خـــطأ قاتــــل في الـ PS3

[PC man]

السلام عليكم

بالمختصر المفيد ............الجهاز اذا كان شغال و يحمل تحديث (ابديت) و انقطع التيار الكهربائي
او انطفى الجهاز في حالة التحميل يخرب البورد يعني يحترق و تظهر الشاشه هذا اذا اشتغل تظهر سوداء.

ونفس الشئ اذا حطيت لعبه ...الريجن مختلف عن نظام الجهاز ففي بدايه اللعبه تلقائيا يحصل معاك ابديت للعبه لتشتغل على الجهاز.....في هذه الأثناء كذلك اذا انقطعت الكهرباء فعلى الجهاز السلام يخترب البورد.
وهذا الشئ صار مع بعض الشباب ..... وكذلك اللي اشترى نظام البال بحصل هذه التحذيرات في كتيب الأستخدام............الصراحه حركه غبيه من سوني.......و سمعت نفس الشئ للـ PSP
يعني الجهاز بدون ضمان ما يسوى
والسلام ختام

[hamad_007]

خطأ فادح و كبير جدا .
بس يمكن سوني تعدله .

مشكور اخوي على الموضوع و زين يوم انك نبهتنا .

[scaryface]

السلام عليكم

بالمختصر المفيد ............الجهاز اذا كان شغال و يحمل تحديث (ابديت) و انقطع التيار الكهربائي
او انطفى الجهاز في حالة التحميل يخرب البورد يعني يحترق و تظهر الشاشه هذا اذا اشتغل تظهر سوداء.

ونفس الشئ اذا حطيت لعبه ...الريجن مختلف عن نظام الجهاز ففي بدايه اللعبه تلقائيا يحصل معاك ابديت للعبه لتشتغل على الجهاز.....في هذه الأثناء كذلك اذا انقطعت الكهرباء فعلى الجهاز السلام يخترب البورد.
وهذا الشئ صار مع بعض الشباب ..... وكذلك اللي اشترى نظام البال بحصل هذه التحذيرات في كتيب الأستخدام............الصراحه حركه غبيه من سوني.......و سمعت نفس الشئ للـ PSP
يعني الجهاز بدون ضمان ما يسوى
والسلام ختام

اي جهاز عند التحديت يمكن ان يتعطل اذا انقطعة الكهرباء

شي معروف

يمكن في الاصدارات الجديد تعمل Recovery mode

[brezee]

و مكتوب ايضآ في كتاب التعليمات اذا حدث خطاء في السوفتوير ممكن تعمل restore للجهاز بمجرد الضغط علي زر البور لمدة خمس ثواني ;)

[joker_zambrotta]

كل جهاز في له restore على العموم ننطر ونشوف اذا في مشكله راح تظهر بشكل اكبر

[pokemon dragon]

مستحييييل جذي ما في حل اذا اختربت ممكن لها اعاده او زر شي نفس ما قال الاخ فريييز :32:

لا مو لهدرجه سوني ما فكرت في هذا الشي:)

[idontknow]

ممممممممم
مادري شقول ، لكن ما اعتقد بهذي البساطة سوني تجعل كل مبيعاتها عرضة للخراب بثانية!

[Lasto]

معروفة أنه كل جهاز يخرب لما تنقطع عنه الكهرباء أثناء التحديث لأنه ياخذ طاقة كبيرة مثل الجوالات
اللي لازم تخلليها بالشاحنه أثناء الأبديت عالعموم مشكور على التنبيه (&)

[فوق المستحيل]

كلام سليم والاخ قاري التعليمات والمنيو عدل

لكن اكيد سوني راح تنزل او نزلت تحديث عشان يتفادون هالمشكله

[Cloud Thunder]

شباب ماذا يزيد update PS3 ؟

[][-][Mr.ZeNoN][-][]

الكلام صحيح

حتى الـPSP حقي يقول إنه لازم ماتعمل أبديت إلا وأنت شاحن البطارية 75%

أما الـPS3 فالله يستر

والحل هو شاحن لإنقطاع التيار

[Kasser]

مشكور اخوي على التحذير
وبالفعل مع بلاي ستيشن 3 لازم ضمان الواحد مايدري ايش الخرابات المتوقعة :33:

[Raykonen]

هذا شي طبيعي مع كل الأجهزة واكثر الشي يحدث في الموبايلات لما تنزل سوفتوير جديد للنوكيا , مجرد ما ينقطع الاتصال او الكهربا , دايركت ودي جهازك لعند الوكيل من دون اي مناقشة !!!!!!

[blooody]

غلطة غبية مثل ما قلت
وبالنسبة للـ psp
هذي الحالة رح تكون نادرة لأن مو ضروري نحطه عالكهرباء
شكرا عالملاحظة

[الجام العربي]

ليست سوني بذلك الغباء! إتخيل كل يوم يحدث إنقطاع بالتيار الكهربائي ببعض أنحاء العالم ممكن 20000 ألف جهاز يوميا يتأثر مصيرها سترجع لسوني !!
أكيد فيه حل مثل ماقال الأخ إضغط على زر البور 5 ثواني ويصير ريستور!

