لو قالوا لك تنام في غرفة بنت والا ولد شو بتختار؟؟؟

[sensei]

بسم الله الرحمن الرحيم
السلام عليكم ورحمة الله وبركاته
طبعا لو انسئل واحد منكم (تنام في غرفة بنت والا ولد؟) بتختار البنت على ان غرفتها هي الأرتب والأريح
وغرف الصبيان دايما معفسة وما تقدر تحط رجلك فيها من كثر الأغراض المنثرة
وتلقى العقال في صوب والغترة في صوب ولو تبي تدور عن السرير ما تلقاه
بس...
صج غرف البنات مرتبة والا لا؟؟!!
++++++
لكم صور لغرفتي قبل التعديل في ايام الامتحانات سنة 2005
++++++
http://i55.photobucket.com/albums/g134/gambit-0_0/2-6.jpg
طبعا ارجع من المدرسة "ايام امتحانات والا غيرها" اتعيز ارتب شنطتي
فانثر الأغراض وقبل المدرسة "الصبح" ادخل اللي ابيهم عقب أطلع
++++++
http://i55.photobucket.com/albums/g134/gambit-0_0/3-1.jpg
وهني المفروض يكون في صندوق "ما ادري باين والا لا" حق الدفاتر اللي ما لها دخل في الدراسة "مثل دفاتر التلوين والرسم" بس مثل ما تلاحظون ملف الكويز راح هناك!! شوداه ما ادري
واللي عالطوفة "السايل اللي نازل" هاي هصير منسكب لما كان التواليت "ما ادري شو تسمونه" كان هناك
(طبعا الجزءالممسوح هو اسمي)
++++++
http://i55.photobucket.com/albums/g134/gambit-0_0/4-1.jpg
وهاي التسريحة... (الحمد لله في ذاك اليوم شوي كانت مرتبة) ^_^
++++++
http://i55.photobucket.com/albums/g134/gambit-0_0/5.jpg
عاد هالمكان بلية... بس افكر ارتب الغرفة اشوف التلفزيون وحوله ايأس -_-"
عقب الامتحانات جيت ادور عن شي ما لقيته الا بالغصب ولما رجعت اشوف هالصورة شفت انه في هالمكان من ايام الامتحانات... لو كنت خطير القى الشي اللي كنت ادور عنه <<<صار موضوع ألغاز
++++++
http://i55.photobucket.com/albums/g134/gambit-0_0/1-2.jpg
وأختم موضوعي بصورة خلابة من الوايرات المتشابكة واللي بس يفكر يفكها يشيب راسه
++++++
وان شاء الله... ان شاء الله بعد ما اشوف ردودكم ونقدكم للصور الحلوة راح أعرض لكم الغرفة بعد التعديل
وسلامي لكل من شاف الموضوع ولكل من رد ولصاحب المنتدى الراقي
وصج لو تدور في العالم كله عن منتدى يشمل كل هالأقسام وبالمشاركات اللي فيه ما راح تلقى

[رجل من الماضي]

اهلا sensei شو اخبارك
واو روعة ههههه بس فيها شبه كبير لغرفة اينشتاين قبل ما ترتبها طبعاً
طبعا ومم لا شك فيه انو يا اما دراسة يا اما ترتيب
عن جد ثانكس لمشاركتنا صور غرفتك

[sensei]

شكرا اخوي على ردك... ^^
هو انه حتى في ايام الاجازة غرفتي جذي بس الحين احاول اني ما اعفسها

[Misho0o]

مع انه الصور ماظهرت بس فتره حطيت غرفتي لما كانت جدن مرتبه :09:

[sensei]

آسفة ما حطيتها بعد في المرفقات... نسيت ^^
حطيتهم لك
ودي اسمع رايك

[جوليا بندلتون]

:wow: :wow: :wow: :wow: :wow: :wow: :wow: :wow: :wow: :wow:
!!!!!!!!!!!!!!!!!!!!!!!!!!!!!!!!!!!!!!!!!!!!

تسلمين عالموضوع ,,
بس بغيت اعترف بشي :ponder:
ان غرفتك مرتبه اكثر من غرفتي ملييون مره :09: :09:

[sensei]

بس بغيت اعترف بشي :ponder:
ان غرفتك مرتبه اكثر من غرفتي ملييون مره :09: :09:
الله يبشرك بالخير ^_^"
لأن محد يصدق ان في غرفة بنت اعفس من غرفتي ^.^"
وشكورة اختي على مرورج ^^
سلام

[جبال السراة]

ماشاء الله كل واحد غرفه وانا مره ارقد بالصاله ومره بالمجلس ,,,,,,

[صقر المغرب الأقصى]

ههههههههههههههه
لووووول
^^

على رأي المثل
كلنا في الهوى سوى :D

يا سلام عالنظام ;)

[HaMaNi]

ههههههههههههههههه
أول مرة اشوف غرفة بنت كذا :P >> نعيش ونشوف

عن نفسي غرفتي مرتبة دايم..ما ارتاح اشوف شيء مو متناسق
ما ادري كيف تقدرين تجلسين فيها وهي كذا

[sensei]

ماشاء الله كل واحد غرفه وانا مره ارقد بالصاله ومره بالمجلس ,,,,,,

نفس حالة اخوي قاتل البريعصي ^_^
ولما قلنا بنعطيك غرفة رفض :ponder:
يقول احب اكون لجيء
محد يعرف للرجاجيل...


ههههههههههههههه
لووووول
^^

على رأي المثل
كلنا في الهوى سوى :D

يا سلام عالنظام ;)
ههههههه اهلا اخوي...
ما توقعتك عفيسة ... احسك منظم من ردودك
بس مثل ما تقول... كلنا عالهوى سوا ^^
مشكور على تواجدك معانا ^^

ههههههههههههههههه
أول مرة اشوف غرفة بنت كذا :P >> نعيش ونشوف

عن نفسي غرفتي مرتبة دايم..ما ارتاح اشوف شيء مو متناسق
ما ادري كيف تقدرين تجلسين فيها وهي كذا
حتى الصبيان صاروا ارتب من البنات ^.^"
ترى مب غريبة علي... عارفة ان الصبيان ارتب
تعال وشوف مدارس البنات ومدارس الأولاد... راح تحسب العكس!!
اما شلون اقعد فيها... ترى في ذاك اليوم كان عندي امتحان عربي... ومن كثر العفيسة ما قدرت ادرس فيها فطلعت ودرست برع ^.^"
بس ارتب غرفتي مرة ثانية واحط لكم الصور "يعني تعفست!!" بس مب كثير :D
يعني انه مصورتها من اول ما عدلتها بس مب كل الزوايا فاحب اسويها من جديد ^^
سلام

[صقر المغرب الأقصى]

ههههههه اهلا اخوي...
ما توقعتك عفيسة ... احسك منظم من ردودك
بس مثل ما تقول... كلنا عالهوى سوا ^^
مشكور على تواجدك معانا ^^


أنا لما قلت كلنا في الهوى سوى
كنت أتكلم عن الجنسين يعني

بس في استثناءات أكيد ^^

ممكن نقول أنا واحد منهم :p

[ssl21]

أما أنا ما عندي غرفة ..........
كله نايم بالحوش

[sensei]

أما أنا ما عندي غرفة ..........
كله نايم بالحوش
بالحوش!!! ليش ما عندك الصالة مثلا والا المجلس؟؟
والا تحب تنام في الهواء الطلق؟؟

[sensei]

على فكرة... مافي أحد لقى الشي اللي كنت ادوره في هالزاوية؟؟
http://i55.photobucket.com/albums/g134/gambit-0_0/5.jpg

شي موجود في مكان غللللللط وما يبين عدل!!

[KilluaPica]

تنام في غرفة بنت والا ولد شو بتختار
غيرت رأيي بعد ما شفت غرفتك !

ياللفظاعة..
غرفة أخواتي بنفس هندسة غرفتك لكنهم ما شاء الله مخليها كأنها جناح أبو 7 نجوم..
غرفتي تقريبًا أوسخ منهم بقليل لكن ليست بمقدار الصور المعروضة!
مع إني أنظفها وأرتبها كل أسبوع لكن القذارة تأتي من حيث لا نحتسب!!
لازم ألاقي نهاية الأسبوع كومة عصيرات على طاولة الكمبيوتر ودفاتر ومراجع وكتب على طاولة المذاكرة وبراز الهامسترة في كل ركن من الغرفة ><"!


شي موجود في مكان غللللللط وما يبين عدلالأحذية في رأيي.. عمري ما أدخل الأحذية في الغرفة!

[عمر]

السلام عليكم ..

والله حلوة يا سنسي :) ..
يمكن أشوفها لأمي .. حتى تبطل تصيح علي " عزّل الغرفة .. عزّل الغرفة " .. << عزّل = رتب :) ..
بس ما تخيلتها لهالحد لخبطة وهوسه .. لكن لما تذكرت إنك فنانة, قلت عادي يجوز قاعد تسوي لوحة تشكيلية بالغرفة ..

والشيء الغلط هو ..... الغرفة كلها ,, أخخخخخخ

على كل حال .. هذا دليل إثبات مفيد لي .. أحاجج به أمي XD ..

بالتوفيق

[sensei]

غيرت رأيي بعد ما شفت غرفتك !
هههههههه اكدي باتغير ^^"

ياللفظاعة..
غرفة أخواتي بنفس هندسة غرفتك لكنهم ما شاء الله مخليها كأنها جناح أبو 7 نجوم..

ما شاء الله عليهم ^_^ الله يخليهم لكم
شي طبيعي ان غرفة البنت تكون نظيفة بس لو كانت بنوتة زيادة... اما آنه اللي ما تهتم لشي طبيعي تكون غرفتي كذا


غرفتي تقريبًا أوسخ منهم بقليل لكن ليست بمقدار الصور المعروضة!
مع إني أنظفها وأرتبها كل أسبوع لكن القذارة تأتي من حيث لا نحتسب!!
لازم ألاقي نهاية الأسبوع كومة عصيرات على طاولة الكمبيوتر ودفاتر ومراجع وكتب على طاولة المذاكرة وبراز الهامسترة في كل ركن من الغرفة ><"!

هههههههههههههه الغرفة كل يوم تتوسخ... لازم ^_^ اذا بتنطر لآخر الاسبوع لازم تكون رايحة فيها
ويحيك عندك هامستر >.< آنه ابي اشتري لي خنزير غيني بس اهلي ما راضيين :(
بس بحاول اشتريه بأي وسيلة ^_^


الأحذية في رأيي.. عمري ما أدخل الأحذية في الغرفة!

شدعوة ما تدخل الجواتي غرفتك!! ومستحيل تكون الجواتي... لأن الشي مفقود وما قدرت القاه الا بعد طلعة الروح وصدفة شفت انه كان موجود في نفس المكان لما صورت هالصورة بس ما لاحظت قبل!!

=============================


السلام عليكم ..
وعليكم السلام ورحمة الله وبركاته

والله حلوة يا سنسي :) ..
طبعا... مو غرفتي؟؟ ;)

يمكن أشوفها لأمي .. حتى تبطل تصيح علي " عزّل الغرفة .. عزّل الغرفة " .. << عزّل = رتب :) ..
والله نفس كلام رفيجتي في المدرسة... وضافت بعد على كلامك... "بعد علشان امي تعرف ان في غرفة ادمر من غرفتي لأنها تقول مافي وحدة غرفتها جذي"
بس آنه تحديتها ;)

بس ما تخيلتها لهالحد لخبطة وهوسه .. لكن لما تذكرت إنك فنانة, قلت عادي يجوز قاعد تسوي لوحة تشكيلية بالغرفة ..
هههههههههه حلوة هاذي ^_^ بس الصراحة انه احب الغرف العفيسة وخاصة لما اشوفها في غرف الصبيان في الافلام... تلفت نظري
وبالذات لو كانت الغرفة أصلا مساحتها صغير ...بس... ان تكون ماعطتها لون بس غرفتي مافيها الوان وايد "سابقا طبعا... اي الصور المعروضة"
بس لو تشوفونها الحين باتقولون انتقلت لغرفة ثانية!!!... <<<شوقتكم لصور الجديدة ^_^

والشيء الغلط هو ..... الغرفة كلها ,, أخخخخخخ
غلط ^_^ اجابة خاطئة لأن مثل ما ذكرت قبل

الشي مفقود وما قدرت القاه الا بعد طلعة الروح وصدفة شفت انه كان موجود في نفس المكان لما صورت هالصورة بس ما لاحظت!!

على كل حال .. هذا دليل إثبات مفيد لي .. أحاجج به أمي XD ..

روها اليوم قبل باجر ^_^ شوي ترتاح من توبيخ امك :silly:

[sensei]

اذا أحد لقى الشي او استسلمتوا وقلت لكم راح احط صور الغرفة حالياً ^_^

[HaMaNi]

باك
ما قدرت ألقى شيء غلط @،@
بس كأني لاحظت شيء غريب في الفيديو .. كأن في داخله شيء غريب
:P

[sensei]

باك

ما قدرت ألقى شيء غلط @،@
بس كأني لاحظت شيء غريب في الفيديو .. كأن في داخله شيء غريب

:P


صح!!! ما شاء الله عليك...
عقب الامتحانات جيت ابي العب سوني ما لقيت الميموريكارات... احنا عندنا 5 ومافي الا وحدة في البلايستيشن 2 ومب مالتي "احنا كل واحد في البيت عنده ميموري خاص"
وعقب شفته في الفيديو "تعرف الصغار كل شي دخلوه في الفيديو"
اللي عالاطراف قدرت اطلعهم بسرعة بس في بعضهم طايحين داخل فجبت ملقط الفحم وطلعتهم ^.^"
اوكي عيل... باجر انه عندي 3 تطبيقت فما اقدر اعرض الصور اليوم
اذا قدرت الفجر بحاول واذا ما قدرت بحاول بعد ما ارجع من المدرسة
وععع باجر الدوام لين 2:20 >.<
وسلامتكم ^_^

[HaMaNi]

صح!!! ما شاء الله عليك...

