شريت Wii play .... من قال انها مجرد ويموت هديه ؟!؟ انطباعاتي واكثر بالداخل

[wario2002]

السلام عليكم ... :D





<--- مستانس .... ايييه مستانس وليش ماستانس وبرشلونه مهزوم على ارضه من ليفربول :D



ومستانس بعد اني شريت Wii play اليوم ...... اه بس اخيرا وبعد طول انتظار :D


طبعن قبل لا ابدا ابغى اقولكم ان الموضوع راح اجزءه لجزئين ...... الجزء الاول وهو اني راح اتكلم عن سعر اللعبه وعن الفرق بين اسعار المحلات

اما الجزء الثاني فراح يكون انطباعاتي عن اللعبه ... وشرح مبسط عن كل ميني جيم .... والـ Records الي جبتها بالالعاب من اول مره :biggthump

بسم الله وعلى بركة الله :)

الجزء الاول :

اللعبه تنباع بامريكا بـ 50 دولار (( مايقارب 187 ريال )) ... وانا شريتها بـ 240 :) يعني زياده على سعر امريكا 53 ريال ... انا باعتبرها فلوس الشحن :) المبلغ معقوول ولا لا ياشباب ... وخذت معها بعد ننشك بـ 130 ريال :)

يعني 240 + 130 = 370

هل تعلم ان الويموت + الننشك لحالهم = 370 :أفكر: ... يعني Wii play كأني خذتها مجانيه من المحل (( وش رايكم بالتفكير ))

طبعن Wii play كانت فرصه حلوه لي اني احصل على ريموت وننشك بدون مااتعرض لنصب المحلات وغلى الاسعار ،، عشان كذا انصح اي واحد انه يشتري اللعبه بنفس طريقتي عشان يوفر فلووسه ويعيش جو تعدد اللاعبين الممتع صراحه :)

قبل ماادخل الجزء الثاني ابغى اقولكم ان في محل اسمه النسر بالرياض طلع اكبر خاين :D فبعدما كنت عنده زبوون لمدة 7 سنوات ... الان اقوله بكم تعطيني Wii play يقولي بـ 320 (( ياساااتر )) قلت له ليييش ياخي ماتبيعون زي امريكا .. يقول حنا شارينها اصلا من امريكا ... قلت له طيب وشوله تغلون سعركم يقولي شف المحلات الي حولنا كلها مغليه السعر ... يوم قالي هالكلمه حسيت ان الي يكلمني بزر :D يقولي شفهم حنا نسوي زيهم وربي شغل بزارين:silly:

قلت له توكل على الله مالي الا بيت الكمبيوتر ،، صراحه يوم اتصلت على بيت الكمبيوتر وقالي ان سعر اللعبه 240 صراحه تفاجأت .... بيت الكمبيوتر الي معروف بانه اغلى محل يبيع كذا ؟؟؟ على فكره ترى اللعبه ب250 بس خلاها لي ب240 لاني شاري الوي من عنده وعطاني ضمان ،، واي واحد معه ضمان يقدر يسوي تخفيض 10% بكل لعبه يشتريها من المحل :)

عالعموم مابي اتكلم زياده اخاف يطلع لنا مراقب من هنا ولا هنا يقول ليش تسوي دعايه ... اوكي خلصنا من الجزء الاول




الجزء الثاني :

نرجع ونقول من قال ان Wii play مجرد ريموت هديه ؟؟ لا واللهي غلطان والف غلطان :D

فبعد تجربتي للعبه اجزم ان اللعبه تستاهل كل خير ينقال عنها ،، ماعليكم من تقاييم المواقع ... انتوا عارفين تقاييم المواقع ليش معطيتها تقييم منخفض ؟ .... معطينها تقييم منخفض بسبب الجرافيكس البسيط وبسبب ان اللعبه مافيها story او Advunture ... انا قبل كم يوم قريت تقرير واحد بموقع Gonintendo صراحه اعجبني وهو يتكلم مثل كلامي الحين ... وهو ان اللعبه مب ريموت هديه وبس

