قصة(حياة مراهقة في الكليه+حياة وحده ما تعرف الأنمي+الدراما الكورية)

[OoXYyGEeN]

السلام عليكم ورحمه الله وبركاته

انا عضوه حجريه في ها المنتدى بس انقطعت فتره
و الحين رديت
و ها اول موضوع انا بحطه لي
اسمحولي تراني توني كتبته على السريع
.................................................................................................... ...........................
طبعا الكل يعرف الأنتشار الي صار بالدراما و خاصة الدرامة اليابانية و الكورية
و اعترف اني من أكبر المتضررين منها
فأنا و عافاكم الله الحين مدمنة دراما
و يوم اقول ادمان اقصد أني ما اتخيل يوم كامل يمر بدون ما اجوف فيه على الأقل خمس حلقات
قبل لا ابدأ الموضوع بقولكم اني من الإمارات و الموضوع بلهجتي
فأي حد ما يفهم كلمه يقول تراني بترجم
.................................................................................................... ...............................
بسم الله بدينا
كان يا مكان في يوم قبل 10 شهور بالضبط
الله يسلمكم كنت في الكليه ملانه ما عندي شغل <<<<<<<<<< مثال لطالبة الفاونديشن المثاليه
يلست اسولف ويا ربيعتي عن الأنمي خبركم الأخت جاهله ما تعرف شو معناة أنمي و بدخل أني كنت مدمنه سابقة للأنمي بس شفيت الحمدلله بعد ما حصلت كم كلمة من الأهل و بعد ما تعقدت من الدايل اب مال بيتنا <<<<<<< بس اصحاب الدايل اب بيفهموني
المهم و أنا يالسه ارمسها اسمعلكم البنيه الي جدامي يالسه تتكعكع خخخخخخخخخخخخ ككككككككككككككككك ههههههههههههه
اقول الحمدلله و الشكر شمشكلتها يالسه تضحك
جان اطاع السكرين مال لابها (الكمبيوتر المحمول) و إلا اجوفها يالسه تطاع فلم ما ادري مسلسل
جان ادقق وإلا اجوفلكم جدامي فلبينيين ما ادري اندونيسيين جان اضحك وأقول حق الجاهله الي عندالي
الحوار
vvvvvvvvvvvvvvvvvvvvvvvvvvvvvvvvvvvvvvvvvvvvvv
.................................................................................................... ............................................
أنا:اطاعي الأخت تطاع مسلسل أندونيسي
الجاهله:لا ها مب أندونيسي ها كوري
أنا:كوري بعد هاذيل يمثلون
الجاهله:-وييييييييييييييييين انتي شدراج بالدنيه يا الجاهله افلامهم احلى عن الأفلام الأمريكية
الحين انجلبت الادوار صرت أنا الجاهله و الي عندالي استوت الي اتفهم
المهم
الجاهله(أنا):انزين المسلسل الي يالسه تطاعه حلو
ربيعتي:انا ما جفته بس اتقول وااااااااااااايد حلو
الجاهله:انزين شرايج اقولها تعطيني اياه
ربيعتي:اوكي انا بعد بجوفه وياج
الجاهله تقول حق الي عندها المسلسل
اقول اللي تطاعينه حلو
الي عندها المسلسل:انتي خبله ها احلى مسلسل جفته فحياتي
أنا:-انزين عادي انجوفه وياج
البنت:أوكي بعطيكم لاب اختي لأن الحلقات فيه وجوفوه انتوا
................................................................................................
الله يسلمكم الحوار الي استوى توه كان في احد ايام البازار
و البازار هو حدث سنوي يستوي في كليتنا
و فيه البنات يفتحون مشاريعهم الخاصه و يجوفون كيف تكون الحياه العملية و كيف هو سوق العمل
و طبعا أنا خذت كل شفتاتي(وقت العمل) مال البازار الصبح فيكون عندي وقت لين العصر(موعد الرواح)
فقلت يوم بيخلص شفتي بيي و بجوف المسلسل و يا جاهلة الأنمي
لأن في الأوقات الي انكون فيها فاضين البنت صاحبه المسلسل يكون عندها شفت
فقلنا بالمره نستغل الوقت و انشوف ها المسلسل
...............................................................................................
أول يوم بازار و أول حلقه
بدأ المسلسل
طبها ما نفهم كوري فتمينا نضحك من اول مشهد
مش من الكوميديا الي فيه بس من الكلام الي يتكلمونه
(انيوها سايوا)(كمساميدا)(بيجاسوا) ههههههههههههههه<<<<<طبعا وقتها كان الكلام يضحك بس الحين الحمدلله
استويت افهم كوري لا وبعد اقرى و أكتب احم احم
المهم
يمكن ربع ساعه و احنا نعيد المشهد و نضحك
بس حسينا ان احنى مصخناها فقلنا نكمل
طبعا المسلسل مترجم انجليزي
فبما انني فاونديشن
و الأنجليزي مالي يلوع بالجبد
فكنت كل ساعه اوقف المسلسل بس عشان نقرا الترجمه
صح انه تعب مس المسلسل كان وااااااااااااااااايد حلو
فكنا نبا نفهم كل كلمه
ما مدالنا كم حلقه الا اتعودنا على القرايه
وصرنا نقلل من التوقيفات
طبعا المسلسل كان 16 حلقه و كل حلقه تقريبا ساعه و شوي
وما كان عدنا وقت غير كم ساعه و احنى ما جفنا غير حلقتين
وجان يستوي الشي الي مب في الحسبان
البنت صاحبه المسلسل خلص شفتها و يت تاخذ لابها
طبعا انا و ربيعتي استوى عدنا انهيار عصبي
من كثر ما كان المسلسل حلو كنا نبى نخلصه بسرعه
بس البنت قالت انا ابا اروح و أخذ الاب مال أختي وياي
قلنا خلاص باجر بنكمل
و لما خلص الدوام و روحنا
و بما أنني لازلت مراهقه
فتعرفونا احنى البنات
ما شاء الله علينا كله في عالم الأحلام
ما ادري ليش جذي
بي المهم
طول درب الرجعه و أنا افكر شو بيستوي و شو بيستوي
خبركم من الكليه لين بيتنا ساعتين
ادري تفكرون و ين الأخت عايشه
ما عليكم
المهم
وصلت البيت
و انا بعدني اعيش خرابيط المراهقه
امي تسألني شو سويتي فأول ايام البازار
وأنا طاف على الحجره
و طبعا بعدي افكر بالاحداث
مرت الساعات
يا المسا و رقدت
بس و يا ليتني مارقدت
الله يسلمكن ما ادري كيف المسلسل اثر فيني اهاي الدرجه
الله يسلمكم حلمت هاذيج اليله و الحلم عن..
ما بكمل الحين
فيي رقاد
.........................................
اول شي خلوني اجوف الردود عشان اعرف اذا حد متابع الحتوته
تصبحون لى خير ابا ارقد الحين
لا تنسون تردون حتى ولو بنقطه عشان اعرف كم نفره متابع الموضوع
يتبع...

[The Destroyer]

السلام عليكم
تسلمين أختي الكريمة على القصة الخفيفة
وعلى طاري المسلسلات الكورية واليابانية
انا اتذكر مسلسل ياباني قديم كانوا يجيبونه على قناة ابوظبي الانجليزية اللي كنسلوها
لكنه كان مدبلج انجليزي على ما أظن كان اسم المسلسل (اوجين)
وهو يتكلم عن قصة عائلة يابانية في فترة الحرب العالمية الثانية
بصراحة كان مسلسل روعة
المهم بانتظار التكملة
مع أرق تحياتي

[OoXYyGEeN]

السلام عليكم

تسلمين أختي الكريمة على القصة الخفيفة
وعلى طاري المسلسلات الكورية واليابانية
انا اتذكر مسلسل ياباني قديم كانوا يجيبونه على قناة ابوظبي الانجليزية اللي كنسلوها
لكنه كان مدبلج انجليزي على ما أظن كان اسم المسلسل (اوجين)
وهو يتكلم عن قصة عائلة يابانية في فترة الحرب العالمية الثانية
بصراحة كان مسلسل روعة
المهم بانتظار التكملة

مع أرق تحياتي


و عليكم السلام و الرحمه
وين اخوي بعدها القصة ما خلصت
هيه اتذكر ها المسلسل ما اتذكر اسمه
والله ايام قناه بوظبي و ذكريات
ثانكس:p

[lynda]

اهلين اختي شلونك المهم اسمعي
بسررررررررررعة كملي السالفة مدري ليش لا كن تحمست

[OoXYyGEeN]

ثانكس أختي لندا على الرد
ةالله بردتي قلبي
قلت السالفه تلوع بالجبد
محد رد عليي



المهم>>>الشاطر الي بيعد كم مره كتبت ( المهم )في موضوعي


المهم


وين وصلنا


هيه الحلم


الله يسلمكم انا عمري 18 و أنا بنت يعني شو بحلم


والله


طبعا حلمت بالمسلسل بس شو حلمت بالضبط


حلمت بالحلقات اليايه مال المسلسل


لا تضحكون


ترى السالفه عقب بتستوي فلم رعب


حلمت ان البطله بتحب الي اتزوجته غصب و أن................................


تريوا انتوا ما تعرفون سالفه المسلسل


مب لازم اخبركم عن المسلسل جوفوه انتوا بروحكم


المهم


طلع الصبح و سرت التقنيه و الله يلوع نشت الصبح شقايل متعبه


الحين اجازه و بعدني اتخيل التعب النفسي الي كنت اعانيه


وصلت الكليه


و سرت البوث مالنا(البوث هو الدكان مالنا)


خلصت شفتي طبعا طول الوقت ما كنت اشتغل كنت احكي حق ربيعتي(جاهله الأنمي) عن الحلم


المهم


بعد ما خلصنا الشفت مالنا سرنا الكلاس(الصف)لأن ورانا مسلسل الله يسلمكم


يلسنا و خذنا اللاب مال البنت و كملنا الي جفناه امسات


وجفنا حلقه بعد حلقه


و خلص اليوم بسرعه و احنى ما تحركنا من مكانا يعني من اساعه 10 الصبح لين الساعه 4 واحنى يالسين على ها الكرسي و متصنمين ما نحترج


.................................................................................................... ............................................


بوقف هني و بقولكم شو كان يستوي و احنى نجوف المسلسل


الله يسلمكم الكلاس يتكون من 20 طالبه وكل وحده شفتها غير عن الثانيه


بس انا و الأخت الي عندالي(جاهلة الأنمي) عدنا نفس الشفتات


فعشان جي احنى كل الوقت ويا بعض


طبعا المسلسل كوميدي بشكل وايد حلو و رومنسي و درامي بشكل فضيع


طبعا كل ما يستوي شي انا في ربيعتي نضحك بطريقه هستيريه لدرجه ان البنات الي كانوا في الكلاس يخافون منا


و يوم يستوي شي مفاجأ نيلس نصارخ و نتحرطم


.................................................................................................... ...........................................


المهم


البازار كان اسبوع


و اخر يوم من البازا كان اخر يوم من المسلسل


الحين بيبدأ الفلم الرعب


الله يسلمكم طول فترة المسلسل كنت احس اني جايفه هاي المشاهد مكان


بس ما اذكر


و حتى يوم يستوي شي مفاجأ ما اتفاجأ


اربيعتي تقولي شبلاج اقولها ما ادري احس اني جايفتنه مكان


تقولي شو ها الغباء


اخر حلقه


الله يسلمكم


كنا في نصها تقريبا و أنا احولف اني جايفه ها المشهد مكان و اربيعتي تقولي انتي تتمصخرين ولا يتهيألج


اقول والله جايفتنه مكان


تقول جوفي جوفي لا تعطلينا


المهم


اخر الحلقه شوووووووووووووووووووو استوىىىىىىىىىىىىىىىى


الله يسلمكم اخر الحلقه تعرفون شو استوى


اهئ اهئ اهئ اهئ


تيني قشعريره بس من كتابتي للسالفه


المهم


تحيدون الحلم الي حلمته أول يوم بازار


و يوم قلت اني حلمت بالأحداث


الله يسلمكن في اخر مشهد ردتلي الذاكره


و اتذكرت الحلم


لأنه اخر مشهد هو نفس النهايه الي جفتها في الحلم


كنتتتتتتت اصااااااااااااارخ بهستيريه من الخوف و الأخت الي عندالي تصااااااااااااااااااااااااااااااااااااااارخ وياي


على بالها انا اصارخ على النهايه


خبركم الاخت تحب البطل الثاني الي البطله اتحبه


مب الي اتزوجته غصب


فهمتوا ادري


و الله يسلمكم اخر حلقه البطله تمت عند ريلها


و الاخت اتصارخ على النهايه وانا اصارخ من الخوف


و طبعا انتوا لاحظوا ان فيه بنات غيرنا في الكلاس و كلهم خايفين يقولون شي مستوي


وقاعدين يهدونا ويقولون ما عليه ما عليه هدوا و أنا اقول الحلم الحلم و ربيعتي تقول (اجماه اجماه)>>>الي بيجوف المسلسل بيفهم


ويوم هديت يلست افكر و قلت اكيد صدفه بس لأسف صدفه تخوف ترى من جد تخوف


ويه نسيت ربيعتي تراها بعدها تصيح على النهايه>>>>> و الله شو اسوي يقهرون ها المراهقين بحركاتهم السخيفه


صياح على مسلسل والله مصخره

[lynda]

لووووول
بسم الله الحين شفتي الفلم وانتي نايمه
المهم منتظرين سالفة ثانية >> لا تتأخرييين <<

[TiTaN]

فين راح ردي القديم >.> ؟؟

أنا ما ريدت هنا >.> ؟؟ لا تقولوا راح مع موجة الإنحذافات >.> ؟



انا عضوه حجريه في ها المنتدى بس انقطعت فتره

إذا إنت 7 شهور و حجرية أنا إيش أكون ؟ :p
ديناصور ؟ :p :p


طبعا الكل يعرف الأنتشار الي صار بالدراما و خاصة الدرامة اليابانية و الكورية
و اعترف اني من أكبر المتضررين منها
فأنا و عافاكم الله الحين مدمنة دراما


ما احب الدراما :blackeye: << مني فاكر إن أحد سألك ؟ :33:


يمكن ربع ساعه و احنا نعيد المشهد و نضحك


يلعن أبو التحشيش :p :p


الله يسلمكن ما ادري كيف المسلسل اثر فيني اهاي الدرجه
الله يسلمكم حلمت هاذيج اليله و الحلم عن..


