مشاهدة النسخة كاملة : نقاش حول احتماليت نجاح ال wii في الوطن العربي .
MeLeE
14-04-2007, 09:15 PM
موضوع غريب نوعا ما عند بعض الاعضاء , شو المقصود بأحتمالية نجاح ال wii في الوطن العربي ؟ وليش مش العالم ؟؟؟
طبعا الاجابه لعده اسباب ...:
1-الموضوع مش هدفه تعصب .
2-في بعض النقاط الي تجعل احتماليه نجاحه في الوطن العربي
معضم الناس او العرب يهتمون بشيء اسمه COPY لهاذا السبب نجح السوني 2 بنسبه حوالي 80% في السوق العربي , بحيث كل واحد يشتري العاب بقيمة 10 دراهم , بحين ناس تشتري لعبه كيوب بقيمة 180 درهم !!!
الحين ال Wii نزلها قطعه الكوبي بعكس اجهزه الجيل الجديد XBOX360 بعض الاعضاء ايخافون ايركبون القطعه لانه بعض القطع مايشتغل مع خاصيه Live واذا دخل وهو مركب القطعه احتماليه 99% انه جهازه يخترب اما السوني 3 فلبلو راي هو السبب الرأيسي الي ايخلي احتماليه انه ينزله كوبي ضأيله ولو نزله بيكون غالي بسبب ارتفاع سعر اقراص البلوراي ..
الاباء :
شو دور الأباء ؟ اذا اب بيروح يشتري لأبنه شريط او لعبه شو تتوقعون بياخذ ؟ اصلي ولا تقليد ؟ معضم الاباء عندهم التزامات فا مايقدر يشتري لولده 4 او 3 العاب اصليه مره وحده افضل انه ياخذ 4 العاب كوبي ..
عامل الكوبي هو الي بيمشي الجهاز في الوطن العربي + كثرة الالعاب حتى الان على الجهاز بحيث وصلت اكثر من 30 لعبه حتى الان موجوده في السوق .
لو نزله لعبه كوره مثل winning eleven على ال wii شو تتوقعون بيصير ؟؟ انا شخصيا اتوقع اتزيد مبيعاته في العالم العربي , لانه معض الشباب ايفضل العاب الكوره .
وفي دليل انه الجهاز ماشي وخاصه في الامارات (ابوظبي )
فتره نزول الجهاز كان سعره 3000 درهم , انخفض الى 1700 درهم بعدين ارتفع الى 2300 درهم
سألنا المحلات ليش ؟ ارتفع سعر الجهاز بحين السوني 3 انخفض الى 2000 درهم ؟؟ ومارتفع ؟ قالو اقبال الناس على الويي اكثر من السوني لهاذا السبب ارتفع سعر الجهاز !!!
في بعض الناس تقول ( جهاز الوي , للأطفال , كيف العب لعبه بريموت تلفزون ؟؟ جهاز فاشل !! )
احترم ارأ الي قالو هاذا الكلام :) بس انا ايهمني شخصيا المتعى ....
الموضوع عباره عن استنتاج + رأي الشخصي + بعض الحقأق فياريت الردود ماتخرج عن الموضوع ..
Testment
14-04-2007, 09:38 PM
%80 من كلامك صح لكن عن نجاح الـPS2 مب الكوبي و بس لأن كانت عنده أكبر مكتبة ألعاب لأن الـXbox نزلت عليه الكوبي لكن ما حقق النجاح الذي حققه الـPS2
و عن الباقي أنا اوافق الرأي لأنه في نسبة كبيرة من الناس تنتظر الكوبي لشراء الـPS3 لكن اعتقد بتكون صدمة لأن في احتمالية ان يكون سعر الكوبي غالي يعني 60 أو 70 درهم مب 10 دراهم كما في السابق
و الـWii الآن فيه الكوبي يعني احتمالية زيادة مبيعاته عندنا زادت %30 و خصوصاً ان جهاز تحكمه جديد يعني مش تقليدي و بتكون له ألعاب غريبة مش مألوفة
MeLeE
14-04-2007, 09:43 PM
لأن كانت عنده أكبر مكتبة ألعاب
الحين ننتندو تحاول تجمع اكبر مكتبه العاب وخاصه بوجود التحكم الجديد + العرب 70% منهم يهتمون للكوبي , فبتشوف كل اسبوع 5 العاب على الاقل :) على الويي نازله في العالم العربي .
محـ ss uae ـمد
14-04-2007, 09:51 PM
بحين السوني 3 انخفض الى 2000 درهم ؟؟ ومارتفع ؟
الجهاز اول ما نزل كان سعره خيالي اكييد ..
و لكن انا راح اتكلم عن الامريكي ..
يت فتره كان الجهاز الامريكي .. 2450 درهم
اما اللحين سعره 2600 ... و ها يعتبر ارتفاع و انه في الكثير من المحلات في مركز مدينه زايد و حامد سنتر ..
-----------------------------
و انا متاكد انه راح تنزل عليه العاب كوبي 100% ..
راح يكون نس طريقه من طرق الاكس بوكس الاول ..
انا كنت اودي الجهاز المحل و ينسخ الالعاب اللي ابغيها على الهارديسك .. _ سعر اللعبه 5 دراهم
و اللحين البي اس بي ..
ما عليه العاب كوبي شريط ..
المحل ينسخ على الميموري او تنزلها تورنت ...
و لكن المشكله ان حجم لعبه البي اس 3 فوق 20 قيقا ...
