المساعد الشخصي الرقمي

مشاهدة النسخة كاملة : عام قصة مثيرة جداً..... والعبرة في ردودكم


عاشق سلسلة لونر
07-12-2001, 08:08 PM
شكراً لكل المهتمين بالموضوع .....
هي بصراحة مو قصة قصة .... هي تقريباً قصة (ماعلينا) خلينا نبداً ..
أنا مع الأسف واحد من إلي أنخدعوا بالدريم كاست و أشتروه ... وأنصدمت بالخبر الأليم أنه ماراح ينتجوا عليه ألعاب المتوقعه ( أيش نعمل مع سيجا)
المهم ... أنا أول ماسمعت أنه سايلنت هيل 2 نازلة على البلاي ستيشن 2 قلت ماعاد يحتاج ... الجهاز هذا لازم أجيبه ... بعدين سمعت عن ميتل جير 2 ... قلت أبروح أشتريه و أنا مغمض ....
الأهم .... أنا قاعد في بريطانيا (أنا عارف بتقولوا طيب و أيش دخلنا) ... كيف و أيش دخلكم ... قصتي هذه ترتكز على هذا الموضوع (حلوه ترتكز هذه) ... وإنتوا عارفين أنه السوق الأوروبي دايماً الألعاب توصلنا متأخرة (ياحليلنا) يعني الشباب إلي في المنتدى مخلصين ديفل ماي كراي و ميتل جير 2 .... ونحن لسه اليوم وصلت لنا ديفل ماي كراي (من جد) ولسه بتوصل ميتل جير 2 بعد شهر أو شهرين (ما أتذكر بالضبط) برضه ماعلينا من هذا ....
الأكثر أهمية... أنا (وأخيراً) قررت أجيب البلاي ستيشن 2 (ترا ماني جحروطي بس الظروف ما سمحت أجيبه من أول) ...وطبعاً مافي كوبي هنا (مع الأسف الشديد) ... والألعاب ماشاء الله عليهم تقول كأنك رايح تشتري بلاي ستيشن 1 .... اللعبة الوحدة بــ 39.95 جنية أسترليني يعني تقريباً 200 ريال سعودي ... وفي ألعاب زي سايلنت هيل2 و ديفل ماي كراي بــ 44.95 جنية أسترليني ( يافرحتي بيهم كل شيء تلاقيه و شيء و 95 بنس ... عشان أبو 39.95 تحس أنك دافع بس 30 لا مررررة شاطرين -بس تصدقوا أحس إني فعلاً دافع 30 ما أدري ليش)...
المهم من الأكثر أهمية ... إني خلاص رايح أشتريه خلال الأسبوعين الجايين ... بس تعرفوا عشان أسعار الألعاب المغرية مرررررة ما بقدر أشتري أكثر من 3 ألعاب بس مع الجهاز :( ....عشان كده ....
أبغى أعرف من خبراتكم أحلى ثلاث ألعاب ممكن آخذها .... علما بأني (حلوة علماً بأني .. تقول كأني قاعد ألقي محاضرة) ما أحب ألعاب قتال إلي ضد بعض (يعني زي تكن و ديد أور آلايف والشلة هذه.مع أحترامي الفائق لمحبينها) وأحب و أموت بالآر بي جي ....
بس سايلنت هيل 2 لازم أشتريها .... يعني كنت حاطط في بالي لعبتين ما أدري أيش رأيكم فيها و تعليقاتكم هم (برو إيفولوشن -كرة القدم- و جاك آند دكستير-المغامرات) ... ماأدري أيش رأيكم فيها و هل في ألعاب أحلى ؟؟؟؟ بس لاتنسوا أنه عندي الأصلي يعني ماأقدر أشتري كل أسبوع لعبة زي ماتعودت للبلاي ستيشن 1 في جده ... كنت كل أسبوع لعبة أو إثنين من العمودي حتى تصدقوا أنه في ألعاب لها أكثر من سنة سنتن مالعبتها ...
وفي شيء أخير ... ما أدري رحت أسأل في واحد من محلات الألعاب إلي هنا على ال دي في دي حق البلاي ستيشن 2 قال لي مايشتغل تمام بس إذا أشتريت الريموت (كمان 20 باوند) بيشتغل أحسن ( ماأدري يمكن شافني شكلي مسكين -ما أدري مسكن ولا أهبل- فقال لك خليني أضحك عليه ونآخذ زيادة منه...
طبعا أنا عارف إني ثقلت عليكم مررررررررة ... وطبعا ياريت تردوا .,... لأني و الله كتبت الكلام هذا كله و فعلا أبغى النصيحة (وما أدري كيف كتبت الكلام هذا كله على كيبورد مافي طبعة الحروف العربي ...عشان كده أعذروني لو لقيتو غلطات) ....
مرة ثانية آسف جداً على التطويل عليكم و أتمنى أنكم تتقبلوني معاكم لأني لسه سجلت في المنتديات قبل 4 أو 5 ساعات .... ومشكورييييين جزيل الشكر
عاشق سلسلة لونر
07-12-2001, 09:15 PM
مشكورين يا جماعة و ماقصرتوا ....
شكراً على الردود و النصايح الكثيرة إلي مررررررة متوقعتها ....
على العموم يمكن طلبت الكثير .... فعذورني ....
وأتمنى أنكم تنسوا الموضوع هذا ...
آسف جداً
زومبي 2002
08-12-2001, 02:20 AM
معليش اخوي لا تزعل علينا
انا راح احاول اعطيك اجوبة:
(وطبعاً مافي كوبي هنا (مع الأسف الشديد) ):
اسمحلي اقلك انه كلامك غلط لأنه في كوبي وديفيدي كوبي حتى ومن يومين نزلت في بريطانيا قطعة misseah
وهي تشغل جميع شرايط السوني 2 ديفيدي وعادي واصلي جميع الأنظمة يعني باختصار كل شيء
واذا دورت راح تلاقي ميتل جير 2 كوبي ديفيدي وبسعر 7,9 جنيه استرليني
اما بالنسبة للريموت فماله داعي لأنك تقدر تتحكم بالافلام عن طريق يد السوني العادي اضغط سيلكت ويطلعلك كل ماتحتاجه!!!
وفي رأيي احسن العاب هي:
سايلنت هيل 2
ميتل جير2(لا تقلي ما وصلت....دور وبتلقاها ديفيدي كوبي)
ديفل ماي كراي
واذا تبغى اربيجي فعليك بفاينل فانتزي10(دور وبتلقاها ديفيدي كوبي)
وطبعا برو ايفلوشن سوكر
انا انصحك تشتري سايلنت هيل 2 اصلية لأنه معاها هدايا كثيررر!!!!!!!!!!!
زومبي 2002
08-12-2001, 02:25 AM
معليش اخوي لا تزعل علينا
انا راح احاول اعطيك اجوبة:
(وطبعاً مافي كوبي هنا (مع الأسف الشديد) ):
اسمحلي اقلك انه كلامك غلط لأنه في كوبي وديفيدي كوبي حتى ومن يومين نزلت في بريطانيا قطعة misseah
وهي تشغل جميع شرايط السوني 2 ديفيدي وعادي واصلي جميع الأنظمة يعني باختصار كل شيء
واذا دورت راح تلاقي ميتل جير 2 كوبي ديفيدي وبسعر 7,9 جنيه استرليني
اما بالنسبة للريموت فماله داعي لأنك تقدر تتحكم بالافلام عن طريق يد السوني العادي اضغط سيلكت ويطلعلك كل ماتحتاجه!!!
وفي رأيي احسن العاب هي:
سايلنت هيل 2
ميتل جير2(لا تقلي ما وصلت....دور وبتلقاها ديفيدي كوبي)
ديفل ماي كراي
واذا تبغى اربيجي فعليك بفاينل فانتزي10(دور وبتلقاها ديفيدي كوبي)
وطبعا برو ايفلوشن سوكر
انا انصحك تشتري سايلنت هيل 2 اصلية لأنه معاها هدايا كثيررر!!!!!!!!!!!

