الوسط
03-12-2001, 01:31 PM
قبل ما أبدأ فيه شيء لازم أقوله للأمانه ...
الفكرة العامة للقصة أنا خذتها من قصة سمعتها من مليون وثلاث سنوات تقريباً (وقتها كان عمري ثلاث سنوات :D ) ...
وأنا ما أذكر المصدر ... هل هي قصة قريتها أو فلم شفته ... ما أذكر ...
أما بقية أحداث القصة ... فهي مني أنا ... وبعد هذي الزحمة خلونا نبدأ قصتنا...
مشهد...
دجو واقف بلباس ملاكم في زاوية على حلبة الملاكمة وهو يرتجف... وفي الجهة الثانية يقف بطل العالم للملاكمة (عضلات القاتل) ... في أغرب مباراة في تاريخ الملاكمة ...
كيف وصلت الأمور للشكل هذا ... خلونا نتابع من البداية ...
أصدقاء ... ولكن
نعرفكم في البداية على بطلي القصة ... الصديقين دجو و naf ... صديقين من الطفولة ...
دجو من النوع المتسرع جداً على عكس صديقة naf اللي دايم متزن ... و رغم هذا الفرق الجوهري ...لا يزال الاثنين صديقين حميمين .
في يوم ... دعا naf دجو على الغداء ... وطلب منه يجيب كم غرض على طريقه علشان يكمل فيه الغداء ...
ولما رجع دجو من السوق دخل زي العادة مستعجل ... فأصطدم بأول كرسي ... وسقطت منه كل الأغراض اللي معه ... وطلع naf من المطبخ وهو مرتعب ...
Naf: وش صار ؟
دجو: آآآيييي ... مكان الكرسي كان غلط ...
Naf (وهو يشوف الأغراض اللي جابها دجو): ياخوي ما عرفنا لك ... حتى يوم كان البيت فاضي... جيت دخلت وصقعت في الجدار... والبيت ما فيه أثاث ...
ويكمل Nafوهو يتفقد الأغراض على الأرض : وش الأغراض اللي جبتها ... أنا ما قلت تجيب هذي الأشياء.
دجو (وهو يحك رجله من ألم الصدمة) : أي أغراض؟
Naf: الأغراض اللي ضيعت فلوسي عليها ...
وقام Naf يطلع الأغراض من الأكياس ويرميها على الأرض : تين شوكي ... زبدة التبغ ... خلاصة الخروع ... أكل كلاب ... عصير الفجل ... ياخي وشو المحل اللي شريت منه الخرابيط هذي ؟
دجو: أنت أعطيتني فلوس وقلت إشتر لي أغراض للطبخ ... وأنا جبتها .
Naf: تقوم تجيب أكل كلاب ... مين بياكله هذا ؟؟؟ أنت دايم كذا مطفوق ... ولا يعتمد عليك ..
دجو: ثاني مره ... إذا بغيت أغراض رح جبها أنت ولا تزعجني ... هذا جزاي إني فزعت لك ..
ولا رد Naf وأخذ اللي يصلح للأكل من باقي الأغراض اللي تصلح للأكل ودخل للمطبخ ...
ولحقه دجو علشان يكلمه ولكن ... زلق بموزة واصطدم وجهه بالجدار بقوة ...
وسمع Naf الصوت وطلع يشوف صديقه : وش سويت بعد ؟؟؟
دجو: مين أنا؟ وين أنا؟ كيف أنا؟
Naf: وش هذا الصوت؟
دجو(وهو تذكر شيء): عرفت أنا (أبو عضلات) بطل الملاكمة ...
Naf: رد علي يا دجو ... أنت بخير.
دجو (وهو يناظر Naf بعدائية): مين أنت يا حشرة ... وكيف تدخل بيتي؟
Naf: بلا خفة دم ... أنت بخير وإلا ..
وفجأة قام دجو وأخذ Naf ورماه في الشارع ،وقفل الباب وراه .
Naf: هذا قمة الجنون !!!!
