فريق سلسلة الـ RPG الشهيرة Wild Arms يعمل على تطوير مشروع للوي !!!

[N i n t e n d o]

كما هو موضح في العنوان ...


يعمل فريق السلسلة الشهيرة Wild Arms ( إحدى أشهر العاب الآر بي جي على البلاي ستيشن) على تطوير لعبة للوي!!!


http://www.rpgclassics.com/shrines/psx/wa/images/title.jpg


http://wiimedia.ign.com/wii/image/article/777/777071/wild-arms-developer-working-with-wii-20070329033726713.jpg


مصدر 1 (http://www.cubed3.com/news/7161/1/Wild_Arms_RPG_Developer_on_Wii)
مصدر 2 (http://wii.ign.com/articles/777/777071p1.html)




سواءا كان هذا الخبر صحيح أم لا ... ننتندو - ومنذ أيام الـ 64 - تعاني من ضعف شديد في ألعاب الأر بي جي ...



شكرا ...

[K-i-l-u-a]

السلام عليكم

هاللعبه شريتها بس ما لعبتها الا مره وحده او مرتين ماني متذكر لانه بعد ما شريتها بجم يوم نزلت باتن كايتوس 2 وخذت عقلي ونسيت باقي الالعاب :D anyway اللعبة وايد يمدحونها مع انه تقاييمها نوعا ما زينه وأتمنى يتأكد الخبر ويكون مشروعهم اليديد يكون اكبر وافضل cuz Wii want RPG games on Nintendo Wii :09:

سانك يو N i n t e n d o

[wario2002]

سواءا كان هذا الخبر صحيح أم لا ... ننتندو - ومنذ أيام الـ 64 - تعاني من ضعف شديد في ألعاب الأر بي جي ...

لا لا ماسمح لك غلطان انت :D .. وين راحت زيلدا اوكرانيا اوف تايم .. ووين راحت ماجورا ماسك .. ووين راح بيبر ماريو الي عالـ 64 .. ؟؟ :D

زيلدا ويند ويكر ؟ بيبر ماريو عالكيوب ؟ باتن كايتوس 1 و2 ؟؟ تيلز اوف سمفونيا ؟؟ :أفكر:


طبعن انا ماذكرت الا العاب الـ RPG القويه فقط .. صراحه عدد متوسط من الالعاب كيف تقول ضعف ؟؟


كذلك الامر ينطبق على سوني .. عندها فاينل فانتسي مثلا كلعبه قويه تخلي الواحد يشتري الجهاز عشانها .. وغيرها كم لعبة RPG ..

اظن العدد متقارب بين العاب الار بي جي عالجهازين .. ولكن انك تقول ضعف .. والله ظلمت ننتندو :أفكر:


عالعموم مانبي نطلع عن محور الموضوع ... بانتظار مشروع فريق Wild Arms ونتمنى ان تكون اللعبه بالمستوى المطلوب ;) مشكور اخوي ننتندو

[FAS]

.. وين راحت زيلدا اوكرانيا اوف تايم
دايماً أنصحك قبل لا ترد , تأكد انك مو شارب لبن عيران ... :jap017:
يا ولد ترى زيلدا أدفنشر مو RPG ....

وغيرها كم لعبة RPG
سوكيدون ... وغيرها .... البلاي 2 كان متفوق وبفارق على الكيوب من ناحية الآر بي جي ...
وحالياً الدي اس ماخذ نصيب كبير من الحصه ....
===
مشكور ننتندو ع الخبر , ننتظر أول وصر للعبة .... ونشوف .

[N i n t e n d o]

السلام عليكم

هاللعبه شريتها بس ما لعبتها الا مره وحده او مرتين ماني متذكر لانه بعد ما شريتها بجم يوم نزلت باتن كايتوس 2 وخذت عقلي ونسيت باقي الالعاب :D anyway اللعبة وايد يمدحونها مع انه تقاييمها نوعا ما زينه وأتمنى يتأكد الخبر ويكون مشروعهم اليديد يكون اكبر وافضل cuz Wii want RPG games on Nintendo Wii :09:

سانك يو N i n t e n d o


العفو ... وبالمناسبة أحلى جزء لهذي السلسلة كان الأول وكان على PS1 ...