عقب الامتحانات جيت ابي العب سوني ما لقيت الميموريكارات... احنا عندنا 5 ومافي الا وحدة في البلايستيشن 2 ومب مالتي "احنا كل واحد في البيت عنده ميموري خاص"
وعقب شفته في الفيديو "تعرف الصغار كل شي دخلوه في الفيديو"
اللي عالاطراف قدرت اطلعهم بسرعة بس في بعضهم طايحين داخل فجبت ملقط الفحم وطلعتهم ^.^"
اوكي عيل... باجر انه عندي 3 تطبيقت فما اقدر اعرض الصور اليوم
اذا قدرت الفجر بحاول واذا ما قدرت بحاول بعد ما ارجع من المدرسة
وععع باجر الدوام لين 2:20 >.<

وسلامتكم ^_^


ههههههههههههه كويس اني جبتها.. ايش جائزتي ؟ :09:

بالتوفيق في دراستك

[q8tya]

sensei بدعتي !! ..

صج الغرف في أيام الامتحانات تصير في حالة يرثى لها >< "" ..

شكرًا على الموضوع ..

بانتظار صور الغرفة المرتبة :)

[sensei]

ههههههههههههه كويس اني جبتها.. ايش جائزتي ؟ :09:

بالتوفيق في دراستك
جائزتك... امممممم.... قول للمشرفين يعطونك نقاط ;)
تستاهل صراحة على دقتك وتركيزك في الصور:D


sensei بدعتي !! ..

صج الغرف في أيام الامتحانات تصير في حالة يرثى لها >< "" ..

شكرًا على الموضوع ..

بانتظار صور الغرفة المرتبة :)

اهلا حبيبتي نورتي الموضوع ^_^
شكرا على مرورج وان شاء الله احطها في اقرب وقت ^_^
-_-" الدراسة راحت وطي وآنه الحين بنام... احس بنعاس

[sensei]

السلام عليكم ورحمة الله وبركاته
.
رجعت لكم مع صور الغرفة الجديدة :D
.
.
.
.
.
.
.
.
.
.
.
.
.
.
.
.
.
.
.
.
.
.
.
.
أوكي...
.
.
.
.
.
.
.
.
راح أعرض لكم الصور وكأنكم تدورون حول الغرفية "بالترتيب يعني"
مع تكبير مناطق معينة :D
.
.
.
.
بسم الله
.
.
لكم أول صورة
http://i55.photobucket.com/albums/g134/gambit-0_0/mr-1.jpg
بديت التصوير من عند الباب... التسريحة اللي على اليمين مالت اختي واللي عاليسار مالتي ^_^
والبوستر لما حطيته تهنيت فيه 4 ايام بس وعقب اختي هاوشتني وقالت شيليه :(
فآنه ادور لي بوستر ثاني لأن عالباب صورة وردة وما تنشال وآنه أكره الورد >.<
مشوه غرفتي
.
.
.
http://i55.photobucket.com/albums/g134/gambit-0_0/mr-2.jpg
وهاي تسريحتي... طبعا هي بالأساس مكتب للكمبيوتر بس كل الغرف كانت مصممه على هالأساس في المحل
وأهم شي السيديات اللي تحت الطاولة :D
ترى زاد عليهم بعد قوطي جديد بو 100 سي دي :09:
والشنطة الزيتية هي شنطتي مالت المدرسة... تذبحنب لما أشيها >.< بروحه ظهري يعورني
مرات ربعي "جزاهم الله خير" يشيلونها عني ^.^" <<< صج عيوز
.
.
.
http://i55.photobucket.com/albums/g134/gambit-0_0/mr-3.jpg

هاي صورة لرفي اللي فوق... الفريمات والاصيص اللي فيه ورد كل شغل يد ^_^ اختي حست بالفراغ فسوتهم بس الورد انه سويت معاها ^_^
.
.
.
http://i55.photobucket.com/albums/g134/gambit-0_0/mr-4.jpg
وهاي الرفوف اللي عالجنب... لو كنتوا يعني حابين تعرفون اي نوع من الكتب اقرا ^_^
أول رف للأقراص اللي نادر ما استخدمها "حاطتهم فوق لأني ما أقدر أشوفهم من قصري ^.^""
واللي تحته للكتب والقصص اللي أقراها ^_^ وأحسن كتاب عندي "معجم لونغ مان" اللي يعطيك معنى الكلمات الانجليزية بالانجليزي ^_^ <<< أول كتاب من اليسار
واللي تحته ملحقات الكمبيوتر واشياء ثانية ^^
.
.
.
http://i55.photobucket.com/albums/g134/gambit-0_0/mr-5.jpg
هالزاوية مافيها شي بس حطيتها علشان تعرفون أن الطوفة البرتقالية جنب الخضرة...
وترى خزانة الثياب هو 2 بس جنب بعض... وحدة لي ووحة لاختي
الاربع البيبان الاولى لكبت "خزانة" وحدة... والبقية "اللي ظاهر منهم بابين بس" للكبت الثاني
.
.
.
http://i55.photobucket.com/albums/g134/gambit-0_0/mr-6.jpg
هاي ثلاجتي ^^... طبعا خصيصة لي مو مشتركة بيني وبين اختي
لان كل اللي فيها اكل للرجيم ^_^ وطبعا اختي اذا باتسوي رجيم تتم يومين وعقب تنسى روحها -_-"
أما التلفزيون قاع في الغرفة "مثل ما يقول المثل" كوز مركوز... هو آنه شاريته للسوني بس... بس عطيت اختي السوني "المنزوجة" لاني قمت ما العب فيها وان شاء الله في الاجازة باترجعها لي ^_^
واذا فكرت اشوف التلفزيون... حاطة لي شنبات صرصور علشان افر على قطر الثانية "الانجليزية" وغيرها ما اشوف
ما احب اشوف التلفزيون ^^
.
.
.
http://i55.photobucket.com/albums/g134/gambit-0_0/mr-7.jpg
هاي الزاوية الثالثة...
فريم المكيف احنا سويناه ^_^ خلطنا بين الصبغ الازرق والوردي علشان نحصل لون البنفسجي "لون الأثاث"
أصلا صبغ الغرفة صبغناه بروحنا ^_^
انه ساعدت في التقشير بس ابوي ما خلاني اصبغ -_-"... معا ان كان في خاااااطرييييي
.
.
.
http://i55.photobucket.com/albums/g134/gambit-0_0/mr-8.jpg
وهاي الاسرة... انه سريري اللي فيه مخدة اضافيه مرسوم عليه "قرد" ^_^ احب القرود...
بس طقم الشراشف ما عاجبني وايد الثاني احلى... راح أعرض صورة الطقم الاول في نهاية الرد
.
.
.
http://i55.photobucket.com/albums/g134/gambit-0_0/mr-9.jpg
وهاي تسريحة اختي....مالي دخل بارفوفها فما بقرب عليهم ^_^
.
.
.
.
.
.
والحييييين.... الطقم القديم
.
.
تتوقعونها شلون ^_^
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
http://i55.photobucket.com/albums/g134/gambit-0_0/mr-10.jpg
فله!!!
.
.
الصراحة ما كنت ابي امي تشتريه لي بس ما كان في فرش ملون في السوق فشرته لي امي
اتصلت لي من السوق وقالت عادي اشتري لج شرشف فلة؟؟ قلت لها لو ما مرسومة عليه عادي ^.^"
لأني ما ادانيها :yuck:
بس حلو يدفييييييييي:o
والحين... ابي آرائكم
تعبت وآنه أكتب هالرد... قاعدة عليه من الساعة 5 وربع تقريبا!!
أبي أسمع آرائكم بالغرفة قبل ما أقول لكم ايش قالوا عني الناس لما شافوها ^.^"
ترى آنه وراي جامعة السنة الجديدة :biggthump
ردوا علي بسرعة... آنه رايحة أجهز للمدرسة ^_^
سلاااااااااااااام

[TRY NO RACE]

على فكرة... مافي أحد لقى الشي اللي كنت ادوره في هالزاوية؟؟
http://i55.photobucket.com/albums/g134/gambit-0_0/5.jpg

شي موجود في مكان غللللللط وما يبين عدل!!



