اول مره العب فاينتل فانتسي

[مدمن جيمز]

السلام عليكم

شلونك شباب
فاينل فانتسي وايد سمعت عن هل اللعبه لاكن ولا عمري جربتها امس طق براسي اروح اشتريها
وصج شريت اخر جزء وانصدمت من اللعبه لقيتها بأختصار شديد

روووووووووووووووووووووووووووووووووعـــه

بس لحد الحين مافهمت القصه :33: الضاهر لي اني لاعب من اخر جزء نزل
شرايكم تنصوحني ابلش من اي جزء ؟؟؟؟؟؟؟؟؟

ناطر ردودكم :32:

[عاشق الإبتسامة]

حبيبي ابدا بالتاسع واذا ما تقدر بالعاشر احسن من 12 بكثيييييييييييييييييييير

[Al-RaQmi]

اهلا اخوي ..
المتعارف عليه في سلسلة فاينل فانتسي أن لكل جزء قصه خاصه فيه وليس له علاقه بالاجزاء اخرى ..
ماعدا فاينل فانتسي X-2 فهو مكمل للجزء فاينل فانتسي X
اتوقع انك تلعب الجزء XII !! اذا كان كذا فأستمر في اللعب وتتوضح لك القصة .. واطمانك بانه ماله علاقة بأي جزء ثاني..

[مدمن جيمز]

الله يعطيكم العافيه على ردودكم

طمنتوني انا لكل جزء قصه خاصه فيها

انزين تنصحوني العب الاجزاء السابقه ؟؟
مثلا التاسع والعاشر :)

ولا ابدا من جزء ال 12

[بعيد الشوق]

هلا اخوي انا العب هاللعبة من الاجزاء القديمه لها مثل الجزء الخامس والسابع لين اخر جزء لها وكل الاجزاء روعة ولا تحاتي كل جزء لحاله ماله اي صلة بالجزء الي قبله وابشرك اخوي لما تجرب فاينال فانتسي الجزء الي على السوني 3 راح ترمي الباقي :)

[Mr.X]

اخوي انصحك تلعب بالجزء 10
هو بصراحه افظل جزء قد لعبته من اجزاء فاينل فانتسي
من ناحية القصه ومن ناحية الاضافات الحلوه على طريقة اللعب ,, ومن ناحية الجرافيك وتصميم الشخصيات ,, تحس ان اللعبه كلها الوان في الوان واحلى شي سلاح تايدوس اللي شكله خيالي روووعه لونه ازرق والظاهر انه مصنوع من الماء

واحلى شي فيها انها طويله ,, خصوصاً يوم تكتشف بالنهاية ان الرئيس الاخير اللي هو سن هو يصير أبو البطل اللي تلعب فيه تايدوس :D
انا لعبتها اول ما نزلت زمان ومعاي الحل الكامل بعد امشي معاه خطوه بخطوه إلى ان وصلت للمعركه القبل الاخيره عند فم سن وما قدرت افوز عليه فقلت راح العبها في وقت ثاني ,, والى الحين التخزينة موجودة وكل ما العبها ما اقدر افوز عليه :09:
وعلى العموم دامك اول مره تلعب بفاينل فانتسي فأحب اقول لك انها يبي لها واحد طويل بال ويـحب يتسلى ويتلذذ باللعبه ولو انها طويله ويبي لك يمكن 60 ساعه لعب علشان تنهيها ,, وكل اجزاء فاينل فانتسي يبي لك وقت طويل علشان تختم اي جزء فيها ,,
See ya

[Modi]

كل جزء ماله علاقه بالثاني
واي احد جديد بالسلسله اقوله العب العاشر لأنه اسهل هو الوحيد الي يجذب الجديدين بعالم الاربيجي ;)

[kyo]

افضلك تبدا فالعاشر
لانه اسهل جزء للمبتدئين
وطريقة لعبه برضو سهله وحاول انك تفهم اسلوب اللعب
كل الاجزاء طريقة اللعب نفسها ماعدا 12 غيره طريقة لعبه فاصبح اسوء جزء

[Hamandan]

