المساعد الشخصي الرقمي

مشاهدة النسخة كاملة : الجهاز و القطع مطلوب مساعده في تجميع جهاز لو سمحو الخبراء


Orgrimmar
30-04-2007, 04:53 PM
السلام عليكم

في السابق كانت لدي الخبره في تجميع الاجهزه و الاسعار لكن لضروف العمل و الانشغال انقطعت في اخر سنتين على متابعة السوق وجديده ولما جيت الحين شفت اشياء وايد حبيت استشير الخبراء قبل ما اتوكل

الميزانيه هي 7000 درهم و انا من النوع اللي احب او بالاحرى منحاز لنوع معين من الشركات

انتل للبروسيسر
نفيديا للجرافكس كارد
ويسترن ديجيتال للهارد دريف
جيجا بايت للمذربورد

لكن يمكن في الفتره الاخيره نزل مستوى البعض و ارتفع البعض الثاني

لو تكرم الخبراء في المساعده وشكرا مقدما
Grandia
30-04-2007, 09:03 PM
السلام عليكم

في السابق كانت لدي الخبره في تجميع الاجهزه و الاسعار لكن لضروف العمل و الانشغال انقطعت في اخر سنتين على متابعة السوق وجديده ولما جيت الحين شفت اشياء وايد حبيت استشير الخبراء قبل ما اتوكل

الميزانيه هي 7000 درهم و انا من النوع اللي احب او بالاحرى منحاز لنوع معين من الشركات

انتل للبروسيسر
نفيديا للجرافكس كارد
ويسترن ديجيتال للهارد دريف
جيجا بايت للمذربورد

لكن يمكن في الفتره الاخيره نزل مستوى البعض و ارتفع البعض الثاني

لو تكرم الخبراء في المساعده وشكرا مقدما

خليك علي انحيازك يبقى مميز ;)

المعالج انصحك بـــ Intel E6600 ممتاز جدا في جميع التطبيقات وبأوفر كلوك يطير فوق السماء
وكرت الشاشه الأفضل 8800GTX
المذر بورد احد افضل اللوحات لعالجات انتل GIGABYTE GA-965P-DS3 LGA 775
والهارد اعتقد من مسترن دجتل او سيقيت لايفرق واذا ميولك لشركه خذه بدون تردد وبالسعه التي تريدها
والرام 2GB DDr800 من شركه معروفه مثل CORSAIR XMS اوOCZ او Kingston HyperX
واحرص ان يكون الباور سبلاي من شركه محترمه مثل antec ومثيلاتها ويكون 550 وات او اكثر

والبقيه الخيار لك :)
Orgrimmar
01-05-2007, 11:49 AM
شكرا احوي جرانديا على النصيحه و ان شاء الله اشوف ردود زياده على شان اشوف جهاز كامل والكمال لله
Gentleman
01-05-2007, 12:28 PM
وعليكم السلام ورحمة الله وبركاته ..

انا اؤيد كلام الأخ جرانديا بكل ما قاله ..

وشكرا ..
amajed
01-05-2007, 02:16 PM
كلام جراندا مضبوط 100% لا تتردد في أي من القطع المذكوره
فقط تأكد من ان المذربورد هي rev3.3 ! هذي تدعم خصائص اقوى وتدعم ناقل 1333 اما rev1.1 تدعم الناقل 1066 فقط على حد علمي

ايضا اذا انت مو من النوع الي يبغى يشغل الالعاب على AA/AF واعلى رزلوشن ومن هالكلام فخذ لك كرت 8600GTS سعره 200$ وادائه روعه ويدعم DX10 بدال ماتدفع حول 600$ على 8800GTX وانت ماتحتاج كل هالقوه :)

وانت وبكيفك ;)
Orgrimmar
01-05-2007, 04:55 PM
اخوي Gentleman شكرا لك مرورك الكريم

اخوي amajed شكرا لك على معلومة المذربورد وبخصوص كرت الشاشه اعتقد 8800 افضل لاني ماراح اغير الجهاز او اعمل له تعديل قبل فتره طويله فاخذ شي للزمن مثل ما يقولون :)
amajed
01-05-2007, 07:16 PM
8600GTS يمشي معاك 3 سنوات بسهوله :) يعني مااضن هذي مشكله لكن بكيفك ;)
Grandia
01-05-2007, 08:48 PM
8600 GTS ليس بذلك الكرت القوي تقريبا مثل 7900GT او اقل

الميزانيه اكثر من كافيه لأقتناء 8800GTX اللذي يتوفق علي 8600GTS اضعاف مضاعفه ^_^
amajed
02-05-2007, 12:00 AM
طبعا ليس بتلك القوة ولكن لو تلاحظ مثلا كرت 6600GT كم له طالع للحين وكيف ادائه في الالعاب :) ؟
هذا قصدي لكن طبعا بكيفه

بالنسبة لي أفضل شراء 8600GTS + X-Fi Soundcard على شراء 8800GTX فقط :)
saeed1979
02-05-2007, 12:53 AM
انا مع ال 8800 ,, ميزانيتك طيبه يالغالي والكرت ح يسحب معاك فترة اطول ..
وبالنسبة للهارد فأنصحك بال Segate اراه افضل من الويسترن ديجيتال ..
وايضا بالنسبة للمعالج ارى ال E6700 اصبح بسعر ال E6600 قبل شهرين ..
والله اعلم ..
SWORD.FISH
02-05-2007, 01:36 AM
مرحباً اخي العزيز

بصراحه الاخ جرانديا جاوبك على كل متطلباتك .

سلام .
Orgrimmar
02-05-2007, 06:47 AM
ما اعرف شو اقول غير شكرا لكل من تفاعل من الموضوع صراحه ما قصرتو

واقول لجرنديا و امجد انتل وبس :)
Orgrimmar
02-05-2007, 12:41 PM
كنت ناوي اروح اليوم اخذ الجهاز بس و انا اتصفح المنتدى شفت في بعض المواضيع ان الاخوان ذكرو انه القطع المغشوشه منتشره بشكل كبير فمادري اذا في بعض المحلات الثقه اللي تبيع قطع اصليه

الله يرحم المحل اللي كنت اخذ منه اتصال واحد و يجهزلي كل شي وكل شي اصلي بدلو اللي يشتغلون وجابو هنود ما يعرفون شي
amajed
02-05-2007, 08:02 PM
انا اقول خذ لك القطع في كراتينها
الخوف من المغشوش يكون لما تطلب منه يركب لك الجهاز ولا تشوف القطع وكراتينها قبل الفتح

يعني روح واشتر القطع المذكوره بكراتينا المقرطسه يعني غير مفتوحه من قبل
وادفع فلوسها وافتحها قدامه للتأكد من سلامتها وبكذا تتفادى المغشوش :)

بالنسبة لكرت الشاشه لا تاخذ غير XFX او eVGA هذي الافضل :)
اما باقي القطع مايحتاج تعرف اذا مغشوشه والا لا :) علامة الجوده على الكرتون ^^ فقط تأكد من شرائه مقرطس (لم يفتح من قبل)

بعد ماتاخذ القطع روح لمحل يركب لك القطع وحاول يكون المحل يعني ثقه عشان مايستبدل لك القطعه باخرى من عنده وياخذ حقتك وبكذا نرجع للغش من جديد ^^