ماهو رأيكم في أبيكا 2007؟؟

[Fazz]

السلام عليكم ....


ودي اسأل ما رأيكم في سيارة شيفروليت أبيكا من جميع النواحي انا شفتها من الخارج حلوة ومن الداخل مريحة وواسعة لكن ودي اسأل عن الأستخدام هل تخرب بسرعة ؟ او مشاكلها كثيرة ؟ وكيف اداء محركها جيد او سئ ؟


وشكرا لكم وانا ودي اشتريها لكن متخوف من انها تكون سيئ وتطيح في كبدي


باي وارجو منكم الرد السريع لاني ابغى أحسم امري في اسرع وقت :)

[Mercedes-Benz]

أولا تم نقل موضوعك إلى المكان الصحيح

ثانيا : السيارة هي في الأصل دايو

ثالثا: أناأعرف ناس اشتروا هذه السيارة وإلى الآن ماشيه معهم تمام حتى القديمة مشاكلها بسيطه

رابعا : السيارة تتوفر بخمسة سرعات أتوماتيكيه مع أن اللومينا والكابرس واليوكن أربع سرعات

خامسا : اذا أردت سياره عمليه فأنصحك بالسوناتا فهي عمليه أكثر من الأبيكا

[MR.أستبنه]

اخوي يعتمد على استخدامك
اذا انت راعي كرف لا تاخذها
واذا انت حنين وكل مشاويرك داخل البلد
تنفع لك
اذا تبي خيارات ثانيه
عطنا ميزانيتك

[حبيب المليين]

الابيكا ضعيفه وهشه (عندي 2006)

وسريعة الانقلاب والقيرالاتوماتيك ضعيف ..

[Fazz]

مشكورين اخواني على ردودكم ...


لكن انا ابغاها حق خطوط يعني انا طالب ادرس في معهد الجبيل وانا من اهل الاحساء يعني في حدود 250كيلو متر المسافة وراح اروح وارجع فيها كثير هذا اللي يهمني هل الأبيكا تنفعني ؟ او لا
MR.أستبنه ما عليك من الميزانية ابوي موظف في شركة محترمة الحمدلله وعنده القدرة المادية بس المهم رأي الناس في السيارة


وشكرا

[TERBO]

السلام عليكم

والله ماقصروا اخواني

واذا تبي سيارة من رايي

تنفع لخطوط + تنفع للرزة

هوندا اكورد 2006

انت شوفها وردنا خبر هنا

[ـالـمـهـابـ]

السلام عليـــكـم أجمعين
المهم
الابيكـــا مدري احسها سياره هشه ورقيقه -------------> بيتزا :D
المهم اذا ودك بسياره لخطوط زي ما تقول خذ فورد استخدام امريكي

هوندا اكورد 2006

رزه ايه
خطوط بعد ايه
لكن سنه وجيبك وده ينشق ويشرد
تقول ألماني مو ياباني :09:
بس ترا أنا الاكورد لها معزه خاصه بقلبي
أيام حلوة بالاكورد هههههههههههه
طولت هرج
دمتمـ أخواني

[Fazz]

السلام عليكم ........

TERBO انا عاجبتني الأكورد 2006 لكن سعر الجديده 2007 غالي 71 الف ادنى درجة .... لذالك صعب اخذها


ـالـمـهـابـ نفس الكلام .....


الخبر الجيد اليوم رحت الكفاح ... وشفت لومينا Ls اثنتين وحده لونها اسود وماشيه 37000 كيلو والثانية فضيه وماشية 44000 كيلو وسعر الفضية 49000 كاش

وفي نفس الوقت سألت واحد من الربع وسأل صديقه اللي يشتغل في التوكيلات في الدمام ويقول لومينا 2006 جديده
سعرها 60000 فأحتمال كبير اني آخذ وحده من هاذولي

الأن السؤال وش رايكم في اللومينا ؟؟

والسلام خير ختام

[TERBO]

اللومينا زينه

بس انه تقول انك تقدر تدفع

واللومينا غداره تزحف واااجد وشوف حوادثها >.<

[Ronaldinho 10]

هلا اختي شكرا على طرحك الموضوع المره روعه ..


والصراحه ابيكا انا عاجبتني مره .. و في تغير واجد بين 2006 و 2007 الصراحه فرق

وابيكا مو اول سياره تغيرت بل الكثير ومنها النترا مع انها مو مره زينه الى انها احسن من 2006
بكثير .. وعندكــ .. اممممممممم .. لومينا تغيرت .. والكابريس .. الكابريس احسها كادلك 2007

اما عن شارجر .. مووووووووووووت رووووووووعه الصراحه مررررررررررره حلوه
سياره شبابيه وانا الصراحه افضلها عن اللومينا ^_^

[Fazz]

السلام عليكم ...


اخي الكريم .....TERBO انا عاجبتني اللومينا جدا من موديل 2003 وانا معجب بهذه السيارة وايضا الاكورد حلوة لكن ادني درجة بـــ71 اما اللومينا LTZ تقريبا راح تكون 66 السعر جيد والسيارة رووعة وتعليقا على كلامك اللومينا غدارة انا واحد مو راعي سرعة يعني كحد اقصى 100 او 110

...........................................................