والله عن نفسي يا شباب آنه مو جديد بالآر بي جي واحب الجزء العاشر وبعدين من قال انه سهل؟
العاشر يعطيك فرصة تتكتك وتخطط على عكس الأجزاء الثانية اللي تتطلب تصرف سريع وبصراحة كانت حركة حلوة نظرا لتعدد الوحوش وتنوع طرق القتل فمثلا كل شخصية متخصصة بنوع من الوحوش وبياخذ لك وقت علشان تغير اللاعبين وتختار الحركة وكل هذا. والشركة استفادت من هذي الخاصية في الجزء الأخير وخلت اللعبة توقف اثناء اختيار الأوامر الأمر اللي يعطيك فرصة تفكر شوي لأني بصراحة كنت ارتكب وايد اخطاء بسبب الإستعجال.
الجزء الثامن اهو المفضل عندي (وانصحك به) لأنك تصنع اللاعب نوعا ما.

Mr X ( استخدم حركة Cheer ليما توصل قريب من Sin وتقدر تداويه بعدين بالـ overdrives) ونصيحة لك استخدم Bahamut لأن الـoverdrive تبعه يطير اكثر من 9999.

ادري اني وايد اتكلم سامحوني:09:

[Mr.X]

Mr X ( استخدم حركة Cheer ليما توصل قريب من Sin وتقدر تداويه بعدين بالـ overdrives) ونصيحة لك استخدم Bahamut لأن الـoverdrive تبعه يطير اكثر من 9999.
انت ما فهمتني ,, انا فزت عليه بالمرحله الاولى من القتال ,, اللي فيها اقدر اعطي امر بأقتراب السفينه وإبتعادها .
وفزت بالمرحله الثانيه من قتاله اللي هي يوم يقفزون من ظهر السفينه على سن .
المرحله الثالثه والاخيره هي يوم يطيح سن ,, واصير أنا وفريقي نقاتله من على تلة
وكل شوي يقترب اكثر واكثر لي ويتعبى الاوفر درايف حقه ,, الى ان يصير الاوفر درايف حقه فل ,, ثم يسوي الظربه القاضيه حقته اللي هي يفتح فمه ويطلع لي Game Over
اتمنى تشرح لي احسن إستراتيجيه استعملها بهالمرحله ( المرحله الثالثه ) لأني صراحه تعبت معاه ,, فيه شباب نصحوني اروح لمنطقة الرعد ( لأنها افظل منطقة لرفع مستوى اللاعبين ) وارفع الـ Lavel لفريقي خصوصاً يونا لأني إذا رفعت الـ Lavel حقها ,, فـ راح يرتفع الـ Lavel وقوة الظربات لكل الايونات !

[KasiH]

مهي مسالة تبدا بالعاشر ولا الثامن
اهم شيء القابلية لتحمل العاب الار بي جي ^^"
الار بي جي مو اي لاعب يتحمل اللعب فيه لانه طويل وفيه هوائل تعملها
فليش تنصحوه بالعاشر مع انه الثاني عشر سهل استخداما وتحكما ومختلف عن العاشر
فمهي فارقة يلعب بده ولا داك ....

مادام عجبته الثاني عشر يكمل فيها ولما يخلصها يرجع للعاشر ووقتها بيحكم ^^

[Hamandan]

عن نفسي يا Mr.X استخدمت الإستراتيجية التالية:

علم لاعبين غير Wakka حركة Cheer

خل واكا في الفريق مع اقوى لاعبين عندك ولا تخاف من الوقت وخل عند Buhamut اوفر درايف جاهز.

استخدم Hastaga في البداية.

خل الشخصيتين يستخدمون Cheer (الحركة تزيد القوة والدفاع) باستمرار و استخدم اقوى ضربات حق واكا (يفضل quick attack اذا كنت متعلمها)

استخدم واكا فقط وبتشوف كيف الضربات تزيد قوتها مع كل مرة تستخدم Cheer.

مع الوقت اللي توصل فيه عند الراس بتقدر تستخدم الـ (close range attacks) ولما توصل بيكون اللاعبين الثانيين جمعوا قوة لابأس فيها من المرات الكثيرة اللي استخدمت فيها Cheer.

