هل تؤيد مروحه خارجيه للجهاز ام لا..مع الدليل [الأرشيف]

فوق المستحيل

23-03-2007, 10:06 PM

السلام عليكم ورحمه الله

اعتقد موضوع لا فيه تعصب ولا فيه اي خطأ

مجرد تثقيف لمحبي ال 360

فهل تؤيد تركيب مروحه خارجيه للجهاز ام لا ؟ مع ذكر الدليل

ياريت نسمع خبراتكم

القبطان فرفشلي

23-03-2007, 11:13 PM

انا شخصيا اويد المروحة لانها تبرد الجهاز من الحرارة :)

والحرارة من اكبر اسباب مشاكل اللمبات الحمر الثلاث :)

وشكرا :)

SoS 360

23-03-2007, 11:15 PM

انا اشوف المراوح الخارجيه مهمة جدا في تخفيض درجة حرارة الجهاز تقريبا الى 60% او 70% وطبعا نوع المراوح nyko .....

واغلب اصدقائي اللي حاشهم الرد لايت ما كانوا مركبين مراوح واستغرب من الناس اللي تقول المراوح تخرب الجهاز :boggled: :boggled: :boggled:

تحياتي لك

my Anime

23-03-2007, 11:50 PM

ايه المراوح تخرب الجهاز تدخل فيه انواع الغبار

والله انا مجربه ودخل في الجهاز غبار
واحيانا الجهاز مايشتغل تولع لمبات حمر يعني ما يجي للجهاز كهرب زين واذا شلتها يشتغل

SoS 360

24-03-2007, 12:01 AM

ايه المراوح تخرب الجهاز تدخل فيه انواع الغبار

والله انا مجربه ودخل في الجهاز غبار
واحيانا الجهاز مايشتغل تولع لمبات حمر يعني ما يجي للجهاز كهرب زين واذا شلتها يشتغل

اخوي بالنسبه الاشياء اللي قلتها هذي بصراحه قلة اهتمام بالجهاز من قبل المستخدمين

وهذه بعض الاشياء اللي اسويها عشان اتجنب المشاكل اولا انا اضع الجهاز على طاولة من الخشب وطبعا الطاولة نضيفه ومافيها غبار وكل اسبوع اشيل الجهاز و انظف الطاولة

ثانيا مشكلة اللمبات الحمر لازم تكون مركب المراوح 100% ومتأكد انها راكبه صح ومافي فراغ ورا الجهاز وثانيا لازم تخلي كل وايرات الكهرباء كلهم على مستوى واحد عشان تقلل حدوث المشكله

تحياتي لك

my Anime

24-03-2007, 12:11 AM

انا حاط الجهاز على طاولة خشب وكل اسبوع انظفها

الهـــــوى N الغايب

24-03-2007, 12:32 AM

والله المروحة مريحتنا كثير صراحة واظن لو خلوها قطعة اساسية مع الجهاز كان احسن
لأن الجهاز بدونها ناقص ,

hola007

24-03-2007, 10:04 AM

انا مركب مروحة نوع Intercooler والجهاز ما شاء الله عليه عال العال واستخدمه 6 ساعات يومياً بدون أي مشاكل. :biggthump

shakira

24-03-2007, 06:38 PM

المورحه مفيده جدا لكن ...................جهازي امتلى غبار ....طبعا كان فيه اهمال ....لكن بعدها المروحه سبب من اسباب دخول الغبار للجهاز ....جرب وشوف قوه سحب الهواء على الاطراف تحصل فيه تيار رايح داخل ...طبعا اذا كان الهوا فيه شويه غبار الغبار بيعلق و بيتراكم .......و حتا لو كان المكان نضيف مع الوقت الجهاز بيمتلي غبار فالحل انك توديه للمحل يفتحه و ينظفه تنظيف كامل