المهم خلوني اتكلم عن اللعبه وانتوا احكموا

عدد الاعبين باللعبه : 2

اول ماتشغل اللعبه راح يسألك هل تبغى تسوي ملف جديد للعبه ... بعد ذلك تختار واحد من شخصيات الـ Mii وتبدا ،، طبعن اول ماتبدا ماراح تلقى الالعاب كلها مفتوحه ،، لازم تلعبها من البدايه وبالترتيب المى تطلعها كلها ... واذا طلعتها كلها ... تقدر ترجع لها وتلعب بلاعبين ،، او تحاول تجيب الميداليات الذهبيه بكل الالعاب :)


اللعبه عباره عن 9 ميني جيم ..... منها الممتع ومنها سيئ ومنها متوسط كل واحد وذوقه .... لكن بقولكم انطباعي عن كل لعبه ... واشرح لكم شرح مبسط عنها ... واقولكم النتايج الي جبتها من اول مره :D راح اتكلم عن الالعاب وحده وحده ولكن مو بالترتيب لاني ماذكر ترتيبها زين



Shooting range : (( لعبة التصويب ))
http://media.ign.com/thumb/175/1756711/wii-play-20061204075226108_thumb.jpg
هذي اللعبه ممتعه جدا ،، صراحه ماخيب ظني اخونا العزيز فاس يوم قال انها لعبه حلوه :D

بس صراحه البلونات كبيره باللعبه ماتوقعتها كذا ،، يوم شفتها بالصور احسبها صغيره ...

طريقة اللعب : ماعليك الا ان توجه الريموت على الشاشه وتصوب ... زر A او B لاطلاق النار

هل تعلم اذا لعبت اللعبه هذي بلاعب واحد ،، انك تستطيع ان تلعب بـ2 ويموت وتستخدمهم على انهم مسدسين (( Cool ))

اما بتعدد اللاعبين كل لاعب له مسدس واحد

بداية اللعبه راح تكون بالونات ،، بعدين صحون طائره ،، بعدين علب ،، بعدين مخلوقات فضائيه تخطف شخصيات الـ Mii (( صعبه هذي ))

=================================================================
Fishing : (( صيد الاسماك ))
http://media.ign.com/thumb/175/1755148/wii-play_1164955121_thumb.jpg

صراحه كنت احسب هذي اللعبه باااايخه من الصور والعروض الي شفتها ،، بس يوم جربتها غيرت رايي ^^

طريقة اللعب : توجيه الريموت على الشاشه والتقاط السناره ،، تستطيع التحرك فوق وتحت ويمين ويسار والى الامام والخلف ،، ماعليك الا ان تسحب السناره بعد ماتهزز

طبعن هذا شرح مبسط ولا اللعبه فيها اشياء كثير مب لازم اشرحها لازم تجربها انت

=================================================================
Table tennis : (( تنس الطاوله ))
http://media.ign.com/thumb/175/1755153/wii-play(5)_1164955364_thumb.jpg

يالله على هاللعبه بس :D اذكر كان في عضو هنا كان يتمنى تكون حلوه ،، ابشرررك يخوي اللعبه رهييييبه مره

طريقة اللعب: توجيه الريموت على الشاشه والتقاط المضرب ،، بطور اللاعب الواحد ماعليك الا ان تصد كرات الكمبيوتر الي ضدك ،، كل ماصديت 10 كرات راح يزيد الجمهور واذا فاتتك كوره وحده تنهزم وتعيد من اول

اما بطور تعدد اللاعبين فتلعب لعبه تنس عاديه ،، لازم تجيب 11 نقطه عشان تفوز ،، وضغط زر A للارسال

اللعبه رهيبه ياناس :)