لمزيد من المعلومات عن القطعة التي ذكرتها راجع هذا الموقع:
www.messiah-world.com
وسجل في المنتدى الخاص بالموقع وشوفف المعلومات
Neo Al-arab
08-12-2001, 03:39 AM
و الله انا كنت مثلك السنة الماضية كل اسبوع لازم لعبة بس الحين انا في امريكا ادرس و والله انا متوهق ابي قطعة تشغل النظام الاوربي على الامريكي ومو لاقي لقيت بس مش متاكد وكل الي لقيتهم على النت بس وانا ابغاها عشان برو ايفلوشن سوكر بس واجزائها الجاية
بس الفرق الي بينك و الي في السعودية وبيني ان الالعاب الامريكية تنزل عندي قبلكم وقبل السعودية بس ايش الفايدة اذا اللعبة الي ما تخليني زهقان مش موجودة وانا احسدك على هالشي
اما بالنسبة للالعاب فسايلنت هيل مش راح تكون زي ما تتوقع اما بالنسبة لاحسن العاب فغير ديفل ماي كراي لا دور اما بالنسبة للآر بي جي فراح اجاوبك بعد 26 لان فايل فانتسي راح تزل في هاليوم اما ميتل غير فاذا ما شريتها فاحسنلك ترمي السوني في البحر
اما العبة الي لازم كل محب للكورة والغير محب يلعبه الي هي برو افلوشن سوكر وانا انالله راح اجيبها هي والقطعة اليوم اذا قدرت من النت
اما بالنسبة لاسعار الالعاب فهي ليست غالية في امريكا 50 $بس سعر حلو ومعقول
ارجو ان اكون ما طولت عليك:cool:
القــعـقـاع
08-12-2001, 05:11 AM
اخوي انا انصحك انك تشتري اية لعبة ما عدا سايلنت هيل
ميتل جير على الاقل تشفع لها رسوماتها
عاشق سلسلة لونر
08-12-2001, 08:27 AM
والله ماأدري أيش أبدأ و أقلكم غير جزاكم الله ألف خير ...
ومن جد هالمرة مشكورين وماقصرتوا ...