linux

24-03-2007, 10:39 PM

المروحه مفيده جدا جدا للجهاز وتخفف من حراره ال cpu و gpu اغلب مشاكل الريد لايت تصير بسبب زياده حراره الجهاز وزياده حراره ال gpu بتحديد واذا تبي اكون دقيق اكثر السبب الرئيسي يكون في زياده حراره كور الرصاص مابين البورد و ال gpu لاان المروحتين الي داخل الجهاز مايعطون نسبه التبريد الازمه ومع الوقت و الآستخدام تزيد حراراه ال GPU وتزيد معاها اكيد حراره الكور مع مرور الوقت اكثر راح تتغير خصائص كور الرصاص وممكن انها تنحرف شوي عن مكانها وهاذا راح يسبب الريد لايت ووقتها الناس راح تستخدم طريقه التسخين الحراري والطريقه هاذي تعتبر مؤقته لاان كور الرصاص راح ترجع حق حالتها الطبيعيه بنسبه 50% تقريبا يعني راح يشتغل فتره ومع الوقت راح يرجع يخترب مره ثانيه .

هاذي صوره تبين الضرر الي في الكور بسبب الحراره وعدم استخدام المراوح

http://www.inservco.com/images/ep850ce2.jpg

وبنسبه حق مسئله الغبار مافيها شي لو كل شهرين او ثلاث شهور يتم تنظيف الجهاز بمضخه هواء ووضع الجهاز على طاوله مرتفعه عن الآرض عند الآستخدام

SHALASHSKA

24-03-2007, 11:04 PM

اول شي مشكوور اخوي على الرد الجميل linux المروحة الي تركب على الجهاز لها فائدة
و لها اثار جانبية اول شي كل واحد اول ما يشتر الاكس بوكس يحط مروحتين لازم على جنب الجهاز جهة اليمين
و يحط مراوح خلفية الي اهي معروفة بأسم NYKO فاتزين نسبة التبريد لل gpu و CPU وهاذا يخفف نسبة تأكسد الرصاص
تحت الجي بي يو و هاذا اهو سبب حدوث الريد لايت و من اهم اسباب اثار الجانبية هو دخول نسبة كبيرة من الغبار داخل الاكس بوكس
يمكن تنضيفه بالمكنسة الكهرابيائية او استعمال البلاور لتنضيف الغبار مع العلم انا لا استعمل اي مراوح لاكن امخلي جهاز الاكس بوكس
تحت تكييف بااارد جدا جدا و هاكذا لا احتاج الى مراوح ولكم جزيل الشكر

linux

24-03-2007, 11:57 PM

يسلموووو لطوف على الرد

بنسبه لل NYKO ماتعطيك تبريد بشكل سليم لاان هي تشتغل بطريقه انها تسحب الهواء اكثر

انصح بدالها انك تاخذ 3 مراوح ملوت ال pc العاديه وتلصقهم مع بعض وتوصلهم بمحول 12 فولت وتلزقهم على طرف الجهاز (( الطرف اليمين )) راح يدخل الهوى في الجهاز ويسوي تيار داخله بحيث يدخل الهواء من الجنب ويطلع من الخلف ... راح يصير شكل الجهاز عبيط بس يضل افضل من ال NYKO

SHALASHSKA

25-03-2007, 12:09 AM

http://www.xboxtoday.ca/images/nyko.jpg
مروحة نايكو مو قوية ليين هالدرجة لانة تطلع الهوا للخارج فا نبي ندخل هوا اكثر ندخل الهوا من الجنب
وهاذي صورة للأكسسوار هم قاعدة و هم مروحة
http://www.qi168.net/shop168/images/xbox360_disc_cse_stand_cool.jpg
:biggthump

فوق المستحيل

25-03-2007, 12:22 AM

مشكورين على المشاركه

وياريت اخوي بخصوص كلامك

وهاذي صورة للأكسسوار هم قاعدة و هم مروحة

انا استخدمها..فهل هي جيده ؟

ياريت تفيدوني

SHALASHSKA

25-03-2007, 12:39 AM

هلا اخوي فوق المستحيل والله انا بصراحة ما استعملتها
انا صنعت وحدة لي تقوم بنفس الاداء
http://www.endpcnoise.com/e/images/items/papst_silent_case_fan.jpg
ناخذ 3 مراوح نفس الشكل الي بالصورة
و نلصقهم مع بعض و انييب محول 12 فولت و نخلييه
يشغل ثلاث مراوح نفس الوقت:p

فوق المستحيل

25-03-2007, 01:02 AM

هلا فيك

بصناعتك ماتحس ان فيه مبالغه شوي ؟

linux

25-03-2007, 01:03 AM

بظبط المراوح الي حطها الآخ SHALASHSKA هي الي اقصدها راح تعطيك تيار قوي داخل الجهاز بحيث انها تدخل الهوى من طرف الجهاز و يمر على ال GPU , CPU ويطلع من المراوح الخلفيه للجهاز راح تقل الحراره بشكل كبير

وعشان ابين لك قوه المراوح هاذي يا استاذ فوق المستحيل كان في واحد من الشباب عنده مشكله الريد لايت وانا والآخ SHALASHSKA صلحنا الجهاز بطريقه التسخين في البيت وجربناه بدون مراوح واخترب بعد يومين مره ثانيه

جربنا بعدها وسوينا طريقه التسخين بس غيرنا المعجون الحراري على ال GPU و ال CPU وركبنا المراوح الي تكلم عنها SHALASHSKA والجهاز لي اليوم مارجع له الريد لايت

linux

25-03-2007, 01:06 AM

هلا فيك

بصناعتك ماتحس ان فيه مبالغه شوي ؟

بل عكس اخوي الموضوع مافيه مبالغه اغلب الناس الي يشتكون من الريد لايت تلقاهم مو مركبين مراوح او انهم يلعبون بغرفه حاره

وبعدين مافيها السالفه صناعه كل الي راح تسويه تشتري 3 مراوح كمبيوتر عاديه مثل الي حطها لك بصوره وتلصقهم بصمغ مع بعض وتوصلهم بمحول 12 فولت ماتاخذ معاك المسئله دقايق وماتكلفك فوق ال 4 دنانير

فوق المستحيل

25-03-2007, 01:06 AM

هلا فيك linux بصراحه منور الموضوع

طيب اخواني لكن الي تسونه مو متوفر لغيركم

يعني لو بسوي مثلكم...كيف ومن وين ؟

linux

25-03-2007, 01:22 AM

هلا فيك linux بصراحه منور الموضوع

طيب اخواني لكن الي تسونه مو متوفر لغيركم

يعني لو بسوي مثلكم...كيف ومن وين ؟

المراوح موجوده في محلات الكمبيوتر والمحول متوفر بمراكز لوازم العائله هاذا بنسبه لنا في الكويت في السعوديه مادري والله بس اكيد متوفر

SHALASHSKA

25-03-2007, 01:25 AM

حبيبي انت تقدر تروح حق محلات الكمبيوتر و تشتري المروحة اهي المروحة رخيصة جدا
سعر المروحة الواحدة تكلف علييك 500 فلس يعني تاخذ لك 3 مراوح و محول للكرباء يحول
لك من 240 الى 12 فولت و فييه طريقة توصل الكهربا من الاكس بوكس تلحم وايرين فيها و تشتغل معاك
مثل الورد ولك الجزيل الشكر

فوق المستحيل

25-03-2007, 04:05 PM

مشكورين وكلام جميل..لكن المشكله في الصناعه نفسها..صاحبكم مو خبره :)

ياريت صوره لاجهزتكم عشان الكل يستفيد

SoS 360

25-03-2007, 06:16 PM

هذي صورة للمراوح والصورة ماخذوه من ورشة المهندس العلامه Ļĭňűχ لتصليح الاكس بوكس وقام هو بتطويرها وصناعتها وقام بتطويرها الاخ عبدططيف وعدلها ....

