معرض رسوم الاعضاء وداعا للتشرد وهي فتحنا غاليري ولا اسهل منهيك [الأرشيف]

anime madly

28-07-2007, 01:22 AM

السلام عليكم ورحمة الله وبركاته

مرحبا كيفحالكو اشتقتلكو :) :D :) اخيرا قررت الم حالي ورسوماتي انا انشالله ححط بهدا الغاليري رسمة كل فترة حسب ما بقدر

المهم وفي الاخير انكو تتفرجو وتنبسطو وتنتقدو وياريت ازا عندكو اي راي تحكو وما تبخلو علي بانتقاداتكو بس بدون تحطيم :bigeyes:

المهم اول رسمة ححطها بالغايري هيي graphic متل ماطلبو مني بعض الاعضاء في الموضوع السابق اني احط رسمة فحم او رصاص عكل هي رسمتها بالفحم انشالله تعجبكو;) ...............
الى اللقاء برسمة تانيا

يلا نشوف مين الشاطر الي حيرد اول واحد ....:D

KilluaPica

28-07-2007, 02:02 AM

وعليكم السلام ورحمة الله!
مبروك على الافتتاح ^^.
أنا الشاطر هاهاها << عقل صغير :09:.

مع الرسمة.. رائعة كباقي رسوماتك.. التظليل الحسن فيها..
بس نقدي على الرقبة النحيفة أنحف من الطبيعي!
يللا منتظرين المعرض يمتلئ بالرسومات :D!

yugi motoo

28-07-2007, 06:06 AM

اهلا اختي..

مبروك على افتتاح الجيلاري ..

الرسمة رووعة..اعجبتني كثير..

لكن الانف يحتاج شوية تعديل..

يلا..منتظر باقي الرسومات..

سلام

anime madly

28-07-2007, 09:35 PM

اخي KilluaPica شكرا لك على الرد يلا انت اشطرا واحد عشانك رديت اول اشي انا عند كلمتي :D اه الرقبة مش ضعيفة بس الشعر مخبيها انا ماظن انو فيها غلط :28: بعدين انا مستخدمة موديل شو دخلني ازا الموديل معوق شكرا عالرد اخي .........الله يبارك فيك ...........:أفكر:مسدقة حالي

yugi motoo شكرا لك على الرد الله يبارك فيك انا مبسوطة عشان الرسمة عجبتك امم اظن معك حق يمكن من فوق الانف بدو تزبيط عكل شكرا عالملاحظة وعلى الرد وانتا شاطر كمان بس التاني :silly:

Fun

29-07-2007, 01:30 PM

الســــــلام عليــــــــكم^^
مرحبا أختي كيفك,,,,مبـــــــــروك ع الجاليري....:)
و الرسمي كتير كتير كتير حلوي الشعر راسمتيه بطريقه رائعه^^
بس التياب بدهم تفاصيل أكتر و تظليل أكتر...
و الباقي تمااااااااااااااااااااام,,,
يللا أنا مستني رساتك الجديدي حبيبتي
ســـــــلام:D

Sma-Almaqdesy

29-07-2007, 02:35 PM

رسمة جيلة جدا
بس لاحظت الخلل في الرقبة وشوية تعديل بالأنف بتصير تمام
ووبشكل عام الرسمة جميلة ومتقنة

صقر المغرب الأقصى

29-07-2007, 02:36 PM

مبرووك افتتاح الجاليري

حظ موفق

Sma-Almaqdesy

29-07-2007, 02:38 PM

رسمة جيلة جدا
بس لاحظت الخلل في الرقبة وشوية تعديل بالأنف بتصير تمام
ووبشكل عام الرسمة جميلة ومتقنة

