ازمة الكاشير

[الدماني]

السلام عليكم ورحمة الله وبركاته

كيف الحال اخواني الكرام ....

أعتقد مش غريبة عليكم موجة الغلا اللي اجتاحت دولنا كلها .. لدرجة الواحد صار يحسبها يحتاج هالصنف ولا ما يحتاجه..

ومن الاساس صارت الطلعة للسوق عشان يشتري حوايج البيت مقننة.. يعني هيه طلعة وحدة تقريبا..ونشتري

فيها نص اللي كنا نشتريه ايام العز..وصرنا نرجع شوي شوي لمائدة زمان .. ونضحك على روحنا ونقول اصح على المعدة وافضل للجسم ونبعد عن السمنة وووو...

لكن ما ادري فيه شي لاحظته اكثر من مرة ...

الكاشير لما يحسب الحساب لنا نحن المواطنين تطلع الفاتورة مضاعفة عن فاتورة الاخوة المقيمين..ما ادري ليش

وبتلاحظونها اذا ركزتوا مع الكاشير لما يحسب فاتورة احد من جنسيته او غيرهم من المقيمين...

وسرقاتهم هاذي يسوونها بقوة عين..يعني البارحة الأهل لما طلعوا السوق.... اشتروا حوايج من الصيدلية .. اخذوا

الفاتورة اكتشفوا في البيت ان المبلغ

اللي دفعوة يزيد مئة درهم عن اللي مكتوب في الفاتورة.. يعني سرقة عيني عينك...

بتقولون ليش ما رجعوا للصيدلية واخذوا الفلوس..السبب ان اللي يريد يحتفظ بماء وجهه ما يعملها ... لأن البياع

وصاحب الصيدلية بيخلون المسألة طرارة...يعني تريدنا نرجع لك المبلغ كله بنرجعه ولا يهمهم .. مع انهم ما يسوونه

لكن رفع صوت في المجمع وتجميع عالم وناس...

عشان جيه اكتشفت طريقة مضمونة 100% بال 100% وهيه اني اعتمد على

احد من الاخوة المقيمين يشتري الحوايج وبهالطريقة اسلم على الفليسات اللي يت بالزور وتطير مثل الهوا...:smirk:

[Miss S]

أهلاً أختي الدماني



الكاشير لما يحسب الحساب لنا نحن المواطنين تطلع الفاتورة مضاعفة عن فاتورة الاخوة المقيمين..ما ادري ليش وبتلاحظونها اذا ركزتوا مع الكاشير لما يحسب فاتورة احد من جنسيته او غيرهم من المقيمين...


بالنسبة لي ما لاحظت هذي التفرقه في الأسعار ,لكن دكتور مصري في الجامعه قال نفس الكلام تقريباً,قال إنه شاف بعينه كيف ان (بعض ) من العماله الوافده يحطون الأسعار على حسب جنسية الزبون , الآسيوي سعر أقل , المقيم سعر وسط , المواطن أغلى سعر ممكن ينقص عليه ! , هذا لأن المواطن بنظرهم مليونير :31: , صديقتي توها رجعت من الكويت وتقول الأسعار هناك أرخص بكثير من أسعارنا مع ان الدينار الكويتي أغلى من الدرهم الإماراتي على حد علمي المتواضع .



بتقولون ليش ما رجعوا للصيدلية واخذوا الفلوس..السبب ان اللي يريد يحتفظ بماء وجهه ما يعملها ...