لا لا ماسمح لك غلطان انت :D .. وين راحت زيلدا اوكرانيا اوف تايم .. ووين راحت ماجورا ماسك .. ووين راح بيبر ماريو الي عالـ 64 .. ؟؟ :D

زيلدا ويند ويكر ؟ بيبر ماريو عالكيوب ؟ باتن كايتوس 1 و2 ؟؟ تيلز اوف سمفونيا ؟؟ :أفكر:


طبعن انا ماذكرت الا العاب الـ RPG القويه فقط .. صراحه عدد متوسط من الالعاب كيف تقول ضعف ؟؟


كذلك الامر ينطبق على سوني .. عندها فاينل فانتسي مثلا كلعبه قويه تخلي الواحد يشتري الجهاز عشانها .. وغيرها كم لعبة RPG ..

اظن العدد متقارب بين العاب الار بي جي عالجهازين .. ولكن انك تقول ضعف .. والله ظلمت ننتندو :أفكر:


عالعموم مانبي نطلع عن محور الموضوع ... بانتظار مشروع فريق Wild Arms ونتمنى ان تكون اللعبه بالمستوى المطلوب ;) مشكور اخوي ننتندو

العفو ... وشكرا على مرورك ...

ومثل ماقال فاس ... زيلدا ما تعتبر ار بي جي ... مع انه كثير من المواقع في السابق كان يصنفها ار بي جي ... وتصنيفها الأصح هو آكشن أو آكشن أدفنشر ...

أما من ناحية ضعف العاب الآربي جي ... معاك حق ... "ضعف" كلمة فيها ظلم لننتندو ... المفروض اني أقول "عقم" :أفكر:...

شوف هذي قائمة (http://cube.ign.com/index/reviews.html?constraint.game_genre_name.game_genre_1.game_genre_2=RPG%3A&constraint.return_all=is_true) العاب الآربي جي اللي على الكيوب ... 11 لعبة بس طول فترة حياته !!!!!
وهذي قائمة (http://ign64.ign.com/index/reviews.html?constraint.game_genre_name.game_genre_1.game_genre_2=RPG%3A&constraint.return_all=is_true) الآربي جي اللي على 64 ... 6 ألعاب فقط !!!
بالنسبة للوي ... ماله اي لعبة للآن !!!

وهذي قائمة (http://ps2.ign.com/index/reviews.html?constraint.game_genre_name.game_genre_1.game_genre_2=RPG%3A&constraint.return_all=is_true) الأربي جي على PS2 ... عد واغلط !!!
وهذي قائمة (http://psx.ign.com/index/reviews.html?constraint.game_genre_name.game_genre_1.game_genre_2=RPG%3A&constraint.return_all=is_true) الـ PS1 ...


ولو تلاحظ ... حتى لو حطيت جميع اجهزة ننتندو فوق بعض ... ماراح يجيبوا جهاز PS واحد!!!!

وهذي أهم نقطة ضعف للنتندو ... لأن العاب الآربي جي من أكثر الألعاب طلبا ...



سوكيدون ... وغيرها .... البلاي 2 كان متفوق وبفارق على الكيوب من ناحية الآر بي جي ...
وحالياً الدي اس ماخذ نصيب كبير من الحصه ....
===
مشكور ننتندو ع الخبر , ننتظر أول وصر للعبة .... ونشوف .

مشكور على المرور ...

وبصراحة انا متعشم خير بهالخبر...

[haseo]

امممم ، اشوف في مشاريع كثيرة على الوي هالايام (&)


بصراحة جهاز يستاهل واتمنى اشوف عليه العاب اجدد واكثر >> لاني بشتريه (&)


طانقيو ( فلبينيP: ) على الخبر

[hussien-11]

زيلدا أكشن اربيجي :) ، لكن بما انه مجرى الحديث عن الاربيجي الكلاسيكي فالمسألة مختلفة شوي ..