وإتجه Naf لباب بيته وقام يضربه بقوة: إفتح يا دجو التبن الباب ... مزحك صار ثقيل دم.
وما رد عليه دجو اللي كان ينظر للصالة وقال: صار لي فترة ما تمرنت ... بأحول الغرفة هذي لصالة تمرين لي ...
وكان Naf يصرخ في الخارج وهو غضبان ... ويطلب من دجو يفتح له الباب وما كان يدري إن الصدمة أثرت على دجو وخلته يعتقد فعلاً إنه (أبو عضلات) بطل العالم في الملاكمة...
وأطل naf من الشباك حتى يشوف وش قاعد يسوي دجو ... وكان منظر مفزع جداً ...
بداية المشاكل
كان دجو يقلب الأثاث ويستعمله في تدريبات الملاكمة ... وقاعد يكسر في الأثاث من شدة التدريب .
Naf: الدعوة جد ... الرجال بيكسر بيتي ...
ورجع naf يضرب الباب بقوة ... حتى فتح له (أبو عضلات) ... قصدي دجو.
دجو: أنت ما رحت ؟ وش تبي؟
Naf: أروح وين ... أنت جنيت يا دجو؟ هذا بيتي ...تكفى خلني أدخل وبلا فضايح عند الجيران.
دجو (وهو يمسك naf مع رقبته) : قلت لك لا تناديني بالاسم الغبي هذا مره ثانية ... والحين إنقلع عن وجهي ...
ورمى دجو naf لوسط الشارع ...وصفع الباب بقوة ...
وهنا ... وهنا بس تأكد naf إن دجو حصل له شيء ... لأن دجو عمره ما مزح المزح الغريب هذا ...
وقرر naf قرار مصيري ... وهو إنه يدخل مع الشباك الخلفي للبيت عل وعسى إنه يرجع دجو لعقله ...
ولما دخل naf فوجيء بدجو في وجهه ...
دجو: عندك الجراءة تسرق بيت (أبو عضلات) ...
Naf: أعقل يا دجو ،أنا صديقك naf ... نسيتني.
دجو: قلت لك ألف مره لا تناديني بالاسم هذا ... والحين خلني أتدرب لمباراة الملاكمة.
وأخذ دجو naf وشاته برا ...
naf (وهو معصب): طفح الكيل يا دجو ... تبي مباراة ملاكمة أنا بأجيبها لك ...
أبو عضلات الملاكم
توجه naf لأكبر منظمي مباريات الملاكمة في المدينة السيد (بوكس) ... ولما دخل المكتب تردد شوي ...
السيد (بوكس): نعم ،كيف ممكن أخدمك ...
Naf(وهو مرتبك): أأأ ... ودي بملاكم من عندك في مباراة ...
السيد (بوكس): قققحححححاااااا (يضحك) ... أنت تبي تلاكم ... ققحححححااااا (يضحك مره ثانية).
وأرتبك naf،في الحقيقة ارتباكه كان بسبب ضحكة السيد (بوكس) لأنه ما كان يدري ،السيد بوكس يضحك وإلا يكح ...
naf: ما تشوف شر (يقصد الكحة أو الضحكة) ... ما هو أنا اللي بألعب مباراة ملاكمة ... عندي واحد يعتقد إنه يقدر يهزم أي لاعب من لاعبينك...
السيد (بوكس): قققححححححححاااااااا (ما يحتاج أقول لكم إنه يضحك)... يتحدى الملاكمين اللي عندي ... ققححححححححااااااااااا (نفس الكلام السابق) ...
Naf(وهو بيمشي): إذا كان ما ودك ... ماهو لازم .
السيد (بوكس): اجلس ... اجلس ... أنا بأعطي خويك فرصة ... عندي الملاكم (جبلاوي) ما عنده شيء هذا الأسبوع ... إذا ود صديقك يقدر يلعب معه بكره ... إلاهو وش اسمه؟
Naf: جاهز .. جاهز ... ومتى ما بغيت ...واسمه (أبو عضلات) ...