الأخ f.z
انا رجل ولست امرأة يعني اخوك وليس اختك ........ هههههههههههه :)

اما الباقي لا تعليق عليه


باي

[MR.أستبنه]

مشكورين اخواني على ردودكم ...


لكن انا ابغاها حق خطوط يعني انا طالب ادرس في معهد الجبيل وانا من اهل الاحساء يعني في حدود 250كيلو متر المسافة وراح اروح وارجع فيها كثير هذا اللي يهمني هل الأبيكا تنفعني ؟ او لا
MR.أستبنه ما عليك من الميزانية ابوي موظف في شركة محترمة الحمدلله وعنده القدرة المادية بس المهم رأي الناس في السيارة


وشكرا



اخوي
ممكن تحدد ميزانيتك
او كم راح تدفع بالسياره
بالنسبه للومينا
انا ما انصحك
اللومينا فيها مشاكل كثيره
وغير كذا انظمه الامان فيها غير مجديه وغداره
والمشكله موجوده في اللومينا والكابرس
الاكورد سياره ممتازه لكن سعرها غالي شوي وقطع الغيار مبالغ فيها
خيارات ثانيه
انا حسب كلامك عرفت ان ميزانيتك بحدود ال60 الف ريال (ياليت توضح لي كم)
عندي لك كم اقتراح
عندك المازدا 6
من افضل السيارات وسياره عمليه وقطع غيارها رخيصه وسياره يعتمد عليها وتتحمل
وعندك النيسان تيدا الجديده
سياره روعه ويكفي انها نيسان
ونيسان التيما 4 سلندر (اذا كانت ميزانيتك توصل لل85 الف خذ 6 سلندر فل اوبشن)
وعندك تويوتا اكس اي
او تويوتا كورولا
وعندك هونداي سوناتا او الالنترا
هذي الخيارات الي عالقه في بالي الان
وان كان في اي شي راح ازيدك


ارجو من الاعضاء عدم الرد بلا خبره او معرفه
الموضوع للاستفسار الجاد وليس للنقاش

[طماطة]

الاكورد سياره ممتازه لكن سعرها غالي شوي وقطع الغيار مبالغ فيها
خيارات ثانيه
انا حسب كلامك عرفت ان ميزانيتك بحدود ال60 الف ريال (ياليت توضح لي كم)
عندي لك كم اقتراح
عندك المازدا 6
من افضل السيارات وسياره عمليه وقطع غيارها رخيصه وسياره يعتمد عليها وتتحمل
وعندك النيسان تيدا الجديده
سياره روعه ويكفي انها نيسان
ونيسان التيما 4 سلندر (اذا كانت ميزانيتك توصل لل85 الف خذ 6 سلندر فل اوبشن)


ما قريت الموضوع كامل .. لكن قرأت الرد هذا للمراقب و حبيت أضيف من واقع تجربة شخصية

الأكورد سيارة فوق الممتازة .. لكن قطعها غالية .. و إذا قدر الله عليك و سويت بها حادث .. لا تفكر تصلحها .. لأن قطعها ناااااااااااااااااااااااااااااااااار و أنا مجرب ..

عملت بها حادث .. و طلع سعر القطع بحالها بدون شغل الورشة بـ 30.600 ريال .. ( ثلاثين ألف و ستمائة ريال )

النيسان .. عملية جداً .. لكن نفس المشكلة من ناحية القطع .. عندي مكسيما .. و الشهادة لله سيارة و لا أروع .. لكن صيانتها تكسر الظهر لما تجي تقارنها بالكامري مثلاً .
( جامبين أو المساعد للكامري.. سعر الأثنين مع بعض حوالي 600 ريال .. أما سعر المساعد الواحد للمكسيما 790 ريال :bigeyes: !! )

بالنسبة للمازدا .. باين عليها من أروع ما يكون .. لكن ما جربتها بصراحة .

على فكرة .. بالنسبة للأخ Fazz أنا طالب في كلية الجبيل و من أهل الأحساء و مجرب الطريق نفسه و لي حول 5 سنوات عليه .

تحياتي .. أحمد

[OD3N]

هلا اخوي

نصيحه لوجه الله

ابتعد عن الشفروليه

وخاصتا الكوري ( ابيكا - افيو ....... الخ)

واذا تبغى سياره ممتازه راح اضع لك الافضل

مو منوجهه نظري لكن الكل يعرف هالشي لكن ...... القرد في عين امه غزال

1- سوبارو ليجاسي عمليه لابعد الحدود لكن قطعها مثل النيسان

2- متسوبيشي جالانت او اللي اكبر منها نسيت اسمها ممتازه جدا لكن ماعندي خلفيه عن الصيانه

3- هوندا اكورد ممتازه لكن القطع ناار

4- الكامري تعتبر متوستطه او اقل من متوسطه الجوده هذا الكلام عن الـ 2007

وفي وحده المفروض انها تكون من الاثنين الاوائل

سكودا جدا عمليه وتقدر تقول انها نسخه مصغره للـ فولكس فاجن باسات

والجوده لايعلى عليها ( صناعه المانيه )

لكن لا اعرف سعر السياره وقطعها مقاربه لسعر الاكورد

نكمل

1332451 - شيفروليه

يعني بالعربي مشاااكلها كثيييييييييييير

والله بحد ماتتصوره لاتغرك اسعار القطع الرخيصه

وتقبل النصيحه من مجرب

اخوك

ODEN