أسئلة لمجربي أو خبراء الإكس بوكس 360

[أبو البراء]

السلام عليكم ورحمة الله وبركاته...

قريت موضوع الإستفسارات الرسمي ولكن بقى كم سؤال إما أنها غير واضحة في الموضوع أو أنه لم يتطرق لها وهي:

7
7
7
7
أعطوني رابط أو موضوع لإمكانيات ومميزات الإكس بوكس 360.


أنا عمري ما اشتريت غير أجهزة البلايستيشن فهل يوجد اختلاف كبير بين الجهازين من حيث التحكم؟

أنا ما أعرف شيء عن الإكس بوكس فهل أقدر أخزن الألعاب في الجهاز؟ وكم لعبة بالتقريب؟

تنصحوني أنتظر انخفاض سعر البي إس ثري وإلا أشتري الإكس بوكس؟وهل هناك اختلاف كبير بينهما؟ وأيهما أفضل؟

أهم شيء شركة ويننج إليفين هل بتصدر أشرطتها على الإكس بوكس؟ أو إن فيه شركات أخرى لأشرطة الكورة سواء أفضل أو أقل متعة فما هي؟(لأن بصراحة أفضل شي عندي الكوووورة :D )

كم عدد اللاعبين المسموح هم باللعب في أي لعبة؟ يعني لاعب وإلا اثنين وإلا ثلاثة وإلا أربعة؟

اش أقوى الألعاب التي صدرت حاليا وموجودة في الأسواق؟ خصوصا ما كان قد صدر له أجزاء مسبقا على PS2؟وما هي الألعاب القوية المنتظرة أيضا خصوصا ما قد سبق صدور مثيله على الـ PS2؟

مدة اللعب فيه من دون تسخين أو خراب كم ساعة؟ مثلا الـ PS2 كنت أخليه يومين ما عنده أي مشكلة:p ...

أسعار قطع الغيار مرتفعة وإلا لا؟

إمكانية اللعب أون لاين هل هي متوفرة وممكن وسهلة؟

تنزيل الألعاب من الانترنت ممكن وإلا لا؟ وهل مباشرة عن طريق الجهاز في التنزيل وإلا لا؟

هل هو شبيه لحد كبير في أشرطته مع البي إس ثري؟

أي معلومة ، نصيحة هات عادي ما أقول لا :D


واعذروني طولت الأسئلة بس اللي تعرفه جاوب واللي ما تعرفه أو مالك خلق تجاوبه خله على اللي بعدك:09: ومشكوووووووووورين مقدما...

[Mr.Xbox]

وعليكم السلام ورحمه الله وبركاته

تستطيع الاستفسار هناك اذا لم تجد ماتريده في موضوع الاستفسارات .. فهو مخصص للأسئله اصلاً ^^

على العموم بجاوب اسئلتك (( اللي اقدر عليهم ))


أنا عمري ما اشتريت غير أجهزة البلايستيشن فهل يوجد اختلاف كبير بين الجهازين من حيث التحكم؟


في اختلاف .. بس مو كبير .. بالنسبه لي تعودت على التحكم بسرعه ^^


أنا ما أعرف شيء عن الإكس بوكس فهل أقدر أخزن الألعاب في الجهاز؟ وكم لعبة بالتقريب؟


تقدر تخزن العاب في الجهاز (( اذا كان عندك هارد ديسك .. لو تبي هارد ديسك اشتري العلبه البيضه لأن الخضره مافيها )) .. وعلى حسب حجم التخزين .. على فكره انا اقصد تخازين التوصيل بالالعاب وليس اللعبه الكامله لأنك لاتستطيع تخزين الالعاب الكامله


تنصحوني أنتظر انخفاض سعر البي إس ثري وإلا أشتري الإكس بوكس؟وهل هناك اختلاف كبير بينهما؟ وأيهما أفضل؟


