تسجيل الدخول

مشاهدة النسخة كاملة : تحليل النهائي بعيون هلالية


JARRASH
02-06-2007, 12:28 AM
بسم الله


في البداية احب ابارك لجماهير الإتحاد الي الصراحه قدموا مستوى واستاهلوا الكأس


ثانيا:الإدارة
عندها مشكله وهي انها تناظر عند رجولها ولا تطالع قدام يعني بس اهم شئ الحاضر جاب بطوله خلاص مايفكر في الفريق بعد 3 او 4 سنوات واتمنى من الأمير محمد بن فيصل الإستقالة ونشكره على الي قدمه خلال السنتين الماضية


ثالثا:الاعبين
الي يلاحظ في الفريق انه معدل الأعمار مرتفع وفيه لاعبين دون مستوى الهلال مثلا الخانه اليمنى لم يستطع احد تغطيتها او اقفالها الدفاع وضح اليوم هشاشته الوسط يعتمد على لاعبين التايب والشلهوب التايب ماكان في يومه والشلهوب مصاب فضاع الهلال


رابعا: المدرب
باكيتا من يوم جاء من المنتخب وهو مدري وش صارله ياخي الفريق يعاني في الوسط تدخلي العنبر ياخي عندك الشلهوب عندك الصويلح عندك الذياب عندك الحربي...الخ


خامسا: الفريق
يبغاله غربلة شامله من رئيس النادي الين الفئات السنية واصغر واحد فيها وانا اقصد غربلة في الأجهزة الإدارية والفنية


سادسا: المعسكر
الحقيقة كان فااااشل بقوة ياخي الفريق له شهر متوقف تقوم تحط المعسكر اخر 5 ايام ويرجع الفريق الساعه 2 الليل وش هالمعسكر الفاشل


سابعا:الأولمبي
لا عبين الشباب والأولمبي ينتظرون نصف الفرصه بس اتمنى الإعتماد عليهم


ثامنا: الأجانب
الفان اتمنى عدم التجديد ونشكره على الي قدمه التايب وتفاريس اتمنى شراء بطاقتهم وليس التجديد معهم فقط


هالحين نبدأ بتقييم الاعبين

الدعيع:ماقصرت لكن القول الأول اعتب عليك انه جاء كوبري وكان يمديك تصده لكن عالعموم ماقصرت

العنقري:اعذرني فالهلال اكبر منك

تفاريس: ايش اتكلم وايش اقول تكفيني دموعك بعد المباراة

المفرج: ماقصرت ولكن في الفريق شباب يتمنون الفرصه فدع الفرصه لهم واعتزل

الخثران:ماقصرت بس الضغط كان من جهتك ووضح عليك انك كنت خايف من كيتا وماتلتحم معاه
عزيز:عطلت الوسط الإتحادي فشكرا لك

الغامدي: تكفيني شوتتك

الغنام:اليوم ماأقدر اقول فيك شئ

التايب:اليوم مو يومك

الفان: لعبك بطيئ واعذرك لأن مكانك داخل الصندوق

ياسر:ماتشوف شر بس التحاماتك ماكان لها داعي

العنبر:زيادة عدد

سرور:غلطت المدرب انه نزلك في نهائي الدوري وانت ماعنك خبره



واخيرا اي نقطة من النقاط الي فوق قابلة للنقاش واتمنى ارائكم




والسلام...;)
Modi
02-06-2007, 04:35 AM
مبروك للاتحاد

سيناريو مباراة السعوديه والامارات الاخيره .. تكرر في هالنهائي
باكيتا ينتظر الاشواط الاضافيه عشان يحسم .. مع انه يقدر يحسمها ويخلص

الي خسر الهلال هو باكيتا
الجهه اليسرا مشلوله بالكامل مافيه احد

الشلهوب "يعتبر عقده عند الاتحاديين"
التمياط "حاسم اخر نهائيين للهلال"

