::+:: هل هناك مايدفعك لشراء PS3 حتى الأن ::+::

[HAMLET]

السلام عليكم

شريت الجهاز الأصدار الياباني ( حكة أقتناء الجهاز في بداية صدوره )

وبعد أسبوعين بعته على واحد من الشباب ( أزعاج حتى بعته ) :28:

( أحباط ، يذكرني بالـ PS2 أشتريته بـ 4 الأف مع شريط تكن الرابع أصلي ، مافي جيمز غيره أبد ) لووووووول نفس العمليه تتكرر لي

المهم

يعني كان فيه سبب أجبرني أفكر أبيع الجهاز

وهو عدم وجود ألعاب تسوى أو تستاهل أقتناء الجهاز :blackeye:

الأن أنا في ترقب

أبي أشوف جيم يستاهل أشتري الجهاز على شأنه من جديد مافيه

بالنسبه لي

صحيح أحب أكتشف جيمز جديد ، لكن مو مثل حبي للسيريل جيمز اللي متابعهم من سنوات طويله

وللأسف مافي منهم شي نازل قريب على الجهاز ، بعد ماشيكت على تواريخ صدور الجيمز اللي أنتظرهم :31:

فا مدري أحس مريت بالسالفه هذي من زمان

ولا ودي تتكرر :02:

[بعيد الشوق]

حاليا مافي سبب بس مستقبلا فيه وتذكر بلاي ستيشن 2 :)

[solid619]

صحيح كلامك ما في شي يخليك تشتري البلاي 3 استنى إلى 2008 وإن شاء الله يطلع فاينل و تكن وقتها يسير الجهاز يستاهل الواحد يشتريه

[ToUaReG]

لحد الحين ماكو سبب ..
ماكو ألعاب قويه :) ..

[maxi]

بالنسبه لي نعم... اغلبها اسباب شخصيه

1- حسب تجربتي في ال ps2 النسخه القديمه افضل من الجديده يتحمل( هذا ما يشجعني على شراء ال ps3 حاليا)
2- اتمنى اني احجز اسمي الخاص في ps3 ال (ID ) او حتى في ال Home . اخاف تروح الاسماء الرباعيه :D
3- لو اشتريت ال ps3 الحين بهذا السعر ! ابدا ما رح اندم عليه ليش؟ لانه رح يعيش معي فتره اطول من اللي رح يشتريه بعدي بسنه او سنتين !! على الاقل اكون دفعت سعره ليس فقط لالعاب بل لفتره اطول :p .....

[YagooT]

اهو الجهاز يفيدك في السفر

انا وايد اسافر وادرس بره في الخارج
الجهاز فايدني وايد PSP & iPod

شكرا

[ابـ الدحمي ـو]

اكيد فيه ،
:
:
:
:

ريسستانس لعبة حلوة وكول اوف دوتي 3 هذي العاب تقعد عندك بالشهور ما راح تمل منها خصوصاً بالاون لاين ، غير كذا الي متوقع ان الجهاز راح يرخص ب 2008 اقولة اذا الحين الجهاز ما عليه العاب كثيرة وماسك سعره كيف اذا نزلت ميتل جير 4 وريزدنت ايفل وجراند وجي تي وفاينل فانتسي ؟؟


اشتره من الحين واستاااااااانس

[Paolo MALDINI]

اذا تبغى كلمة الحق .. مافيه

سعر الجهاز وقلة الالعاب ومشاكل الكوبي واسعار الالعاب كلها حجر عثره بطريقك ..


انتظر .. ما تخسر شي ..

[ايوب الحسن]

فلوسنا واايد .... شنسوي !!!

[HAMLET]

فلوسنا واايد .... شنسوي !!!