السيد بوكس: ماني مسؤول عن خويك إذا جاه شيء ... خاصة إن (جبلاوي) شرس جداً...
Naf: ما هي مشكلة ... أنا وكيل أعمال (أبو عضلات) وموافق على شروطك ...
وبسرعة وقع naf عقد المباراة مع السيد (بوكس) وإتفقوا على إن ريع المباراة ياخذه السيد (بوكس) بالكامل ... لأن (أبو عضلات ) ماهو ملاكم مشهور ...
وأخذ naf العقد وأعطاه واحد من موزعي البريد علشان يسلمه لدجو ... فهو ما هو فاضي ينضرب مره ثانية ...
وبالفعل راقب naf موزع البريد وهو يسلم العقد لدجو ...
موزع البريد: رساله لأبو عضلات أو لدجو...
دجو: من اللي قال لك إن أحد هنا إسمه دجو؟ وبعدين من مين هذي؟؟؟
موزع البريد: من إتحاد الملاكمة في المدينة.
دجو (وهو يقرأ العقد): موعد مباراة ملاكمة بكرة ... كويس... أنا بديت أمل بدون مباراة حقيقية ...
وكمل دجو كلامه وهو يكلم موزع البريد : شكراً على الرساله ... وقل لهم (أبو عضلات) بيكون بكره هناك في الموعد ... وراح يفوز.
وبعد ما اطمئن إن دجو استلم العقد ،قرر naf إنه ينام في فندق ... حتى ما يتعرض للضرب وبدأ يحس بتأنيب الضمير ...
naf: أكيد إن دجو بينضرب ... ولكن وش العمل .. هذي الطريقة الوحيدة اللي يرجع له عقله ويرجع لي بيتي ...
على حلبة الملاكمة
في مساء اليوم التالي ...كانت صالة الملاكمة في المدينة مكتظة بعشاق هذي اللعبه العنيفة ... وكانت أول مباراة إنتهت ... وبعدها مباشرة مباراة دجو مع (جبلاوي) ... وكان naf جالس في الصف الأول ينتظر مباراة دجو...
ودخل دجو للحلبة وهو لابس الروب وسط استهجان الجمهورله ... فما كان فيه أي شيء يدل إنه ملاكم ... لا شكله ولا حتى جسمه ... ثم دخل (جبلاوي) الضخم الجثة وسط تشجيع الجمهور له ... فهو نوعاً ما مشهور ... على الأقل أشهر من دجو ...
وعرف المذيع الداخلي بالملاكمين ... الملاكم الكبير (جبلاوي) ومتحديه (أبو عضلات) اللي هو دجو ... ورن الجرس معلن بداية المباراة ...
وبينما كان (جبلاوي) يهزأ من دجو ويناديه بأسماء مثل (الحشرة الضئيلة) و (الضفدع الصغير) ... كان دجو يقف بكل استهتار في زاويته ... وهو مغمض عينيه ويتثاوب ...
ولما ما كان فيه أي رد من دجو على إستهزاء (جبلاوي)، قرر (جبلاوي) ينهي المباراة بسرعة... وهجم على دجو...
دجو (وهو يتثاوب): المكان ممل هنا .. بأخلص المباراة بسرعة علشان أرجع أتمرن ...
وما كاد (جبلاوي) يقترب من دجو ... حتى التفت له دجو وضربه، ضربه قويه في وجهه ... طيرت (جبلاوي) للجهة الثانية من الحلبه ... ووسط دهشة الجمهور ... وخاصة naf اللي بغى يطلع من طوره ... قام الحكم يعد ...
الحكم: واحد ... أثنين ... ثلاثه ... أربعه ... خمسه .. سته ...سبعه...ثمانيه... تسعة... عشره .... الفائز هو المتحدي الجديد (أبو عضلات).
Naf (وهو يغادر الصالة بسرعة): ما أصدق .. أكيد إني أحلم بكابوس ....