ههههههههههه هو فيه شيء موجود بمكان صح أصلا :09:

موضوع غريب بصراحة
غريب غريب غريب فعلا :ponder:

بعدين ماشاء الله عليك كل التجهيزات اللي ببيتنا موجوده بغرفتك خخخخخخخخخ
العزلة مو حلوه
وترى بعلم النفس يقول لك كثرة الحوسة تدل على مشاكل نفسية <<<< مسوي دكتور فيل

إني وي
يمكن اللي تدورين عليه اللوحة اللي جنب الخزانة وبالكويتي الكبت وبالقطري مابعرف
الله يوفقك ويستر عليك

[Action]

واللهي كويس :09:

بس يبغلها كمان ترتيب اكثر :ponder:

والله يستر بعد سنه شو بتصير :أفكر: ؟

[المبدعة الصغيرة]

Hi sensei
شو الأحوال عندك؟؟؟
ههه غرفة "فضييييييييييييييييييعة"جداً
:eek2:
Action قول بعد ثلاث أشهر
مزحة :09: أنا واثقة أنك راح تحافظي
عليها "عاشقة فلة" هي هي:D هي هي
مزحة :D هه
أما أنا غرفتي نظيفة جميلة.....إلخ
إنشاء الله يمكن اجيب صورت
:33: غرفتي...ولا أقول:مممم
:D فضحتي نفسك:09: ..... و عذبتي غرفتك>-<
شو هو الخلط في الصورة؟؟؟
إنشاء الله تدخلين الجامعة
أي جامعة بتدخلين؟؟؟
بالتوفيق ^-^

[sensei]

ههههههههههه هو فيه شيء موجود بمكان صح أصلا :09:
اي في أكيد... دور عدل ^.^"


موضوع غريب بصراحة
غريب غريب غريب فعلا :ponder:
ليش بالعكس... كلاسيك تماما ^^"


بعدين ماشاء الله عليك كل التجهيزات اللي ببيتنا موجوده بغرفتك خخخخخخخخخ
........... ^.^" ...........
لازم كل شي بكون عندي بالغرفة علشان ما اطلع منها وايد "ما أحب أطلع من الغرفة إلا اذا ابي شي من برع"



العزلة مو حلوه
أموت في العزلة والوحدة... أفضل لحظات حياتي



وترى بعلم النفس يقول لك كثرة الحوسة تدل على مشاكل نفسية <<<< مسوي دكتور فيل
ما في انسان مافيه مشاكل نفسية ^_^.... ترى برنامج دكتور فيل يعجبني :D


إني وي
يمكن اللي تدورين عليه اللوحة اللي جنب الخزانة وبالكويتي الكبت وبالقطري مابعرف
الله يوفقك ويستر عليك
لا.... في احد جاوب قبلك ^_^ الشي اللي أدوره هو الميموريكارد الموجودة داخل الفيديو!! (ترى احنا نسميه كبت بعد ^_^)

عقب الامتحانات جيت ابي العب سوني ما لقيت الميموريكارات... احنا عندنا 5 ومافي الا وحدة في البلايستيشن 2 ومب مالتي "احنا كل واحد في البيت عنده ميموري خاص"
وعقب شفته في الفيديو "تعرف الصغار كل شي دخلوه في الفيديو"
اللي عالاطراف قدرت اطلعهم بسرعة بس في بعضهم طايحين داخل فجبت ملقط الفحم وطلعتهم ^.^"


----------------------------


واللهي كويس :09:
بس يبغلها كمان ترتيب اكثر :ponder:
أي ترتيب 0_0... أكثر من جذي ما يصير إلا اذا بحذف أشياء برع الغرفة وكل شي ابيه


والله يستر بعد سنه شو بتصير :أفكر: ؟
لا آنه أحافظ عليها وارتبها من فترة وفترة ^_^

----------------------------


Hi sensei
شو الأحوال عندك؟؟؟
تمام والحمد لله... والأحوال عندج كيف؟


ههه غرفة "فضييييييييييييييييييعة"جداً
:eek2:
كل من ذوقج :أفكر:



Action قول بعد ثلاث أشهر
ههههههههه



مزحة :09: أنا واثقة أنك راح تحافظي
عليها "عاشقة فلة" هي هي:D هي هي
مزحة :D هه
ان شاء الله أحافظ عليه ^.^"



أما أنا غرفتي نظيفة جميلة.....إلخ
إنشاء الله يمكن اجيب صورت
ما شاء الله عليج ^^ اهم شي تكون نفسيتج مرتاحة لغرفتج ^_^
ولو كانت عفيسة او ملونه...
وياليت لو تحطين لها موضوع بكون حلو ^^


:33: غرفتي...ولا أقول:مممم
:D فضحتي نفسك:09: ..... و عذبتي غرفتك>-<
ما فهمت علج ^.^"


شو هو الخلط في الصورة؟؟؟
Bored Schoolboy
اما اللي في الصور المعفسة ما اذكر صراحة ^^"
الموقع اللي نزلت منه الخطوط ما راضي يفتح معاي
سوري
بس جربي يمكن يفتح معاج في وقت ثاني
www.abstractfonts.com


إنشاء الله تدخلين الجامعة
أي جامعة بتدخلين؟؟؟
بالتوفيق ^-^
اذا بادخل الجامعة ما لي غير جامعة قطر -_-"
بس يالله... المهم آخذ الشهادة وارضي امي وابوي

[صقر المغرب الأقصى]

^^

ماشاء الله
غرفة ولا في الأحلام

:D

بس كيف صارت مرتبة بعد كل الفوضى ؟؟؟؟ :p

[shjoonal3in]

كل الغرفة كووووم والسشوار اللي متشربك بالوايرات كوم ثاااااااني... أحلى صورة الصراحة :D

بس ما شاء الله غرفتك مليانه
لا خليتي ثلاجة ولا تلفزيون ولا فيديو باقي الفرن بس :D

لو بقارنها بغرفتي بحس إن غرفتي فااااااااضية ...
وبالنسبة لغرفتي يوم تحتاس ما يحتاس فيها غير السرير ...
أما الكبت ما انصحج تفتحينه :D

موضوع فلة الصراحة... خاصة الصور الأخيرة .... اللون البنفسجي معطي جو :biggthump

[q8tya]

مــــــــــــــــا شاء الله !!

تغيرت الغرفة بمقدار 180 درجة !!