مو احن هذي مشكلتنا , بس لو كنا على نباهة و "حقانيين " كان تأدب الموظف وخاف , والناس تنتظر حد يبدا بهذي الخطوة ورح تمشي وراه لأنها ملت وتعبت , وعندي مثال بسيط , مره في قرطاسية بالجامعه اشتريت اشياء بسيطه وتنعد والسعر طلع 100وشي! ما كان يستاهل أبداً طبعاً سكت بس الي قهرني انها بدل لا ترد لي الباقي عطتني حلوى وكلينكس شكله حلو ! ( هذا جزا الي يسكت ) هنا تكلمت (أخيراً ) وقلت لو سمحتي شكراً ما أحتاجهم ممكن الباقي؟ !! قالت : ما عندي خرده !! يعني معقوله كل هذيل البنات ولا جمعتي خردة ؟ طيب ,اخذت الحلوى وقلت لها هاتي بدل الكلينكس جريده !! (هذا الي قدرت عليه ) بس الحلو في السالفه اني سمعت الي بعدي سوت نفس الحركه :D , هذا موقف قديم بس والله احس اني سويت انجاز :blackeye: .

الله المستعان .

[DMC]

الله يرحم أيام زمان بس :أفكر:

[اٍحساس حقيقي]

الله يرحم أيام زمااااااان ...

أيام كنا نعتبر ان مبلغ 100 درهم هاذي ممكن بيكفينا الوجبات الثلاثة كلها ل5 أشهر كامل !!!!!!
لكن الحين ... عاد ال100 هذي ما يكفي كلها يومين وتروح!!!

أظن سبب الارتفاع الجنوني هو انفتاح الاقتصاد الحر عندنا ... سيطرة التجار عندنا وأغلبهم آسيويين على أهم البضائع المطلوبة من المستهلكين .

مشكور اخوي بس ما أظن الكاشير يسوي جذي ... تبي طريقة حلوة
خلي حد من بشكارتكم يروح يشتري حاجات البيت من السوبر ماركت .. الحاجات اللي أنت تشتريها ب500 هو بيشتري نفس الحاجات ب100 درهم !!!!!!!!!! ويمكن اذا حد من معارفه يشتغل كاشير فهو بيدفع 50 بدل 100 درهم !!! ها شو رايك ؟ عاجبك ولا

لووووووول

[DMC]

خلي حد من بشكارتكم يروح يشتري حاجات البيت من السوبر ماركت

اذا سارت بشكارة للسوبر ماركت راح يعرف الهندي انها تشتغل في بيت فلان وعلان

وللعلم البشكارات يختلفون عن بعض :p <<<< طع الذكي بس

فا يفضل تتطرش الي شكلها مسكينة

وكل مرة بدل بينهم علشان ماحد يدري :09:

ويمكن اذا حد من معارفه يشتغل كاشير فهو بيدفع 50 بدل 100 درهم !!! ها شو رايك ؟ عاجبك ولا
تعتبر 1% لو لقيت حد من معارفها يشتغل مناك :09:

[Butterfly]

السلام عليكم
أظن انه الشغلة مالها علاقة بالجنسية,النذل ماتفرق معاه على مين يلعب.وهذه قصة صارت لأهلي في مطعم,هم راحو طلبو الأكل ولما شافوا الفاتورة كانو حاطين مبلغ زيادة عن اللي طلبوه اهلي,المهم الوالد ماسكت واشتكى للمدير واستلم حقه لآخر مليم.أما انك تتركه ينشر فيك وفي فلوسك وتقول ماء الوجه ماماء الوجه,فهذا لو كان عنده ماء وجه ماسواها,عشان كده انت خليك قوي وطالب بحقك لأنه الحق معاك.
وشكرًا

[Miss S]

.أما انك تتركه ينشر فيك وفي فلوسك وتقول ماء الوجه ماماء الوجه,فهذا لو كان عنده ماء وجه ماسواها,عشان كده انت خليك قوي وطالب بحقك لأنه الحق معاك.


والله صدقتي ,والأيام بتعلمنا ان شاء الله ..

[الدماني]

السلام عليكم ورحمة الله وبركاته

اخواني سالفة الكاشير معروفة عند الجميع ومعظم الناس متأذين منها...المشكلة انه مافيه حل لها...