(إنتهى الجزء الأول)
إذا كانت أعجبتكم القصة... كملت لكم الجزء الثاني والأخير يوم الأربعاء إن شاء الله... وبتكون هذي آخر قصة أكتبها في المنتدى
الفكرة العامة للقصة أنا خذتها من قصة سمعتها من مليون وثلاث سنوات تقريباً (وقتها كان عمري ثلاث سنوات :D ) ...
وأنا ما أذكر المصدر ... هل هي قصة قريتها أو فلم شفته ... ما أذكر ...
أما بقية أحداث القصة ... فهي مني أنا ... وبعد هذي الزحمة خلونا نبدأ قصتنا...
مشهد...
دجو واقف بلباس ملاكم في زاوية على حلبة الملاكمة وهو يرتجف... وفي الجهة الثانية يقف بطل العالم للملاكمة (عضلات القاتل) ... في أغرب مباراة في تاريخ الملاكمة ...
كيف وصلت الأمور للشكل هذا ... خلونا نتابع من البداية ...
أصدقاء ... ولكن
نعرفكم في البداية على بطلي القصة ... الصديقين دجو و naf ... صديقين من الطفولة ...
دجو من النوع المتسرع جداً على عكس صديقة naf اللي دايم متزن ... و رغم هذا الفرق الجوهري ...لا يزال الاثنين صديقين حميمين .
في يوم ... دعا naf دجو على الغداء ... وطلب منه يجيب كم غرض على طريقه علشان يكمل فيه الغداء ...
ولما رجع دجو من السوق دخل زي العادة مستعجل ... فأصطدم بأول كرسي ... وسقطت منه كل الأغراض اللي معه ... وطلع naf من المطبخ وهو مرتعب ...
Naf: وش صار ؟
دجو: آآآيييي ... مكان الكرسي كان غلط ...
Naf (وهو يشوف الأغراض اللي جابها دجو): ياخوي ما عرفنا لك ... حتى يوم كان البيت فاضي... جيت دخلت وصقعت في الجدار... والبيت ما فيه أثاث ...
ويكمل Nafوهو يتفقد الأغراض على الأرض : وش الأغراض اللي جبتها ... أنا ما قلت تجيب هذي الأشياء.
دجو (وهو يحك رجله من ألم الصدمة) : أي أغراض؟
Naf: الأغراض اللي ضيعت فلوسي عليها ...
وقام Naf يطلع الأغراض من الأكياس ويرميها على الأرض : تين شوكي ... زبدة التبغ ... خلاصة الخروع ... أكل كلاب ... عصير الفجل ... ياخي وشو المحل اللي شريت منه الخرابيط هذي ؟
دجو: أنت أعطيتني فلوس وقلت إشتر لي أغراض للطبخ ... وأنا جبتها .
Naf: تقوم تجيب أكل كلاب ... مين بياكله هذا ؟؟؟ أنت دايم كذا مطفوق ... ولا يعتمد عليك ..
دجو: ثاني مره ... إذا بغيت أغراض رح جبها أنت ولا تزعجني ... هذا جزاي إني فزعت لك ..
ولا رد Naf وأخذ اللي يصلح للأكل من باقي الأغراض اللي تصلح للأكل ودخل للمطبخ ...
ولحقه دجو علشان يكلمه ولكن ... زلق بموزة واصطدم وجهه بالجدار بقوة ...
وسمع Naf الصوت وطلع يشوف صديقه : وش سويت بعد ؟؟؟
دجو: مين أنا؟ وين أنا؟ كيف أنا؟
Naf: وش هذا الصوت؟
دجو(وهو تذكر شيء): عرفت أنا (أبو عضلات) بطل الملاكمة ...
Naf: رد علي يا دجو ... أنت بخير.
دجو (وهو يناظر Naf بعدائية): مين أنت يا حشرة ... وكيف تدخل بيتي؟
Naf: بلا خفة دم ... أنت بخير وإلا ..
وفجأة قام دجو وأخذ Naf ورماه في الشارع ،وقفل الباب وراه .
Naf: هذا قمة الجنون !!!!
وإتجه Naf لباب بيته وقام يضربه بقوة: إفتح يا دجو التبن الباب ... مزحك صار ثقيل دم.