بس وااااااااايد صارت أرتب من قبل :)

وحركة كل طوفه لون جريــــــــئة !


يالله >> الله يعطيكم خيرها و يصرف عنكم شرها :)

[الـسـاهر]

مع احترامي لك حتى الولد ماينام فيها :31:

والبنت له طابعها الانوثي الخاص ويفضل ان تبتعد عن الترجل والتشبه بالرجال ..

[sensei]

^^
ماشاء الله
غرفة ولا في الأحلام
:D
مشكور اخوي ^^... طبعا مب ذوقي؟

بس كيف صارت مرتبة بعد كل الفوضى ؟؟؟؟ :p
كل شي يصير في هالدنيا ^^ بس صج تعب >< اخذت مني اسبوع كامل او اكثر بس علشان افضيها

كل الغرفة كووووم والسشوار اللي متشربك بالوايرات كوم ثاااااااني... أحلى صورة الصراحة :D
اممممم... آنه أحب صورة التلفزيون أكثر لأن الميموريكاردات طالعة في مكان استراتيجي ^^

بس ما شاء الله غرفتك مليانه
لا خليتي ثلاجة ولا تلفزيون ولا فيديو باقي الفرن بس :D
من قال لج اني ما ابي... لو اقدر كان حطيت علشان ما اطلع من الغرفة ابد ^^


لو بقارنها بغرفتي بحس إن غرفتي فااااااااضية ...
وبالنسبة لغرفتي يوم تحتاس ما يحتاس فيها غير السرير ...

آنه كثرة الاغراض عقدتني ابي اخففهم بس ما اقدر كل الاشياء احتاجها

أما الكبت ما انصحج تفتحينه :D

اممممم... آنه شوي اعتفس الكبت من داخل بس لحد الحين مرتب ^^

موضوع فلة الصراحة... خاصة الصور الأخيرة .... اللون البنفسجي معطي جو :biggthump
مشكووورة حبيبتي عالمرور ^^ وآنه احب كل الالوان وما عندي لون مفضل
واشوف اللون الاخضر هو اللي ماعطي الغرفة جمال ^^
وغير ان لون الكبت على الاخضر طالع مناسب وايد

مــــــــــــــــا شاء الله !!
تغيرت الغرفة بمقدار 180 درجة !!
أكيد :D ... بس تسريحتي تتعفس كل يوم :(

بس وااااااااايد صارت أرتب من قبل :)

اي والحمد لله... غير اني اكره الغرف البنية "الخشب" والبيج... صرت اكره هاللونين عالغرف

وحركة كل طوفه لون جريــــــــئة !
اي بنت خالتي قالت لي اني جريئة... وشلون صبغتها جذي من غير ما اكون واثقة انها بتطلع حلوة... بس الصراحة انه كنت متاكدة انها بتطلع حلوة ^^
والكل كان رافض الفكرة وقالوا ان ابوي ما بخليني بس لما قلت له ابي اسوي الغرفة جذي قال لي كيفج ذي غرفتج
وقالوا لي خواتي بتكبرين وتدخلين الجامعة وباتشوفينها خايسة ^^
فقلت حتى لو تغير ذوقي عادي وآنه طول عمري أنام في غرفة ما عاجبتني
وابوي ايد كلامي ;)

يالله >> الله يعطيكم خيرها و يصرف عنكم شرها :)
آمين ^^... وانتي بعد ^^
سلام

مع احترامي لك حتى الولد ماينام فيها :31:
عارفة... مافي داعي تقول... ^^

والبنت له طابعها الانوثي الخاص ويفضل ان تبتعد عن الترجل والتشبه بالرجال ..
آسفة اخوي بس انت فاهم غلط... شدخل الاسترجال في الغرف المعفسة
وانت تعرف شنو يعني تقول لوحدة انتي مسترجلة؟؟ يعني ملعونة
ففكر بالكلام قبل ما تكتبه
وأصلا انت ما عشت مع كل اصناف البنات علشان تحكم بهالسرعة
في بنات غرفهم ادمر من غرفتي وكلهم انوثة
ولو كنت صج مسترجلة كان ما جددت غرفتي بهالطريقة
http://montada.com/showthread.php?t=523591&page=3 (http://montada.com/showthread.php?t=523591&page=3)
شوف الموضوع كامل مرة ثانية ولا تحكم بهالسرعة
انه وحدة محترمة نفسي وأخاف ربي مب تشبهني بأصحاب الشذوذ والصياعة

[TRY NO RACE]

أختي سينسي take it easy ياعزيزي قصدت بغريب لأنه ذكرني بموضوع مشابه بالقسم الترفيهي قبل سنتين وكان عنوانه غرفة واحد من الشباب متأكد البعض يذكرونه..
فمشان هيك كان استغرابي لا أكثر .

أخوي الساهر
أول مره أجدني مضطرًا لقول
ردك في غير محله أبدااااااااااااااااااااااا اااااااااااااااااااا اااااااااااااااا ااااااااااااااااااااااااااااااااااااااااااااااااا اااااااااااااااااااا

[ryota4ayako]

السلااام عليكم
شلووووونج sensei مشتاقتلج والله :kiss:
ههههههههههه عاد تصدقين ماني مستغربه
لاني نفسج بالضبط
داري مصيبه
بس قبل جم يوم عدلتها من المغرب لي تقريبا الساعه 10
لا تشوف امي دارج
بتزفج <<<<< كلا تزفها
مو المشكله ان دار اخوي مرتبه :09:

________

ياااااي الدار اليديده شيييييييي
حللللوه ماشالله
والالوان جريئه بصراحه
يعني لو انا راح اتردد اصبغ هالالوان
بس طالعه كووووووووووووول

هههههههه فله ماااااحبها

سلااااااام

[sensei]

أختي سينسي take it easy ياعزيزي قصدت بغريب لأنه ذكرني بموضوع مشابه بالقسم الترفيهي قبل سنتين وكان عنوانه غرفة واحد من الشباب متأكد البعض يذكرونه..
فمشان هيك كان استغرابي لا أكثر .
أصلا آنه ما زعلت ولا تضايقت ولا رديت رد يقول اني عصبت لما قلت ان الموضوع غريب ^^ بالعكس كان ردي عادي فليش قلت تيك ات ايزي... ليكون فهمت شي من ردي اني معصبة والا زعلت والا شي جذي؟


السلااام عليكم
وعليكم السلام ورحمة الله وبركاته

شلووووونج sensei مشتاقتلج والله :kiss:
انه الحمد لله... وانتي وحشتيني بعد واااايد ^_^

ههههههههههه عاد تصدقين ماني مستغربه
لاني نفسج بالضبط
داري مصيبه
القلوب على اشكالها تقع ^^

بس قبل جم يوم عدلتها من المغرب لي تقريبا الساعه 10
لا تشوف امي دارج
بتزفج <<<<< كلا تزفها
join the club ^_^

مو المشكله ان دار اخوي مرتبه :09:
انه مالي الا اخوين... وكلهم اصغر مني بس الكبير ماله دار والثاني غرفته لوعة ^.^"

ياااااي الدار اليديده شيييييييي
حللللوه ماشالله
والالوان جريئه بصراحه
تسلمين عيوني ^_^ الواحد يحب التغيير ^^