مالعبوا !! وش سوا المدرب .. حط الغنام !!
يلعب بـ 3 محاور ليش ؟؟ مدرب غريب

ومخلي سامي احتياطي للاشواط الاضافيه
الجمهور اشجع من بايكتا من الشوط الثاني 60 الف
يرددون اسم سامي .. سامي .. بس المدرب متحفظ

الاتحاد ما ابدع الا يوم شاف الهلال ضايع
ولا من بداية المباراه الاتحاديين مرتبكين بقوه
alhatif
02-06-2007, 06:27 AM
فزنا ياحبايب وبقووووه
White Knight
02-06-2007, 09:27 AM
مبروك للاتحاد





سيناريو مباراة السعوديه والامارات الاخيره .. تكرر في هالنهائي
باكيتا ينتظر الاشواط الاضافيه عشان يحسم .. مع انه يقدر يحسمها ويخلص


الي خسر الهلال هو باكيتا
الجهه اليسرا مشلوله بالكامل مافيه احد


الشلهوب "يعتبر عقده عند الاتحاديين"
التمياط "حاسم اخر نهائيين للهلال"


مالعبوا !! وش سوا المدرب .. حط الغنام !!
يلعب بـ 3 محاور ليش ؟؟ مدرب غريب


ومخلي سامي احتياطي للاشواط الاضافيه
الجمهور اشجع من بايكتا من الشوط الثاني 60 الف
يرددون اسم سامي .. سامي .. بس المدرب متحفظ


الاتحاد ما ابدع الا يوم شاف الهلال ضايع


ولا من بداية المباراه الاتحاديين مرتبكين بقوه


الهلال كان ضايع في الملعب والإتحاد أستحق الفوز وبجدارة رغم غياب الدوخي (خسارة)
وبهذا المستوى صعب الهلال إتأهل في البطولة الأسيوية أمام الفرق اليابانية
والمعسكر كان على الفاضي (سياحة)
dr.kNiGhT
02-06-2007, 09:53 AM
اهلا وسهلا ..
نعم رأينا افتقادكم للدوخي .. وانتم تقولون : مين الدوخي هذا خليه يروح .. !!

اذا هل نادي الهلال العريق .. يعتمد على الشلهوب .. !!
لماذا تعاتبون نواف طوال الموسم .. وتطالبون باشراكه في النهائي .. !!
dr.kNiGhT
02-06-2007, 09:57 AM
اهلا وسهلا ..
نعم رأينا افتقادكم للدوخي .. وانتم تقولون : مين الدوخي هذا خليه يروح .. !!

اذا هل نادي الهلال العريق .. يعتمد على الشلهوب .. !!
لماذا تعاتبون نواف طوال الموسم .. وتطالبون باشراكه في النهائي .. !!
nmr_saleh
02-06-2007, 10:49 AM
اولا احب ابارك للعميد البطوله (سويتها الثالثه ثابته على قولتكم) ثانيا يبقا الزعيم في قلوب الالالالالالاف من محبيه وانا منهم وانا احب اطلب طلب واحد انسوا الي فات ولا تضيعوا اخر بطوله بين يديكم خصومكم لا تستهينون بهم و الروح الجمعاعية هي سر الإنتصارات و التي يفتقدها الهلال حاليا
إلي فات مات وانطوا في صفحات الماضي وشكرا ..... (ولا زال للحديث بقيه)
L'aRtiGlio 22
02-06-2007, 01:33 PM
اول شي مبروك للاتحاد و هاردلك للهلال ..


الاتحاد استحق الفوز عطفا على ادائه في الشوط الثاني كان متسيد للمباراة .. بفضل تماسك خط الوسط و تفكك المحاور الهلالية ..

اخطاء ديمتري تمثلت في اقحام سلطان النمري من البداية .. و لكن اصلح الخطأ بالزج بحمزة ادريس .. بدلا منه ..

اخطاء باكيتا كانت كثيرة .. ابرزها اشراك 3 لاعبين و هم اساسا محاور .. ( الغامدي - عزيز - الغنام ) .. مما اعطى ىنزعة دفاعية نوعا ما للفريق الهلالي ..