وما رد عليه دجو اللي كان ينظر للصالة وقال: صار لي فترة ما تمرنت ... بأحول الغرفة هذي لصالة تمرين لي ...
وكان Naf يصرخ في الخارج وهو غضبان ... ويطلب من دجو يفتح له الباب وما كان يدري إن الصدمة أثرت على دجو وخلته يعتقد فعلاً إنه (أبو عضلات) بطل العالم في الملاكمة...
وأطل naf من الشباك حتى يشوف وش قاعد يسوي دجو ... وكان منظر مفزع جداً ...
بداية المشاكل
كان دجو يقلب الأثاث ويستعمله في تدريبات الملاكمة ... وقاعد يكسر في الأثاث من شدة التدريب .
Naf: الدعوة جد ... الرجال بيكسر بيتي ...
ورجع naf يضرب الباب بقوة ... حتى فتح له (أبو عضلات) ... قصدي دجو.
دجو: أنت ما رحت ؟ وش تبي؟
Naf: أروح وين ... أنت جنيت يا دجو؟ هذا بيتي ...تكفى خلني أدخل وبلا فضايح عند الجيران.
دجو (وهو يمسك naf مع رقبته) : قلت لك لا تناديني بالاسم الغبي هذا مره ثانية ... والحين إنقلع عن وجهي ...
ورمى دجو naf لوسط الشارع ...وصفع الباب بقوة ...
وهنا ... وهنا بس تأكد naf إن دجو حصل له شيء ... لأن دجو عمره ما مزح المزح الغريب هذا ...
وقرر naf قرار مصيري ... وهو إنه يدخل مع الشباك الخلفي للبيت عل وعسى إنه يرجع دجو لعقله ...
ولما دخل naf فوجيء بدجو في وجهه ...
دجو: عندك الجراءة تسرق بيت (أبو عضلات) ...
Naf: أعقل يا دجو ،أنا صديقك naf ... نسيتني.
دجو: قلت لك ألف مره لا تناديني بالاسم هذا ... والحين خلني أتدرب لمباراة الملاكمة.
وأخذ دجو naf وشاته برا ...
naf (وهو معصب): طفح الكيل يا دجو ... تبي مباراة ملاكمة أنا بأجيبها لك ...
أبو عضلات الملاكم
توجه naf لأكبر منظمي مباريات الملاكمة في المدينة السيد (بوكس) ... ولما دخل المكتب تردد شوي ...
السيد (بوكس): نعم ،كيف ممكن أخدمك ...
Naf(وهو مرتبك): أأأ ... ودي بملاكم من عندك في مباراة ...
السيد (بوكس): قققحححححاااااا (يضحك) ... أنت تبي تلاكم ... ققحححححااااا (يضحك مره ثانية).
وأرتبك naf،في الحقيقة ارتباكه كان بسبب ضحكة السيد (بوكس) لأنه ما كان يدري ،السيد بوكس يضحك وإلا يكح ...
naf: ما تشوف شر (يقصد الكحة أو الضحكة) ... ما هو أنا اللي بألعب مباراة ملاكمة ... عندي واحد يعتقد إنه يقدر يهزم أي لاعب من لاعبينك...
السيد (بوكس): قققححححححححاااااااا (ما يحتاج أقول لكم إنه يضحك)... يتحدى الملاكمين اللي عندي ... ققححححححححااااااااااا (نفس الكلام السابق) ...
Naf(وهو بيمشي): إذا كان ما ودك ... ماهو لازم .
السيد (بوكس): اجلس ... اجلس ... أنا بأعطي خويك فرصة ... عندي الملاكم (جبلاوي) ما عنده شيء هذا الأسبوع ... إذا ود صديقك يقدر يلعب معه بكره ... إلاهو وش اسمه؟
Naf: جاهز .. جاهز ... ومتى ما بغيت ...واسمه (أبو عضلات) ...
السيد بوكس: ماني مسؤول عن خويك إذا جاه شيء ... خاصة إن (جبلاوي) شرس جداً...
Naf: ما هي مشكلة ... أنا وكيل أعمال (أبو عضلات) وموافق على شروطك ...
وبسرعة وقع naf عقد المباراة مع السيد (بوكس) وإتفقوا على إن ريع المباراة ياخذه السيد (بوكس) بالكامل ... لأن (أبو عضلات ) ماهو ملاكم مشهور ...
وأخذ naf العقد وأعطاه واحد من موزعي البريد علشان يسلمه لدجو ... فهو ما هو فاضي ينضرب مره ثانية ...
وبالفعل راقب naf موزع البريد وهو يسلم العقد لدجو ...
موزع البريد: رساله لأبو عضلات أو لدجو...
دجو: من اللي قال لك إن أحد هنا إسمه دجو؟ وبعدين من مين هذي؟؟؟
موزع البريد: من إتحاد الملاكمة في المدينة.
دجو (وهو يقرأ العقد): موعد مباراة ملاكمة بكرة ... كويس... أنا بديت أمل بدون مباراة حقيقية ...
وكمل دجو كلامه وهو يكلم موزع البريد : شكراً على الرساله ... وقل لهم (أبو عضلات) بيكون بكره هناك في الموعد ... وراح يفوز.
وبعد ما اطمئن إن دجو استلم العقد ،قرر naf إنه ينام في فندق ... حتى ما يتعرض للضرب وبدأ يحس بتأنيب الضمير ...
naf: أكيد إن دجو بينضرب ... ولكن وش العمل .. هذي الطريقة الوحيدة اللي يرجع له عقله ويرجع لي بيتي ...
على حلبة الملاكمة
في مساء اليوم التالي ...كانت صالة الملاكمة في المدينة مكتظة بعشاق هذي اللعبه العنيفة ... وكانت أول مباراة إنتهت ... وبعدها مباشرة مباراة دجو مع (جبلاوي) ... وكان naf جالس في الصف الأول ينتظر مباراة دجو...
ودخل دجو للحلبة وهو لابس الروب وسط استهجان الجمهورله ... فما كان فيه أي شيء يدل إنه ملاكم ... لا شكله ولا حتى جسمه ... ثم دخل (جبلاوي) الضخم الجثة وسط تشجيع الجمهور له ... فهو نوعاً ما مشهور ... على الأقل أشهر من دجو ...
وعرف المذيع الداخلي بالملاكمين ... الملاكم الكبير (جبلاوي) ومتحديه (أبو عضلات) اللي هو دجو ... ورن الجرس معلن بداية المباراة ...
وبينما كان (جبلاوي) يهزأ من دجو ويناديه بأسماء مثل (الحشرة الضئيلة) و (الضفدع الصغير) ... كان دجو يقف بكل استهتار في زاويته ... وهو مغمض عينيه ويتثاوب ...
ولما ما كان فيه أي رد من دجو على إستهزاء (جبلاوي)، قرر (جبلاوي) ينهي المباراة بسرعة... وهجم على دجو...
دجو (وهو يتثاوب): المكان ممل هنا .. بأخلص المباراة بسرعة علشان أرجع أتمرن ...
وما كاد (جبلاوي) يقترب من دجو ... حتى التفت له دجو وضربه، ضربه قويه في وجهه ... طيرت (جبلاوي) للجهة الثانية من الحلبه ... ووسط دهشة الجمهور ... وخاصة naf اللي بغى يطلع من طوره ... قام الحكم يعد ...
الحكم: واحد ... أثنين ... ثلاثه ... أربعه ... خمسه .. سته ...سبعه...ثمانيه... تسعة... عشره .... الفائز هو المتحدي الجديد (أبو عضلات).
Naf (وهو يغادر الصالة بسرعة): ما أصدق .. أكيد إني أحلم بكابوس ....
(إنتهى الجزء الأول)
إذا كانت أعجبتكم القصة... كملت لكم الجزء الثاني والأخير يوم الأربعاء إن شاء الله... وبتكون هذي آخر قصة أكتبها في المنتدى