مشاهدة النسخة كاملة : إنطباعي بعد ما أنهيت Hotel Dusk + نبذة
Snake-87
11-07-2007, 04:06 AM
السلام عليكم ورحمة الله وبركاته
Hotel Dusk:Room 215
http://nintendocommunity.com/wp-content/uploads/2007/01/boxart_ds_hotel_dusk_room_215.jpg
هل تحب الروايات ؟ هل تحب الألعاب الطويييييييلة ؟ هل تحب الغمووض ؟
هذه اللعبة هي الأنسب بلا منازع .. شخصيات مترابطة بشكل غريب أكثر من مسلسل مكسيكي .. حوارات طويلة .. ألغاز ..وقصة ضخمة .
ولكن .. إن لم تكن لغتك الإنجليزية جيدة جدا بالقراءة.. إبتعد عن هذه اللعبة :ponder: .
سوف تلعب بشخصية Kyle Hyde المتحري السابق اللذي يبحث عن شريكه بالمهنة بعدما خاته .. ويريد أن يجده ويسأله سبب خيانته له . والحل في هذا الفندق الغامض الذي جميييييع الزائرين لهم علاقة ببعض بشكل قريب أم بعيد بداية بالخادم ونهاية بمدير الفندق . جميع الزوار يحملون أسرار .. أشياء سوداء إرتكبوها . عليك أن تبحث عن أدلة وما شابه . ويجب أن يكون لديك إختيار صائب لكلماتك وإلا سوف تخسر اللعبة فلا تتكلم مع شخص بشكل سيئ وبأسلوب سيئ .. سوف ينفر منك وتخسر GAME OVER وعليك أحيانا أن تكذب او تقول الحقيقة على حسب الظروف :) .
سوف تحمل معك مذكرة وتستطيع الكتابة بها طبعا ( فائدة اللمس بالـDs :silly:) وسوف تحمل أدوات مختلفة وسوف تستعملها بأكثر من مكان وبالألغاز كذلك .
http://www.gamehouse.cz/images/3540_3.jpg
سوف تبحث عن أشياء وتتحرى بالأماكن لتجد أدلة أو ادوات وكل ما عليك فعله الإقتراب من الشيئ (المكتب - اللوحة - الخزانة) وسوف تظهر لك علامة مكبر بها ترى الأشياء بشكل ثلاثي الأبعاد وتبحث عن ما تريد .
http://nintenblog.free.fr/images/2006/ds/hotel_dusk_room_215_e3_20060511.jpg
سوف تمسك الجهاز بشكل أفقي .. الشاشة اليسرى سوف يكون شكل الممر/ الغرفة بشكل ثلاثي الأبعاد أو سيكون شكل المتحري عندما تناقش احد والشاشة اليمنى الشخص اللذي تتحدث إليه .
http://adressedesite.free.fr/trucspourblog/nds-hotel-dusk-rm215-us3.jpg
فيديو من اللعبة
BHhSh4vcI7k
القصة : لا تعليق فاللعبة أصلا قصة روائية ضخمة أعطيها 9.9/10
الرسوم : رسم غريب ورائع بنفس الوقت وتشاهد ردة فعل الشخصيات بأكثر من شكل . ورسم 9.5/10
الجيم بلاي : اللعبة قصة أكثر من لعبة ولكن الألغاز الي فيها تعطيها جو جميل ... 8/10
عمر اللعبة : إنتهيت منها ؟ قطها بعيد .. مستحيل تقرأ الرواية مرة أخرى :09: .
طول اللعبة : 35+ ساعة وقد تصل إلى 50:bigeyes: .
أي سؤال أنا حاضر :bigok:
gamecube master
11-07-2007, 11:58 AM
بالفعل اللعبة رائعة , انا بدأتها فقط لتجريبها 5 دقايق , وما شفت روحي الا العب ساعة وشوية , كل شي فيها جديد , طريقة مسك الجهاز الرسوم شاشة اللمس ... رائعة , راح ارجعلها قريبا باذن الله لما اخلص الالعاب اللي بيدي :)
ومبروك انك خلصت اللعبة ..:)
القبطان فرفشلي
13-07-2007, 01:08 PM
مبروك اخوي واللعبة فعلا تحفة
اخوي حبيت اسالك
دحين في اخر شابتر بعد ما لويس ينقذ كايل ويطلع من القبو وين اروح ؟؟؟؟؟
وشكرا
Snake-87
14-07-2007, 07:03 AM
بالفعل اللعبة رائعة , انا بدأتها فقط لتجريبها 5 دقايق , وما شفت روحي الا العب ساعة وشوية , كل شي فيها جديد , طريقة مسك الجهاز الرسوم شاشة اللمس ... رائعة , راح ارجعلها قريبا باذن الله لما اخلص الالعاب اللي بيدي :)
ومبروك انك خلصت اللعبة ..
الله يبارك فيك واللعبة فعلا ما تحس بالوقت معاها ^^
دحين في اخر شابتر بعد ما لويس ينقذ كايل ويطلع من القبو وين اروح ؟؟؟؟؟
اول ما تطلع من باب الغرفة اتجه إلى الأسفل راح تحصل باب مخفي .. مثال :
انت طلعت من الباب إلي أنقذك منه لويس من فوق صح ؟ روح لي الزاوية عكس حرف الـ L وراح تحصل باب مخفي ^^
القبطان فرفشلي
14-07-2007, 04:01 PM
اول ما تطلع من باب الغرفة اتجه إلى الأسفل راح تحصل باب مخفي .. مثال :
انت طلعت من الباب إلي أنقذك منه لويس من فوق صح ؟ روح لي الزاوية عكس حرف الـ L وراح تحصل باب مخفي ^^
في القبو ؟؟؟؟؟
انا لقيت الباب بس ماسوى شيء ؟؟؟؟
انا قريت قي حل اللي مسويه حكيم انك تروح في احدى الممرات وتكسر جدار علشان تلقى لوحة صح ؟؟
Snake-87
14-07-2007, 04:16 PM
^
أيوا بالقبو .. إذا وصلت الجدار استخدم اداة المطرقة .. إذا ما عندك تحصلها بالغرفة إلي كنت محبوس فيها تحت الطاولة إلي فيها الكمبيوتر داخل صندوق .
القبطان فرفشلي
14-07-2007, 05:35 PM
غريبة
انا عندي المطرقة بس مافي علامة مكبر علشان استعمل المطرقة
Snake-87
14-07-2007, 08:59 PM
شفت الغرفة إلي خذيت منها المطرقة ؟ لما تطلع روح يمين طبعا بعدين كمل لما يصير الجدار بوجهك .. امش بالزاوية يعني مثل حرف الـ L بس معكوس بالزاوية .. ودور لما تطلع لك علامة المكبر .
~ SoKo ~
15-07-2007, 03:16 AM
كان خاطري اقرا رواية في الاجازة بس متردد ، طالع من الثنوية و ناوي أكثف القراءة و الاستماع ، لغتي حاليًا متوسطة المستوى.. يعني أفهم ما يُقال و استقبل بس بدون ارسال :D
الظاهر انحلت مشكلتي.. رواية في لعبة ممتعة :biggthump
سؤالين.. الالغاز صعبة جدًا ؟ و هل في استخدام للمايك في اللعبة ؟
و شكرًا على الموضوع و الانطباع ^^
Snake-87
15-07-2007, 04:42 AM
سؤالين.. الالغاز صعبة جدًا ؟ و هل في استخدام للمايك في اللعبة ؟
لا مو صعبة جدا .. وإذا صعب عليك شي قول لي ^^"
وماكو مايك ^^
Black Box
15-07-2007, 08:31 PM
كنت ناوي اشتري اللعبة اول ما نزلت.. لكن انشغلت عنها وراحت عن بالي كل هالمدة ×_×"
أنا مثل gamecubemaster.. بخلص الألعاب اللي عندي وبلعبها إن شاء الله :D..
شكراً عالموضوع..
السلام عليكم
انا واصل للشابتر4
وماسك اللعبه بدون ما اهدها مدة يومين متواصلين وانشاء الله نهاية هالاسبوع منهينها
وشكرا على الانطباع الخفيف والجميل
Dio-Sama
16-07-2007, 11:25 PM
السلام عليكم
شكرا على الانطباع و اللي خلاني ممكن اغير نظرتي تجاه هذي الالعاب.
سؤال, عادة اللي يبعدني عن عالالعاب هو قصرها. فسؤالي يقول, الاعب المتوسط كم بياخذ عشان يجيمها او ينهيها (حسب المواقع)؟
لأنك ذكرت انك خلصتها بشي و ثلاثين ساعة. (على فكرة, الالعاب القصير مهما كانت قوتها لا تستميلني بأي شكل) شي ثاني, أخوك نوعا من النوع اللي يخلص الالعاب بسرعة, يعني مثلا عندك زيلدا, المواقع اتقول عشان تنهيها كاملة فوق ال100 ساعة للاعب العادي, اخوي خلصها ب79 ساعة كاملة, و حاليا العبها و وصلت 29 ساعة, و يوم اخوي جاف وين انا اموصل قالي انت مخلص اكثر من نص اللعبة!!! يعني تقدر اتقول اعلى من الavg player بشوي. و نفس الشي لgod of war 1, خلصتها من 6-8 ساعات!! و استغرب كيف الناس اتقول عنها واو كنظام لعب و صعوبة!! (القصة طبعا ما عليها كلام).
اخير, كيف استحملت توصل بwanted الف وشي؟! لاني وصلت امية و شي و ثمانين و مليت!! ما مليت من اللعب؟!!!!
Snake-87
17-07-2007, 06:00 PM
السلام عليكم
انا واصل للشابتر4
وماسك اللعبه بدون ما اهدها مدة يومين متواصلين وانشاء الله نهاية هالاسبوع منهينها
وشكرا على الانطباع الخفيف والجميل
اللعبة فعلا تخليك ما تلعب لعبة إلا لما تشوف النهاية
النهاية حلوة ^^
سؤال, عادة اللي يبعدني عن عالالعاب هو قصرها. فسؤالي يقول, الاعب المتوسط كم بياخذ عشان يجيمها او ينهيها (حسب المواقع)؟
ما أدري ولكن هاللعبة أأكد لك إنها طويلة .. ويمكن تخلصها 20 ساعة ما ادري ..بس كلها كلاااام يعني إذا ما تبي تقرأ وتحقق وتفكر بالألغاز على الراحة راح تاخذ أقل بالتأكيد .
بس إذا تقرأ كل شي وما تطوف شي .. راح تاخذ وقت طويل وانا أأكد لك هالشي :) .
اخير, كيف استحملت توصل بwanted الف وشي؟! لاني وصلت امية و شي و ثمانين و مليت!! ما مليت من اللعب؟!!!!
كنت مسافر مثل ما قلت طريق سيارة .. وكنت أبي أوصل رقمي القديم 300 وشي .. مع الوقت .. وصلت 400 ..500 .. مليييت أبي أخسر مو قادر xD أحطها ستانباي واروح مجمع أو أتغشى .. لما أصير فاضي (صاحبي بالحمام يتسبح) أقعد ألعب مرة ثانية وهكذا ^^" لما وصلت 1300 قطيتها على صاحبي X3
القبطان فرفشلي
17-07-2007, 07:16 PM
مشكور اخوي سنيك على التوضيح
ختمت اللعبة اخيرا
وصراحة اللي يحب روايات مثل دافنشي كود واغاثا كرستي يورح يلعبها فورا لانها ماتفوت
صراحة اللعبة اعتبرها واحدة من اقوى العاب الدي اس رسما وقصتا
وشكرا
هلا شبااب
انا واصل للشبتر5
طبعا الكلام الي تحت سبولير
الصراحه عجبتني حركة كايل يوم يكشف مرتن بس عندي سؤال ليش كايل ملقوف يا اخي خلي الرجال على كيفه بس الصراحه هذى كان افضل مقطع باللعبه الى الان
وشكرا
Snake-87
18-07-2007, 12:16 AM
مبرووووووك بكم ساعة انهيتها .؟
الصراحه عجبتني حركة كايل يوم يكشف مرتن بس عندي سؤال ليش كايل ملقوف يا اخي خلي الرجال على كيفه
ملقوف جدا جدا كل ما احد سأله ليش ؟ قال له : مجرد فضول xD
مفروض يسمونه (فضولي) من مجلة ماجد (&)
القبطان فرفشلي
18-07-2007, 12:39 AM
مبرووووووك بكم ساعة انهيتها .؟
والله مدري اخوي
ماكتبولي في النهاية
بس قعدت كثير وتركت اللعبة لمدة شهرين بسبب لغز هيلين السخيف :12:
cantona222
21-07-2007, 08:39 AM
مشكور Snake-87 عالموضوع. أدري متأخر بالرد، بس شنسوي :D
بصراحة حمستني للعبة. راح أشتريها اذ الله سهل. ماكو ألعاب يديدة تحمس على الـDs غير Zelda: .... Hourglass. علشان جذي يمكن أشتريها.
بس بدام اللعبة عبارة عن Novel، فيمكن أأجلها شوي. لأن قبل 40 دقيقة بدأ بيع كتاب Harry Potter: and the Deathly Hollows . (السابع). الكتاب سويتله Pre-Order من شهر 4 و راح يوصللي بعد كم يوم :D. فوقت القراءة راح كله يروح للكتاب :silly:
بس ان شاء الله راح أشتري Hotle Dusk في المستقبل. (يمكن بعد رمضان)
Snake-87
21-07-2007, 05:50 PM
بس قعدت كثير وتركت اللعبة لمدة شهرين بسبب لغز هيلين السخيف :12:
هيلين العجوز xD ?
خلصته بـ10 دقائق ^^"
بس بدام اللعبة عبارة عن Novel، فيمكن أأجلها شوي. لأن قبل 40 دقيقة بدأ بيع كتاب Harry Potter: and the Deathly Hollows . (السابع). الكتاب سويتله Pre-Order من شهر 4 و راح يوصللي بعد كم يوم :D. فوقت القراءة راح كله يروح للكتاب :silly:
حلوة رواية بوتر (&) ؟
BTW : عندك وصلة تورنت صافية حق الفلم إلي بتوقيعك ؟
cantona222
21-07-2007, 09:40 PM
حلوة رواية بوتر (&) ؟
اشكره :D ............ ابي أشوف شنو يصير بالكتاب السابع و الأخير.
BTW : عندك وصلة تورنت صافية حق الفلم إلي بتوقيعك ؟
لا و الله. أنا شفته بالسينما.
حتى انت........ روح شوفه بالسينما أحلى. :D
Kyuubi Fox
22-07-2007, 10:18 PM
مشكووور سنيك على الموضوع
أنت اللعبة شاريها ولا منزلها من الانترنت ؟؟
إذا من الانترنت ممكن رابط الموقع ؟؟؟؟
أنا ناوي على الللعبة لأني أحب الألعاب الطويلة والمعقدة أحس فيها وناسة أكثر طبعا راح انهيها بسرعة بما اني pro gamer :D
روح شوفه بالسينما أحلى
كلامك صح السينما احلى بوايد :biggthump
Snake-87
25-07-2007, 04:15 AM
^
http://www.romulation.net/NDS/
هلا شباااب
واخيرا نهيت اللعبه بس توقعت نهايه افضل من هذي النهايه هي حلوه بس توقعت الافضل
وانصح كل واحد يحب الروايات ويعرف ومستواه زين في اللغه الانجليزيه ان يلعبها قبل لا تفوته
وشكراا
جميع حقوق برمجة vBulletin محفوظة ©2024 ,لدى مؤسسة Jelsoft المحدودة.
جميع المواضيع و المشاركات المطروحة من الاعضاء لا تعبر بالضرورة عن رأي أصحاب شبكة المنتدى .