=================================================================
LaSer hokey :
http://media.ign.com/thumb/175/1755152/wii-play(4)_1164955334_thumb.jpg

طريقة اللعب : توجيه الريموت على الشاشه وصد الكرات من الخصم ،، ليس هناك عدد معين من الاهداف للفوز ،، ماعليك الا ان تكون متقدم على خصمك بفارق الاهداف حتى ينتهي الوقت

وهذي اللعبه رهيييييييبه مره بعد وخصوصا على تعدد اللاعبين

=================================================================
Billiards :
http://media.ign.com/thumb/175/1756713/wii-play-20061204075227076_thumb.jpg

كنت منظرها هاللعبه والحمدلله ماخيبت ظني ،، مع انها pool 9 بس اللعبه ممتعه وضابطينها بعد ،، وخاصة بتعدد اللاعبين

طريقة اللعب : توجيه الريموت على الكره واختيار المنطقه المناسبه ،، زر A لكاميرا من فوق الطاوله ،، علق على زر B وارجع للوراء ... ثم للامام مع ترك زر B بنفس الكره لضربها ،، سرعه الكره تعتمد على مدى قوة الضربه

اللعبه هذي ايضا رهيبه

=================================================================
Charge : (( ركوب الابقار ))
http://media.ign.com/thumb/175/1756715/wii-play-20061204075228061_thumb.jpg

هاللعبه والله يافيها ظحك :D لعبتها مع اخوي ... وماغير احدحده باللعبه ماخليته يتعداني :D بس بالنهايه صقعني وخلاني اطلع برا الطريق

طريقة اللعب : مسك الريموت بشكل افقي ،، الـ D pad عاليسار وزر 1 و2 عاليمين ،، اذا ميلت الريموت للامام راح تسرع البقره ،، وللخلف لتخفيف السرعه ،، ولليمين واليسار عشان تلف ،، وللقفز ماعليك الا ان ترفع الريموت للاعلى بسرعه

صراحه لعبه ممتعه على لاعبين اما على واحد عاديه جدا :) احلا شي بالنهايه لي شفت هالخضره عاليمين عاليسار ياماااال الجنه بس :D

=================================================================
Find Mii :
http://media.ign.com/thumb/175/1755150/wii-play(2)_1164955212_thumb.jpg

هذي اللعبه فن ،، خصوصا على لاعبين عشان يكون فيه تنافس اكبر

طريقة اللعب : يجب عليك ان تختار 2 من شخصيات الـ Mii يكون متشابهين من بعض ،، طبعن راح يكون في اكثر من Mii بغرض التمويه لك ،، وكل مرحله اصعب من الثاني ،، واحيانا اللعبه تطلع منك تدور شخصية الـ Mii الي انت تلعب فيها ;)

ممتعه جدا هاللعبه فنان الي مسويها

=================================================================
Pose Mii :
http://media.ign.com/thumb/178/1782861/wii_play_wed_4_qthigh_thumb.jpg
هذي اللعبه عباره عن فقاعات تنزل من فوق لتحت ،، قبل لاتنزل الفقاعه لازم تشكل الـ Mii حقك بالشكل المطلوب المحفور على الفقاعه عشان تركب الشخصيه فيها وتفقعها ،، كل شوي تصير اصعب اللعبه

طريقة اللعب : تشكيل الـ Mii على الشكل المحفور بالفقاعه ،، هناك 3 اشكال ،، بالضغط على زر A ستنتقل الى الاشكال الاخرى ،، وللرجوع للشكل السابق اضغط B

هذي اللعبه جربتها على لاعب واحد .. صراحه حلوه بس اتوقع ان الواحد بيطفش منها بعد فتره ... بس ابجربها مع اخوي يمكن تصير احلى

=================================================================
Tanks :
http://media.ign.com/thumb/178/1782863/wii_play_wed_1_qthigh_thumb.jpg
وما أدراك مالـ Tanks ...... اتوقع افضل لعبه عالشريط مع ان في كم لعبه نفس مستوى متعتها بس اللعبه هذي ماظنيت بتطفش منها