يعني لو انا راح اتردد اصبغ هالالوان
بس طالعه كووووووووووووول
الكل قال لي جذي ^^ بس انه احب يكون لي ستايلي الخاص حتى في غرفتي

هههههههه فله ماااااحبها
وآنه أكرهها

سلااااااام
وعليكم السلام
-----------------
بقول لكم ايش قالوا الناس عن غرفتي...
اولا... صديقاتي
وحدة استخفففففت على الغرفة "هي خاطرها تخلي غرفتها ملونه جذي
وعجبها الديكور وايد... وبعضهم عجبتهم وبعضهم طالعوها وابتسموا وما قالوا شي
ثانيا.. مدرساتي
ابلة الانجليزي قالت حلو انج تخلينها ملونة بس كل طوفة لون باتدوخ راسج بس آنه ما أيدتها ^^ لاني مرتاحة في الغرفة وايد
ومدرسة الاحياء والكيميا عجبتهم غرفتي وايد ^^
اما بنت خالتي قلت لكم قبل ايش قالت.. قالت صج جريئة لانج شلون كنتي عارفة انه بيطلع حلو... بع عجبتها
وعمتي... هاي اللي ما يعجبها العجب
اول ما دخلت الغرفة قالت "الحمد لله والشكر... الحمد لله والشكر... الحمد لله والشكر على نعمة العقل.. صج جنوا!!"
فعصبت عليها قلت لها يعني انه مينونة؟؟ قالت لا اخوي.. قلت لها لا وابوي بعد؟؟
المهم... انه ما اهتم لكلامها لنها تحب الكلاسيك والشي المألوف
ما تحب التغيير
مسكينة بنتها صغيرة ومسوية لها غرفة بني وبيج ><
المهم... زين ان الغرفة عجبت الأغلبية... عيل اصلح اصير مهندسة ديكور ^^
والسلام عليكم ورحمة الله وبركاته

[TRY NO RACE]

ياحبك للتدقيق :09:
أصلا ماقلت شيء غلط عشان تزعلين
أقصد عموما مجمل الموضوع يعني:ponder:
وبالتوفيــــق

[الـسـاهر]

عارفة... مافي داعي تقول... ^^

آسفة اخوي بس انت فاهم غلط... شدخل الاسترجال في الغرف المعفسة
وانت تعرف شنو يعني تقول لوحدة انتي مسترجلة؟؟ يعني ملعونة
ففكر بالكلام قبل ما تكتبه
وأصلا انت ما عشت مع كل اصناف البنات علشان تحكم بهالسرعة
في بنات غرفهم ادمر من غرفتي وكلهم انوثة
ولو كنت صج مسترجلة كان ما جددت غرفتي بهالطريقة
http://montada.com/showthread.php?t=523591&page=3 (http://montada.com/showthread.php?t=523591&page=3)
شوف الموضوع كامل مرة ثانية ولا تحكم بهالسرعة
انه وحدة محترمة نفسي وأخاف ربي مب تشبهني بأصحاب الشذوذ والصياعة




آسفة اخوي بس انت فاهم غلط... شدخل الاسترجال في الغرف المعفسة
وانت تعرف شنو يعني تقول لوحدة انتي مسترجلة؟؟ يعني ملعونة
ففكر بالكلام قبل ما تكتبه
]

لا اختي استغفر الله قصدي البنت المفروض تكون غرفتها اكثر (نظافه وترتيب وأنوثه ) من الولد وإنها تبتعد عن التشبه بالاولاد بعدم الترتيب وإلخ ..
وليس المعنى الاخر اختي العزيزه




وأصلا انت ما عشت مع كل اصناف البنات علشان تحكم بهالسرعة
]

هههههههههههه الله يبعدني عن البنات, وبعدين اختي العزيزه انا ماحكمت عليك عطيت رأيي بالغرفه فقط




http://montada.com/showthread.php?t=523591&page=3
]

ماشالله الف مبروك ذووقك رائع :)




شوف الموضوع كامل مرة ثانية ولا تحكم بهالسرعة
انه وحدة محترمة نفسي وأخاف ربي مب تشبهني بأصحاب الشذوذ والصياعة
]

اعوذ بالله ما قصدت هذا المعنى لا والله الله يعلم اللي بنيتي لكن الظاهر فاهمتني غلط × غلط وانا اعتذر لك اذا اسلوبي بالكلام وصل قصدي بالغلط

[الـسـاهر]

أختي سينسي take it easy ياعزيزي قصدت بغريب لأنه ذكرني بموضوع مشابه بالقسم الترفيهي قبل سنتين وكان عنوانه غرفة واحد من الشباب متأكد البعض يذكرونه..
فمشان هيك كان استغرابي لا أكثر .

أخوي الساهر
أول مره أجدني مضطرًا لقول
ردك في غير محله أبدااااااااااااااااااااااا اااااااااااااااااااا اااااااااااااااا ااااااااااااااااااااااااااااااااااااااااااااااااا اااااااااااااااااااا





اهلا اخوي جليس البدر :) لا اخوي اختي سنزي فهمت ردي بالغلط وانا بينت لها سؤ تفاهم فقط :)

[sensei]

حصل خير ^_^
بس مب شرط الصبيان مايهتمون بغرفتهم
بالعكس... برايي الصبيان هم اللي لازم يهتمون بغرفهم اكثر لان مب هم اللي يرتبونها لنفسهم -_-"
واحنا الحريم المساكين نرتب لهم
فعادي نعفس غرفنا اذا بنرتبها بنفسنا ^_^

[KilluaPica]

ما شاء الله غيرتيها تمامًا.. صار لونها فلاوي مرة!


بديت التصوير من عند الباب... التسريحة اللي على اليمين مالت اختي واللي عاليسار مالتي ^_^أحس الباب قريب من تسريحة أختك.. ما يصقع فيها لما ينفتح على الآخر؟



فآنه ادور لي بوستر ثاني لأن عالباب صورة وردة وما تنشال وآنه أكره الورد >.<
أنا غرفتي وبيتنا كله أصلا ما فيه أي شي يغطي الجدر.. جدراننا كلها فارغة !


وهاي تسريحتي... طبعا هي بالأساس مكتب للكمبيوتر بس كل الغرف كانت مصممه على هالأساس في المحل
وما عليها كمبيوتر؟! أنا عندي ما في أغراض كده ظاهرة.. كلها مخفية إلا علب دسكات الألعاب والكتب.

وأهم شي السيديات اللي تحت الطاولة

ترى زاد عليهم بعد قوطي جديد بو 100 سي دي
100 سي دي فاضية خخخ إش تسوي بكل تي السيديهات؟!


وهاي الرفوف اللي عالجنب... لو كنتوا يعني حابين تعرفون اي نوع من الكتب اقرا ^_^
الكتب مو واضحة.. بس باينة علب الألعاب وذا سيمز هوت ديت وذا سيمز ديلوكس إديشون^^..
هاااع >< كانت عندي وما أشتغلت شي يقهر.. لكن خلاص راح زمنها!


هاي ثلاجتي ^^... طبعا خصيصة لي مو مشتركة بيني وبين اختي
فكرة حلوة.. يبغالي أجيب وحدة^^..