الا في حاله اخترقو البلوراي ...
---------------------
و الوي جهاز رائع و شبه متكامل ..
اليد حركه جديده و لكن فيه بعض العيوب اللي انا اعتبرها مهمة و هي غير موجوده بالجهاز ...
و لكن الجهاز اثبت وجوده بكل قوه في النكس جين ..
:kiss:
pokemon dragon
14-04-2007, 09:52 PM
والله اضن سبب نجاحها انها كثرت نزول العابها وبنزول خاصيه الوواي في بعد بسير انفجار في الشراء
اضن صح كلامك حول وينج اليفن لان له عشاق وايد :D
انشالله ابشتريها في الصيف وكمل المجموعه ds+wii
صح كلامك حول ps والنسخ هذا الي خلاني اشتريها اول طبعا:32:
انشالله تزداد عدد الشراء والاعبين
ورجاءا ممنوع التعصب :biggthump
MeLeE
14-04-2007, 10:24 PM
الجهاز اول ما نزل كان سعره خيالي اكييد ..
و لكن انا راح اتكلم عن الامريكي ..
يت فتره كان الجهاز الامريكي .. 2450 درهم
اما اللحين سعره 2600 ... و ها يعتبر ارتفاع و انه في الكثير من المحلات في مركز مدينه زايد و حامد سنتر
صح , السبب انه المحلات ايشوفون الطلب على شو ؟ يعني اذا شافو الجهاز الياباني عليه الطلب بشوفه هو الاغلى . اما انا كنت اتكلم عن الاجهزه بشكله عام , لو شفت ويي ياباني و ويي امريكي اي واحد فيهم الاغلى ؟؟؟ اكيد الامريكي لانه الطلب عليه اكثر ..
(هاذا بخصوص سبب ارتفاع الاسعار في السوق بشكل عام)
و انا متاكد انه راح تنزل عليه العاب كوبي 100% ..
راح يكون نس طريقه من طرق الاكس بوكس الاول ..
كلامك صحيح 99.99% مافي شيء اسمه مستحيل بس اتعرف شو هي المشكله ؟؟؟
خلنا نتكلم بلمنطق عن الاسعار لو نزل وشوف كيف الموضوع طويل ..
لو نفترض :
انا شركه اتبيع العاب سوني 3 كوبي , علشان انسخ العاب السوني 3 احتاج :
1-Blu-ray write
2-blu-ray disk
سعر الناسخ بي 530$ اي 1950درهم
وسعر البلوراي دسك بي حاولي 18$ اي حوالي 66 درهم (25قيقا)
اما ال 50 قيقا حوالي 44$ اي 166 درهم تقريبا
المصدر :www.amazon.com
هاذا من غير شحن الشرايط الى الامارات , قول تكلفه الشحن على المجموع 50 درهم
الحين انا علشان اعوض قيمه الناسخ + الشرايط لازم احسب سعر الناسخ + سعر الشريط واطلع منه الخسأر + الارباح , يعني انا شخصيا يمكن ابيع نسخه ال 25 قيقا بي 100 درهم < سعر مغري واذا في لعبه حجمها اكثر من 50 قيقا ببيعها بي 200 درهم ... هاذا كله علشان اعوض الخساره , انت يا مستهلك شو افضل تشتري لعبه بقيمة 100 درهم منسوخه يمكن تشتغل يمكن لا ويمكن اتصيلك مشاكل ولا تشتري لعبه اصليه بي 200 وشي ؟؟؟
اما سعر ناسخ الDVD تقريبا حوالي : 150 درهم لو كثر
و 50DVD-R بسعر 50 درهم ,
يعني تكلفه القرص الواحد درهم , لو بعته بي 10 انا ربحان 9 دراهم شوف الفرق !!
(هاذا استنتاجي ) اذا عندك رأي اخر او معلومه انا ناسنها يا ريت اتذكرني فيها ^^ وانا انتضر استنتاجك يمكن ايكون منطقي اكثر ..
وبخصوص العاب ال PSP فاهم شو قصدك , تخيل لعبه حجمها 18 قيقا اتحطها في هاردسك السوني 3 ؟؟؟؟؟؟ الي هو حوالي 60 قيقا ل 20 !! ؟ شوي صعبه , والله اعلم محد ايعرف شو الايام امخبيه ؟؟
والله اضن سبب نجاحها انها كثرت نزول العابها وبنزول خاصيه الوواي في بعد بسير انفجار في الشراء
اضن صح كلامك حول وينج اليفن لان له عشاق وايد :D
انشالله ابشتريها في الصيف وكمل المجموعه ds+wii
صح كلامك حول ps والنسخ هذا الي خلاني اشتريها اول طبعا:32:
انشالله تزداد عدد الشراء والاعبين
ورجاءا ممنوع التعصب :biggthump
في بعض الالعاب العرب ايفضلونها بس مش بشكل كبير يمكن حوالي 50% مثل
mario - zelda - metroid -super smash والكثير (هاذا سبب ثاني عند العرب )
Sanabsie
14-04-2007, 10:30 PM
المعروف في السعوديه البلايستيشن3 المرغوب اكثر
MeLeE
14-04-2007, 10:42 PM
المعروف في السعوديه البلايستيشن3 المرغوب اكثر
والله اخوي المشكله انا ماعرف السوق السعودي , بس عندي ربع كثير سعوديين , ومعضم الشباب السعودي الي اعرفهم كانو يتكلمون عن الويي وفي بعد عدد كبير كان يتكلم عن السوني 3 , بس انا اقصد بشكل عام احتماليه وليس شيء اكيد 100% لانه الجهاز نازل في السوق قبل 5 اشهر تقريبا فصعب اني انهي الموضوع او احكم ان الويي هو الي ناجح او بينجح , انا حطيت استنتاجاتي ورأي في نفس الوقت وفي ادله بسيطه بس مش اساسيه .