طريقة اللعب : اللعبه هذي تقدر تلعبها بويموت فقط !! ،، وتقدر بننشك وويموت ،، بس الفرق بسيط ... وهو انك لو كنت تلعب بويموت فقط راح يكون التحكم صعب ،، لانك بتحرك المدرعه بالـ D pad وراح تطلق صواريخ بنفس الوقت صراحه صعب التحكم كذا ،، بس بالننشك اسهل لانك راح تحرك المدرعه بعصاة التحكم (( Control stick )) بيد ،، وباليد الثانيه راح تتحكم بالصواريخ والالغام ... زر A لاطلاق الصواريخ .... وزر B للالغام .... وللتوجيه ماعليك الا ان توجه الويموت على المكان الي تبغاه

تقدر تطلق 5 صواريخ ورى بعض ،، واللغم ينفجر اذا احد قرب منه او اذا راحت مده من الوقت ،، وتستطيع ايضا ان تستخدم الجدران لاطلاق الصواريخ عليها والاصطدام بها لعكس مسارها ..

وهل تعلللللم ان اللعبه فيها 100 Mission يعني (( 100 مهمه )) صراحه عدد كبير وكل مهمه اصعب من الثانيه

انا وصلت للمهمه الخامسه بس الكمبيوتر صار يطلق صواريخ جديده سريعه مره وهزمني :(

اجمالا اللعبه من افضل الالعاب بالشريط
=================================================================


اخيرا انتهيت من الموضوع اصابعي يبست راحت فيها :31: بس لعيونكم كل شي يهوون والله وانا مابغى الا اني افيدكم:)

المهم انا عارف ان FAS كان مسوي موضوع عن اللعبه بس انا حطيت اضافات اكثر يعني لايجيني مراقب ويسكر الموضوع :أفكر:

والاخ FAS عزيز وغالي واظن انه راح يستفيد من هالموضوع بعد ^^

اما بخصوص الـ Records انتظروها بردي القادم لاني ناسيها اخاف اقولكم شي غلط وتقولون نصاااب :D

يلا انشالله انكم استمتعتوا بالموضوع

بانتظار ردودكم :biggthump

[Super Shadow]

ما شاء الله عليك واريو 2002

عليك أسلوب ساحر في الاقناع http://www.geocities.com/super_broly11/o6.bmp

كنت متردد بخصوص اللعبة هذي

بس يوم شفت الميني جيمز و وصفك لها تحمست جدا لها http://www.geocities.com/super_broly11/o14.bmp

بشتريها ان شاء الله مع سونيك سيكريت رنج

و يعطيك العافية على انطباعاتك http://www.geocities.com/super_broly11/o3.bmp

[Snake-87]

<--- مستانس .... ايييه مستانس وليش ماستانس وبرشلونه مهزوم على ارضه من ليفربول :D
انا مو مستانس .. T,T
وانا مستانس قبل امس آرسنال خسر xD (لعين ^^")

المهم ..الحركة هذي ولد عمي سوواها وشرى فيها الوي ^^"
شرا الوي + وي بلي + ننشك + زلدا ب175 دينار :)

واليوم (الساعة 12 تقريبا الصبح ^^") (قبل مباراة برشلونة xD) جربت اللعبة .. والله اللعبة حلوة :)

وآريقاتوو على الشرح الحلو ~,^
مفروض ارشحك ولكن ما عندي الخاصية ^^"
والموضوع عبارة عن شرح لللعبة مفروض تعدل العنوان شوي ^^"

[wario2002]

Super Shadow :


عليك أسلوب ساحر في الاقناع

لا لا انت كذا تحسسني اني مندوب مبيعات اشتغل عند ننتندو ،، انا ماجيت اقنعكم ،، انا جيت اقولكم رايي لا اكثر ولا اقل ......... حبيت اوظح هالنقطه عشان لحد يفهم غلط :D


