المساعد الشخصي الرقمي

مشاهدة النسخة كاملة : عالم المرأة جلسة مع.....


naturegirl
02-05-2007, 11:50 AM
http://jewelsuae.com/gallery/data/media/6/salam11.gif

كيفكم أعضاءنا الغاليين بعد الجلسة الممتعة مع عضوتنا
المحبوبة خيال
حبيت أضايف اليوم عضوة من العيار الثقيل
التي أعطت للمنتدى الكثير وخاصة لقسمنا الغالي منتدى المرأة
والتي كلما قرات اسمها ابتسم ربما لأنها ابتسامة المنتدى
طبعا تعرفونها انها الغالية

http://up.alfrasha.com/u/2360/5950/142010.gif ابتسامة http://up.alfrasha.com/u/2360/5950/142010.gif

ومن كل القلب نهدي لها هاته الباقة عربون محبة وشكر
وتقديييييييير

http://www.serenataflowers.com/productimages/big_high_1_344.jpg

وكالعادة وقبل البدأ في طرح الأسئلة
أرجو من الأعضاء الكرام الالتزام بهذه القوانين:) وشكرا:


1- عدم طرح أسئلة شخصية.


2- عدم طرح أسئلة محرجة.


3- عدم الإستخفاف والتعليق على الإجابات بشكل هزلى أو جارح.


4- للضيفة الحق في رفض الإجابة على أي سؤال يطرح عليها، إذا كانت الإجابة عليه تضايقها أو لا تريد التصريح.


5- عدم تكرار الأسئلة إذا أمكن.


http://www.uaekeys.com/fwasel/www.uaekeys.com60.gif

نتمنى أن تقضوا وقتاً ممتعاً
مدة المقابلة أسبوع من الآن

ودمتم في حفظ الله
~*RoSaMaRia*~
02-05-2007, 02:36 PM
وعليكم السلام والرحمة والاكرام ..

مرسي نتشورة ع الدعوة ..
وحبيت اسلم على بسومة ..واقولها بالتوفيق دنيا واخرة يا حبوبة ..
MustafaMM
03-05-2007, 03:57 PM
تشكري أختي الغالية على الاختيار
وحأبدأ أنا يللا بسم الله :

هل تعتبري اسمك "اسم على مسمى" يعني تحاولي اغلب الوقت متبسمه
أيش يعني لكي القط >>> عارف انه سؤال غريب بس له معاني خفيه هاهاها
هممم والسؤال الاخير كيف لغتك الانجليزية ------>>> سبحان الله اسأله خارجه من لقافه محضه
لوووول
لحظة في سؤال اخير اخير >>> يعني ما بعد الاخير "هل انتي سعيده بإختيار تناتشووور لكي؟

وشكراً جزيلاً
Al Bhed Girl
03-05-2007, 05:02 PM
السلام عليكم ورحمة الله وبركاته ..

اشكرج اختي نايتشر على المقابله .. في خاطري كم سؤال ودي اساأله لأبتسامه ^^ ..
والله مستانسة اشوفها هنا .. متحمسة اعرف عنها .. So بسم الله نبدا :D :09: ..

شلونج ابتسامه شخبارج ؟ ^^ >> لازم هالسؤال عشان تنفتح مجاري السيالات العصبية وتوصل الاسئلة لعقلي:D :09: ..

هممم .. اسمج رائع وخفيف ماشاءالله ، شنو السبب اللي خلاج تختارينه او تفكرين فيه ؟
تحبين الاماكن المفتوحه والعامه ؟
شنو هدفج بالحياة ؟
عندج امنيه تتمنين انها تتحقق مهما طالت او صعبت ؟
تقرأين حكم واقتباسات من اقوال شهيرة وشخصيات فلاسفه ؟
اذا ايه ممكن تذكرين اكثر مقوله اعجبتج وتعملين فيها ؟ :09:
ممكن توصفين لنا شخصيتج والاشياء اللي تحبينها وتكرهينها ؟ ^.^

