا الاصدار الرسمي الاوربي اذا جبت جهاز امريكي وفيه ضمان للوكيل هل يصلحوه عندنا؟
عاشق 360
01-02-2007, 01:50 PM
بس بغيت اسالكم كم سؤال هل اشتري الحين والا اصبر شوي فيه دفعات احسن بتنزل وانا خايف من سالفة اللمبات الثلاث الحمر صراحه هل اشتري امريكي والا اوربي ونوع الادرايف
وسؤال لاهل جده وين ارخص محل يبيعه وفاهم ودمتم سالمين


ياهلا فيك اخوي

انصحك تشتريه الحين لان الدفع الي نزلت بعد جيرز اوف وار هي خاليه تقريبا من المشاكل

وحاول انك تحافظ على درجة حرارة الغرفه بان تخليها بارده

وخصوصا ان حاليا وقت الالعاب القويه والالعاب الي نزلت كلها قويه

وهناك اساطير نزلت عليه راح يعجبك الجهاز وبيسليك 100%

وانصحك بالنظام الامريكي لان الاسواق الخليجيه تتداول الالعاب ذو النظام الامريكي

وتحياتي لك

عاشق 360
بوحينوف
01-02-2007, 07:05 PM
طيب شباب ..عندي سؤال انا معزم اشتري الجهاز الأسبوع هذا ,,,بس انا باخذه يشغل كوبي...
وانا قرأت في احد المنتديات ان اللي يبي الكوبي..افضل شي له هو الجهاز الياباني ......
وش رايكم شباب
nashme
01-02-2007, 10:41 PM
هلا بوحينوف ..

اشتره بدون تردد طبعاً .. بس نصيحة اخو .. لا تشترى كوبي .. علشان ما يصيرلك مثل ما صار لخويي .. بعد شهرين بس:wow: العدسه اقبعت و ماشتغلت .. من الكوبي طبعاً .. يضغط على العدسه و يزداد جهدها اكثر .. وبعدين تتحسف و تحط يدك على خدك .. وتقول يا ليت و ياليت .. انا عارف ان الكوبي اوفر من ناحية الفلوس .. بس لو تحسبها صح ... المبلغ الي تصرفه على الاصلي لو قلنا كل شهر تشتري شريط واحد اصلي .. يعادل تقريباً اصلاح العدسه اذا حدها حدها اربع اشهور وبعدين تركب وحدها ثانيه .. وهذا غير الانترينت بذات راح تلاقي مشاكل تدوش الراس .. على العموم حبيت انصحك .. والباقي عليك

ما اقول إلا يالبى قلب الاصلي و علومه .. صدق انها خساير :02: .. بس انها مساير في نظري :) ..وبارده على قلبي لأجل عيون 360 :silly:

والسلام ختام

تحياتي
بوحينوف
01-02-2007, 11:40 PM
طيب اذا شريت يشغل كوبي ...ولا لعبت عليه بالكوبي كثيير ..يعني شريت لعبه وحده اصليه ...وطول الوقت ...اشتغل على اللايف...هل يأثر ...ولا التأثير فقط عند كثر اللعب بالشريط الكوبي..
وطبعا ابي نصيحتك ..خذ ياباني ..ولا امريكي....
وكم سعره الأصلي ..لآن في مركز النسر ..قالي بــ1800 ...وسالت واحد وقالي...غالي المفروض سعره ..بــ1500 بس ..يا ريت تفيديني ..واذا تعرف محل في الشرقيه جيد حق الأكس ..غير النسر تدلني عليه...بكون ممنون لك
back
02-02-2007, 04:29 AM
يعطيك العافيه شباب
بغيت اسالكم هل اقدر مثلا اشتري كوبي وانسخ اللعبه على الهارد ديسك الين مااخلص منها بعدين احذفها علشان ماتخرب علي العدسه بسرعه ودمتم سالمين
BiN-3Li
02-02-2007, 05:32 AM
معليش على اللقافه بس انا لي فتره متحمس للجهاز وعندي كم سؤال بعد اذن الاخ طبعا
هل راح يشغل الكوبي بدون اي قطعه
وكيف اقدر افرق بين الامريكي و اليابانيوايش الاحسن
وكم اسعار الاشرطة كوبي او اصلي
ومشكورين
عاشق 360
02-02-2007, 05:59 AM
معليش على اللقافه بس انا لي فتره متحمس للجهاز وعندي كم سؤال بعد اذن الاخ طبعا
هل راح يشغل الكوبي بدون اي قطعه
وكيف اقدر افرق بين الامريكي و اليابانيوايش الاحسن
وكم اسعار الاشرطة كوبي او اصلي
ومشكورين


اي اعتقد فيه بدون ماتشتري قطعه لان توني شاري جهاز ثاني كنت ناوي اخليه للكوبي من الصين لاكن بدون تعديل تشتغل عليه اشرطة الكوبي بس ما ادري يمكن يكونن معدل في الاصل بس انا اخالف اخوي الي فوق لان الكوبي مايضعف العدسه ولايضغط عليها ولا شي

النظام الامريكي ntsc والياباني pal انصحك بالامريكي لانه العابه هي الاكثر توفرا
cacapa
02-02-2007, 09:48 AM
انا عندي 5 أسئلة


1. وهو هل ممكن اشتري الجهاز مع امكانية تشغيل الكوبي جاهز مجهز ..؟؟
او لازم اشتري الجهاز وبعدين اخذه الى احد المحلات وهو يركب قطعة الكوبي ..؟؟

2. كم سعر الالعاب الاصلية ..؟؟

3. كم سعر الالعاب الكوبي ..؟؟

4. هل لعب الاونلاين ..بفلوس او مجاني .. ؟؟ و بكم اذا كان بفلوس ..؟؟ وكيف طريقة الدفع ..؟؟

5. هل يمكن لعب أونلاين على لعبة ويننج الفين الجديدة - WE:PES 2007 - في السعودية بدون مشاكل او تقطيع ..؟؟ على سرعة 256 kbps ...؟؟
ولو كان الشخص اللي العب معاه قريب .. يعني في نفس المنطقة مثلا.. هل يتأثر اللعب .. يعني يكون سريع وبدون تقطيع ..؟؟
عمود ارتكاز
02-02-2007, 10:53 AM
هل أقدر ألعب أون لاين بشريط منسوخ بالأكس بوكس 360 ؟
هل Xbox360 يشغل ألعاب الـ Xbox ، ثاني شي
أنا ناوي أشتري Xbox360 الاسبوع الجاي بس هل تنصحني أشتري المعدل اللي يشغل المنسوخ ولا العادي
علما بأن المعدل نظام ياباني وقيمته 1650 ريال ، واللي يشغل الأصلي بس نظام أمريكي وقيمته 1500 ريال ، المشكلة اللي خلتني أتردد إني كل ما شفت لعبة على الإكس أكون قد لعبتها بالـ Pc
ياليت تنصحونا بالألعاب القوية اللي تسوى تنلعب وماقصرتوا ،،،