PLAYSTATION 3 FAQ - أسئلة وأجوبة حول البلاي ستيشن 3

[كراوزار]

مشكوووووووووووووووووووووووووووووووووووووووووووووووووووووور

[The Last Lombax]

مشكوووووووووووووووووووووووووووووووووووووووووووووووووووووورعلى إيش ؟؟؟

بعدين اللي قبلك مقهور الشريط ما أشتغل معاه

تقله مشكوووووور !!


an error occured during the start operation 8001006

ترجمة : خطأ حصل أثناء بدء التشغيل

طيب سألت عن رقم الخطأ أو شفت مواقع ثانية ؟؟

[عاشق ps3]

البلاي ستيشن خربت ؟!!!

هي تشتغل بس في الشاشه ماتطلع حتى يد التحكم ماتوصل واير ليس لها

شنو الحل؟

[فارس الفراعنة]

أخواني أنا عايش في دولة الإمارات و أبغي أعرف كيف أشتري بطاقة psn

[الصهيبي]

وين ساكن في الامارات وانا اقولك وعلى العموم ما يبيعو الا حق الستور الامريكي يعني لازم يكون الاي دي مالك امريكي واللعبة امريكية وبعدين اسعارهم غالية افضلك تستخدم الكريديت كارد


مشكور يا طاحس طلع الشريط خربان وبدلته الف شكر

[fall out boy]

^^^

ممكن تقولي وين

[الصهيبي]

في العين في محل اسمه كابول وفي ابوظبي في حامد سنتر ومركز زايد

[fall out boy]

^^^
ما تعرف مكان في دبي

[الصهيبي]

لا للاسف بس سمعت انه في محل يبيعه في دبي مول بس مو متأكد

[فارس الفراعنة]

وين ساكن في الامارات وانا اقولك وعلى العموم ما يبيعو الا حق الستور الامريكي يعني لازم يكون الاي دي مالك امريكي واللعبة امريكية وبعدين اسعارهم غالية افضلك تستخدم الكريديت كارد





مشكور أخوي بس تتوقع ينزلون psn card الأوروبي

ثانياً وين أحصل على الكريديت كارد و كم سعره تراني ما أشتغل أنا طالب

و هل الكريت كارد يأخذون فؤائد

[The Last Lombax]

شباب إيش صيغ الفيديو المدعومة في الPS3 ؟؟؟

أمس شغلت فيديو بصيغة AVI أشتغل تمام شغلت فيديو ثاني تجيني رسالة خطأ ؟؟؟

إيش السبب ؟؟

[الصهيبي]

مشكور أخوي بس تتوقع ينزلون psn card الأوروبي

ثانياً وين أحصل على الكريديت كارد و كم سعره تراني ما أشتغل أنا طالب

و هل الكريت كارد يأخذون فؤائد

انا عن نفسي ما اتوقع انهم ينزلو اوروبي بس قضية الكريديت كارد استخدم حق واحد من الاهل هذي الطريقة الوحيدة لانك طالب

[الصهيبي]

شباب إيش صيغ الفيديو المدعومة في الPS3 ؟؟؟

أمس شغلت فيديو بصيغة AVI أشتغل تمام شغلت فيديو ثاني تجيني رسالة خطأ ؟؟؟

إيش السبب ؟؟


الصيغ الفيديو المدعومة هي :
MP4
AVI
DivX
MPEG-4
WMV

واي صيغة ثانية يعطيك ايرور:02:

[The Last Lombax]

مشكور الصهيبي

بس ما كملت الجواب للشطر الثاني من السؤال


قبل يومين شغلت فيديو بصيغة AVI أشتغل تمام شغلت فيديو ثاني تجيني رسالة خطأ ؟؟؟

إيش السبب ؟؟

[Lonely Hunter]

في انواع من avi مايشغلهم الجهاز
حولهم mp4 or mpeg

[The Last Lombax]

نسيت ما أضيف أن صيغة الملفات اللي عندي هي الAVI ذو الوضوح العالي

[الصهيبي]