أحيانا تحصل في أنا لمن أشوف فلم غريب

أحلم فيه :blackeye:

و نشوف بلاوي :blackeye: :blackeye:

على العموم ، دحين هدا ردي على الجزء الأول و بعد شوية إن شاء الله أرد على الثاني :p

[Al Bhed Girl]

.::الســــلاااام عليــــكم ورحمة اللــــــهـ وبركاااتـــهـــ::.

صبااح العنبر والمسك والعود ..ونجوم اللياالـي السـود
>> تحشيش من الصبح :biggthump

شخباااارج اوكسجييين ؟؟ شمسوياااا ؟؟ :09:
عساااا تمااااام ؟؟:biggthump :D

لوولز صراحه مو عارفة من وين ابـدا ..:33:

انا وحده ويااج مجنوونه + مهووسة مسلسلاات كورية :D
ومااشية معااج بالخط وانا اقرى .. حسيت بكل كلمه كتبتيها
وبكل موقف مر عليج :02: ..

صراحه مي تو بالبداية مستنكرة شنو هذولي وشسالفتهم .. :bigeyes:
بس بعدين وبكل فجاة >> فسروها عاد ..
انهبلت على مسلسلاتهم :02: ..
كلها معاني انسانية ، كلها قيم واخلاق ، كلها دراما واقعيه ، كلها تمثيل متقن
:32: ..

وبالنسبة لصاحبة اللابتوب .. صـــح لسااانهاا :09:
عجبتني يوم قالت انه هالمسلسلات الكورية احسن بكثثييير من الامريكيه
وهذا اللي كنت اردده لصديقاتي اذا جيت اسولف لهم :biggthump

بس ماقلتي لنا عن اسم المسلسل ؟؟:33:
انا تابعت Breathless >> الوحيد اللي اذكر اسمه :09:
تصدقين اكتشفت بعدين ان فيه Eric from the Shinhwa ???:bigeyes: :bigeyes: :bigeyes:
تاابعت بعد مسلسلاات واااايده بس للاسف توقفت لأن بث القناة ماقام يستقبله الرسيفر
>> خرف ع اخر ايامه XD

والله شي يقهر :09: ..

~Anyways ~

تسلميـــــــ،،،ـــــــن على هذي القصة العجيــــبة صراحه ،، عجبتنــــي حدها !:bigeyes:
>> شي عن كوريا .. شرايج يعني ؟؟:09: :D
وعــؤبااال نتعلم الكتابة والقراءة في الكوري ياااااارب >> قولي امين :D ..
سلميني على صديقتج المدمنه نمبر طو :D ..
ولا تحريمنا من مواضيعج الحلــــــوة :kiss:

[Misho0o]

خخخخخخ المسلسلات الكوريه وما ادراك ماالمسلسلات الكوريه
كنت اتفرج على حلقه واحده وافك ضحك وكاي ووناسه وبعد كدا ما اتفرجت مسلسل كوري
المهم سالفتكم حلوة
وتعاليلنا كل يوم بسالفه ^^

[The Destroyer]

السلام عليكم
مشكورة أختي على القصة اللطيفة الخفيفة
بس لي تعليق على كم نقطة





طبعا كل ما يستوي شي انا في ربيعتي نضحك بطريقه هستيريه لدرجه ان البنات الي كانوا في الكلاس يخافون منا






و حتى يوم يستوي شي مفاجأ ما اتفاجأ



اربيعتي تقولي شبلاج اقولها ما ادري احس اني جايفتنه مكان



تقولي شو ها الغباء





كنا في نصها تقريبا و أنا احولف اني جايفه ها المشهد مكان و اربيعتي تقولي انتي تتمصخرين ولا يتهيألج



اقول والله جايفتنه مكان




أنا قريت في مجلة بأن اللي يحدث شيء قدامه ويحس أن هذا الشيء صار من قبل
أو صار له شيء مفاجأ ولكنه ما تفاجأ
والضحك بطريقة هستيرية
هذه الأعراض هي بدايات
الصرع
:D :D :D


وننتظر المزيد من المواضيع من الأخت الكريمة
مع أرق تحياتي

[OoXYyGEeN]

بسم الله الحين شفتي الفلم وانتي نايمه
المهم منتظرين سالفة ثانية >> لا تتأخرييين <<

ثانكس ليندا فديتج والله



هيه والله انا دومي تيني هاي الحاله


فعشان جي اذا حد عنده فلم و مب جايفته خلي يقولي عنه


و انا بحلم فيه و بقوله شو بيستوي .....اوفر


باي باي

[OoXYyGEeN]

إذا إنت 7 شهور و حجرية أنا إيش أكون ؟ :p
ديناصور ؟ :p :p




لا وين انا من كم سنه في ها المنتدى كان اسمي إيرما بس تهكر ايميلي و نسيت الباسوور فسويت اشتراك يديد:D
عدني دايناصور وياك

ما احب الدراما :blackeye: << مني فاكر إن أحد سألك ؟ :33:
افا ليش بالعكس اكيد ما جربت
جرب اتشوف
اوكي بدلك على دراما ياباني
جرب اتشوفه و قولي رايك اسمهMy Boss My Hero
والله بتشكرني:p :p

أحيانا تحصل في أنا لمن أشوف فلم غريب

أحلم فيه :blackeye:

و نشوف بلاوي :blackeye: :blackeye:

على العموم ، دحين هدا ردي على الجزء الأول و بعد شوية إن شاء الله أرد على الثاني :p

وين الرد الثاني
الظاهر موجه الانحذافات شرفت

[OoXYyGEeN]

.::الســــلاااام عليــــكم ورحمة اللــــــهـ وبركاااتـــهـــ::.



صبااح العنبر والمسك والعود ..ونجوم اللياالـي السـود
>> تحشيش من الصبح :biggthump


شخباااارج اوكسجييين ؟؟ شمسوياااا ؟؟ :09:
عساااا تمااااام ؟؟:biggthump :D


لوولز صراحه مو عارفة من وين ابـدا ..:33:


انا وحده ويااج مجنوونه + مهووسة مسلسلاات كورية :D
ومااشية معااج بالخط وانا اقرى .. حسيت بكل كلمه كتبتيها
وبكل موقف مر عليج :02: ..


صراحه مي تو بالبداية مستنكرة شنو هذولي وشسالفتهم .. :bigeyes:
بس بعدين وبكل فجاة >> فسروها عاد ..
انهبلت على مسلسلاتهم :02: ..
كلها معاني انسانية ، كلها قيم واخلاق ، كلها دراما واقعيه ، كلها تمثيل متقن
:32: ..


وبالنسبة لصاحبة اللابتوب .. صـــح لسااانهاا :09:
عجبتني يوم قالت انه هالمسلسلات الكورية احسن بكثثييير من الامريكيه
وهذا اللي كنت اردده لصديقاتي اذا جيت اسولف لهم :biggthump


بس ماقلتي لنا عن اسم المسلسل ؟؟:33:
انا تابعت Breathless >> الوحيد اللي اذكر اسمه :09:
تصدقين اكتشفت بعدين ان فيه Eric from the Shinhwa ???:bigeyes: :bigeyes: :bigeyes:
تاابعت بعد مسلسلاات واااايده بس للاسف توقفت لأن بث القناة ماقام يستقبله الرسيفر
>> خرف ع اخر ايامه XD


والله شي يقهر :09: ..


~Anyways ~


تسلميـــــــ،،،ـــــــن على هذي القصة العجيــــبة صراحه ،، عجبتنــــي حدها !:bigeyes:
>> شي عن كوريا .. شرايج يعني ؟؟:09: :D
وعــؤبااال نتعلم الكتابة والقراءة في الكوري ياااااارب >> قولي امين :D ..
سلميني على صديقتج المدمنه نمبر طو :D ..
ولا تحريمنا من مواضيعج الحلــــــوة :kiss:


كمساميدا اونيي
زين زين اكتشف حد يحب الدراما والله حلو
شرايج نسوي حمله عشان يفتحون قسم دراما عندنا في المنتدى
اسم الدراما goong
فدييييييييييييت ايريك اموت عليه
اموت على الفرقه كلها
اصلا ما تمت فرقه كوريه ولا يابانيه ما حبيتها
ههههههههههه
احلى فرقتين كوريتين عندي TVXQ , super junior
و الفرق اليابانيه ARASHI , KAT-TUN,NewS
تسلمي اختي على الرد

[OoXYyGEeN]

خخخخخخ المسلسلات الكوريه وما ادراك ماالمسلسلات الكوريه
كنت اتفرج على حلقه واحده وافك ضحك وكاي ووناسه وبعد كدا ما اتفرجت مسلسل كوري
المهم سالفتكم حلوة
وتعاليلنا كل يوم بسالفه ^^

ثانكس على المرور
و ليش تضيعين على نفسج الوناسه
يلا كملي و شوفي
باي باي

[OoXYyGEeN]

السلام عليكم

مشكورة أختي على القصة اللطيفة الخفيفة
بس لي تعليق على كم نقطة





أنا قريت في مجلة بأن اللي يحدث شيء قدامه ويحس أن هذا الشيء صار من قبل
أو صار له شيء مفاجأ ولكنه ما تفاجأ
والضحك بطريقة هستيرية
هذه الأعراض هي بدايات
الصرع
:D :D :D


وننتظر المزيد من المواضيع من الأخت الكريمة

مع أرق تحياتي


لا بسم الله عليي من الصرع
يمكن د.شلبي تشخيصك غلط ((بواقع انك دكتور بيطري))
يمكن تشخيصك ينفع مع السحالي
تأكدلي من المجله اخوي
في فرق بين الصرع و التحشيش المولع
ههههههههههههههههههههههههه
اريجاتوا

[Misho0o]

ثانكس على المرور
و ليش تضيعين على نفسج الوناسه
يلا كملي و شوفي
باي باي
خخخخ ،، ترى انا ولد موب بنت :09:

[المفنوووووده]

طبعا الكل يعرف الأنتشار الي صار بالدراما و خاصة الدرامة اليابانية و الكورية
و اعترف اني من أكبر المتضررين منها
فأنا و عافاكم الله الحين مدمنة دراما
و يوم اقول ادمان اقصد أني ما اتخيل يوم كامل يمر بدون ما اجوف فيه على الأقل خمس حلقات
قبل لا ابدأ الموضوع بقولكم اني من الإمارات و الموضوع بلهجتي
فأي حد ما يفهم كلمه يقول تراني بترجم
اكيييييييييييييد انتي من بنات التقنيه جي بوي اماراتيه واعرف خبري خبرج ببنات التقنيه واعرفلهن شكثر يحبن هلمسلسلات
طال عمرج انا كنت استوردها من عندكم من بنات بكليتكم بس الحين انقطع الاستيراد >_<
ماتلامين على الادمان خخخ على الاقل انتي بس ادمان ههههه انا شي ثاني
تصدقين واقرا القصه احس عمري عايشه الجو (حاكم عارفه الجو عندكم )^___-

[OoXYyGEeN]

خخخخ ،، ترى انا ولد موب بنت :09:

gomeh{{{{سوري باياباني

[OoXYyGEeN]

اكيييييييييييييد انتي من بنات التقنيه جي بوي اماراتيه واعرف خبري خبرج ببنات التقنيه واعرفلهن شكثر يحبن هلمسلسلات
طال عمرج انا كنت استوردها من عندكم من بنات بكليتكم بس الحين انقطع الاستيراد >_<
ماتلامين على الادمان خخخ على الاقل انتي بس ادمان ههههه انا شي ثاني
تصدقين واقرا القصه احس عمري عايشه الجو (حاكم عارفه الجو عندكم )^___-

بسم الله عليي من البويات
لا بويه و لا بنوته و لا اقرب صوبهم حتى
ماشاء الله صار عدنا استيراد
والله خبري ببنات تقنيتنا دومهن جي
ثانكس:silly:

[Al Bhed Girl]

كمساميدا اونيي
زين زين اكتشف حد يحب الدراما والله حلو

ههههه اي والله شعوور حلوو وااايد بس مو حلوو لما ماتعرفين شنو يعني كمساميدا اونيي:blackeye: >>:D

شرايج نسوي حمله عشان يفتحون قسم دراما عندنا في المنتدى
اسم الدراما goong
فدييييييييييييت ايريك اموت عليه
اموت على الفرقه كلها
اصلا ما تمت فرقه كوريه ولا يابانيه ما حبيتها
خخخخخ اذا تحبينهم من صج عيل لااااااااازم تشوفين Love Letter حلقااات اللي فيها Shinhwa x Shin Chun ... والله ان ماتصرقعتي من الضحك مااكون البيد قيرل بنت سيد في عالم الـ فف ..~.~ ">> XD
امااا بالنسبة للقسم فهاااااذيييه فكرااااتوووون جهااانااامييياااتوووون ..:bigeyes: :D ..

احلى فرقتين كوريتين عندي TVXQ , super junior
:bigeyes: ..:bigeyes: ..:bigeyes:
Me too !
بفرقه سوبر جونيور هيو تشول اظن >> ياما لخطبت باساميهم .. شسوي حوالي 13 واحد :09:
هذاك ابو الشعر الطوييييل على جنب وكلله يحسبونه بنت .. اكشخ واحد !! XD
عيل اكيد تعرفين بادا :D ؟؟

و الفرق اليابانيه ARASHI , KAT-TUN,NewS
تسلمي اختي على الرد
للاسف مااعرف للفرق اليابانية غير سيفين ×.× " .. مع اني مهووسة بشي اسمه يابان وانيثينق ريلايتد تو ذيم بس شاءت الاقدار نطيح ع كوريا :09: :D ..
تدرين شقاعده اسوي الحين ؟؟:D
احمل مااي قيرل واذا خلصته ببدا بماي بوس ماي هيرووو :bigok: ..

تسلميـــــــــ،،ن خيتو على هذا الموضوع مرة ثااانية اللي سااعدنا على الهذرة وتبااادل المعلومااات:biggthump

[رعبه]

وعلييييييكم السلااااااااام والرحمه :D
قصة ادمااااانك خطييييييييره :biggthump ولا الاحلي منها النهايه ههههههههههه
بس ترا يقولوون اللى يحس انه شاف المشهد من قبل انه يكون شافها يوم خلقته ببطن امه
ما قد سمعت انه عوارض صرع ههههه
ولا كان الكل مصرووع :09:

طبعا الكل يعرف الأنتشار الي صار بالدراما و خاصة الدرامة اليابانية و الكورية
و اعترف اني من أكبر المتضررين منها
فأنا و عافاكم الله الحين مدمنة دراما
عاد ما افرق بين الدراما والرومنسيه :09:
ما اعرف ولا اميز الا مصطلحييين :D
افلااااام الرعب والكوومييييديااااا :32:

و بعد ما تعقدت من الدايل اب مال بيتنا <<<<<<< بس اصحاب الدايل اب بيفهموني
قلبي معكك :D
كنت من مستخدميه كانت له قصص وحركات خاصه فيه لجل نسرعه جزء من الثانيه :09:

أنا:اطاعي الأخت تطاع مسلسل أندونيسي
الجاهله:لا ها مب أندونيسي ها كوري
أنا:كوري بعد هاذيل يمثلون
امووت واعرف كيييف تميزووونهم <_<"
ويحليلها صاحبه اللاب توب اعطتكم ^^
سلمينى عليها <<< شدخلللللل :09:

بس و يا ليتني مارقدت
الله يسلمكن ما ادري كيف المسلسل اثر فيني اهاي الدرجه
الله يسلمكم حلمت هاذيج اليله و الحلم عن..
ويوم هديت يلست افكر و قلت اكيد صدفه بس لأسف صدفه تخوف ترى من جد تخوف
هههههههههه اي شي انوم وانا افكر فيه احلم فيييييه XD
ولا مره كنت نايمه ببيت جدتى حلمت ان اختي حاست جهازى
يوم قمت سئلتها اختى الدبه شو عملتى بالجهاز هاااع اعترفي
اختى : :bigeyes: :boggled: وش عرفك
انع : حلمت فيييك :D ههههه
واعترفت بالعكس شي جميل ما يخوف ^^
والله استمتعت بقصتك المثيره
ولا تقااااطعييييين :silly:
تسلمااااات

[المفنوووووده]

بسم الله عليي من البويات
لا بويه و لا بنوته و لا اقرب صوبهم
ههههههههههههههههههههههه الله يخس بليسج ضحكتيني انا موب كاتبه بويه انا كاتبه بوي(يعني ابوي ماي داد خخخخخ سوء تفاهم)

[OoXYyGEeN]

ههههه اي والله شعوور حلوو وااايد بس مو حلوو لما ماتعرفين شنو يعني كمساميدا اونيي:blackeye: >>:D





معناتها مشكوره اختي






خخخخخ اذا تحبينهم من صج عيل لااااااااازم تشوفين Love Letter حلقااات اللي فيها Shinhwa x Shin Chun ... والله ان ماتصرقعتي من الضحك مااكون البيد قيرل بنت سيد في عالم الـ فف ..~.~ ">> XD





انا ما جفت لوف لتر إلا يوم فيه براين و فاني و شين وون





كان عجيييييييييب





امااا بالنسبة للقسم فهاااااذيييه فكرااااتوووون جهااانااامييياااتوووون ..:bigeyes: :D ..





خخخخخخخخخخخخخخخ






:bigeyes: ..:bigeyes: ..:bigeyes:





Me too !





بفرقه سوبر جونيور هيو تشول اظن >> ياما لخطبت باساميهم .. شسوي حوالي 13 واحد :09:





حرام عليج خربتي اسمه





فديته ها احلى واحد فيهم كلهم حلوين الا الدب السخيف





وهاي صورة احلي ثلاثي في الفرقه وعلى راسهم
على اليمين shi won في النص kim ki bom و اخر شي على اليسار العجيب kim hee chul
سامحوني ما عندي غير هاي الصوره تجمعهم
صح انهم يزيغون فيها بس تمشي الحال
http://img287.echo.cx/img287/521/2007dc.jpg



هذاك ابو الشعر الطوييييل على جنب وكلله يحسبونه بنت .. اكشخ واحد !! XD





عيل اكيد تعرفين بادا :D ؟؟





فديت شعره الي كل يوم لون و كل يوم تسريحه





حليله ما يداني حد يقوله انه انته بنت





دوم يعصب






للاسف مااعرف للفرق اليابانية غير سيفين ×.× " .. مع اني مهووسة بشي اسمه يابان وانيثينق ريلايتد تو ذيم بس شاءت الاقدار نطيح ع كوريا :09: :D ..





ما ما se7en كوري مب ياباني





تدرين شقاعده اسوي الحين ؟؟:D





شو





احمل مااي قيرل واذا خلصته ببدا بماي بوس ماي هيرووو :bigok: ..





هههههههههههههههه





احلى مسلسل كوري عندي my girl





يموت من الضحك





ولازم لانه فيه الحب الاولي و الاخير lee jun ki
هاي صورته
فديييييييييييييته
http://img152.imageshack.us/img152/7737/leejunki16fd.th.png





تعرفين اني من الفانز ماله في النادي الكوري ماله





و مخبلتنه من كثر الايميلات الي اطرشها





ههههههههههههههه





ماي بوس ماي هيروا ياباني





وقلت حق تنت يحمله عشان يعترف ان الدراما حلو





لانه المسلسل جي قن العصابات و المدارس





و جي ضحك





بس ابا اذكرج عقب المسلسل





بتموتين على شي اسمه بودنج





صدقيني







تسلميـــــــــ،،ن خيتو على هذا الموضوع مرة ثااانية اللي سااعدنا على الهذرة وتبااادل المعلومااات:biggthump






افا عليج

[OoXYyGEeN]

وعلييييييكم السلااااااااام والرحمه :D

قصة ادمااااانك خطييييييييره :biggthump ولا الاحلي منها النهايه ههههههههههه
بس ترا يقولوون اللى يحس انه شاف المشهد من قبل انه يكون شافها يوم خلقته ببطن امه
هيه أنا سمعت هاذا والله
تخيلوا سينما في بطن امنا
وين البوبكورن و البيبسي عشان يحلى الجو في الفلم(فلم حياتي)
هههههههههههههه
ما قد سمعت انه عوارض صرع ههههه
ولا كان الكل مصرووع :09:
والله قوليلهم بلشونا
قالولي صرع زغت


عاد ما افرق بين الدراما والرومنسيه :09:
ما اعرف ولا اميز الا مصطلحييين :D
افلااااام الرعب والكوومييييديااااا :32:
هههههههههه
قلبي معكك :D
كنت من مستخدميه كانت له قصص وحركات خاصه فيه لجل نسرعه جزء من الثانيه :09:


امووت واعرف كيييف تميزووونهم <_<"
ويحليلها صاحبه اللاب توب اعطتكم ^^
سلمينى عليها <<< شدخلللللل :09:
الله يسلمج
تصدقين اول ما بديت اجوف ما كنت اميز
بس الحين اقدر اميز
حتى اقدر اقولج اذا ياباني ولا كوري ولا صيني ولا تايواني
يبيين والله
بس من كثر المتابعه تقدرين تعرفين


هههههههههه اي شي انوم وانا افكر فيه احلم فيييييه XD
ولا مره كنت نايمه ببيت جدتى حلمت ان اختي حاست جهازى
يوم قمت سئلتها اختى الدبه شو عملتى بالجهاز هاااع اعترفي
اختى : :bigeyes: :boggled: وش عرفك
انع : حلمت فيييك :D ههههه
واعترفت بالعكس شي جميل ما يخوف ^^
هههههههههههههههه
والله استمتعت بقصتك المثيره
ولا تقااااطعييييين :silly:

تسلمااااات
تسلمات حبيبتي

[المفنوووووده]

ماي بوس ماي هيروا ياباني
ابا لينك لهل مسلسل ربعيتي كل قالت بس قصه الحلقه الاولى ونقعتني ضحك اذا عندج لينك عطيني بنزله وشكرا^^

[OoXYyGEeN]

ابا لينك لهل مسلسل ربعيتي كل قالت بس قصه الحلقه الاولى ونقعتني ضحك اذا عندج لينك عطيني بنزله وشكرا^^


سامحيني المنفوده


ربيعتي تحملي اياه


ما ادري من وين يابته


بس انا دايما اجوف من مواقع اللايف

[Rave Master]

أوووووووووه ... يا هلا ببنات كليتنا و الله

Anyoooo :biggthump

سبحان الله أول ما قريت الموضوع عرفت أنج وحدة من كليتنا ... ما أدري كنت حاسة <<< واثقة وايد لووول

ههههههه تعالي شوفي حالتي أنا في الإدمان XD ... في الأنيمي و الدراما بكل أنواعها صيني و ياباني و كوري و أجنبي موسوعة بكبري لووول ... و شي أكيد قبل ما كنت أسلم من تعليقاتي أهلي، بس خليتهم يتعودون لووول .. أخوي اللي كان يقول لي انتي و هاليابانيين و يالياهل و و و و و.. عطيته يشوف ون بيس و أول ما شافه سكت و ما قام يستهبل عليه
ون بيس و ما أدراك ما ون بيس ... حالة إندماج خاصة و تعويذة بكبرها لوول

ربيعاتي يسموني المصدر و اليابانية (أموت في اليابانيين أنا لوول) و طبعا الأغلب يناديني لوفي لوول يقولون أن عندي نفس الإبتسامة خخخخخخخخ ...هاردسكي يتنقل من كمبيوتر لكمبيوتر بس علشان الدراما و الأنيمي XD ... ما أدري لو تذكرين معرض الفن ART SHOW ... اللي صار بالكلية ... كنت مشاركة فيه و عرضت رسمات لشخصيات أنيمي راسمتهم (( لوول أغلبية الرسمات للوفي XD ))
و صور انا مصورتهم ^^

يقولون لي ان اليابانيين عيال عمي :09: ... هذا و الله أعلم :silly:

=======================================================

ما أدري ليش تذكرت أيام مؤتمر التعليم بلا حدود XD ... ياختي شفت من اليابانيين و الصينيين و الكوريين و و و إلخ ... الحمد لله انه ما أغمى علي هناك :09: ههههههههه ...

سمعي الفضيحة كان واحد من مجموعة الطلاب كوري ... قلت له أنياواسايووو ... جان يفتح عيونه على الأخير ((أنا ضحكت لوول)) قال لي تعرفين كوري؟! ... قلت له لا كم كلمة ... قال من وين تعلمتي قلت له اشوف دراما و أسمع اغاني كورية .. و لووول عاد يللا شو يسكتنا XD ... ما أدري ليش طلعت من لساني كلمة Oppa ... لوول بغيت أكفخ عمري هاك الوقت ... بس سمعني قلت له اوبباااا ويهه صفر و اخضر بعدين أحمر ... شكيت فعمري قلت كلمة غبية لوول ... و الله أضحك على عمري بس اتذكر لوول

و تعرفت على 4 يابانيات خطيراااات ... تعالي سمعي الياباني العجيب اللي كلمهتهم فيه كل ما قلت جملة تحمسوا و ستانسوا XD ... غنينا اغنية الأنيمي فروتس باسكيت مع بعض و تخبلوا ... قلت لهم يللا نسوي كراوكي هني قعدوا يضحكون هههههههه

و شفت صينيين ((مش معانا في المؤتمر بس داخل قصر الإمارات)) بس قلت لهم نيهاو ... يااااااااااه شوفيهم يترابعون و يبون يتصوروون معايا و متخبلييين لوول ... و تميت أتكلم معاهم، و انا اتكلم شوي رجعت على ورا و لا أدعم البنت اللي وراي و قلت لها دبوتشي .... لووول يربع لج الشيبة اللي في الشلة و يصفق من الخاطر و شاق الحلج لووووول و وحدة ثانية سعتها ترطن بالصيني حق اللي واقف عندها و قلت لها "وس ملاا؟!" جان تبطل عيونها و قعدوا يصفقون مرة ثانية لوول و يضحكون ... و بعد ما خلصت سوالف قلت لهم Shi Shi <<< أصلا ما بتخلص بش عندها شغل لوول
و رجعوا يصفقون مستانسين لووول ... و أنا أمشي رايحة عنهم قلت لهم أوه آآي نيي ... رجع لج الشيبة يربع و يصفق لي و يرفع إبهامه ههههههههههه أنا فاطسة من الضحك على الريآكشن ... ربيعتي تقول لي لو تعرفين ترمسين صيني كانوا حطوج على راسهم XD

======================================================

يااااااااااااااه في وحدة راعية سوالف
Super Junior
&
"DBSK ..."TVXQ
&
KAT-TUN
&
NEWS
&
ARASHI

SE7EN .... ياااااااااااااااااااااااه ربيعتي في الكلية أكببببببببببببببر مدمنة لسفن أبد ما شفت مدمنة لهالشخص مثلها ><"

Kim Kibum SARANGHE :biggthump
أفضل عضو فسوبر جونيور بالنسبة لي ... :D
LeeTuke is handsom but Kagin is Korean Number 1 handsom guy
XD
HeeChul Is canderilla :09:
Siwon IS the bodyguard :biggthump
Sangmin Pretty
EunHyug is the band dancer :biggthump

شفتي Super Junior - Full House?!?!
لا يطوفج ... أنواع الضحك ههههههههههه

أيضا Tablo
من فرقة Epik High
خطير هالإنسان XD

هالكوريين انواع الضحك خاصة البرامج مالتهم لوووول ما ينمل منها ...
و طبعا ما ننسى اليابانيين XD

My Boss, My Hero
أنواع الضحك ... البطل بكبره سمايلي لوول
تومويا ناقاسي تمثيله رائع جدا :D

Yamapi Is CoooooooL
specially in Nabuta wo Produce

آآآآآآآآآآآآآآآه لوووول سوالفي لين باجر ما بتخلص


(انيوها سايوا)(كمساميدا)(بيجاسوا) ههههههههههههههه<<<<<طبعا وقتها كان الكلام يضحك بس الحين الحمدلله

نقعت من الضحك على هالجملة لووووول ... لا شوفي عصبيتهم يوم يعصبون
ياااااااااااه .. آآيييييشش


استويت افهم كوري لا وبعد اقرى و أكتب احم احم

ما شاء الله عليج :biggthump كوووووووول

عيبتني قصتج لوول ... ذكرتيني T___T انا ما حضرت البازار في الكلية لأني كنت رايحة مسابقة في الفجيرة ><" ... حسافة والله يقولون وايد سوالف حلوة كانت موجودة أحلى من السنة اليل طافت ><"

بس تدرين ... انا أفضل المسلسلات اليابانية أكثر من الكورية ... لأن المسلسلات الكورية أحس فيها نوع من الإعادة في القصص ... على عكس القصص اليابانية ^^
بس في مسلسلات صراحة تسكت لوول ... وبالنسبة لتوقعي عن المسلسل اللي شفتيه أيام البازار ... أول شي توقعت يكون
MY Girl
بعدين قلت لا يمكن
Sweet 18
بعدين رجعت قلت يمكن
Full House
قلت لا ما يصيح أخر شي يمكن
Stairway to heaven
يا بنت الحلال لعوزتينا ... خلصينا و قولي لنا شو هو المسلسل :tongue1:

أذكر مرة كنت قاعدة أشوف سوبر جونيور فل هاوس ((لووول كل ما أخلصه أرجع أعيده بس علشان أضحك لوول))
زقرت ثنتين من ربيعاتي و هم زقروا ربيعاتهم بعد صرنا 5 بنات قاعدين على لابتوب واحد و ناقعين من الضحك لوووول سوبر جونيور و لا بلاش XD ... في الإستهبال نمبر 1 هههههههههه

تسلمين على الموضوع الخطير و يعطيج العافية :biggthump
لوول أنا ما بخلص سوالف كل ما أيي بنشر الرد أزيد شي خل أنشره قبل ما أسوي هالرد موضوع ههههههههههه
نشوفكم على خير إن شاء الله :D

[OoXYyGEeN]

أوووووووووه ... يا هلا ببنات كليتنا و الله





عاشوا بنات كليه دبي


Aja Aja fighting






Anyoooo :biggthump





Anyoo oni


سبحان الله أول ما قريت الموضوع عرفت أنج وحدة من كليتنا ... ما أدري كنت حاسة <<< واثقة وايد لووول


فديتني





ههههههه تعالي شوفي حالتي أنا في الإدمان XD ... في الأنيمي و الدراما بكل أنواعها صيني و ياباني و كوري و أجنبي موسوعة بكبري لووول ... و شي أكيد قبل ما كنت أسلم من تعليقاتي أهلي، بس خليتهم يتعودون لووول .. أخوي اللي كان يقول لي انتي و هاليابانيين و يالياهل و و و و و.. عطيته يشوف ون بيس و أول ما شافه سكت و ما قام يستهبل عليه


نفس الحاله عندي


ون بيس و ما أدراك ما ون بيس ... حالة إندماج خاصة و تعويذة بكبرها لوول


ااااااااااااا ون بيس لا تضغطين على اليرح اهي اهي





ربيعاتي يسموني المصدر و اليابانية (أموت في اليابانيين أنا لوول) و طبعا الأغلب يناديني لوفي لوول يقولون أن عندي نفس الإبتسامة خخخخخخخخ ...هاردسكي يتنقل من كمبيوتر لكمبيوتر بس علشان الدراما و الأنيمي XD ... ما أدري لو تذكرين معرض الفن ART SHOW ... اللي صار بالكلية ... كنت مشاركة فيه و عرضت رسمات لشخصيات أنيمي راسمتهم (( لوول أغلبية الرسمات للوفي XD ))


و صور انا مصورتهم ^^


من قلتي ها الكلام احس اني عرفتج


لان اعرف وحده يسمونها المصدر و غالبا يكون مصدري انا


ما دام قلتي رسم اكيد انتي الي في بالي





يقولون لي ان اليابانيين عيال عمي :09: ... هذا و الله أعلم :silly:


ههههههههههههه


=======================================================





ما أدري ليش تذكرت أيام مؤتمر التعليم بلا حدود XD ... ياختي شفت من اليابانيين و الصينيين و الكوريين و و و إلخ ... الحمد لله انه ما أغمى علي هناك :09: ههههههههه ...


تريي اي مؤتمر اب ها الي يابوا بنات من كل العالم


انا لعوزتهم تلعويز هاذيلا الاحقم وين ما يسيرون


هههههههههههههههههههه


سمعي الفضيحة كان واحد من مجموعة الطلاب كوري ... قلت له أنياواسايووو ... جان يفتح عيونه على الأخير ((أنا ضحكت لوول)) قال لي تعرفين كوري؟! ... قلت له لا كم كلمة ... قال من وين تعلمتي قلت له اشوف دراما و أسمع اغاني كورية .. و لووول عاد يللا شو يسكتنا XD


هههههههههه انا مره سويتها بس على طول شردتعقب ما فتحون عيونهم


اسمينا شريرات


... ما أدري ليش طلعت من لساني كلمة Oppa ... لوول بغيت أكفخ عمري هاك الوقت ... بس سمعني قلت له اوبباااا ويهه صفر و اخضر بعدين أحمر ... شكيت فعمري قلت كلمة غبية لوول ... و الله أضحك على عمري بس اتذكر لوول


افا الكلمه الخطيره


انا مره راويت وحده من بنات كلاسنا My Girl و علقت على هاي الكلمه


و تقولي اياها اربع و عشرين ساعه


و طلع ان مستر بول مال الكومبيوتر يعرف كوري فقالتلي اياها في الحصه


فيوم قالتها فج عيونه و صد عاده انا XXXXXX


و عصبت وايد منها






و تعرفت على 4 يابانيات خطيراااات ... تعالي سمعي الياباني العجيب اللي كلمهتهم فيه كل ما قلت جملة تحمسوا و ستانسوا XD ... غنينا اغنية الأنيمي فروتس باسكيت مع بعض و تخبلوا ... قلت لهم يللا نسوي كراوكي هني قعدوا يضحكون هههههههه


انا بعد بس الكليه عطتني ايميلاتهم عشان عندهم مشروع ما ادري شو


بس شو سوالف عجيبه وياهم


و شفت صينيين ((مش معانا في المؤتمر بس داخل قصر الإمارات)) بس قلت لهم نيهاو ... يااااااااااه شوفيهم يترابعون و يبون يتصوروون معايا و متخبلييين لوول ... و تميت أتكلم معاهم، و انا اتكلم شوي رجعت على ورا و لا أدعم البنت اللي وراي و قلت لها دبوتشي .... لووول يربع لج الشيبة اللي في الشلة و يصفق من الخاطر و شاق الحلج لووووول و وحدة ثانية سعتها ترطن بالصيني حق اللي واقف عندها و قلت لها "وس ملاا؟!" جان تبطل عيونها و قعدوا يصفقون مرة ثانية لوول و يضحكون ... و بعد ما خلصت سوالف قلت لهم Shi Shi <<< أصلا ما بتخلص بش عندها شغل لوول


و رجعوا يصفقون مستانسين لووول ... و أنا أمشي رايحة عنهم قلت لهم أوه آآي نيي ... رجع لج الشيبة يربع و يصفق لي و يرفع إبهامه ههههههههههه أنا فاطسة من الضحك على الريآكشن ... ربيعتي تقول لي لو تعرفين ترمسين صيني كانوا حطوج على راسهم XD


تريي اب هاي الكلمات تايوانيه بس على اساس ان تايوان تابعه للصين فأكيد نفس اللهجه


خخخخخخخخخخخخخ عن قلتيلهم أوايني خخخخخخخخ


خطيره هاي الكلمة







======================================================





يااااااااااااااه في وحدة راعية سوالف


Super Junior


&


"DBSK ..."TVXQ


&


KAT-TUN


&


NEWS


&


ARASHI


يمكن انا تاكدي :silly:





SE7EN .... ياااااااااااااااااااااااه ربيعتي في الكلية أكببببببببببببببر مدمنة لسفن أبد ما شفت مدمنة لهالشخص مثلها ><"


اكيد و انا يالسه اكتب ها الرد يالسه اسمع اغنيته Passion





Kim Kibum SARANGHE :biggthump


أفضل عضو فسوبر جونيور بالنسبة لي ... :D


لو سمعتي لا تقربين صوبه انا حاجزنته من زمان:12:


LeeTuke is handsom but Kagin is Korean Number 1


Lee Tuke وايد حلو الله يغربله


جفتي يوم تنكر على شكل بنيه والله اني ما عرفته


handsom guy


XD


Kagin مب لهاي الدرجه بس كوايي






HeeChul Is canderilla :09:


ابا اعرف منو اخترع ها الاسم


مول ما يخصه


بس صدق يشبه السيندرلا في البوم Twins


Siwon IS the bodyguard :biggthump


البودي قاررد مال انا و ايفا ههههههههههههه


Sangmin Pretty


sodanih:ponder:


EunHyug is the band dancer :biggthump


اخخخخخخ على رقصه يطر مايكل جاكسن





شفتي Super Junior - Full House?!?!


لا يطوفج ... أنواع الضحك ههههههههههه


وين انا جفته ميتين مره ولازلت اعيد





أيضا Tablo


من فرقة Epik High


خطير هالإنسان XD


افا كوري ما اعرف


تريي ببدأ ابحث عنه





هالكوريين انواع الضحك خاصة البرامج مالتهم لوووول ما ينمل منها ...


و طبعا ما ننسى اليابانيين XD


خخخخخخخخخخخخ


البرامج مال المسابقات وايد عجيبه


Xman


love letter


jizwar ما اعرف ا كتبها عدل





My Boss, My Hero


أنواع الضحك ... البطل بكبره سمايلي لوول


تومويا ناقاسي تمثيله رائع جدا :D


تصدقين صوته العادي غير عن صوته يوم يغني





Yamapi Is CoooooooL


specially in Nabuta wo Produce


ها بعد لا تلمسينه


خاصه حركة الكون ماله خخخخخخخ (كون كون)


آآآآآآآآآآآآآآآه لوووول سوالفي لين باجر ما بتخلص


هيه والله







نقعت من الضحك على هالجملة لووووول ... لا شوفي عصبيتهم يوم يعصبون


ياااااااااااه .. آآيييييشش


omo mom


aigo aigo







ما شاء الله عليج :biggthump كوووووووول





عيبتني قصتج لوول ... ذكرتيني T___T انا ما حضرت البازار في الكلية لأني كنت رايحة مسابقة في الفجيرة ><" ... حسافة والله يقولون وايد سوالف حلوة كانت موجودة أحلى من السنة اليل طافت ><"


افا البازار كان وايد حلو بس المطر خرب عليه السنه


مسابقة الفجيره


ليش انتي كنتي مشتركة في مسابقه speaking





بس تدرين ... انا أفضل المسلسلات اليابانية أكثر من الكورية ... لأن المسلسلات الكورية أحس فيها نوع من الإعادة في القصص ... على عكس القصص اليابانية ^^


بس في مسلسلات صراحة تسكت لوول ... وبالنسبة لتوقعي عن المسلسل اللي شفتيه أيام البازار ... أول شي توقعت يكون


MY Girl


بعدين قلت لا يمكن


Sweet 18


بعدين رجعت قلت يمكن


Full House


قلت لا ما يصيح أخر شي يمكن


Stairway to heaven


يا بنت الحلال لعوزتينا ... خلصينا و قولي لنا شو هو المسلسل :tongue1:


goong

http://images.blogskins.com/skin_images/117/085/screenshots/117085_tn.jpg




هههههههههههه معقوله ما عرفتيه





أذكر مرة كنت قاعدة أشوف سوبر جونيور فل هاوس ((لووول كل ما أخلصه أرجع أعيده بس علشان أضحك لوول))


حتى انا


yo so gorgas


عجيبه الجمله يوم يقولها خخخخخخخخخخخ


زقرت ثنتين من ربيعاتي و هم زقروا ربيعاتهم بعد صرنا 5 بنات قاعدين على لابتوب واحد و ناقعين من الضحك لوووول سوبر جونيور و لا بلاش XD ... في الإستهبال نمبر 1 هههههههههه


ههههههههههههههههههه ما عزمتينا


صدق في التيميع استهبال درجه اولى





تسلمين على الموضوع الخطير و يعطيج العافية :biggthump


لوول أنا ما بخلص سوالف كل ما أيي بنشر الرد أزيد شي خل أنشره قبل ما أسوي هالرد موضوع ههههههههههه





نشوفكم على خير إن شاء الله :D


سعدت بردج سوري اني تاخرت بس ضروف استوتلي

[Moon Shade]

السلام عليكم..
صراحة موضوعج مرة يهبل...

انا اول ما قريت في العنوان دراما كورية على طول دشيت لاني صراحة مجنونة بكوريا والمغنيين والممثلين والله يهبلون وبدا حبي بيهم ايام H.O.T كانت ايام لا توصف :).

ولما شفت السالفة فيها Se7en,Super jonior,Bada,Yamabe,TVXQ الخ.. قررت ارد عل الموضوع بس ما من عوايدي ارد وحتى مشاركتي قليلة بالموقع طبعا بسبب الدراسة ....

ما حابة اطول بس حبيت اشكرج و ياريت تسمحين لي ارسلش لش ايميلي عل خاص ونكون صاحبات لاني ما اعرف ولا بنت عربية تتجنن عل الكوريين واليابانيين غير بنات خالتي وصاحباتي الاجنبيات.. انا بنتظر ردج ....:D

Anyon