وشكـــــرا لكم على إتاحه الفرصة لنا في السؤال والتعرف اكثر على شخصيات اعضاءنا ومعرفتهم بشكل قريب ..
LooreenA
03-05-2007, 05:28 PM
السلام عليكم^^"
كيف حالك ناتشرل يعطيك العافية^^"
ويسلموو على المقابلات الحلوة والأحلى انه ابتسامة موضوع المقابلة :ds011:
يلا اغلبك شوي عزيزتي ابتسامة واسألك كم سؤال، مستعدة :D

اول شيء كيف حالك XD >> اعجبني سؤال Al Bhed Girl :09:

*ثانيا ايش اجمل يوم عشتيه^^
*وايش اصعب يوم ان ما كان عندك مانع :jap013:
*واجمل هدية قدمت لك :present: o.o ؟؟
* ايش طبقك المفضل، طبعا هذا اهم سؤال :09:
*من تفتقدين من اعضاء وعضوات المنتدى من زوار اللأقسام ~.~"
وايش نصيحتك لنا نحن مراقبات القسم حاليا علشان نستفيد من خبرتك الطويلة بالرقابة :)

ما راح اثقل عليك اكثر اكتفي، وان شاء الله نشوفك معنا دايما بالقسم وما تقطعينا ^.~
وفوق باقة ناتشرل تقبلي مني هذه &_&"

http://www.hillyfieldsflorist.com/images/RosesRedLARGE.jpg

بالتوفيق لك عزيزتي ونشوفك على خير^^"
ابتسامــــــه
03-05-2007, 06:41 PM
http://jewelsuae.com/gallery/data/media/6/salam11.gif

كيفكم أعضاءنا الغاليين بعد الجلسة الممتعة مع عضوتنا
المحبوبة خيال
حبيت أضايف اليوم عضوة من العيار الثقيل
التي أعطت للمنتدى الكثير وخاصة لقسمنا الغالي منتدى المرأة
والتي كلما قرات اسمها ابتسم ربما لأنها ابتسامة المنتدى
طبعا تعرفونها انها الغالية

http://up.alfrasha.com/u/2360/5950/142010.gifابتسامة http://up.alfrasha.com/u/2360/5950/142010.gif

ومن كل القلب نهدي لها هاته الباقة عربون محبة وشكر
وتقديييييييير

http://www.serenataflowers.com/productimages/big_high_1_344.jpg



و عليكم السلام و الرحمه

مشكوووووره يا الذوق على المشاعر اللطيفه و الكلام الجميل و الباقه الأجمل :) :)

إن شاء الله أكون خفيفه عليكم ^^
ابتسامــــــه
03-05-2007, 06:44 PM
وعليكم السلام والرحمة والاكرام ..

مرسي نتشورة ع الدعوة ..

وحبيت اسلم على بسومة ..واقولها بالتوفيق دنيا واخرة يا حبوبة ..


حيا الله أختي روزا

تسلمين لي أختي و ربي يوفقج دنيا و آخره ^_^
ابتسامــــــه
03-05-2007, 06:55 PM
حياك الله أخويه مصطفى



هل تعتبري اسمك "اسم على مسمى" يعني تحاولي اغلب الوقت متبسمه
النك نيم تقدر تقول قريب وايد لـ شخصيتي
و الناس تحب الشخص المبتسم .. و ابتسم في أوقات محبب فيها الأبتسام
مب بكل وقت وكل مكان :02:

:)


أيش يعني لكي القط >>> عارف انه سؤال غريب بس له معاني خفيه هاهاها
هههههه
يسببون الإزعاج مرات :أفكر:
و تجذبني القطاوه الصغار بس ما أمسكها



هممم والسؤال الاخير كيف لغتك الانجليزية ------>>> سبحان الله اسأله خارجه من لقافه محضه
لوووول

I look forward to the best



لحظة في سؤال اخير اخير >>> يعني ما بعد الاخير "هل انتي سعيده بإختيار تناتشووور لكي؟

وشكراً جزيلاً

إيه عادي فرحت :)
ابتسامــــــه
03-05-2007, 07:21 PM
السلام عليكم ورحمة الله وبركاته ..



