وش أفضل أنواع التمارين للنحيف ؟

[SkaveN]

السلام عليكم
بصراحة ما ادري وش جاني قلت ابدخل النادي لعل و عسى نبني جسم زي الناس;)
المهم انا عمري 17 و وزني 59 و طولي 183 " نحيف صح .:( "
فبغيت اسالكم وش افضل التمارين حاليا بالنسبة لي ؟
انا في البداية أركض على السير حوالي 10 دقايق للتحمية .. بعدين اخش فالالات الي ترفع فيها وزن " والله ما ادري وش اسمها"
بحيث المدرب ركز لي على عضلات الكتف و الظهر

فما ادري هل الي اسويه صحيح ؟ و هل يأثر على الطول ؟
لاني بعض المرات احس بالم في كتفي و اسفل رقبتي " اذا شديت نفسي على الآخر"

ولكم جزيل الشكر :) .

[VaSh ThE sTaMpEdE]

وعليكم السلام :)

سؤال جانبي : هل الصورة الرمزية صورة griffen في الآنمي berserk ؟ :D

نرجع لموضوعك ;)

باين إنك جديد على عالم الحديد ، أنصحك تقرا سلسلة التعريف بالحديد وهذا الرابط :
http://montada.com/showthread.php?t=526502


خطأ إنك تركز على عضلة وحدة أو عضلتين ، لازم تركز على كل العضلات ولا بيطلع شكلك يظحك

ثانيا مدامك توك داخل حديد لا تشد على نفسك علطول لأنك بتؤذي نفسك وتسبب آلام ويمكن تقطع في الأنسجة.

شكرا....والسلام :)

[SkaveN]

متشكر على ردك عزيزي فاش:)
و ايه نعم هذا هو Griffith أو بالأحرى Femto :D

على اي حال نرجع لموضوعنا ..
انا ما دخلت حديد اخوي انا قلت للمدرب بس ابي تمارين عشان احسن هيكل جسمي
يعني صالة الحديد ما أفكر اخش فيها على الاقل الفترة هذي
و زي ما قلت لك انا شغال على الآلات ذي http://www.ccsports-online.co.uk/images/premier-personal-gym_small.jpg

يعني قريبة من هذي حوالي 11 آلة اشتغل عليها بالدور و زي ما قلت لك بعضها عضلات الصدر و الكتف و الظهر
و 2 منها لعضلات الفخذ , الأوزان بالنسبة لعضلات الكتف و الصدر تتراوح بين 2-4 كيلوغرام
و اشتغل عليها على شكل 12 - راحة - 10 - راحة - 8 و احول للي بعدها

و بالنسبة للبروتينات او الـSupplies على ما يقولون فأنا استعمل Mega Mass واحد مخلوط بموية قبل التمرين و واحد مخلوط بحليب قبل النوم

وش رايك النظام كذا كويس ولا يبيله تغير ؟ :)

[VaSh ThE sTaMpEdE]

السلام عليكم :)

أجل هو griffith كما توقعت :D

نرجع للموضوع

يالغالي الأثقال الحرة أو الآلات الي انت تستعملها كلها تعتبر لعب حديد ، لأنك قاعد تبني عضلات سواء كنت مستخدم آلات أو أثقال حرة .

أنا أنصحك بالأثقال الحرة لأنها فعالة أكثر ، ولكن الخيار راجع لك .

نظام الجلسات والتكرارات الي انت تستخدمه هو النظام الهرمي التنازلي. شكله هدفك هو تحسين مظهر جسمك وليس تكبير جسمك ، صح ؟

الميجا ماس منتج جيد لكسب الوزن ، أهم شيء شد حيلك وانت ترفع الأثقال
للمعلومية في كثير يقولون لا تاخذ المنتج قبل النوم خشية إنه يتحول لدهون ، بس أنا مزلبهم :D

شكرا...والسلام :)

[imager]

للمعلومية في كثير يقولون لا تاخذ المنتج قبل النوم خشية إنه يتحول لدهون ، بس أنا مزلبهم :D


كلامك في محله أخ فاش .. بروتين ميوبليكس Myoplex مصدر مكمل للبروتين، وكاتبين على الكرتونة في التعليمات أنه يؤخذ قبل النوم: Myoplex Carb Sense as a Before-Bed Snack.

[SkaveN]

على فكرة يا شباب بغيت اسال
وش الفرق بينMEGA MASS 2000 و ?MEGA MASS 4000

[المشاكس الحبوب]

شقصدك يأثر على الطوووووووووووووووووووووووووووووووول؟؟؟؟؟؟؟؟ظظظ


يعني ان يوقف طولك ؟

لاكلش ماله علاقة الطول بيد الله

والحين انت طول كلش كلش تمام بس يبيلك وزن

عجل ان شقول طولي 185 ووزني 70
ابي اوصله 80 موراضي يوصل

[ابو ممدوح]

ما شاء الله

يا اخوان احنا نبي الدهون كيف الوضع ههههههههههههههه
نبي نمتن شوي

[reptial]

السلام عليكم يااخوان اعتقد افضل جدول تمرين للراغبين بزيادة وزن جسمهم هو يومان والثالث راحه اليوم الاول : صدر وعضله الباي وعضلات الساعدان
اليوم الثاني : عضلات الكتف وعضله المثلثات
اليوم الثالث : راحه
اليوم الرابع :عضلات الضهر وعضله التراي وعضلات الساعدان
اليوم الخامس اعاده اليوم الاول
اليوم السادس راحه وهكذا يومان ويوم راحه مع المحافظه على ترتيب الجدول
الجدول بالعاده يتكون من ثلاثه ايام واليوم الرابع راحه سنقسم الثلاثه ايام على الجدول المكتوب عندكم حيث تزيد فترات الراحه والمعروف ان ايام الراحه هي الايام التي يزيد بها قوه وزياده وزن الجسم عزيزي الاعب جرب الجدول هذا وابشر بالي تبيه
وتكون التكرارات من بين 6-8 تكرار لعضلات الضهر (البيطان) والصدر وعضله الباي وعضله التراي والاكتاف وعضلات الارجل ز
ومن 8-12 تكرار لعضلات السواعد وعضلات السمانتان(البطات) وعضله الشبه منحرفه ( المثلثات )
وانشاء الله راح يزيد وزنكم بطريقه طبيعيه ومن غير مكملات غذائيه ( بروتينات ) او اي شي ثاني
والسلام ختام