~*~ تقرير مصور عن " النخيـــــل " في عروس الشرقية "الأحســــاء"~*~

[~*RoSaMaRia*~]

السلام عليكم ورحمة الله وبركاته

http://www.up4pal.com/files/2007-6-6-obv0rxlrr.jpg

أقدم لكم هذا التقرير المصور عن النخيل في مدينتي العزيزة الأحساء ...
وعندما نقول نخيل باللهجة الحساوية فنحن لا نعني بها الجمع لكلمة نخلة ...
وانما نقصد الجمع لكلمة " نخل " ..
طبعا هذا يتضارب مع العربية والخ ....لكننا هينا رح نتكلم حساوي × حساوي ..:biggthump
عشان كيدا أوضح لكم معنى كلمة النخل
المقصود به هو المزرعة التي تحتوي على النخيل بشكل رئيسي ...
وأغلب العوائل في الأحساء تمتلك نخيلها الخاصة ..
وغالبا ما يحتوي النخل على عين عشان سقاية الزرع ....وهاذي العين في كثير من الأحيان تكون تصب في بركة تستخدم للسباحة ...
وفي السنوات الأخيرة تحولت الكثير من النخيل إلى ليس مجرد مزارع ...
بل صارت استراحات ...تقام فيها الاجتماعات العائلية والأعراس ...
النخل بالنسبة للحساويين مثل البحر بالنسبة لسكان المناطق الساحلية ....يعني جزء لا يتجزء من مدينتهم ..
وعزيز مرررة على قلوبهم ...
تلاقي الرجال والشباب يسهرو هناك ...وكمانا الاطفال ينبسطو كثييييييييير بس يقولو لهم آخذينكم على النخل :32:
<<< مفتكرينه دزني لاند على غفلة :31: هع
>>> قلت اني ما بتطنز في هالموزوع بس ما أجوز عن طبعي ...خخخخ
السموحة ..نكمل ...
وفي قديم الزمان كانت مكانة النخل أكثر ...وذا نلاحظو من كلام أجدادنا وجداتنا ...
لما يحكو كيف كانو يقطعو هالمشوار الطويل على " القاري " من الفجر عشانا يروحو يشتغلو هناك ..
<<< فضاوة :31: ....يا محلى النوم ذيك الحزة :D ..

دحينا بعد هالمقدمة الثرثارة ...ننتقل للصور ..مع معلومات توضيحية مني عنها .. <<< اخس ... دليلة سياحية :09: على غفلة ...

بس ملاحزة قبل نبتدي ...

1- الصور كبيرة وانا ما صغرتهم لانو ما لي خلق السراحة ولانو مرة كثيرة ويبغالها رفع وشغلة والسراحة حدي منيب فاضية ..
ومعتفسة في سالفة التسجيل حق الجامعة ...:boggled:
2- الصور ممكن بعضها يكون مو ذاك الزود لاني مو محترفة وما كان هدفي اصور باحتراف وسناعة ...
ولانو الكاميرا حق جوالي ... مو الكاميرا الديجيتال

~*~ كيف ابتدأنا ؟ ~*~

في يوم من أيام الصيف الحارة ...
قررنا أن نجتمع احنا وجدتي وخوالي وعيالهم والحريم ...
ونروح نتغدى في النخل ..بس انا ما قدرت اقاوم المناظر الخلابة وقمت لا اراديا اصور وبس <<< اللي يشوفها يقول سائحة امريكية مو حساوية :09: ...
الموهيم ...اول شي رحنا قسم الرجال ...عشان احنا عيلة محافظة فمقسم النخل قسمين ;) ...
قسم رجال يتراوى لي انه مسميينه " الصبخة " بس لا تسألوني ليه لانو علمي علمكم :o
وقسم نساء عشانا الكل ياخذ راحته ...ومسمينه " المنتجع " <<< يقطع الاسامي الفلة والحركات تقولو رايحين ميامي ..:32:

يتبع بعد قليل ...

[~*RoSaMaRia*~]

عدنا ...:D

~*~ قسم الرجال ~*~

أوكي ..خلونا في قسم الرجال ...
بما انو الرجال يقضو وقت كثير طويل ويتجمعو باعداد كبيرة شوي في النخل ..
فقررو يبنو لنفسهم مسجد ويصلو جماعة ...
هذا هو المسجد من برا ..

http://www.up4pal.com/files/2007-6-6-x6f640a75.jpg

وهذا كمانا من برا بس مقرب ..

http://www.up4pal.com/files/2007-6-6-69ch7naag.jpg

وهذا المحراب حق الامام <<< تحسو انكم جد في مسجد ;)

http://www.up4pal.com/files/2007-6-6-5cb518620.jpg

ننتقل دحينا لحظيرة البط والدجاج اللي عيا يطاوعني ويوقف يطالع الكاميرا ...:28:
سو الصورة اصلا تفتكرو مو مبين منها شي بس انا اقصد البط اللي منحاش لا تخلوه يوخر من عينكم :09: خييييييخ

http://www.up4pal.com/files/2007-6-6-kezobnk65.jpg

وهاذي الله يسلمكم سيارة النخل خخخخخخخخ ..خبركم معدات وعفسة لازم تتودى وتنجاب ... :biggthump

http://www.up4pal.com/files/2007-6-6-fyvjlklc3.jpg

وهاذي التعسيلة ...صح انو اغلب رجال عيلتنا ما يعسلو بس الظاهر فيه حد يعسل :p ...خخخخ

http://www.up4pal.com/files/2007-6-6-q5qtgqw44.jpg


وهاذي بلكونة بس في الارض خخخ..يعني يمكن يجلسو فيها عشان الظل وكيدا ..

http://www.up4pal.com/files/2007-6-6-s1iu7yf2x.jpg

وهاذي نفس البلكونة بس عجبني الغصن اللي شاق الصورة قلت اوريكم اياه خخخ :09:

http://www.up4pal.com/files/2007-6-6-fihdo525r.jpg


يتبع :biggthump خلوكم معانا ...

[~*RoSaMaRia*~]

لا زلنا في قسم الرجال :biggthump

~*~ تابع قسم الرجال ~*~

وهذا الصحن ... <<< لا تفكروه صحن اكل :09: خخخخخخخخخخخخ
لا بس عشان لما الشباب يجتمعو يشاهدو المباريات مباشر لازم يكون عندهم ستالايت ...;)

http://www.up4pal.com/files/2007-6-6-3k9dslfrx.jpg

وهذا ابريق شاي على النار الكذوبية :09: ..

http://www.up4pal.com/files/2007-6-6-35jawo62s.jpg

وهذا الشاي اذا تبغو حياااكم <<< في ذمتهم ذيلي ...كيف يشربو من هالابريق الوسخ ؟ :boggled:

http://www.up4pal.com/files/2007-6-6-fj24jacmr.jpg

وهذا تمر في موسم الحصاد ..

http://www.up4pal.com/files/2007-6-6-cslhb5lyg.jpg

وهاذي صورة تمر مقربة للي عمره ما شاف تمر :09: <<< احلفي :wow: ..

http://www.up4pal.com/files/2007-6-6-96z2tc7g3.jpg

وهاذي صورة حاجة يسموه " عسو " وياخذوها من النخل ورا ما يقطعو التمر اللي عليه ..على ما اعتقد ..
وللعسو استخدامات قديما ...حيث كانو يكنسو به او يخمو بعبارة حساوية ...:09:

http://www.up4pal.com/files/2007-6-6-0eew69nu9.jpg

وهاذي صورة نخلتين توأم عجبووووني <<< ترا مو متأكدة انهم توأم بس يعني توقعت خخخخ :09:

http://www.up4pal.com/files/2007-6-6-mhorysi5x.jpg

وهاذي جلسة رومنسية تحت النخيل ...;)

http://www.up4pal.com/files/2007-6-6-3zrk5d4y5.jpg

خلصنا من قسم الرجال ...نروح لقسم الحريم ...
يتبع :bigok:

[~*RoSaMaRia*~]

باااك <<< جالسة في مسن :09:


~*~ قسم الحريم ~*~


هذا هو الجسر اللي صاير فوق فلج من الافلاج حق الري ..بواسطة هالجسر انتقلنا من قسم الرجال لقسم الحريم ..<<< نتبهو بس لا تطيحو :09:


http://www.up4pal.com/files/2007-6-7-4uj82qphx.jpg


المناظر هينا مررررررة رهيبة :bigeyes: ..شوفو شجرة ورد تجنن ...


http://www.up4pal.com/files/2007-6-6-sfptkedot.jpg


وهاذي شجرة ما اعرف وش اسمها :o ...


http://www.up4pal.com/files/2007-6-6-19mvtpn5b.jpg


وهاذي شجرة انا اسميها الكشة خخخخ


http://www.up4pal.com/files/2007-6-6-p7v2euhgd.jpg


وهاذي شجرة ترنج دققو وبتشوفو الترنجات تتدلى :09: ...


http://www.up4pal.com/files/2007-6-7-vuyuy8kfk.jpg


وهاذي ترنجة مقربة ...وللي ما يعرف وشو الترنج فهو عبارة عن ليمونة كبيرة خخخخخ وفيها الياف كثييييرة وتتاكل مع الملح :D ...


http://www.up4pal.com/files/2007-6-6-qjtpneoej.jpg


وهاذي حزازيات على ما اعتقد ...


http://www.up4pal.com/files/2007-6-6-6j05otw2y.jpg


وهاذي نخلة ولاحظو هذا الغصن اللي شاق الصورة بالنص .احسه رهيب ..:أفكر:


http://www.up4pal.com/files/2007-6-6-hvsm8mwrx.jpg



يللا يتبع الجزء الأخير ..
<<< حسافة بتخلص الرحلة .. :02:

[~*RoSaMaRia*~]

عدنا بالجزء الأخير :(

~*~ تابع قسم الحريم ~*~

وهاذي قبعة عشانا في الحر تظلل عليكم <<< بس لا تسدقو انكم الليدي ديانا على غفلة :p ...

http://www.up4pal.com/files/2007-6-6-2rtqo39hv.jpg

وهذا يسموه " مبخر" يحطو فيه البخور عشان يتعطر المكان ويتعقم كمانا <<< اموت فيه :32:

http://www.up4pal.com/files/2007-6-6-ye1f0rfob.jpg

وهذا المطبخ عشان الطبخ خخخخخ مع انو في الواقع يجيبو الغدا جاهز معهم ويكون المطبخ بس لين بغو ينشبو الغدا :09: ...

http://www.up4pal.com/files/2007-6-7-m29xwqwff.jpg

وهذا كمانا المطبخ ...ويكون صعينونو لانو محد من جد يطبخ فيه :09: خخخخ

http://www.up4pal.com/files/2007-6-7-1rsprp2rl.jpg

ولما نبغى نتغدى ندخل في مبنى حديث مبني ومجهز بكل شي مكيفات وانوار الخ ...<<< الشيراتون على غفلة :09:
حبيت اوريكم انو السقف حلووو وجديد :D وشكله عازل عن الحرارة ..

http://www.up4pal.com/files/2007-6-6-gh15ndfxn.jpg

وهاذي مروحة حبيت اصورها لانو احس شكلها اثري من سنة جدي والا جدتي ...:biggthump

http://www.up4pal.com/files/2007-6-7-jmxcmplzx.jpg

وهاذيلي اخويا وخالي والاولاد الصغار يتغدو بالطريقة التقليدية حبيت اتلصص عليهم وانا جوا :p ..واصورهم وهم مو حاسين فيني :09: ...

http://www.up4pal.com/files/2007-6-6-jboxzbs58.jpg



واخيررررررررررا تعبت :boggled: <<< محد جبرك :31: ...
حان وقت الرحيل :( ادري انو ودكم تظلو هينا ...لكن لازم نمشي شوي ويأذن المغرب <<< لا حد يتليقف ويشوف وقت الرد :09:
تغدينا الحمد لله ..:32:
وخلاص يللا نجي مرة ثانية ان شا الله ...:D
عشان اوريكم صور العيون وبرك السباحة عندنا ...لانو النخل حق عيلتي للاسف شكله ما فيه عين ...:02:
الموهيم يللا ركبو السيارة ...:biggthump <<< الله يرحم الكابريس اس اس مدري وش علومها من ورا ما باعها اخويا :(

http://www.up4pal.com/files/2007-6-7-vk2jnb9nc.jpg

وهذا هو طريق العودة بس بليييييييييز لاحد يبكي :( :02: :( ...

http://www.up4pal.com/files/2007-6-7-9tylo2fjk.jpg


تم بحمد الله :)
اتمنى عجبتكم مدينتي الأحساء الحبيبة ..;)
وتذكرو قول النبي الكريم عليه الصلاة والسلام
*( أكرموا عمتكم النخلة )*
تحيات روزا ماريا

[ToUaReG]

السلام عليكم ..
:) ..

ماشاء الله خوش موضوع :D ..
و خوش صور وخاصة النخيل ..
وانا اشوف يدي كل شهر يروح هناك ..
يقول في مزرعه هناك يقعد فيها ..
واذا رد لنا اييب تمر معاه :D ..
بس بصراحه الموضوع عجيب :D ..

وتسلم إيدج ^^ ..
:ciao: ..

[~*RoSaMaRia*~]

السلام عليكم ..
وعليكم السلام والرحمة والاكرام ...
ارحب بيك يا طويرج ...اول مرة تنور موزوع من موازيعي :D

و خوش صور وخاصة النخيل ..



صج والله ؟! :D كويس انهم عجبوك ...



وانا اشوف يدي كل شهر يروح هناك ..



صج والله ؟! :wow: حركاااااااااات ..

عيل يبي لك في الصيفية تيي معاه ...ترا حدها وناسة ديرتنا ...:biggthump
وفيه عندنا مطاعم ومولات اذا تبي :09:

واذا رد لنا اييب تمر معاه :D ..
ايييييه ترا تمرنا شي ما فيه منه ..:p
لازم تعترف ... :09: <<< اللي يسمع يقول تحبه والا تتذوقه :31:

بس بصراحه الموضوع عجيب :D
ردك الاعجب ..:09: <<< مو عارفة شترد :o


وتسلم إيدج ^^ ..



الله يسلمك ...

انبسطت بالحيل من ردك ...:D

[iSRT8]

سلام الله عليكم وعلى يدكم السابع عشر :D

ما شاء الله اختي روزي الصور جميلهـ
وهذا التمر الي بتعطيني منهـ :09:
حلو يسوى ان الواحد يروحلهـ :33:



http://www.up4pal.com/files/2007-6-6-fj24jacmr.jpg

انا حسبالي بطهـ من بطكم :09:




بس ما شاء الله الصور روعهـ وعجيبهـ ^^
وانا بصراحهـ اروح صوب الحسى بس اصيد سمج وارجع الكويت ^^"
ان شاء الله نزورها بيوم ^^
مشكورهـ اختي عالصور الجميلهـ والموضوع ^^
الله يوفقج
سلام
^ـ^

[أنــفــاسـ]

سلااااااااااااااااام


كيفيك ياحساويه :09:
شكلكم من العقار :D و سمعت ان عندكم جبل نسيت اسمه
يبرد في الصيف ويحر في الشتاء عاد :33:مدري اذا كان صحيح او لا


بس سراحه ومووووضع ومتعوب عليه ويعطيك العافيه على الصور
http://www.up4pal.com/files/2007-6-6-x6f640a75.jpg
هذي الصوره لقطتهااااا حررركه:biggthump



http://www.up4pal.com/files/2007-6-6-fj24jacmr.jpg
والله ماشربت منه لو تعطيني مليووون <<<< :31: مشكله اهل الرياض
http://www.up4pal.com/files/2007-6-6-3zrk5d4y5.jpg
الحين هذا في نفس الاستراحه <<< مزرعه مو استراحه ...استراحه عندكم اهناك في الرياض
لانه مشاء الله شكلها كبيره وحركه من جد


http://www.up4pal.com/files/2007-6-6-kezobnk65.jpg
الحين ما في غير بطه وحده <<< ترى ما قد شاف بطه اول ماشافها يحسبها حمامه :09:


http://www.up4pal.com/files/2007-6-6-6j05otw2y.jpg
هذي الصورررر حركه طلعتي محترفه روزا في التصوير :biggthump


http://www.up4pal.com/files/2007-6-6-hvsm8mwrx.jpg
مشاااا الله مع اني كذا مره اروح الدمام بس ما فكرت ازور الحساء
مدري ليه
بس صراحه شكلها رهيييبه
http://www.up4pal.com/files/2007-6-6-jboxzbs58.jpg
بالعافيه عليهم وشكلهم مع بعض كيووت


http://www.up4pal.com/files/2007-6-7-9tylo2fjk.jpg


واااااااااااااااااااااااااااو مشاء الله
اللقطه قووويه والطريق رووووعه
اقول شكلي بروح الحساء :D

تسلم ايدك روزا على الموضوع المتعوب عليه

تحيااااااااااااااتي

[IL C a p i t a n o]

السلام عليكم

مشكوره اختي على الموضوع والصور

مدينة الهفوف :09: اقصد الاحساء مدينه جميله

بس ينقصها بس الاشياء لكي تكون مدينه رائعه

وانا جيتها قبل كم سنه

وسكنت في فندق الهفوف ^.^

وزرت جبل قاروه

ورحت كذا مكان

منطقه جميله

ومشهوره بالرطب ^.^

مشكوره على الموضوع مره اخرى ^.^

[Ahmed Blight]

اهلين روز خخ
كيفك ؟

ما عليكي من التصغير انا عندي الصور لوحدها تتصغر و اقدر اضغط عليها عشان تكبر الصور خخخ
الصور كلها حلوة ^_^ بس الي يشوف البحرين و يقارن بالأحساء اكيد بيختار البحرين خخخخخ
هي احلى xD سكانا و مكانا خخخخ

ميرسي على الموضوع روزا خخخخ
موفقة
See Ya

[~*RoSaMaRia*~]

سلام الله عليكم وعلى يدكم السابع عشر :D
وعليك السلام وعلى جدك الثامن عشر ... :biggthump

وهذا التمر الي بتعطيني منهـ :09:
حلو يسوى ان الواحد يروحلهـ :33:
اكيد دام السالفة متعلقة بالبطن 100 % يسوى :09:

انا حسبالي بطهـ من بطكم :09:
:bigeyes: وش جاب ذا لذا ؟؟ :33:

بس ما شاء الله الصور روعهـ وعجيبهـ ^^
ثانكس هذا من ذوقك ..:)

وانا بصراحهـ اروح صوب الحسى بس اصيد سمج وارجع الكويت ^^"
ان شاء الله نزورها بيوم ^^
تعرف تصيد سمك ؟! :wow: حركااااااات
مين علمك صيد ؟! لا يكون جدك الخداي الاكبر :09: ؟!

مشكورهـ اختي عالصور الجميلهـ والموضوع ^^
الله يوفقج
العفو لا شكر على واجب ...
وحياك الله معانا ..

[صقر المغرب الأقصى]

^^
مجهود طيب أخت روزا ^^
بصراحة ما كنت أعرف المنطقة ولا سمعت عليها من قبل
لوول
شكرا عالمعلومات والصور

لاحظت انها تشبه مدنا المغربية بالصحراء ^^
نفس الشيء تقريبا

شكرا على الموضوع مرة أخرى
ومنكم نستفيد

سلامي

[مـُـحـب العجمي]

السلام عليكم ورحمة الله وبركاته
الصراحة موضوع متعوب عليه
وصور مشوقة
شكلي بزور الأحساء خلاص <<خلي أخوك يمرني **قطت وجه أليمة:D
:D
بس في البداية أحسبك بتتكلمين عن النخل
بس فهمت
الله يعين أخوياي بشغلهم بهالمعلومات
بقولهم كل شي
<<سارق معلومات:D
واقولهم المعلومات من عندي تعبت عليها
عموماً مشكوووووووووووووووووور
على الموضع والصور

[أبو البراء]

روعة والله؟؟ وبصراحة أنا إذا رحت الشرقية على الخبر ... Only that

عموما لي زيارة لها إن شاء الله.. بس كم تبعد عن الخبر؟؟

سؤال ثاني: أنا من عشاق الصيد (صيد الحيوانات) فهل الأحساء تلبي لي هالرغبة؟؟

[D.D.S]

ما شاء الله ..,

صور رائــعه ..,

في احتمال ازورها ..,

شكرا لكِ

وبانتظار الجديد

==

[TURKi]

ماشووووووووووووووووووووووووووووووووووووال الله <<< حساوي من الجشة يقول ماشاء الله خخخخخخخخخخخخخ
الله يسالمووووووووك و ربي موووووضوووووووع ذكرني بعيال حارتنا
حمووووووووود وعبووووووووووووود و سلووووووووووووووم << الاخ طلع ساكن مع حساويه هههههههههههههههه
من الهافووووووووووووووف << وليس الهفوف :D

آه يا زمن ... والله والنعم بالحساوية ... هذا الكلام سنة 1411 هـ بحارتنا القديمة قبل ما ننقل الرياض << تقل بدا يقص حياته

صرااااااااااااااااااااااااااااااحة غريبة ما فيه ( مواشئ ) بالمزرعة <<< وش عنده اللغة العربية ... و إلا متأثر بالأسهم
عادة ً لابد من بقرتين و كم خريف << تصغير خروف

صراحة موضوع و صور رووووووعة ... و متعوب عليه

بالتاوفيق رورو ... رابي يسلمممممووووووك

ويسلمووووووووووووووو ع الدعووووووووووووووووووووة

[~*RoSaMaRia*~]

سلااااااااااااااااام كيفيك ياحساويه :09:
وعليكم السلام والرحمة والاكرام ...
هلا فيك يالرياضي :09: <<< صدقني ما تجي حلو زي لما تقول يالحساااااااااوي :biggthump

شكلكم من العقار :D و سمعت ان عندكم جبل نسيت اسمه
يبرد في الصيف ويحر في الشتاء عاد :33:مدري اذا كان صحيح او لا
ايه هذا اسمه جبل القارة رهييييييب ..وصج الليينقال عنه ...انا رحته في الصيف ...
وكان الجو حاااااار يوم دخلنا تقول مليون مكيف فيه ...:boggled: بااااااااااارد
يبغالي اجيب لكم صور عنه ...:biggthump

بس سراحه ومووووضع ومتعوب عليه ويعطيك العافيه على الصور
الله يعافيك ...

والله ماشربت منه لو تعطيني مليووون <<<< :31: مشكله اهل الرياض
خخخخخخخخخ محد غصبك ...:silly: فكاك ...