بشتريها ان شاء الله مع سونيك سيكريت رنج

الله يوفقك ولاتنسى اذا شريتها تقولنا انطباعك عنها ......... والله يعافيك على هالرد الحلو :)

=================================================================
Snake-87 :


انا مو مستانس .. T,T
وانا مستانس قبل امس آرسنال خسر xD (لعين ^^")


ايه والله قهر هزيمة الارسنال ..... بس الوعد ملعب الامارات وانا اخووك :أفكر:


المهم ..الحركة هذي ولد عمي سوواها وشرى فيها الوي ^^"
شرا الوي + وي بلي + ننشك + زلدا ب175 دينار

ولد عمك شكله رهيب مثل تفكيري ..... سلم لي عليه :D


مفروض ارشحك ولكن ما عندي الخاصية ^^"

تعال تعال وش هالترشيح هذا قلي :D ترى ماعرف هالاشياء الجديده لاني غبت فتره طويله عن المنتدى :D بس ان كانه ترشيح رقابه ماقول الا الله يبشرك بالخير :D


والموضوع عبارة عن شرح لللعبة مفروض تعدل العنوان شوي ^^"

انا عارف ان الموضوع فيه شرح عن اللعبه عشان كذا كتبت بعنوانه (( انطباعاتي واكثر )) ... كلمة (( واكثر )) معناها شرح عن اللعبه والريكوردز وكذا فهمت :)

تسللم حبيب قلبي على هالرد ووعدكم بملعب ليفربول :D

[cantona222]

شكرا عالموضوع.

الناس تمدحها علشان سعرها (مغري جدا)
الـWii mote ينباع بـ40$
و اللعبة تنباع بـ50$ مع Wii mote
50 - 40 = 10$
هذا معناته ان سعر اللعبة بـ 10$.

يعني بأختصار.......... اللي يبي يشتري Wii mote يكون غبي اذا ما اشترى هاللعبة. :D
10$ لـ9 mini games.
Good Deal ;)

[القبطان فرفشلي]

مراجعة رائعة جدا

وانشاء الله اول ماشتريث الوي تكون اللعبة عندي

وشكرا

[wario2002]

ياشباب في كم نقطه بعدلها بالموضوع وبقولكم الـ Records من اول مره .... واعلى شي جبته :

التعديلات:

1 - اذا لعبت لعبة الـ Table tennis ثاني مره ،، ببداية اللعبه يقولك لازم تصد 100 صده ضد الكمبيوتر ،، اذا لعبت وصديت الكور المى 100 راح تنتهي اللعبه وتاخذ الـ Gold Medal ،، واذا عدت اللعبه الكلام راح يتغير ماراح يقولك جب 100 ،، بيقولك صد الكور قدر الامكان ،، اذا جبت عدد كبير اكثر من 100 يعطونك البلانتيوم ميدال :)

2 - بلعبة الـ Laser Hockey بتعدد اللاعبين اللعبه راح تكون من 8 اهداف ،، الي يجيب 8 الاول هو الفايز :)

3 - بلعبة Find Mii هناك مهام اكثر من الي قلتها انا .... ،، فالمهام كل مستوى تتغير ،، مره يطلب منك ان تبحث عن شخصيتين Mii متشابهه ،، او شخصية الـ Mii الي انت مختارها ،، او انت تختار اسرع Mii بالشاشه (( يمشون او يركضون او يسبحون )) ،، او تختار الـ Mii الي حركاته تختلف عن الباقي (( مثلا يتفرجون على مباراة تنس وشخصيتين يناظرون بالاتجاه المعاكس )) ،، او انك تبحث عن 3 شخصيات Mii متشابهه ،، او تبحث عن الـ Mii الي يكون نايم :silly: ،، وطبعن وانت مستمر باللعب راح تتغير المراحل ،، مره المرحله تكون بشارع ... ومره بملعب تنس ... ومره ببحر ... ومره بالفضاء :D ... ومره على درج كهربائي ... ومره تكون بالشارع بس ظلمه ... يعني كل شوي تصعب اللعبه :biggthump