لأنه ما فيه احد يدافع عنا نحن المستهلكين...يعني نضرب روسنا بالجدار..

تعرفون شوه نحتاج.. نحتاج جمعية حماية المستهلك...جمعية تكون قوية ولها سلطة والمستهلك

يقدر يتوجه لها وتاخذ حقه...اوروبا وامريكا جمعية حماية المستهلك عندهم لها سلطة تكاد تكون

مثل سلطة الدوائر الحكومية..كل التجار يحسبون لها الف حساب... الاسعار عندهم

مراقبة اي رفع للأسعار يسبقة اعلان بهذا الشي..وتبرير للرفع...

نحن الكل مستهلكنا ... التاجر حقة محفوظ وعنده جمعية غير مرئية تحفظ له حقة...

وكل يوم الغلا يزيد...

اليوم تعرفون شوه اكتشفت....!!!!

كنا يالسين نخطط لرحلة عمرة انشاء الله .. الله يكتب لنا ولكم أمين...

المهم اكتشفنا ان سعر السكن اللي كنا ناخذة ... ارتفع من 1800 الى 4500 ...

وهوه هوه السكن ما اختلف فيه شي ولا زاد فيه شي..!!!!


... بس الله المستعان ...

[اٍحساس حقيقي]

السلام عليكم ورحمة الله وبركاته

اخواني سالفة الكاشير معروفة عند الجميع ومعظم الناس متأذين منها...المشكلة انه مافيه حل لها...

لأنه ما فيه احد يدافع عنا نحن المستهلكين...يعني نضرب روسنا بالجدار..

تعرفون شوه نحتاج.. نحتاج جمعية حماية المستهلك...جمعية تكون قوية ولها سلطة والمستهلك

يقدر يتوجه لها وتاخذ حقه...اوروبا وامريكا جمعية حماية المستهلك عندهم لها سلطة تكاد تكون

مثل سلطة الدوائر الحكومية..كل التجار يحسبون لها الف حساب... الاسعار عندهم

مراقبة اي رفع للأسعار يسبقة اعلان بهذا الشي..وتبرير للرفع...

نحن الكل مستهلكنا ... التاجر حقة محفوظ وعنده جمعية غير مرئية تحفظ له حقة...

وكل يوم الغلا يزيد...

اليوم تعرفون شوه اكتشفت....!!!!

كنا يالسين نخطط لرحلة عمرة انشاء الله .. الله يكتب لنا ولكم أمين...

المهم اكتشفنا ان سعر السكن اللي كنا ناخذة ... ارتفع من 1800 الى 4500 ...

وهوه هوه السكن ما اختلف فيه شي ولا زاد فيه شي..!!!!


... بس الله المستعان ...

مرحبا أختي .. ان شاء الله يتقبل الله عمرك .

جمعية حماية المستهلك موجودة عندنا من زمان .. ومؤخرا صار عندها أفعال .. في السابق كان فيه بس كلام × كلام لكن بدون أفعال :blackeye:

مدينة رأس الخيمة سوت شيء حلو .. هي أن موظفين وموظفات الكاشير هم من الجنسية الاماراتية . في بعض أهم و أكبر محلات التجزئة في رأس الخيمة ..

مشكورة

[Butterfly]

مدينة رأس الخيمة سوت شيء حلو .. هي أن موظفين وموظفات الكاشير هم من الجنسية الاماراتية . في بعض أهم و أكبر محلات التجزئة في رأس الخيمة ..

مشكورة
السلام عليكم
مجرد تخيل انه الأمر هذا يحدث في السعودية, تلاقي الناس هايجة وتقول هذه اخرة السعوديين صاروا يشتغلو كاشير كأنه عيب ولا حرام:wow: . مثلما صار عندما عمل بعضهم عمال نظافة.على الرغم من انه حتى في الدول المتطورة أغلب عمال النظافة من الدولة نفسها. لكن هذا هو الحال مع كبريائنا الأجوف
واسف عن خروجي عن الموضوع :o
وشكرًا

[moneeeb]

السلام عليكم ورحمة الله وبركاته


اشتروا حوايج من الصيدلية ..