الحين هذا في نفس الاستراحه <<< مزرعه مو استراحه ...استراحه عندكم اهناك في الرياض
لانه مشاء الله شكلها كبيره وحركه من جد
خخخخخخخخخ ...الا هو عندنا احنا استراحات بس تكون حق الاعراس ...

الحين ما في غير بطه وحده <<< ترى ما قد شاف بطه اول ماشافها يحسبها حمامه :09:
خخخخخخخخ ...شوف الثانية عدل لا تنحاش من عينك :09:

هذي الصورررر حركه طلعتي محترفه روزا في التصوير :biggthump
ايييييه بلاك ما تدري عني نشرت صور في قسم التصوير :09: <<< سكتي لا تفشلينا تسميها صور ؟! ..:o

مشاااا الله مع اني كذا مره اروح الدمام بس ما فكرت ازور الحساء
مدري ليه
بس صراحه شكلها رهيييبه
لااااااااا ...اش قلت ؟! الدمام ؟! هعهعهعهع
ضحكتني ....:p الدمام ولاااااااااااااااااااااااااااا شي قدام الحسا <<< اقول ما فيه حد دمامي هينا :D

بالعافيه عليهم وشكلهم مع بعض كيووت
الله يعافيك انت اكوت :09:


اقول شكلي بروح الحساء :D
حياااك ...هذا الزين ...:biggthump

تسلم ايدك روزا على الموضوع المتعوب عليه
تحيااااااااااااااتي
الله يسلمك ويحييك يااااااا رب ...

[~*RoSaMaRia*~]

السلام عليكم
وعليكم السلام والرحمة والاكرام

مشكوره اختي على الموضوع والصور
لا شكر على واجب ...

مدينة الهفوف :09: اقصد الاحساء مدينه جميله
بس ينقصها بس الاشياء لكي تكون مدينه رائعه
ايه صااااااااج ..هي مدينة بجد رووووعة ..
ما ينقصها شي حتى البحر مو بعيد عنها ..بس الاهمال والبلدية السنعة تمحو معالم جمالها ..
لااسف ما فيه ذاك الاهتمام فيها ...
مع انها كمانا فيها اماكن تاريخية مثل مسجد " جواثا " ثاني مسجد بعد مسجد الرسول اقيمت فيه الجمعة ...وغير قصر صاهود وقصر ابراهيم ..الخ ..
على فكرة يقولو انو الوليد بن طلال كان يبغى يعملها منطقة سياحية خخخ :09:
مدري اذا صج والا ...

وانا جيتها قبل كم سنه وسكنت في فندق الهفوف ^.^
ان شا الله تزورها مرة ثانية ...
اعرفه هالفندق ..بس الهفوف هي العاصمة وانا مو منها ..

وزرت جبل قاروه
هي جبل القارة تكلمنا عنه ..مساعة ..

ومشهوره بالرطب ^.^
خخخ ...ترا موسم الرطب قرب ..اذا فيه حد يبي يرفع صبعه :09:


مشكوره على الموضوع مره اخرى ^.^
العفووو ...ولا شكر على واجب ..
هلا فيك ..

[~*RoSaMaRia*~]

اهلين روز خخ
كيفك ؟
هلا والله ,,, انا الحمدلله ,,,انت كيفك ؟!

ما عليكي من التصغير انا عندي الصور لوحدها تتصغر و اقدر اضغط عليها عشان تكبر الصور خخخ
ايه حتى انا معي كيدا ..
بس فيه ناس ما تظهر معهم كيدا ...ولازم اراعيهم هع

الصور كلها حلوة ^_^ بس الي يشوف البحرين و يقارن بالأحساء اكيد بيختار البحرين خخخخخ
هي احلى xD سكانا و مكانا خخخخ
كل واحد بيشوف بلده احسن ..
لكن الاحساء معروفة بطيبة ارضها وطيبة اهلها ..وكرم الحساوي كمانا معروف ..

ميرسي على الموضوع روزا خخخخ
موفقة
العفو ..وثانكس ع الطلة ...

[~*RoSaMaRia*~]

مجهود طيب أخت روزا ^^
بصراحة ما كنت أعرف المنطقة ولا سمعت عليها من قبل
لوول
شكرا عالمعلومات والصور
هي يمكن تكون غير معروفة لك بحكم انك من المغرب العربي ...
كويس انو عجبتك الصور والمعلومات ...العفو ...

لاحظت انها تشبه مدنا المغربية بالصحراء ^^
نفس الشيء تقريبا
ايه ..لانو ذي المدينة اساسا هي واحة اسمها " واحة الاحساء " صايرة في نص الصحرا ..
وازدهرت وصارت مدينةكبيرة..

شكرا على الموضوع مرة أخرى
ومنكم نستفيد

سلامي
العفو ...وشكرا على الترشيح ...
الله يسلمك ..

[~*RoSaMaRia*~]

السلام عليكم ورحمة الله وبركاته
وعليكم السلام والرحمة والاكرام ..

الصراحة موضوع متعوب عليه وصور مشوقة
جميل انها نالت استحسانك ..

شكلي بزور الأحساء خلاص <<خلي أخوك يمرني **قطت وجه أليمة:D
:D
هههه ..ليه لا ؟! اهقى راح يوافق لو قلت له انو انت اللي تقول كلمة " أجزعنا " بطريقة تعجبه :09:
<<< ادري انك ما فهمت شالسالفة :D

الله يعين أخوياي بشغلهم بهالمعلومات
بقولهم كل شي
<<سارق معلومات:D
واقولهم المعلومات من عندي تعبت عليها
ههههههههههههههه ...عادي قول لهم اي شي اسرقهم حلالك :09:
اهم شي بس تسوي دعاية لديرتي الحبيبة وتشهرها :p

عموماً مشكوووووووووووووووووور
على الموضع والصور
العفووووووووووووو ..
وشكرا لك على الرد ..

[~*RoSaMaRia*~]

روعة والله؟؟ وبصراحة أنا إذا رحت الشرقية على الخبر ... Only that
ايه للاسف الناس ما تشوف الا الدمام والخبر من الشرقية ..
عشان الاولى العاصمة والثانية التجارية واللي منصب عليها الاهتمام ...


عموما لي زيارة لها إن شاء الله.. بس كم تبعد عن الخبر؟؟
الغالب يعني يبغالك ساعة او حولها ... يعني اذا كنت سريع بتوصل أسرع بشوي ...
واذا براحتك يعني بتعدي الساعة ...
عموما ذاك الكلام من تجربتي ومو علمي ...وهذا هو الكلام العلمي ...
"تبعد الواحة مسافة 40 كم عن الخليج العربي و 150 كم جنوبي الدمام و 320 شرقي الرياض "
وزي ماانت عارف الدمام والخبر ما بينهم مسافة تذكر ..


سؤال ثاني: أنا من عشاق الصيد (صيد الحيوانات) فهل الأحساء تلبي لي هالرغبة؟
قصدك القنص ...؟! مدري السراحة ... ما اسمع انو الرجال يطلعو يقنصو عندنا ...
اتوقع لو فيه كنت بسمع :D <<< خبركم وكالة انباء ما يفوتها خبر :09:
بس عاد انا اشوف كل المناطق في المملكة تصلح للصيد ...لانها كلها صحرا وحيوانات برية ..
شكرا على ردك واهتمامك ..

[~*RoSaMaRia*~]

ما شاء الله ..,


صور رائــعه ..,

شكرا لك ...هذا من ذوقك ...

في احتمال ازورها ..,
المفروض تقول اكيد بزورها ..بس معليش بعديها لك هالمرة بس :D
حياااااااك في اي وقت ..

شكرا لكِ

وبانتظار الجديد
لا شكر على واجب ..
والشكر موصول لك على المشاركة ...

[C O N A N]

السلام عليكم


يه يه يه وش هالزين اللي في الحسا :bigeyes:
شي يفتح النفس و يشرح الصدر.


الاحساء اعتبرها حديقة المملكه :smirk:
عجبتني فيها اشيا كثيره خاصةً "البلكونه الارضيه"
لو اقعد فيها بالصبح و يمِّي شاي حليب << دخل جو :ds013:


شكراً روزا ع الموضوع الحساوي :D

[A.N.G.E.L]

يااااه~ تزكرت ايامي الطفولة كلها هناااك بالاحساااء لكن للاسف الحين مانروح لهناااك واجد
سلمت يداك روزي على الصور الحلوة والي فتحت علينا زكرياات الطفولة يعطيك العافية

[Fun]

الســــــــــــلام عليكم
مرحبـــــــا حبيبتي ~*RoSaMaRia*~
كيفك شو أخبارك^^

يســـــــلمو هالإيدين علــــــــى الصور الحلوي
بصـــــــراحه قسم النساء لقيت في خضار كتير و أحلى ههههههه


ولهجة الأحساء ما فيها شي في كلمات ما فهمتها
و منيــــــح منك كاتب الترجمه جمبها خخخخخخخخ


على العموم يسلمو حبيبتي^.^

[قلب الحياة]

السلام عليكم ورحمة الله وبركاته
سيدتي
~*RoSaMaRia*~
لو كنت بنت كنت قلت لك
حبيبتي
بس انا ولد :D
المهم
تحية طيبةوبعد
يكفيني من مشاركاتي في هذا المنتدى شرفاً
أن تكون ردودي في مثل هذه المواضيع
القيمة :biggthump
حقيقةً أختي
مهما تلونت مواضيعكِ
يظل الابداع جليا
وما يعجبني في سطورك
هو سردكِ القصصي وفن الدعابة الذي يجعل القارئ
يتلذذ بما يقرأ ;)
******
صور في غاية الجمال
وأماكن يتمنى الشخص زيارتها
أختي
الفاضلة
تقبلي مروري
ولا يخفى الامر فقد إحتفظت بالصور
للذكرى :)
أتمنى لكِ دوام التألق
سلملم

[Mr.MooT]

وااااااااااااااااااااااااااااااااو والله مشكوور مكان جميل واحسه فيه هدووء من الصور مشكووور

[Son_OF_Liberty]

السلام عليكم

بدون مجامله أو مرائه بصراحه الصور رائعه جداً
ولد عمي كان مقيم بالدمام لفتره ودايما كان يمدحها لي ويمدح أهلها
وفكرت إني أزوره مره بس حالت الضروف :)

ولو إني مازرت الحساء حتى الان ولكن كلي ثقه لو إن نصف الدعم الي يجي لأبها والمناطق السياحيه يوصل للحساء كان لقينا لها شأن آخر وكان يقصدها القاصي والداني مثل مايفعلون مع أبها
وطبعا هذا الكلام يشمل كذا منطقه ومدينه من مدن المملكه مثل العلا الي فيها آثار مدائن صالح وحائل وغيره :)

بالأخير
ولو إني إنسان قليل التجوال بالمناطق إلا أن عندي الرغبه أشوف الاحساء

الله يعطيك العافيه اختي

[DMC]

صور جميلة

بالفعل ذكرتني باالبلاد كثيراً :(

اتمنى لو أروح مرة ثانية بس وراي كلية <_<

ثانكس روزي جان على صور الفريدة والرائعة :biggthump

بس أظن كان عنديك بسة صح ؟

وينها من الصور :D

[رحيل الروح]

الله شو هالحلاوة
كلش كلش كلش كشوخي والله
انا ادري انه الحسا بجد روعة
بس توي شايفة صور لها
مع انه عمتي اهناك ولا مرة زرتها:blackeye:
صور ومناظر خلابة
وووبنفس الوقت قضاء وقت ممتع
يلا انشا ءالله عن قريب نجيكم الحساااا
عاد اذا رحت لعمتي عزميني هخخخهخهخه
اوكي اتفقنا
يلا خدا حافظ عمري:biggthump

[KilluaPica]

السلام عليكم ورحمة الله..
ما شاء الله تقرير شامل ^^..
عجبني المسجد منخول السقف.. يشبه المساجد حقت أيام الصحابة كما تذكر كتب التاريخ..
ينقصه الجدول الخالد حق مواعيد الأذان والإقامة.
بس إبريق الشاي العجيب دا.. من كثرة استخدامه حرقوا الحديد اللي ما ينحرق XD!
مشكورة على الموضوع روزي ^^..

[جبال السراة]

ما شاء الله تبارك الله
التقرير ما شاء الله متعوب عليه ومرتب
مدينة الإحساء ساحره بطبيعتها ونخيلها وعلى كذا بنسميها مدينة النخيل
ومشهوره بعد بعيونها ومياهها العذبه والله يزيدها
والمزرعه خضراء وجنان




وهاذي بلكونة بس في الارض


هههههههه حلوه كلمة بلكونه في الارض
قولي جلسه :)




وهذا ابريق شاي على النار الكذوبية ..


وش معنى الكذوبيه




في ذمتهم ذيلي ...كيف يشربو من هالابريق الوسخ ؟

بالعكس صار مزاجهم هذا البراد ولو احد يصلح شاهي في براد غيره ما راح يطلع نفس الطعم <<<<عنده براد مثله :)


والله ان شاء الله أزور الحسا في أقرب فرصه
والف شكرا على التقرير الحلو :biggthump

[ابتسامــــــه]

تسلم إيدج أختي روزا

الحين إلي صورتيه مزرعتكم ؟؟ :33:

[alamid]

ما شاء الله تبارك الله ،صور جميلة .

زُرت محافظة "الأحساء" قبل عدة سنوات ،ودخلت حينها إلى عدة "مزارع" ،وما تزال "صور" تِلك المزارع في الذاكرة ،سواءٌ تِلك الخضرة التي تكسو المنطِقة ،أو منظر مرور "المياه" الذي يشق المزرعة ،أو ذلِك "النخل" الشامخ الذي تتدلى منه عناقيد التمر ،إلا أنه قد فاتني -مع الأسف- أن أزور الينابيع "الحارة" التي سمعنا من البعض عن وجودها في الأحساء أو بِالقرب منها .
لم يُشوِّه تِلك الزيارة حينها ،إلَّا "الحر" القاتِل ،و"القطار" السريع المريح الذي يُعد من أهم "الآثار" في المملكة العربية السعودية :smile2:.

شُكراً روزا .

[~*RoSaMaRia*~]

تدري ...؟! هذا يمكن خامس رد اكتبه وتصير ظروف وينمحي او يفصل النت ...ومرة كتبت رد بس انمحى في عملية نقل السيرفر ...فسوري ع التاخير ...

ماشووووووووووووووووووووووووووووووووووووال الله <<< حساوي من الجشة يقول ماشاء الله خخخخخخخخخخخخخ
خخخخخخخخخخخخ ...انا ما عمري رحت الجشة ولا عرفت حد منها ...هع ..

الله يسالمووووووووك و ربي موووووضوووووووع ذكرني بعيال حارتنا
حمووووووووود وعبووووووووووووود و سلووووووووووووووم << الاخ طلع ساكن مع حساويه هههههههههههههههه
خيييييخ ...يبغالك اجل تجي الحشا تسلم عليهم ...وتشوف وش علومهم ...وكم بزر خلفو هعهعهع

من الهافووووووووووووووف << وليس الهفوف :D
هههههههههههههههههه هالطريقة تموتني ضحك هعهعهع ...تدري انو الايرانيين كمانا يقولوها كيدا ...
دام شكلك تعرف مناطق بسألك تعرف منطقة المبرز ؟! خخخ

آه يا زمن ... والله والنعم بالحساوية ... هذا الكلام سنة 1411 هـ بحارتنا القديمة قبل ما ننقل الرياض << تقل بدا يقص حياته
انت لين تتكلم كنك مؤرخ بس ناقص اليوم والشهر ...اللي يسمعك تتكلم كيدا يقول جدي هع

صرااااااااااااااااااااااااااااااحة غريبة ما فيه ( مواشئ ) بالمزرعة <<< وش عنده اللغة العربية ... و إلا متأثر بالأسهم
عادة ً لابد من بقرتين و كم خريف << تصغير خروف
الا الظاهر فيه بس انا ما شفتهم يبغالي ادورهم واصورهم لك المرة الجاية ...ولا يغلون عليك هعهعهع
بس تصغير خروف خويريف على قولة ماما + اخذنا في درس التصغير في النحو اذا تبغاني اشرحه لك هع

صراحة موضوع و صور رووووووعة ... و متعوب عليه
بالتاوفيق رورو ... رابي يسلمممممووووووك
ويسلمووووووووووووووو ع الدعووووووووووووووووووووة
ردك الاروع ...الله يخليك ...
ويسلمو ع الترشيح صار عندي لمبة خضرا فاتحة خييييييييخ

[~*RoSaMaRia*~]

السلام عليكم
وعليكم السلام والرحمة والاكرام ...

يه يه يه وش هالزين اللي في الحسا :bigeyes:
شي يفتح النفس و يشرح الصدر.
اي والله ...ترا حتى ريحة النخيل حلوة وتشرح النفس ...
بس ما اقدر احط ريحتها في الموزوع :09:

الاحساء اعتبرها حديقة المملكه :smirk:
ونعم اللقب ...خوش شي :biggthump

عجبتني فيها اشيا كثيره خاصةً "البلكونه الارضيه"
خخخخخخخ ...البلكونة الارضية ...يقول البدر اسمها " جلسة " :o

لو اقعد فيها بالصبح و يمِّي شاي حليب << دخل جو :ds013:
خخخخخخخخ ...عادي ...جرب تعال يوم من الايام ...
مرح تخسر شي ...:D


شكراً روزا ع الموضوع الحساوي :D
العفو والله ...
وثانكس ع الرد الجداوي <<< انت من جدة صح ؟! :09:

[~*RoSaMaRia*~]

يااااه~ تزكرت ايامي الطفولة كلها هناااك بالاحساااء لكن للاسف الحين مانروح لهناااك واجد
افااااااااا طيب ليه ؟! تعالو سيرو علينا شوية ..وانبسطو في الاجازة ...:D
اكتشفت ما شا الله انو كثير اعضاء يعرفو الاحسا او زاروها ...ولهم ذكريات فيها ..



سلمت يداك روزي على الصور الحلوة والي فتحت علينا زكرياات الطفولة يعطيك العافية
الله يسلمك حبيبتي انتي الاحلى ...
وثانكس ع الرد ..:biggthump

[~*RoSaMaRia*~]

الســــــــــــلام عليكم

مرحبـــــــا حبيبتي ~*RoSaMaRia*~
كيفك شو أخبارك^^
وعليكم السلام والرحمة والاكرام ...
مراحب حبيبتي انا كويسة عساك بخير ان شا الله ...


يســـــــلمو هالإيدين علــــــــى الصور الحلوي
بصـــــــراحه قسم النساء لقيت في خضار كتير و أحلى ههههههه
الله يسلمك ...
وزي ما قلتي انا كمانا لاحظت انو قسمنا احلى مناظره :biggthump

ولهجة الأحساء ما فيها شي في كلمات ما فهمتها

ههههههههههههه ...
انتي ما سمعتي الحساوية الاصلية ...والا كان تعقدتي لنو مرح تفهمي منها شي ...:09:
على العموم يسلمو حبيبتي
الله يسلمك ...وتسلمي ع الرد ..

[~*RoSaMaRia*~]

وااااااااااااااااااااااااااااااااو والله مشكوور مكان جميل واحسه فيه هدووء من الصور مشكووور
العفو والله ...
وكويس انو عجبتك الصور ثانكس ع الرد ...

[~*RoSaMaRia*~]

السلام عليكم ورحمة الله وبركاته
وعليكم السلام والرحمة والاكرام ..


سيدتي
~*RoSaMaRia*~
لو كنت بنت كنت قلت لك
حبيبتي
بس انا ولد :D
خخخخخخخخخخخخخ ...
ضحكتني مرررة ..بس كويس انك تدري انك ولد ..:09:

يكفيني من مشاركاتي في هذا المنتدى شرفاً
أن تكون ردودي في مثل هذه المواضيع
القيمة :biggthump
حقيقةً أختي
مهما تلونت مواضيعكِ
يظل الابداع جليا
اش دعوى اخويا ؟! وش هالكلام ؟! احس من جد ماني قده ..
خجلتني والله :o

وما يعجبني في سطورك
هو سردكِ القصصي وفن الدعابة الذي يجعل القارئ
يتلذذ بما يقرأ ;)
هالجملة فرحتني بقوووووة ...
لانو الكل علق ع الصور ..وما علقو على القصة والكلام ..:(
حتى انا شكيت انهم قروها ...:09:

صور في غاية الجمال
وأماكن يتمنى الشخص زيارتها
أختي
الفاضلة
تقبلي مروري
ردك الاجمل ...وميرسي عليه ..

ولا يخفى الامر فقد إحتفظت بالصورللذكرى :)
حلالك ..:biggthump ...بالعكس ذا شي يفرحني ويشرفني ...

أتمنى لكِ دوام التألق

سلملم
ثانكس ع الدعوة الطيبة ..
والله يسلمك ..

[~*RoSaMaRia*~]

السلام عليكم
وعليكم السلام والرحمة والاكرام ..

بدون مجامله أو مرائه بصراحه الصور رائعه جداً
ثانكس هذا من ذوقك ..

ولد عمي كان مقيم بالدمام لفتره ودايما كان يمدحها لي ويمدح أهلها
وفكرت إني أزوره مره بس حالت الضروف :)
ان شا الله المرات الجاية تسمح لك تزورها ..
وكثر خيره ولد عمك ما قصر ..وما قال الا الصج :D

ولو إني مازرت الحساء حتى الان ولكن كلي ثقه لو إن نصف الدعم الي يجي لأبها والمناطق السياحيه يوصل للحساء كان لقينا لها شأن آخر وكان يقصدها القاصي والداني مثل مايفعلون مع أبها
وطبعا هذا الكلام يشمل كذا منطقه ومدينه من مدن المملكه مثل العلا الي فيها آثار مدائن صالح وحائل وغيره :)
صحيح واله كلامك 100 % وهذا اللي انا اقوله دايما ..
انو مع الاسف الدعم يجي مناطق ومناطق محد يدري عنها ...حتى الشوارع فيها زي الزفت ..:(

ولو إني إنسان قليل التجوال بالمناطق إلا أن عندي الرغبه أشوف الاحساء
ان شا الله ربي يوفقك ويكتب لك زيارة ...
وعسى تعجبك وتقول لنا عن رايك ومشاهداتك فيها ..

الله يعطيك العافيه اختي
الله يعافيك ...وتسلم ع الرد ...

[TURKi]

تعرف منطقة المبرز
أفا عليك ... صامها صم << في عام 1422 كنا دايم نروح للماكدونالدوز ( نتعشى فيه ونرجع )
وفيه مطعم اسمه ( المقوشي أو القوشي يمدحوووووونه ) ؟؟؟ ناسيه يمدحون أكله :)


بس تصغير خروف خويريف على قولة ماما + اخذنا في درس التصغير في النحو اذا تبغاني اشرحه لك هع
هههههههههههههههههههههههههههههههههههههههههههههههههههههههههههههههههههههههه
الله يقلع ابليسك والله حللللللوة - عاد جاية بعد اختبارات و لسه المعلومات موجودة ههههههههههههههه

[~*RoSaMaRia*~]

أفا عليك ... صامها صم << في عام 1422 كنا دايم نروح للماكدونالدوز ( نتعشى فيه ونرجع )
وفيه مطعم اسمه ( المقوشي أو القوشي يمدحوووووونه ) ؟؟؟ ناسيه يمدحون أكله :)

المقوشي ؟! ما اعرفه هع ...:09: ...الموهيم ..انك صام بلدتي صم ...عشانا لين بتجيب لي فصولي ومامته ما تلعوزهم :09: خخخخخ ...
الا صج فصولي كم عمره ؟! وليه ما تحط صورته في الالبوم حق اطفال امنتدى ؟! :D <<< تموت في الاطفال


هههههههههههههههههههههههههههههههههههههههههههههههههههههههههههههههههههههههه
الله يقلع ابليسك والله حللللللوة - عاد جاية بعد اختبارات و لسه المعلومات موجودة ههههههههههههههه

خخخخخخخخخخخخخخخخخخخخخخخ اكتشفت اني عطيتك معلومة غلط :09:
الصحيح خويرف لانو كلمة خروف رباعية ....
وخريف حق الثلاثي ...وخويريف حق الخماسي ....
<<< شايف معلمة تلخبط تلاميذها ؟! :o فشييييييلة ...انكسفت بقووووة :09:
بس عاااااااادي ....عندي كل شي تيك ات ايزي ..

[~*RoSaMaRia*~]

السلام عليكم

وعليكم السلام والرحمة والاكرام ..


بدون مجامله أو مرائه بصراحه الصور رائعه جداً

ثانكس هذا من ذوقك ..


ولد عمي كان مقيم بالدمام لفتره ودايما كان يمدحها لي ويمدح أهلها

وفكرت إني أزوره مره بس حالت الضروف

ان شا الله المرات الجاية تسمح لك تزورها ..

وكثر خيره ولد عمك ما قصر ..وما قال الا الصج



ولو إني مازرت الحساء حتى الان ولكن كلي ثقه لو إن نصف الدعم الي يجي لأبها والمناطق السياحيه يوصل للحساء كان لقينا لها شأن آخر وكان يقصدها القاصي والداني مثل مايفعلون مع أبها

وطبعا هذا الكلام يشمل كذا منطقه ومدينه من مدن المملكه مثل العلا الي فيها آثار مدائن صالح وحائل وغيره

صحيح واله كلامك 100 % وهذا اللي انا اقوله دايما ..

انو مع الاسف الدعم يجي مناطق ومناطق محد يدري عنها ...حتى الشوارع فيها زي الزفت ..



ولو إني إنسان قليل التجوال بالمناطق إلا أن عندي الرغبه أشوف الاحساء

ان شا الله ربي يوفقك ويكتب لك زيارة ...

وعسى تعجبك وتقول لنا عن رايك ومشاهداتك فيها ..


الله يعطيك العافيه اختي
الله يعافيك ...وتسلم ع الرد ...

[~*RoSaMaRia*~]

صور جميلة


بالفعل ذكرتني باالبلاد كثيراً :(


اتمنى لو أروح مرة ثانية بس وراي كلية <_<
اش دعوى دحينا اجازة تعال ...
يوه صج نسيت انك تاخذ صيفي ...:(
يللا ما عليش تعال شهر العسل مع مرتك :09:


ثانكس روزي جان على صور الفريدة والرائعة :biggthump
خخخخخ العفو ...ما شا الله عليك انغلش + اربيك + فارسي في نفس السطر :09:

بس أظن كان عنديك بسة صح ؟

وينها من الصور :D
انا ؟؟؟؟ بسة ؟؟؟؟؟؟! :bigeyes: :wow:
لاااااااا من قال ؟! اسلن انا اخاف من الحيوانات بشتى انواعها :o

[~*RoSaMaRia*~]

الله شو هالحلاوة

كلش كلش كلش كشوخي والله
انا ادري انه الحسا بجد روعة
بس توي شايفة صور لها
مدينتي اكيد رح تكون حلوة مثلي :09:


مع انه عمتي اهناك ولا مرة زرتها:blackeye:
افاااااااااااا ما هقيتها منك :28:

صور ومناظر خلابة
وووبنفس الوقت قضاء وقت ممتع
يلا انشا ءالله عن قريب نجيكم الحساااا
عاد اذا رحت لعمتي عزميني هخخخهخهخه
اوكي اتفقنا
ان شاا الله يا رب ...
اسلن انا بمر اخذك واحوسك فيك في الحسا لين تتتعبي ...هههه :D


يلا خدا حافظ عمري:biggthump
به سلامت عزيز دلم :kiss:

[~*RoSaMaRia*~]

السلام عليكم ورحمة الله..
وعليكم السلام والرحمة والاكرام ..


ما شاء الله تقرير شامل ^^..
عجبني المسجد منخول السقف.. يشبه المساجد حقت أيام الصحابة كما تذكر كتب التاريخ..
ينقصه الجدول الخالد حق مواعيد الأذان والإقامة.
ايه ..ما حطيتهم ..مع اني كنت ناوية احط معلومات أخرى ..

بس إبريق الشاي العجيب دا.. من كثرة استخدامه حرقوا الحديد اللي ما ينحرق XD!
خخخخخخخخخخخخ ايه زي ما انتا شايف ...:09:
حتى انا افتك راسي من العجب يوم شفته ...هع :33:

مشكورة على الموضوع روزي ^^..
العفوووو ...وثانكس ع الرد ...

[~*RoSaMaRia*~]

ما شاء الله تبارك الله
التقرير ما شاء الله متعوب عليه ومرتب
مدينة الإحساء ساحره بطبيعتها ونخيلها وعلى كذا بنسميها مدينة النخيل
ومشهوره بعد بعيونها ومياهها العذبه والله يزيدها
والمزرعه خضراء وجنان
جميل جدا ...كويس انو التقرير عجبك ...:)

هههههههه حلوه كلمة بلكونه في الارض
قولي جلسه :)
ههههههههههههههههههههه ....
شسوي ؟! :D ما لقيت كلمة تصلح ...غير هالكلمة :09:

وش معنى الكذوبيه
ههههههههههههههههه ...الكذوبية يا طويل العمر ...يعني من الكذب ..
يعني نار مزيفة ...لانو ما كانت فيه نار مشبوبة تحت الابريق :09: فقلت نار كذوبية يعني في خيالكم ...:D

بالعكس صار مزاجهم هذا البراد ولو احد يصلح شاهي في براد غيره ما راح يطلع نفس الطعم <<<<عنده براد مثله :)
خخخخخخخخخخ ...اكيد رح تدافع عنه ...دامك عندك زيه ...
وش رايك تصوره وتعرض صورته في قسم التصوير ؟! خلنا نتعرف عليه :biggthump

والله ان شاء الله أزور الحسا في أقرب فرصه
والف شكرا على التقرير الحلو :biggthump
حياااااااك الله في اي وقت ...
والف عفوا ع الرد الاحلى ...

[~*RoSaMaRia*~]

تسلم إيدج أختي روزا


الحين إلي صورتيه مزرعتكم ؟؟ :33:

الله يسلمك حبيبتي ..
اي واله مزرعتنا وفيه مزارع كمانا احلى لانو الاهتمام فيها اكثر ...
انتي بس تعالي ...حياااااااك :D
اضمن لك رح تنبسطي ..خاصة انو تاخذي راحتك ..وتقدري تنزعي حجابك ...
لانو المزرعة محوطة ...:biggthump

[~*RoSaMaRia*~]

ما شاء الله تبارك الله ،صور جميلة .
زُرت محافظة "الأحساء" قبل عدة سنوات ،ودخلت حينها إلى عدة "مزارع" ،وما تزال "صور" تِلك المزارع في الذاكرة ،سواءٌ تِلك الخضرة التي تكسو المنطِقة ،أو منظر مرور "المياه" الذي يشق المزرعة ،أو ذلِك "النخل" الشامخ الذي تتدلى منه عناقيد التمر ،إ
وصف اكثر من رائع ...اجدت وصف الاحساء أخي ..

لا أنه قد فاتني -مع الأسف- أن أزور الينابيع "الحارة" التي سمعنا من البعض عن وجودها في الأحساء أو بِالقرب منها .
وانا للاسف ما قدرت اصورها هالمرة ...
ان شا الله تزور الحسا من جديد ...وتزور العيون ..خاصة في عين اسمها عين نجم ...مضرب مثل ...

،إلَّا "الحر" القاتِل ،و"القطار" السريع المريح الذي يُعد من أهم "الآثار" في المملكة العربية السعودية :smile2:.
بالنسبة للحر ايه مررررررررة حر خاصة انا عشت في ايران مو متعودة على الحرارة ...
اما بالنسبة للقطار ...اي قطار تقصد ؟! :33: ما عرفته ...

شُكراً روزا .
لا شكر على واجب ..والشكر لك ع الرد ...

[ابتسامــــــه]

انتي بس تعالي ...حياااااااك :D
اضمن لك رح تنبسطي ..خاصة انو تاخذي راحتك ..وتقدري تنزعي حجابك ...

لانو المزرعة محوطة ...:biggthump


هههههههههه
تسلمين روزا ..
بسويلكم سوبرايز بجي لكم من غير ما أخبرك >>> صرت ادل الطريق :09:




يعطيج العافيه

:)

[~*RoSaMaRia*~]

هههههههههه
تسلمين روزا ..
بسويلكم سوبرايز بجي لكم من غير ما أخبرك >>> صرت ادل الطريق :09:

يعطيج العافيه


:)

حياكي الله قلبو وربي يسلمك ويعافيك ...:kiss:
انتي بس تعالي وان ما شالتك الارض تشيلك عنوننا ..مستنيين هالسوبرايز على احر من الجمر ..:09:
بالتوفيق وان شا الله من صج تجينا ;)

[TURKi]

انا عشت في ايران مو متعودة على الحرارة
:33: دراسة ؟؟! :33:

[~*RoSaMaRia*~]

:33: دراسة ؟؟! :33:
لااااا ظروف عمل بابا وجدي الله يرحمه ..

[Maldini]

مـــــــــوضوع مميز عن الإحساء. :)
استمري

[TURKi]

لااااا ظروف عمل بابا وجدي الله يرحمه ..
آها ...
..............

[Ahmed Blight]

فضيحة الي يصوت هنا خخخخخ
الحين الي قالو اتقريرك سيء الظاهر حاقدين عليكي XD >> امزح خخخ << اصلا هو كان ناوي يختار سيء بس كذا كح

بنقول يمشي الحال >> ليش ما قيمت من قبل << يدي ما كان لها مزاج تحرك المؤشر للوحة التصويت خخ

[ShRsHr]

اشهد انج حساويه اصيله ^^

والله المفروض هيئة سياحه في المملكه يكرمونج على هل موضوع
اقول شرايج تسوين كتيب صغير وتوزعينه على سفريات
ترا خوش فكره والله :)

انا كل الي اقوله ان موضوع حلو ومرتب واحلا مافي الحياة البسيطه
ذكرتيني في ايام لمن كنت صغير اروح مع ابوي بس عقب هل
صور اظاهر اني انا الي بقول حق ابوي بوديك الاحساء:33:

ولاتنسين ابي كرتونين رطب برحي هذا وقت رطب :09:

[~*RoSaMaRia*~]

آها ...
حلو واي استفسار انا جاهزة ...:biggthump

فضيحة الي يصوت هنا خخخخخ
الحين الي قالو اتقريرك سيء الظاهر حاقدين عليكي XD >> امزح خخخ << اصلا هو كان ناوي يختار سيء بس كذا كح
خخخخخخخخخخخخخخ ...هاللي تشوفه هع ...
شسوي لهم ؟ السراحة الموزوع متعوب عليه يعني مو انصاف حد يقول انه سيء

بنقول يمشي الحال >> ليش ما قيمت من قبل << يدي ما كان لها مزاج تحرك المؤشر للوحة التصويت خخ
خخخخخخخخخخخخ ...كثر خيرك وكل يوم تعال :09:

[~*RoSaMaRia*~]

اشهد انج حساويه اصيله ^^

حساوية وافتخر ...وشهادتك اعتز فيها ..;)

والله المفروض هيئة سياحه في المملكه يكرمونج على هل موضوع
يبغالك تقول لهم :D الله لا يهينك ...

اقول شرايج تسوين كتيب صغير وتوزعينه على سفريات
ترا خوش فكره والله :)
ههههه خوش فكرة ...بس وش عرفني ؟!
احس يبغاله مصاريف من وين لي انا ؟! :33:

انا كل الي اقوله ان موضوع حلو ومرتب واحلا مافي الحياة البسيطه
ذكرتيني في ايام لمن كنت صغير اروح مع ابوي بس عقب هل
صور اظاهر اني انا الي بقول حق ابوي بوديك الاحساء:33:
ههههههههههههه ...
حياكم الله انت والبابا اكيد بتنور الحسا بيكم :biggthump


ولاتنسين ابي كرتونين رطب برحي هذا وقت رطب :09:
تامر امر ..انت بس تعال وانا ارسل الاولاد بالرطب :D

[مانشستراوي7]

مشكور اخوي على التقرير الرائع

[~*RoSaMaRia*~]

مشكور اخوي على التقرير الرائع

العفو اخويا بس انا ختك ...:)

[reza_novin]

مجهود طيب يا أخت روزا :أفكر:
بصراحة كنت مشتاق ازور الأحساء
اشكرك علی الصور
ظاهر الصور عندكم تمرو رطب كثير و بساتين :biggthump
المهم عاش من شافك يا الأحساء....

احترامي

[~*RoSaMaRia*~]

مجهود طيب يا أخت روزا :أفكر:
بصراحة كنت مشتاق ازور الأحساء
حياك الله اخويا ...الاحساء كمانا مشتاقة لزيارتك

اشكرك علی الصور
لا شكر على واجب ...

ظاهر الصور عندكم تمرو رطب كثير و بساتين :biggthump
المهم عاش من شافك يا الأحساء....
هههههههه ...ايه ...عندنا خير كثير في الاحساء ...
عاشت ايامك ...وحياك الله ..
تسلم ع الرد ...

[فارس المجد]

الأحساء جميلة جداً , ولكن في الحقيقة ما اتحمست كثير للذهاب (عموماً اتحمست أو ما اتحمست ماني رايح:D)
لكن ليتك آخذة أو جايبة صور من بعيد على مساحات شاسعة

[~*RoSaMaRia*~]

الأحساء جميلة جداً , ولكن في الحقيقة ما اتحمست كثير للذهاب (عموماً اتحمست أو ما اتحمست ماني رايح:D)
هههههههههه ..عموما الاحساء مو محتاجة لك تجي لها :09: ..
فيه ناس غيرك بتجي ...:nana: خخخخخ

لكن ليتك آخذة أو جايبة صور من بعيد على مساحات شاسعة
ان شا الله في المرات القادمة ...^_^
ثانكس ع الرد ديكووو <<< صرت لاعب البرتغال :09:

[B@dr]

سلام علييييييييييييييييييييييييييييييكم :)


ها نحن هنا في منتدى السياحة بعد ما كنا في منتدى السيارات و انا مصر اشوفك في منتدى الرياضة بموضوع .. مش رد :28:

خلينا انزل بعض التساؤلات العبيطة من راسي قبل ما نساها و بعدين اشكر في الختام ..و هي تساؤلات على هيئة اتهامات :nana:



ومعتفسة في سالفة التسجيل حق الجامعة ...:boggled:

على فكرة وين سجلتي ؟؟؟ و من الاساس كم نسبتك في الثانوي ؟


http://www.up4pal.com/files/2007-6-6-35jawo62s.jpg

مين الكابتن هنا ؟؟ :33: ..

اعتقد اخوكي ... ولا انا غلطان ...؟! :)



http://www.up4pal.com/files/2007-6-6-cslhb5lyg.jpg

شو نوع التمر هذا :questionmark:



وهاذي حزازيات على ما اعتقد ...

http://www.up4pal.com/files/2007-6-6-6j05otw2y.jpg

يا بنت لسا فاكرة حزازيات و لا سراخس ؟؟ انا بسم الله علي شاطر جايب 99 في الأحياء و ماني عارف هذي ايش تطلع ؟؟؟!!! هذا يقودنا للتطرق لمشكلة التعليم في بلادنا العربية .. إن التعليم في بلداننا العربية الأبية لا يخضع للشروط والمعايير التي تتطلبها#$^&#* -----> بس اسكت .. حاضر !!



http://www.up4pal.com/files/2007-6-6-5cb518620.jpg


انا اكثر صورة شدتني هذه ... بتقولي ليش هذه بالتحديد ؟؟ اقولك يا ستي عشان السجاد اللي في المحراب ... مو غريب مرررررررة علي .. بس ابغى افتكر وين بالضبط في أي مسجد شفته مدري ؟؟!! مش فاكر بس شاك في مسجد معين بروح بكرة اصلي فيه عشان اشوف هل السجاد هذا موجود هناك ولا لأ ؟؟ :D











سلام عليكم و شكرا ً جزييييييييلا ً على الموضوع و يعطيكي العافية و شوووووووووووووكران

[~*RoSaMaRia*~]

سلام علييييييييييييييييييييييييييييييكم :)
وعليكم السلام والرحمة والاكرام

ها نحن هنا في منتدى السياحة بعد ما كنا في منتدى السيارات و انا مصر اشوفك في منتدى الرياضة بموضوع .. مش رد :28:
الا فيه لي موزوعين تقريبا ..بدورهم لانهم قديمين وبعطيك روابطهم خخخ

خلينا انزل بعض التساؤلات العبيطة من راسي قبل ما نساها و بعدين اشكر في الختام ..و هي تساؤلات على هيئة اتهامات :nana:
هههههههه ...اوكي ...انا ردي ..لاني احب الاسئلة خخخخ


على فكرة وين سجلتي ؟؟؟ و من الاساس كم نسبتك في الثانوي ؟
انا سجلت جامعة فيصل قسم تربية خاصة بس ما قبلوني ...
فاستنى يوم السبت نتايج الرغبات البديلة مع انها على كيفهم ...يعني يحطوني مكان ما يبون ...
علما باني خريجة علمي ونسبتي 98 %

مين الكابتن هنا ؟؟ :33: ..
اعتقد اخوكي ... ولا انا غلطان ...؟! :)
يس اخويا العسيس الله يطول بعمره بالله مين غيره ؟ :D
وهينا تلاقي له صورة واضحة ..هنا (http://montada2.com/showthread.php?t=538240)


شو نوع التمر هذا :questionmark:
لا تسألوا عن أشياء إن تبد لكم تسؤكم ...<<< تصرف ...استغفر الله ...:o
والله علمي علمك ما لي في هالسواليف لانو ابويا مو نخلاوي خخخخ :09:

يا بنت لسا فاكرة حزازيات و لا سراخس ؟؟ انا بسم الله علي شاطر جايب 99 في الأحياء و ماني عارف هذي ايش تطلع ؟؟؟!!! هذا يقودنا للتطرق لمشكلة التعليم في بلادنا العربية .. إن التعليم في بلداننا العربية الأبية لا يخضع للشروط والمعايير التي تتطلبها#$^&#* -----> بس اسكت .. حاضر !!
خخخخخخخ ...مشكلة التعليم عندنا ما فيه عملي ما يودونا غابات نشوف النباتات والحيوانات :09:
اقولك الصج ...قلت حزازيات بلحظ يمكن تصيب ويمكن لا ...:o

انا اكثر صورة شدتني هذه ... بتقولي ليش هذه بالتحديد ؟؟ اقولك يا ستي عشان السجاد اللي في المحراب ... مو غريب مرررررررة علي .. بس ابغى افتكر وين بالضبط في أي مسجد شفته مدري ؟؟!! مش فاكر بس شاك في مسجد معين بروح بكرة اصلي فيه عشان اشوف هل السجاد هذا موجود هناك ولا لأ ؟؟ :D
هههههههههههههههههههههههههههههههههه ...
وربي موتتني ضحك ...يقطع ابليسك ...:D ..نزين واذا شافك واحد يعرفك وقال لك : ها من زمان عنك هينا ...
يتقول له جاي عشان السجادة ...:09:

سلام عليكم و شكرا ً جزييييييييلا ً على الموضوع و يعطيكي العافية و شوووووووووووووكران
الله يعافيك اخويا ...
وعليكم السلام والرحمة والاكرام ...:wavey:

[B@dr]

سلام عليكوووم و رحمة الله و بركاته .!.:[،





الا فيه لي موزوعين تقريبا ..بدورهم لانهم قديمين وبعطيك روابطهم خخخ



هههههه انا حسبتها في البداية ( موزعين) جمع كلمة (موزع) ..! :p قلت شو هي شركة عشان يكون عندها موزعين !! بس بعدين انتبهت !

على فكرة وين الروابط :33: ؟؟ بس ما يهمك انا جبتهم من باب اللقافة و شفتهم كانوا موضوعين و واحد منهم جعل بعض الاسئلة تنبثق من ذهني و تنحرف عن المسار الرئيسي الذي رسمته لهذا الرد .. شو اللي خلاكي تروحي إيران :) ؟؟ و هل انتي نيتف سبيكر للفارسية :biggthump ؟ و شلون صرتي نيتف سبيكر إذا كانت الإجابة بنعم ؟؟ - هذه الاسئلة و غيرها نطرحها على ضيفتنا روزا ماريا بعد الفاصل في برنامج الاتجاه المعاكس !! ---- > تخيلي هذا كله بصوت فيصل القاسم يسألك - جدا ً استغربت انو بنت سعودية في ايران لكن نحنو في عصر العولمة :)

طبعا ً هنا مو محكمة تفتيش لكن بس فضول إذا حبيتي تجاوبي ثانكس و اذا ما حبيتي برضو ثانكس مش موضوعنا هنا :)






انا سجلت جامعة فيصل قسم تربية خاصة بس ما قبلوني ...
فاستنى يوم السبت نتايج الرغبات البديلة مع انها على كيفهم ...يعني يحطوني مكان ما يبون ...
علما باني خريجة علمي ونسبتي 98 %



:wow::wow::wow:


لالالالالالا .. معقولللل ؟؟
وحده نسبتها 98% و ما تدخل القسم اللي تبيه ؟؟؟؟؟ من جد مهزلة :28:
طيب شو كان التبرير اللي قالوه عشان ما يقبلوك ؟؟ و هل عندهم وجه من الأساس لتقديم أي تبرير ؟؟ و الله بجد حاجة ترفع الضغط :12:


بعدين تعالي .. بعد الـ98 فيه فاصلة و رقمين :D


يعني انا جبت 98.42 % .. انتي كم ؟؟ يا ويلك لو كتبتي حاجة اكبر من 42:nana:





يس اخويا العسيس الله يطول بعمره بالله مين غيره ؟ :D
وهينا تلاقي له صورة واضحة ..هنا (http://montada2.com/showthread.php?t=538240)



الله يطول بعمرو و يحفظو ..،،


يااااااهـ,, اشتقت للجلسة قدام البحر ,, لي اسبوعين ما رحت هناك
الجلسة قدام البحر لوحدي بعد الفجر مباشرة هي الشيء الوحيد اللي يخليني اشعر بالسعادة 100%
بكرة بروح إن شاء الله ---> تحمست :)








هههههههههههههههههههههههههههههههههه ...
وربي موتتني ضحك ...يقطع ابليسك ...:D ..نزين واذا شافك واحد يعرفك وقال لك : ها من زمان عنك هينا ...
يتقول له جاي عشان السجادة ...:09:




الآن الجزء المثير من هذا الرد اللي كأنه موضوع ! و بخليه بلون خاص !


اليوم الفجر قلت خليني اروح ذاك المسجد اللي أشك بوجود السجاد فيه عشان اتأكد و كمان من زود الثقة أخذت الكاميرا في جيبي !
دخلت المسجد لأتفاجأ أن السجاد .. بالشكل التالي :









http://baddory.jeeran.com/mos1.jpg
مش هوا :surprised:







خلصت الصلاة و أنا خارج من المسجد تذكرت ... يا ولد السجاد بتلقاه في المسجد الفلاني .. إلا هو هو المسجد هذاك ما غيره .. و طيرااااااااان عالمسجد الثاني ..


هذه المرة و أنا عند البوابة كنت واثق ثقة عمياء .. و الثقة حقت المسجد الأول كانت ثقة " مبصرة " !!


دخلت لأجد السجاد التالي :











http://baddory.jeeran.com/mos2.jpg
مش هوا برضو :o






المهههههم .. خرجت و أنا أجر أذيال الخيبة !! لكن المفاجأة .. شفت سجاد قديم موجود في خارج المسجد .. قلت أكيد هو السجاد اللي أبيه أنا شفته زمان بس غيروه و رموه ..




شوفوا شو طلع معاي ..:





http://baddory.jeeran.com/mos3.jpg
فشل ذريع :p





لحمد الله ما حاد شافني في مهمتي الخطيرة و إلا كان قالوا عني مجنون !


لكن أكيد راح أسمعها هنا :D ..


لكن أنا و الله مظلوم .. الفضاوة تعمل أكثر :approve:




المهم إني لحد الآن ما لقيت هالسجاد .. لكن كاميرتي موجوده معايا و وعد إني راح ألقاه ... !!



جاي جاي يا سجاد *** ألف عشانك كل بلاد


:nana::nana::nana:
باي

[~*RoSaMaRia*~]

سلام عليكوووم و رحمة الله و بركاته .!.
وعليكم السلام والرحمة والإكرام ..

هههههه انا حسبتها في البداية ( موزعين) جمع كلمة (موزع) ..! :p
خخخخخخخخخخخخ ..من ورا " تسجيلات" ..وانا غاسلة يدي من شطحاتك :09:

على فكرة وين الروابط :33: ؟؟ بس ما يهمك انا جبتهم من باب اللقافة و شفتهم كانوا موضوعين و واحد منهم جعل بعض الاسئلة تنبثق من ذهني و تنحرف عن المسار الرئيسي الذي رسمته لهذا الرد .. شو اللي خلاكي تروحي إيران :) ؟؟ و هل انتي نيتف سبيكر للفارسية :biggthump ؟ و شلون صرتي نيتف سبيكر إذا كانت الإجابة بنعم ؟؟ - هذه الاسئلة و غيرها نطرحها على ضيفتنا روزا ماريا بعد الفاصل في برنامج الاتجاه المعاكس !! ---- > تخيلي هذا كله بصوت فيصل القاسم يسألك - جدا ً استغربت انو بنت سعودية في ايران لكن نحنو في عصر العولمة :)
ما شا الله عليك ... ما عطيتني مجال انحاش ...رحت تجسست ورايا وشفت االموازيع :o
ردا على سؤالك ...فسالني اياه قبلك الاخ تركي في نفس هالموزوع وجاوبته عشان ظروف جدي الله يرحمه وابويا الله يحفظه ...
+
مو غريبة ابدا انك تشوف بنت " سعودية حساوية شيعية " في ايران ..وخاصة في مدينة قم ..


طيب شو كان التبرير اللي قالوه عشان ما يقبلوك ؟؟ و هل عندهم وجه من الأساس لتقديم أي تبرير ؟؟ و الله بجد حاجة ترفع الضغط :12:
ما راجعتهم ..ما لي خلقهم اساسا ..ماقبلوني بالطقاق في الف جامعة غير فيصل ترا ...:silly:

يعني انا جبت 98.42 % .. انتي كم ؟؟ يا ويلك لو كتبتي حاجة اكبر من 42:nana:
لا انا نسبتي مريحتني بس اكتب رقمين بلا فواصل وخرابيط :nana: <<< ترقع :p

الله يطول بعمرو و يحفظو ..،،
الله يخليك يا رب ويحفظ لك اخوتك ان شا الله

بكرة بروح إن شاء الله ---> تحمست :)
هههههههه ...شكل الموزوع حمسك تعمل رحلات لاماكن من زمان عنها ...:D
لا تنسى تجيب لنا تقرير مصور عن رحلتك الجاية ...:biggthump

الآن الجزء المثير من هذا الرد اللي كأنه موضوع ! و بخليه بلون خاص !
ليه خليته بلون ثاني ...؟! ترا بيسعل بابا انك تركتك لونه :09:
بس تدري من جد ما توقعت ابــــد انك تسويها وتروح المسجد دا من جد ...;)


http://baddory.jeeran.com/mos1.jpg
مش هوا :surprised:
هههههههههههه ...هارد لك...:09:

إلا هو هو المسجد هذاك ما غيره .. و طيرااااااااان عالمسجد الثاني ..
ع الاقل كان صبرت لصلاة الظهر عشان لو حد شكك يكون عندك حجة للجية :09:




http://baddory.jeeran.com/mos2.jpg
مش هوا برضو :o
حلوووووووووو بس حق مسجدنا احلى ...:p


http://baddory.jeeran.com/mos3.jpg
فشل ذريع :p

عاد هاذي السجادة صج رايحة فيها ...شكلها حدددددددددها عتيقة ...:blackeye:

لحمد الله ما حاد شافني في مهمتي الخطيرة و إلا كان قالوا عني مجنون !
خخخخخ ...ايه احمد ربك والا كان يمكن قالو ذا يبي يسوي خطة لتفجير المسجد وشحتوك لبرا :09:...

جاي جاي يا سجاد *** ألف عشانك كل بلاد
لين لقيته عطني خبر ..حابة اتعرف ...:09:

ثانكس بدر على الرد المميز والمدعم بالصور والادلة ..:09:
بااااااااايز :wavey:

[~*RoSaMaRia*~]

صج نسيت ما رديت على سالفة النيتف سبيكر ...خخخ :09:
انا انولدت في الحسا بس عشت حياتي هناك كولها ...
ولي سنة بس في السعودية ...سو تقدر تعتبرني خبرة لا باس بها في عادات الايرانيين وتقاليدهم ومدنهم ولغتهم ...
وتذكرت معلومة من زمااااان حصلتها بس نسيت ما اضفتها ..

قسم رجال يتراوى لي انه مسميينه " الصبخة " بس لا تسألوني ليه لانو علمي علمكم :o
جيتكم بالخبر اليقين ...:D
ذاك اليوم كنت اسولف مع بنت عمتي ...عاد هي قرت الموزوع ...
وقالت لي انو سامعة بمعنى صبخة ...
يعني الارض المالحة ..
قلت لها يوووووه ذيلي اخذينها من كلمة " سبخة " ...
وهي كلمة عربية فصحى ...
الحساويين اغلب كلامهم فصيح بس لازم يضيفو شي من التحريفات على الكلمات لاعطائها نكهة حساوية اصيلة ..:p

[B@dr]

خخخخخخخخخخخخ ..من ورا " تسجيلات" ..وانا غاسلة يدي من شطحاتك :09:


و لسا ..




مو غريبة ابدا انك تشوف بنت " سعودية حساوية شيعية " في ايران ..وخاصة في مدينة قم ..




حيا الله هل الحسا و اهل قم كمانا :)







ليه خليته بلون ثاني ...؟! ترا بيسعل بابا انك تركتك لونه :09:



بليز لا تقولي له :p





خخخخخ ...ايه احمد ربك والا كان يمكن قالو ذا يبي يسوي خطة لتفجير المسجد وشحتوك لبرا :09:...


اييييييه
نسيت أقولك ..


يوم جيت أصور السجاد الأحمر كان الفلاش شغال و انا مش منتبه !! و ضغطت على زر التصوير و كان على وشك يصور بالفلاش لكن الله ستر و قدرت اشوف ان الفلاش مفتوح قمت بسرعة خرجت البطارية و ما صور :boggled:


الله ستر:D




لين لقيته عطني خبر ..حابة اتعرف ...:09:


أكيد ما فيها شك :)





انا انولدت في الحسا بس عشت حياتي هناك كولها ...
ولي سنة بس في السعودية ...سو تقدر تعتبرني خبرة لا باس بها في عادات الايرانيين وتقاليدهم ومدنهم ولغتهم ...
وتذكرت معلومة من زمااااان حصلتها بس نسيت ما اضفتها ..



حلوووووو


أنا كان عندي زميل أفغاني يقول إنه يتكلم فارسي .. قلت له طيب عطيني حاجة أحفظها :smoker: و أرددها .. قال لي خذ المثل التالي :
" يا ني ني يا دي دي " :p


و قالي معناها .. مدري أحس إنه يبكش(يكذب) علي !!


و انتي هنا الحكم ..


يا ويلك يا عبدالحفيظ لو طلعت كذاب أجيبك أجيبك :09:





جيتكم بالخبر اليقين ...:D
ذاك اليوم كنت اسولف مع بنت عمتي ...عاد هي قرت الموزوع ...
وقالت لي انو سامعة بمعنى صبخة ...
يعني الارض المالحة ..
قلت لها يوووووه ذيلي اخذينها من كلمة " سبخة " ...
وهي كلمة عربية فصحى ...



آهااااا .. أنا أصلا ً توقعت هالمعنى يوم قريتها في الموزوع ^_^ ---> ليه ما تقول طيب من أول يا ()^%$#* :p





الحساويين اغلب كلامهم فصيح بس لازم يضيفو شي من التحريفات على الكلمات لاعطائها نكهة حساوية اصيلة ..:p



تصدقي .. نفس الشيء مع لهجة جدتي العسيرية الخالصة ..
فيه كلمات كثير أسمعها منها و أقعد أضحك بيني و بين نفسي لكن اكتشف بعد فترة إن كلماتها عربية 100% ..


الله يحظفها لولاها ما كان أعرف شيء من لهجتي اللي اندثرت و تحولت للهجة الجداوية :ponder:


سلام و احس الموضوع هذا صار شات ! :p


باي

[~*RoSaMaRia*~]

حيا الله هل الحسا و اهل قم كمانا :)
الله يحييك يا رب ...:)

يوم جيت أصور السجاد الأحمر كان الفلاش شغال و انا مش منتبه !! و ضغطت على زر التصوير و كان على وشك يصور بالفلاش لكن الله ستر و قدرت اشوف ان الفلاش مفتوح قمت بسرعة خرجت البطارية و ما صور
ههههههههههههههه ..اي والله زين ربك ستر ..والا كان دحينا علووووم ..:boggled:

أنا كان عندي زميل أفغاني يقول إنه يتكلم فارسي .. قلت له طيب عطيني حاجة أحفظها :smoker: و أرددها .. قال لي خذ المثل التالي :
" يا ني ني يا دي دي " :p
هههههههههههههه ...مدري عنه وش يخبص هالافغاني ...:boggled:
احنا عندنا افغانيين في ايران بس حكيهم زي حكي الايرانيين تقريبا اللهم معلووك يعني بالموت ينفهم خخخ :09:
يبغالي ابحث واسال عن هالمثل ولو اني سالت اخويا واستغرب ...:bigeyes:
شكله يقص عليك ...:09:


تصدقي .. نفس الشيء مع لهجة جدتي العسيرية الخالصة ..
فيه كلمات كثير أسمعها منها و أقعد أضحك بيني و بين نفسي لكن اكتشف بعد فترة إن كلماتها عربية 100% ..
الله يحظفها لولاها ما كان أعرف شيء من لهجتي اللي اندثرت و تحولت للهجة الجداوية :ponder:
الله يخليها لك ياااا رب ...
نفسي اتعلم اللهجة العسيرية ههههه ..انا تعلمت الشمالية والحجازية :biggthump

سلام و احس الموضوع هذا صار شات ! :p
خخخخخ ...كل مواضيعي انا تنقلب شات :p
وعليكم السلام والرحمة والإكرام

[B@dr]

شكله يقص عليك ...:09:


:wow::wow::wow::wow::wow:

زين يا عبدالحفيظ انا اراويك -----> مسلسل كويتي





الله يخليها لك ياااا رب ...
نفسي اتعلم اللهجة العسيرية ههههه ..انا تعلمت الشمالية والحجازية :biggthump


طيب خوووووووودي عندك الكلمات هذي :

ميد (نطقها مثل made ) = يريد
مثال : وش انت ميد ؟؟ (ماذا تريد)
مثال 2: انت ميدني ( أتريدني:D)


يــِـصْطِقِل = يلمع
مثال: راس بدر يصطقل ( يعني راسي يلمع ---> الظاهر اني كنت ماخذ عمرة ! :p)


سِفـْهان(مفردها سفيه) = طفل
مثال : واضح :p



عوال = أبناء
مثال : ذولا عوال أم سعيد ؟ (أهؤلاء أبناء أم سعيد ؟) على فكرة أم سعيد جارتنا !


تحيف = جميل
مثال : و الله إنش تحيفة !
(الشين هنا ضمير للأنثى المخاطبة .. يعني إنش = إنك )

يحندر = يفتح عينه على الآخر حتى تصبح كالفنجان
و عادة تكون الحندرة موجهة للأطفال للتخويف :bigeyes:

و على فكرة في خميس مشيط لها معنى آخر و هو مجرد النظر ..


بلحط = ثرثار
ما شفتوا لينا البلحطة :p ؟؟
و هذه لينا بنت خالي الثرثارة كما يقولون !!



نأتي للشتائم :D ..


سبعتن شَـلـّوك
و هو دعاء على الشخص بقدوم سبعة أفراد من الجن ليحملوه إلى غير رجعة !


بقعة تصوعك
البقعة هي الجنية !!
أي يا رب الجنية تجيك و تعمل لك رجة و تزعجك و تبهدلك !!


مش عارف ليه كل الشتم فيه جن و شياطين :p ؟



إني كوتشنز .. آم ردي

[~*RoSaMaRia*~]

زين يا عبدالحفيظ انا اراويك -----> مسلسل كويتي
انا ما لي شغل ...ما فتنت ولا قلت شي :p

مثال 2: انت ميدني ( أتريدني:D)
مدري ليه ...احس في هالمثال انو الكلمة هندية ...:smoker:

يــِـصْطِقِل = يلمع
ذي واضحة خمنت معناها :girl:...<<< يا شاطرة :09:

سِفـْهان(مفردها سفيه) = طفل
وشو دا ...حرام عليهم ...سفهان مرة وحدة :02:

عوال = أبناء
احنا نقول عيال خخخخ

تحيف = جميل
مثال : و الله إنش تحيفة !
(الشين هنا ضمير للأنثى المخاطبة .. يعني إنش = إنك )
حتى حنا نقول شين للانثى :09: ..

يحندر = يفتح عينه على الآخر حتى تصبح كالفنجان
ههههههههههههه ...حلوة :09: ذكرتني بكلمة عندنا يقولو " يتدحدر " يعني البميلة لما تدفعها وتسير تمشي لحالها خخخ :09:

بلحط = ثرثار
اجل انا ...ثرثارة وهذرة وقرقة وبلحظة :D

سبعتن شَـلـّوك
عرفتها ...لانو معلمتنا الفيزيا دايم تقول ...نشل وشلو وشلينا :09:

البقعة هي الجنية !!
ههههههههههههههههههههههه ...جديدة وقوية :biggthump

مش عارف ليه كل الشتم فيه جن و شياطين :p ؟
عشان يخوفون البزران :09:

إني كوتشنز .. آم ردي
هههههههههههه ..اكيد باذيك من الاسئلة تجهز انت بس ...:09:
خلني احفظ هالكلمات بالاول ..والا اقول وش رايك تعمل موزوع دروس في اللهجة العسيرية ؟ :D

[B@dr]

انا ما لي شغل ...ما فتنت ولا قلت شي :p


ايه باين .. :p



مدري ليه ...احس في هالمثال انو الكلمة هندية ...:smoker:

و انا أحس إنك تحشيني حش غير مباشر :33:


ههههههههه أمزح معاك و والله و النعم في الهنود عالأقل عندهم نووي :biggthump




ذي واضحة خمنت معناها :girl:...<<< يا شاطرة :09:

مصدقك ! :p



وشو دا ...حرام عليهم ...سفهان مرة وحدة :02:

ايه سفهان .. مثل ما يقولون الكويتيين يهّال (جهّال) جمع ياهل(جاهل)

عمرك شفتي بيبي عاقل ؟ :silly:

إتز بومبوسيبول (يعني impossible )




احنا نقول عيال خخخخ
ما رحنا بعيد :)




حتى حنا نقول شين للانثى :09: ..

بس اظنكم تكتبونها بالـ(جيم) زي الخليجيين ؟! :33:



البميلة
هل هناك من translator ? :p





اجل انا ...ثرثارة وهذرة وقرقة وبلحظة :D
و شهد شاهد من أهلها :D


بعدين هي بلحطة مش بلحظة :09:

بعدين ايش يعني هذرة و قرقة ---> حلوة قرقة ،، بعدين كيف شكل المذكر منها ؟؟ هل هو قرق ؟؟ يعني أنا قررت أشوف واحد من اصحابي و اسميه بالكلمة هذي .. خلاص ناوي ناوي بس قولي لي معناها و شلون المذكر منها :silly:




عرفتها ...لانو معلمتنا الفيزيا دايم تقول ...نشل وشلو وشلينا :09:
يمكن قصدها كلمة يشل من الشلل عافانا الله و إياكم -------> ايش تبغى ؟ :o





ههههههههههههههههههههههه ...جديدة وقوية :biggthump

على فكرة .. ما عندك فكرة :p
هي ترى بقعة ( بفتح الباء و العين و تسكين القاف )





عشان يخوفون البزران :09:
ههههههه ذكرتيني بسواليف جدتي .. تقول إنها يوم كانت زمان في الطايف كان فيه امرأة افريقية تجيهم البيت و تنظف .. اكتشفت بعدين إنها تاكل لحوم البشر و كادت أن تأكل ابنها محمد :p

أيضا ً هناك اسطورة اسمها النمنم ،، يقولون إن الكائن المتوحش هذا (نسيت وصفه) يطلع على طريق جدة - مكة و يلاحق الناس و مدري وش يسوي فيهم !!

كلام فاضي ;)


تصدقي استمتع كثيرا ً بانتشار الخرافات و الغباء بين الناس عشان أقعد أضحك !!
طبعا ً ما يعجبني الشيء هذا بس يخليني أضحك !!

قريب انتشرت شائعة عن دخول كمية كبيرة من الشمّام (فاكهة ، إذا لها اسم ثاني عندكم) إلى السعودية و هي محقونة بفيروس الإيدز !!

لذلك لا تشترون و لا تأكلون شمام !!

و انتشرت هالشائعة بشكل كبير عبر الـ SMS و يوم وصلتني الرسالة وصلتني من مين ؟؟ وصلتني من خالي و هو رجل واعي و كان مدير مدرسة و هو كاتب صحفي و رجل معروف بوعيه ، فإذا به يصدق الخرافة هذي !!

ما أقول إلا " فلّة " :D


نفسي مرة أطلع إشاعة و اشوفها ترجعلي مرة ثانية بعد فترة :p




هههههههههههه ..اكيد باذيك من الاسئلة تجهز انت بس ...:09:

جاهزييين



خلني احفظ هالكلمات بالاول ..
انا اقول جيبي وسيلة و اعفيكي من الحفظ :p





والا اقول وش رايك تعمل موزوع دروس في اللهجة العسيرية ؟ :D


خلينا هنا أحسن ما حد درى ههههههههه ------> وين يا هو ما حد درى تراه منتدى مش شات !
------> لا يا شيخ .!؟()$ بعدين تراه تحول شات و بقوة و العلة إنت !!

------> صدقت !! أنا آسف !

أقول روزا ورا ما تحولي اسم الموضوع إلى ( الشات الرسمي الأول بين روزا و بدر )

عشان يدل العنوان على المضمون :D


سلام م م مو ( ما احلى السلام :) )

[The Shadow]

واخيرا موضوع يتكلم عن مدينتي .... الاحساء !!! ماشاء الله مزرعتكم رهيبة مو مثل نخلنا مكسر (&) ! مفروض تكتبين في الموضوع ( تحذير لاصحاب الاتصال البطيء ) خخخ ، لان اتصالي DSL شوي ويموت :09:، يعطيك العافية اختي ^^

[Randy Orton RKO]

\\\\\ ..

ما شاء الله
تبارك الرحمن ..

موضوع جميل ..