4 - بلعبة الـ Tanks زر A يكون لوضع الالغام ... وزر B لاطلاق الصواريخ ،، انا عكستها بالموضوع وهذاني عدلتها :D ،، وفي شي ابي اقوله وهو ان اللعبه صعبه توصل لمهام بعيده لحالك ،، لو لعب معك اخوك او صديقك على لاعبين واتفقتوا انكم توصلون لمهام بعيده يكون احسن :) ،، مع ان اللعب على لاعبين الغرض منه ان كل لاعب يحاول يفجر اكبر عدد من مدرعات الـكمبيوتر واذا انهزمتوا كلكم تنتهي اللعبه ،، بس اذا انهزم واحد منكم ،، والثاني استمر وفاز بالمهمه وانتقل للمهمه التاليه ،، راح يرجع اللاعب الي انهزم اول واحد ....... انا اعتمدت على هالحركه انا واخوي عشان نوصل لمهام بعيده :) بس وصلنا لـ27 وانهزمنا :silly:


خلصت من التعديلات ;)


الـ Records :

Shooting range :

اول مره : 471 *** افضل مره : 674 (( جبت بلانتيوم فيها .. احسن من الـ Gold )) :biggthump

Fishing :

اول مره : 1010 *** افضل مره : 2240

Table tennis :

اول مره : 12 :silly: *** افضل مره : 100 (( Gold ))

LaSer hokey :

اول مره : فاز علي الكمبيوتر 7-6 *** افضل مره : فزت عالكمبيوتر 7-2 (( Silver ))

Billiards :

اول مره : 12 *** افضل مره : 23

Charge :

اول مره جبت شي بايخ بس عدت اللعبه على طول قبل لاتنتهي ماذكر كم بالضبط ... وبعدها جبت معدل زين وخذت (( Bronze ))

Find Mii :

اول مره : وصلت Level 7 *** افضل مره : وصلت Level 26 :)

Pose Mii :

اول مره : وصلت Level 7 (( معلق على 7 )) *** افضل مره : وصلت Level 16 وعطوني (( Silver ))

Tanks :

اول مره : وصلت Level 5 وانهزمت *** افضل مره : وصلت Level 13 لحااالي طبعن وانهزمت (( Bronze ))


اخيييرا وليس اخرا .... ترى اللعبه شاريها امس ،، يعني بالايام الجايه انشالله بيكون لعبي احسن وبحاول اجيب بلانتيوم بكل الالعاب :)


وعلى فكره الالعاب الي ماذكرت وش جبت فيها برونز او سيلفر او جولد هذي مااااذكر وش جبت بالضبط ،، انا قلت الي اذكره بس


المهم يلا ورورنا شطارتكم يالي عندكم Wii play ،، يمكن نسوي مسابقه لاحسن ريكورد اذا شفنا اعضاء كثير عندهم Wii play :)

واشكركم عالقراءه

[wario2002]

اخوي cantona222 و القبطان فرفشلي معليش ماشفت ردودكم لاني كنت اكتب رد طويل ،، انتم رديتوا وانا كنت اكتبه :ponder: المهم مب مشكله



cantona222 : صح عليك صادق .... بس ان كان بموضوعي مدح فصدقني مب عشان سعرها المغري صراحه في بعض الالعاب رائعه :) ........ ومشكووور اخوي على التفاعل ;)