وتعتبر هذي الصورة من الصور النادره والخاصه لورشة العلامه Ļĭňűχ وبالصورة جهاز متوفي بس مخليه حقل تجارب :D :D :D

فوق المستحيل

25-03-2007, 09:59 PM

جميل جدا..لكن كيف اسويها...انا مالي بهالسوالف

هل هناك اماكن بالكويت تسوي هالشغلات ؟

linux

26-03-2007, 12:20 AM

linux

26-03-2007, 12:26 AM

:
جميل جدا..لكن كيف اسويها...انا مالي بهالسوالف

هل هناك اماكن بالكويت تسوي هالشغلات ؟

ياخووووي مادري لهدرجه المسئله صعبه ؟ اذا تحس انها صعبه وايد لاتسويها

كلها 3 مراوح تاخذهم من محلات الكمبيوتر او اخذهم من كمبيوترات قديمه اخذ لك صمغ؟ تعرفه الصمغ بعد ؟ ولصقهم ببعض وبعدين روح حق وايرات المراوح بتشوف كل مروحه فيها وايرين واحد احمر والثاني اسود يعني راح يكون عندك 3 حمر و 3 سود وصل السود في بعض ووصل الحمر مع بعض راح يصير عندك طرفين وصل كل طرف في محول 12 فولت وشكرا

ماتوووقعت لهدرجه المسئله صعبه

فوق المستحيل

26-03-2007, 04:35 AM

مشكور....وضحت الفكره

HELAS

26-03-2007, 01:02 PM

المروحه اكيد افضل
وانا حاط جهازي داخل حقيبه خاصله له
والحقيبه فيها فتحات جانبيه وخلفيه ومن الامام بعد وهم مركب المروحه.Intercooler ..
يعني محافظ على الجهاز من افضل ما يكون..وكل ما اخلص من اللعب اصكر الحقيبه واخليها بمكانها...وانا مسوي هالطريقه مع كل اجهزتي الفيديو جيمز..
مشكورين

dv3

29-03-2007, 04:11 PM

انا عندي المروحة لكن انه في مشكلة و هي انها ما توصل الكهرباء بالشكل المطلوب و الاكثر تعقيد ان الجهاز يعطيني OK على وصول الكهرباء و بعد فتر من اللعب تقطع الكهرباء ((تقريبا 5 دقائق))

سؤالي الثاني هو هل ميكروسوفت عاجزه عن صناعة مروحة اذا لازم الامر ؟ بشكل اخرى ليش الى الان ما شوفنا مروحة من اصدار ميكروسوفت ؟

فوق المستحيل

29-03-2007, 10:14 PM

سؤال صحيح وسليم اخوي dv3

yameii Wii

31-03-2007, 12:45 AM

linux (http://www.montada.com/member.php?u=9040) http://director.montada.com/vb/images/statusicon/user_offline.gif vbmenu_register("postmenu_5381353", true);
عضو
ممكن تحط صور الاكس مالتك بالمراوح لأنه مب موجوده وعشاان نستفيد...

TIZEN

31-03-2007, 01:32 PM

لا مروحه ولا بطيخ شوفوا ياجماعه أنا جهازي دفعة 2006 شهر9 طبعا داري التكييف فيها بارد وما حصلي مشاكل مع الجهاز لكن يوم خذيته الديوانيه كانت طبعا حاره وطلعلي بعد فتره من اللعب three rigs of death طبعا صكت فيني الدنيا لأن الجهاز مافي ضمان (الرحاب=النصب) والشباب قاعدين يضحكون على شكلي لكن شسويت طفيته وفصلت عنه كل الوايرات ووقفته لأنه كان مسدوح ورحت دخنتلي زقاره ورجت قعدت أطقطق على أجناب الجهاز وبعده وصلت الويرات والحمدلله اشتغل المشكله بالمكان الي الناس يلعبون فيه لازم و أقول لازم يكون بارد ومفتوح يعني مو تحطه بالمكتبه

mr.2pac

31-03-2007, 08:51 PM

انا انصحكم ما تحطون مراوح احسن لكم

عاشق الهلال9

10-04-2007, 03:58 PM

انا عن نفسي ما استخدم مروحه ولا شيء والجهاز حاطه على الارض (الفرش موكيت) ومافيه اي مشكله الحمد لله
واعتقد ان المروحه كلام فاضي وماله فايده

فوق المستحيل

11-04-2007, 01:02 PM

ياجماعه الي يجاوب اتمنى يكون جوابه عن تجربه مو جواب بالهواء

احترنا ..القضيه الان شاكه هناك من يقول نعم تحتاج مروحه وهناك من يقول لا

هل يوجد دليل ملموس..تجربه..او اي شي من هالقبيل

ياريت تفيدونا