أجهزة ننتندو فعلا ضعيفة في مجال الاربيجي ( الـ64 بالأخص ) مقارنة بأجهزة بلاي ستيشن ، لكن الكيوب حصل على كم لعبة اربيجي قوية .. باتن كايتوس 1 - 2 ، تيلز اوف سيمفونيا ، فف كريستال ، بيبر ماريو ، فاير إمبلم ، سكايز اوف اركيديا ، مجموعة لا بأس بها ( يهمني المستوى اكثر من العدد ) لكن طبعا ما يقدر يجاري البلاي ستيشن2 بهالمجال

بالنسبة للوي ، الجهاز حتى الان حصل على فاير إمبلم و فف كريستال جديدة ، في برضو لعبة مش معلنة من نامكو و بانداي بالطريق و أظن المشاريع بتزيد و الجهاز بيتفوق على الكيوب بكل شي برضو :)

أما أجهزة ننتندو المحمولة ما عليها كلام بألعاب الاربيجي :)

[KSA_BOY]

قريت الخبر قبل فترة .. فريق التطوير وخلال ألعاب وايلد أرمز الأخيرة تحديدا انخفض مستواه بشكل ملحوظ
عموما من خلال مقابلة الفريق لمح إنه اللعبة ما راح تكون وايلد ارمز جديدة من خلال تصريحهم بأنهم ما راح يعتمدوا على اسم وايلد ارمز في تحقيق نجاحات لمشاريع الجديدة ..

بالنسبة لألعاب الآر بي جي على الوي فأنا متأمل خير بصراحة , الجهاز راح تصدر عليه اسماء لها ثقل مثل فاينال فانتسي ( مع أني محبط من تجربة كريستل كرونيكلز على الكيوب ) دراغون كويست سوردز .. فاير إبلم , سوبر بيبر ماريو ( مع إنها ما تعتبر آر بي جي بشكل مباشر ) ....


برضو لعبة مش معلنة من نامكو و بانداي بالطريق

واحدة من ثنتين

- تاليز أوف جديدة ..
- باتن كايتوس ..

[FAS]

مع أني محبط من تجربة كريستل كرونيكلز على الكيوب

مشكلة الي جربوا فف كريستل انهم خذوها سنغل ,
مع انها مصممة ع اساس انها ملتي بلاير ,
جربها مع ناس معقدين غيم بوي ادفانس وكيوب ... ياخي فرق .... ونفس الشيء مع زيلدا 4 سوردز ...
المشكلة .... وين تلاقي هالناس !

[KSA_BOY]

المشكلة .... وين تلاقي هالناس !

بالضبط ..

أنا المشكلة ما كنت أعرف كيف أربط اللعبة بالأدفانس , بعدين مدري ليش الميلتي بلاير على الأدفانس ؟ .. غباء
بس أنا متفائل بجزء الوي , إن شاء الله ما يخيب ظني ...

[FAS]

أنا المشكلة ما كنت أعرف كيف أربط اللعبة بالأدفانس
واير , والسلام عليكم

بعدين مدري ليش الميلتي بلاير على الأدفانس ؟
4 لاعبين , كل واحد له خياراته , ولعبتاه .... راح تجمعهم في شاشة ؟
يمكن الدافع وراء استخدام الأدفانس كان تجاري , وهذا ما انكره , لكن أيضاً استخدام الأدفانس كان ميزة ,
كل واحد من اللاعبين عنده معلوماته في شاشة الأدفانس , ينفذ ضربته بدون لحد يشوفه , وفي نفس الوقت , تكون الشاشة مليانه حركة ومافي معلومات تسد عليك ....
هذا سبب الملتي على الأدفانس .

[hussien-11]

- باتن كايتوس ..

صعب جدا ..
السلسلة كانت مبيعاتها محبطة جدا على الكيوب و فشلت انها تكوّن قاعدة جماهيرية محترمة .. للأسف
حتى جزء الـDS تم إلغاؤه ..

على فكرة أظن هم لعبتين من نامكو بانداي مو وحدة ..

[REDFOX-ZERO]

سلام عليكم


مشكوور اخوي كنت اتمنى شي هذى يصير بس ما عندك اي افاده عن سلسله من تيلز انه تنزل على الوي او لا ....؟_؟

[hussien-11]

ما في شي رسمي حتى الان ، بس احتمال نشوف شي من فريق تيلز اوف سيمفونيا للجهاز :)