الكويت - الكهرباء: القطع المبرمج يبدأ السبت

[GrimReaper]

السلام عليكم

______________________

تبدأ وزارة الكهرباء والماء مع ارتفاع الأحمال الكهربائية والاستهلاك الزائد «اللجوء للقطع المبرمج بدءا من اليوم »، بينما بشرت هيئة الزراعة ان «تعويضات متضرري انفلونزا الطيور ستصرف لهم 13 مليون دينار خلال ثلاثة أشهر».
وذكرت مصادر لـ «الوطن» «ان وزير الكهرباء والماء المهندس محمد العليم ابلغ وزراء على هامش جلسة مجلس الامة امس توجه الوزارة للبدء باستخدام خيار القطع المبرمج للكهرباء اعتبارا من السبت المقبل بعدما لاحظت تزايد معدلات الاستهلاك مع الارتفاع المطرد لدرجات حرارة الجو».
من جهة أخرى، شهدت منطقة الاحمدي التعليمية امس انقطاع الكهرباء وجاء ذلك ضمن تطبيق جزئي للقطع المبرمج للكهرباء بعدما لوحظ امس ارتفاع حجم الاستهلاك 8600 ميجاوات امام درجة حرارة بلغت امس 45 درجة مئوية ونسبة رطوبة بلغت 13 درجة.
وفي ذلك بينت المصادر ان «قراءات الامس رسمت خطوطا حمرا للايام المقبلة مخلفة تخوفات من سرعة الوصول الى حجم استهلاك قد يبلغ تسعة الآلاف ميجاوات ويتجاوزها الى ما بعد ذلك» مشيرا الى «ان حجم الانتاج يصل في اقصى معدلاته الى 9150 ميجاوات».

:( مافي كهرباء !! وين قاعدين ايام الغوص !!!

[أبو طلحة القبطي]

السلام عليكم ورحمة الله وبركاته
لا حول ولا قوة إلا بالله العلي العظيم
الله يعين أهل الكويت على هذا الحر الشديد بالإضافة إلى قطع الكهرباء المبرمج.
لكن لماذا كل العالم اتجه إلى إنتاج الطاقة النويية ما عدا نحن العرب بالرغم من إمكانياتنا؟!
دولة مثل الكويت ما شاء الله غنية وبالقرب من الخليج بالإضافة إلى الخبرة الأجنبية, ماذا ينقصها لتوليد الطاقة من المحطات النويية الرخيصة مقارنة بالطريقة التقليدية التي تستنفد البترول!
الله يحفظ بلاد المسلمين من كل شر.

[ابتسامــــــه]

و عليكم السلام و الرحمه

في حلول ثانيه غير قطع الكهربا المبرمج :boggled:

لاحظت على قنوات الكويتيه ترشد في استهلاك الماي و الكهربا و إن شاء الله يجيب نتيجه



لكن قطع الكهربا وبـ الصيف !!!!!!!!!!! :02:
الله يكون بالعون

[wasker]

الله يكون بعونا بس الحمد الله منطقتنا اقل منطقه تضررا بالقطع المبرمج
ثانكس

[Haxx_Star]

ان شاء الله ما يقطعوها لفترة طويل..
انا حاليا في الكويت..وسمعت عن هذا كثيرا..

[fatherless]

لووووول الله يعين والله بس يالله كل منطقه تنقطع فتره 45 دقيقه على الاقل هم فوق هذا مشكله والله حر و موت مشكله يبون يقطعونها من ساعه 12 لي ساعه 5 الناس ورا لغدا تبي تنام لووووول

شفت احصائيه مسوينها عل قناة فنون انه حجم استهلاك الكهربا في الكويت يساوي ضعف الاستهلاك الكهربا في المملكه المغربيه مشاء الله وايد والله والله يستر ويحفظ ديرتنا

بس عجبتني كلمه صاحب الموضوع وين قاعدين ايام الغوص لووووول

[EAGLE 2000]

شي عجيب ماني مصدق ان احنا بسنة 2007 :31:

صحيح ان الوزارة متأخرة شوي بحل المشكلة
لكن اقدر اقول انها سوت الي عليها والباقي على المواطنين والمقيمين!

