المساعد الشخصي الرقمي

مشاهدة النسخة كاملة : عام هل استعجلت بشراء الـ ps3????


abadiabadiabadi
04-04-2007, 12:28 AM
والله هذا السؤال يدور كل لحظة ببالي واحاول اني اتجاهله لاني ماني محصل الى الان لعبة العبها غير motor storm وهي مقنعة حاليا وماشفت غيرها فهل فعلا استعجلت بشراء الجهاز انا شريته يوم الخميس الماضي
عاشق يوشي
04-04-2007, 12:46 AM
صراحة وبدون زعل من رايي انك استعجلت والله مافي لعبة تستاهل :أفكر:


غير موتر ستورم ورزتنس ومادري شنو :33:


لو ماخذ اكس بوكس ابركلك


وشكراااا
][-][Mr.ZeNoN][-][
04-04-2007, 01:04 AM
نعم إستعجلت في أخذ الجهاز

لكن هذا لايعني إنك ندمان بالعكس إنتظر إلى أن تنزل الألعاب القوية
Snake-87
04-04-2007, 01:09 AM
.. خلاص .. انت شريت الجهاز وإنتهت السالفة .. دور العاب حلوة :)
وانت شاريه شاريه طال الزمن او قصر .. يعني الألعاب القوية إذا مو موجودة اليوم باكر موجودة :)
وموتر ستورم وريسيستنس يقولون خيالية ..
عندك ايضا فيرتشوا تنس 3 .. مو طبيعية
والعاب قوية بالطريق .. اصبر .. ومبروك ^^"
abadiabadiabadi
04-04-2007, 01:37 AM
شكرا لكم جميعا وانا من النوع الي ماحب التعصب ابدا لاي جهاز وابحث عن فائدتي باي طريقه وخلاص دام اني اشتريته خلاص لازم افكر بافضل الالعاب وانا واثق من الجهاز بس اللي قاهرني ان الالعاب لسه شكلها بتتاخر شوي
Road-Runner
04-04-2007, 02:25 AM
اي نعم اخوي انا من رايي انك استعجلت ونصيحتي لك انك تبيعه وتشتري قيم بوي فيها العاب كثيره



ياجماعه شسالفه المواضيع اللي تكتب هذي الايام
الله يرحم ايام زمان
Snake-87
04-04-2007, 02:27 AM
^
داش عرض حدك طاق رصيف (&)


وتشتري قيم بوي فيها العاب كثيره
الريال ما عنده خبرة .. خله يسأل مافيها شي
sub_zero
04-04-2007, 02:34 AM
لا اخوي انت ما استعجلت

توجد لعبة اسمها ابوليفيون على الps3 وتعتبر هذي العبة افضل لعبة نكست جنريشن الا الان

روح اشتريها
The Ace Overlord
04-04-2007, 04:33 AM
استعجلت ... العاب الجهاز قليله حاليا
و لو انك شاريه بعد ما تنزل عليه مثلا 10 العاب
كان تغير رايك ^^
فوق المستحيل
04-04-2007, 05:34 AM
انت الخميس الي طاف

انا شاريه شهر 11 الي طاف

كلنا مستعجلين...لكن خلاص انت شريته
abadiabadiabadi
04-04-2007, 11:56 AM
road-runner
اذا الموضوع مو عاجبك عادي اخرج وشوف موضوع يعجبك ( قل خيراً او اصمت )

sub-zero
شكرا لك وانا بشوف هاللعبه واشكرك على المعلومه لاني ماكنت عارف انه في لعبة بهالاسم بالسوق
zeezo.7
04-04-2007, 12:25 PM
شباب اللي يقولون استعجلتو بالعكس
يعني اليوم والا امس مردك بتشتريه لانه هو الجهاز الاقوى
اما بخصوص عدم توفر العاب
تخيل تشترونه في وقت العاب كثيره مثلا نقول 4 العاب قويه في نفس الوقت اللي شريته
4*250=1000 ريال
+ قيمه الجهاز
يعني المجموع 3500
يعني مبلغ كبير
اما لو تشتري الجهاز بدري
وكل شهر تشتري لعبه تسهل الموضوع وحتى ما تتلخبط ميزانيتك
والف شكر
عاشق يوشي
04-04-2007, 12:28 PM
توجد لعبة اسمها ابوليفيون على الps3 وتعتبر هذي العبة افضل لعبة نكست جنريشن الا الان


اللعبة متوفره على الاكس بوكس 360 وفيها اضافات تنزلها من الماركيت بليس :o


وهذة الاضافة مب متوفره في نسخة البي اس 3 :blackeye:


الزبدة ليش اشتري جهاز 2599 <<< عندنا في قطر من الوكيل


ومافي ولا لعبة تستاهل وكل الالعاب موجودة على ال360 :33:
GHOST 360
04-04-2007, 01:32 PM
ياريال وايد مستعيل اشفيك ال360 ابرك لك بوايد يالله عقبال الاكس بوكس
mtaatm
04-04-2007, 01:52 PM
لا مبروووووك عليك ولا استعجلت ولاشي
زي ما قالو السباب انت بتشتريه بتشتريه
وما عليك من الي يقول الك انك استعجلت ( مع كل احترامي لهم ) لان السعر ماراح يتغير
والاعاب القويه راح تنزل قريب كلها شهور تمضي زي الساعه
فيصل 14
04-04-2007, 02:04 PM
اذا تبي العاب موب للعبة اشتر الاكس بوكس360


والعب بالجهازين على راحتك
SALM0RE
04-04-2007, 02:20 PM
مثل ماقال الأخ Snake-87 , يعني جذي جذاك انت راح تاخذ الجهاز ليش متحسف ؟ . . . اما بالنسبة للالعاب فعندك Virtua Fighter و Virtua tennis و ايضا SC : Double Agent و F.E.A.R و في شهر مايو راح تنزل لعبة Havenly Sword ( لعبة حصرية ) و ايضا في شهر يونيو (اي بعد ) شهر من نزول Havenly Sword راح تنزل Ninja gaiden : Sigma و في الخريف Asiassin Creed و GTA Vi ^^

Regret ? Think Again ^^
hamad_007
04-04-2007, 02:41 PM
انت استعجلت
بس خلاص الي صار صار ولا تندم .
لان في نهاية السنة بتنزل ألعاب قوية و ان شاء الله تسمتع فيها .
HUMAED
04-04-2007, 02:59 PM
مــا أشوف انك استعجلت ولا شي ..
اذا كنت ناوي تشتريه ..جذي ولا جذي بتشتريهـ ..
بعدين اصبر ..شهر مايو بتنزل L.I.A.R و H.Sword و هذي اللعبتين بيكونون من اول اقوى الالعاب على الجهاز ..
ولا تنسى ريزيستنس ..اللعبة باعت اكثر من مليون نسخة !! ... و موتورستورم ..
...
idontknow
04-04-2007, 03:35 PM
لا يا اخوي ما استعجلت
هنيئاً لك :)
sub_zero
04-04-2007, 03:42 PM
اللعبة متوفره على الاكس بوكس 360 وفيها اضافات تنزلها من الماركيت بليس :o


وهذة الاضافة مب متوفره في نسخة البي اس 3 :blackeye:


الزبدة ليش اشتري جهاز 2599 <<< عندنا في قطر من الوكيل


ومافي ولا لعبة تستاهل وكل الالعاب موجودة على ال360 :33:


جرافيك نسخة الps3 افضل و اللودينج اقصر وموجود نسخة الps3 اضافات كثيرة و يتضمن ايضا نسخة الps3 نايت اوف ذا ناين وهذي الايام طلعت مقارنات بين النسختين وكان التفوق واضح لصالح الps3

لا تشتري ال360 واكثر العابه موجودة على الps3
Light.Darkness
04-04-2007, 05:32 PM
الرجال سأل عن الـPS3

و امتلىء الموضوع بمندوبي مبيعات الـXbox360 :D :D :D :D

وبسبب هالمندوبين اتوقع الموضوع يخرج عن مساره :33:
blooody
04-04-2007, 05:40 PM
اعتقد انك استعجلت :(
لأن ماكو العاب كثيرة نازلة عالبلاي3
بس لاتخاف
بعد كم شهر اكيد نازلة كم لعبة ;)
عاشق يوشي
04-04-2007, 08:14 PM
لا تشتري ال360 واكثر العابه موجودة على الps3



صدقت اخوي :09:
scaryface
04-04-2007, 08:22 PM
ترى الاكس بوكس كان في البداية ممل بعد لانه العابه كانت منقوله من الاكس بوكس القديم وهذا شي معروف
اصبر بعد شهر وراح اشوف العاب حلوه
hamad_007
04-04-2007, 08:56 PM
لا تشتري ال360 واكثر العابه موجودة على الps3


راعي الدكان يعرف ان العكس صحيح .
Kasser
04-04-2007, 09:03 PM
احس ان بعض الاعضاء مبالغين ..