فرغ الأوفر درايف للاعبين الثلاثة عليه واستمر بضربه.

خل الأيون Buhamut حلك الأخير في حال ما قدرت تقضي عليه قبل ما يفتح فمه بالكامل ( يوم غلبته كان الأوفر درايف تبع Buhamut عندي يطير حوالي 25000) وطبعا كل ما كانو اللاعبين اقوى سهلت مهمتك اكثر.

واتمنى لك حظ طيب في عراكك الدموي.:09:

[HopeCord]

شوف أخوي إبدء بالي يعجبك
لكن حط في بالك الاختلاف في قوة الرسوم وطرق اللعب من أجزاء البلاي ستيشن 2 بالنسبة إلى البلاي ستيشن 1
لكن برضه حط في بالك إنه لازم عليك لعب جميع الأجزاء من 7 - 12 حتى تعرف وتغرم بسلسلة الألعاب هذه
أنصحك تبدأ بالعاشر أو التاسع لأن طريقة اللعب بها واضحة ومبسطة

[مدمن جيمز]

الله يعطيكم العافيه على الردود

انا الحين بديت بل ال12 ما اقدر اخليه وروح ال 10 لما اخلصه ارجع اللعب الاجزاء القديمه

بس يالنسبه للمهارات الskills شرايكم ابدا اول بل الادرع ولا الاسلحه
وشنو المهارات والاسلحه الافضل والي تفضلونها دايم ؟؟


ازعتكم بل الاسئله ها :33:

[عاشق N]

السلام عليكووم

اخوي كويتي أنا انصحك بان تبدا من 7 وبعده 8 وبعده 9 وبعده 10 بس غيرهووم لا تلعب
لآنه 12 غيرو النضام تمامن وانا انصحك بـ 7 الانه قصته اسطوريه مرا بس المشكله وين راح تحصلهووم النه لعب قديمه جداً الله يعينك وانت تدورهنن

مع تحيات أخووك : عاشق N :biggthump

[Mr_Bright_MOON]

فاينل كل جزء فيها عالم لحاله .. انصحك بعد ماتخلص 12 تلعب العاشر او التاسع بس لازم تعرف انو في فرق بين نظام القتال في الاجزاء اللي قبل 12 عن النظام في 12 .

[ذو النورين]

فف 12 صراحة روعة خاصة بتمر عليك طعوس وصحرى تستغرب كيف رسموها
وللعلم انا شفت فيلم فف ؟ يمكن عن الجزء السابع بس بايخ .. على العموم انا مثلك اول مرة العب فف12 مرت علي 23 ساعة ولا ولاولا ولا حولي اخلص واااااااااااو

[{القناص}]

أحسن جزء الثامن
أنا عندي إياهم كلهم
بس أحسن واحد 8
لو يطورونه ويعدلون التجسيم على PS3
إنجان زين

[Flanteus]

ملاحظة مهمة :
نظام اللعب في الجزء الـ 12 مختلف شوي عن الطريقة التقليدية بالأدوار ..والمعروفة في أغلب العاب الآربي جي

انا ما أدري ايش عجبك باللعبة بالضبط لكن أغلب كارهين الآربي جي يكرهونها بسبب طريقة القتال ( تعاقب الأدوار )

راح تعرف قصدي اذا لعبت أي جزء سابق..

نصيحتي العب المتوفر ولا تشيل هم القصة أو أحداث سابقة لأن كل جزء مختلف جذريا عن السابق ( حط عشرطعشر الف خطا ونصف الخط تحت جذريا )

اللهم الأساسيات البسيطة (فكرة نظام الأدوار - أمور أربي جية بيع شراء ترحال الخ الخ ) وأسماء الشهرة ( اسم سلاح يتكرر في جميع الأجزاء أسماء الأدوات بوشن ..وهكذا )


وبنظري الجزء الثاني عشر مثله مثل العاشر من ناحية جذبه لجمهور جديد للأربيجي ..
نظرا لسلاسته القتالية ............................................يمكن :ponder: