المساعد الشخصي الرقمي

مشاهدة النسخة كاملة : سؤال لخبراء الاب توب


ألتيمي
05-04-2007, 02:22 PM
السلام عليكم اخواني ,,,,
في البدايه كنت املك لاب توب سوني فايو وكان تقعد بطاريته من 2 إلى4 ساعات
ومع الزمن تقريبا 6 شهور صارت تقعد ساعه كحد اقصى فما هو السبب...؟
كنت استعمل الاب توب وهو على الشاحن والبطاريه بداخله دون ان اشحن وافرغ البطاريه
-فهل من الافضل اشيل البطاريه واستعمل الكهرباء ولما اطلع برا اركبــها
-ولا لازم اشحن ابطاريه وكل ماتخلص ارجع اشحنـها وهكذا
- ولا لازم كل نهايه الاسبوع افرغها وأرجع اشحنــها
والآن قمت ببيع السوني وشريت hp pavilion dv 2000
وخايف ايصير معاي مثل إلي صار بالســوني

فأرجوا من الاخوه الخبراء نصيحتي
وجزاااكم الله خيــرا
TRY NO RACE
05-04-2007, 04:40 PM
وعليكم السلام والرحمة


أنا جهازي سوني والبطارية حسب المصنع المفروض تقعد ساعتين وكانت تقعد أقل من الوقت هذا ب10 دقايق وهذا معروف لأن بالكتالوج اختباراتهم غير الإستخدام اللي حنا نستخدمه..
المهم الغلط اللي أنا سويته حاجتين
الحاجة الأولى لازم أول ماتشتري اللابتوب تسوي شحن وتفريغ للبطارية على الأقل ثلاث مرات ولا تسألني ليش بس بالكتالوجات كذا وكلام الشركات كذا
الطريقة تطفي اللابتوب وتشحنه لييييييين يصير فل بعدها تشغله وأنت فاك الشاحن ولما يقرب من الإنهيار :09: تطفيه أنت
وتشحنه....وهلمّ جرا

الشيء الثاني
إذا أنت غالبا تشتغل على الشاحن افصل البطارية وخزنها أحسن لك !!!

بطاريتي الحين باليالله نص ساعة :(

الخلاصة
اشحنها وفرغها ثلاث مرات
إذا أنت بالبيت افصل الشاحن عنها
وترى غلط غلط غلط تشحن البطارية وهي مو فاضية
والله يوفقك


وبما إن الشيء بالشيء يُذكر
قبل فترة شفت إعلان بطارية بجريدة الوسيلة مدري المبوبة حقت الإعلانات عن بطارية تشتغل على غالب الأجهزة بس ماكانوا ذاكرين سعرها
لو حد عنده تفاصيل :ponder:
ألتيمي
05-04-2007, 05:17 PM
يسلمو على النصائح بس ممكن اعرف وين نقل موضوعي ...؟
وجزاك الله خيرا
TURKi
05-04-2007, 09:12 PM
... وجهة نظر ...

أستخدمت الأنواع التالية : HP , TOSHIBA , ACER , DELL

ولا عمري فكيت البطارية ... و أشحنها 24 ساعة :) ... و ماشية زي الفل ...

ولكن زي ما قال (اخوي جليس البدر ) ... لابد أول ما تشتري الجهاز تعمل تمرين للإلكترونات في مكثف البطارية :)

والله خير حافظا ً ...


موفق خير ...
علي جنيدي
05-04-2007, 11:57 PM
أنا عندي لابتوب يظل شغال خمس ساعات كاملة بس كل شهر اعملوا تفريخ بطارية ثم شحن
boo boo
07-04-2007, 12:04 PM
ومع الزمن تقريبا 6 شهور صارت تقعد ساعه كحد اقصى فما هو السبب...

احمد ربك ... فيه ناس صارت تقعد معهم ربع ساعة وتطفي




إذا أنت غالبا تشتغل على الشاحن افصل البطارية وخزنها أحسن لك !!!

هذا افضل حل ..
بالاضافة



لازم كل نهايه الاسبوع افرغها وأرجع اشحنــها

بس مو شرط نهاية الاسبوع ..
اهم شي بين كل فترة وفترة