][-][Mr.ZeNoN][-][
14-04-2007, 11:04 PM
من رأيي مليت من رسوم التPs2 وحان الوقت لكي أنتقل لمستوى أعلى (رسوم الجيل الجديد)
إحتمالية نجاح الويي هو (رخص سعره) فسعره مغري جدا
MeLeE
14-04-2007, 11:10 PM
[-][Mr.ZeNoN][-][;5424557']من رأيي مليت من رسوم التPs2 وحان الوقت لكي أنتقل لمستوى أعلى (رسوم الجيل الجديد)
إحتمالية نجاح الويي هو (رخص سعره) فسعره مغري جدا
بخصوص رسوم السوني 2 , ترا غير عن الويي 180 درجه , لانه الجرفكس مطور شوي صح مش وايد بس في تحسن , اما بخصوص السعر فهو جيد لا بأس به , لو تبا الجرفكس الحقيقي لاتروح عند ال سوني 3 او ال 360 شوف ال PC والدليل لعبه Crysis , والعاب ثانيه بعد . اذا اتحب الجرفكس بمعناه الاصلي :) , اذا اتريد اتعرف اكثر راسلني على الخاص افضب بخصوص جرفكس البي سي .
][-][Mr.ZeNoN][-][
14-04-2007, 11:20 PM
بخصوص رسوم السوني 2 , ترا غير عن الويي 180 درجه , لانه الجرفكس مطور شوي صح مش وايد بس في تحسن , اما بخصوص السعر فهو جيد لا بأس به , لو تبا الجرفكس الحقيقي لاتروح عند ال سوني 3 او ال 360 شوف ال PC والدليل لعبه Crysis , والعاب ثانيه بعد . اذا اتحب الجرفكس بمعناه الاصلي :) , اذا اتريد اتعرف اكثر راسلني على الخاص افضب بخصوص جرفكس البي سي .
صحيح البي سي أقوى منهم
لكن يا كثر مشاكل المعالجات من حرارة وتعليق وإحتراق مذربوردات وكروت الشاشة ووووو إلخ
حتى إنه هناك مبردات مائي للمعالجات (نفس نظام اللديتر بالسيارات)
فالكنسول حل عملي مقارنة بهذه
MeLeE
14-04-2007, 11:26 PM
صحيح البي سي أقوى منهم
لكن يا كثر مشاكل المعالجات من حرارة وتعليق وإحتراق مذربوردات وكروت الشاشة ووووو إلخ
الحمدلله خبره 4 سنوات وما مريت بهاذي المشاكل الى يوم اخوي الصخير ركب الرام بلغلط وحترق شوي المذر بوردد @_@ وبعدين طلعت مشاكل .. بس :) على اقل عندك سنه ضمان :]
فالكنسول حل عملي مقارنة بهذه
شوف الكونسول يعجبني لبعض الالعاب مش كلها :) يعني انا شخصيا افضل العاب ال FPS على الكمبيوتر بس اربيجي على الكونسول كان محمول او عادي :)
Snake-87
15-04-2007, 01:37 AM
الوطن العربي والخصوص الخليج 35% او 45% يشترون الجهاز علشان شي اسمه (دوري ياباني) ^^"
THE_X_F.B.I
15-04-2007, 02:08 AM
والله يا اخوي كلامك صح ولكن انا الي اشوفه في السعوديه شيء ثاني
360 انتشرت بشكل قوي للاعبي و سوق بسبب موجود كوبي عليها وكمان دخول الاون لاين في 360 وحتى الان كثير من الشعب السعودي عنده dsl انتشرت بشكل كثير فلما يشوف صاحبه معاه 360 وداخل اون لاين ويلعب يقول اشتري الجهاز مع الدور الياباني و العب اون لاين مع اصحابي ^^ هذا هو ولكن الوي اسمحلي معضم الناس في الشعب السعودي وهذا رائي ما يشترونها بسبب الفشيله اكثرهم يقول لو انا اللعب وانط نط ويجي ابوي ولا اخوي يدخل علي يقول الحمد الله على النعمه ولكن معضم السوق السعودي الي يشترون الاجهزه اغلبهم كبار في السن ونادرا تشوف الابو و الام تشتري ولدها جهاز اصلا تعطيه الفلوس وتقول روح اشتري لووول الولد الصغير ما يشتري الي هو عاجبه لأ يشتري الجهاز الي صاحبه اشتراه :أفكر: يعني بلعربي سوق السعوديه اهم شيء الكوبي في السوق السعودي
The Ace Overlord
15-04-2007, 02:51 AM
360 انتشرت بشكل قوي للاعبي و سوق بسبب موجود كوبي عليها وكمان دخول الاون لاين في 360 وحتى الان كثير من الشعب السعودي عنده dsl انتشرت بشكل كثير فلما يشوف صاحبه معاه 360 وداخل اون لاين ويلعب يقول اشتري الجهاز مع الدور الياباني و العب اون لاين مع اصحابي ^^ هذا هو ولكن الوي اسمحلي معضم الناس في الشعب السعودي وهذا رائي ما يشترونها بسبب الفشيله اكثرهم يقول لو انا اللعب وانط نط ويجي ابوي ولا اخوي يدخل علي يقول الحمد الله على النعمه ولكن معضم السوق السعودي الي يشترون الاجهزه اغلبهم كبار في السن ونادرا تشوف الابو و الام تشتري ولدها جهاز اصلا تعطيه الفلوس وتقول روح اشتري لووول الولد الصغير ما يشتري الي هو عاجبه لأ يشتري الجهاز الي صاحبه اشتراه :أفكر: يعني بلعربي سوق السعوديه اهم شيء الكوبي في السوق السعودي
كلامك صحيح و منطبق في السعوديه بشكل كبير
فمن المعروف انك لا تشتري الجهاز الا بعد تجربته او عندما تتوفر لديك المعلومات الكافيه عنه
نجاح الوي قد يكون اقل من نجاح الجيم بوي في الوطن العربي
...
N i n t e n d o
15-04-2007, 04:20 AM
والله نجح ولا ما نجح ... ماراح تفرق معاهم (ننتندو) ...
لأن سوقنا يعتبر صفر على الشمال ...
وأتوقع أنه الشركات (سوني - مايكروسوفت - ننتندو) جالسة تدعي انه اجهزتها ماتمشي عندنا :D
لأننا من جد عالة عليهم :D
هذا السيناريو اللي يصير عندنا :
سوني جالسة تبيع أجهزتها بخسارة ... وجالسة تعوض في الألعاب ...
نقوم احنا نشتري الجهاز ... والألعاب كوبي ...
يعني خسارة لسوني ... ومكسب للهندي اللي نسخ الألعاب :D
.
.
.
القبطان فرفشلي
15-04-2007, 09:06 AM
بالنسبة للجرافكس فهي لا تختلف عن البلاي2 او الكيوب خصوصا ان العاب مثل كال اوف ديوتي 3 او مارفل التمت الاينس نسخة البلاي2 كانت اقوى من الوي بمراحل
(ننتندو ماعندها سالفة بالجرافكس للاسف)
لكني اتوقع نجاحها بقوة وخصوصا الدي اس
فمثلا الادفانس باع بشكل كبير بالوطن العربي رغم عدم اصدارة رسمي
لكن من ناحية الوي راح ينجح لكن مب زي الادفانس لان العرب معتادين على شيء اسمه بلايستيشن
لكن الدي اس راح يشوف النور بلا شك
وشكرا ميلي على موضوعك الجميل والرائع :)
رأيي أن جهاز الوي تكملة لجهاز الجيم كيوب - ماعندك أحد.
إمكانيات و مواصفات عالية - بينما الألعاب تجيب المرض
kingx11
15-04-2007, 12:09 PM
اخر جهاز لننتندو وصل المرتبه الاولى فالعالم العربي n64 من بعدها السوني ماخذ الصداره
حاليآ السوني2 ماخذ الصداره وينافسه xbox360 اللي بيتم تدشينه رسميآ هاشهر في دبي ولاحقآ فالسعوديه ودول خليجيه مجاوره
الووي محد ماخذه بجديه اغلب اللي ياخذونه عشاق ننتندو فالوطن العربي
احتمال نجاحه او احتلال الصداره عندنا اعتقد ضعيفه جدآ
وعلى كل حال السوق العربي يسوى 5% من السوق العالمي للألعاب وننتندو بالتحديد اللي 65% من عشاقها فاليابان وحدها
dj_bo0oy
15-04-2007, 12:27 PM
جهاز مافي وينق اليفين ولا لعبة سيارات محترمه عمره مابينجح في العالم العربي
haseo
15-04-2007, 01:00 PM
أأيدك ميلي
الكوبي تقريبا نص نجاح الجاهز فيه :D
والدليل انه ما في اقبال كبير على الـDS والـPSP في الوطن العربي
لان العابها غالية (&)
اللي بيكون سبب نجاح الوي هو سعره الرخيص + الكوبي
ما عندي اي كلام اضيفه (:
تقريباً كلامك صح حول الويي , توفر الكوبي ورخص سعر الجهاز اسباب مهمة لدى الوالدين خصوصاً لما يكون اللاعب " طالب " ما عنده مصدر دخل شخصي .
ولكن فيما يخص البلاي 2 , لأ ,
هو صحيح الكوبي رفع من مبيعاته في آسياً , خصوصاً وانه كان يخرب وتظطر تشتري واحد غيره ,
لكن أيضاً مجموعة الألعاب الكبيرة عليه ميزته , خصوصاً وانها تدعم اللغات الآسيويه ( وهذا يفتقر له الاكس بوكس الأول )
===
بس ان جيت للحق , الناس يفضلون ال360 والبلاي 3 عليه , لكن بسبب ارتفاع سعر البلاي 3 قل التوجه له ...
يعني كلها شوية شهور , ونشوف الصورة .
MeLeE
15-04-2007, 10:20 PM
الوطن العربي والخصوص الخليج 35% او 45% يشترون الجهاز علشان شي اسمه (دوري ياباني) ^^"
كلامك صحيح 100% انا سمعت انه واحد اشترى 360 يوم سمع نزله دوري ياباني !! ؟ تخيل لو نزل الحين دوري ياباني او واحد شبيه على الووي ؟؟ والتحكم كان جيد هل سوف يلاقي اقبال في العالم العربي ؟؟؟؟
360 انتشرت بشكل قوي للاعبي و سوق بسبب موجود كوبي عليها وكمان دخول الاون لاين في 360 وحتى الان كثير من الشعب السعودي عنده dsl انتشرت بشكل كثير فلما يشوف صاحبه معاه 360 وداخل اون لاين ويلعب يقول اشتري الجهاز مع الدور الياباني و العب اون لاين مع اصحابي
كلامك عطاني تقطتين مهمتين ^_^
النقطه الاولى , انتشار ال 360 في السوق العربي او السعودي , لانه خو الجهاز الوحيد القوي كان في السوق وتم لمده عام تقريبا من غير منافسه فشيء طبيعي اي شخص مل من الجيل القديم ايريد اي غير + وجود الاونلاين وانتشار ال DSL هاذا يعطي دافع الشخص انه يتجه الى الاونلاين وخاصه الشباب الجدد في هاذا المجال ..
النقطه الثانيه انا ذكرتها قبل وهي الكوبي , انت قلت الكوبي كان عامل من عوامل انتشاء ال 360 , لهاذا السبب انا قلت في موضوعي احتماليه النجاح بتكون بسبب الكوبي ( الى الان مافي عيوب كثيرا )
اسمحلي معضم الناس في الشعب السعودي وهذا رائي ما يشترونها بسبب الفشيله اكثرهم يقول لو انا اللعب وانط نط ويجي ابوي ولا اخوي يدخل علي يقول الحمد الله على النعمه ولكن معضم السوق السعودي الي يشترون الاجهزه اغلبهم كبار
كلامك صحيح وانا معاك , بس سؤال ؟ هل كل الالعاب لازم تنط ؟ اعرف انه رأيك بس يمكن تتقبل رأي بعد ^_^ , عندك زيلدا يوم ابوك او اخوك ايشوفك تحرك ايدك ولينك يحرك ايده يمكن يستغرب ؟ ايقول ماشاء الله الحين الشخصيه اتسوي مثلك ؟ بكره يمكن ايدخلونك في اللعبه , عندك العاب مافيها تنطيط مثل ما ذكرت , اللعبه الي ممكن تقول تفشل هي Wario !! هاذي لعبه من الالعاب الي لعبتها . سونيك كانت عاديه والكثير بعد لو اتحب بذكرلك ^+^ ...
يعني بلعربي سوق السعوديه اهم شيء الكوبي في السوق السعودي
بيني وبينك اوفر !!!
نجاح الوي قد يكون اقل من نجاح الجيم بوي في الوطن العربي
الفرق بين الويي والجيم بوي هو , الوي داخل البيت ف من الصعب انك تمشي في الشارع وتشوف واحد يلعب ويي !! ؟؟ بس عادي وانت رايح الجمعيه او اي مكان اتشوف ولد صغير او كبير يلعب GAMEBOY لانه جهاز محمول ومتنقل اي حد يقدر يحمله لأي مكان وفي اي وقت بعكس الويي الي يحتاج اشياء كثيره !!
والله نجح ولا ما نجح ... ماراح تفرق معاهم (ننتندو) ...
لأن سوقنا يعتبر صفر على الشمال ...
وأتوقع أنه الشركات (سوني - مايكروسوفت - ننتندو) جالسة تدعي انه اجهزتها ماتمشي عندنا :D
لأننا من جد عالة عليهم :D
هذا السيناريو اللي يصير عندنا :
سوني جالسة تبيع أجهزتها بخسارة ... وجالسة تعوض في الألعاب ...
نقوم احنا نشتري الجهاز ... والألعاب كوبي ...
يعني خسارة لسوني ... ومكسب للهندي اللي نسخ الألعاب
بيني وبينك ننتندو اتعرف انه نحن موجودين في العالم ؟؟
بالنسبة للجرافكس فهي لا تختلف عن البلاي2 او الكيوب خصوصا ان العاب مثل كال اوف ديوتي 3 او مارفل التمت الاينس نسخة البلاي2 كانت اقوى من الوي بمراحل
(ننتندو ماعندها سالفة بالجرافكس للاسف)
لا تعليق !!!! لو شرحتلك 205006679796605050 مره بعدك مابتفهم للأسف !_!
لكني اتوقع نجاحها بقوة وخصوصا الدي اس
فمثلا الادفانس باع بشكل كبير بالوطن العربي رغم عدم اصدارة رسمي
لكن من ناحية الوي راح ينجح لكن مب زي الادفانس لان العرب معتادين على شيء اسمه بلايستيشن
لكن الدي اس راح يشوف النور بلا شك
وشكرا ميلي على موضوعك الجميل والرائع :)
__________________
سبحان الله وبحمده سبحان الله العظيم
:)
اخوي كلامك غريب ؟ ماله صله في الموضوع ....
رأيي أن جهاز الوي تكملة لجهاز الجيم كيوب
كل جهاز ايكمل الثاني , عندك السوني 3 تكمله للجهاز الناجح سوني 2 , اما 360 تكمله من الجهاز الي فشل XBOX والحين تقدر اتقول ناجح في السوق ..
الووي محد ماخذه بجديه اغلب اللي ياخذونه عشاق ننتندو فالوطن العربي
احتمال نجاحه او احتلال الصداره عندنا اعتقد ضعيفه جدآ
اذا كنت تقصد ال قيم كيوب فكلامك 80% صح لانه محد كان ياخذه بسبب الالعاب الاصليه وقلتها في السوق بخلاف السوني 2 , الحين الويي عنده حوالي 35 لعبه من بدايه اصداره , وفي السابق العاب الاكشن والرعب كانت قليله الحين عندك لعبه اكشن محد يتوقع انها على الوي وهي Project hammer + مثل ما قلت الكوبي :) ..
ولا لعبة سيارات محترمه عمره مابينجح في العالم العربي
need for speed carbon نازل الحين والكثير في المستقبل يمكن !!! ؟؟
لان العابها غالية (&)
لوول حياك http://www.montada.com/showthread.php?t=525266
الله ايخلي ال m3 o R4 ^_^
لكن أيضاً مجموعة الألعاب الكبيرة عليه ميزته , خصوصاً وانها تدعم اللغات الآسيويه ( وهذا يفتقر له الاكس بوكس الأول )
لاحضت الووي تاخذ مكتبه العاب حصريه وخاصه بوجود التحكم الجديد ..
hamad_007
16-04-2007, 12:48 AM
والله ما أعرف شو أقول بالنسبة للوي .
بعكس اجهزه الجيل الجديد XBOX360 بعض الاعضاء ايخافون ايركبون القطعه لانه بعض القطع مايشتغل مع خاصيه Live واذا دخل وهو مركب القطعه احتماليه 99% انه جهازه يخترب
بس حبيت أصحح هالمعلومة
هالكلام كان أيام المودشيب ( القطعة )
اما الحين شي تعديل الفريم وير ( برنامج ) و صار من الصعب ان مايكروسوفت تكشف الي داخلين بأجهزة معدلة و اصلا لين يومك هذا محد كشفته مايكروسوفت .
و حتى لو كشفتهم الجهاز ما بيخترب
كل الي بسوونه هو بلوك للIP و بعدين ما يصير تدخل اللايف أبدا .
بس الجهاز ما يخترب ولا شي .
MeLeE
16-04-2007, 01:58 AM
بس حبيت أصحح هالمعلومة
هالكلام كان أيام المودشيب ( القطعة )
اما الحين شي تعديل الفريم وير ( برنامج ) و صار من الصعب ان مايكروسوفت تكشف الي داخلين بأجهزة معدلة و اصلا لين يومك هذا محد كشفته مايكروسوفت .
و حتى لو كشفتهم الجهاز ما بيخترب
اشكرك اخوي على هاذي المعلومه , لو انا كنت مكانهم مثلا ,, اللعبه الي بدخل فيها لايف بشتريها اصليه واللعبه الي ماتوقع اني العبها لايف مابخذها اصليه (انا ماعندي 360) بس هاذي فكره للي خايفين فقط وزين انه ماشيه من غير مشاكل :) بس وايد ايخافون ؟؟
كل الي بسوونه هو بلوك للIP و بعدين ما يصير تدخل اللايف أبدا
هاذا شي منطقي ؟ لاني كنت اشوف بعض الردود في قسم الاكسبوكس اتقول انه جهاز اربيعي اخترب والي قال تسكر وراح عليه !!! وانا نقلت مثل ما سمعت والله اعلم منو الي صح ومنو الي غلط ؟؟
hamad_007
16-04-2007, 01:41 PM
اشكرك اخوي على هاذي المعلومه , لو انا كنت مكانهم مثلا ,, اللعبه الي بدخل فيها لايف بشتريها اصليه واللعبه الي ماتوقع اني العبها لايف مابخذها اصليه (انا ماعندي 360) بس هاذي فكره للي خايفين فقط وزين انه ماشيه من غير مشاكل :) بس وايد ايخافون ؟؟
لووووول
شي طبيعي
تخيل واحد موصل الجيمر سكور ماله ل100 ألف
و عقب سوو له بلوك
شو يكون الشعور ؟؟؟؟؟:( :( :(
هاذا شي منطقي ؟ لاني كنت اشوف بعض الردود في قسم الاكسبوكس اتقول انه جهاز اربيعي اخترب والي قال تسكر وراح عليه !!! وانا نقلت مثل ما سمعت والله اعلم منو الي صح ومنو الي غلط ؟؟
والله اخوي انا الي أعرفه ان على أيام الاكس بوكس الأول
الناس الي تكشفهم مايكروسوفت بس تسوي لهم بلوك .
اما الحين في ال360
محد كشفته مايكروسوفت
القبطان فرفشلي
16-04-2007, 02:50 PM
لووووول
شي طبيعي
تخيل واحد موصل الجيمر سكور ماله ل100 ألف
و عقب سوو له بلوك
شو يكون الشعور ؟؟؟؟؟:( :( :(
الاكاونت او عضويتك في الايف تتخزن في الهاردسك
وتقدر تشيل الهاردسك اذا خرب الجهاز وتحطه في جهاز جديد :biggthump
hussien-11
16-04-2007, 04:52 PM
المشكلة
ما في فايدة كبيرة من نجاح الجهاز من عدمه في الوطن العربي
كم نسبة الأشخاص الي بيشتروا ألعاب أصلية عندنا ؟
نسبة قليلة جدا
MeLeE
16-04-2007, 05:48 PM
المشكلة
ما في فايدة كبيرة من نجاح الجهاز من عدمه في الوطن العربي
كم نسبة الأشخاص الي بيشتروا ألعاب أصلية عندنا ؟
نسبة قليلة جدا
ماتعرف انه نزل لل wii كوبي ؟؟؟؟؟ @_@ ؟؟
hussien-11
16-04-2007, 07:13 PM
ماتعرف انه نزل لل wii كوبي ؟؟؟؟؟ @_@ ؟؟
ما فهمت ردي
الي أقوله انو الكوبي هو سبب عدم أهمية نجاح الجهاز عندنا لأنه الألعاب الي تنباع معظمها كوبي فما تجيب ربح للشركات
و بالتالي بتضل منطقتنا من ضمن المناطق اللي ما فيها اهتمام من الشركات ... إلا فيما ندر ..