لا ياخوي ماستعجلت ابدا في شراء الجهاز إذا كان نسخة الـPAL الي عليها ضمان
لان مثل ماسمعت انخفاض الاسعار مابكون قريب ... حتى لو حدث انخفاض يمكن يبدأوا اول بالـNTSC النسخة الي بدون ضمان والاسعار المتراوحة

لكن الشيء السلبي الي بتواجهه هي الالعاب الحالية مافي الا العاب قليلة تستاهل :33: .. واحسن لك توفر فلوسك للالعاب الجاية بمنتصف واخر السنة وتحافظ على الجهاز.
الجام العربي
04-04-2007, 10:21 PM
ياشيخ لو عندي البلاي ستيشن3 الحين للعبت عليه ستريت فايتر الثنائية الأبعاد!!

يا أخي يكفيك إنه بلاي ستيشن3

والألعاب الجاية أكبر وأحلى بكثير!
back
05-04-2007, 01:40 AM
اول شيء مبروك الجهاز
ثانيا لااستعجلت ولاشيء كفايه انك استنيت الاصدار الرسمي عندنا ثالث شيء منو قالك العابه قليله انت في الوقت هذا العب موتور ستورم وريستانس وفيرتشوا تنس وفيرتشوا فايتر واصبر اسبوع زمان بتجيك فير ورينبو سيكس وسبينتر سيل مايمديك تخلصها الا الجهاز طلع له العاب ماتدري من وين طالعه
mf2007
05-04-2007, 06:35 AM
السلام عليكم :
انت مستعجل :) :) انا شاريه يوم 20-11-2006 يعني اكثر من اربع شهور وكنت متاكد ان ميتل جير 4 نازله شهر 4 او 5-2007 لكن كونامي حطمت كل امالي لانه حتى الان مافي اي خبر عن اللعبه ولايوجد بصراحه اي لعبه حاليا تستحق الشراء على الجهاز بس خلاص مادام اننا شريناه الله يصبرنا لغايه ماتنزل العاب جيده .
abadiabadiabadi
05-04-2007, 04:20 PM
والله اشكركم كلكم وبصراحة ردودكم خلتني مثل سوق الاسهم السعودي شويه السهم عندي يخضرر ويرتفع يعني معنوياتي ترتفع خخخخ وشويه يحمرر ويسير هبوط حاد خخخ

المهم ماقصرتوا واشكر الجميع بدون استثناء واتمنى تكون المواضيع دائما تناقش بجدية وبدون تعصب فاحنا ياشباب مايهمنا مين يكون الاحسن بكل صراحه لسنا امريكان ولا يابانين حتى ندخل جو المنافسه نحن مستهلكين فقط ونبي الافضل دائماً وبخصوص الالعاب انا عندي موتور ستورم ممتعه لكن بحاول امشي حالي عليها حتى تنزل الالعاب المنتظرة
كلمة اخيرة:
ابشركم قبل ساعه من كتابة ردي جاني اتصال من شخص يعمل بمؤسسة يبوني اعمل لهم برنامج واحتمال كبير لو سمحلي وقتي اني راح اخذ المبلغ وبكذا اعوض قيمة الجهاز هههههههه ويمكن اشتري xbox360
صحيح ان العاب متكررة بالجهازين بس انا السوني ابيه اصلي على طول حتى العب اونلاين براحتي والاكس بوكس لو اخذته باخذه معدل وهذا احتمال صغير والسلام عليكم
Cloud Thunder
05-04-2007, 04:37 PM
بس حبيت اسأل هل يمكن تشغيل العاب ps2 كوبى عليه وهل من طريقة لتشغيلها
Black Rash
05-04-2007, 05:28 PM
اشتري xbox360
صحيح ان العاب متكررة بالجهازين بس انا السوني ابيه اصلي على طول حتى العب اونلاين براحتي والاكس بوكس لو اخذته باخذه معدل وهذا احتمال صغير والسلام عليكم

معاك حق اخوي...

وانا اقول انك استعجلت شوي لان اكثر العاب البلاي 3 راح تنزل او نازله على الاكس....

بالنسبه لابليفيون النسختين متشابهتين لان نزل لها ابديت على الاكس بوكس فيه كل التعديلات اللي خلت النسختين متشابهات+نازل عليها اكسبانشنين...

اقولك نصيحه لله اخوي...اشتر وانت مغمض الاكس بوكس 360 معدل....العاب رخيصه+العاب كثيره+رسوم قويه+افضل اونلاين بالكونسلوز كلها+ابديتات للالعاب كل مده فيها اضافات او اصلاح جليتشات+العاب اركيد لبكره+رخيص= paradise

واشياء كثيره...لذلك اشتر الاكس بوكس 360 وانت مغمض....

اذا كنت من الرياض روح لمحل جيم نيشن بالروضه...رهيب والعابه مثل الاصلي بالتمام...