[ألتيمي]

هلا والله اخوي
فعلا الخطا موجود ولكنــه بأغلب الاجهزه الالكترونيه مثلا ps3-psp-ipod
واي جهاز بإعتقادي إذا سويتله ابديت وفصلت الكهرباء عنه ..رح يخرب وكل خراب يفرق عن الثاني

[زلمه]

الاخ الكريم

اولا لا مصدر لكلامك ان هذه مشكلة متعلقة ب PS3 بشكل خاص

اما كتيب التعليمات ترد فيه هذه التحذيرات في كل الاجهزة واقرأ كتيب اي جهاز لتعرف ذلك

وانا اقول لك نزل bios للمذربورد بجهاز الكمبيوتر واثناء التحديث قم بفصل الكهرباء وانظر النتيجة !!

على مواقع شركات اللوحة (المذر ) للكمبيوتر يقول لك تاكد من عدم انقطاع التيار اثناء التحديث

وفي المحمول يقول لك تاكد ان الجهاز يعمل على الشاحن سواء كان لابتوب او جهاز PDA او نوكيا الخ

فما الجديد ؟؟

وعندي x360 وهي بدون ضمان بالمنطقة تخيل لو جربت عليها !!

وسألت مركز كابول بالعين وهو متخصص بالالعاب والتصليح قال لي ان x360 بجميع انواعها تتعطل اكثر من سوني PS2 وان علتها الكبيرة ضعف المذربورد وتوكلت واشتريت من محل بابوظبي قريب عني رغم انه ايضا قال لي نفس المعلومة ان x360 تتعطل اكثر من سوني PS2 وبدون اي ضمان

[Angry Odin]

الشي هذا معروف في جميع الاجهزه ..لذلك يقولك عند التحميل DO NOT TURN OFF CONSOLE WHILE LOADING .
قريت مره في منتدى اجنبي . ان الحركه هذي الهدف منها منع الHACKERS من الدخول للملفات الاساسيه والتلاعب بها . لان وقت التحميل يحصل UNLOCK للهارد ديسك لتحديث البرامج الاساسيه وبعد الانتهاء يصير LOCKED مره ثانيه . في الماضي كانوا يطفونه وقت التحديث ويفتحونه مره ثانيه ويكون الهارد ديسك والبرمجه للجهاز مفتوحه ودون اي جمايه ..اما الان يخرب الجهاز او يتطلب اعادة تثبيت البرامج الاساسيه ..... كلامه يبدو منطقي بالنسبه لي ..والله اعلم . المهمم بالنسبه لنا .لا تقطع الكرهبا وقت التحديث .

[فوق المستحيل]

زين فرضا انقطعت الكهرباء من المزود الاساسي للمنطقه..وشالحل ؟

[Angry Odin]

زين فرضا انقطعت الكهرباء من المزود الاساسي للمنطقه..وشالحل ؟
وش ذا الحظ اللي عليك اللي ماتنقطع الكهربا الا وانت تسوي UPDATE?
عموما ماجربت ..لكن اللي اعرفه اه اذا ظغطت على زر البدايه 5 ثواني يعيد لك الجهاز ل factory setting . عاد مدري اذا يحل المشكله او لا . اشتر الجهاز وجرب وعلمنا وش يصير معك :D

[فوق المستحيل]

اما الحظ...فعندك وجهك..حظي يكسر الصخر علي مو لي

مشكور

[Xbot]

السلام عليكم

بالمختصر المفيد ............الجهاز اذا كان شغال و يحمل تحديث (ابديت) و انقطع التيار الكهربائي
او انطفى الجهاز في حالة التحميل يخرب البورد يعني يحترق و تظهر الشاشه هذا اذا اشتغل تظهر سوداء.

ونفس الشئ اذا حطيت لعبه ...الريجن مختلف عن نظام الجهاز ففي بدايه اللعبه تلقائيا يحصل معاك ابديت للعبه لتشتغل على الجهاز.....في هذه الأثناء كذلك اذا انقطعت الكهرباء فعلى الجهاز السلام يخترب البورد.
وهذا الشئ صار مع بعض الشباب ..... وكذلك اللي اشترى نظام البال بحصل هذه التحذيرات في كتيب الأستخدام............الصراحه حركه غبيه من سوني.......و سمعت نفس الشئ للـ PSP
يعني الجهاز بدون ضمان ما يسوى
والسلام ختام


انت مبين عليك من اللي ينقالهم NOOOBS ... بالله عليك هذا ينطبق على كل الاجهزة المنزلية! والبي اس بي مستحيل يخترب, لانك ماتقدر تحدثه الا اذا كان مؤشر البطارية فوق ال 66%..

روح انشر هالاشاعات في منتدى الاكس بوكس360!..

[masked]

والله ياشباب اني اليوم سويت ابديت للبلي 3 بتاعي ونطفت علي الكهرباء انا خفت وبعدين اشتغل طبيعي

[MeLeE]

معروفة أنه كل جهاز يخرب لما تنقطع عنه الكهرباء أثناء التحديث لأنه ياخذ طاقة كبيرة مثل الجوالات
اللي لازم تخلليها بالشاحنه أثناء الأبديت عالعموم مشكور على التنبيه (&)
اخوي التحديث ايكون لل BIOS فأذا انقطع التيار او علق الجهاز فلبيوس ايروح عليك لانه الملفات الرأيسيه للنضام راحت . انا مره كنت احدث البيوس للمذر بورد في الكمبيوتر , وعلق علي الجهاز !!! اطريت اني اقطع الكهربا , لحسن الحض انه في المذربورد عندي Dule bios وحده اساسيه والثانيه احتياطيه , فقامت الاحتياطيه بنقل الملفات الى الاساسيه وبعدين اشتغلت 100% حل هاذي المشكله هي DUALE BIOS...