سيـ الرهيب ـف

29-07-2007, 08:33 PM

رسمه جميله بس الرقبه تحتاج للتعديل والانف ايضا
اترقب باقي الرسمات ^^

anime madly

22-08-2007, 03:02 PM

مرحبا اصدقائي عن جديد طبعا انا اتاخرت بعرض رسوماتي الاخرى عشان دوشة حظر المنتدى وهيك علاوة على ذلك مكانش جاي عبالي اعمل سكاننج لرسمات جدية :oمكسلة . اف وكمان ازبطها عافوتوشوب وفي الاخير بطلعها كبيرة بعرفش ليش هيك بسوي ...برتاحش نفسيا غير اكبرها ...المهم كنت راسمة رسمة قبل فترة بقلم الرصاص هيا صراحة المفروض تنحط بقسم المانجا بس يلا .. هيا بتحكي عن ولد واخو رامز صار اسير بقضة بسيطة انحكم بفترة طويلة اخو بحبو كتير ففكر انو يورط حالو بشغلة تخلي ينسجن مع اخو طبعا اليهود هما الي سجنو اخو وهوي عالحاجز حاول يقتل واحد يهودي مفكر انهم حيسجنو بس بس لسوء الحظ اطلقو علي النار واستشهد :17:اخو انقهر كتير علي كان بفكرو بمزح لما حكالو انو بدو يعمل هيك بس هوي عملها عن جد ............... انا اول اشي عملتها عاساس انو صاحبو بس حسيت انو يكون اخو معبرة اكتر .................. طبعا بما اني فلسطينية رح يكون الي رسمات كتير بتخص فلسطين رح احاول احطها انشالله شو رايكو بالرسمة

اسفة الرسمة كبيرة بس انا عمدا عامليتها هيك عشان الحكي مش واضح

anime madly

22-08-2007, 03:19 PM

اصدقائي كيف حالكو .....:D عملت معرض جديد بعد ما اكتشفت انو معرضي القديم ما بتظهر في المشاركات لسوء الحظ .... بس يلا هادا هو معرضي الجديد

مرحبا اصدقائي عن جديد طبعا انا اتاخرت بعرض رسوماتي الاخرى عشان دوشة حظر المنتدى وهيك علاوة على ذلك مكانش جاي عبالي اعمل سكاننج لرسمات جدية :oمكسلة . اف وكمان ازبطها عافوتوشوب وفي الاخير بطلعها كبيرة بعرفش ليش هيك بسوي ...برتاحش نفسيا غير اكبرها ...المهم كنت راسمة رسمة قبل فترة بقلم الرصاص هيا صراحة المفروض تنحط بقسم المانجا بس يلا .. هيا بتحكي عن ولد واخو رامز صار اسير بقضة بسيطة انحكم بفترة طويلة اخو بحبو كتير ففكر انو يورط حالو بشغلة تخلي ينسجن مع اخو طبعا اليهود هما الي سجنو اخو وهوي عالحاجز حاول يقتل واحد يهودي مفكر انهم حيسجنو بس بس لسوء الحظ اطلقو علي النار واستشهد :17:اخو انقهر كتير علي كان بفكرو بمزح لما حكالو انو بدو يعمل هيك بس هوي عملها عن جد ............... انا اول اشي عملتها عاساس انو صاحبو بس حسيت انو يكون اخو معبرة اكتر .................. طبعا بما اني فلسطينية رح يكون الي رسمات كتير بتخص فلسطين رح احاول احطها انشالله شو رايكو بالرسمة؟؟؟؟....:D

The Pharaoh

22-08-2007, 04:17 PM

السلام عليكم
كيف الحال أختي الفلسطينية ؟ ^^
الرسمة بشكل عام ...حلوة ... و أسلوب رسمك مميز ... و متقن
نجي للملاحظات
.. القصة ..همم ..أنا ما فهمت منا شي ... وانت حاطة كتير امور بالصوة مو مترابطة..او يمكن مو كتير واضحة ... خليتي الرسمة معجقة .. والكتابة كيف ما كان .. .. وبالمناسبة::شو هدفك من القصة ؟ّ؟
الرسم ...حلو . وحسيت المرة ع اليسار متل الليدي اوسكار !!!
الفتى بالوسط حلو ...بس ايدو اليسار كتير مايلة ...مكسورة شي؟....والاصابع مخيفة..ونحيفة كتييير
و الفتى ع اليمين كانو فيو غلط ماهيك ؟ّ ....يعني حسب ما انتي اخذة زاوية امالة الوجه ... العين اليسار ما لازم تكون كتير مايلة لفوق ... وانفو كتير مسطح و ما فيو و لا بروز ؟ّ معقول ؟ طالع متل أنف هيفا وهبي ...
http://img521.imageshack.us/img521/9240/123ss2.jpg (http://imageshack.us)

انت محددة الوجوه و البقية لأ !!! مع انو الملابس والجسم كتييييييير متناسقين !!! يعني لو تحدديهم كمان بتطلع برفكت !!
معلش ..خذينا بحلمك ,,,,,انا نقاق كتير ... بس اذا شفت رسمة متعوب عليها بحب قول كل يللي فبالي عشان كون عطيت الرسمة حقها
keep it up ^^

The Pharaoh

22-08-2007, 04:20 PM

السلام عليكم...

