الموضوع الرسمي للعبه Crackdown

[Mr.Xbox]

السلام عليكم ورحمه الله وبركاته

معلومات عن اللعبه
المطور : Real Time Worlds
الناشر : Microsoft Game Studios
تاريخ الاصدار : 20 فبراير (( صدرت))
الجهاز : حصريه للأكس بوكس 360

بعد ماشريت اللعبه حبيت افتح الموضوع الرسمي للعبه لكتابه انطباعاتك عن اللعبه , مشكله واجهت مع احدى العصابات او حتى طريقه لفتح Achievment صعب

انطباعاتي عن اللعبه :
يمكن كثير يعتقد بأن اللعبه هي GTA أخرى بس بالعكس , GTA لم تعجبني اطلاقاً حتى اني كنت اكرهها بشده , ولكن مع كراك داون الامر اختلف فهي تعطيك جيم بلاي ممتع جداً وطريقته هي : يكون لديك خمس اشياء مختلفه لزياده اللفلات فيها وهي : استخدامك للسلاح وتأخذ الـORbs لزياده اللفل من قتلك للاعداء باستخدام السلاح وزياده لفلك هنا يساعدك على زياده قوه استخدامك للسلاح ودقه تصويبك , والثانيه هي سرعتك وعلو قفزتك وتأخذ الـOrbs من اماكن مختلفه تكون فوق المباني او فوق منزل وهكذا وزياده اللفل فيها تزيد من علو قفزتك وسرعتك في اللعبه , تحكمك وسرعتك في السياره وتزيد لفلك من اشتراكك في سباقات تجدها في اماكن مختلفه في الشوارع وزياده اللفل فيها يساعدك على استخدام سيارات جديده مزود برشاشات او بسياه لديها القدره على القفز او حتى تسلف الجدران , القوه وتأخذ الـOrbs من قتلك للأعداء بضربات عاديه او برميك عليهم من اشياء وزياده لفلك فيها يزيد من قوه ضربتك وعلو رميك للأشياء وايضاً زياده حجم عداد طاقتك, القنابل و تأخذ الـOrbs من قتلك للأعداء بأستخدام الـقنابل وزياده اللفل فيها تزيد من قوه انفجار القنابل واثرها على الاعداء , واللعبه ككل ممتعه ومميزه ومختلفه كل الاختلاف عن مثيلاتها من النوع هذا من الالعاب

هذي نبذه بسيطه عن الجيم بلاي .. والباقي اكتشفوه بنفسكم :p علشان ما ابي اخرب عليكم متعه الاكتشاف <<ليش انت خليت لهم شي يكتشفونه كل الجيم بلاي قلته :p

وناطر انطباعات اللي جربوا اللعبه ;)

[solid619]

صراحه انا ندمت إني أشتريت اللعبه مره ما عجبتني واعتقد انو جراند ثيفت اوتو و ساينت رو احسن منها وكل واحد له ذوقه ورأيه

[FARES360]

صراحه انا ندمت إني أشتريت اللعبه مره ما عجبتني واعتقد انو جراند ثيفت اوتو و ساينت رو احسن منها وكل واحد له ذوقه ورأيه

وليش ما جربت الديمو بالأول :أفكر:

[Bill Goldberg]

انا بعكس اشوف اللعبه وايد حلوه و تسلي و الرسوم صح تقول كرتون لوووووووول بس ولله مسليه وايد ..

[FARES360]

شريتها اليوم ب22 ..من جيم سنتر.. :footinmouth:
بعدين اقولك رأي عن اللعبة للحين ما شغلتها ..بس قاعد اطالع الخريطه الي بالغلاف :09:
انا فيه شي معقدني شنو الفة المستطيع الأسود واللزقه الزرقه ..على الأورقه البيضاء... :boggled:
كانت موجود في فابل بعد ..هاللزقه :boggled:

[NIGHT CROSSING]

ياشباب .. بصراحة مطلقة جداًً جداً .. اللعبة (خايسة) من جد .. ومن عدة نواحي .. الجرافيكس الي يحسسك انك تشوف سبيس ستون .. ولا ((قيادة)) السيارات تقول انك تسوق سفينة مو سيارة .. أما عن الشخصيات .. حدث ولا حرج .. ولا طريقة المشي .. أما القفز في اللعبة .. حاجة ثانية .. سوبرمان على غفلة .. خخخ

اعطيها بتقييمي الشخصي .. 5.5 ولا درجة فوق كذا تستحقها ..

هذا رائيي ..