و زاد الطين بلة في الشوط الثاني باخراج الفين و ادخال المبارك.. و جاءت قاصمة الظهر بخروج القحطاني مصابا و دخول العنبر الغائب عن اجواء المباريات الكبيرة .. مما اعطى الراحة لمدافعي الاتحاد للتقدم و المشاركة في تسجيل الاهداف .. و انتهت المباراة هكذا اتحادية ..

الف مبرووووك لكل اتحادي ..:) و هاردلك للهلال ..
White Knight
02-06-2007, 02:36 PM
نعم ألف مبروك للإتحاد وهاردلك للهلال
أتمنى من الهلاليين أن ينسوا هذي البطولة ويركزو على الأسيوية
JARRASH
02-06-2007, 02:52 PM
Modi
هذي قاعدة ثابتة المدرب الي يغادر السعودية ويرجع نادر ينجح والإدارة مشكلتها عندها فلوس وبذرتها وتقول مافيه دعم

alhatif
انا اتكلم مع ناس فاهمين

sultanroma
مازلت على قولي ان الدوخي كان من المفروض يرحل بس المشكله في البديل ولعل في الخساره خيره علشان ننتبه لأخطائنا ونعدلها

dr.kNiGhT
المشكله ان الهلال من يوم جاء الأمير صار يهتم بس في الفريق الأول علشان كذا ماصارت فيه مواهب والتمياط احسن انه مادخله والهلال يبيله تنظيف كامل

nmr_saleh
اي روح جماعيه تتكلم عنها الروح راحت من زماااااااان عن الهلال والا لو كانت موجودة كان فازوا امس

L'aRtiGlio 22
تستاهلون الفوز بكل جدارة وزي ماقلت المدربين كلهم اخطئو بس ديمتري عدل وباكيتا زاد الطين بله وخربها



والسلام...;)
haseo
02-06-2007, 08:08 PM
بقول لكم اسباب الخسارة وهبوط مستوى الهلال في الفترات الاخيرة :D

أولا:

باكيتا وخطته اللي بثلاث محاور ما ادري وش تبي

ثانيا :

لو تشوف اللعب شلون بس، الشوط الاول هلالي أما الثاني فالسيناريو كان :

هجمة اتحادية تتخلص من الهلال ترجع للاتحاد ...بدون اي هجمة هلالية ...والفان المفروض يشوتونه

ثالثا : بالنسبة لهبوط المستوى

رحيل رودريجو قوارو

يوم كان هو يدعم القحطاني وكان موفر على التايب والشلهوب منطقة العمق

يعني التايب بس يمسك اليمين وما يتعب والشلهوب يمسك يسار وهو يمسك النص

وياسر بياخذ حريته يرجع ويتقدم لو بغى ...في 3 لاعبين يمديهم يغطون مكانه

شفنا هدف التايب على النصر كيف كان هو وقوارو مغطين مكان الهجوم


والمصيبة ان اللاعب لا زال موجود في الهلال لكن حطو بداله الفان الفاشل !!!!!!!!!!!!!!!



اخيرا ...هاردلك للهلال والف مبرووووووووك للاتحاد :D

وباقي للهلال بطولة اسيا

واذا ما خذاها فسنة وحدة بدون بطولة عادي :D

الاتحاد استمر سنتين بدون بطولة

والهلال في اخر 3 سنوات 5 بطولات :D
haseo
02-06-2007, 08:12 PM
اهلا وسهلا ..
نعم رأينا افتقادكم للدوخي .. وانتم تقولون : مين الدوخي هذا خليه يروح .. !!

اذا هل نادي الهلال العريق .. يعتمد على الشلهوب .. !!
لماذا تعاتبون نواف طوال الموسم .. وتطالبون باشراكه في النهائي .. !!


عبدالعزيز العبدالسلام افضل منه لكنه بالاولمبي او انه مصاب :D

وبالنسبة لنواف فهو مسكين ما يستاهل اللي يصير له

وانا ما عاتبته ولا عاتبه الجمهور

كانواواقفين معه ويتمنون وبشدة عودة مستواه

هالكلام اشوفه كل يوم في منتدى الزعيم