مثل ما قال اخوي عبدالعزيز في بعض انواع avi ما تشتغل فلازم تحول الصيغة

[The Last Lombax]

طيب أحيانا ال MP4 ما يشتغل ( يشتغل صوت فقط )

[الصهيبي]

انا عند نفسي اجرب ال avi العادي مثل اللي تيجي فيه حلقات لوست وبريزون بريك اللي يكون مساحته 350 ميجا لكن للاسف ما جربت mp4 او avi عالي الوضوح ان شاء الله واحد من الاخوان يفيدك

[Lonely Hunter]

يمكن من البرنامج اللي تستعمله للتحويل

حاول اتنوع ببرامج التحويل و شوف ايهو الافضل

[y2g_rvd]

شباب لو سمحتو أبي أطلع عندي في pes 2009 أندية الكرة السعودية

الهلال والإتحاد ..... كيف الطريقة ؟

والي يعرف ياشباب كيف أطلع جميع المراحل في cod 5 يليت يقولي ؟

[فارس الفراعنة]

انا عن نفسي ما اتوقع انهم ينزلو اوروبي بس قضية الكريديت كارد استخدم حق واحد من الاهل هذي الطريقة الوحيدة لانك طالب


عندي واحد من أهل بطاقة visa electron prepaid card من بنك أبوظبي الوطني
و أنا ما أعرف كيف أستخدمة

ممكن تخبرني بالتفصيل

[الصهيبي]

انا بقولك بالتفصيل الممل كمان ....

- اول شي عادي ادخل sign in بالاي دي حقك (لازم يكون الاي دي حقك اماراتي علشان تشتغل معك البطاقة يعني لمن اول مرة سويت الاي دي تكون سجلت البلد الامارات لو سجلت بلد ثاني عادي سوي يوزر جديد وسوي فيه اي دي اماراتي)
- اختار Account managment
-بعدين اختار account inormation
-ثم Billing information
- دخل الباسورد حق الاي دي مالك (احيانا يطلبه مو دايما )
-بعدين بيجيلك قائمة تعبيها ادخل التالي:
card Type : visa
card holders name : اسم صاحب البطاقة مثل ما هو مسجل فوق البطاقة بالكابتيل لو الحرف مكتوب كابتال او سمول لو مكتوب سمول
card number : ادخل الرقم الطويل المحفور في واجهة البطاقة
expire >> تاريخ انتهاء صلاحية البطاقة سجل الشهر ثم السنة
card secuirty code: الرقم السري للبطاقة مكون من ثلاث او اربع ارقام غالبا يكون مسجل في خلف البطاقة (ممكن يمون فوق استيكر اضافي)
بعد ما تخلص روح كونتينيو
الصفحة الثانية
الشارع 1 سجل اي شارع
الشارع 2 سيبه فاضي
الشارع 3 سيبه فاضي
city ابوظبي او دبي على حسب مدينتك
state برضه ابوظبي او دبي اختار نفس المدينة اللي سجلتها فوق
country UAE
واي استفسار انا حاضر.............

[فارس الفراعنة]

انا بقولك بالتفصيل الممل كمان ....

- اول شي عادي ادخل sign in بالاي دي حقك (لازم يكون الاي دي حقك اماراتي علشان تشتغل معك البطاقة يعني لمن اول مرة سويت الاي دي تكون سجلت البلد الامارات لو سجلت بلد ثاني عادي سوي يوزر جديد وسوي فيه اي دي اماراتي)
- اختار Account managment
-بعدين اختار account inormation
-ثم Billing information
- دخل الباسورد حق الاي دي مالك (احيانا يطلبه مو دايما )
-بعدين بيجيلك قائمة تعبيها ادخل التالي:
card Type : visa
card holders name : اسم صاحب البطاقة مثل ما هو مسجل فوق البطاقة بالكابتيل لو الحرف مكتوب كابتال او سمول لو مكتوب سمول
card number : ادخل الرقم الطويل المحفور في واجهة البطاقة
expire >> تاريخ انتهاء صلاحية البطاقة سجل الشهر ثم السنة
card secuirty code: الرقم السري للبطاقة مكون من ثلاث او اربع ارقام غالبا يكون مسجل في خلف البطاقة (ممكن يمون فوق استيكر اضافي)
بعد ما تخلص روح كونتينيو
الصفحة الثانية
الشارع 1 سجل اي شارع
الشارع 2 سيبه فاضي
الشارع 3 سيبه فاضي
city ابوظبي او دبي على حسب مدينتك
state برضه ابوظبي او دبي اختار نفس المدينة اللي سجلتها فوق
country UAE
واي استفسار انا حاضر.............

شكراً لك أخوي

بس يظهرلي رسالة

The credit card information cannot be updated

Check your PlayStation@Network account information ,and then contact technical support for assistance

[الصهيبي]

هذا معناته عندك مشكلة في الاتصال في النت على ما اظن ؟؟؟
انت سجلت دخولك بالاي دي الاماراتي؟؟؟
طيب جرب لو تقدر تفتح مواقع او لا.....
احيانا يكون في صيانة فيالشبكة جرب في وقت اخر وردلي خبر

[Modi]

شباب اقدر مثلا احمل الديموز والجهاز طافي ؟؟ اذا اقدر شلون ؟؟

[Lonely Hunter]

مايصير

تقدر بس اتخليه ينزل و اذا خلص اوتوماتيك من نفسه يسويلهم انستول بعدين ينطفي

[rare games]

^^^^^

هذا الابديت على ما اذكر

اذا فيه الديمو علمنا الطريقه

[فارس الفراعنة]

هذا معناته عندك مشكلة في الاتصال في النت على ما اظن ؟؟؟
انت سجلت دخولك بالاي دي الاماراتي؟؟؟
طيب جرب لو تقدر تفتح مواقع او لا.....
احيانا يكون في صيانة فيالشبكة جرب في وقت اخر وردلي خبر

جربت في الستور الأوروبي و ما نفع

شو الحل:cray::cray::cray::cray::cray:

[زيييييزو]

السلام عليكم ...




كيف الحال .. إن شاء الله تمام ...



اخواني ...

عندي استفسار بسيط ... اللي هو ..

إذا ضاع مني الرقم السري حق ايميل البلاي ستيشن ... وش اسوي .؟؟

اسوي ايميل جديد ... أو امسحه .. ..



باللهي عليكم افيدوووووني ..

[pat]

اخوي اذا ضاع الرقم السري سو اكونت جديد مره ثانيه وبالنسبه للالعاب اللي تلعبها عن طريق الاون لاين مثل ميتل جير وغيرها تستكمل اللعب عادي بأيميلك الجديد .

[The Last Lombax]

راحت عليك (&)

إلا إذا كنت فاكر السؤال السري وجوابه يمكن راح يفيدك + مكان الموضوع غلط

[Al-RaQmi]

صارت لي نفس الحركة ^^"
الحل سهل
اول شي sign in
تضغط على خيار "forgot pasword"
يطلب منك البريد الالكتروني حقك + تاريخ ميلادك

ادخلها وخلاص .. ولاتنسى كلمة السر مرة ثانيه P:
اذا تاريخ ميلادك ناسية فـ الله يخلف

[زيييييزو]

لازم يوزر جديد ؟؟

[Lonely Hunter]

اذا انت حافظ البيانات اللي حطيتها و ماكنت مألفها

https://store.playstation.com/accounts/reset/beginPasswordResetFlow.action?target=login

عبي البيانات و ان شاء الله بيرجعلك

[زيييييزو]

مشكووووووورييين ...


ألفـ ألفـــــــــــــــــــــــــــــــــ عافيه ـــــــــــــــــــ لكم

[y2g_rvd]

شباب ضرورري جدا كيف اطلع جميع المراحل في cod 5
المراحل الي في لعبة 2 يعني ضد بعض مهو الدوري

[Modi]

من مده ملاحظ شغله .. ان لما اكون جالس احمل ديمو او عروض او اي شي
يتوقف التحميل وقت ما اكون مشغل لعبه العبها واذا طلعت يكمل التحميل !!

مدري وش السالفه مافيه حل ؟

[الصهيبي]

انا ملاحظها في الالعاب اللي فيها اتصال بالشبكة يتوقف على طول التحميل مثل بيرن اوت او كيل زون لكن الالعاب مثل كونغ فو او انشارتد او اكس مين هذي الالعاب اللي ما في لها اتصال بالشبكة التحميل يستمر هذا اللي لاحظته والله اعلم صح او خطأ

[The Last Lombax]

من مده ملاحظ شغله .. ان لما اكون جالس احمل ديمو او عروض او اي شي
يتوقف التحميل وقت ما اكون مشغل لعبه العبها واذا طلعت يكمل التحميل !!

مدري وش السالفه مافيه حل ؟



الألعاب اللي فيها أونلاين تخلي التحميل واقف وتكمل بعد ما تخرج من اللعبة

[hayman.15]

السلام عليكم والرحمه ،..

عندي استفسار مهم بالنسبه لي .. بس مادري لو انذكر او لا .. لأني يديد فالمنتدى .. وماشاءالله المواضيع وايده .. لو استفساري متكرر وحابين تحذفونه .. خذوا راحتكم :)

..

شرايطي معظمها " ريجون 1 " اللي هي امريكيه .. السوني بعد نفس الريجون .. الاكاونت اللي العب فيه .." ريجون 2 " اللي هو اوروبي ..

الحين انا ماقدر اشتري باكجز للألعاب اللي عندي .. لأنه الستور اوروبي .. والعابي مثل ماقلت امريكيه .. !!

سويت لي اكاونت يديد وحطيت لي عنوان " امريكي " وهمي .. بس ماضبط هالشي لأنه عنوان الفيزا مختلف ..

كيف احول الستور الاوروبي لأمريكي وفي نفس الوقت .. عنواني فالامارات مايتغير .. !!

اتمنى حد يساعدني ..

ومشكورين مقدما ..

[الصهيبي]

اولا حياك الله في المنتدى واسأل مثل ما تبي وان شاء الله ما في حذف ولا شي
ثانيا بالنسبة لسؤالك ما تقدر تشتري من الستور الامريكي الا عن طريق بطاقات الدفع المسبق psn وهذي بطاقات تنباع عند المحلات وفي ب 20$ و 50$ طبعا اصحاب المحلات يبيعوها غالي يعيني ابو عشرين دولار تنباع ب 135 درهم
الفيزا ما تقدر تستخدمها الا على الاكونت الاوروبي وللالعاب الاوروبية بس واي استفسار نحن بالخدمة

[hayman.15]

اولا حياك الله في المنتدى واسأل مثل ما تبي وان شاء الله ما في حذف ولا شي
ثانيا بالنسبة لسؤالك ما تقدر تشتري من الستور الامريكي الا عن طريق بطاقات الدفع المسبق psn وهذي بطاقات تنباع عند المحلات وفي ب 20$ و 50$ طبعا اصحاب المحلات يبيعوها غالي يعيني ابو عشرين دولار تنباع ب 135 درهم
الفيزا ما تقدر تستخدمها الا على الاكونت الاوروبي وللالعاب الاوروبية بس واي استفسار نحن بالخدمة

مشكور اخوي ع التجاوب السريع ،..

عندك فكره وين ممكن احصلها في بوظبي .. ؟

[الصهيبي]

في حامد سنتر ومركز زايد بعض المحلات يبيعوها مو كلهم

[hayman.15]

في حامد سنتر ومركز زايد بعض المحلات يبيعوها مو كلهم


انا اتعامل مع محل في مدينة زايد وعندي رقمه .. بتصل به وبشوفه ..

مشكور اخوي وماتقصر ..:)

[الصهيبي]

حياك الله في اي وقت .... واي استفسار اخر نحن حاضرين

[tekken1663]

سؤال متى موعد صدور دفعه جديده للجهاز ps3

[مصطفى كيل زون]

مرحباااااااااااا

اخوان في عندي سؤااااااااال مع انو شكلة متاخر بس هوة مهم.....
انتو اكيد كلكم كان عندكم بلاي ستيشن 2 :D:D:D بس سؤالي هوة: بغض النظر عن الاوبشنات
الي موجودة في البلاي 3 عدا اوبشنين اثنين الاول هوة (the free play station network ) والثاني (the blu-ray) عدا هاذي الاوبشنات الاثنين برايكم في اي وجه مقارنة بين البلاي 2 والبلاي 3 لاني حتى الان مشتريت البلاي 3 بس حاب اعرف شنو هوة عمق الاختلاف او الفرق بين الجهازين لان لو كان الفرق مو كبيييييييييييييير:wow: يعني مشكلة كبييييييييييييييرة :12:
بس لله يخليكم تجاوبوني بسرعة:( حسب رايكم انتو يعني بصراحة (البلاي 2 الان ما العبة لو يعطوني مليون دولار صحيح كانت اكثر لعباتة روووووووعة بس هذا قبل 4 سنين 5 سنين)
وعذوروني لان طولت بس حاب تخصولي الفرق بين الالعاب بالاخص وكل ما يخص الالعاب في البلاي 3 .... thaaaaaaaaaaaaaanks:biggthump

[الصهيبي]

الخلاصة الفرق يا اخوي في الجرافيكس والوضوح ونقاء الصوت وحجم الالعاب وطور الاون لاين هذي اهم الفروقات

[عصفــــــــــور]

بسم الله الرحمن الرحيم

السلام عليكم ورحمة الله وبركاته


لدي سؤالين حول السوني 3 ^_^ ارجوا الإجابه عليه بارك الله فيكم اخواني


هل بإمكان الجهاز أن يشغل الملفات الصوتيه التي تكون منسوخه على CD أو DVD ؟؟
ايضاً هل بالإمكان تشغيل ملفات الفيديو التي تكون منسوخه على CD أو DVD ؟؟

وشكرا جزيلا لكم ^_*

[SUPER HUNTER]

بسم الله الرحمن الرحيم

السلام عليكم ورحمة الله وبركاته


لدي سؤالين حول السوني 3 ^_^ ارجوا الإجابه عليه بارك الله فيكم اخواني


هل بإمكان الجهاز أن يشغل الملفات الصوتيه التي تكون منسوخه على CD أو DVD ؟؟
ايضاً هل بالإمكان تشغيل ملفات الفيديو التي تكون منسوخه على CD أو DVD ؟؟

وشكرا جزيلا لكم ^_*


اكيد اخوي تقدر تشغل افلام منسوخة cd او DVD وان شاء الله يكون فلوبي :biggthump
وانا دايما اشوف افلام منسوخة على البلاي ستيشن 3 ونفس الشي بالنسبة للأغاني

[kingx11]

بسم الله الرحمن الرحيم

السلام عليكم ورحمة الله وبركاته


لدي سؤالين حول السوني 3 ^_^ ارجوا الإجابه عليه بارك الله فيكم اخواني


هل بإمكان الجهاز أن يشغل الملفات الصوتيه التي تكون منسوخه على CD أو DVD ؟؟
ايضاً هل بالإمكان تشغيل ملفات الفيديو التي تكون منسوخه على CD أو DVD ؟؟

وشكرا جزيلا لكم ^_*

عليكم السلام ورحمة الله وبركاته

بخصوص الافلام تقدر تشووف حتى لو على فلاش ميموري

الاغاني على cd تقدر تسمعها وتنسخها بصيغة mp3 للهاردسك

اما الاغاني على دفدي مب متأكد انك تقدر تسمعها بس لو نسخ للهاردسك تقدر تنسخ فقط

[عصفــــــــــور]

بارك الله فيكم اخواني الله يسعدكم وين ما كنتم ^_^
اخوكم عصفور

[arbeh]

اخيرا بنفتك من معظم الاستفسارات

كان في بعض المعلومات الجديدة علي والحمد لله استفدت