المساعد الشخصي الرقمي

مشاهدة النسخة كاملة : دفتر شكاوي


hod hod
22-06-2007, 01:07 AM
السلام عليكم ورحمه الله وبركاته




كيف الحال كل ابوكم ؟
وكل امكم ؟
طبعاً الي يعرفني يعرفني والي مايعرفني هذي لمحة بسيطه عني
hod hod عضوه تحب التشكي والفضفضة بالمنتديات
والحلو بالموضوع ان اغلب الناس يتفاعلون مع نكدي الدائم

نبدء بالموضوع
هنا بفضفض فضفضة الترم الماضي كله

اولاً على صعيد المنتدى

يمكن اكون غايبه عن الكتابه والرد بالمواضيع لكني زي مايقولوا اتابع من بعيد
الي اشوفه حالياً ان ثلاث ارباع الأعضاء العزيزين علي اختفوا من المنتدى !
العدد بتناقص مستمر والغريب بالموضوع ان منتدى المنتدى يمسك العضو الجديد ويحافظ عليه لكن بعد مايكبر العضو ويصير من الأقلام الي لها وقع كبير بالمنتدى يترك المنتدى
يمكن بسبب طمع العضو ويمكن بسبب تقصير المنتدى عموماً الأحتمالاين واردين
وً الوضع الحالي محزن للمنتدى
صفحة القسم العام مليانه من المواضيع المنقولة الا من رحم ربي
سؤال ؟
وين الصعوبة في كتابه موضوع !
احياناً النقل مفيد
لكن نقل مواضيع من قصص عفا عليها الزمن مااتوقع انه شيء ممتع
حتى لو الموضوع ماتقفل ماتوقع ان في متعه او حماس من نفس كاتب الموضوع عكس يوم مايشوف الاعضاء متحمسين مع اسلوبه هو
عموماً نصيحة لأخوانا الجدد جربوا وأكتبوا شيء حصل لكم او شيء سمعتوا عنه مو شرط مواضيع مميزة وعربية فصيحة وصل لنا الفكرة بأسلوبك


|
|
|
|
|



ثانياً على صعيد الجامعة

الفصل هذا ولله الحمد مر على خير من ناحية المشاكل الي واجهتني سابقاً (راجعوا مواضيعي القديمة :09: )
لكن من ناحية المعدل للأسف طاااااح طيحة قشرة بس الحمدلله نجحنا مع ان طموحي ابعد من النجاح بس شكلي بسفط طموحي على جنب
سبحان الله بهذا الترم صارت معي معجزة بوحده من المواد
رحت استعلم بيوم استعلم عن درجتي قالت لي لسى ماجمعت الدرجات بس انتي ياهدى ناجحه
مادري ايش خلاني بعد يومين امر عليها واسمع خبر اني راسبة رسوب فادح
المعروف عني اني بنت مافيها صبر وعصبية والدموع انهار على طول
بس مادري كيف صبرت وقتها
قلت قلتي لي ناجحه من كم يوم
والي يرحم والديك ارجعي احسبيهم من جديد
جلست عندها بالمكتب ساعه تقريباً بسبب الزحمه
جلست استغفر وادعي
وغيري جلس يبكي ويتهاوش
سبحان الله الأستغفار فائدته شيء ماينوصف
مااحس الا بعد ساعه تقول لي هدى انا بأخذ اوراقك للبيت وارجع اتأكد
واخذت رقمي علشان تبلغني بالنتيجه
سبحان الله بكرة تجي لي رساله انها عدلت درجتي الله يجزاها خير هي طيبة كثير لو غيرها كان مشاها علي ..
حسيتها معجزة !
الى الأن مو مصدقه كيف الموضوع صار
الف الحمدلله والشكر لله

|
|
|
|
|

على صعيد العطلة

بدت عطلتي من اسبوع تقريباً
المفروض يسمونها عطلة جهنمية مو صيفية
حر لايطااااق
مكيف & ومروحه ومانفعوا بشيء
ارتاحوا يااهل الشرقيه مع هالحر اهل الرياض بيتركوكم هالأجازة بسلام
واحس الجو عندنا مزيج من غازات وحشيش
الواحد يحس بخمول ودوخة 24 ساعه
وسبحان الله الواحد طول السنة يخطط لهالعطله بس تبدي من اول يوم يحس بطفش
خصوصاً للي مثلي
يحبون البيت يسموني (بيتوتية )
وانا احس ان (غرفتيه) انسب لي لأني ماطلع من غرفتي الا قليل يوم مااشم ريحة الأكل
عموماً حتى لو حبيت الطلعة شرطة الأمن والسلامه (أمي) رجلها على رجلي بكل مكان ولهذا يوم مماطلع لازم انسق جدولي معها واخذ موعد من اسبوع علشان تطلعني للمكان الي ابيه
ومن ناحيه الصديقات فشروط المباحث عندنا (أبوي) تعتبر تعجيزية اذا بزور بنت لازم تتوفر فيها الشروط التالية :
1- أبوي يعرف ابوها أو امي تعرف امها
2- ان تزورني هي اول
3- ان يكون بيتها قريب
4- بعض الأحيان ينضاف هذا الشرط ان مايكون عندها أخوان

فمع هالشروط نزلت نسبة صديقاتي الي اعرفهم الى صديقاتي الي اقدر ازورهم الى 2%
وبرضو من ناحية غرفتي الجميلة
من زمااان ماشفت ارضية غرفتي ايش لونها
اوراق , كتب , صحون كاسات الي تبغون
ماكان لي خلق انظف غرفتي
لين ماجا ابوي وقال اذا نظفتي غرفتك لك مكافئة مالية
عاد انا شغلي مايمشي الا بالمكافئات واقوم واخلص تنظيفها بيومين نياهاهاها


|
|
|
|
|

على صعيد الهوايات

سبحان الله بعد ماعديت العشرين راحت الهوايات الثقافيه الي كانت عندي من كتب ورويات وبدلتها بهوايات جديده احس اني رجعت مراهقه !
كنت اسمع بالأنمي وبديت اشوفه هالسنه بصراحه شيء خطير ويخلي الواحد يسفط الكتب على جنب
ورجعت لي هويتي القديمه بالفيديو جميز وحالياً العب تومب رايدر (تمشي الحال)
مفكرة اني اشتري من اجهزة الجيل الجديد لكن مع العيوب الموجوده حالياً فيها قررت اني اجلس على بلاي ستيشن 2 والجيم كيوب لين ماربي ييسرها
|
|
|
|
|

على الصعيد الأسري

أنا اصغر وحده بين اخواتي
ومع زواج اخر أخت لي من كم شهر
وزي مايقولوا وصل لي الدور حسيت بالخطر (خطر اني كبرت وبديت اتخطب واهلي ناوين علي ! )!
والشيء المزعج بالموضوع ان امي ترزني بكل مكان
هذي بنتي الي ماتزوجت هذي بنتي الي ماتزوجت من يزيد من يزيد (احس اني بحراج بن قاسم )
مادري ليش الأمهات ينغثون من بناتهم

|
|
|
|
|
على الصعيد الديني

موقف صار اليوم خلاني اعرف اني صفر بالشمال من ناحيه الثقافة الدينية
اخوي الصغير مشتري زوج حمام
انا متضايقه منهم بسبب الأمراض وامي متضايقه من تعلق اخوي فيهم
تقول اخاف يصير يطير حمام
قلت يمى طيب واذا طير حمام
امي تعطيني نظرة تعجب واستغراب :blackeye:
ابوي نفس الحاله :blackeye:
وانا :ponder:
يضنوني استهبل
قلت شفيها يوسع صدره
رجعت امي اعطتني نظرة اقوى :12:
قالت ماتدرين ان الي يطير حمام شهادته ماتقبل بالمحكمة
وان تطير الحمام حكمه مكروه كره شديد
احس مفروض هالمعلومه اعرفها من اول ابتدائي بس الشكوى لله
|
|
|
|
|
خلصنا شكاوي واذا تذكرت شيء كتبته :31:
فارس المجد
22-06-2007, 01:06 PM
السلام عليكم ورحمه الله وبركاته
وعليكم السلام ورحمة الله وبركاته

وً الوضع الحالي محزن للمنتدى

معك حق والمشكلة نحن نعرف مالمطلوب ولكن لا نطبق!

المفروض يسمونها عطلة جهنمية مو صيفية
حر لايطااااق

الله يحمينا من نار جهنم http://abdudeek.jeeran.com/يبكي.gif


خلصنا شكاوي واذا تذكرت شيء كتبته

ونحن صدرنا أوسع من الواسع
http://abdudeek.jeeran.com/ضاحك.gif
Al Bhed Girl
22-06-2007, 06:22 PM
||..السلامـــــ عليـــكم ورحمـــــه اللـــه وبركاااتـــهـ..||

أهليييييييينز هدهد!! :D
واللــــــه زمااآآآآآاان عنـــج اشتقناااا لج ..
وين كنتي ؟؟ ... ×.×!!
الاهم انج هني بينـــا ومازلتي الحمد لله ..:09: :D

عاد شفت موضوعج قلـــت اكيــــد عن الدرااااسة !:09: :D
لوووولز الله يوفقنا فيها أمييييين×.×
يلا نبدا رد :biggthump


الي اشوفه حالياً ان ثلاث ارباع الأعضاء العزيزين علي اختفوا من المنتدى !
العدد بتناقص مستمر والغريب بالموضوع ان منتدى المنتدى يمسك العضو الجديد ويحافظ عليه لكن بعد مايكبر العضو ويصير من الأقلام الي لها وقع كبير بالمنتدى يترك المنتدى
يمكن بسبب طمع العضو ويمكن بسبب تقصير المنتدى عموماً الأحتمالاين واردين

بالفــعل اللي قلتيه صحيح 100%
والكل ملاحظ هالشــ،،،ــي يعني
اما بالنسبة للاحتمالات من طمع الاعضاء او تقصير المنتدى
فيااامااا تنااقشت هالاسباب والقليل اللي تفاعل
تحسين ان اغلب الاعضاء يدخلون عشان يونسون نفسهم ويطلعون
ياخذون ولا يعطون ..والمشكله هم اساس المنتدى اذا ضعفو وقل نشاطهم انهار المنتدى على بعضه ..
بس الحين "ينقااالج"ان المنتدى شبه حي وصاير فيه حركة ببعض الاقسام ،،، :أفكر:
صراحه كل من عليه دور ومسؤوليه اللي بيسجل يا انه يفيد ويستفيد
ولا لا يورينا عضويته ، تقولين وجوده من عدمه ..
وانا اوجه كلامي بشكل عااام وافهم يافهيم :31: !

الفصل هذا ولله الحمد مر على خير من ناحية المشاكل الي واجهتني سابقاً (راجعوا مواضيعي القديمة :09: )

لووولز من كثر مااقرى بمواضيعج عن الكليه حسيت اني طالبه ويااج :D :09:


سبحان الله بكرة تجي لي رساله انها عدلت درجتي الله يجزاها خير هي طيبة كثير لو غيرها كان مشاها علي ..
حسيتها معجزة !
الى الأن مو مصدقه كيف الموضوع صار
الف الحمدلله والشكر لله


الف الحمد لله على نعمته هذا من فضل ربي ،،،
بجد موقف صعب لا تحسدين عليه ..
هالمرة وقف الحظ وياج بدل المرات الفايته لولز:09: :D ..

هذي بنتي الي ماتزوجت هذي بنتي الي ماتزوجت من يزيد من يزيد (احس اني بحراج بن قاسم )
مادري ليش الأمهات ينغثون من بناتهم
اعوذ بالله من الشيطان الرجيم -.-"
لا تقلبين المواجع يابنيتي >.> "
انا اليوم تووووني جايه من نقاش حامي الوطيس مع امي عن هذا الشي .. ×.×!!
تخيلي تقولي فلانه حاطه عينها عليج لولدها ومدري شنو
وانا حدي لااايعه جبدي من هالسوالف ..مايمديج تدشين عمر
"الطعــــش سنه" الا هالطاري يجيج من كل باااب :32:
بقووة تحسين ان امهاتنا ينغثون مننا :09:
>> من حلاتج 24 ساعه ع النت مطفشتها XD
لووووولز ... ×.×!!
عاد اللي يلوع الجبد صج !!!
اذا رحتي حفله ولا عزيمة .. وقعدتي تسلمين ولا قعدت جنبك مرة
وتبدا تستلمج تحقيق ..

انتـــي من بنتـــه ؟:05:
شسمــــج ؟:naughty:
منهـــي امـــج ؟:fisheye:

ولا وحده عليها جرئة مو طبيعيه سالتني بعرس :
"انتي متزوجه ؟؟؟:D ">> -__-"
حريييم لصقه اعوذ بالله .. ودي ارد عليهم رد اختي الصغيرة اذا قربت منها حرمة بالسوق :
"وخــــــري انا مااحبـــــج يالشـــريـــــرة:hitwithrock:"
>>> XD !!
>> عاد جوكيــ،،،ـــج مو تصدقون :09: ..

القرقرة هذي مو كلها عشان شي تافهه بقوله ، لكــن على اي اساس تخطبين لولدج ؟
على اساس فلانه والله لبسها كشخه ورقصها حلو ؟
طيب اخلاقها دينها ؟؟ اوكي هذي اشياء ينسأل عنها بس شتعرفين ثقافتها ؟
تفكيرها ؟منطقها ؟؟:32:

وكـــــــاأني طلعت برا الموضوع حييل ....؟ :boggled:


وسبحان الله الواحد طول السنة يخطط لهالعطله بس تبدي من اول يوم يحس بطفش
خصوصاً للي مثلي
اللــه يذكرج بالخيــــر ،، ذكرتيني بورقه كتبتها ايام المراجعه حقت الاختبارات النهائية.. فيها ليست بكل الاشياء اللي بسويها بالعطله
أنظف غرفتي
>> من زحمتها ماادخلها الا عشان السرير :D
استلم كتاب الطبخ وهاااات يااا شيفة البيـــد:biggthump
>> شيفة = طباخه مو هوله يعني:09: :D
واقرا كتب علم نفس وفراسه وهالاشياء
ينقاااالج حااااسبة حساب العطله ماتضيع مني هباء منثوراا
بس ماااحسبت حساااب حق العجز اللي بالعطله منعني من اني اسوي اللي بالقائمة >< "
>> استسلمي للامر الواقع دامج فرد من الامه العربية:09:

1-أبوي يعرف ابوها أو امي تعرف امها
2-ان تزورني هي اول
3-ان يكون بيتها قريب
4-بعض الأحيان ينضاف هذا الشرط ان مايكون عندها أخوان
هــــــــــد هـــــــــــد !!!:bigeyes:

I love you looooooooooooong !! XD

والله حااااااااسة بقلبج وبحرتج وبكل شي لوووولز
انتي شرات انا XD
>> شرات = بالاماراتي يعني اشبه >< "ومدري ليش احس ان جملتي خطأXD
والله نفـــــس الشروووط ابـــد Copy و Paste !:blackeye:
شروط تعجيزية بقووة يمكن اخر مرة زرت صديقتي بصف ثالث او رااابع ؟؟ شذنبي اذا عندها اخوان..؟ هم بيطلعون غالبا :blackeye:

سبحان الله بعد ماعديت العشرين راحت الهوايات الثقافيه الي كانت عندي من كتب ورويات وبدلتها بهوايات جديده احس اني رجعت مراهقه !
كنت اسمع بالأنمي وبديت اشوفه هالسنه بصراحه شيء خطير ويخلي الواحد يسفط الكتب على جنب
لووووووولز ضحكتيني من قلب :09:
عادي وخيتي مافيها شي الواحد يغير من هوايته ويجرب شي جديد يقتل فيه الوقت ويكسر الروتين :biggthump
ترا الانيمي مثل مافيه تصنيف حق 13+ سنه ، فيه تصنيف حق 19+
وفي انيمي تكون دراما وجرايم تحقيق وفي رعب وغموض والغاز
الحين الناس هااابه بــ Death Note مفكرة الموت:biggthump

رجعت امي اعطتني نظرة اقوى :12:
قالت ماتدرين ان الي يطير حمام شهادته ماتقبل بالمحكمة
وان تطير الحمام حكمه مكروه كره شديد
اذا انتي صفر ع الشمال انا شصير ؟ نقطه بالمجهول:blackeye:
ويي يااخزيااااه توني اعرف لوولز ×.×
الصراحه الذنب ع المنااهج ×.× ..معطينا درس بالفقه عن التفحيط واضرارة وتعريف للمفحطين بعد :D :
هم مجموعه من الشباب الذي يعاني من قله الوازع الديني ويفتقر الى الاهتمام ويتم التاثير عليه من قبل الصحبة السيئة:p
>> عاد مدري شفايده هالدرس بمنهجنا تقولين نسوق سياير ولا شي XD

يااللــــه مااطــول عليج اكثر اختي هدهد
>> هذرة حريم بالتلفون ساعتين .. بالاخير "مااطول عليج:D"
والله فرصــــه سعيده شفنااااج ونااقشنا موضوعج
ولا تحرمينا من طلتج ، عاش من شافج :D
سااايونااراا
hod hod
23-06-2007, 04:27 AM
اهلاً وسهلاً بالطيبين المارين والرادين :D






وعليكم السلام ورحمة الله وبركاته

معك حق والمشكلة نحن نعرف مالمطلوب ولكن لا نطبق!


اممممم مو كلنا بعضنا :ponder:


الله يحمينا من نار جهنم http://abdudeek.jeeran.com/يبكي.gif

امين :(




ونحن صدرنا أوسع من الواسع
http://abdudeek.jeeran.com/ضاحك.gif
هههههه اكس اكس اكس لارج ؟ :09:
حلوة صور الديك الي تحطهم :D
hod hod
23-06-2007, 04:45 AM
||..السلامـــــ عليـــكم ورحمـــــه اللـــه وبركاااتـــهـ..||




أهليييييييينز هدهد!!
واللــــــه زمااآآآآآاان عنـــج اشتقناااا لج ..
وين كنتي ؟؟ ... ×.×!!
الاهم انج هني بينـــا ومازلتي الحمد لله ..


عاد شفت موضوعج قلـــت اكيــــد عن الدرااااسة !
لوووولز الله يوفقنا فيها أمييييين×.×
يلا نبدا رد :biggthump



وعليكم السلام ورحمه الله وبركاته يالله تحيي من جانا :D
تشتاق لك العافيه يارب :D
لقد كنت هنالك :09:
كح كح في جزئية عن الدراسه اكيد :09:




بالفــعل اللي قلتيه صحيح 100%
والكل ملاحظ هالشــ،،،ــي يعني
اما بالنسبة للاحتمالات من طمع الاعضاء او تقصير المنتدى
فيااامااا تنااقشت هالاسباب والقليل اللي تفاعل
تحسين ان اغلب الاعضاء يدخلون عشان يونسون نفسهم ويطلعون
ياخذون ولا يعطون ..والمشكله هم اساس المنتدى اذا ضعفو وقل نشاطهم انهار المنتدى على بعضه ..
بس الحين "ينقااالج"ان المنتدى شبه حي وصاير فيه حركة ببعض الاقسام ،،،
صراحه كل من عليه دور ومسؤوليه اللي بيسجل يا انه يفيد ويستفيد
ولا لا يورينا عضويته ، تقولين وجوده من عدمه ..
وانا اوجه كلامي بشكل عااام وافهم يافهيم !



مو قصه توسيع صدر في مواضيع معينة تجذب الاعضاء الي هي مواضيع الخلافات والهوشات هههههههههه :09:




لووولز من كثر مااقرى بمواضيعج عن الكليه حسيت اني طالبه ويااج :D :09:




الف الحمد لله على نعمته هذا من فضل ربي ،،،
بجد موقف صعب لا تحسدين عليه ..
هالمرة وقف الحظ وياج بدل المرات الفايته لولز:09: :D ..


اول مره الحظ يوقف معي والله شيء غريب :09:





اعوذ بالله من الشيطان الرجيم -.-"
لا تقلبين المواجع يابنيتي >.> "
انا اليوم تووووني جايه من نقاش حامي الوطيس مع امي عن هذا الشي .. ×.×!!
تخيلي تقولي فلانه حاطه عينها عليج لولدها ومدري شنو
وانا حدي لااايعه جبدي من هالسوالف ..مايمديج تدشين عمر
"الطعــــش سنه" الا هالطاري يجيج من كل باااب :32:
بقووة تحسين ان امهاتنا ينغثون مننا :09:
>> من حلاتج 24 ساعه ع النت مطفشتها XD
لووووولز ... ×.×!!
عاد اللي يلوع الجبد صج !!!
اذا رحتي حفله ولا عزيمة .. وقعدتي تسلمين ولا قعدت جنبك مرة
وتبدا تستلمج تحقيق ..


انتـــي من بنتـــه ؟:05:
شسمــــج ؟:naughty:
منهـــي امـــج ؟:fisheye:


ولا وحده عليها جرئة مو طبيعيه سالتني بعرس :
"انتي متزوجه ؟؟؟:D ">> -__-"
حريييم لصقه اعوذ بالله .. ودي ارد عليهم رد اختي الصغيرة اذا قربت منها حرمة بالسوق :
"وخــــــري انا مااحبـــــج يالشـــريـــــرة:hitwithrock:"
>>> XD !!
>> عاد جوكيــ،،،ـــج مو تصدقون :09: ..


القرقرة هذي مو كلها عشان شي تافهه بقوله ، لكــن على اي اساس تخطبين لولدج ؟
على اساس فلانه والله لبسها كشخه ورقصها حلو ؟
طيب اخلاقها دينها ؟؟ اوكي هذي اشياء ينسأل عنها بس شتعرفين ثقافتها ؟
تفكيرها ؟منطقها ؟؟:32:


وكـــــــاأني طلعت برا الموضوع حييل ....؟ :boggled:




يوه عاد توك صغيره ايش خليتي للعجز امثالي :09:
الحمدلله ماجت لي اسئلة محرجه ليومك :09:
يمكن يسألون عن الاسم بس :ponder:



اللــه يذكرج بالخيــــر ،، ذكرتيني بورقه كتبتها ايام المراجعه حقت الاختبارات النهائية.. فيها ليست بكل الاشياء اللي بسويها بالعطله
أنظف غرفتي
>> من زحمتها ماادخلها الا عشان السرير :D
استلم كتاب الطبخ وهاااات يااا شيفة البيـــد:biggthump
>> شيفة = طباخه مو هوله يعني:09: :D
واقرا كتب علم نفس وفراسه وهالاشياء
ينقاااالج حااااسبة حساب العطله ماتضيع مني هباء منثوراا
بس ماااحسبت حساااب حق العجز اللي بالعطله منعني من اني اسوي اللي بالقائمة >< "
>> استسلمي للامر الواقع دامج فرد من الامه العربية:09:



ههههههه لاانا غرفتي بعد مانظفتها كرهتها اشتقت للحوسة :ponder:
اما طبخ وماطبخ فأنا من جنبها :ponder:



هــــــــــد هـــــــــــد !!!:bigeyes:


I love you looooooooooooong !! XD


والله حااااااااسة بقلبج وبحرتج وبكل شي لوووولز
انتي شرات انا XD
>> شرات = بالاماراتي يعني اشبه >< "ومدري ليش احس ان جملتي خطأXD
والله نفـــــس الشروووط ابـــد Copy و Paste !:blackeye:
شروط تعجيزية بقووة يمكن اخر مرة زرت صديقتي بصف ثالث او رااابع ؟؟ شذنبي اذا عندها اخوان..؟ هم بيطلعون غالبا :blackeye:



هههههههههههه شكله كله البنات نفس الحاله مع هالشروط انا صادقت الطوف :09:



لووووووولز ضحكتيني من قلب :09:
عادي وخيتي مافيها شي الواحد يغير من هوايته ويجرب شي جديد يقتل فيه الوقت ويكسر الروتين :biggthump
ترا الانيمي مثل مافيه تصنيف حق 13+ سنه ، فيه تصنيف حق 19+
وفي انيمي تكون دراما وجرايم تحقيق وفي رعب وغموض والغاز
الحين الناس هااابه بــ Death Note مفكرة الموت:biggthump



ديث نوت وااااو احلى انمي شفته :bigeyes:
ماشيه مع الناس لاتخافين :09:
في انمي اخطر منه اسمه claymore تابعيه رهيب :ponder:





اذا انتي صفر ع الشمال انا شصير ؟ نقطه بالمجهول:blackeye:
ويي يااخزيااااه توني اعرف لوولز ×.×
الصراحه الذنب ع المنااهج ×.× ..معطينا درس بالفقه عن التفحيط واضرارة وتعريف للمفحطين بعد :D :
هم مجموعه من الشباب الذي يعاني من قله الوازع الديني ويفتقر الى الاهتمام ويتم التاثير عليه من قبل الصحبة السيئة:p
>> عاد مدري شفايده هالدرس بمنهجنا تقولين نسوق سياير ولا شي XD



هههههههههه مناهجنا غبيه
ويجوك يدرسون اطفال بالابتدائي الحج
يعني بيحج بالابتدائي ولا بيفهم
احس انهم يبدون بالصعب على طول
مفروض تدرج
عموما مو عذر الكتب والمواقع ياكثرها احنا فينا التقصير :(




يااللــــه مااطــول عليج اكثر اختي هدهد
>> هذرة حريم بالتلفون ساعتين .. بالاخير "مااطول عليج:D"
والله فرصــــه سعيده شفنااااج ونااقشنا موضوعج
ولا تحرمينا من طلتج ، عاش من شافج :D
سااايونااراا



















ههههههههه والله هذرة حريم من جد :09:
وبالاخير ماطول عليك هذي اخطر جمله :09:
الله يخليك خيتو وانا اسعد ونورتي الموضوع يالطيبة :D
Ahmed Blight
23-06-2007, 05:59 AM
السلام عليكم ورحمه الله وبركاته

كيف الحال كل ابوكم ؟
وكل امكم ؟
طبعاً الي يعرفني يعرفني والي مايعرفني هذي لمحة بسيطه عني
hod hod عضوه تحب التشكي والفضفضة بالمنتديات
والحلو بالموضوع ان اغلب الناس يتفاعلون مع نكدي الدائم


و عليكم السلام
اهلين هدى ,, انتي كيفك ؟ و كيف بداية الإجازة معك , مخططه لمشروع نكد فيها و لا شيء ثاني :D
كان لازم تضعي اللمحة عشان الجزء الاول الي راح تذكرينه >> سالفة اختفاء البشر من كوكب الارض

بس ان شاء الله تحصلي ناس تتفاعل مع نكدك خصوصا ان المنتدى توه يعود له النشاط بعد انتهاء الامتحانات


اولاً على صعيد المنتدى

يمكن اكون غايبه عن الكتابه والرد بالمواضيع لكني زي مايقولوا اتابع من بعيد
الي اشوفه حالياً ان ثلاث ارباع الأعضاء العزيزين علي اختفوا من المنتدى !
العدد بتناقص مستمر والغريب بالموضوع ان منتدى المنتدى يمسك العضو الجديد ويحافظ عليه لكن بعد مايكبر العضو ويصير من الأقلام الي لها وقع كبير بالمنتدى يترك المنتدى
يمكن بسبب طمع العضو ويمكن بسبب تقصير المنتدى عموماً الأحتمالاين واردين
وً الوضع الحالي محزن للمنتدى

عادي الناس اعتادت @@
طبعا مادري بأقسام الجيمز و كذا من بقى فيها و من موجود >> واحد ترك الغيمز مال البي اس و ربعها و انتقل لل بي سي خخ
بس عن الاقسام الثانية الي ادخلها @@ ادخل التصميم و تقريبا 90 بالمئة من الاعضاء القدماء have been killed :09:
ينعدون على الاصابع الي بقوا من قبل , بس ربما اختفوا بسبب ظروف الجامعه و امور كذا مثل ما معك
و ما توقعت انك تدخلي المنتدى حتى , و لو ان يبين لك رد كل شهر بالصدفة
بس ما اعتقد مسألة الطمع واردة بالنسبة للترك
الاغلبية يدخلون على المزاج >> يعني عشان انت تعمل كذا البقية بيعملون كذا :p


ثانياً على صعيد الجامعة

سبحان الله بكرة تجي لي رساله انها عدلت درجتي الله يجزاها خير هي طيبة كثير لو غيرها كان مشاها علي ..
حسيتها معجزة !
الى الأن مو مصدقه كيف الموضوع صار
الف الحمدلله والشكر لله

الحمدلله انك نجحتي فيها @@


على صعيد العطلة

الشروط التالية :
1-أبوي يعرف ابوها أو امي تعرف امها
2-ان تزورني هي اول
3-ان يكون بيتها قريب
4-بعض الأحيان ينضاف هذا الشرط ان مايكون عندها أخوان

ما احسها عادلة و لها معنى XD , طبعا كونك من السعودية فجميع الشروط تلك سارية لدى اغلبية السعوديات الى الله اعلم :D
بس طبعا في ناس غير راميين هذي الشروط @@


على صعيد الهوايات

سبحان الله بعد ماعديت العشرين راحت الهوايات الثقافيه الي كانت عندي من كتب ورويات وبدلتها بهوايات جديده احس اني رجعت مراهقه !
كنت اسمع بالأنمي وبديت اشوفه هالسنه بصراحه شيء خطير ويخلي الواحد يسفط الكتب على جنب
ورجعت لي هويتي القديمه بالفيديو جميز وحالياً العب تومب رايدر (تمشي الحال)
مفكرة اني اشتري من اجهزة الجيل الجديد لكن مع العيوب الموجوده حالياً فيها قررت اني اجلس على بلاي ستيشن 2 والجيم كيوب لين ماربي ييسرها

عادي الهوايات الثقافية تلك راحت ايامها خخ >> عن نفسي افكر اشوف انيمي الى الاربعين :09:
الظاهر عندك قايمة لانيمي عدة تشوفيها @@
لازم تضعي ديث نوت منها و لو ان ما اعتقد من النوع الي يعجبك بس لما تواصلي فيه بيعجبك
عندك
bleach اذا ما شفتيه اكيد بيعجبك :09:


على الصعيد الأسري

أنا اصغر وحده بين اخواتي
ومع زواج اخر أخت لي من كم شهر
وزي مايقولوا وصل لي الدور حسيت بالخطر (خطر اني كبرت وبديت اتخطب واهلي ناوين علي ! )!
والشيء المزعج بالموضوع ان امي ترزني بكل مكان
هذي بنتي الي ماتزوجت هذي بنتي الي ماتزوجت من يزيد من يزيد (احس اني بحراج بن قاسم )
مادري ليش الأمهات ينغثون من بناتهم

كح نو كومنت ,, حقوق المراة في الوطن العربي شبه معدومة :09:
بس تكبر البنت خلاص لازم تكون في قايمة التزويج @@



على الصعيد الديني


لا فلسفة في هذه الامور خخخ
و ما ادري بحكم الشيء الي قلتيه XD


موفقة هدى
and have fun in your holiday
و خل بعض الناس يذاكرون عشان للحين عندهم جامعة >> يقصد نفسه

مع السلامة ^^
Old Snake 85
23-06-2007, 06:27 AM
أولاً.حي.الله.الأخت.هدهد.السلام.عليكم.ورحمة.الله.وبركاته.
من.زمان.عن.شكاويك...:09:
ثانياً.أقول.وعلى.الله.التكلان...وبه.أستعين...


طبعاً الي يعرفني يعرفني والي مايعرفني هذي لمحة بسيطه عني
hod hod عضوه تحب التشكي والفضفضة بالمنتديات
والحلو بالموضوع ان اغلب الناس يتفاعلون مع نكدي الدائم

غنية.عن.التعريف.ياهدد...


اولاً على صعيد المنتدى


يابنت.الحلال.خليها.على.ربك...


الي اشوفه حالياً ان ثلاث ارباع الأعضاء العزيزين علي اختفوا من المنتدى !


ME2.ماأدري.وين.راحو...:jap053:


ثانياً على صعيد الجامعة



Yeh.yeh.yeh.i.miss.that:D


الفصل هذا ولله الحمد مر على خير من ناحية المشاكل الي واجهتني سابقاً (راجعوا مواضيعي القديمة :09: )

WTH.iwana.some.action.:footinmouth:
بالنسبة.للدرجات.عادي.حسبتها.غلط.بعدين.حسبتها.صح...End.of.Story...
بس.جميل.جداً.إنك.قاعدة.تستغفري.ذكرتيني.مره.على.أيام.الثانوي.ضاع.كتاب.التفسير.وأنا.مامسكته.
عاد.بنص.الساحة.أنواع.الدعاء.والإستغفار.ويارب.أنت.عارف.الحال.وأنا.ماني.مذاكر.يارب.إفرجها.
وسبحان.الله.أنتبه.إنه.كان.قدامي.وأناموملاحظ...


يحبون البيت يسموني (بيتوتية )

Good.for.you...:)


وانا احس ان (غرفتيه) انسب لي لأني ماطلع من غرفتي الا قليل يوم مااشم ريحة الأكل


أوه.ذكرتيني.بروح.أسوي.سندويتش.تونه...*يروح.المطبخ*


عموماً حتى لو حبيت الطلعة شرطة الأمن والسلامه (أمي) رجلها على رجلي بكل مكان ولهذا يوم مماطلع لازم انسق جدولي معها واخذ موعد من اسبوع علشان تطلعني للمكان الي ابيه


:smashfreakB:


-أبوي يعرف ابوها أو امي تعرف امها
2-ان تزورني هي اول
3-ان يكون بيتها قريب
4-بعض الأحيان ينضاف هذا الشرط ان مايكون عندها أخوان


مممم.أجل.قلتيلي.ماتطلعين.من.البيت.بعذرك.أجل:jap005:
بس.يللا.النت.يعوض.:D


كنت اسمع بالأنمي وبديت اشوفه هالسنه بصراحه شيء خطير ويخلي الواحد يسفط الكتب على جنب


لوووووووول.me.رجعت.للأنمي.بشكل.غريب.قدكنت.تركته.وإفتكيت.منه.وش.الي.رجعني.الله.العالم...


ورجعت لي هويتي القديمه بالفيديو جميز وحالياً العب تومب رايدر (تمشي الحال)
مفكرة اني اشتري من اجهزة الجيل الجديد لكن مع العيوب الموجوده حالياً فيها قررت اني اجلس على بلاي ستيشن 2 والجيم كيوب لين ماربي ييسرها


مراجعه.بشكل.سريع.الـ360.ألعابه.لآخر.السنة.تسلي.الي.مايتسلى.لكن.المشكلة.فيه.لمبات.الديسكو.الي.ماترحم. ..الـPS3.بماإني.متعصب.بقولك.خذيه.ولاتفكرين.لكن.أنصحك.بعد.شهرين.الـwii.إذاناويتها.رياضة.ورشاقة.فهو.ال حل.الأمثل...:D


ومع زواج اخر أخت لي من كم شهر



ألف.ألف.مبروك...:)


وزي مايقولوا وصل لي الدور حسيت بالخطر (خطر اني كبرت وبديت اتخطب واهلي ناوين علي ! )!


ههههه.نفسي.بس.أناخلاص.هذي.الصيفية.بإذن.الله.الله.يعينا...:02:


والشيء المزعج بالموضوع ان امي ترزني بكل مكان
هذي بنتي الي ماتزوجت هذي بنتي الي ماتزوجت من يزيد من يزيد (احس اني بحراج بن قاسم )
مادري ليش الأمهات ينغثون من بناتهم

ههههه.لا.يا.بنت.الحلال.السالفة.إنها.تبي.تفرح.فيك.فقط.لا.غير...:09:


خلصنا شكاوي واذا تذكرت شيء كتبته :31:


حياك.الله.بأي.وقت...:أفكر:
hod hod
23-06-2007, 06:33 AM
:bigeyes:
جلست اتمعن بالرد وقلت ياربيه هذا مين هذا مين طلعت احمدوه مغير اسمك :p
كم مره غيرته هالكم شهر الي غبت فيهم اعترف :09:




و عليكم السلام
اهلين هدى ,, انتي كيفك ؟ و كيف بداية الإجازة معك , مخططه لمشروع نكد فيها و لا شيء ثاني :D
كان لازم تضعي اللمحة عشان الجزء الاول الي راح تذكرينه >> سالفة اختفاء البشر من كوكب الارض

بس ان شاء الله تحصلي ناس تتفاعل مع نكدك خصوصا ان المنتدى توه يعود له النشاط بعد انتهاء الامتحانات



اهلين احمدوه انا تمام انت علومك ؟
النكد موجود ولازم انكد الناس بشبكة الانترنت شسوي محد معطيني وجه بالعالم الحقيقي :09:



عادي الناس اعتادت @@
طبعا مادري بأقسام الجيمز و كذا من بقى فيها و من موجود >> واحد ترك الغيمز مال البي اس و ربعها و انتقل لل بي سي خخ
بس عن الاقسام الثانية الي ادخلها @@ ادخل التصميم و تقريبا 90 بالمئة من الاعضاء القدماء have been killed :09:
ينعدون على الاصابع الي بقوا من قبل , بس ربما اختفوا بسبب ظروف الجامعه و امور كذا مثل ما معك
و ما توقعت انك تدخلي المنتدى حتى , و لو ان يبين لك رد كل شهر بالصدفة
بس ما اعتقد مسألة الطمع واردة بالنسبة للترك
الاغلبية يدخلون على المزاج >> يعني عشان انت تعمل كذا البقية بيعملون كذا :p



اممممم الجيمز اتوقع لسى موجودين
اما التصميم موجودين او لا كله صمم وحط وناس يمدحون ويسبون :09:
ههههههه انت تتدخل على المزاج بقوة :ponder:
مزاجك متقلب ياولد :ponder:





ما احسها عادلة و لها معنى XD , طبعا كونك من السعودية فجميع الشروط تلك سارية لدى اغلبية السعوديات الى الله اعلم :D
بس طبعا في ناس غير راميين هذي الشروط @@


ههههههههه يس على اغلب السعوديات :p
منهم ؟ :ponder:



عادي الهوايات الثقافية تلك راحت ايامها خخ >> عن نفسي افكر اشوف انيمي الى الاربعين :09:
الظاهر عندك قايمة لانيمي عدة تشوفيها @@
لازم تضعي ديث نوت منها و لو ان ما اعتقد من النوع الي يعجبك بس لما تواصلي فيه بيعجبك
عندك
bleach اذا ما شفتيه اكيد بيعجبك :09:


هههههه انت وال بايد قيرل وصيتوا عليه والله اتابعه وجالسه انزل 36 :09:
بقى حلقه ويخلص :ponder:
ايه اتابع بليتش ون بيس روميو وجوليت كلايمور ... الخ :ponder:



كح نو كومنت ,, حقوق المراة في الوطن العربي شبه معدومة :09:
بس تكبر البنت خلاص لازم تكون في قايمة التزويج @@


لا وابشرك جماعتنا صايرين يتزوجون صغار يعني 23 او 24 اجل كيف بالبنات :ponder:




لا فلسفة في هذه الامور خخخ
و ما ادري بحكم الشيء الي قلتيه XD


اوه طلعتوا كلكم اصفار على الشمال :09:



موفقة هدى
and have fun in your holiday
و خل بعض الناس يذاكرون عشان للحين عندهم جامعة >> يقصد نفسه

مع السلامة ^^


الله يخليك خيو وياك يارب
ههههه الله يعينك هيييييه عطلنا حره ياعذالي :D
حياك الله يالطيب:)
hod hod
23-06-2007, 06:50 AM
ياهلا بالمقبلين عاشواااا :D
:D <<<امس رايحه لعرس
ياهلا بخيو فريدي :D



أولاً.حي.الله.الأخت.هدهد.السلام.عليكم.ورحمة.الله.وبركاته.

من.زمان.عن.شكاويك...:09:
ثانياً.أقول.وعلى.الله.التكلان...وبه.أستعين...

غنية.عن.التعريف.ياهدد...


وعليكم السلام ورحمه الله وبركاته :D
ههههههه اجل فقدتوها ورى يوم ماكنت اتشكى تسكتوني :28:





يابنت.الحلال.خليها.على.ربك...

ME2.ماأدري.وين.راحو...:jap053:


بأراضي الله الواسعه بسوي عنهم اعلان واحط صورهم ومكافئات للي يلقاهم :02:




Yeh.yeh.yeh.i.miss.that:D



هههههههه الله يقطع بوش :D






WTH.iwana.some.action.:footinmouth:
بالنسبة.للدرجات.عادي.حسبتها.غلط.بعدين.حسبتها.صح...End.of.Story...
بس.جميل.جداً.إنك.قاعدة.تستغفري.ذكرتيني.مره.على.أيام.الثانوي.ضاع.كتاب.التفسير.وأنا.مامسكته.
عاد.بنص.الساحة.أنواع.الدعاء.والإستغفار.ويارب.أنت.عارف.الحال.وأنا.ماني.مذاكر.يارب.إفرجها.
وسبحان.الله.أنتبه.إنه.كان.قدامي.وأناموملاحظ...





هههههههه تصير مثل صاحبتي تدور على نظارتها وتتهاوش تقول طلعوها والمشكله كلنا نحلف لها مو ماخذينها وهي لابستها لاهي انتهبت ولااحنا انتبهنا :p



Good.for.you...:)


أوه.ذكرتيني.بروح.أسوي.سندويتش.تونه...*يروح.المطبخ*

:smashfreakB:

مممم.أجل.قلتيلي.ماتطلعين.من.البيت.بعذرك.أجل:jap005:
بس.يللا.النت.يعوض


ماحب التونه :( .
ايه النت يمشي حاله على النص بس ماحبه :(





لوووووووولme.رجعت.للأنمي.بشكل.غريب.قدكنت.تركته.وإفتكيت.منه.وش.الي.رجعني.الله.العالم...




يؤؤؤ تطالع انمي ياشايب :p




مراجعه.بشكل.سريع.الـ360.ألعابه.لآخر.السنة.تسلي.الي.مايتسلى.لكن.المشكلة.فيه.لمبات.الديسكو.الي.ماترحم. ..الـPS3.بماإني.متعصب.بقولك.خذيه.ولاتفكرين.لكن.أنصحك.بعد.شهرين.الـwii.إذاناويتها.رياضة.ورشاقة.فهو.ال حل.الأمثل...:D



هههههههه اصلا ماحب اجهزه مايكروسوفت وعه
وبلاي ستيشن ثري سعره خيالي يمديني اشتري بيت
فباقي WII افكر اشتريه ان شاء الله





ألف.ألف.مبروك...:)

ههههه.نفسي.بس.أناخلاص.هذي.الصيفية.بإذن.الله.الله.يعينا...:02:

ههههه.لا.يا.بنت.الحلال.السالفة.إنها.تبي.تفرح.فيك.فقط
.لا.غير...:09:


يبارك بعمرك ياشايب المنتدى :D
هههههههه بيزوجونك اجل زين يسوون فيك :09:




حياك.الله.بأي.وقت...:أفكر:

الله يحيك خيو
وحياك الله يالطيب :)
Ahmed Blight
23-06-2007, 02:08 PM
:bigeyes:
جلست اتمعن بالرد وقلت ياربيه هذا مين هذا مين طلعت احمدوه مغير اسمك :p
كم مره غيرته هالكم شهر الي غبت فيهم اعترف :09:

هههههههههه انا قلت ما في داعي تقول من انت هي بتعرفك لو تغير اسمك مئة مرة يظل اسلوبك في الكلام معروف :09:
ما غيرت كثير ولله مرتين بس و لو ان لي رغبة اغير حاليا بس المستر دايركتور ما راح يغير لي اكيد :09: , لازم اعمل دراسة للقوانين اشوف مسموح لي اغير او لا


اهلين احمدوه انا تمام انت علومك ؟
النكد موجود ولازم انكد الناس بشبكة الانترنت شسوي محد معطيني وجه بالعالم الحقيقي :09:

دووم تمام
انا بخير كمان في احسن حال تقريبا بس لسا جامعه >.> اخلص 19-7 :09: >> غير تخصصه الى حقوق XD



اممممم الجيمز اتوقع لسى موجودين
اما التصميم موجودين او لا كله صمم وحط وناس يمدحون ويسبون :09:
ههههههه انت تتدخل على المزاج بقوة :ponder:
مزاجك متقلب ياولد :ponder:

التصميم احس بس خلصت الامتحانات في ناس بدأت تطلع @@





ههههههههه يس على اغلب السعوديات :p
منهم ؟ :ponder:


مادري :09:



هههههه انت وال بايد قيرل وصيتوا عليه والله اتابعه وجالسه انزل 36 :09:
بقى حلقه ويخلص :ponder:
ايه اتابع بليتش ون بيس روميو وجوليت كلايمور ... الخ :ponder:



روميو و جولييت شفت نصف الحلقة الاولى و للحين ما كملت بس شكله حلو
عندك love complex حلو كمان
كلايمور الى 13 عندي
ديث نوت طبعا الاسبوع الجاي تنزل 37 و يخلص الانيمي
بليتش اظن وصلوا 130 @@ انا شفت الى 127 و وقفت شوي
عندك ناروتو الموسم الجديد من فترة نزل و اتوقع الحين 18 او 20 حلقة
>> اقول لا نقلبها قسم انيمي


لا وابشرك جماعتنا صايرين يتزوجون صغار يعني 23 او 24 اجل كيف بالبنات :ponder:


غريبة مو من العادة الزواج المبكر يعود للحياة خخخ و احسه مناسب تو ذس تايم


اوه طلعتوا كلكم اصفار على الشمال :09:



انتوا في السعودية مقررات الدين و الخ عندكم مكثفة حنا في البحرين مقرر كل فصل و في الثانوي يصيرون 3 مقررات لل6 فصول
و كل امور عادية الي فيه >> بس تخلص الثانوي تنسى الي اخذته خخخ



الله يخليك خيو وياك يارب
ههههه الله يعينك هيييييه عطلنا حره ياعذالي :D
حياك الله يالطيب:)


خخخ انا ادرس فصل ثالث يعتبر صيفي بشكل عام فطبيعي ما اخلص لو على سالفة الفصل الثاني فكان يخلص 6-5 يعني لو على كذا كنت مخلص من زمان بس انا مخلي في بالي ادخل 3 فصول كل سنة ^^"
و خلينا نشوف مواضيع جديدة لك ^^
مع السلامة
Old Snake 85
23-06-2007, 04:31 PM
ياهلا بالمقبلين عاشواااا :D

:D <<<امس رايحه لعرس
ياهلا بخيو فريدي :D

حياك.الله.وبياك.وجعل.الجنة.مثواك...:D



وعليكم السلام ورحمه الله وبركاته :D

ههههههه اجل فقدتوها ورى يوم ماكنت اتشكى تسكتوني :28:

وعليكم.السلام.ورحمة.الله.وبركاته...:)
أفى.عليك.بس.ماعاش.من.يسكتك.أكيد.فيه.سوء.فهم...:09:


بأراضي الله الواسعه بسوي عنهم اعلان واحط صورهم ومكافئات للي يلقاهم :02:


أوف.مكافئات.أثرك.غنية.طيب.عطيني.مكافأة.وأنا.في.أسبوع.بالكثير.أخلهم.يرزون.بالمنتدى...:D


هههههههه تصير مثل صاحبتي تدور على نظارتها وتتهاوش تقول طلعوها والمشكله كلنا نحلف لها مو ماخذينها وهي لابستها لاهي انتهبت ولااحنا انتبهنا :p

:jap004:
wait.a.min...سالفة.إنها.مانتبهت.مقبولة.بس.أنتم.ماأنتبهتم.:jap022:

ماحب التونه :( .
ايه النت يمشي حاله على النص بس ماحبه :(
لووول.أجل.فوتي.نص.عمرك...وانت.يكفي.ويوفي...:boggled:



يؤؤؤ تطالع انمي ياشايب :p


لا.هو.شلون...أنت.قصدك.أفلام.كرتون...لا.مااطالع....*توقعوا.صدقوا.التصريفة*



هههههههه اصلا ماحب اجهزه مايكروسوفت وعه

وبلاي ستيشن ثري سعره خيالي يمديني اشتري بيت
فباقي WII افكر اشتريه ان شاء الله


بلاش.غلط.على.سوني.:12:...:09:
وترى.بينزل.السعر.آخر.السنة...:)



يبارك بعمرك ياشايب المنتدى :D

هههههههه بيزوجونك اجل زين يسوون فيك :09:

لووول.إنت.إلى.الآن.مانسيتي.سالفة.الشايب.أنا.قلت.الحين.نست.تكون...:o
عموماً.لقب.مميز.على.الأقل...:D
والزواج.قريب.وأنت.والأعضاء.مدعوين...:أفكر:



الله يحيك خيو

وحياك الله يالطيب :)

حياك.الله.وبياك.ويامرحباً.ألف...:D
فارس المجد
24-06-2007, 02:45 AM
اممممم مو كلنا بعضنا :ponder:

أكيد!

هههههه اكس اكس اكس لارج ؟ :09:
حلوة صور الديك الي تحطهم :D

ههههههه قريباً رح أنزل ابتسامات جديدة !!http://abdudeek.jeeran.com/متشكك.gif <-- أقول لا يكبر راسك
hod hod
24-06-2007, 04:51 AM
هههههههههه انا قلت ما في داعي تقول من انت هي بتعرفك لو تغير اسمك مئة مرة يظل اسلوبك في الكلام معروف :09:
ما غيرت كثير ولله مرتين بس و لو ان لي رغبة اغير حاليا بس المستر دايركتور ما راح يغير لي اكيد :09: , لازم اعمل دراسة للقوانين اشوف مسموح لي اغير او لا


ههههههه ماعرفتك من اسلوبك بس في تلميح واضح عرفتك منه :D
الله يعين دارك عليك لو انا بداله اعطيك خاصيه تغيير اسمك على كيفك وارتاح :09:


دووم تمام
انا بخير كمان في احسن حال تقريبا بس لسا جامعه >.> اخلص 19-7 :09: >> غير تخصصه الى حقوق XD


من جد حقوق ؟
شالطاري بس احمد & حقوق نو ويه :ponder:






روميو و جولييت شفت نصف الحلقة الاولى و للحين ما كملت بس شكله حلو
عندك love complex حلو كمان
كلايمور الى 13 عندي
ديث نوت طبعا الاسبوع الجاي تنزل 37 و يخلص الانيمي
بليتش اظن وصلوا 130 @@ انا شفت الى 127 و وقفت شوي
عندك ناروتو الموسم الجديد من فترة نزل و اتوقع الحين 18 او 20 حلقة
>> اقول لا نقلبها قسم انيمي

كل الي كتبته اتابعه :p



غريبة مو من العادة الزواج المبكر يعود للحياة خخخ و احسه مناسب تو ذس تايم

شيء طيب وحلو :ponder:



انتوا في السعودية مقررات الدين و الخ عندكم مكثفة حنا في البحرين مقرر كل فصل و في الثانوي يصيرون 3 مقررات لل6 فصول
و كل امور عادية الي فيه >> بس تخلص الثانوي تنسى الي اخذته خخخ


صدقني اخوي مو على المقررات على الشخص نفسه اذا حب يستفاد او لا



خخخ انا ادرس فصل ثالث يعتبر صيفي بشكل عام فطبيعي ما اخلص لو على سالفة الفصل الثاني فكان يخلص 6-5 يعني لو على كذا كنت مخلص من زمان بس انا مخلي في بالي ادخل 3 فصول كل سنة ^^"


الخلاصه انك تداوم :o


و خلينا نشوف مواضيع جديدة لك ^^
مع السلامة

ان شاء الله خيو:D
حياك الله ^^
hod hod
24-06-2007, 05:06 AM
حياك.الله.وبياك.وجعل.الجنة.مثواك...:D


وعليكم.السلام.ورحمة.الله.وبركاته...:)
أفى.عليك.بس.ماعاش.من.يسكتك.أكيد.فيه.سوء.فهم...:09:
[/center]
الله يخليك ويبقيك :D
لا شوف الناس طفشوا من شكواي :02:



أوف.مكافئات.أثرك.غنية.طيب.عطيني.مكافأة.وأنا.في.أسبوع.بالكثير.أخلهم.يرزون.بالمنتدى...:D

:jap004:
[/center]

علبة تونه :D


wait.a.min...سالفة.إنها.مانتبهت.مقبولة.بس.أنتم.ماأنتبهتم.:jap022:
[/center]
وهنا تكمن الطرفة :D



لووول.أجل.فوتي.نص.عمرك...وانت.يكفي.ويوفي...:boggled:
[/center]
تونه + اندومي +مورتديلا = ابعدني عنهم :09:


لا.هو.شلون...أنت.قصدك.أفلام.كرتون...لا.مااطالع....*توقعوا.صدقوا.التصريفة*
[/center]
ايه على بالي شايب موديل 2007 :D


بلاش.غلط.على.سوني.:12:...:09:
وترى.بينزل.السعر.آخر.السنة...:)
[/center]
اي غلط سعره غالي :09:
الحين بهالسعر وشركة سوني خسرانه كيف لو نزلوه بعد:ponder:



لووول.إنت.إلى.الآن.مانسيتي.سالفة.الشايب.أنا.قلت.الحين.نست.تكون...:o
عموماً.لقب.مميز.على.الأقل...:D
والزواج.قريب.وأنت.والأعضاء.مدعوين...:أفكر:
[/center]
هههههه ايه ماسكتها عليك :09:
ماشاء الله مبروك اخوي مبروك :D
الله يوفقك يارب
وين بتحط البطايق ؟ :D
:D <<<ماصدقت انها تنعزم ههههه



حياك.الله.وبياك.ويامرحباً.ألف...:D
[/center]

الله يحيك ويبقيك يالطيب :D
[/center]
hod hod
24-06-2007, 05:09 AM
أكيد!

ههههههه قريباً رح أنزل ابتسامات جديدة !!http://abdudeek.jeeran.com/متشكك.gif <-- أقول لا يكبر راسك
هههههههههه حط حقوق النشر والتوزيع :09:
ابغى صور قطط :09:
حياك الله اخوي :D
Ahmed Blight
24-06-2007, 09:12 AM
ههههههه ماعرفتك من اسلوبك بس في تلميح واضح عرفتك منه :D
الله يعين دارك عليك لو انا بداله اعطيك خاصيه تغيير اسمك على كيفك وارتاح :09:


خخخخ توقعت هذا بس ما كنت بملح بالشيء الي عرفتي منه و الي يمكن اختصاره في حرفين :09:


من جد حقوق ؟
شالطاري بس احمد & حقوق نو ويه :ponder:


خخخخ بشكل اصح نسميها قانون :09:
عادي خخخ من قبل اول ما خلصت ثانوي كنت ابغي ادرس قانون بس غيرت بسبب اصحابي xD
بس الحين برغبتي التامة :09: , عجيب القانون ما عدى مقرر واحد اسمه حقوق الإنسان كارهه >.<
بس ليش ما يناسبني القانون :09: عشان اشوف انيمي يعني و العب العاب اونلاين XD
Son_OF_Liberty
24-06-2007, 11:39 PM
حياك الله أختي البارونه والحمدلله إنك أنهيتي فصلك الثاني-اذا ماكنت غلطان- بالجامعه :)
مبروك عليك الاجازه الصيفيه وبأنتظار موضوع "كش على الطموح" بنهايتها

أولا بخصوص المنتدى
فعلا بالفتره الأخيره إختفى كثير من الاعضاء والان أكثرهم جدد
أتوقع السبب هو فترة الركود الي يمر بها المنتدى من وقت ماهو قصير عكس الصيفيه الماضيه كنا نشوف دايم مضاربات ونقاشات جاده ومواضيع تصل لـ20 صفحه وبدون ملل
أتمنى نشوف هالايام ترجع :(

وعلى صعيد الجامعه
فكنت متوقع إنك تجيبين المعدل كامل لإنك مختفيه من يوم بدت الدراسه بس إن شاء الله تعوضين الي فاتك بالاترام الجايه :)


والعطله فأعتقد إنها
better to be skipedd :31:

والهوايات
فعادي إلعبي وشاهدي لكن لاتتركين مطالعة الكتب لانك بإختصار لو تركتيها فأحسن الله عزائك في عقلك :09:

وطاري الأسره
فمبروك زواج أختك ولو إنها متأخره بس ماكنت أدري
والعقبه لك إن شاء الله <<يحس هالجملتين الاخيره رسميه بزياده :31:

وأما عن تربية الحمام
فماني شايف دليل يثبت هالشيء اللهم إنها مأخوذه بالعرف والعاده وهي تثبت بالشرع
http://www.islamweb.net.qa/ver2/Fatwa/ShowFatwa.php?lang=A&Id=23241&Option=FatwaId

الله يوفقك يابارونه وإن شاء الله نشوفلك مواضيع بالفتره القادمه :)
hod hod
25-06-2007, 01:21 AM
خخخخ توقعت هذا بس ما كنت بملح بالشيء الي عرفتي منه و الي يمكن اختصاره في حرفين :09:



ههههههه واضحة :ponder:



خخخخ بشكل اصح نسميها قانون :09:
عادي خخخ من قبل اول ما خلصت ثانوي كنت ابغي ادرس قانون بس غيرت بسبب اصحابي xD
بس الحين برغبتي التامة :09: , عجيب القانون ما عدى مقرر واحد اسمه حقوق الإنسان كارهه >.<
بس ليش ما يناسبني القانون :09: عشان اشوف انيمي يعني و العب العاب اونلاين XD

هههههه مادري احس ان اقسام الكمبيوتر انسب لك :ponder:
عموما الله يوفقك خيو :)
hod hod
25-06-2007, 01:52 AM
ياهلا والله :D
اسفرت وانورت واستهلت وامطرت :D


حياك الله أختي البارونه والحمدلله إنك أنهيتي فصلك الثاني-اذا ماكنت غلطان- بالجامعه :)
مبروك عليك الاجازه الصيفيه وبأنتظار موضوع "كش على الطموح" بنهايتها

الله يحيم ويبقيك يالطيب :)
شوف من ناحية المستويات فهو الثاني
بس درست فيها سنه ونصف علشان اول ترم كان توفل مايدخل ضمن المعدل ولاشيء بس مطلوب النجاح:ponder:
الله يبارك بعمرك يالطيب
مانسيت (كش على الطموح ) ؟؟ :09:
يوووه كش على الطموح وبقوة بعد هههههه:(


أولا بخصوص المنتدى
فعلا بالفتره الأخيره إختفى كثير من الاعضاء والان أكثرهم جدد
أتوقع السبب هو فترة الركود الي يمر بها المنتدى من وقت ماهو قصير عكس الصيفيه الماضيه كنا نشوف دايم مضاربات ونقاشات جاده ومواضيع تصل لـ20 صفحه وبدون ملل
أتمنى نشوف هالايام ترجع :(

صحيح بصراحه ركود عنيف اغلب المواضيع مافيها نقاشات ومطاقق عكس اول :ponder:

اشك انها بترجع :(



وعلى صعيد الجامعه
فكنت متوقع إنك تجيبين المعدل كامل لإنك مختفيه من يوم بدت الدراسه بس إن شاء الله تعوضين الي فاتك بالاترام الجايه :)

قهر والله شديت حيلي بس الحمدلله على كل حال ..
عموما كثير حملوا مواد الحمدلله انا مو منهم وهذي نعمه :)


والهوايات
فعادي إلعبي وشاهدي لكن لاتتركين مطالعة الكتب لانك بإختصار لو تركتيها فأحسن الله عزائك في عقلك :09:

لا مافي ياهذا ياهذا :p
لايوجد في جوف المرء بيتان (احس اني خربت بالمثل شوي:09: )


وطاري الأسره
فمبروك زواج أختك ولو إنها متأخره بس ماكنت أدري
والعقبه لك إن شاء الله <<يحس هالجملتين الاخيره رسميه بزياده :31:

يبارك بعمرك يالطيب :)
الظاهر سبق وقلت بأحد المواضيع اذا ماكنت غلطانه :ponder:
وياك يارب بس لسى بدري علي :09:


وأما عن تربية الحمام
فماني شايف دليل يثبت هالشيء اللهم إنها مأخوذه بالعرف والعاده وهي تثبت بالشرع
http://www.islamweb.net.qa/ver2/Fatwa/ShowFatwa.php?lang=A&Id=23241&Option=FatwaId

اممممم الي اتكلم عنه مو التربية يالطيب التربيه عادي:)
الي اتكلم عنه الي يطيرون حمام على قولة اخوانا الكويتين(مطيرchــي)
ومثل ماحطيت بالرابط اخوي الاقوال اتفقت على جواز التربيه للفايده او للمتعه لكن اختلفوا في مسأله التطيير
عموماً حتى لو كانت حسب العرف الأفضل تركها:)


الله يوفقك يابارونه وإن شاء الله نشوفلك مواضيع بالفتره القادمه :)
وياك يارب :)
على فكرة
بكرة ان شاء الله انا ببلاد الحجاز :)
مكه وجده بأذن الله :)
ابي عزيمة :09:
حياك الله يالطيب ^^