على راحتك .. الجهاز اللي تحبه والالعاب الي تحبها عليه اخذه


أهم شيء شركة ويننج إليفين هل بتصدر أشرطتها على الإكس بوكس؟ أو إن فيه شركات أخرى لأشرطة الكورة سواء أفضل أو أقل متعة فما هي؟(لأن بصراحة أفضل شي عندي الكوووورة )


في كم لعبه كوره على الجهاز .. لكن انا مو من معجبين هالنوع من الالعاب علشان جذي ما اتابعهم .. انتظر جواب واحد ثاني يهتم بالكوره افضل ^^


كم عدد اللاعبين المسموح هم باللعب في أي لعبة؟ يعني لاعب وإلا اثنين وإلا ثلاثة وإلا أربعة؟


على حسب اللعبه ..


اش أقوى الألعاب التي صدرت حاليا وموجودة في الأسواق؟ خصوصا ما كان قد صدر له أجزاء مسبقا على PS2؟وما هي الألعاب القوية المنتظرة أيضا خصوصا ما قد سبق صدور مثيله على الـ PS2؟


اقوى لعبه حالياً هي Gears Of War .. وفي غيرها كثير حلوه مثل Oblivion و Ghost Recon 2 و Rainbow Six : Vigas و في غيرهم بعد ..


مدة اللعب فيه من دون تسخين أو خراب كم ساعة؟ مثلا الـ PS2 كنت أخليه يومين ما عنده أي مشكلة ...


مافي وقت محدد .. بس مايكروسوفت تنصح بانك تطفيه كل 6 ساعات لمده ساعه او نص ساعه


أسعار قطع الغيار مرتفعة وإلا لا؟


على حسب القطعه اللي تبيها ونصب المحلات ..


تنزيل الألعاب من الانترنت ممكن وإلا لا؟ وهل مباشرة عن طريق الجهاز في التنزيل وإلا لا؟

ممكن لو كنت تلعب على الكوبي .. عن طريق الجهاز تقدر تنزل العاب آركيد بس ..


هل هو شبيه لحد كبير في أشرطته مع البي إس ثري؟


في العاب مشتركه بينهم .. وفي العاب مختلفه بعد ..

اتمنى اني افدتك ^^

[الشهري9]

1.اختلاف كثير من تحكم البلايستيشن 3

2. الكس بوكس القديم بس تقدر تخزن فيه

3.اشتر xbox360 ونت مغمض عينك وتصميم افضل PS3

4.فيه شركة ويننج إليفين على الكس بوكس

5.الربع لاعبين

6. لعبة اسمها gears of war والعبة المنتظرة Forza Motorsport 2 (http://www.gamespot.com/xbox360/driving/forzamotorsport2/index.html)بتنزل في 15 مايو

7. الربع ساعة بالكثير واذا معك مراوح 7 ساعة

8. اذا بتشتري الجهاز لازم يكون معه ضمان عشان اذا اخترب توديه للمحل وصلحه

9.أون لاين لزم يكون معك الشتراك

10. يمكنك تنزيل الاعاب ديمو ومباشر عن طريق الجهاز

11. شبيه بالشرطة معى ps3

12. اذا بتشتري الجهاز اشتر امريكي

[أبو البراء]

يعطيكم الف ألف عافية على التفاعل السريع :)

طيب باقي كم توضيح من خلال أجوبتكم بحكم إني ما أدري اش سالفة هالجهاز وزمان كنت أشغل الـ ps2 عشان الكورة أو الأشرطة التاريخية :p


طيب: بخصوص التتخزين أقدر أخزن لعبة من حيث مكان ما وصلت في التختيم يعني مثل ما كنا على الـ ps2 نستخدم المومري كارد :D وكيف الطريقة وإذا مجتاجة قطعة فكم سعرها بالتقريب؟
واش المقصود بـ:التوصيل بالالعاب ؟
أنا من مفضلي الألعاب التاريخية والمغامرات والرعب والكورة بشكل كبير فهل الإكس بوكس يحقق لي هالرغبة؟
أسعار ألعابه الأصلية والكوبي -إن وجد- كم تقريبا؟
"العاب آركيد" <<< اش هي ذي؟
"اشتر xbox360 ونت مغمض عينك وتصميم افضل PS3" ما فهمتك؟
بخصوص شركة الويننج إليفين فهل صدر جزءها على الإكس بوكس وإلا باقي؟ ومتى راح يصدر لو ما صدر؟ وهل بقية الأجزاء من المتوقع أن تصدر على الإكس بوكس؟
الألعاب اللي قلتوا أسماءها اش أنواعها؟(سيارات-مغامرات-أطفال-رعب...إلخ)وخصوصا:gears of war .
المراوح تجي مع الجهاز وإلا لازم اشتريها؟ وكم سعرها لو لازم أشتريها؟(تقريبا بالدولار أو الريال)
من وين أسوي اشتراك الأون لاين؟
سمعت الأمريكي لازم أشرطة أصلية وأنا عمري ما اشتريت أصلي كل شغلي كوبي فهل أفضل لي الكوبي؟؟
شاااااااااااكر لكم جميعا...

[أبو البراء]

وأضيف أيضا ولو ثقلت عليكم اعذروني:) بس فيه كم لعبة أبي أسألكم هل متوقع صدورها على الإكس بوكس وهي:
ميتل جير - Dynasty warriors 6 - مورتال كومبات - درايفير - جراند ثيفت أوتو - تيكين - ريسدينت إيفيل-سماك داون - نيد فور سبيد...(اعذروني بس في الإنجليزي ما عندي سالفة :p وأعتقد كلها أشرطة غنية عن التعريف)

هل تتوقعون صدورها على الجهاز؟؟


ووالله ما أعرف اش أقول لكم ثقلت عليكم بكثرة الأسئلة:blackeye:

[hamad_007]

يعطيكم الف ألف عافية على التفاعل السريع :)

طيب باقي كم توضيح من خلال أجوبتكم بحكم إني ما أدري اش سالفة هالجهاز وزمان كنت أشغل الـ ps2 عشان الكورة أو الأشرطة التاريخية :p

طيب: بخصوص التتخزين أقدر أخزن لعبة من حيث مكان ما وصلت في التختيم يعني مثل ما كنا على الـ ps2 نستخدم المومري كارد :D وكيف الطريقة وإذا مجتاجة قطعة فكم سعرها بالتقريب؟
تقدر اما بالميموري كارد ماعرف كم سعره أو بالهارديسك و اصلا الاكس بوكس العلبة البيضا فيها هارديسك سعة 20 جيجا .
واش المقصود بـ:التوصيل بالالعاب ؟
أنا من مفضلي الألعاب التاريخية والمغامرات والرعب والكورة بشكل كبير فهل الإكس بوكس يحقق لي هالرغبة؟
أعتقد نعم شوف هالرابط :
http://www.gamespot.com/games.html?type=games&platform=1029&tag=subnav;all
أسعار ألعابه الأصلية والكوبي -إن وجد- كم تقريبا؟
الاصلي ب200 و الكوبي موجود و عندنا نحن فالامارات ب25 .
"العاب آركيد" <<< اش هي ذي؟
والله انا أعرف ألعاب الأركيد بس ما أعرف تعريفها :D
تقدر تقول ألعاب صغيرة يعني .
"اشتر xbox360 ونت مغمض عينك وتصميم افضل PS3" ما فهمتك؟
الاكس بوكس يعرض جرافيكس اقوى من البلاي ستيشن3 .
بخصوص شركة الويننج إليفين فهل صدر جزءها على الإكس بوكس وإلا باقي؟ ومتى راح يصدر لو ما صدر؟ وهل بقية الأجزاء من المتوقع أن تصدر على الإكس بوكس؟
صدر
شوف هالرابط :
http://www.gamespot.com/xbox360/sports/winningeleven10/index.html
الألعاب اللي قلتوا أسماءها اش أنواعها؟(سيارات-مغامرات-أطفال-رعب...إلخ)وخصوصا:gears of war .
جيرز اوف وور لعبة شوتر
انت شوف الرابط الي عطيتك اياه و ادخل على اللعبة الي تباها و شوف نوعها
المراوح تجي مع الجهاز وإلا لازم اشتريها؟ وكم سعرها لو لازم أشتريها؟(تقريبا بالدولار أو الريال)
لا لازم انت تشتريها
مع ان الاكس ما يحتاج مراوح
انا واحد من ربعي يشغل الاكس 20 ساعة و ما يصير شي
لكن مع المرواح تقدر تشغله وقت غير محدد
حتى لو أكثر عن 24 ساعة عادي
سعر المراوح اظني 70 أو 80 ريال .
من وين أسوي اشتراك الأون لاين؟
تسويها في بيتك :)
المطلوب اشتراك دي اس ال
و بالنسبة لطريقة التسجيل
لو اشتريت الجهاز خبرني عشان أعطيك رابط لمقطع فيديو يشرح طريقة التسجيل .
سمعت الأمريكي لازم أشرطة أصلية وأنا عمري ما اشتريت أصلي كل شغلي كوبي فهل أفضل لي الكوبي؟؟
أنا جهازي أمريكي و ركبت له البرنامج الي يشغل الكوبي و الكوبي شغال 100% و الأونلاين بعد شغال بدون مشاكل .
شاااااااااااكر لكم جميعا...
وأضيف أيضا ولو ثقلت عليكم اعذروني:) بس فيه كم لعبة أبي أسألكم هل متوقع صدورها على الإكس بوكس وهي:
ميتل جير - Dynasty warriors 6 - مورتال كومبات - درايفير - جراند ثيفت أوتو - تيكين - ريسدينت إيفيل-سماك داون - نيد فور سبيد...(اعذروني بس في الإنجليزي ما عندي سالفة :p وأعتقد كلها أشرطة غنية عن التعريف)

هل تتوقعون صدورها على الجهاز؟؟

ميتل جير حصرية على البلاي ستيشن3
في اشاعات عن صدورها للاكس بس ما أتوقع يصير هالشي
واللعبة الثانية مادري
و الثالثة مادري
و درايفر بتنزل على الاكس
و جراند بتنزل و مع تحديثات حصرية ( يعني عقب ما تختم اللعبة تقدر تنزل أشياء جديدة يعني سيارات و مهمات و أماكن جديدة ........الخ )
تيكن في اشاعات انها بتنزل على الاكس لكنها حتى هاللحظة فقط للبلاي ستيشن3
رزدينت ايفل و سماك داون و نيد فور سبيد كلهم بنزلون على الاكس
ووالله ما أعرف اش أقول لكم ثقلت عليكم بكثرة الأسئلة:blackeye:
عادي افا عليك بس




شوف هالموضوع :
http://www.montada.com/showthread.php?t=403436
موضوع يفيدك عشان تعرف كل صغيرة و كبيرة عن الاكس
و فيه مميزات جديد للاكس مثلا تقدر تنزل أفلام كاملة بالانجليزي طبعا ( بفلوس )
و تقدر تشوف القنوات مالت التلفزيون
و تقدر تنزل الديمو ( يعني تجرب لعبة بعدها ما نزلت ) ببلاش
و تنزل عروض الالعاب و غيرها و غيرها و كلها ببلاش .
مميزات لا تعد ولا تحصى .

و حياك الله في أي وقت و اذا عندك أي استفسار اسأل .;)

[Mr.Xbox]

Dynasty warriors 6 - مورتال كومبات - درايفير - جراند ثيفت أوتو - ريسدينت إيفيل-سماك داون - نيد فور سبيد

نيد فور سبيد سبق و نزل لها جزئين على الـ360 .. سماك داون نزلت .. جراند ثيفت اوتو وريزيدنت ايفل وداينستي واريورز بينزلون على الـ360 .. درايفر ومورتال كومبات والله ما ادري مو متأكد عن صدورهم