السلام عليكم...

اظن المشكلة اصغر من كذا

اولاً: مشكلتك انك قاعد تشترى حوايج من صيدلية...والله شئ غريب ومضحك..اول مرة اعرف ان الصيدليات تبيع حوايج:D

ثانياً: طالع فى التسعير و الفاتورة...لا تدفع و انت منت دارى

ثالثاً: الكاشير اذا تم كشفة من قبل صاحب المحل...بيترمى فى السجن او طردة...غير اذا صاحب المحل رايح فيها:32:

الله يعينكم...

[الدماني]

السلام عليكم...

اظن المشكلة اصغر من كذا

اولاً: مشكلتك انك قاعد تشترى حوايج من صيدلية...والله شئ غريب ومضحك..اول مرة اعرف ان الصيدليات تبيع حوايج:D

ثانياً: طالع فى التسعير و الفاتورة...لا تدفع و انت منت دارى

ثالثاً: الكاشير اذا تم كشفة من قبل صاحب المحل...بيترمى فى السجن او طردة...غير اذا صاحب المحل رايح فيها:32:

الله يعينكم...


أولاً : أضحك الله سنك ...:silly: زين انك انبسطت ... يعني في هالسالفة العفنة منوه له نفس يضحك...يعني سوينا خير وضحكناكم ...

ثانياً : ما ادري شوه معنى حوايج عندكم ,,, يعني اعتقد الكل فهم شوه قصدي لما قلت حوايج,,

بس بسوي خير وبسهلها عليك عشان تفهم قصدي,, حوايج معناها اغراض \ احتياجات ... وصلت ولا لسه؟؟!!!

وبعدين ما ادري شوه مفهومك عن الاغراض (الحوايج) اللي تبيعهن الصيدليات ... يعني الدنيا تطورت والصيدليات

بتلقى فيها اشياء كثيرة...

ثالثاً : معاك حق لما قلت اني لازم اطالع في الفاتورة قبل لا ادفع .. بس شوه تقول لما الواحد يكون مستعجل

صح في العجلة الندامة وفي التأني السلامة

رابعاً : صاحب المحل تلقاه قاعد جنب الكاشير او وراه ومتابع كل خطوة اول باول مهوه عارف ان السالفة فيها سرقة بس السرقة توقف عنده وما تتعداه..

وخامسا : تصدق حلو الانسان يكون متفائل مثلك ويشوف الامو بسيطة واسهل من كذا:09::09:

[الدماني]

مرحبا أختي .. ان شاء الله يتقبل الله عمرك .

جمعية حماية المستهلك موجودة عندنا من زمان .. ومؤخرا صار عندها أفعال .. في السابق كان فيه بس كلام × كلام لكن بدون أفعال :blackeye:

مدينة رأس الخيمة سوت شيء حلو .. هي أن موظفين وموظفات الكاشير هم من الجنسية الاماراتية . في بعض أهم و أكبر محلات التجزئة في رأس الخيمة ..

مشكورة



السلام عليكم ...