فله!!!حلو أصلي.. إحنا ضحك علينا الهندي وباعنا مقلد.. الأصلي Fulla واحنا عندنا Falla خخخخخ.


أبي أسمع آرائكم بالغرفة قبل ما أقول لكم ايش قالوا عني الناس لما شافوها ^.^" في نظري كملون فوتوشوبي فالألوان كثيرة جدًا.. يعني أفضل لو أخذتوا لونين فقط..
يعني مثلاً اللون الأحمر حق السرير واللون الأزرق في الجدر وخليتوا الغرفة كلها بهاللونين! ب
س بكيفكم عاد.. غرفتكم هذه^^!

[الـسـاهر]

حصل خير ^_^


الحمدلله :)





بس مب شرط الصبيان مايهتمون بغرفتهم
بالعكس... برايي الصبيان هم اللي لازم يهتمون بغرفهم اكثر لان مب هم اللي يرتبونها لنفسهم -_-"
واحنا الحريم المساكين نرتب لهم
فعادي نعفس غرفنا اذا بنرتبها بنفسنا ^_^



صحيح بس من طبع الولد عدم الترتيب ولاكن لا اعمم :ponder:

[sensei]

ما شاء الله غيرتيها تمامًا.. صار لونها فلاوي مرة!
شنو يعني فلاوي؟


أحس الباب قريب من تسريحة أختك.. ما يصقع فيها لما ينفتح على الآخر؟

قوي الملاحظة ما شاء الله عليك... هو صج يضرف فيه فعلشان جذي لو تلاحظ هي مخلية كرتون برع شوي ووراه حاطة الأغراض علشان ما يشمخ الرف... بس ان شاء الله في بيتنا الجديد
"اللي ما ادري متى بيكتمل"
كل وحدة لها غرفتها الخاصة وبكون في سعة كبيرة


أنا غرفتي وبيتنا كله أصلا ما فيه أي شي يغطي الجدر.. جدراننا كلها فارغة !

بس قلت ان في وردة على الباب ما تنشال >< ومشوهة المنظر


وما عليها كمبيوتر؟! أنا عندي ما في أغراض كده ظاهرة.. كلها مخفية إلا علب دسكات الألعاب والكتب.


لان كمبيوتر ي لاب توب وما يكون دايما على التسريحة
وغير هاي... للكمبيوتر العادي فله غرفة خاصة ^^ اللي نسميها غرفة الكمبيوتر ^^


100 سي دي فاضية خخخ إش تسوي بكل تي السيديهات؟!

أخزن فيها انيمي ^^ وافلام بعد... وكوميكس وكل شي انزله من النت
كل الاقراص اللي تحت فيها انيمي

الكتب مو واضحة.. بس باينة علب الألعاب وذا سيمز هوت ديت وذا سيمز ديلوكس إديشون^^..
هاااع >< كانت عندي وما أشتغلت شي يقهر.. لكن خلاص راح زمنها!
اي ما ابيها >< ما اعرف شا سوي في هالاقراص لاني قمت العب الجزء الجديد

فكرة حلوة.. يبغالي أجيب وحدة^^..
انه شاريتها لاكل الرجيم بس... علشان لما اطلع واشوف اكل البقية ما امسك نفسي واكل وانه ابي اسوي رجيم ^^ وغير ان لما اشتري لي اكل خاص فيني كل اليهال يهجمون على اكلي وما يخلون لي شي
كأن ما عندهم اكل -_-... ما يعجبهم الا اكلي مالت عليهم

حلو أصلي.. إحنا ضحك علينا الهندي وباعنا مقلد.. الأصلي Fulla واحنا عندنا Falla خخخخخ.
ليش وانتوا شريتوا فلة لمن؟؟؟... هو الاصلي لازم مكتوب عليه نيو-بوي... ويكون اماراتي ^^

في نظري كملون فوتوشوبي فالألوان كثيرة جدًا.. يعني أفضل لو أخذتوا لونين فقط..
يعني مثلاً اللون الأحمر حق السرير واللون الأزرق في الجدر وخليتوا الغرفة كلها بهاللونين! ب
س بكيفكم عاد.. غرفتكم هذه^^!
قالوا لي خواتي البرتثالي والاخضر حلوين لو سويتيهم بروحهم احسن... بس انه احب شي ملووووووون... وكان ودي ادخل الاحمر في الزولية واخلي الستارة صفرة بس اختي قالت لي مصختيها ><
وشكرا اخوي على ردك ^^ ونورت الموضوع


صحيح بس من طبع الولد عدم الترتيب ولاكن لا اعمم :ponder:
هو هاي مشكلتهكم... بس اشوف ان لازم تعودون نفسكم على الترتيب اما البنت فكيفها :09:

[HaMaNi]

بس مب شرط الصبيان مايهتمون بغرفتهم
بالعكس... برايي الصبيان هم اللي لازم يهتمون بغرفهم اكثر لان مب هم اللي يرتبونها لنفسهم -_-"
واحنا الحريم المساكين نرتب لهم

فعادي نعفس غرفنا اذا بنرتبها بنفسنا ^_^


ههههههههههههه
مو شرط لا تعممين >> يرتب غرفته كل يوم :P
بس تجيني مرات أفكر
ايش فائدة إني ارتب غرفتي ومردها تنعفس من جديد.. وخاصة شرشف السرير >> احس اني اضيع طاقة ع الفاضي :09:

[عمر]

بالله الكريم طلعت حلوة ^_^ ..
والله خوش ترتيب :) ..
بس الصور موتتني قبل ما تطلع ..
مدري ليش يمكن السبب من موقع الرفع .. مرة أخرى إرفقيها أحسن ..


بالعكس... برايي الصبيان هم اللي لازم يهتمون بغرفهم اكثر لان مب هم اللي يرتبونها لنفسهم -_-"لاع .. ما أقبل هالكلام .. والحمد لله أنا ما عندي أخت ترتبلي الغرفه .. كلها أنا أرتبها :):):) ..
بس على التالي جاتنا وحدة وطول الوقت أنا شايلها وألعبها .. وبعد الأكل أنا اللي أغسل لها :):):) ..


ايش فائدة إني ارتب غرفتي ومردها تنعفس من جديد.. وخاصة شرشف السرير >> احس اني اضيع طاقة ع الفاضي :09:نفس كلام أخوي الكبير .. عمره ما رتب الشرشف XD ..

[الـسـاهر]

ههههههههههههه
مو شرط لا تعممين >> يرتب غرفته كل يوم :P
بس تجيني مرات أفكر
ايش فائدة إني ارتب غرفتي ومردها تنعفس من جديد.. وخاصة شرشف السرير >> احس اني اضيع طاقة ع الفاضي :09:

هههههههههههههههه نفس تفكيري والله :biggthump

[C.Falcon]

السلام عليكم..

بصراحة اول ما شفت صور الغرفة انصدمت من جد.. مب لأنها غرفة بنت أو ولد..
بس انا ما شفت غرفة بهذا الشكل من قبل الا في بيوت العزوبية @_@

بس الصور الجديدة كانت رايقة ومرتبة.. الله يهنيك في غرفتك ^_^



ههههههههههههه

مو شرط لا تعممين >> يرتب غرفته كل يوم :P
بس تجيني مرات أفكر

ايش فائدة إني ارتب غرفتي ومردها تنعفس من جديد.. وخاصة شرشف السرير >> احس اني اضيع طاقة ع الفاضي :09:


اوافق معاك دحمي بخصوص السرير >> ايه دب كسول ما يحب الا النوم XD

[KilluaPica]

شنو يعني فلاوي؟ يعني زي ألوان Fulla..


ليش وانتوا شريتوا فلة لمن؟؟؟... هو الاصلي لازم مكتوب عليه نيو-بوي... ويكون اماراتي ^^
أشتريها لي؟ حتكون فضيحة لو دخل ضيف الغرفة وشافني نايم في فراش فلة :09: ..
لأخواتي طبعًا.. خاصة أختي ذات الـ7 سنوات!


أخزن فيها انيمي ^^ وافلام بعد... وكوميكس وكل شي انزله من النت
كل الاقراص اللي تحت فيها انيمي
فكرة والله فكرة تصدقي :wow: ؟! عندي ديفيدي رايتر وديفيديهات فاضية وأنا قاعد مهلوك بالهارد ديسك الصغير التعبان حقي! إش على غبائي :ponder: ..
دحين حأنزل كل شي عليها! شكرًا على التنبيه :) ..

[عمر]

نسيت سالفة .. أنه في تشابه بالأفكار .. بالنسبة لمسألة وضع الCD داخل العلب .. فأنا مكثر منها .. يعني عندي تقريبا 500 واحد .. بس ولا وحدة بيها أنمي XD ..
فحطيت كل مجموعة بعلبة .. :):):)

[sensei]

ههههههههههههه
مو شرط لا تعممين >> يرتب غرفته كل يوم :P
بس تجيني مرات أفكر
ايش فائدة إني ارتب غرفتي ومردها تنعفس من جديد.. وخاصة شرشف السرير >> احس اني اضيع طاقة ع الفاضي :09:
آسفة اخواني ^^" بس هاي اللي اشوفه عندنا :ponder:
بس طبعا ما اعمم :D بس الاغلبية
لدرجة اني ولا مرة شفت واحد يرتب غرفته بنفسه الا الحين لما انتوا قلتوا ^^
اما عن ترتيب السرير فآنه معاكم... خاصة اني دايما على السرير ادرس عليه وارسم عليه وانام وآكل مرات واشوف التلفزيون واقعد عالكمبيوتر كل عالسرير... بس متى ارتبه؟؟ لما الشرشف اللي عالدوشك ينشال هني أضطر ارتبه لان مب حلوة انام عالدوشك من غير شرشف

بالله الكريم طلعت حلوة ^_^ ..
والله خوش ترتيب :) ..
شكرا اخوي ^^ كل من ذوقك

بس الصور موتتني قبل ما تطلع ..
مدري ليش يمكن السبب من موقع الرفع .. مرة أخرى إرفقيها أحسن ..
سوري ^^ دايما انسى احطهم في المرفقات بعد..

لاع .. ما أقبل هالكلام .. والحمد لله أنا ما عندي أخت ترتبلي الغرفه .. كلها أنا أرتبها :):):) ..
الله يخلي كل الشباب مثلك ^^

بس على التالي جاتنا وحدة وطول الوقت أنا شايلها وألعبها .. وبعد الأكل أنا اللي أغسل لها :):):) ..
الله يخليها ويحفظها لكم ^_^ واحنا بعد قريب بجينا بيبي جديد ^^


السلام عليكم..
وعليكم السلام ورحمة الله وبركاته

بصراحة اول ما شفت صور الغرفة انصدمت من جد.. مب لأنها غرفة بنت أو ولد..
بس انا ما شفت غرفة بهذا الشكل من قبل الا في بيوت العزوبية @_@
^.^"... شا سوي... ما احب ارتب الغرفة... كنت ارتبها كل اجازة صيف او كل اجازتين يعني مرة او مرتين في السنة بس

بس الصور الجديدة كانت رايقة ومرتبة.. الله يهنيك في غرفتك ^_^
مشكور اخوي ^^ ويهنيك يا رب بالنعيم في دنياك وآخرتك ^^

يعني زي ألوان Fulla..
لا... انه اخبر فلة بس لها الوردي :ponder:

أشتريها لي؟ حتكون فضيحة لو دخل ضيف الغرفة وشافني نايم في فراش فلة :09: ..
لأخواتي طبعًا.. خاصة أختي ذات الـ7 سنوات!
هههههههه اكيد ما باتكون لك... بس احس ان فلة ما تنحب وايد ما ادري ايش الحلو فيها

فكرة والله فكرة تصدقي :wow: ؟! عندي ديفيدي رايتر وديفيديهات فاضية وأنا قاعد مهلوك بالهارد ديسك الصغير التعبان حقي! إش على غبائي :ponder: ..
دحين حأنزل كل شي عليها! شكرًا على التنبيه :) ..
شدعوة!! عيل شاري سيديهات فاضية لشنو؟؟ انه ما اخلي شي عالكمبيوتر (بس طبعا بعد ما اشوفه واشفره ^^")
المهم ترحم كمبيوترك المسكين وعلي عليه... انه الكمبيوترات هي اللي تكسر خاطري مب اصحابها

نسيت سالفة .. أنه في تشابه بالأفكار .. بالنسبة لمسألة وضع الCD داخل العلب .. فأنا مكثر منها .. يعني عندي تقريبا 500 واحد .. بس ولا وحدة بيها أنمي XD ..
فحطيت كل مجموعة بعلبة .. :):):)
انه هالعلب ابي اكنسلها.. اصلا انه احط كل سيديين في علبة واسوي لها كفر "صج متفيقة" ما عدا ناروتو اللي ماخذ علبة لخمسين قرص >< وبع ما خلص المسلسل ^.^"


ومشكورين اخاوني على مروركم وتابعة الموضوع ^_^ تسلمون والله

[Baka.Neko]

بسم الله الرحمن الرحيم

السلام عليكم ورحمة الله وبركاته


و عليكم السلام و رحمه الله و بركاته

طبعا لو انسئل واحد منكم (تنام في غرفة بنت والا ولد؟) بتختار البنت على ان غرفتها هي الأرتب والأريح
لا انا افضل غرفة ولد.. لاني ماحب اقعد في مكان مرتب XP


وغرف الصبيان دايما معفسة وما تقدر تحط رجلك فيها من كثر الأغراض المنثرة
وتلقى العقال في صوب والغترة في صوب ولو تبي تدور عن السرير ما تلقاه

هاي احلى شي في السالفه


بس...
صج غرف البنات مرتبة والا لا؟؟!!

انا اقول لا.. حجرة اخواني مرتبة و نظيفة على عكس حجرتي .__.


طبعا ارجع من المدرسة "ايام امتحانات والا غيرها" اتعيز ارتب شنطتي
فانثر الأغراض وقبل المدرسة "الصبح" ادخل اللي ابيهم عقب أطلع

هاي حالتي كل يوم XP




بس تره حجرتي كلش مب معفسة .__. ..هاي مرتبة و وايد بعد
اذا دشيتي حجرتي شنو بتقولين -___-"


^^