الرسمة حلوة و التظليل كووووووول .. ملاحظاتي ما تزيد عن ملاحظات الشباب ..انف + رقبة !!!

منتظر المزيد

anime madly

22-08-2007, 06:40 PM

اخي The Pharaoh شكرا الك عالرد هيا يمكن مش كتير واضحة بس انتا شكلك ما قريت المشاركة تبعتي لو قريتها رح تفهمها بعدين الولد الي باليمين هوي نفسو الي كان بحكي بالسماعة اخو ماشي..... والاخطاء الي انتا بتحكي عنها انا لاحظتها كمان بس طنشتها بروز الانف والعين اليسرى يااخي لما تكبر الرسمة بتبين مشكلة بالسكاننج انا فتحت العين اليسرى بقلم الرصاص عشان جهة الضو وما طلعت بالسكاننج واضحة بعدين انا كنت دايما برسم الاصابع دبة بس لما بتفرج عالمانجا بلقاهم برسمو الاصابع رفيعة حبيتها اكتر بس ملاحظة حلوة اخي مخيفة الاصابع :17:لوول مرة وحدة

وبالمناسبة::شو هدفك من القصة ؟ّ؟
شو هدفي انتا برايك؟؟؟؟ :D بتعرف يمكن بسببك الغي الرسمة عقدتني صرت حاسة مالها داعي ...عكل شكرا الك اخي نقدك موضوعي وبمطرحو نظرا لاني ماتعبت على هاي الرسمة كتير ... لول لهالدرجة بشعة
بس يا ريت كمان تشوف رسوماتي الاخرى لحتى تتعرف عاسلوبي اكتر
تميز الرسام بكون باخطاؤو ;)
معلش ..خذينا بحلمك ,,,,,انا نقاق كتير ... بس اذا شفت رسمة متعوب عليها بحب قول كل يللي فبالي عشان كون عطيت الرسمة حقها
خد را حتك اخي :firedevil:

Fun

22-08-2007, 07:31 PM

مرحبا،،،كيفك حبيبتي شو أخبارك...^^
من زمان عنا..لا دخلتي ولا شفناك و لاشي....
المهم رجعتي^^
***
شفت الرسمي......
وقرأت اللي كاتبتيه عن القصه..
فكرة القصه حلوي...جربي تعمليها مانجا بترتيب..بجد بتطلع حلوي..
و إذا الرسمي كنت راسمتيها ع السريع..فبتعتبر ممتازي...:biggthump
طريقة رسم الوجه و العيون رااااائعه....
ماشالله عليك،، الله يوفقك يا رب...
تقبلي مروري..:p

anime madly

22-08-2007, 07:42 PM

مرحبا صديقتي fun والله اشتقتلك توقيعك الجديد كتير ظريف عفكرة:bigeyes: شكرا الك عالرد انشالله اذا لقيت وقت رح احاول اعملها مانجا واعمل عليها تعديلات شكرا الك صديقتي انا مبسوطة انو الرسمة عجبتك .......

The Pharaoh

22-08-2007, 07:49 PM

انت ملاقية انو ايد الولد يللي في النص صحيحية ؟! -___-"؟ و الاصابع فينها تكون نحيفة ...بس مو لهالدرجة !!!
وطبعا انا قريت النص يللي فوق ...بس لما قريت الرسمة ما فهمت شي ....هذا كان القصد
وشكرا ... و اكيد الرسمة بردو حلوة ^^

anime madly

22-08-2007, 07:58 PM

شكرا الك .......

anime madly

22-08-2007, 08:08 PM

شكرا الكو اصدقائي عل الردود الجميلة :31:.... صار عندي معرضين :(اه شو بدي اسوي الحين

Animation Maker

22-08-2007, 08:38 PM

السلام عليكم ورحمة الله وبركاته

الرسمات جميلة...

التظليل روعة...

بصراحة...

أنت فنانة

anime madly

22-08-2007, 09:13 PM

شكرا الك صديقي الصغير Animation Maker الي عقلك كبير :D..عشان ما تزعلش ;) انا مبسوطة عشان الرسمات عجبتك .....اشوفك انشاء الله برسمات تانية بمواضيع تانية .... شكرا الك عالرد

KilluaPica

23-08-2007, 02:55 AM

صار عندي معرضين :(اه شو بدي اسوي الحين
نقدر ندمج الموضوعين في موضوع واحد لو تبغي :sleepy:!
بس اختاري أي واحد فيهم يكون الأصلي وأي واحد هو المدموج.

اللمسة السحرية

23-08-2007, 03:09 AM

السلام عليكم ورحمة الله تعالى وبركاته
اهلا
anime madly (http://www.montada.com/member.php?u=452411)

كيفك ؟؟؟.. ماشاء الله الرسمة الاولى رائعة بالفعل
التضليل والتناسق وكلشي بس تعليقي على الرقبة مختلف
عن الاخرن انا بيتهيالي انها ممدودة نوعا ما عن جسمها
وكانها تريد ان تطل من نافدة او هيك شي .. فهمت كيف
ممدودة لكن ما فيها خطا كبير وكما قلت انت ههههه ادا كانت مودبلها هيك معوق فلا عليها حرج
واما التانية فكانها حوار بين صهيوني ... وبين فلسطينيين
ادا صح ظني مافهمت كتير حوارهم لكن بجد روعة اعجبوني الشخصيات والفكرة
ماشاء الله الرسوم اعجبتني بالفعل .. والله يبارك الان صارو عندك معرضين الله يقدرك عليهم هههه
بالتوفييييييييييق انشاء الله والى الامام
لك مني اطيب التحايا

anime madly

23-08-2007, 11:23 AM

مرحبا اخي كيلوا بيكا كيف حالك انشالله كويس صراحة اجيت بالوقت المناسب بكون ممتنة الك كتير لو دمجتهم ادا ماكان في تعب الك وياريت تخلي هدا الاصلي :bigeyes: شكرا عالرد والاهتمام اخي

اهلا اخي المسة السحرية انا كويسة انتا كيفك شكرا لك على الرد:) اه صح الرسمة الاولى زي ما انتا حكيت انا حاسة انو اتجاه الرقبة غلط والولد مادد راسو زي الي بدو يشوف اشي ادا بتلاحظ هدا غلط في كل رسوماتي
اوكي التانية اليهودي بحكيش غير كلمة وحدة خلص انتا ويا اول اشي كنت مخليتو يحكي ..كلص انتا ويا.. في الاخير اكتشفت انو اليهود بدحشو الخاء بكل الكلمات حرف اساسي عندهم:أفكر:( الهنود هما الي بقولو كلص) هههههههه لول بعدين ليش مافهمت الحوار مفهوم:أفكر: وعفكرة هدا السكتش مثلتو انا وصاحباتي بحفلة النجاح تبعتنا:dancing2: عشان هيك فكرت ارسمو .....

anime madly

23-08-2007, 04:17 PM

مرحبا اصدقائي عن جديد....... كيف حالكو..تمام...:) صراحة الردود كانت قليلة بالرسمتين الماضيات انا زعلانة:( ............... بس عكل يلا انتو بتمونو....:o عشان هيك انا مهتميتش بقلة الردود:naughty: وهيني حطيت رسمة جديدة انشالله تعجبكو رسمتها بعدة درجات من اقلام الفحم بس ترا ماضللت كتير عشان المعالم ما تختفي راسمة واحد غني ورسام0(مهنتو) والرسمة الي ورا هوا الي رسمه مش انا :silly:....وواحد مزارع ,(ومشرتح) ,فقير يعني .......هالمرة صغرت الرسمة 50% كنت ناوية احطها 100% كالعادة

الردود .................:bigeyes:

The Pharaoh

23-08-2007, 06:47 PM

حلوة الرسمة^^
ننتظر المزيد

Animation Maker

23-08-2007, 07:38 PM

مرة ثانية أقولك

فنانة

anime madly

23-08-2007, 08:55 PM

مرحبا اخي The Pharaoh حلوة الرسمة^^ :wow: بس لوول ابصر حمار مين مات مريحة فش في الرسمة هاي ولا ايد عفكرة :D وين الانتقادات بدون انتقادات بتصيرش The Pharaoh ....شكرا لك اخي على الرد

شكرا الك صديقي Animation Maker على الرد انا مبسوطة عشان الرسمة اعجبتك

KilluaPica

23-08-2007, 11:54 PM

السلام عليكم ورحمة الله..
ما رديت على اللي قبلها بسبب الجلطة اللي كادت تصيبني من التفكير أمس :ponder:.. بأي حال.. أرد على الجديدة!