=================================================================
القبطان فرفشلي : عالبركه انشالله ... واذا شريت الوي لاتنسى تشتري The Legend of Zelda: Twilight Princess تراها اقوى لعبه نزلت للحين ... ولعبة Wii play مثل ماقلت انت .... و Wii sports تجي هديه مع الجهاز ... ،، اتوقع هال3 العاب راح تمتعك لمده شهر ونص عالاقل ومن خلال الشهر ونص هذي راح تنزل العاب ثانيه قووويه :biggthump توقيتك ممتاز .... ويعطيك الف عافيه على الرد الحلو ;)

[naji]

الصراحه اقنعتني بشرحك
شكلي بروح اشتريها اليوم

مشكور على الشرح الرهيب

[FAS]

واريو ....
يعطيك العافيه ,

نرجع ونقول من قال ان Wii play مجرد ريموت هديه ؟؟ لا واللهي غلطان والف غلطان
الناس أذواق , واللعبه عمرها قصير جداً ..... بس مع ويموت مجاني , اعتقد انها تستاهل .....
وعن الريكوردز ..... لي عودة ورد ان شاء الله

[yameii Wii]

مشكور اخويه على الاقناع قبل شرحك ككنت مب مقتنع
وانته اقنعتني انه العبه ببلاش انا باخذها اذا المحل ماغلى سعرها ..(بدون نصب..)

[wario2002]

naji : الله يوفقك اخوي .. بس اذا شريتها وماعجبتك لاتحطها فيني :D ،، عالعموم انت اشترها بهدف الويموت الهديه عشان ماتندم ... وتسللم عالمشاركه الطيبه :)

=================================================================
FAS : الله يعافيك :) .....


الناس أذواق , واللعبه عمرها قصير جداً ..... بس مع ويموت مجاني , اعتقد انها تستاهل .....

صح عليك الناس اذواق وانا قلتها ببداية موضوعي :) ،، بس يافاس اللعبه مالها عمر اصلا ،، يعني اول مره تلعبها هي نفسها اذا لعبتها بعد شهر ولا شهرين ،، المراحل نفسها والتحديات نفسها يعني اللعبه مالها عمر :) فقط ميني جيمز لا اكثر ولا اقل ... ولكن اللعبه مع لاعبين متعتها اكبر يكون في تحدي ... اللعبه ماتصلح للاعب واحد لان بعد فتره الواحد يطفش منها .... بس على لاعبين حلووه :)


وعن الريكوردز ..... لي عودة ورد ان شاء الله

والله شكلك تخووف يافاس :D بس اصبر علي انا مالي الا يوم شاري اللعبه عطني وقت واوريك شغلك ،،وعلى فكره لعبة التصويب جبت فيها بلاتينوم (( الي بعد الـGold )) من ثاني مره .... :silly:

ومشكووور اخوي فاس على المداخله الحلووه .... بانتظار الريكوردز حقتك :biggthump

=================================================================
yameii Wii : انا قلت لك رايي يخوي وصراحه مابي اقنعك ابي اسمعك رايي وبس .... بس لاتخاف حتى لو شريتها وطلعت اللعبه بايخه فهي تعتبر مجانيه .. لان اكبر سبب بيخليك تشتريها هو الويموت :) ... والله يعينك ويعينا على نصب هالمحلات :ponder: ومشكووور عالمشاركه الحلوه ;)

[namses]

ثانكس عزيزي واريو اشكرك على هذا الموضوع بالفعل اقنعتني باللعبه وحمستني لها :32:
ماشاءالله عليك عندك امكانيه جميله بالاقناع^^
لاتحرمنا من مواضيعك الحلوه والمفيده :biggthump

[WE Vll]

اللعبة عندي وبصراحة مالها داعي.. كل ألعابها تعتمد على الريموت الا البقر..

أحلى شئ فيها البلياردو و البحث..

عموما هي حلوة اذا فيه تنافس..

اظن ننتيندو استعجلت في اصدارها.. ألعاب قليلة و مملة

أحلى شئ فيها الريموت..

[wario2002]

namses : تسلم حبيبي على الرد الحلو ^^ ... ومادامكم تردون على مواضيعي ماراح احرمكم من هالمواضيع تستاهلون كل خير :) (( تكفى ))

=================================================================
WE Vll :


اللعبة عندي وبصراحة مالها داعي.. كل ألعابها تعتمد على الريموت الا البقر..

من قالك انها ماتعتمد عالريموت ؟ ... واذا جيت تلف وتنط وتزيد السرعه وتخففها مو هذا اعتماد على قدرات الويموت ؟ :أفكر: عالعموم الظاهر قصدك انها اللعبه الوحيده الي ماتعتمد فيها على مؤشر الويموت الي يطلع عالشاشه :)

بس الالعاب الي تعتمد عالمؤشر احلى .... يعني وين راحت الـ Laser Hockey ؟ ووين راحت التنس الطاوله ؟ ووين راحت الـ Tanks ؟ ووين راحت لعبة التصويب .... الالعاب هذي من احسن الالعاب ،، حرام عليك تسرعت بحكمك :أفكر:

بس جررب تلعب اللعبه على لاعبين ويكون اللاعب الي ضدك واحد فنان عشان تعيش حماس هالالعاب صدق :)



أحلى شئ فيها البلياردو و البحث..

البلياردو صراحه بديت اطفش منها لانها POOL 9 ياليتها كانت 15 كوره :( ،، اما البحث رهيبه وخاصتن على لاعبين :)


عموما هي حلوة اذا فيه تنافس..

صح عليك .. الظاهر عندك اخوان صغار ( قريت موضوع شرائك للوي ) عشان كذا مافيه تنافس ... :silly: جررب تلعب مع واحد يلعب مثل لعبك وشف الفرق


اظن ننتيندو استعجلت في اصدارها.. ألعاب قليلة و مملة

لا ماظن انها استعجلت بالعكس وقتها حلو .... وخصوصا ان الالعاب القويه قادمه بعد شهر ونص تقريبا يعني يبغالها شوي ... فهذي راح تشغلني شوي وخصوصا الويموت الي جا معها والننشك الي شريتها انا .... خلاني ارجع لـ Wii sports واجرب كل الالعاب على لاعبين (( البيسبول على لاعبين لاتفوتك )) وزين اني أمنت عندي 2 ويموت و2 ننشك .... مجهزهم عشان ماريو بارتي وسماش والالعاب القويه القادمه :)

بخصوص الالعاب بـ Wii play هي صدق قليله والبعض منها يصير ممل بعد فتره بس كل واحد وذوقه ... ولاتنسى ان اللعبه تعتبر مجانيه :أفكر: ... انا صراحه ماظنيت اني بطفش من التنس الطاوله .. والهوكي الي بالليزر ... والـ Tanks ... الا بعد فتره طويله ... وعندي طمووح الحين اني اوصل المهمه 100 بالـ Tanks :D مانيب مرتاح الا لين اوصلها


أحلى شئ فيها الريموت..

اكييد وهذا اكبر سبب يخلي الواحد يشتري اللعبه :)

تسلللم اخوي على المشاركه الحلوه :)

[Emperor-uae]

السلام عليكم

كنت متحمس للعبه بس بعد موضوعك زاد الحماس و اقتنعت فيها :biggthump

[wario2002]

السلام عليكم

كنت متحمس للعبه بس بعد موضوعك زاد الحماس و اقتنعت فيها :biggthump

ايه بس ياليت تحط في بالك انك شاريها عشان الويموت الهديه .... عشان اذا ماعجبتك مب تقول كله مني :D والله اني خايف يجينا واحد مايحب هالالعاب ويقول كله من ياواريو هو الي اقنعني وهو وهو :31:

عالعموم توكل على الله واشتر اللعبه صدقني مافيها خساره مادام معها ويموت هديه ... :أفكر:

وتسلللم عالرد :)