زمبي 2002 والله تسلم لي حبيبي .... كنت شوي زعلان ... لأنه توقعت لما أنا بغربة الكل بيساعدني و خاص إني جديد بالمنتدى ... بس أتفاجأ بأنهم تجاهلوني تماماً ...
والله مشكور حبيبي لأني ماكنت أدري عن قطعة أسمها MESSIAH
بس الحين عرفت وبأدور ... لأنه خبر حلوووو إني ألاقي كوبي في بريطانيا ... وراح أدور زي ماقلت ..بس ما أدري فين و صراحة ما أتوقع ألاقي بسهولة ... وبخصوص الألعاب أنا متأكد فعلاً أنك أخترت أفضل قائمة.

Neo Al-arab والله تسلم لي على ردك ياغالي .... وشكلنا نعاني من نفس المشاكل ... حتى أنا شكلي بشتري القطعة أون لاين .... ويا أخي تراك مرة شوقتني على برو إيفلوشن .. ليه هي مرة حلوة للدرجة هذه ؟؟!! ومعقول سايلنت هيل 2 بتخيب ظني !!! ما أعتقد لأني أمووووت في هااللعبة , وفكرة إني أشتري الجهاز كانت منها .. وميتل جير 2 من غير كلام لازم حأشتريها ... ومشكور حبيبي مرة ثانية .

serge مشكور ياغالي وماتقصر .... بس معقول سايلنت هيل 2 بالدرجه هذه !!!! يا أخي أكيد أنك بتمزح ... على الأقل مو معقول من كونامي أنها تسوي شيء بايخ .

وعسى ما أكون طولت عليكم مررررة ثانية .....
Neo Al-arab
08-12-2001, 09:56 AM
والله انا لما كنت في السعودية السنة الماضية كان عندي WNE5 وكنت اموت فيها لانها رائعة وانا من البلايستيشن الاول وانا لا يمكن اتخلى عن هالسلسلة
اي اخوي احنا نفس الشي والله يا اخي انا كنت عايش امير في السعوديةبس تعرف الدراسة فق كل شي :cool:
عاشق سلسلة لونر
08-12-2001, 03:58 PM
Neo Al-arab والله من جد ... صح كلامك (أبسو لو تلي)
كلنا كنا عايشين أمراء .... وضحك و تسلية و فلة و جو ما ينمل منه ...بس مع الأسف زي ماقلت إنت الدراسة فوق كل شيء ...
والله و أنا هنا أتذكر جو السعودية و أقول أيش إلي خلاني أسيبها ... بس خلاص متأخر مرة هذا الكلام ...
على العموم طمني ياسيدي عليك... بعد الضربة حق أمريكا أيش حاصل معاك ؟؟؟ .... أنا سمعت يقولوا كثير من الشباب السعودي بشكل خاص و الخليجي بشل عام تركوا الدراسة و راجعين على بلادهم ؟؟ صح ؟؟؟
معليش عندي سؤال بايخ ... ممكن أعرف أيش هي WNE5 ؟؟؟!!!
كل عادة لازم أطول في الكلام...
عاشق سلسلة لونر
09-12-2001, 12:00 AM
معليش ....
زومبي 2002
09-12-2001, 02:11 AM
والله يا اخواني اللي يقول عن سايلنت هيل 2بايخة بصراحة ما عنده سالفة او يكون مب فاهم قصتها؟؟!!!!
صراحة قصة ولعب ورسوم ولا أحلى بس عيبها الوحيد في الوحوش وانا اقلك يا عاشق سلسلة لونر اشتريها و لا تنتظر
Neo Al-arab
09-12-2001, 03:28 AM
شكرا حبيبي على سؤالك عن الاوضاع لانها زفت في المدن الكبيرة بس انا قاعد في مدينة صغيرة وناسها طيبين وما عليها من هالخرابيط وانا اعرف صاحبي كان في clevland وما كان الوضع زين فرجع البلاد
اما بالنسبة لـWE5فهي نفسها PRO EVLUTION SOCCER بس الياباني وانا سمعت انو البريطانية فيها اشياء اكثر واحسن من WE5 الي كنت ما امل منها ابدا فيعني اتوقع ان تكون البريطانية مش فظيعة وبس راح تكون العبة الي ما تخليك تزهق من اللعب
يلا حبيبي نشوفك على خير;)
عاشق سلسلة لونر
09-12-2001, 11:59 AM
زومبي 2002 يا أخي والله شجعتني عشان أشتريها .... لأنه بعض الشباب أحبطوني ....
لأني ترا قايل من قبل أول ما قرأت أنها نازله على السوني 2 قلت لازم أشتري الجهاز ,,,