رسمتها بعدة درجات من اقلام الفحم
آها.. وأنا مستغرب من التظليل منتشر في الرسمة كلها.. لأن الفحم سهل طمسه بالإصبع ورسم التظليل به! كنت أظنك راسمتها بالرصاص.

بس ترا ماضللت كتير عشان المعالم ما تختفي راسمة
أشوفها تحتاج تظليل.. خاصة في الوجه والملابس.. لو أتقنت التظليل فالملامح ما حتختفي :sleepy:!

واحد غني ورسام0(مهنتو) والرسمة الي ورا هوا الي رسمه مش انا ....وواحد مزارع ,(ومشرتح) ,فقير يعني
لو ما قلتي كده كان ما فهمت المقصود :silly:.. بس أفهمه بعد تأمل طويل! فكرة لا بأس بها.

anime madly

24-08-2007, 12:32 AM

السلام عليكم ورحمة الله..

ما رديت على اللي قبلها بسبب الجلطة اللي كادت تصيبني من التفكير أمس :ponder:.. بأي حال.. أرد على الجديدة!

لا مافي مشكلة اخي عادي وشكرا جزيلا على الدمج ......شكلك فكرت كتير جلطة بعيد الشر لول :(

أشوفها تحتاج تظليل.. خاصة في الوجه والملابس.. لو أتقنت التظليل فالملامح ما حتختفي :sleepy:!
اه صحيح بس انتا شايفها كبيرة عالكمبيوتر بس انا راسميتها عورق تصوير وجه الولد بغطي باصبعي كيف بدي اضللو بعدين الولد التاني مضللة ملابسو ......

لو ما قلتي كده كان ما فهمت المقصود :silly:.. بس أفهمه بعد تأمل طويل! فكرة

لا بأس بها.

لوول انا رسماتي غامضة لهادرجة ..بدك الصراحة..... حتى انا ما بفهمها احيانا:silly:

وفي الاخير اخي شكرا جزيلا لك على الرد والتواصل ........بعدين وين اخي صقر المغرب الاقصى عادة بكون بكل مواضيعي ليش ما بشوفو عامل معي مقاطعة :bigeyes:....

The Pharaoh

24-08-2007, 12:49 AM

السلام عليكم أختي الفلسطينية !
انا والله كنت محضرلك مجموعة من الانتقادات لووول .... بس انا حسيت انك انقهرتي من اخر رد !!!
ع كل حال هي الاخطاء بالابعاد

http://img212.imageshack.us/img212/6444/123uq6.th.jpg (http://img212.imageshack.us/my.php?image=123uq6.jpg)

و بالمناسبة .... احلى احلى احلى شي بالرسمة هو الرسمة في الخلف ( الرجل والاطار ) ..كتيير كووول ... كان برايي لو تعمليها رسمة مستقلة...^^
و ع فكرة .... انا حسيت كانك وقت ما بترسمي بترسمي كل شي منفصل عن التاني ماهيك؟ يعني ما بتكون مخططة مستقل للبدك ترسميه
good luck !

anime madly

24-08-2007, 02:00 AM

مرحبا اخي The Pharaoh

انا والله كنت محضرلك مجموعة من الانتقادات لووول .... بس انا حسيت انك انقهرتي من اخر رد !!!

لا بالعكس انا مانقهرت من الانتقادات ولا اشي انا بس ناقشتك ومن حقي شو بعرفك يممكن خبرتي افضل من خبرتك خاصة انو ال تسع سنين برسم بس بديت من اول متوسط بداية جدية بعدين انتا شكلك مهتم بالرسمة وهدا اشي بفرحني
يلا الانتقادات
امم الولد ادنو مكانها غلط صح رح احاول اعدلها بس انو مش مستقيم مش غلط هو مال عشنو شاف حدا نادا
الولد التاني ابو شعر طوييل برضو ميل حالوعشان واحد نادا اسفة ماكنت رح تفهمها لانو انا بحتفظ بالافكار لحالي وهدا اسوء اشي فيا والايد الاشارة شو قصدك انو نحيفة ولا عن مكان الكف مافهمت برضو الولد التاني مافهمت الرمادي الي حوالي