لاحضت الووي تاخذ مكتبه العاب حصريه وخاصه بوجود التحكم الجديد ..
صح لكن ما زالت العناوين الرنانه ما تتناسب مع الحصرية ...
يعني ننتظر عناوين قوية تدعم التحكم ,
وننتظر أول لعبة قوية من ننتندو تدعم التحكم بشكل كلي 100% واتوقع ان ميترويد هي البداية ....
طالب_مفلس
18-04-2007, 01:23 PM
في رأيي البلاي ستيشن 1 و 2 نجحت لسببين :
1- الكوبي
2- العاب كرة القدم ( ويننج الفن تحديدا ) خصوصا بالنسبة للكبار شوي ( في العشرينات او الثلاثينات) ...
في ناس كثيره اشترو البلاي ستيشن بس عشان ويننج الفن !!!
و بعد في شي اسمه الولاء للمنتج ...
كثير ناس من الصغار او الكبار ما عرفو االفيديو جيمز الا من خلال البلاي ستيشن و يخافو يغيرو ...او ما يحبو يغيرو
في رأيي الوي لو راح تنجح في العالم العربي راح تنجح مع الصغار في السن ( تحت 20 سنة ) لان اللي فوق هالعمر عندهم انطباع عن شركة العاب ننتندو انها للاطفال فقط و طبعا ننتندو ما راح تسوي حملات اعلامية في عالمنا العربي عشان تغير هالشي :D
و في رأيي شركات الالعاب مخطئة في تجاهل السوق العربي و الخليجي تحديدا..
لدينا هنا ( في الخليج ) حوالي 30 مليون نسمة مع مستوى دخل و قدرة شرائية عالية ...
لو ركزو شوي هنا ممكن يربحو اكثر من كثير من الدول الاوربية ...
كثير ناس من الصغار او الكبار ما عرفو االفيديو جيمز الا من خلال البلاي ستيشن
سيغا وننتندو وين راحوا ؟
على أيام سونيك وسوبر ماريو وورلد ....
hussien-11
19-04-2007, 03:18 PM
في رأيي البلاي ستيشن 1 و 2 نجحت لسببين :
1- الكوبي
2- العاب كرة القدم ( ويننج الفن تحديدا ) خصوصا بالنسبة للكبار شوي ( في العشرينات او الثلاثينات) ...
في ناس كثيره اشترو البلاي ستيشن بس عشان ويننج الفن !!!
و بعد في شي اسمه الولاء للمنتج ...
كثير ناس من الصغار او الكبار ما عرفو االفيديو جيمز الا من خلال البلاي ستيشن و يخافو يغيرو ...او ما يحبو يغيرو
في رأيي الوي لو راح تنجح في العالم العربي راح تنجح مع الصغار في السن ( تحت 20 سنة ) لان اللي فوق هالعمر عندهم انطباع عن شركة العاب ننتندو انها للاطفال فقط و طبعا ننتندو ما راح تسوي حملات اعلامية في عالمنا العربي عشان تغير هالشي :D
و في رأيي شركات الالعاب مخطئة في تجاهل السوق العربي و الخليجي تحديدا..
لدينا هنا ( في الخليج ) حوالي 30 مليون نسمة مع مستوى دخل و قدرة شرائية عالية ...
لو ركزو شوي هنا ممكن يربحو اكثر من كثير من الدول الاوربية ...
أخوي مع احترامي لك و لكن رأيك فيه كثير أشياء مغلوطة ..
الوي حاليا بالفعل أكثر الأجهزة مبيعا في جميع أنحاء العالم ( و أعتقد المنطقة الخليجية منها ، أو على الأقل يبيع فيها بشكل جيد جدا ) و طبعا ملاك الجهاز أغلبهم شباب
ننتندو توجهها القادم هو توفير جميع أنواع الألعاب على جهازها ، و يكفي انو روكستار الي ما سوت شي لننتندو أيام الكيوب بتجهز للوي 3 ألعاب حاليا معلن منهم عن لعبة وحدة و هي مانهونت 2
كل اللي شافوا عروض للوي عندي اندهشوا بشكل كبير من الكنترولر و قرروا شراء الجهاز ، و للعلم كلهم تقريبا كبار في العمر ..
انت مستخف كثير في الوي .. مادري اذا تتابع اخبار المبيعات أو لا لكن أنصحك بهالشي بقوة لأنك بتستغرب يوم ما تشوف كيف الجهاز مسيطر على أسواق قوة دخلها و عدد سكانها أكبر من الخليج بمراحل شاسعة ..
و النسبة للسوق الخليجي .. انا ايش يهمني بعدد سكانه ، كم واحد منهم يدعم الألعاب الأصلية ؟ ألف مثلا ؟ ألفين ؟
رقم قد يعتبر ( تافه ) بالنسبة للي تبيعه الألعاب الأصلية بشكل قوي خلال أسبوع واحد فقط في دولة مثل اليابان .. لهيك السوق الخليجي بشكل خاص و العربي بشكل عام تقدر تقول عنه ( فاشل ) بالنسبة لشركات الألعاب دام انها أسواق أساسا مبنية على القرصنة .
MeLeE
19-04-2007, 07:21 PM
سيغا وننتندو وين راحوا ؟
على أيام سونيك وسوبر ماريو وورلد ....
على قولت واحد من الشباب , لو تسأل شايب عن ماريو بيقولك اعرفه فكيف ايقول للاطفال , لوول توني كنت العب بيبرماريو ...
انت مستخف كثير في الوي
والله يخي الصراحه انقهر يوم استخف بشيء واخر شيء اشوفه هو في المراكز الاولى في الفيديو قيمز او الحياه اليوميه , اتحس بلقهر لووول .
scaryface
19-04-2007, 08:18 PM
اخوي Melee
اشكرك على الموضوع
سمعة ان الهارد ديسك مال البلاي 3 يدعم فقط Fat32
يعني ماتروم ادخل اكتر من 4 جيجا للملف الواحد
وتعرف ان الالعاب مساحتهم كبيرة
فاحتمالية HDloader صعبة شوي
MeLeE
19-04-2007, 08:29 PM
اخوي Melee
اشكرك على الموضوع
سمعة ان الهارد ديسك مال البلاي 3 يدعم فقط Fat32
يعني ماتروم ادخل اكتر من 4 جيجا للملف الواحد
وتعرف ان الالعاب مساحتهم كبيرة
فاحتمالية HDloader صعبة شوي
كلامك غريب شوي بس فهمت شو تقصد , انه احتماليه نزول العاب على الهارديسك شيء صعب , بس بيني وبينك انتضر الهكر هم بيلعبون في الموضوع .
HELAS
19-04-2007, 11:14 PM
يعطيكم العافيه على هالموضوع...
انا ماني متعصب على اي جهاز وانا ماني متخلف لهدرجه...انا الحمدلله عندي كل الاجهزه ماعدى السوني 3 وانشالله قريب واشتريها ...اشتريها لما تنزل العاب وايد عليها ولما يطلع مستواها اللي انا انتظره ...
وجهاز الwii جهازي حده روعه بكل ما تعنيه الكلمه والله....انا احترم شركه الننتيندو من ايام الصغر..وهالشركه جباره ..رائعه..حلوه حلوه حلوه...وانا من محبين هالشركه..وهم احب المايكروسوفت..وحبيبتي السوني ..وما ننكر انه السوني اهيا افضل شركه للاكترونيات بالعالم:)
واكيد السوني مو سهله ...
ومشكورين حبايبي على هالموضوع
MeLeE
20-04-2007, 12:09 AM
يعطيكم العافيه على هالموضوع...
انا ماني متعصب على اي جهاز وانا ماني متخلف لهدرجه...انا الحمدلله عندي كل الاجهزه ماعدى السوني 3 وانشالله قريب واشتريها ...اشتريها لما تنزل العاب وايد عليها ولما يطلع مستواها اللي انا انتظره ...
وجهاز الwii جهازي حده روعه بكل ما تعنيه الكلمه والله....انا احترم شركه الننتيندو من ايام الصغر..وهالشركه جباره ..رائعه..حلوه حلوه حلوه...وانا من محبين هالشركه..وهم احب المايكروسوفت..وحبيبتي السوني ..وما ننكر انه السوني اهيا افضل شركه للاكترونيات بالعالم:)
واكيد السوني مو سهله ...
ومشكورين حبايبي على هالموضوع
انا اوافق الرأي انه سوني 3 بعد ماتنزله العاب حلوه عليه ممكن الواحد يشتريه بغض النضر اذا كانت الالعاب موجوده على جهاز ثاني , مثلا انا ليش ماشتريت 360 اعرف انه في العاب حصريه الها بس تقدر اتقول 60% العابها موجوده على الكمبيوتر 20% العاب موجوده على سوني 3 و 20% حصريه (هاذي الاحصائيه مثال ) فلهاذا السبب انا ماهتم بلحصريه , عندك الويي او (ننتندو) الها العاب مستحيل اتشوفها على جهاز ثاني الى في حاله خساره الشركه خساره فادحه مثلSEGA , سيقا اعتبرها من افضل الشركات من ناحيه تصنيع الاجهزه والها العاب حلوه ...
germany luver
20-04-2007, 11:12 AM
الصراحه انا من الناس الي لما عرفت انه ويننج ايلفن نزلت على xbox360
اشتريته على طول وكمان لما عرفت انك تقدر تلعب لايف واون لاين وتتحدى الجميع
وايضا وجود العاب الار بي جي الكلاسيك
وثاني شئ الصراحه الشئ الوحيد الي يعجبني بالوي ي وجود سونيك ووجود العاب بكثره لشركة سيجا
لاني من عشاق السيجا والدريم الكاست الله يرحم ايامهم
MeLeE
20-04-2007, 12:09 PM
وثاني شئ الصراحه الشئ الوحيد الي يعجبني بالوي ي وجود سونيك ووجود العاب بكثره لشركة سيجا
لاني من عشاق السيجا والدريم الكاست الله يرحم ايامهم
طلعت مثلي ^^ , SEGA الحين صارت اتبدع في الويي , ما ننسى انه في العاب حصريه لل 360 بس العاب الوي الها طابع ثاني ..
جميع حقوق برمجة vBulletin محفوظة ©2025 ,لدى مؤسسة Jelsoft المحدودة.
جميع المواضيع و المشاركات المطروحة من الاعضاء لا تعبر بالضرورة عن رأي أصحاب شبكة المنتدى .