و عليكم السلام و الرحمه
أهلييييييييين Al Bhed Girl
:)



اشكرج اختي نايتشر على المقابله .. في خاطري كم سؤال ودي اساأله لأبتسامه ^^ ..
تفضلي تفضلي
أحم أحم:09:

والله مستانسة اشوفها هنا .. متحمسة اعرف عنها .. So بسم الله نبدا :D :09: ..
و انا مستانسه أكثر على تواجدج حبيبتي Al Bhed Girl
بس لا تسألني أسئلة صعبه اخاف أرسب :09:



شلونج ابتسامه شخبارج ؟ ^^ >> لازم هالسؤال عشان تنفتح مجاري السيالات العصبية وتوصل الاسئلة لعقلي:D :09: ..
دق دق دق << دقات قلبي :D
الحمد الله طيبه
إنتي إشحالج ؟؟ << حريم ما يخلصون


هممم .. اسمج رائع وخفيف ماشاءالله ، شنو السبب اللي خلاج تختارينه او تفكرين فيه ؟
والله يا الغاليه الاسم سجلته عالسريع و بدون ما أفكر :أفكر:


تحبين الاماكن المفتوحه والعامه ؟

بصراحه إيه أحبها بس ما احبها تكون مكتضه بالناس


شنو هدفج بالحياة ؟
أسجل جول في مرمى البرازيل XD
الأهداف كثيره ..
أتخرج من الجامعه بـ تميز
بعد التخرج أتمنى ألاقي وظيفه تناسب طموحاتي
هذا إلي أفكر في الحين ..
:)


عندج امنيه تتمنين انها تتحقق مهما طالت او صعبت ؟
الحظ طايح و الأماني كثيره << شعر XD
وايد أماني وكل الأمنيات ودنا إنها تحقق لنا :)
و خلال هالأيام ودي بشي و إذا صار على خير إن شاء الله بكون سعيده ^_____^



تقرأين حكم واقتباسات من اقوال شهيرة وشخصيات فلاسفه ؟
اذا ايه ممكن تذكرين اكثر مقوله اعجبتج وتعملين فيها ؟ :09:


أكيد اقرا وتشدني وايد
دايما أردد >> To be or not to be
و يعجبني مثل صيني أو ياباني لا تصطاد لي سمكه و إنما علمني كيف اصطاد :D << تحب الحداق XD


ممكن توصفين لنا شخصيتج والاشياء اللي تحبينها وتكرهينها ؟ ^.^
هذي صعبه إشوي >> وانا قايله لج لا تسأليني أسئلة صعبه :12:
شخصيتي والله ما أدري المفروض إنتوا تحكمون علي :أفكر:
إنتي إسأليني عن شي أحبه او أكره وانا بقول لج لو أحبه أو أكره
لانه ما في شي في بالي أذكره لج
:)


نورتي Al Bhed Girl
^_^
Amanda~
04-05-2007, 11:10 AM
http://jewelsuae.com/gallery/data/media/6/salam11.gif

شكرا لك أختي ناتشر على هذا الموضوع وعلى جهودك المميزه في القسم
وشكرا على مقابلتك للعضوات القديرات
هههههه شفت أنه ابـــــتـــــســــــامـــــــه ضيفة المقابلة فرصه ماتتعوض ^_^

بس أستعدي للأسئله لن أكثر الأسئله عليك بس عندي كم سؤال ........

أولا .. كيف حالك ؟؟ :09:

ثانيا .. ماهي النصائح التي تقدميها لنا من خبرتك مع الرقابه والمنتدى ماهي النصائح التي تقدميها للعضوات الفتيات خاصة ؟؟

ثالث .. ممكن تختصرين لنا في جمله بسيطه ماذا أستفدت من خلال مشاركاتك في المنتدى ؟؟
((ان شاء الله مايكون سؤال ثقيل واذا ماعجبك خلاص مش ضروري تجاوبي ^^ ))

رابعا .. من أجمل الذكريات بالنسبه لك والتي تدفعك للابــــــتــــــســــــام مثل يوم تخرجك أو يوم نجاحك أو مثلا شيء حققتيه وتشعرين بالسعاده لهذا ؟؟

وأتمنى لك التوفيق أختي ابتسامه ^^
http://www.arabiyat.com/forums/images/smilies/shokr.gif على كل جهودك وكل ماقدمتيه :)
ابتسامــــــه
04-05-2007, 09:31 PM
السلام عليكم^^"
و عليييييييكم السلام
هلا و غلا :)




كيف حالك ناتشرل يعطيك العافية^^"
ويسلموو على المقابلات الحلوة والأحلى انه ابتسامة موضوع المقابلة :ds011:

و جودج الأحلى عزيزتي ^_^

يلا اغلبك شوي عزيزتي ابتسامة واسألك كم سؤال، مستعدة :D
خذي راحتج :)

اول شيء كيف حالك XD >> اعجبني سؤال Al Bhed Girl :09:
نحنا قلنا ممنوع الأسئله المكرره :12:

:09:
الحمد الله طيوبه



*ثانيا ايش اجمل يوم عشتيه^^
الحمد الله وايد أيام جميلة مرت علي
و في يوم مميز بالنسبه لي لما إلتقيت مع أختي امبراطورة المنتدى
كان يوم حلو إلتقيت معاه و سولفنا وتمشينا مع بعض :)

*وايش اصعب يوم ان ما كان عندك مانع :jap013:
:(
لما كنت انتظر نسبتي بالثانويه العامه
كان يوم صعب جدا جدا وكانوا يلعبون بـ أعصابي :(


*واجمل هدية قدمت لك :present: o.o ؟؟
و الله ما في هدية معينه ..
أي هدايا توصلني و حتى لو كانت بسيطة و تكلفتها قليله تعني لي الشي الكثر ^^


* ايش طبقك المفضل، طبعا هذا اهم سؤال :09:
بقول لج .. بس لازم أطرشين لي صحن :09:
أحب المعكرونه بالبشمل مع الدياي مو اللحم المفروم :boggled:

*من تفتقدين من اعضاء وعضوات المنتدى من زوار اللأقسام ~.~"
بصراااحه افتقد وااااايد أعضاء
الاعضاء هذول كانوا مع بدايتي بالمنتدى >>> عبد الله سلطان - توته - شوق - شجون - مهند الريس - عماد 18 - أمة الله << هذول الأعضاء القدامى إلي قطعوا عن المنتدى من سنين
و في أعضاء أشتاق لهم >> امبراطورة المنتدى - سحابه " أتمنى ترجع تشارك مثل قبل "- أزبك - أمارانت - أدميرال - برايفت جداوي و وايد أعضاء ما تحضرني أسماءهم <<

وايش نصيحتك لنا نحن مراقبات القسم حاليا علشان نستفيد من خبرتك الطويلة بالرقابة :)
التعاون بين المراقبين بنظري أهم اهم أهم شي
و التواصل مع بعض ... الله يذكرها بالخير امبراطوره كانت بانيه جسر بينا
ما كان يصير شي بالقسم من غير ما نعرف فيه نحنا الـ 4
و الشي الثاني تشجيع الأعضاء بالردود على مواضيعهم و ترشيحهم و إذا بدر منهم غلط نكلمهم عالخاص مب نحرجهم قدام الأعضاء :) << و اعتقد نحن البنات نتميز بهذي الخاصيه :biggthump " الرقه بالتعامل "




ما راح اثقل عليك اكثر اكتفي، وان شاء الله نشوفك معنا دايما بالقسم وما تقطعينا ^.~
وفوق باقة ناتشرل تقبلي مني هذه &_&"


http://www.hillyfieldsflorist.com/images/RosesRedLARGE.jpg



بالتوفيق لك عزيزتي ونشوفك على خير^^"


تسلمييييييييين لي يا الذوق

أسعدتني طلتج الحلوه يا لوري و عسى الله يخليج لنا يا رب

:)
ابتسامــــــه
06-05-2007, 01:57 AM
http://jewelsuae.com/gallery/data/media/6/salam11.gif
و عليكم السلام و الرحمه
حيا الله جايا نورت المقابله :)





شكرا لك أختي ناتشر على هذا الموضوع وعلى جهودك المميزه في القسم
وشكرا على مقابلتك للعضوات القديرات
هههههه شفت أنه ابـــــتـــــســــــامـــــــه ضيفة المقابلة فرصه ماتتعوض ^_^

الله يعطيها العافيه اختنا الغاليه ناتشرل
قبل الرقابه وبعد الرقابه ما قصرت بالقسم :)






بس أستعدي للأسئله لن أكثر الأسئله عليك بس عندي كم سؤال ........

