أطلب نصيحتكم قبل لا أشتري PS3 في هذا الجهاز ومميزاته وسعره..

[أبو البراء]

السلام عليكم ورحمة الله وبركاته..


يا جماعة لقيت PS3 سعره 3499 ريال سعته 60 جيجا وأقدر أشتريه أقصاد ويصير سعره بالأقصاد 3730 (330 ريال كل شهر لمدة 11 شهر تقريبا) المهم أقدر أختار إما ياباني وماله أي هدايا زياجة غير اليد أو صيني + يد + شريط أختاره وضمان سنة وكلها الياباني والصيني بنفس السعر.

المطلوب:
1- تنصحوني بالياباني وإلا الصيني واش الفرق بينها؟
2- هل السعر مغشوش أنا فيه وإلا لا؟ وتتوقعون ينزل سعره؟ متى؟ وإلى كم بيكون؟
3- لو اشريته اش الشريط الي تنصحوني فيه؟
4- أهم شريط: الويننج إليفين هل بينزل وإلا نزل وإلا ما راح نشوفه بالـ PS3 ?
5- أي نصيحة ثانية عادي ما أزعل قولها لا هنت :D ..
6- هل بتنزل أشرطة أبو كلب (يعني تقليد :p ) وإلا بتقعد الأوريجينال بس وبهذا السعر اللي بين 300 ريال و 550 ريال؟ ولو نزلت التقليد كم يكون سعرها تقريبا؟؟واش طرق تركيب الألعاب غير الشراء اللي بهالسعر؟ يعني مثلا أحملها وإلا ألقاها بالانترنت(وعلى طاري الانترنت لو شغلته على الـ PS3 عادي لو أخليه دي إس إل وإلا فيه طريقة ثانية؟ وهل أحتاج قطعة لتشغيل الانترنت عليه وإلا هو جاهز مع الجهاز يعني مجرد أشتري البلايستيشن يكون معاه انترنت)
7- هل بتنزل أنظمة بكفاءات أعلى؟ يعني مثلا يوم اشتريت الـ PS2 بعدها بأسبوع نزل النظام اللي يشغل الأشرطة من دون تشفير واضطريت أركب القطعة الجديدة بـ 300 ريال زيادة!!
8- اش أهم مميزات الـ PS3 (أدري كثيرة يعني لو مالك نفس تكتبها أعطيني رابط لأي واحد كتب شيء عنها أو رابط موقع يكتبها) أو على الأقل أعطيني فروق جبارة بينه وبين الـ PS2 .

أدري كثرت عليكم وأسئلة غبية بعضها لكن مالي مثل مالكم بالبلايتيشن ما شاء الله عليكم وحتى لو تقطون كل واحد يجاوب على سؤال وبعده واحد يكمل بس أهم شيء جاوبوني على اللي تقدرون..


لكم بالغ الشكر والتقدير :)

[XxLEGENDxX]

هلا اخوي ..
مبروك مقدما على الجهاز المرعب وان شاءالله تقضي معاه اوقات حلوه ^_^

بالنسبة لاسلئتك ..


1- تنصحوني بالياباني وإلا الصيني واش الفرق بينها؟

في الحقيقة ماعرف اذا كان هناك فرق او لا .. لان اغلب منتجات سوني صارت صناعه صينية وجودتها ممتازه .. لكن المهم ان النظام مايكون ياباني ..

2- هل السعر مغشوش أنا فيه وإلا لا؟ وتتوقعون ينزل سعره؟ متى؟ وإلى كم بيكون؟

السعر جدا مبالغ فيه بشكل كبير .. لو تطلب من موقع امازون www.amazon.com (http://www.amazon.com) او من الامارات بيطلع ارخص عليك بكثير .. مثلا عندنا نحن في الامارات سعر السوني 3 مساحته 60 جيجا مايتعدى ال2200 درهم .. الاسعار قابلة للنزول خبرني صاحب المحل اللي اتعامل معاه من 10 سنين ان السعر راح ينزل بحدود ال300 درهم على مدى الشهرين او الثلاث الشهور القادمة يعني بحدود ال2000 درهم ويمكن اقل ..

3- لو اشريته اش الشريط الي تنصحوني فيه؟

حاليا مافي العاب قوية وماقدر اقولك اي لعبة تاخذ لاني ماعرف انته اي نوعية من الالعاب تحب .. لو سالتني انا .. راح انتظر لنهاية 2007 وبعدين باخذ سوني 3 لان اقوى الالعاب راح تنزل مع بداية ومنتصف 2008 .. مثل فاينل فانتسي وميتل جير وديفل ماي كراي و ريزيدنت ايفل وغيرها كثير

4- أهم شريط: الويننج إليفين هل بينزل وإلا نزل وإلا ما راح نشوفه بالـ PS3 ?

الويننغ اليفن راح يكون موجود لكن الدوري الياباني فقط لان اكس بوكس 360 هي اللي اشترت حقوق لعبة برو ايفليوشن سوكر وتحوي على كل المنتخبات ..

5- أي نصيحة ثانية عادي ما أزعل قولها لا هنت :D ..

ودي اقولك لا تستعيل على السوني 3 واذا حاب تشغل وقتك بشي او لعبة .. عندك الاكس بوكس 360 .. سعره 1400 درهم و بتحصل العاب قوية وحلوه له والاحلى من كل هذا انك بتقدر تلعب كرة قدم اونلاين مع ناس من مختلف الجنسيات .. وانتظر لييييين بداية 2008 وتوكل على الله وخذ سوني 3 ^_^

6- هل بتنزل أشرطة أبو كلب (يعني تقليد :p ) وإلا بتقعد الأوريجينال بس وبهذا السعر اللي بين 300 ريال و 550 ريال؟ ولو نزلت التقليد كم يكون سعرها تقريبا؟؟واش طرق تركيب الألعاب غير الشراء اللي بهالسعر؟ يعني مثلا أحملها وإلا ألقاها بالانترنت(وعلى طاري الانترنت لو شغلته على الـ PS3 عادي لو أخليه دي إس إل وإلا فيه طريقة ثانية؟ وهل أحتاج قطعة لتشغيل الانترنت عليه وإلا هو جاهز مع الجهاز يعني مجرد أشتري البلايستيشن يكون معاه انترنت)


بالنسبة للكوبي فاللي عرفته انهم فكوا شيفرة السوني 3 وبيكون الكوبي موجود بعد فترة ولكن السعر مرتفع نسبيا يعني على الاقل 50 درهم واكثر .. بس ماراح تقدر تلعب اونلاين .. الانترنت يحتاج الى راوتر و خط لتربطه مع السوني عشان تستفيد من خدمة الاونلاين .. على فكرة سعر الاصلي في الامارات على حدود ال200 او 250 درهم فقط

7- هل بتنزل أنظمة بكفاءات أعلى؟ يعني مثلا يوم اشتريت الـ PS2 بعدها بأسبوع نزل النظام اللي يشغل الأشرطة من دون تشفير واضطريت أركب القطعة الجديدة بـ 300 ريال زيادة!!

النسخة الاوروبية راح تنزل قريب عندنا في الامارات وفي دبي بالتحديد .. مشكلة الاضافات اذا وجدت انها بتحرمك من الضمان ويمكن من اللعب اونلاين .. ((عشان جذي اقولك انتظر الين ما ينزل كل شي مره وحده وحزتها بتقدر تختار على كيفك .. ))

8- اش أهم مميزات الـ PS3 (أدري كثيرة يعني لو مالك نفس تكتبها أعطيني رابط لأي واحد كتب شيء عنها أو رابط موقع يكتبها) أو على الأقل أعطيني فروق جبارة بينه وبين الـ PS2 .


http://games4arab.com/index.php?option=com_content&task=view&id=472&Itemid=49

تفضل هذا الرابط يقولك عن بعض مميزات السوني 3 .. امس ربيعي خبرني ان لعبة نيد فور سبيد على السوني 3 راح تكون اول لعبة اللي تستخدم كل قوة السوني 3 100%
يعني اذا حاب تشوف قوة السوني 3 عليك انك تشوف هاللعبة ..

واسمحلي عالقصور :)

[MSF]

الويننغ اليفن راح يكون موجود لكن الدوري الياباني فقط لان اكس بوكس 360 هي اللي اشترت حقوق لعبة برو ايفليوشن سوكر وتحوي على كل المنتخبات ..
ومن قال لك أن WE ماتحتوي على كل المنتخبات والأنديه ؟

[XxLEGENDxX]

http://ps3.ign.com/articles/728/728794p1.html

http://ps3.ign.com/objects/775/775498.html

للحين مافي اي خبر عن برو ايفليوشن سوكر على السوني 3

[أبو البراء]

الله يعطيكم العافية على المعلومات وهونت أشتريه الآن لأن السعر يقهر.. احتمال أروح دبي في الإجازة الجاية ويكون سعره أفضل إن شاء الله..

صراحة غريبة هالأسعار يعني مبالغ فيها بشكل كبير عندن بالسعودية رغم اللي أعرفه إن الجمركة السعودية منخفضة بالنسبة لكثير من الدول!!


عموما مشكورين مشكورين مشكورين والله على المعلومات ويجزاكم ربي الخير..

[MSF]

أنا حصلت في الإمارات PS3 نسخة الـ20 غيغا بـ1700 درهم ، يعني إذا تريد اخذ PS3 خذها من الإمارات ^^

[d.o.d.y]

بالنسبة لي انتظر شوي يمكن ينزل السعر
ونصيحة لا تشتري صيني

[فوق المستحيل]

اخوي اخذها من مجرب

نصيحه

نصيحه

نصيحه

لا تشتري الجهاز الحين والله راح تندم لان ماعليه العاب كلشششششششش

وكل يوم والثاني نشوف تأجيلات للالعاب

تخيل من كثر ما الجهاز ماعليه العاب..رحت وشريت اكس بوكس 360

ولك الخيار والقرار.