بتقليل استهلاك الكهرباء بقدر الأمكان ولو انها صعبة الحين بالصيف ومانقدر نستغني عن الكهرباء :(

يلا قولوا معاي :p

ومن حبنا لها نوفر لها :D

[عمر]

إلحقونا يا شباب ..

كانت الكهرباء تنقطع عندنا ساعتين باليوم .. أما الآن 18 ساعة مقطوعة ههههههههه

يللا بالدور .. العراق, الكويت, سورية, السعودية, والباقي حسب الحجز

[Amarantine]

يللا بالدور .. العراق, الكويت, سورية, السعودية, والباقي حسب الحجز

هههههههههههههه معك حق هههه

[سانوسوكى]

الله يكون بالعون

الا الكهرباء و الماء ما نستغنى عنهم

ان شاء الله فترة و تعدى

على الاقل انتم يحذرونكم عندنا فى مصر تقطع باى وقت و بدون سابق انذار

[fatherless]

شباب انا سمعت من منهدس يشتغل في الوزاره قال انه الماي راح يطقعونه بالفرته اليايه الله يستر والله
يعني من الساعه 12 لي 5 هذي كهربا ومن ساعه 9 لي 11 هذا الماي لووووووول الله يستر ويكون بالعون وان شاء الله تكون بس الكهربا مو الكهربا و الماي

ويالله نقول من حبنا لها بنوفر لها لوووووول

[ابتسامــــــه]

شباب انا سمعت من منهدس يشتغل في الوزاره قال انه الماي راح يطقعونه بالفرته اليايه الله يستر والله
يعني من الساعه 12 لي 5 هذي كهربا ومن ساعه 9 لي 11 هذا الماي لووووووول الله يستر ويكون بالعون وان شاء الله تكون بس الكهربا مو الكهربا و الماي

ويالله نقول من حبنا لها بنوفر لها لوووووول


:boggled: :boggled:

ماي و كهربا !!!!

[D.D.S]

الله يعينا ..,,

==

[fatherless]

:boggled: :boggled:

ماي و كهربا !!!!


اي والله اختي انا هذا الى سمعته بس اتمنى تكون اشاعه لأنه الماي صعبه اكثر من الكهربا :(

[sweet Mio]

مرحبااا
اول شي في اعضاء يردون ردود مالها داعي
يعني ياا تسكت او تتكلم بالمشكله نفسهااا
المهم


هم الوزارة اصلا ناويه على هلاكنا ؟؟؟
درجه الحراره عندنا عاليه جداجدا ويقطعوا المااي والكهربااا !!! شلون يعني نمووووت ؟؟؟؟
ما يفكرون بالشعب الظااهر اهم شي فلوسهم ><"
الله يكون بعونا ان شاء الله
محد بياكلها غيرنا -_-"

[Strange]

أصلا الوزارء ويش بيخسروا ؟!!!
كلهم مسافرين للخارج ..
محد بياكل الحر وانقطاع الماي غير الشعب ..
يعني صعب انشاء محطة توليد جديدة في بلد يصدر البترول بكميات كبيره !!!!!
أقول ملايين البترول ما ندري وين تروح :31:

[ابوعوف]

الماء والكهرب من حق أي مواطن في أي دوله

اذا الله يعين الموظفين الذين يعملون في قصر دسمان !!

[sweet Mio]

وشكوووووووووو اصلا الموظفين اللي بقصر دسمااان ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
احنا اللي ماكلينها ورح نتاذى اكثر من الموظفين اللي قاعدين بمكاتبهم وكل شي واصل لهم

[Morex]

الله يعينا ,
بس الإنقطاع الي بالكهربا والماي وراه بوووق من قبل الإكباريه
خن اسكت قبل ما افضحهم ,
وعلى طاري الشعار (حجم استهلاك الكهربا في الكويت يساوي ضعف الاستهلاك الكهربا في المملكه المغربيه)
مادري شفيه الي مخترع هذا الشعار ومسوي نفسه اينشتاين والأخو موزع هذا الشعار في القنوات الفضائيه ,,
خخ العالم قام يظحك علينا , يعني بالله عليكم المغرب نفس الكويت !!!
يا أخوان المغرب اغلب جوها براد وما يحتاجون حق التكييف وحتى الوزاره تقول ان التكييف ياخذ 70 او 80 بالميه من كهربا المنزل .
والحين يقولون الكويت ضعف المغرب !!!!
وياريت محد يزعل مني , ترا انا من الديره , واحنا عايشين في ديمقراطيه:)
وما اقول إلا ياالله احفظ الكويت من كل شر ومن كل حرامي :)
والسلام عليكم

[fatherless]

الله يعينا ,
بس الإنقطاع الي بالكهربا والماي وراه بوووق من قبل الإكباريه
خن اسكت قبل ما افضحهم ,
وعلى طاري الشعار (حجم استهلاك الكهربا في الكويت يساوي ضعف الاستهلاك الكهربا في المملكه المغربيه)
مادري شفيه الي مخترع هذا الشعار ومسوي نفسه اينشتاين والأخو موزع هذا الشعار في القنوات الفضائيه ,,
خخ العالم قام يظحك علينا , يعني بالله عليكم المغرب نفس الكويت !!!
يا أخوان المغرب اغلب جوها براد وما يحتاجون حق التكييف وحتى الوزاره تقول ان التكييف ياخذ 70 او 80 بالميه من كهربا المنزل .
والحين يقولون الكويت ضعف المغرب !!!!
وياريت محد يزعل مني , ترا انا من الديره , واحنا عايشين في ديمقراطيه:)
وما اقول إلا ياالله احفظ الكويت من كل شر ومن كل حرامي :)
والسلام عليكم


والله كلامك صح ودعاياتهم تضحك بصراحه والمحطه صارت قديمه وماتكفى وهذا الشي من زمان من ايام الوزير بورقبه الله يرحمه قالهم انه لازم تتطور المحطه
يالله ان شاء الله ازمه وتعدي على خير

[GrimReaper]

أنزين ليش مايبنون محطه ثانيه

او يصنعون نووي كهربائي مثل ماقامت

تسوي أيران <.< بالاول عبالنا بيستخدمونه للحرب

بعدين كتبوا بالجريده انه لزياده طاقه كهربتهم <.<

[fantazya103]

حسبي الله عليهم الحين الناس في ايا امتحانات ثانوية عامة الله يخسهم صج
وبعدي المولدات منتهية صلاحيتها من سنة 1995 وينهم ولا كروشهم نا انترست شذنب المساكين التعبانين طول السنة والي هالايام بتحدد مصيرهم ومستقبلهم!!!!

[:: HiDEY ::]

من حبنا لها ...
نهزئ أهلها ..

[sweet Mio]

هاااايدي شكووو هالكلام ؟؟؟؟
انا قلبي حااااس ان هذي حركه منهم وان شاء الله ما تدووم
اظن فترة مؤقته وبيرجع كل شي مثل ما كاان
لان الظروووف ما تساااعد ابدا عالقطع .. خاااصه ان درجه الحراره عاليه جدا

[D.D.S]

الله يعينا ,
بس الإنقطاع الي بالكهربا والماي وراه بوووق من قبل الإكباريه
خن اسكت قبل ما افضحهم ,

تكلموا عنهم بالجريده ., !!

ليمن قلنا بس ..,

مادري ايش فايدتهم ؟؟

كل يوم ايلنا واحد .., و يضحك لنا .. ما يسوي شىء ..,

ياخذ الفلوس

وبعدين يطلع .. ياخي لو هذا يحس فينا بس ..,

والله يعين اللي ماخذين صيفي بس :boggled:

والله شكلنا بناكلها عدل .., :28:

==

[Morex]

والله محد راح ياكلها غيرنا ,

وبعضهم من اول ما يصير حر راحو لبنان ولا السعوديه...

بس الحين لبنان اعتفست واخوانا الي 24 ساعه مطيحيله بلبنان توهقوا...

خنشوف يمكن يستحملون الحر :)

والسلام عليكم

[iSRT8]

سلام

اصلاً من الثمانينات واهمهـ يقولون سنة 2007 بتصير مشكلهـ بل كهربهـ
بس كل هل فلوس تروح للي يهـ قعد يومين وراح و للحراميهـ :أفكر:

الله يعينهـ وإن شاء الله ما تنقطع الكهربهـ عندنهـ ~_~

[عقرب أسود]

الله يكون بعونا

[iSRT8]

ما شاء الله عليهم بعض الناس :p
ما ياهم الشوق لزيارة الدول العربيهـ الا الحين :p

[almostAshaar]

محد مخسبق الكويت الا الحراميه بوووووووق بالملايين ما اقول الا حسبنا الله ونعم الوكيل

[A.N.G.E.L]

اهيا جت الصيفية ومعاها النكد والحر..الله يعينكم ويكون بعونكم

[HUMAED]

في هذا الحر ما في كهربــاء !!
الله يعينكم ..

[بن عسكر المطيري]

مااقول الا الله يرحم ايام الشيخ جابر
ماكنا نشتكي من انقطاع الماي والكهرباء
وماكانت المطاعم والبقالات مسكره
لكن من توفى الشيخ جابر رحمه الله تخلفت الكويت بسبب سوبر ماريو
والفاهم يفهم

[fatherless]

مااقول الا الله يرحم ايام الشيخ جابر
ماكنا نشتكي من انقطاع الماي والكهرباء
وماكانت المطاعم والبقالات مسكره
لكن من توفى الشيخ جابر رحمه الله تخلفت الكويت بسبب سوبر ماريو
والفاهم يفهم

عيب عليك تقول جذي والشيخ جابر ماله شغل ولا الى تقول عنا السالفه ومافيها انه المحطه قديمه وماتستوعب ولا تقدر توفر حتياجات الدوله وهذي الشى من زمان موجود وليش دخل المطاعم والبقالات في السالفه ماسمعنا انه في مطعم مسكر الموضوع يتكلم عن الماي والكهربا

وبعدين عيب عليك تقول جذي هذا عزوتنا وتاج على روسنا والله ماعندك سالفه تتكلم جذي

[iSRT8]

مااقول الا الله يرحم ايام الشيخ جابر
ماكنا نشتكي من انقطاع الماي والكهرباء
وماكانت المطاعم والبقالات مسكره
لكن من توفى الشيخ جابر رحمه الله تخلفت الكويت بسبب سوبر ماريو
والفاهم يفهم

الله يرحم الشيخ جابر ويغمد روحه الجنه
بس اخوي المشكلهـ هذي من الثامنينات
ومحد حاول يعالجها والحين طاح الفاس بالراس
وكلامكـ عن الشيوخ مالهـ داعي ... اخوي ^^
مهما قلت هذولي عيال الصباح فخر لنا ^^
وما شفنا شي مو زين عشان تقول هالكلام اخوي
^^




عيب عليك تقول جذي والشيخ جابر ماله شغل ولا الى تقول عنا السالفه ومافيها انه المحطه قديمه وماتستوعب ولا تقدر توفر حتياجات الدوله وهذي الشى من زمان موجود وليش دخل المطاعم والبقالات في السالفه ماسمعنا انه في مطعم مسكر الموضوع يتكلم عن الماي والكهربا

وبعدين عيب عليك تقول جذي هذا عزوتنا وتاج على روسنا والله ماعندك سالفه تتكلم جذي


الله يرحمه ^^ ... ردكـ جميل اخوي وماقصرت



الله يعينهـ وإن شاء الله ايي شهر 7 ويشغلون المحطات اليديدهـ
وما تصكر الكهربهـ عندنا
^ـ^

[D.D.S]

وكلامكـ عن الشيوخ مالهـ داعي ... اخوي ^^
مهما قلت هذولي عيال الصباح فخر لنا ^^
وما شفنا شي مو زين عشان تقول هالكلام اخوي
^^





يا هلا امبيرور ..,

ياخي ما تذكر .,

نعم فخر لنا ..,

بس في كم واحد >> . . . . . .

ياخي ..

انت نسيت قصة المخدرات ولا لا ؟؟

نعم المخدرات .., اللي بغو يعدمونه

ياخي شوف شنو سو .,

ماني ام كمل اكثر ..,

انا ما اقول الكل ..

بس اقولك في كم واحد ياخي شفنا الكثير من الاشياء اللي شفنا اشياء مو زينه

ولا بعد صايرله فتره و الكل ساكت ..,

ما ادري بعد ما سو كل شىء بعدين سو اللي لازم يصير .,

و الله يعينا ع ــ المشاكل .,

والسموحـــــــــــــــــــــــه

==

[darkcrusher]

بسم الله الرحمن الرحيم

السلام عليكم ورحمة الله وبركاته

الزين والشين موجودين بكل مكان بس في تفاوت...احنا شي موطبيعي عندنا

ياخي الناس الشينه منتشرة وما همهم الا الفلوس

طايحيله بوق سنيــــن واليوم احنا ناكلها :12:



انت نسيت قصة المخدرات ولا لا ؟؟

نعم المخدرات .., اللي بغو يعدمونه

ياخي شوف شنو سو .,

ماني ام كمل اكثر ..,

انا ما اقول الكل ..



هذا أكبر دليل أنه مو الكل زين

ياخي بدال لا يكونون فخر وقدوة

الله يعينا ويعين الجميع

في أمان الله

[GrimReaper]

o.O

يقول سوبر ماريو ! عن الشيخ .. موزين يسمعونك

امن دوله من أفاااااك يسحبونك !!

...

والله عيب ..

[Action]

الكويت اظن يعانون من ازمه كهرباء حاليا ..

الله يعينهم , وان شاء الله تتحسن الامور شيئا فشيئا ..

[fatherless]

اقول مو جنه الموضوع صار ناقص ؟؟؟ لأنه في ردود مادري وين راحت من اخر مره المنتدى سكر فيها عدل ولا انا حلمان :)

[iSRT8]

اقول مو جنه الموضوع صار ناقص ؟؟؟ لأنه في ردود مادري وين راحت من اخر مره المنتدى سكر فيها عدل ولا انا حلمان :)


عدل كلامكـ .. ^^
انمسحت كل الردود والمواضيع الي من امس ولي 3 ايام ورا ×_×
حسبي الله على الي كان السبب

[D.D.S]

اقول مو جنه الموضوع صار ناقص ؟؟؟ لأنه في ردود مادري وين راحت من اخر مره المنتدى سكر فيها عدل ولا انا حلمان :)

صح كلامك ..,

الردود راحت بس اب ترجع ان شاء الله ..,> متى الله اعلم

==

[بو ضاري]

مااقول الا الله يرحم ايام الشيخ جابر
ماكنا نشتكي من انقطاع الماي والكهرباء
وماكانت المطاعم والبقالات مسكره
لكن من توفى الشيخ جابر رحمه الله تخلفت الكويت بسبب سوبر ماريو
والفاهم يفهم


بو عسكر المطيري؟ تبيني باجر اطلع الايبي ومعلوماتك ووين ساكن بأمن الدوله ومتى وشنو كنت فاج حزت كتابتك لهالرد؟
تراني اشتغل بأحد شركات الانترنت،فعادي مافرقت معاي اذا حطيتها ببالي؟
بس شكلك بو تعش..توك شايف الدنيا منفتح على الحياه و منتشي ومستلج وسامع كلام من الدواوين وجاي تطبقه هني..
لا تقولي واسطه ماواسطه ، معروفه امن الدوله مافيها واسطات...
نصيحتي ..اصابعك وشخصيتك اللي ورا الانترنت لا تجرك امن الدوله ..خذ هالنصيحه مو لك ، عشان اهلك وعشان عايلتك لا تفشلهم وتقص راسهم باجر ، وسحب الجنسيه صاير ببيزه هالايام ..يسحبون جنسيتك وجنسية أهلك وتلوم نفسك على بو رد كتبته بالمنتدى :)

الموضوع الرئيسي..السالفه ومافيها انه ماعندهم خطط مستقبليه ل10 سنين قدام فوصلنا لهالحال..
الحمدالله خف الضغط على الكهرباء تدريجياً.
بنفس الوقت المواطنين عليهم أنهم يوفرون الكهرباء، الكويتي يستهلك كهرباء تكفي لأربع اشخاص بريطانيين في بريطانيا..
اما ابو الشباب اللي يقول قصر دسمان
فياحظهم اللي يشتغلون هناك، اذا عند الشيخ جابر الله يرحمه ياكلون ويتعشون معاه مثل عياله والمرحوم كان آخر شخص ، ولأ كأنهم ناس يشتغلون عنده ، كأنهم ضيوف

[fatherless]

عدل كلامكـ .. ^^
انمسحت كل الردود والمواضيع الي من امس ولي 3 ايام ورا ×_×

حسبي الله على الي كان السبب


لاء ان شاء الله يردون ويكون الموضوع كامل بس قالها اخونا طويرق لووول العيايز مهكرين لوووووووول والله وعرفت تصيد يا Emperor طلعت عندك عيايز داهيه خخخخخخ