في أمريكا كمبيوتر صوتي غير خطتي الشهرية في 5 دقايق ، أما هنا لازم تقعد سنة

[VaSh ThE sTaMpEdE]

بسم الله الرحمن الرحيم


ملاحظة : سامحوني إذا لقيتوا إخطاء إملائية بس لوحة المفاتيح ما فيها عربي.



السلام عليكم ورحمة الله وبركاته ، كيف الحال إخواني ؟ نخش بالموضوع :)

ياما وياما نسمع الشكاوي الموجهة لقطاع العمل الحكومة أو الاتصالات في السعودية ( أنا مدري عن الدول العربية الثانية ) . أتذكر في السعودية يوم دقيت على الاتصلات قعدوا يمكن 10 مرات يحولوني لين لقيت واحد عاقل أكلمه .

خلني أقولكم وش صارلي أمس

عاد حاليا أنا طالب ساكن في أمريكا ( بس برجع في شهرين :D ، أخيرا! ) . المهم أنا مشترك مع شركة جوال cingular اذا أحد منكم يعرفها . أول ما اشتركت كنت ماخذ خطة شهر 50 دولار ، بعدين شفت إنه ماله داعي لأني ما أستخدم الجوال كثير ، فقلت خلني أحوي لأبو 20 دولار في الشهر .
كلمت الفرع الي شريته منه الجوال ، عطاني رقم وقال اذا تحتاج أي شيء دق هنا .

عاد يوم دقيت على الرقم تخليوا وش صار ؟ مب تقعد نص ساعة لين واحد يرفع السماعة ، مب يرد عليك واحد تعرف من صوته إنه ماله خلق يعيش . رد على جهاز كمبيوتر :) ( بصوت بنت :09: ).
وبصراحة طريقة حلوة مرة من الشركة ، الكمبيوتر يسألني بصوت واضح ( طبعا هو مو كبميوتر يتكلم ، هو مقاطع مسجلة ) عن الأشياء الي أبيها ، وأقدر إني أضغط الرقم عشان أختار خيار أو أتكلم ، يعني أقوله Monthly plan , yes, 20 dollars ، إلخ ...

زبدة الموضوع أنا مب هنا عشان أقولهم قصة حياتي مع شركة الجوال ، بس أبي أبين لكم الفرق بينا وبينهم . عندنا إهمال زايد بزيادة . وأنا مب بس أتكلم عن شركة الاتصلات ، أتكلم عن بعض القطاع إذا ما كان كله . أنا يوم رحت أطلع أحوال ، ثلاث مرات روحة وجية لأنهم ما عطوني معلومات كافية للتسجيل.

والنقطة الثانية هي شوفو التطور الي هم فيه ، حتى النت عندهم هنا رخيص وطيارة ، أما في السعودية تاخذ دايل آب ، ومدري يمكن ال DSL سريع ، بس أنا أستخدم orbit sat net ، وبصراحة بطيء جدا بالمقارنة هنا . بالذات من ناحية السعر .

سؤالي الأول : ليش حنا كذا في المعاملة ؟

سؤالي الثانية : ليش حنا لسى من دول عالم الثالث ويوجد التخلف ؟

السؤال الأول ما عرف إجابته ، بس السؤال الثاني ، أنا أقولكم ليش

بلا محد عنده نية أو طموح ، النية هي سر النجاح . هالأيام الواحد طموح يطلع سيارة ، يتزوج ، يلاقيله شغل يكفيه ، وبس .

بس هذا النية والطموح كيف ننشئها ؟ حل نحث الطلاب في المدرسة عليها ؟ ولا الأهل يلعبون هالدور ؟ ولا كيف ؟

شكرا.....والسلام :)

[عاشق 360]

سؤالي الأول : ليش حنا كذا في المعاملة ؟

سؤالي الثانية : ليش حنا لسى من دول عالم الثالث ويوجد التخلف ؟

السؤال الأول ما عرف إجابته ، بس السؤال الثاني ، أنا أقولكم ليش

بلا محد عنده نية أو طموح ، النية هي سر النجاح . هالأيام الواحد طموح يطلع سيارة ، يتزوج ، يلاقيله شغل يكفيه ، وبس .

بس هذا النية والطموح كيف ننشئها ؟ حل نحث الطلاب في المدرسة عليها ؟ ولا الأهل يلعبون هالدور ؟ ولا كيف ؟

شكرا.....والسلام :)

بقول رايي

السؤال الاول الشركات ماهم الا الربح صدقني لو العرب يقاطعون الشركات بتشوف كلالشركات تتطور

اما بالنسبه للسؤال الاثني فجوابه بسيط: احنا عرررررب انا اعتبر الدول العربيه من دول العالم الرابع (( الي كانها لايوجد بها كهرباء ولا شي )) صدقني بس ينقطع عن الخليج النفط بتلاقي الناس يعيشون على النخل ويمكن حتى الماء مابيلاقونه

[che]

هذا طريقة قديمة جدا
عندا في الامارات موجودة في أتصالات وحتى للستفسار عن المخالفات المرور
وهناك شركات خاصة و بنوك مسوية هذا الخدمة

[VaSh ThE sTaMpEdE]

أخي عاشق 360 :
حتى لو العرب ما قاطعوا الشركات ، وش هذا الإهمال من الشركات نفسها ، زي ما قلت انت همها المال ، ما هما الجودة أو التطور ، للأسف :(

حنا العرب كنا من أعلم وأقوى الناس في الماضي ، ويمدينا نسوي هالشيء ، بس حاليا كل واحد عجاز يتحرك ، ولحد عنده طموح أو نية .

زي ما قلت انت ، بعد النفط بنروح في هلاك .

أخي Che
هي مو قصة اذا الخدمة موجودة ولا لأ ، يمكن انتم في الإمارات عندكم هالخدم. :)

طبعا بفرح لو كانت هذي الخدمة موجودة في السعودية ، بس السالفة مب كذا ، السالفة عن التخلف التطوري والجهل العلمي . كنا رؤساء العالم في العصر الذهبي أما الحين مدري وش فينا .

شكرا...والسلام :)

[RICH BOY]

منو قال في الامارات عندنا هذي الخدمة ؟؟

انا صارت لي مشكلة بالانترنت الي المزود الرئيسي لها الاتصالات
اتصلت مااحد يرد صح في كمبيوتر بس لما يحولني للموظف مايرد .واتصل عشرين مرة في اليوم ومايردون .دائما مشغولين مشغولين الكمبيوتر يقولي .
صح اسعار الانترنت عندنا عالية
وللاسف هذا هو حال الدول العربية المتخلفة .نحن لسنا من العالم الثالث فقط بل من الرابع والخامس
حتى الان في مدارسنا يستخدمون الطباشير التي من العصور الوسطى
والمستشفيات اعمارها فوق 80 سنة !.
تحياتي لك واتمنى لك الاستمتاع في امريكا قبل ان ترد لبلد التخلف

[LooreenA]

السلام عليكم^^"


رد على جهاز كمبيوتر :) ( بصوت بنت :09: ).

ههههه :09: هذا الجهاز اعتقد موجود في اماكن محدودة اغلبها دول الخليج
لذلك حرام نعمم قدم الأجهزة والمعاملة الرديئة في كل الدول العربية
لكن الحق يقال انه معظم الشركات لديها ادراة سيئة للغاية في تلقي المكالمات وهذا عن تجربة -.-
موفق اخوي في دراستك وترجع من امريكا ومعك الجهاز :09:

[VaSh ThE sTaMpEdE]

أخي RICH BOY ( الولد الغني :D ) :


وللاسف هذا هو حال الدول العربية المتخلفة .نحن لسنا من العالم الثالث فقط بل من الرابع والخامس

والله واحد من العيال قال نفس هالكلام



تحياتي لك واتمنى لك الاستمتاع في امريكا قبل ان ترد لبلد التخلف

شيء يحزن أنا المناطق العربية أصبحت مناطق التخلف . بس من واجبي كمواطن أحاول أطور بلدي وشعبي ، وهذا ناوي أسويه بإذن الله :)


أختي LooReenA :

لذلك حرام نعمم قدم الأجهزة والمعاملة الرديئة في كل الدول العربية
معكي حق في هذه النقطة
بس الي يقهر هو المعاملة السيئة ، لين متى بيقعد هالحال ؟ :31:

شكرا...والسلام

[moneeeb]

بسم الله الرحمن الرحيم



ملاحظة : سامحوني إذا لقيتوا إخطاء إملائية بس لوحة المفاتيح ما فيها عربي.






ههههههههههههههههه عندى نفس المعاناة:biggthump
مخى برمج الحروف الانجليزية عربى, مادرى كيف سبحان الله
غالباً بسبب عبقريتى و الله اعلم:09:


المهم.....
ترا توجد سلبيات كثيرة للكمبيوتر الصوتى.... و نسبة عالية جدا فى الدول المتقدمةً تفضل التحدث مع انسان.
فى الشركات الكبيرة يتفاخرون ان خدمتهم يوجد بها انسان يرد على المكالمات


احنا العرب توجد عندنا خطة طويلة المدى و عارفين ان الكمبيوتر الصوتى تكنلوجيا فاشلة, فلذلك اختصرنا المشوار و صداع الرأس و وقاية من التبذير:biggthump و ايضاً تعاطفاً مع الناس اللى عندها لدغة و يصعب على الكمبيوتر فهم كلامهم:09: فى النهاية نحن ما يحتاج اننا نمر بمراحل التطور , شختك بختك ماشية معنا اخر حلاوة:biggthump و هذة وحدة جات فى صالحنا:kiss:

فى امان الله

[VaSh ThE sTaMpEdE]

ههههههههه رد ظريف ويخبر بالحقيقة :)
مشكور

[Sparta Ghost]

VaSh ThE sTaMpEdE ما شاء الله عليك خطه ام 20 دولار تكفيك .
انا خطه 50 على السنجلر ويالله تمشي لنص الشهر . كنسلته و حولت على التي موبيل خليته فاتوره . :p

و ترى على سالفه المتحدث الاآلي و اضراره تقدر تختار من تبغى تكلم رد آلي لو كائن بشري متحدث :D . ما يفرق عندي

ياخي ان شاء الله تتطور الخدمات عندنا بالسعوديه المشكله مو بس في شركات الاتصال تقريبا في كل الدواير الحكوميه .

[VaSh ThE sTaMpEdE]

و ترى على سالفه المتحدث الاآلي و اضراره تقدر تختار من تبغى تكلم رد آلي لو كائن بشري متحدث :D

لا أنا أفضل الجهاز لأني أرتاح معه أكثر :D

بالنسبة للتطور في خدميات دولتنا الكريمة والله مدري عنه . حالتا يائسة للأسف :02:

[wael_yemen]

هذا الموضوع مخصص لي هههههههه صار لي سنة اشتغل موظف استقبال وأرد على المكالمات بمعدل 200 مكالمة يوميا....للحين 60 ألف مكالمة:biggthump

بس اجاني الجنان صرت أهلوس :D
الشركة شركة شحن جزائرية الناس تتصل من الجزائر عشان تشوف أخبار حاوياتها....والاتصال طبعا مكلف لأنه دولي:o
وفي أشهر يكون الشغل فيها جامد وتلاقي التلفون يرن 5 خطوطك مرة وحدة وكلهم يبون نفس الشخص عشان يكلموه:02:
شوف أنت كيف بعدين كيف التعصيب وفي منهم مرة واحد سبني سب:09:
قال لي أنت مجنون:p
قلت له أنا مش مجنون:biggthump....أنت تبي محمد ومحمد مشغول يتكلم بالتلفون اتصله ببعد شوية:12:
ومرة واحد اتصل جالس يسب بالشركة زعلان لأنه حاويته فيها مشكلة.....أول ما قلنا ألو ....قال هذه شركة الحيوان....هذه شركة المدري أيش :D
سويت نفسي ما أفهم جزائري أقوله تكلم عربي يا أخي ما أفهم عليك وهو يسب ويشتم:D
المهم تعاملنا أنه ما ندري وش السالفة:biggthump
نسكر الخط:biggthump....صح أنه غلط :p ...بس ما فيها فايدة تجلس تتسابب مع الزبون فأحسن شي تسوي نفسك ولا بالطبخة:D
المهم الشغلانة هذه تعلم الواحد الصبر لأنك تتعامل مع زبائن وفي منهم كثير يعصبوا بحكم أنهم أغلبهم مو متعلمين بمعنى آخر قرويين....يعني تلاقي الواحد منهم ذولا الجزائريين يدخل الشركة هني بدبي وكندورة وسخة وهو مليونير

المهم قصة انه الكمبيوتر يرد هذه تمشي هنا في بعض الشركات ولكن في شركات ثانية ما تمشي معاها....مثلا أرامكس بدبي مسوية نظام الكمبيوتر.....شركتنا لأ مو مسوية هذا النظام ....على الرغم أنه بينجح في حالة وحدة أنه الكمبيوتر يرد ويكون للزبون طلب التحويلة للشخص اللي يبيه بالضغط على رقم التحويلة.....أما يقعد الكمبيوتر يتكلم ويبربر كثير فأعتقد الزبائن بيطفشوا لأنه أغلبهم اتصال دولي:)

[VaSh ThE sTaMpEdE]

ههههه ظحكتني wael_yemen يلعن إبليسك :D

يا جماعة انتم فاهمني غلط جدا جدا ، أنا مو هدفي أقولكم إنه في أمريكا عندهم تكنولوجيا وحنا لا ( مع إنهم مطورين ألف مرة أكثر منا ) ، أنا بس أقولكم إنه الشغل من يوم ما بدا وهو على نفس ، بالصعوبة تشوف تقدم .

وصح ناس يقولون ياخي لازم خطوات صغيرة ولا على قولة الأمريكان Baby Steps ، بس حنا ما شفنا هالخطوات أبد إلا قليل جدا بدرجة إنها ما تعتبر خطوات ولكن ملزومات .


المهم الشغلانة هذه تعلم الواحد الصبر لأنك تتعامل مع زبائن وفي منهم كثير يعصبوا بحكم أنهم أغلبهم مو متعلمين بمعنى آخر قرويين....يعني
وايه هذا المشكلة الثانية ، الناس لازم يتبادلون الاحترام ويفهمون ظروف الشركة ، وفي نفس الوقت لازم الشركة تقدم أحسن خدمة لزباينها

سلام