Neo Al-arab مايحتاج تشكرني ياغالي هذا واجبنا نحوك .... و الحمدلله على الأخبار الحلوة هذه إلي تطمن ,,,, و إن شاء الله يرجعوا الأمريكان يهدأو وما يأذوا أحد (آمين )
وصح كلامك ألعاب الكورة حق كونامي ماينمل منها أبداً و هذه حقيقة معروفة ... وأتمنى لك تلاقي النسخة الأوروبية إلي تدور عليها .... ولاتنسى كيب إن تتش
عاشق سلسلة لونر
19-12-2001, 02:06 AM
الله يخليكم ياجماعة النصيحة ....
ترى والله لكم أجر ... لأنه بتساعدوا أخوكم المسلم


خلاص أنا رايح أشتري الجهاز يوم الجمعة ...
ومعاه لعبتين بدل ثلاث للأسص:( لأنه الحالة المادية في هبوط مستمر:(


المهم ماأبغى أطول عليكم زي كل مرة...
أفيدوني أفادكم الله...

وشكراً لكل إلي ردوا على الموضوع
وإلي بيردوا (إذا أحد رد:o )
THUNDER2001
19-12-2001, 07:20 AM
أخوي بالتوفيق أن شاء الله ومبروك (مسبقا)

تبي نصيحتي أياك ثم أياك ثم أياك تشتري سايلنت هيل 2 الصراحه هذي أول لعبه تطلع من هذي الشركه العريقه والرائعه بهذي البيااااااااااااااااااااااااااااااخه

أنا كنت متحمس للعبه زيك ويوم شريتها أنصدمت صدمه كبيره الرسووووم باااايخه والوحوش أبيخ

وذا تبي لعبه بدلها خذ GTA3 وأنت مغمض و MGS2 (أيش يسوى الجهاز من دون هذي اللعبه) و( ديفل ماي كراي) (أو GT3 أذا كنت تحب السيرات )

ترى هذي نصيحتي أشتر أي لعبه غير سايلنت هيل 2
عاشق سلسلة لونر
19-12-2001, 04:01 PM
THUNDER2001
مشكور حبيبي ... والله يبارك فيك ....:D

معقول سايلنت هيل 2 بالبياخة هذه ؟!؟!؟!?:
ما أقدر أتخيل هذا والله ؟.....

حتى الرسومات بايخة ؟؟؟?:
البعض قال أحلى مافيها رسومها ....
غريبة ؟؟؟!؟!؟
زومبي 2000 ياليت إنك ترد عشان نعمل مقارنة ...

وتراك يا THUNDER2001 حمستني ألعب جراند ثيفت أوتو 3
وإن شاء الله راح أشتريها ....
بس ميتل جير 2 لسه مانزلت :( :":

المهم ياليت تناقشوا موضوع سايلنت هيل 2

وشكراً
عاشق سلسلة لونر
20-12-2001, 10:40 AM
???
THUNDER2001
20-12-2001, 11:59 PM
الصراحه سايلنت هيل باااااااااااااااايخه

وأن كان على الرسوم نسخه من رسوم سايلنت هيل 1 بأستثناء العروض

والقصه قصة الجزء الأول أحلى بكثيييييييييييير

هذا عن سايلنت هيل وأذا تبغى تعرف أكثر روح شوف موضوع عماد (( سايلنت هيل ....)) تشوف كل الناس يذمونها

ــــــــــــــــــــــــــــــــــــــــــــــــ
أما عن gta3 فهي لعبه رائعــــــــــــــــــــــــــــــــه وهذي بعض الصور أرجو أنها تعجبك

ملاحضه : اللعبه تختلف عن الأجزاء السابقه
http://gamespot.com/gamespot/images/2001/ps2/gta3/gta3_screen003.jpg
هذي ثانيه
http://gamespot.com/gamespot/images/2001/ps2/gta3/gta3_screen004.jpg
أذا تبي أكثر أدخل هذا http://gamespot.com/gamespot/filters/products/screenindex/0,11104,466217,00.html

ولا تنسا mgs2

تحياتي THUNDER2001