أخي الكريم جمعية حماية المستهلك نعم موجودة لكن تأثيرها جدا ضعيف.... أنا معاك انها تسوي اشياء مع المستهلك لكن لو لاحظت معاي ان اللي تسويه الجمعية يكون برضى التجار .. ما اقصد ان الجمعية متفقة مع التجار ..
لا لكن التجار يعطون للجمعية جزء بسيط من مطالبها ... ذر للرماد في العيون... الجمعية تأثيرها ضعيف لازم الدولة تدعمهم ... ما تقدر الجمعية تفرض على تاجر اللي تشوفه في مصلحة المستلك اذا كان التاجر رافض هالشي...
لآنه (التاجر) عارف انه محد يقدر يجبره والجمعية شغلها فردي وما لها سلطة .. فيسوي اللي يباه..
يرفع الاسعار..يسحب البضاعة من السوق..يغرق السوق..اللي يباه...للأسف:31:
جمعية حماية المستهلك مثلها مثل باقي جمعياتنا الاهلية ..تاثير ضعيف سلطة اضعف
ما ادري اذا سمعت عن القضية اللي صارت لمدرسة من المدارس..وانظلمت فيها المدرسات وصار لهم تحقيق من قبل الوزارة وهم والله مظلومين 100% ...لما اتجهوا لجمعية المعلم .. شوه سوت الجمعية يا ترى؟؟
رفضت التدخل ... وقالت اول قدموا طلب وبعدين بنشوف..لما قلنا لهم ان التحقيق بيكون باجر..قالوا بنشوف..
وعلى قولة أخوانا المصريين ..آدي وش الضيف...المدرسات حققوا معاهن وانظلمن ...ولا تدخلت الجمعية ..والتحقيق استوى..لا واستوى يوم الجمعه الصبح..لا حول ولا قوة الا بالله .. لحد الحين السالفة مأثرة على الكل
.. المدرسات ما قدرن يستمرن في المدرسة اللي نقلت شمال واللي نقلت جنوب.. مع ان المدرسة كانت جنب بيوتهن..
وتعرفون شوه يضحك في السالفة .. الجمعية كل سنة تطرش رسائل ولحد الحين تبي تشارك في انشطة المدارس بس عشان يطلع صوتها وعشان تبين انها نشيطة ...
عفوا..طلعت عن الموضوع .. لكن الشيء بالشيء يذكر...........:أفكر:

[DMC]

للاسف القوانين عندنا تبطيقها صعب

بسبب عدم تواجد لجنة تتابع هذا الشي :33:

واليوم سمعت خبر ان سعر الوقود الطائرة راح يكون ويا سعر التذكرة

معناها الراكب عليه ان يدفع فلوس البنزين للطائرة

وبعد ثمن رحلته

بلاخير تقولون راح يخفون علينا الفلوس :ponder:

[moneeeb]

أولاً

ثانياً : ما ادري شوه معنى حوايج عندكم ,,, يعني اعتقد الكل فهم شوه قصدي لما قلت حوايج,,

بس بسوي خير وبسهلها عليك عشان تفهم قصدي,, حوايج معناها اغراض \ احتياجات ... وصلت ولا لسه؟؟!!!



ههههههههههههههههههههههههههههه

التماس كهربائى:D

عندنا حوايج يعنى ملابس.....

شئ مضحك انه احد يشترى ملابس من صيدلية:09: ههههههههههههه


اكيد بينضحك على اى احد يشترى ملابس من صيدلية ^-^

و يا اخى قول اغراض و ريحنا....:biggthump


حصل خير

فى امان الله

[الدماني]

ههههههههههههههههههههههههههههه

التماس كهربائى:D

عندنا حوايج يعنى ملابس.....

شئ مضحك انه احد يشترى ملابس من صيدلية:09: ههههههههههههه


اكيد بينضحك على اى احد يشترى ملابس من صيدلية ^-^

و يا اخى قول اغراض و ريحنا....:biggthump


حصل خير

فى امان الله


الصراحة ... ما أدري شوه اقول... :dunno:بس انا قلت ان الاسلوب اللي باتبعه هوه اتباع اسلوب الحوار
الراقي واللي يكون يهدف لنتيجة..مش دقدقة على الكيبورد وبعدين ولا شي.:ponder: هواء وهباء منثورا:31:
انا اشوف انا طلعنا عن المضمون الاصلي للموضوع ...وركزنا على الحوايج والاغراض و الـــ(الملابس)
فأتمنى انا نرجع للموضوع وهوه النهب اللي صاير لنا من كل جهة..والله المعين :أفكر: