مشاهدة النسخة كاملة : جريمة قتل <<< تصويري!!!
sensei
11-03-2007, 05:57 PM
السلام عليكم ورحمة الله وبركاته
لكم هالقصة صارت معاي... وطبعا موقف مثل هاي صج يبيله كاميرا...
اولا... وانه طالعة من غرفتي ومريت على الصالة "غرفة المعيشة" إلا أشوف شي عالطوفة!!
شي يمشي فووووق قريب من الصقف
ولما دققت زيادة شفته بريعصي!!!... اللي هو البرص والا ما ادري شي يسمونه
فرجعت الغرفة وأخذت الكاميرا وصورت صور عادية والثانية فيديو "بس آنه ما بعرض صور الفيديو"
http://i55.photobucket.com/albums/g134/gambit-0_0/kill-1.jpg
عقب رحت أنادي اخوي علشان يجيب المسجمة ويذبحه "البندقية"... هو صج الواحد يستغرب لما نقول له ان احنا نذبح البريعصي بالمسجمة بس احنا جذي ^.^"
فراح وجابها... ومن أول ضربة طيحه "وهاي فيه فيديو بعد"
http://i55.photobucket.com/albums/g134/gambit-0_0/kill-2.jpg
عقب طااااح!!! فقلت حق اخوي لحظة لا تذبحه!!!....
قربت منه وصورته... طبعاً اول ما يخاف البريعصي يقط ذيه يبالفيت يبي يخدعنا انه مات
رحت صورته... والحظ أن الرصاصة ما طلعت من جسمه "وفي فيديو وهو يحرك الذيل بعد" ^^
http://i55.photobucket.com/albums/g134/gambit-0_0/kill-3.jpg
وبعدين بدال ما ياخذ اخوي النعال وضربه علشان يفتك منه ضربه برصاصتين زيادة ^.^"
ما عنده سالفة بعد هو عالارض ليش خساير رصاص!!
المهم... بس الرصاصتين ما تموا في جسمه... طبعا جسمه ما بكفي كل هالرصاص هههه
فأخذت الرصاصتين "والثالثة تمت في جسم البريعصي" وحطيتهم على طاولة الكمبيوتر وصورتهم كآثار للجريمة
http://i55.photobucket.com/albums/g134/gambit-0_0/kill-4.jpg
وطبعاً آنه مب طبيبة جنائية علشان افتح بطن البريعصي وأطلع الرصاصة منه... فخليت الرصاصة الأخيرة
وجذي شهدتوا جريمة قتل صارت في بيتنا... ومات المقتحم بثلاث رصاصات... وللمعلومية هذا السفاح كان من بينكم في المنتدى بعضوية اسمها Thinkful Guy بس ترك المنتدى من فترة >.<
ان شاء الله عجبكم الموضوع... بس ما نبي السالفة توصل للمخافر
خلوها بيننا وبينكم بس
<<<< عاد ان شاء الله ما يكون بينكم شرطي وآنه ما ادري :p
يالله... انتظر ردودكم
سلام
جبال السراة
13-03-2007, 12:47 AM
وعلاكم السلام ورحمة الله وبركاته
... بس الرصاصتين ما تموا في جسمه... طبعا جسمه ما بكفي كل هالرصاص هههه
برصاصتين حرام عليكم ,, ابشتكيكم على حقوق الحيوان هذا عنف غير مبرر انتم ما عنكم ديمقراطيه ههههه
ماني مصدق اللى سويتوه هذا امسكه بيدي وانتم بالبندقيه
وللمعلومية هذا السفاح كان من بينكم في المنتدى بعضوية اسمها Thinkful Guy:p
سؤال وش معنى اسمه اللى بالانقلش
sensei
13-03-2007, 06:41 AM
هو لما تضيف المقطع ful لاي اسمي يصير وصف
فهو سواه thinkful guy اي الولد الذكي
بس الاصح هو thoughtful guy
لان هاي الكلمة الوحيدة (ما ادري اذا في غيرها بعد) اللي لما تبي تحولها لصفة وتضيف لها المقطع ful تحولها للماضي قبل ^^
ماني مصدق اللى سويتوه هذا امسكه بيدي وانتم بالبندقيه
شدعوة!!! مستحيل نمسكه... اذا ابي يذبحه بالمسجمة ^.^"
ومشكور اخوي على الرد
q8tya
13-03-2007, 07:50 AM
و عليكم السلام ورحمة الله وبركاته ..
(( أعتذر عن التأخير في الرد لظروف خارجة عن ارادتي ><" ))
لوووووووووووووووول .. بصراحة أبدعتوا !
بس طريقة القتل هذي شي يديد! أول مرة أسمع فيها !! (( زين ما خربتوا الديكور >< ))
و حياج الله بينّا .. بانتظار جديدج :)
جبال السراة
13-03-2007, 02:50 PM
استفسارات في اللغه الاماراتيه
وش معنى الكلمات الآتيه ,,, وهل يتغير معناها بحسب وقوعها في الجمله :D ؟؟؟؟
لوووووووووووووووول :)
يديد:)
و حياج:)
جديدج :)
أتمنى معرفة معانيها حتى يتم التواصل مع الاخوه والاخوات الاماراتيين في المنتدى :D
sensei
13-03-2007, 03:13 PM
(( أعتذر عن التأخير في الرد لظروف خارجة عن ارادتي ><" ))
عادي ^^ ما في تأخير ولا شي... المهم رديتي علي بالأخير
بس طريقة القتل هذي شي يديد! أول مرة أسمع فيها !! (( زين ما خربتوا الديكور >< ))
يمكن غريبة برع قطر... امممم... حتى في قطر بعد مب كل النلاس يسوونها... او نادرا.. ويمكن بس احنا ^.^"
بس حنا عندنا المسجمة في البيت بس للبريعصية يعني مب لشي ثاني... ابوي مخصصها للبريعصية ^^
اما عن الديكور فلا تخافين... صقف ابوي انخرق وباب الغرفة اللي انه الحين جالسة فيها مخرق "بس حلو لما تكون الليتات مطفية وليتات الغرفة اللي جنبها مولع فيدخل النور من الثقب... منظر حلو ^^" واظن في جبس في احد الغرف انخرق ما ادري بالضبط ^.^"
و حياج الله بينّا .. بانتظار جديدج :)
الله يحييج خويتي ^^
استفسارات في اللغه الاماراتيه
وش معنى الكلمات الآتيه ,,, وهل يتغير معناها بحسب وقوعها في الجمله :D ؟؟؟؟
مع ان الاخت كويتية ^^ بس يالله حنا واهل الكويت والامارات كلنا لنا نفس اللهجة تقريبا ^^
لوووووووووووووووول
هي اختصار لكلمة بالانجليزي Lough out Loud ومعناها الضحك بصوت عالي ^^
يديد
جديد... بس احنا ننطق الـ"ج" "ي"
حياج
حياكِ... بس لما نتكلم ننطق الكاف للانثى بحرف الـH فنكتبها بالعربي بحرف الـ"ج"
جديدج
نفس الشي هني ^^ معناها جديدك
أتمنى معرفة معانيها حتى يتم التواصل مع الاخوه والاخوات الاماراتيين في المنتدى :D
ترى الكلام مب صعب بس شوي في تغيير في الكتابة علشان النطق واللهجة بس كل الخليج تقريبا يستخدمون نفس المصطلحات ^^
جبال السراة
13-03-2007, 05:46 PM
مع ان الاخت كويتية ^^
اماراتيه وليست كويتيه
المسجمة
وش معناها
مب
وش معناها هذي بعد
كل الخليج تقريبا يستخدمون نفس المصطلحات ^^
لا مو كل الخليج في الطائف ما نستخدمها
sensei
14-03-2007, 05:42 AM
اماراتيه وليست كويتيه
عجل ليش اسمها "ام المستخدم" كويتية؟؟!!
شلون اماراتية تحط اسمها كويتية؟؟
المسجمة
ذكرتها في بداية الموضوع للي ما يعرفها ^_^ اللي هي البندقية
مب
معناها... ليس... مو.. ماهو ^_^ ما اعرف ايش تقولونها انتوا بعد ^^
حلو جذي نتشارك باللهجات
جذي = كذا... بس احنا نقول كذي وننطق الكاف H فنكتبها جذي ^^
وأهلا بأهل الطايف ^_^ آنه ما قابلت ناس كثار من هناك
جبال السراة
14-03-2007, 03:25 PM
عجل
العجل = البقر <<<< وش دخله بالموضوع
"ام المستخدم" كويتية؟؟!!
شلون اماراتية تحط اسمها كويتية؟؟
اسمها
Q8tya =QAtya
وعندما نقارن بين المعادلتين نجد أن :
8=A
يعني كاتيا وليست كويتيه ,,,,, بعدين ما سمعتي بـ كاتيا حرب :D
بعدين صورها كلها من الامارات :33: شلون كويتيه:33:
ما اعرف ايش تقولونها انتوا بعد ^^
حلو جذي نتشارك باللهجات
جذي = كذا... بس احنا نقول كذي وننطق الكاف H فنكتبها جذي ^^
نقول : ليس , ما هو , مش كدا :D
اكيد استفدت كثير منكم :biggthump
ابعرف وش دخّل حرف الاتش الانجليزي في الهرجه كلها :wow::wow::wow::wow: والله مب فاهم نهائي:02:
وأهلا بأهل الطايف ^_^ آنه ما قابلت ناس كثار من هناك
ياهلا ويا مرحبا
بعدين ما رديتي على موضوعي
http://www.montada.com/showthread.php?t=518650
ryota4ayako
14-03-2007, 05:38 PM
هههههههههههههه الله يقطع سوالفج
هذي حركه تسوونها بالمسكين؟
هههههههههه حرااااااام شكله يكسر الخاطر
بس هم ويع :09:
عاد اتصدقين ولد خالي بعد يذبحهم بالصجم؟
وفي وحده عندنا نسميها سفاحه بريعصيه :D
يسلمووووووووووووووووو حبيبتي عالصور الشيييي :biggthump
سلاااااام
q8tya
14-03-2007, 07:55 PM
العجل = البقر <<<< وش دخله بالموضوع
اسمها
Q8tya =QAtya
وعندما نقارن بين المعادلتين نجد أن :
8=A
يعني كاتيا وليست كويتيه ,,,,, بعدين ما سمعتي بـ كاتيا حرب :D
بعدين صورها كلها من الامارات :33: شلون كويتيه:33:
نقول : ليس , ما هو , مش كدا :D
اكيد استفدت كثير منكم :biggthump
ابعرف وش دخّل حرف الاتش الانجليزي في الهرجه كلها :wow::wow::wow::wow: والله مب فاهم نهائي:02:
ياهلا ويا مرحبا
بعدين ما رديتي على موضوعي
http://www.montada.com/showthread.php?t=518650
كأنكم خرجتم عن دائرة نقاش الموضوع الرئيسية !
----------------------------------------------------------------------------
عجل تعني إذًا أو كما تقال عندكم (( أجل لي تعمل كذا ؟ ))
كاتيا حرب !! من تكون هذه المرأه, بصراحة أول مرة أسمع عنها ! و هل تعتقد أنني أكني نفسي بكنية لمغنية !!!!
ابعرف وش دخّل حرف الاتش الانجليزي في الهرجه كلها
هي تقصد ال CH ,دخله هو أن الحرف المنطوق في اللهجة العامية ينطق كحرف ال CH ولا يتوفر له مقابل بالأحرف العربية لذالك نستخدم "ج " أو "ك" أو ال "CH"!!
---------------------------------------------------
أتمنى أن يتوقف النقاش في هذا الموضوع عند هذا الحد .. لأنكم ابتعدتم كثيـــــــــــــــــــــــــــــــــــــرًا عن هدف الموضوع .
sensei
15-03-2007, 06:51 PM
هههههههههههههه الله يقطع سوالفج
هذي حركه تسوونها بالمسكين؟
هههههههههه حرااااااام شكله يكسر الخاطر
بس هم ويع :09:
عاد اتصدقين ولد خالي بعد يذبحهم بالصجم؟
وفي وحده عندنا نسميها سفاحه بريعصيه :D
يسلمووووووووووووووووو حبيبتي عالصور الشيييي :biggthump
سلاااااام
اهلا حبيبتي نورتي الموضوع....
والحمد لله في ناس غيرنا يذبحون البريعصية بهالطريقة... على الاقل ما احس ان عيلتنا غريبة ^^
عاد اذكر ولد عمتي يقليهم عالطابي بعد ما يذبحهم... استغفر الله :footinmouth:
المهم مشكورة على تواجدج في الموضوع ونورتي المكان ^^
كأنكم خرجتم عن دائرة نقاش الموضوع الرئيسية !
---------------------------------------------------
أتمنى أن يتوقف النقاش في هذا الموضوع عند هذا الحد .. لأنكم ابتعدتم كثيـــــــــــــــــــــــــــــــــــــرًا عن هدف الموضوع .
متأسفين :jap003:
صج ما لاحظت على نفسي اني خرجت عن الموضوع
ومتأسفين مرة ثانية
كاتيا حرب !! من تكون هذه المرأه, بصراحة أول مرة أسمع عنها ! و هل تعتقد أنني أكني نفسي بكنية لمغنية !!!!
وانه بعد ما اعرفها ^^ بس لما قال اسمها حسيت اني سامعته من قبل
وردج عجبني صج... هاي دليل انج مب سماعة للاغاني
حبيت ارد على هالنقطة بس... وما راح اخرج عن الموضوع مرة ثانية ^^
سلام
جبال السراة
15-03-2007, 07:26 PM
ارجوكم لا أحد يطلعنا من الموضوع
فيه نقطه مهمه
مبروك 100 حسنه لاخوك اللي ذبح الوزغ كما في حديث الرسول صلى الله عليه وسلم.
sensei
15-03-2007, 08:02 PM
الله يبارك فيك...
والحمد لله احنا عندنا هالمعلومة... فحتى انه "البنت!!" لما اشوف بريعصي اذبحه ولو مرات يشرد
مع ان شكله كيوت وترى احب شكله وايد... مرات اقرب منه وادقق فيه حتى اني عديت اصابع رجوله "وهو حي"
ترى عنده 5 اصابع ^_^
ryota4ayako
15-03-2007, 08:40 PM
على طاري القلي
ولد خالي نفسه كان ياخذ الجراد ويحطه تحت كلنكس (محارم) ويشب بالكلنكس نار وتنشوي الجراده
مسكينه :(
bri39ey
16-03-2007, 03:07 AM
يا جماعه أنا برفع قضية قتل بحقكم بحكم قتل أحد أفراد الأسرة <<<<<<<<<< نك نيمي بريعصي :D
وعلى فكرة العزاء في بيتنا الكائن في السكراب تحت المرسيدس الذهبية المدعومه من ورا <<<<< يعني عيال جخ XD
وأتوجه لكل من حضر العزاء من الأهل والأصدقاء وخاصة الزهيوية والنمل والخنافس والله يسامح الأعداء الذين ما انكفوا عن السخرية وهم من العناكب والطيور<<<<<<<< ولا الزرازير الملاعين أذونا :D
فيه نقطه مهمه
مبروك 100 حسنه لاخوك اللي ذبح الوزغ كما في حديث الرسول صلى الله عليه وسلم.
لحد يطبق علي عاد :D
عموما شكرا على الموضوع وإلى الأمام
السلام عليكم << وهل هناك سلام على القاتل ؟!
مجرمين .. >.<"
ما يصير كذا مسكين البرعوص @_@ ..
------
تسلمين أختي سنسي :) .. أخوك قناص مضبوط ..
بس أنا أحسن منه .. ورهيب بهالسوالف .. وحتى بالرصاص الحي!! ^_^ ..
سلميلي عليه وقولي له خل يتدرب بعد أكثر .. حتى بالمستقبل نسوي أنا وياه تحدي Cowboy .. ـ هع هع
الموهيم التصوير تمام .. بس الكامرة مب مضبوطه :) ..
تسلمات أختي :) ..
بس أستغرب من الجرأة اللي عندك لأنك بنت وتسوين كذا بالبرعوص :) ..<< الآن مانجا الصراصبر وقريبا .. مانجا البراعيص .. هع هع
وذكرتيني بسالفة قديمة مرة .. أخوي قتل برعوص وشواه بالقداحة (الولاعة) .. بس طلع هالعمل حرام :( .. << الحرق مو القتل
بالتوفيق
sensei
16-03-2007, 06:05 AM
على طاري القلي
ولد خالي نفسه كان ياخذ الجراد ويحطه تحت كلنكس (محارم) ويشب بالكلنكس نار وتنشوي الجراده
مسكينه :(انزين الجراد جايس تقطلينه... والا شلون بتاكلينه؟؟ حي!!... قد مرة جربتي تاكلين الجراد؟؟؟ طعمه لذييييييذ
يا جماعه أنا برفع قضية قتل بحقكم بحكم قتل أحد أفراد الأسرة <<<<<<<<<< نك نيمي بريعصي :D
وعلى فكرة العزاء في بيتنا الكائن في السكراب تحت المرسيدس الذهبية المدعومه من ورا <<<<< يعني عيال جخ XD
آسفة ما أقدر أحضر العزا لأني أحد المشتركين بالجريمه هههههههه
وأتوجه لكل من حضر العزاء من الأهل والأصدقاء وخاصة الزهيوية والنمل والخنافس والله يسامح الأعداء الذين ما انكفوا عن السخرية وهم من العناكب والطيور<<<<<<<< ولا الزرازير الملاعين أذونا :D
خليتوا حد ما رافجتوه!! بس كل ربعكم من الحشرات والمفروض من الزواحف مثل الضبان والثعابين ^^
لحد يطبق علي عاد :D
حاضرين ^^ احنا ما نذبح البريعصي الناطق ^_^
عموما شكرا على الموضوع وإلى الأمام
العفو اخوي ^^ وبحاول انزل موضوع جديد في قسم التصوير
السلام عليكم << وهل هناك سلام على القاتل ؟!
وعليكم السلام ورحمة الله وبركاته << وإذا حييتم بتحية فحيوا بأحسن منها أو ردوها :D
مجرمين .. >.<"
مجرمين مرة وحدة :bigeyes: !!! حرام عليك :02:
ما يصير كذا مسكين البرعوص @_@ ..
لا مسكين ولا شي... من قال له يقتحم بيتنا... لا وفي الصالة بعد؟؟... يستاهل
تسلمين أختي سنسي :) ..
الله يسلمك ^^
أخوك قناص مضبوط ..
امممم... انه بصراحة استغربت منه... بس سمعت "ما متأكدة" انه يروح يتدرب في ما ادري وين مع ربعه... ما متأكدة بالضبط وما اقدر اجيب شي ما متأكدة منه علشان ما اكون من الكاذبين
بس أنا أحسن منه .. ورهيب بهالسوالف .. وحتى بالرصاص الحي!! ^_^ ..
ما شاء الله عليك ^_^ الله يوفقك ^^
سلميلي عليه وقولي له خل يتدرب بعد أكثر .. حتى بالمستقبل نسوي أنا وياه تحدي Cowboy .. ـ هع هع
الله يسلمك... بحاول أقول له بس أخاف يهاوشني اني حطيت هالصور في المنتدة >.< بس بحاول اوصل السلام للأمانه <<< اصلا المفروض ما يهاوشني لأني اخته الكبيرة :o
بس ما ادري ايش بسوي اذا شاف ردي في هالموضوع...
http://www.montada.com/showthread.php?t=517279
الموهيم التصوير تمام .. بس الكامرة مب مضبوطه :) ..
صح كلامك... بس دايما الصور اللي تتصور في الجرايم ما تكون واضحة
اول صورة ما طلعت واضحة لأني واقفة فوق الكراسي أبي اصوره وما تطلع عدل ولما اسوي زوم تصير الصورة مش واضحة
وثاني صورة جبتها من فيديو لاني ما صورته صورة عادية في هالمقطع
الثالثة صورة البريعصي تصوير عادي اما الذيل من فيديو ^^
وآخر صورة من كثر ما قربت الكاميرا ما طلعت واضحة ^^
بس السالفة بكبرها حلوة
تسلمات أختي :) ..
بس أستغرب من الجرأة اللي عندك لأنك بنت وتسوين كذا بالبرعوص :) ..<< الآن مانجا الصراصبر وقريبا .. مانجا البراعيص .. هع هع
عاد انه اللي مافيني جرأة... بس شوف ايش بسوي اذا شفت نملة على ايدي افزع كأني شايفة جني
بس تدري ان سالفة الصرصور واقعية؟؟؟ انه بروحي ما اعرف شلون قدرت اذبح الصرصور ^_^
وترى الكابوس اللي حطيته هو اول كابوس بس... وبعدها حلمت بكابوسين عن الصراصير بس ما قمت صارخة بس مفزوعة ^.^" ومرة حلمت اني ذبحت واحد... فما ادري شاسوي
وذكرتيني بسالفة قديمة مرة .. أخوي قتل برعوص وشواه بالقداحة (الولاعة) .. بس طلع هالعمل حرام :( .. << الحرق مو القتل
اي ادري انه حرام... علشان جذي قلت استغفر الله هنا
عاد اذكر ولد عمتي يقليهم عالطابي بعد ما يذبحهم... استغفر الله :footinmouth:
الرعد الحارق
01-04-2007, 03:40 AM
وزغة تقتلها بالهوائي مرة واحده لا وكمان طلقتين
هاذي بالنبيلة
ههههههههههههههههههههههههههه
sensei
01-04-2007, 07:29 PM
ههههههههههه
بس هاي طريقتنا في الذبح ^_^
ومشكور اخوي على تواجدك في الموضوع..
فهد2006
05-04-2007, 09:10 AM
ما علييه اذا ماخبرت عليج
وتروحين السجن
فهد2006
05-04-2007, 09:10 AM
ما علييه اذا ماخبرت عليج
وتروحين السجن
sensei
06-04-2007, 05:44 PM
عادي علم علي :D
اذا انسجنت معناها مافي دراسة :ponder:
وهاي اللي ابيه :09:
ويلارد
17-04-2007, 10:27 PM
جريمة حلوة..
sensei
18-04-2007, 04:20 PM
شفت شلون... حتى الجرايم فيها الحلو والمر ^_^
شكرا اخوي على مرورك
سلام
عاشقة الفوتو
26-07-2007, 05:21 AM
انت صورت عدوي اللدووووووووووووووووووووووووود
ان شاء الله ينقرضوا مثل ما انقرضت الديناصورات
sensei
26-07-2007, 03:00 PM
ههههههههههههه
الله يسمع منج
بس انه ما اتنمى لهم انهم ينقرضوا مثل ما اتمنى للذباب >.<
والله دايما اقول "الله يقرض الذبان كلهم"
صج لوعة
على فكرة
امس بعد الساعة 2 في الليل شفت واحد على الارض
وكان صغير
وبعد في الصالة
ما سويت فيه شي -_-"
رحت أنام ما كان لي بارض لجرايم
هوهوهوهوهوهو
جميع حقوق برمجة vBulletin محفوظة ©2025 ,لدى مؤسسة Jelsoft المحدودة.
جميع المواضيع و المشاركات المطروحة من الاعضاء لا تعبر بالضرورة عن رأي أصحاب شبكة المنتدى .