أولا .. كيف حالك ؟؟ :09:

:D

بخير عساج بألف خير :)




ثانيا .. ماهي النصائح التي تقدميها لنا من خبرتك مع الرقابه والمنتدى ماهي النصائح التي تقدميها للعضوات الفتيات خاصة ؟؟
و الله انا إلي بحاجه لـ النصايح :)
إممممم
نصيحتي للعضوات عدم التسرع
كذا موقف يمر بالمنتدى أو خارج المنتدى أتسرع وااايد بالحكم عليه و يخليني أسيء الظن بإلي ماله دخل :(
صرت أفكر وأعرف الأسباب قبل ما أحكم على الشي ..
و أتمنى من باقي اخواتي العضوات ما يتسرعون سوءا باتخاذ قرار أو الحكم على شخص و غيره

و إذا عندكم نصيحه لي انصحوني :)


ثالث .. ممكن تختصرين لنا في جمله بسيطه ماذا أستفدت من خلال مشاركاتك في المنتدى ؟؟
وايد أشيا ما بقدر أختصرها بجمله
تعلمت كيف التعامل مع الناس .. أخذت خلفيه عن شعوب الدول العربيه
وعرفت و تعلمت ا أشيا كنت أجلها بالكمبيوتر
و الأهم من هذا كله كسبت أخوات و أخوان بالله :) >> إن شاء الله ربي يجمعني فيهم بالجنه <<


((ان شاء الله مايكون سؤال ثقيل واذا ماعجبك خلاص مش ضروري تجاوبي ^^ ))

لا عادي و جاوبت عليه ^_^


رابعا .. من أجمل الذكريات بالنسبه لك والتي تدفعك للابــــــتــــــســــــام مثل يوم تخرجك أو يوم نجاحك أو مثلا شيء حققتيه وتشعرين بالسعاده لهذا ؟؟
لما أقعد بروحي أتذكر أي موقف حلو صار معاي حتى لو ما كان يغير مجرى حياتي
تلاقيني مبتسمه كأنه شريط يمر قدام عيني >> أخاف أي احد من أهلي يدخل الغرفه يقول وش بلاها تضحك بروحها :D




وأتمنى لك التوفيق أختي ابتسامه ^^
http://www.arabiyat.com/forums/images/smilies/shokr.gif على كل جهودك وكل ماقدمتيه :)


الشكر و التقدير موصول لج عزيزتي جايا

عسى الله يوفقج و يكتب لج بكل خطوه سلامه

:)
naturegirl
08-05-2007, 06:32 PM
و عليكم السلام و الرحمه

مشكوووووره يا الذوق على المشاعر اللطيفه و الكلام الجميل و الباقه الأجمل :) :)


إن شاء الله أكون خفيفه عليكم ^^






العفو يا الغالية تستاهلن كل خير

وآآآسفة جدا على التأخير والتقصير لأنه الصراحة عندي ظرووووف

السمااااح^.^
naturegirl
11-05-2007, 10:08 AM
ختاما اتمنى لكي يا اختي الغالية كل التوفيق في حياتك ككل
وأفضل النتائج ان شاء الله في مسارك الدراسي
مع حبي واحترامي
http://www.2zoo.com/home/4vb/emoticons/3d/images/52.gif
::::::::::
وشكرا لجميع من ساهموا بردودهم في الموضوع
واستودعكم الله الذي لا تضيع ودائعه
والصلاة والسلام على اشرف المرسلين سيدنا وحبيبنا محمد
ودمتم في أمان الله
http://www.2zoo.com/home/4vb/emoticons/3d/images/12.gif