[S.E.N]

شباب خلصت اللعبة يومين على ماأظن اللعب ماعليه لا بأس بس الحلو باللعبة الشخصية تطور مع الوقت والقتال مثلا يزود القفز وقوة الضرب ويظهر لشخصية عضلات اللعبة ماتحكم عليها الا اذا خلصت اللعبة وانا انتظر لعبة واللعبة هي ان بي ايه ستريت احر من الجمر

[FARES360]

:blackeye: halo 3 beta موجوده باللعبة بس لوول مو شابه الأيقونه ..شكلهم للحين ما طرحوها للتنزيل :boggled: مادري..!؟!؟

[عاشق 360]

صراحه انا ندمت إني أشتريت اللعبه مره ما عجبتني واعتقد انو جراند ثيفت اوتو و ساينت رو احسن منها وكل واحد له ذوقه ورأيه

ليش ماشريتها كوبي
انا باشتريها كوبي من الانتقادات الي سمعتها عنها

[Mr.Xbox]

ياشباب .. بصراحة مطلقة جداًً جداً .. اللعبة (خايسة) من جد .. ومن عدة نواحي .. الجرافيكس الي يحسسك انك تشوف سبيس ستون .. ولا ((قيادة)) السيارات تقول انك تسوق سفينة مو سيارة .. أما عن الشخصيات .. حدث ولا حرج .. ولا طريقة المشي .. أما القفز في اللعبة .. حاجة ثانية .. سوبرمان على غفلة .. خخخ

اعطيها بتقييمي الشخصي .. 5.5 ولا درجة فوق كذا تستحقها ..

هذا رائيي ..


يا اما نت ماتعمقت باللعبه .. او انت ماتحب هالنوعيه من الالعاب

والناس اذواق :)



halo 3 beta موجوده باللعبة بس لوول مو شابه الأيقونه ..شكلهم للحين ما طرحوها للتنزيل مادري..!؟!؟

البيتا لهالو3 للحين ماصدر .. متى يصدر بس واجربها ^^


انا فيه شي معقدني شنو الفة المستطيع الأسود واللزقه الزرقه ..على الأورقه البيضاء...
كانت موجود في فابل بعد ..هاللزقه

حتى انا حيل معقدتني .. ومرات ودي اشقها لووول :p

[hamad_007]

أنا جربت الديمو لمدة ربع ساعة و ما لعبته بعد هالمرة

اللعبة مرة ما عجبتني
و ما أعتقد اني بشتريها
بس الي عجبتني فيها الفيزيائية القوية .

[Emirates]

جربتها ولا باس بهاااا

اللعبه جيده ولكن توقعت الكثير منها

[sHbAT6]

والله من ناحيتي انا

حرام عليكم ياجماعه والله لعبه عجييييب

المطامر فوق العماير والقووه الخاارقه والهجوووم

صراحه عجيييييب

وتفجيرات شي ثاني


صراحه اللعبه حلوووه حيل

والناس اذواق


يالله شباب وينكم زين نبي واحد نلعب وياااه

شرايكم

[محـ ss uae ـمد]

والله من ناحيتي انا



حرام عليكم ياجماعه والله لعبه عجييييب


المطامر فوق العماير والقووه الخاارقه والهجوووم


صراحه عجيييييب


وتفجيرات شي ثاني



صراحه اللعبه حلوووه حيل


والناس اذواق



يالله شباب وينكم زين نبي واحد نلعب وياااه



شرايكم



هلا والله
شو اخبارك ..
اذا شريت اللعبه نهاية الاسبوع بلعبها معاك ...
:kiss:

[GHOST 360]

اقول يصير تقيم ويا ربيعك

[sHbAT6]

ياهلا وسهلا

وابرك الساعات
عيل ناطرك يابطل ^_^


قوه دبي شخبارك

يصير تلعب ويا واحد من ربعك
تسووون مهمات مع بعض وتحسون الديره فوق تحت

شي شي فضيع والله ^_^

لا تفوت هل وناسه عليك

[FARES360]

:D ما كملت شي انا للحين لوول... توني بس ذبحت maria أعتقد اسمها...لوول الي تلقاها على السطوح ..
وشخصيتي هذاك الأبيض الي عيونه سوده :blackeye:
واتنم ؟


على فكره فيه تصويت مسوينه في ign
أغلب الناس معطي التقدير 8 :D

[Bill Goldberg]

اللي حاب العب وياه بس يضيفني و ان شاء الله اخلصها وياه لاني خلصتها من كم يوم ...

^_^

[الهـــــوى N الغايب]

تقييمها في الحضيض بس ابجرب احمل الديمو

[Devil..S]

سلام عليكم شباب

اخوني انا ذبحت اول ثلاث رؤسا وبعدين ماجبولي ولا شي بس قاعد الفلف في المدينه ايش الحل وين اروح وشكرا

[FARES360]

سلام عليكم شباب

اخوني انا ذبحت اول ثلاث رؤسا وبعدين ماجبولي ولا شي بس قاعد الفلف في المدينه ايش الحل وين اروح وشكرا

أعتقد لازم تدور على رؤساء ثانين بنفس المدينه ..حاول تفتر اكثر... وتدور على العصابات الباقيه من los moertus

[Devil..S]

أعتقد لازم تدور على رؤساء ثانين بنفس المدينه ..حاول تفتر اكثر... وتدور على العصابات الباقيه من los moertus
شكر اخزي عل المساعده:kiss:
بس اخوي مافي اي شي يحدد مكان اي رئيس لانو اذا انا ادور عليهم في المدينه كذا صعب مره(بس ماعقد)لازم في شي يحدد مكان الروسا..........:33:

انا دخلت على قائمه الرؤسا مافي غير الثلاث الي ذبحتم والبقيه ماهم معروفين :32:

[Mr.Xbox]

^
^
^
دور بالاماكان الفاضيه بالمدينه (( يعني اللي مو عند الرؤساء )) اذا مالقيت يبيلك تدور المدينه كلها , ومرات اللي يتكلم معاك يقولك مكان تروحله فيه رئيس او انشطه

وبالتوفيق باللعبه ^^

[sHbAT6]

صباح الخيررررررررررر

انا اعلمك الحل يا باشه


شووووف اذا انت شاري الشريط نسخه اصليه

يجي وياه خريطه معلم فيه ومحدد فيها كل بوووس وين مكانه في كل جزيره ^_^

يعني خذ راحتك اماكنهم معرووفه

ونصيحتي لك لا تستعجل في اللعب لان الشريط قصير حيل

حاول تقوي عمرك وتهجم وتمشى وستانس^_^

[Devil..S]

الف شكر اخواني على المساعده
والاخ Bill Goldberg اعطاني الخريطه جزاه الله خير

[cantona222]

أنا هالأيام قاعد ألعب CrackDown......... أدري اني قديم :D
اللعبة ممتعة.
أحلى ما فيها "القفز" و انك تقدر تطمر "تنقز" "تنط" "تقفز" من عمارة الى عمارة :D شعور ممتع. خاصة اذا وصلت الى مكان عالي مثل مبنى الـAgency و تخاف انك تطيح.

بس اللعبة فيها عيوب ........ قيادة السياراة فيها يجيب الضغط. اوقات وايد ما أقدر احرك السيارة؟ ما تمشي لي جدام!!
و عيب آخر اهو الـتصويب. اصوب على واحد من العصابة و اذبحه و بعدين التصويب يظل معلق عليه و لا أقدر اوخره؟؟ :31: و بعض المرات يصوب على كيفه على سيارة أو أي شخص و يتم معلق عليه.هما هالشي ييب الضغط.

ما أدري..... شنو رايكم؟
و على فكرة. أنا خلصت اللعبة و قاعد أحاول أحصل باقي الـAchievements.

[Mr.Xbox]

^
^
^
^
يا قدمك :09: .. توّك تلعب اللعبه !! .. اللعبه مثل ماقلت فيها اخطاء كثيره .. بس اكبر خطأ في اللعبه واللي خلاها ممله بشكل كبير هو المهمات .. كله بس ادخل على القائد واذبحه وبعدين تنتهي .. لو نوّعوا المهمات كانت بتصير افضل

بس اكثر شي خلانا اكملها هو القفز فيها .. ونااااسه خصوصاً لم تطلع على برج الـAgency وتقعد تنقز بين الثلاث ابراج لول :D

[cantona222]

بس اكثر شي خلانا اكملها هو القفز فيها .. ونااااسه خصوصاً لم تطلع على برج الـAgency وتقعد تنقز بين الثلاث ابراج لول :D

بالضبط.
أصلا أنا أخاف لما أصعد مكان عالي :02:. من صجي. أخاف أغلط و أطيح.
أكثر مرة خفت فيها لما صعدت الى قمة الـAgency و نطيت عالبحر (علشان أحصل الـ 2 Achievements) مو لأن الـAgency أعلى مكان باللعبة :D

[محمد15315]

الصراحه انا اللعبه عجبتني بس مب ذاك الزود اللي عجبني سنتس روو

[Mr.Xbox]

أكثر مرة خفت فيها لما صعدت الى قمة الـAgency و نطيت عالبحر (علشان أحصل الـ 2 Achievements) مو لأن الـAgency أعلى مكان باللعبة

لووول هذا اكثر مكان خفت فيه .. ثلاث مرات جربت الاولى كنت باللفل الثاني وماكنت اقدر انقز عالي وكنت ميت من الخوف ونفس الشي في المره الثانيه لما كنت في اللفل 3 بس باللفل الرابع قدرت ولما كنت انقز بين الثلاث ابراج كنت اكثر شي خايف بس لما تنقز على البحر وناااسه حتى صرت اطلع على البرج بس علشان انقز على البحر واشوف المنظر الحلو :09: .. ذكريات هاللعبه :p

[cantona222]

لووول هذا اكثر مكان خفت فيه .. ثلاث مرات جربت الاولى كنت باللفل الثاني وماكنت اقدر انقز عالي وكنت ميت من الخوف ونفس الشي في المره الثانيه لما كنت في اللفل 3 بس باللفل الرابع قدرت ولما كنت انقز بين الثلاث ابراج كنت اكثر شي خايف بس لما تنقز على البحر وناااسه حتى صرت اطلع على البرج بس علشان انقز على البحر واشوف المنظر الحلو :09: .. ذكريات هاللعبه :p

زين الحمد لله ريحتني. علبالي بس أنا اللي "معقد" و يخاف يروح مكان عالي بالعبة :09: (عيل شلون لو صج؟!)

و الشغلة الثانية اللي ضابطينها باللعبة اهي التفجيرات.

ان شاء يعدلون اخطائهم و ينزلون جزء ثاني فيه سوالف يديدة.