بس أنت اللي عندك فلوس

أخوي أنا أقصد شي غير الفلوس

يامادي ياأنت

يابو فلوس واااايد

أنا أقولك وش تسوي بفلوسك اللي وايد

روح أشتري بنق وروح بيعه بسوق الصالحيه

يشترونه اللي عندهم فلوس وايد نفس سالفتك بسعر مرتفع حيل ، تربح على طوووول

وتصير عندك فلوس وايد وايد

وترجع تسألني وشنسوي

أقولك الخطوه الثانيه

هههههههههههههههههههههه

ياأخي مره كووول أنت

[leon 2007]

أناودي أشتريه أشان ريزيدنت إيفيل 5 بس ههههههه

[Dr.DrEaM]

وتصير عندك فلوس وايد وايد
في الخطوة الثالثة بتصير عندك فلووس وايد وايد وايد .. الخ

المهم م نطلع عن المضوع :

انا اي ما يخليني اشتري الجهاز هو انه ما له العاب تستحق .. ثانيا لا يوجد له كوبي بعد واقولها بصراحة ...من دون كوبي ما بشتري الجهاز .. او بخلي الي معه فلوس وايد يسلفني 2000000 ريال اشتري فيهن الجهاز مع كل لعبة تنزل .. لووول

[واحد من الشباب]

وبعد أسبوعين بعته على واحد من الشباب ( أزعاج حتى بعته ) :28:

(ر :02:


اي والله انك ازعجتني :28: بعدين وين باقي الالعاب والكرتون ؟ اقول خلاص بطلت هات فلوسي :12:

[][-][Mr.ZeNoN][-][]

شاريه عشان الـGT5

[D751]

الجهاز وبكل صراحه مايعطيك اي دافع انك تشتريه في الوقت الحالي لان ماكو اللعاب تستاهل.
وفي اللعاب كثيره للحين مانزلت على البلاي ستيشن 3

[SNAKE-1]

اخي العزيز

لعبة ريستيسنس قويه جدااااااااااااااااااااا


ورائعه وقريبه من كيل زون لكن ليست بحجمها وقوتها


لكن اللعبه تستحق الشراء حتى الرسوم فيها شئ خيالي والواقعيه شئ خيالي

بالنسبه للعبة كيل اوف ديتي يمدحونها ناس كثيرين بس لسا مافكرت اشتريها


وبالنسبه للعبه اسمها سبلينتر سيل لاتشتريها والله مره ماتستاهل حتى الأون لاين غيبه فيها وانا نادم


على شرائها


الجهاز يستحق الشراء لكن برضوا انصحك تشتري الجهاز في نهاية 2007 م

تحديدا شهر 10 لوجود العاب رائعه وكثيره منها ديفل ماي كراي

وجراند ثيفت اوتوو والمصارعه العاب كثيره في هادا الشهر ولعبه اسمها assisn creed


وكمان احتمال صدور اللعبه والتي هيا السبب في شراء الجهاز ميتل جير 4

يعنى ميتل جير 4 يــ شهر 11 او 12 الشئ الأكيد انها في السنه هادي


والدوري الياباني في بداية 2008 م ورزدينت ايفل 5 اكيد ماحيعدي شهر 4 او 5 من العام 2008 م



وهناك العاب والمارد الأسود بالأنتظار ((( الأكسبوكس في نهاية 2008 م حتروح ايامه )))

والسلام ياأخوان

[DR.COM]

البلاي ستيشن 3 جهاز قوي وذو مواصفات قوية ومافي احد يختلف على هالكلام
بس حاليا لو تنزل افضل افضل العابي عليه مارح اشترية
اولا العابة قليلة ثانيا العابة مالها كوبي
يعني خلاص انا تعودت على البلاي ستيشن2 وكل كم يوم لعبة كوبي بعشرة ريال وانواع الوناسة
لكن تقولي لعبة 250 ريال !!!!
والله حرام ادفع مبلغ زي هذا عشان لعبة
خليه ينطر هناك الين ينزل له كوبي وقطعة تكون مية مية لتشغيل الكوبي بدون اي مشاكل
زي ماسويت مع البلاي ستيشن2 اشتريته بعد 4او 5 سنوات من نزولة والحمدلله ماعمرة شم الصيانة

[The Ace Overlord]

كأني رديت بموضوع مشابه؟
المهم شاري الجهاز عشان GT5 فقط لا غير

شاريه عشان الـGT5
كفو :kiss: