physiotherapy وسمين !!

[adelpt]

بسم الله الرحمن الرحيم

أولاً اشكر اخوي VaSh ThE sTaMpEdE (http://www.montada.com/member.php?find=lastposter&t=530026) على حرصة واهتمامه في الاعضاء :)

ثانياً

اعرفك على نفسي ( اخوكم عادل اخصائي علاج طبيعي ) كنت في احد الايام مع احد اصحابي وكنت اسولف مع واحد توني ماعرفه سألني قال لي انت وش تشتغل ( قلت اخصائي علاج الطبيعي ) قال غريبة انا الي اعرف ان الاخصائين يكونون اجسامهم معضلة او مشدودة على الاقل مو سمين مثلك

بعدها جاني حالة إحباط رهيبه :(

حطيتها في بالي هالكلمة ( وعزمت اني لازم اخفف من وزني )

دخلت النادي .....

وزني قبل النادي ( اي قبل ثلاثة اشهر من كتباتي للموضوع هذا )

76 كيلو طولي 176 ( بتقولون وزنك مع طولك ياسلام ) بس انا اقولكم لا :( لان كل من شافني

قال لي : يادب يا بو كرش يا يا يا الخ << كل انواع الكلام التهزئي جاني :footinmouth:

والحمد لله دخلنا النادي ....

طيب كيف كان جدولك يا عادل ...

كان يطويلني الاعمار ......

30 دقيقة على السير ( جري خفيف تقريبا 4 كيلو متر يزيد او ينقص على حسب المزاج )
15 دقيقة على السيكل ( fat burn حرق دهون )
صالة الحديد ( عضلتين في اليوم )

طيب بتقولون وش بنستفيد من جدولك ... انا اقولك اني انا الي ماستفدت

صحيح biceps and triceps and press تغيرت ..... بس برضوه فيه ترهلات في الترايسبس والصدر كمان اما الباي بسم الله ماشاء الله مافيها ترهلات ....

طيب نرجع للوزن ( هل تغير ) اقولكم لا :(

سألت الكابتن وكلمته قلت له اني ماتغير وزني بس ملابسي اتسعت علي يعني الملابس القديمه مالبسهن لانهن صارت وسيعه بالمره علي :(

رد علي وقال ( لانك انت نزلت الشحوم وزدت عضل !! :boggled: )

طيب بتقولون اكلك ياعادل موش صحي يمكن فيها دهون اقولك والله العظيم لي ثلاثة شهور

ماكلت لا الفاست فود ... ولا المشروبات الغازية .... ولا الرز وطقته ..... واي شي دهني بالعكس جتني مثل فقدان الشهية :( ..... من قل ماكل :(

بس انا من نفسي ابتكرت فكره وقلت بجرب ......

غيرت جدولي بالكامل ( يوميا ) ...

15 دقيقة على السير ( جري متوسط الى سريع ) تقريبا 4 كيلو ( 450 كالوري )
10 دقايق سيكل ( fat burn )
45 دقيقة aerobic exercise ( تمارين سويدية او مايسمى باللياقه )
حديد ( عضلة وحده )
30 دقيقة سباحة

نزلت ( 3 كيلو ) والله انقهرت وربي لا اكل ولا شي انقهرت وفي الاخير بس ثلاثة كيلو :( لاني اشووف الافخاذ ماتغيرت هي هي كما هي :(

( معلومه عن المقايس )

وزني الان بعد 3 شهور من دخولي للنادي 73 كيلو ..... طولي 176 سم ....

الخصر ( 32 انش )
الفخذ ( 23 انش )
المؤخره ( 38 انش )
اسفل البطن (32.5 انش )
البطن ( 31 انش )

ياليت تساعدوني كيف اوصل لجسم متناسق + مابيه يكون معضل ابدا ابدا ابيه يكون مثل اجسام السباحين و عارضي الازياء

شكرا للجميع على قرأتهم للموضوع

تحياتي للجميع :)

[VaSh ThE sTaMpEdE]

السلام عليكم :)

أهلا وسهلا بك أخي عادل adelpt في قسم ال GYM وأنا والأعضاء بنحاول نساعدك بأقدر قدر ممكن :).

تسلم على الكلام الطيب وأهم شيء استفادة الأعضاء الغالين . :)

والله موضوعك حلو مرتب وملون :D

نبدا...

أفهم من موضوعك يالحبيب إنه هدفك الأول نقص الوزن وبالأصح إنقاص كمية الدهون .
قبل ما أتكلم خلني أقولك إذا الشيء زاد عن حده قلب ضده .

وزنك كان 76 كيلو وبعد ثلاث شهور من الشعب صار 73 = -3 كيلو.

يا عادل أنا والله ما ودي أتفسلف وأطلع كلام من عندي بأعطيك المعلومات الي عرفتها من الأشياء الي قريتها والناس الي سألتهم ، ولا تنسى إنه كل جسم يختلف عن الآخر. :)

بالنسبة للترهلات ، تراك توك 3 شهور ، الحديد يبيله صبر ;) . عط نفسك 6 شهور وبعدين شف ، بس لازم تشد حيلك في الحديد . أنا لي سنة ألعب حديد بس في ترهلات في الترايسب.

أهم شيء في تغذيتك ، لا تجوع نفسك ، هذا أكب خطأ يطيحون فيه الناس .
لما تجوع جسمك الmotablism ( قوة استهلاك الغذاء ) بيصير بطيء . وهذا شيء سيء. بيصير أي شيء يسمن .

والله باين عليك إنك عازم مرة ، وعاجبتني هالعزيمة ، أنا معك طول الطريق ;)

وجدولك الثاني كم لك تسويه ؟ لأن شكلك ما سويته كل الثلاث شهور. وتراك نزلت 3 كيلو ، افرح لا تزعل ، حتى لو سويت خطأ بتتعلم منه وبتستفيد في المستقبل :) .


والله انقهرت وربي لا اكل ولا شي انقهرت وفي الاخير بس ثلاثة كيلو يمكن هذي هي المشكلة انت تقعد تجوع نفسك وعشان كذا الMotablism بطيء.

طبعا لإنقاص الوزن ، الواحد يهدف إلى استهلاك كمية أقل من الكمية المطلوبة للجسم ، مثلا لو الشخص يحتاج 3000 سعرة حرارية في اليوم ، يصير ياكل 2500 سعرة حرارية في اليوم .
بس في ناس كثير هالأيام ( الي يلعبون حديد والي ما يلعبون ) يقولون هذا الشيء مب زين لأنك تجوع نفسك ومرة ثانية نرجع لبطء الmotablism .

أحسن شيء إنك تاكل أكل صحي ، ولما أقول صحي ، ركز على كاربوهيدرات مقعدة وبروتين ، ولا تزيد في الكمية كثير ، لأن أي زايد يتحول لدهون وهذا ما نبيه.
وانبته من السكرات والأغذية الي مكتوب فيه fat free ، لأن تكون فيها نسبة السكرات عالية والسكريات سهل تتحول لدهون .

وأنا بعد بديت برنامج شخصي لإنقاص كمية الوزن وبديته من يوم الاثنين الماضي :
الجزء التمريني :
يبدا قبل المدرسة .
تمرينات بطن + ضغط صدر + Pull ups . هذا زين إلا تبي جسم مشدود
بعدين أطلع برة جري لمدة 20 أو 30 دقيقة . أول ما بديت الجرى ( وكان قبل أسابيع مب من هالاثنين ) كان صعب مرة ، ما كان يمديني أجري أكثر من دقيقتين بعدين أتعب ، فكان نظامي أجري دقيقتين وأريح دقيقتين ، وكل يوم حاولت أزيد ، لين صرت أقدر أجرى 15 دقيقة مرة واحدة .

الجزء الغذائي :
خليت نظامي الغذائي low-fat يعني قليل في كمية الدهون ، وركزت على الكاربوهيدرات والبروتين .
مثلا في المدرسة ، في الغذا يقدمون بيتزا وبطاطس وبرجر وإلخ ( هذا كلها زيت وتسمن كثير ) فحولت لل chicken salad ، يالي هي سلطة دجاج :D .
وطبعا مالي إلا 3 أيام حاليا فما شفت نتايج ، بس بعد أسبوعين أو شهر إن شاء الله أشوف التغير

سامحني يا عادل والله حاولت أساعدك بقدر المستطاع :)

شكرا...والسلام

[vocial]

أظنه أخوي مشكلتك أنك ما تاكل أبدا ^^

حاول تحط لك نظام غذائي معين ....


مثل 30 % بروتين + 20 % دهون + 50 % كربوهيدرات

هذا ممتاز لزيادة الوزن العضلي و تقليل الدهن ...

لا تخاف من كمية الدهن و الكربوهيدرات ... كلها راح تنحرق و تستهلك في العضلات ^^

بس ممكن تطلعنا على جدول الحديد حقك بشكل أكبر ؟

و شكرا ^^

[adelpt]

back بعد معناة يومأ حافل مع مريض الله لا يوريكم :09:

بالاول

اشكر اخوي VaSh ThE sTaMpEdE
والشكر موصول لأخوي vocial

.......

ثانيا ( بمخمخ على ردودكم :blackeye: )

بسم الله الرحمن الرحيم


نبداء برد اخوي VaSh ThE sTaMpEdE


أفهم من موضوعك يالحبيب إنه هدفك الأول نقص الوزن وبالأصح إنقاص كمية الدهون .
قبل ما أتكلم خلني أقولك إذا الشيء زاد عن حده قلب ضده .


امممم صحيح يمكن تقريبا اول اهدافي هو انقاص وزني حتى اوصل للــ 65 كيلو


بالنسبة للترهلات ، تراك توك 3 شهور ، الحديد يبيله صبر ;) . عط نفسك 6 شهور وبعدين شف ، بس لازم تشد حيلك في الحديد . أنا لي سنة ألعب حديد بس في ترهلات في الترايسب.


ان شاء الله نصبر ونشوف ان شاء الله ....


أهم شيء في تغذيتك ، لا تجوع نفسك ، هذا أكب خطأ يطيحون فيه الناس .
لما تجوع جسمك الmotablism ( قوة استهلاك الغذاء ) بيصير بطيء . وهذا شيء سيء. بيصير أي شيء يسمن .

معلومة جيده :33: وابشرك طبقتها من اليوم وان شاء الله طوال الفترة في النادي راح اطبقها



وجدولك الثاني كم لك تسويه ؟ لأن شكلك ما سويته كل الثلاث شهور. وتراك نزلت 3 كيلو ، افرح لا تزعل ، حتى لو سويت خطأ بتتعلم منه وبتستفيد في المستقبل :)


ماشاء الله عليك عليك نور يابعدي .... الجدول طبقتها لي اسبوعين بس اقول لنفسي اني سويت انجاز بصراحة :)


اما من ناحية نظامي في الاكل اقولها لكم :)

فترة الصباح

( الساعه 6.30 صباحا ايام الاسبوع من السبت الى الاربعاء )

خبز توست بر + جبن أبيض + ملعقة عسل + عصير برتقال طازج

( الساعه 9.30 صباحا )

بسكويت او قطعة كيك + عصير او حليب " قليل الدسم "

فترة الغداء

( تبداء من الساعه 12 الى 1.30 مساءاً )

سلطة كبيرة خضراء ( خس , طماطم , خيار )
صدر دجاج مشوي ( فوقها جبن قليل الدسم + مشروم )
ماء

ارجع للبيت تقريبا الساعه 3 العصر

النادي يكون ( من الساعه 4.30 مساءاً الى الساعه 6 مساءاً )

بعدها اكون تافلن العافية مره اكل لي اي شي خفيف اهم شي اني احس بنشاط مره ثانية

فترة العشاء

( تبداء من 8.30 الى 10 مساءاً )

هنا المشكلة مادري وش اكل والله احس اني اتعذب في فترة العشاء احاول ادور لي اي شي
بعض الاحيان ارجع واكل لي فواكة ( موزة + برتقالة + عنب )
بعض الاحيان اكل لي ( خبز توست بر + فول سوداني + عسل + عصير تفاح اخضر )
بعض الاحيان انام بدون ماكل ( لانك هنا في السعودية ياتاكل دسم والا ارقد احسن لك :09: )

وهذا هو جدولي اليومي في الاكل

سؤالي لك اخوي VaSh ThE sTaMpEdE

انا قريت في احد المواضيع او الردود علشان تطلع شكل العضلة لازم تنشف الدهون او تزيل طبقة الدهون من فوق العضلة

طيب السؤال هو ....

كيف ؟؟ هل يكفي النظام الغذائي .... او نظام غذائي متزن مع تمارين ؟؟؟
اقصد بالتمارين ( السويدية + التريد ميل ؟؟ )


وطلب صغير ( ياليت تعطني جدولك في الاكل !! )

شكرا اخوي VaSh ThE sTaMpEdE


.....................

اخوي vocial



مثل 30 % بروتين + 20 % دهون + 50 % كربوهيدرات



المشكلة وانا اخوك .... لمن تقراء محتويات الاكل او المعلبات مادري هل هي صحيحة مية المية او لا هذا اولا ........

ثانيا اغلب مطاعمنا في السعودية ( كلها ) fast food يعني :( مافيه امل تلاقي فيها المكونات الي قلتها الا الدهون بشكل كبير :(

طيب ياليت تعطيني جدولك في الاكل انت كمان !!



بس ممكن تطلعنا على جدول الحديد حقك بشكل أكبر ؟



ولو هذا اقل حاجة اسويه :)

اول مادخلت النادي كان ( عضلتين )

السبت = صدر وتراي
الاحد = كتف وباي
الاثنين = ظهر وتراي
الثلاثاء = ارجل وافخاذ وتراي

وهكذا يرجع نعيد الجدول مره ثانيه ( مع العلم ماكان يركز لي على السواعد نهايئا :( )

اما بعد ماغيرت جدولي الاول ( فصار عضلة وحده )

السبت = صدر " خمس تمارين جامدة اوزان جديدة تقريبا "

الاحد = ظهر " خمس تمارين جامدة اوزان جديدة "

الاثنين = اكتاف --- ترابيز --- سواعد " خمس تمارين جامدة للاكتاف وتمرينين للترابيز وتمرينين للسواعد "

الثلاثاء = باي وتراي " كل واحد وله خمس تمارين "

الاربعاء = ارجل وافخاذ " خمس تمارين "

الخميس = راحة ( بس انا ماخذ راحة تقريبا ادخل التمارين السويدية كالعادة والسباحة والسير والسيكل )

الجمعة = راحة ( بس اخذ سباحة وجاكوزي و اطلع )

هذا هو جدولي

معليش على الاطالة :)

تحياتي للجميع

[VaSh ThE sTaMpEdE]

أوكي النظام الثاني ابدا طبقه
ويوم شفت نظامك الغذائي باين عليك إنك كنت تجوع نفسك .

ونعم عشان تظهر العضلة لازم تزيل طبقة الدهون أو تقللها . يعني كل ما قلت الدهون كل ما بانت العضلة أكثر . وهذا يتم باتحاد اللياقة مع نظامي غذائي ممتاز .
المشكلة هي ما نبيك انت تنقش عضل ، نبيك تنقص دهون فقط .
اذا واحد يبي يبني عضل لازم ياكل كثير . بس مدام انت هدفك الحالي نقص كمية الدهون ، أنصحك تاخذ whey protein بعد التمرين مباشرة بس .

والله يالحبيب أنا نظامي الغذائي مب يمشي على كيفي داي ، لأني ساكن ما عايلة مستضيفة في أمريكا .
عموما :
الصبح الساعة 7:10 بعد التمارين الصباحية واللياقة :
دايم آخذ خبزين توست مع مربى . وكوبين حليب أو شاي مع حليب + حبة فيتامين ( أنصحك تاخذ حبة فيتامين ) . أو مرات آخذ سيريال (كورن فليكس ) . أنصحك فيك لأنه زين . اشتر واحد واقرا ال nutrition facts وركز على واحد تكون كمية الدهون والسكريات فيه قليلة وكمية الكاربوهيدرات المقعدة كثيرة ، وما عليك من البروتين لأنه معظم الأحيان السيريال مو مخصص يعطيك بروتين . أهم شيء إني أكون شبعان.

الساعة 10:30 آخذلي تصبيرة snack صغيرة ، حاولي 100 أو 120 كالوري . أهم شيء يكون المنتج قليل في كمية الدهون .

الساعة 1:03 يجي الغداء ( تونا في المدرسة ) . آخذلي سلطة دجاج chiken salad بس ما أحط عليها الصلصلة dressing لأنها معظمها دهون fat ، وهذا أنا الي ما أبيه .

الساعة 5:30 يجي العشاء ، وعاد هنا آكل أي شيء العايلة ( عايلة مستضيفة ) يسوونه ، لأني ما أمون عليهم فما أقدر أقولهم أبي كذا وكذا .

بعدين الساعة 8 أو 9 بالليل أسوي تصبيرة صغيرة أو snack ، خبز مع جبن أو شيء زي كذا . + كوبين حليب ( أنا أموت على الحليب ) .

للمعلومة جدولك السابق في الحديد كان مضر جدا لعضلة الترايسب لأنك كنت تمرنها باستمرار .

سلام :)

[adelpt]

معليش على التأخير :)

ومشكور الف الف الف اخوي VaSh

من جد استفدت منك

وابشرك اللهم لك الحمد ولك الشكر ... الكرش وتقريبا الان 90 % شلناها .... الافخاذ وشدة الحين بس باقي اصعب منطقة " المؤخره " لكن ان شاء الله في الطريق بأذن الله

شكرا الف الف الف شكر VaSh

[VaSh ThE sTaMpEdE]

العفو أخوي وأهم شيء إنك استفدت :)