ميتل جير - تيكين

في احتمال ضعيف جداً بصدورهم على الـ360


طيب: بخصوص التتخزين أقدر أخزن لعبة من حيث مكان ما وصلت في التختيم يعني مثل ما كنا على الـ ps2 نستخدم المومري كارد وكيف الطريقة وإذا مجتاجة قطعة فكم سعرها بالتقريب؟

اي تقدر تخزن في الجهاز لانه يوجد هارد ديسك .. ولو تبي تستخدم ميموري في ميموري تقدر تشتريها (( لكن انصحك بأستخدام الهارد ديسك الموجود بالجهاز واللي تقدر تفصله متى ما تبي ^^ ))


واش المقصود بـ:التوصيل بالالعاب ؟

ههه شلون يعني .. ؟ لو قصدك عن اللي كتبته فانا قصدي تكمل باللعبه وتخزن علشان مايضيع عليك اللي وصلته


أنا من مفضلي الألعاب التاريخية والمغامرات والرعب والكورة بشكل كبير فهل الإكس بوكس يحقق لي هالرغبة؟

اي في العاب من هالانواع على الـ360 وستصدر بعد العاب من هالانواع على الجهاز


أسعار ألعابه الأصلية والكوبي -إن وجد- كم تقريبا؟

الاصلي تقريباً 250 او 230 ريال (( على ما اعتقد بالنسبه لأسعارنا بالكويت )) والكوبي على حسب المحلات لأنه للحين الكوبي ما استقر على الجهاز كثير


"العاب آركيد" <<< اش هي ذي؟

هي العاب صغيره ممتعه .. معظمها العاب نزلت سابقاً على اجهزه قديمه مثل لعبه كاسلفانيا اللي نزلت على البي اس 1 والعاب غيرهم من مختلف الاجهزه القديمه .. وفي العاب تكون جديده ولكنها صغيره ولا تحتمل اصدارها كلعبه في الاسواق فيصدرونها للتحميل على الاكس بوكس لايف من خلال سعر بسيط


بخصوص شركة الويننج إليفين فهل صدر جزءها على الإكس بوكس وإلا باقي؟ ومتى راح يصدر لو ما صدر؟ وهل بقية الأجزاء من المتوقع أن تصدر على الإكس بوكس؟

اعتقد انها نزلت .. مو متأكد لأني مثل ماقلتلك ما اتابعهم كثير .. انتظر رد واحد مهتم بهالالعاب يفيدك اكثر


الألعاب اللي قلتوا أسماءها اش أنواعها؟(سيارات-مغامرات-أطفال-رعب...إلخ)وخصوصا:gears of war .


Gears Of War لعبه اكشن ممتازه جداً


المراوح تجي مع الجهاز وإلا لازم اشتريها؟ وكم سعرها لو لازم أشتريها؟(تقريبا بالدولار أو الريال)


لا ماتجي مع الجهاز انت تشتريها .. وعن نفسي انا ما اشتريت مروحه للجهاز والحمدلله ماشي معاي تمام .. لو انت تحط الجهاز بمكان حار او حاطه على الارض جيبله مروحه .. وعلى راحتك اذا تبي او لا^^


من وين أسوي اشتراك الأون لاين؟

اذا قصدك عن الاشتراك لأول مره فهو من الجهاز .. واذا خلص الاشتراك الذهبي المجاني وتبي تشتري واحد جديد تشتريه من المحلات او تطلبها بالفيزا من الاكس بوكس .. على فكره اذا خلص اشتراكك الذهبي تقدر تكمل على الاشتراك الفضي المجاني اللي يعطونك اياه


سمعت الأمريكي لازم أشرطة أصلية وأنا عمري ما اشتريت أصلي كل شغلي كوبي فهل أفضل لي الكوبي؟؟

اذا تبي تشتري اصلي فأخذ الامريكي .. واذا تبي تشتري كوبي اخذ الياباني المعدلينه لتشغيل الكوبي

[فوق المستحيل]

عزيزي نصيحه اذا تحب الميتل جير والوينج اليفين لا تشتري ال 360