مسخرة الفضائيات

[الوله]

مــســخــرة...الــفــضــائــيــات...

- قناة..تناقش قضايا الشذوذ الجنسي..والأغتصاب..وينقزون عليك..شوي وياكلونك..ويدافعون عنها ..واعذارهم انها نفسيه ولازم الواحد يتعامل معها بحرية..دام المجال مفتوح..زي مايصير في قناة - - برنامج الشاطر يحكي..ويناقشون الفكرة..بوجهة نظر مسيحية..بحته..لدرجة ان نفس المقدم تلقاه ماهوب مقتنع باللي ينقال..وتبث لجميع العرب هالبرامج....‍!!!

- هيفا...اللي تجينا تتسدح ببرنامج ما الك الا هيفا...تطلع لك..لابسة من غير هدوم ..وتنقز لك بحوار صحفي..تقول لا ابد تراي مالبست كذا عشان الأغراء ابدا..وما كنها لبست هالملابس..تحاول اغراء الشباب..عشان تضمن الأنسداحه الظهريه عند برنامجها....ومن زين الطبايع..تقول ماينفع البرنامج الا اذا تفصخت....لعاد انه طول عمرنا بقناة السعودية يجينا صالح العريض..يقعد يتمرن وحنا نناقز معه..وش حليلنا..مايحتاج تفصخ ....!!

- قناة جديده اسمها " زين " وشعارها نبض الشباب...ايه افلقني..ومن تفتح هالقناة..وهي ماتسدح لك الا اغاني غربية..ماتعتمد الا على ان الواحد

يصور وهو مالبس شي..يسمعون بالملابس ولا يدرون شلون يلبسونها....وهالقناة تنشر خرابيط الغرب..بحماس..ويغثونك باخبار..مدري وش تبي...مثلا..سيلين ديون جابت ولد..و جنيفر لوبيز غيرت حبيبها سعيدان وحبت حبيبها الجديد سليمان..و جوليا روبرت طلع لها حبة خال.....وحنا وش دخل اهلنا ....!!

- رزان المغربي...اتفه واسخف..وارذل..فتاة عربية ...لو سألناها..عن حركات المراهقة..حقتها..واللي ماتدري وشي الأخلاقيات....واللي عزمت ملك جمال لبنان..لبيته..وقالت له تراي اسكن لحالي..يابو الشباب ( افهمها بأه ) ..وعلى الهواء مباشرة....فترى هذا من الكرم..ياخي وش عرفكم انتم بالكرم...!!

واللي يدل على انها من جنب العارضة..فهي صورت حلقة من برنامج لها..بغرفة النوم بملابس النوم...وتبينا نصدقها..ونقول ياربيه ياهي بريئه هالبنت ( يلعن ابو هيك براءة ) ...!

- برنامج ميوزيكانا..في قناة - - يقدمه ايمن ..يجيك ايمن هذا..الأردني..اللي يسمع بالقهوة ولا يدري وشي..ويقول قهو النشامى..وترد عليه نتالي..حياكم الله..( ولو تحس انهم مستقصدين اهل الخليج )..فيقعد ايمن..يغازل..نتالي..بكل حلقة تجي..عاد تقوله نتالي..وهي تدلع..وشوي وتسعبل على الشاشه من زود المياعه : " ايمن..انا بادعي عليك بالحب...هه أحسن "

يرد ايمن : " وانا بادعي عليكي بشي مابقدر اقوله قدام الجمهور...بس انتي بتعرفيه منيح .. " ..

اقول خير..انت وياه..وش اللي تعرفينه منيح..

عاد توه مايطينها ذا ايمن..ويسأل الفنانة اللي ودك تصفقها بزبيرية..اليسا..ويسألها : " انتي تمارسي انوثتك بحب والا بدون "..

عاد ترد عليه..بضحيكات مادري وش موقعها من الأعراب..ودلع ماتسويه البنت الا عند زوجها..ويمكن تستحي تسويه بعد..وتقول : " هيك وهيك..".

اي نشاما واي خربطه...ياحبي لك يابوصويلح بس..وياروحي يا حي النسيم..

- عاد هنا مالك الا تفق كشرتك..من زود ما انك منهبل من اللي تشوف..اذا شفت استهبال المذيعه نسرين نصر..وخويها شربل..مدري وشو..اللي يقدمون برنامج ياعمري..والبرنامج نصه مغازل..في بعض....عاد من زين البرنامج..يجي يخربها..ذا شربل..ويسأل..الفنانة اللي كان ومازال ودي اصفقها بزبيرية " اليسا "...وتكرم الزبيرية عندها...ويسألها هي وصديقتها...ويقول للأليسا : " لو شفتي مع صديقتك..واحد وعجبك ..بتحقدي عليها...وتحاولي تاخذيه منها ولا لا ؟.."

ترد عليه اليسا : " لا..بطلبه منها ويا بتعطيني هوه..ولا لا...بس مابخانقها عليه " .. ( لا مشالله عليها اخلاق )

ويسأل صديقتها : " حصل معك شيّ مره ؟ "

عاد ترد اليسا..وهي تضحك : " ايه..حصل شي ثلاث مرات واعطتني هنّه مرتين..ورديتون لها.."

ولو تحسون انه كرتون بطاطس ذولا مهوب رجال.....وش اللي رديتون لها..

- ولا يهون مغازل يمنى شري...لضويف البرناج ( امحق ضيوف )...ورقصها اللي يشوفها يقول نافضها كهرب..وتوزيعها للبوسات..ببلاش..مشالله ارخص من الكراث هالبوسات....

- دعاية عطر...بداية الدعاية..اول ماتشوفه تشك بنفسك..لا تصير حاط على قناة اباحية..من كثر التبويس..والخربطه اللي تجي..

- دعاية اخرى..لا تقل خربطة عن اللي قبلها..وهي عن كيف تزيل الشعر..مو مشكله..ماقلنا شي...بس يجيبون لك مثال..وحده تزيل شعر..بس مركزة على مكان مافوق الركبه...ليش بالذات ..؟ ( اجل تطور....هاه )

- والا اللي ببرنامج يا ليل يا عين..والا الخبل ميشيل قزي...والا ....والا ....والا...الخ


الوسائل المستخدمه : الدش..التلفزيون..

الغاية : ترويج لأثارة الغرائز.....( مايقهرك الا اذا قالوا تطور ومواكبة العصر)..

النتيجة : تأثر معظم المجتمع العربي..وخاصة فئة المراهقين

[أحلى أميرة]

بس كيييييف عرفت هذا الشي كله


أكيد أنت عندك دش


ومو بعد دش عادي ألا ديجتال يالوله


أجل كيف طلعتلك زين ؟؟؟

بس إيش نسوي هذا هو واقعنا:D

[الوله]

ومين ألحين ما عنده ديجتل
بس مو كل إلي في التجتل ماهو زين وعندك هذي القنوات خذ
أقرء
الشارقة
الجزيره
السودان ولا أحد يظحك ولله قناه ممتازه فيها موضيع حلوووه يعني أحسن من هشك بشك
السعودية
قنوات النيل التعليميه
فيه بعد لاكن ما يحظرني ألحين
يعني مو كلشي مهو زين يا حلووووو
بس أنا أقصد قنوات هشك بشك المعروفه
مثل
أل بي سي
أم بي شي
المستقل
وغيرررره الكثير والكثيررررر

[الوله]

ومين ألحين ما عنده ديجتل
بس مو كل إلي في التجتل ماهو زين وعندك هذي القنوات خذ
أقرء
الشارقة
الجزيره
السودان ولا أحد يظحك ولله قناه ممتازه فيها موضيع حلوووه يعني أحسن من هشك بشك
السعودية
قنوات النيل التعليميه
فيه بعد لاكن ما يحظرني ألحين
يعني مو كلشي مهو زين يا حلووووو
بس أنا أقصد قنوات هشك بشك المعروفه
مثل
أل بي سي
أم بي شي
المستقل
وغيرررره الكثير والكثيررررر

[aseer1]

أهنئك على هذه الروح المرحه في سرد الموضوع ..
وأحسنت في هذه اللفته الطيبه لهذا الموضوع فكلامك منطقي وواقعي ويدل على رجاحه عقلك
في عدم تقبل هذه الموضيع السخيفه التي يسوقونها بأسماء غير أسمائها الحقيقيه وكأن العقل العربي
سخيف لدرجه أنه لا يفرق بين الجيد والقبيح...

وياليتهم يسمعون كلامك

[فتاة العروبة]

والله يالوله هذا هو واقعنا المؤلم والذي ذكرتيه ماأعتقد يخفى على حد حتى الياهل الصغير يعرف هالأمور بس ياريت تطيبين خواطر الأعضاء وتذكرين نماذج صالحة للناس الطيبين في القنوات الطيبة لأنه اللي نحتاجه اليوم هو الوعظ والتذكير(فذكر إنما أنت مذكر) ولازم علينا نحن المسلمين نتخير البرامج الي توافق قيمنا وثقافتنا الإسلامية ولا شو فايدة العقل إذا ماعرفنا نشوف مصلحة ديننا وين ونعرف نميز الغث من الثمين....
ولازم يعرف الكل إن الي ذكرتيه هو من مفرزات الثقافة الغربية(العلمانية) اللي يروجلها العرب الي عملولهم الغرب (غسيل مخ) من قيمنا العريقة..

[الوله]

1- السعودية الاولى والثانيه
2- الشارقة
3-السودان
4- قنوات النيل التعليميه
5- قناة حواء
6- قناة حورس
7-الجزيره
8- أقراء
9- قناة الاسره والطفل
10- قناة أي أر تي التعليميه مشفره
هذي القنوات موجوده في العرب سات والنيل سات
وما أنصح أبداُ بتركيب الهوت بيرررررد على شان ولا قناه عدله فيه
مع تحياتي