و بالمناسبة .... احلى احلى احلى شي بالرسمة هو الرسمة في الخلف ( الرجل والاطار ) ..كتيير كووول ... كان برايي لو تعمليها رسمة مستقلة...^^

هيهي :boggled: اكيد بتمزح ...........نقلتها من على علبة اقلام الغرافيك:poke:...لول

و ع فكرة .... انا حسيت كانك وقت ما بترسمي بترسمي كل شي منفصل عن التاني ماهيك؟ يعني ما بتكون مخططة مستقل للبدك ترسميه

صح مية بالمية انو انا ما بخططش للبدي ارسمو لاني ما برسم غير وانا طقشانة بس بتكون الرسمة مترابطة..........شكرا اخي كتير الك وضلك عتواصل

كمان يا ريت تشوف مواضيعي السابقة لحتى تشوف تلويني كمان ...وتبلش انتقادات:smashfreakB:

المبدعة الصغيرة

24-08-2007, 10:53 AM

هلا أنمي ^^"
نأسف على التأخير مبروك عالجاليري
و الرسمات ما شا الله كلها رووووووعة
سلاام ^.~

anime madly

24-08-2007, 12:33 PM

اهلين صديقتي المبدعة الصغيرة والله زمان عنك شو اخبارك شو عاملة ....... شكرا على الرد انا مبسوطة انو الرسومات عجبتك

Fun

24-08-2007, 04:10 PM

مرحبا حبيبتي كيفك اليوم^^
هههههه الصوره حجمها كبير><"
بس مو مشكلي..
شغلك كتيييييييير حلو وبيعجبني..
الطاحوني كتييييير حلوي الشب اللي أتوقع واقف جمب اللوحه،،شكله حلو..
مافي عندي أي انتقادات..
ما شالله رسمك بيفتح النفس....^^
بالتوفيق يا عسل..
تقبلي مروري..;)

anime madly

24-08-2007, 08:15 PM

مرحبا صديقتي *Fun* انا كويسة انتي كيفك تسلمي على الحكي الحلو:o خجلتيني انتي العسل;) وانتي كمان رسمك حلو بس اعذريني ععدم الرد لاني عن جد مش ملا قية وقت بس انشاء الله رح تلاقيني بالغاليري تبعك دايما :D..........

Sma-Almaqdesy

24-08-2007, 09:47 PM

مرررحبا
بصراحة الرسمة الأخيرة شي جميل فعلا
بتمنى رؤية المزيد
وبالتوفيق أختي

اللمسة السحرية

24-08-2007, 10:09 PM

السلام عليكم ورحمة الله تعالى وبركاته
اهلا anime madly (http://www.montada.com/member.php?u=452411) انا بخير الحمد لله وانت كيفك مرة اخرى؟؟؟ ههه ...
مااشاء الله رسوم روعة يا اختي
anime madly (http://www.montada.com/member.php?u=452411)

ماشاء الله
عليك تعرفي تستخدمي قلم الرصاص ما عندي تعليق
الا على الولد الي واقف شوي مائل لكنو روعة
.... اما مشان القصة فانا ما فهمت الكلام لانو مو
واضحة الكتابة شوي بالقلم فقط... لكن اكيد محتوى القصة جيد
ايضا ربما يحتاج الى ترتيب وتسلسل للكلام متل ما قالت الاخت فااان
شكرا على كل هدي الابداعات..لان رسمك بالفعل لديه طابع خاص
بالتوفيييييييق دائما يارب

palma

26-08-2007, 01:15 PM

السلام عليكم ورحمة الله وبركاته ....
هاااي يا anime madly ازيك ؟؟ ومبروك عالجاليري ^_^ ..
بالنسبة لرسماتك اممممم ...
الرسمة الأولى ...
جميلة جداااا والخطوط روووعة والتظليل فوق الرائع متقنة جدا ولولا الرقبة الصغنونة
الرسمة كانت تبقى بيرفكت ...
بس الرسمة رووووووعة تسلم ايديكي ^^ ...

الرسمة الثانية ...
عجبتني أويي فكرتها وطريقة توزيع الشخصيات في الرسمة يعني اخراج ممتاز;)..
واسلوب رسمك مميز ..
الرسمة الثالثة ...
حلوة ومتقنة كمان و عجبتني جداااا ..وبتفكرني بكرتون قديم بس نسيت اسمه :أفكر:
بصراحة خطوطك حلوة ما شاء الله عليكي :biggthump ..
لازم ترسمي أكتر وأكتر وتورينا رسمك ..
ح استنى أي جديد ..
سي يو سووون ^_^ ...

anime madly

05-09-2007, 12:27 PM

معلش اصدقائي تاخرت بالرد سامحوني :bigeyes:

السلاح الخفي شكرا الك اختي على الرد الجميل انا مبسوطة عجبتك الرسومات :D

اللمسة السحرية انا كويسة الحمد لله شكرا جزيلا على الرد اخي منيح الرسمة عجبتك :D

palmaلووووووول صديقتي زمان عنك وين مختفية شكرا الك عالرد الجميل انا مبسوطة الرسومات عجبتك يمكن الكرتون الي بتحكي عنها جورجي :D

هممم ..:ponder:انا ليش مستعجلة :أفكر:...اه يمكن لاني ححط رسمة جديدة قريبا :firedevil:

anime madly

12-09-2007, 01:50 PM

مرحباااااااااااااااااااا عن جديد كيفكو شو اخباركو ... كالعادة مكانش جاي عبالي اعمل

سكاننج لرسمات جديدة :argh:عشان هيك تاخرت:أفكر: فوق هدا عندي كراسات من اول تانوي وتاني وتالت

بس انا الرسومات الي بعرضها عليكو الي رسمتها هاي السنة خلال فترة

انتظاري قبول الجامعة وكنت خلال الفترة هاي معصبة وانا رسماتي لما اكون معصبة بتطلع احسن لووول... كتير صريحة قصدي( فضيحة )المهم هاي الرسمة عندي بالارشيف وجسم البنت بشبه كرتون holicxxxمش متاكدة من الاسم هاي الرسمة taa daaa>>>>>>>>>:willy:ردو خلصوني عشان احط رسمات جديدة ...

Animation Maker

12-09-2007, 02:05 PM

الرسمة بحق راااااااااااااااااااااااااااااائع

كل شئ فيها جميل من خلفية وشخصية

انت مبدعة وأتمنى التوفيق لك...

Sma-Almaqdesy

12-09-2007, 08:04 PM

واو
هيك الشغل ولا بلاه
هادا التلوين مائي ما؟؟
الرسمة كتيييييير عجبتني
طلعي أرشيفك وفرجينا
ومنتظرين جديدك بفارغ الصبر
وبالتوفيق في قبول الجامعات
هو القبول عندكم لسة ما طلع؟؟!!
وورمضان كريم

anime madly

12-09-2007, 09:03 PM

اهلييييييين السلاح الخفي كل عام وانتي بخير شفت طلع ارشيفي مش هين ;)كتير

مبسوطة عجبتك الرسمة:bigeyes: انا حدرس بالاردن انشاء الله:wow: اوووه صارت دردشة يلا

مش مشكلة..عشنك سالتيني بس ..بدك اي معلومات تانية انا حاضرة :Dشكرا عالرد

anime madly

13-09-2007, 05:05 PM

كل عام وانتو بخير بشوف ردودكو عاملة زي رمضان بتيجي بالسنة مرة .....لو سمحتو ممكن تعبروني وتتنازلو وتردو علي ......واحكولي كمان الرسمات الجاية كيف بدكو اياها تكون ملونة مش ملونة بنات او اولاد شو ..احكولي

Animation Maker

13-09-2007, 05:18 PM

بدنا تجميعي بين الاولاد والبنات

و تجمعي ما بين التظليل و التلوين...

فكري فيها...

سوف ينتج أشياء رهيبة

وشكراً

anime madly

13-09-2007, 07:25 PM

شكرا الك صديقي Animation Maker انشاء الله رح احاول قبل ماروح عالجامعة والتهي بالدراسة احط احلى رسمات عندي ........شكرا الك عالتواصل

anime madly

13-09-2007, 08:52 PM

مرحبا اصدقائي مادامو معرضي ححط رسماتي الي كانت متفرقة ومتشردة يا حرام....:bigeyes: في
هاي هيا كلها اي حدا ما شافها زمان يشوفها الحين ما اجريت اي تعديلات بس شكرا لاصدقائي الي ساعدوني بتعديلها

http://www.montada2.com/attachment.php?attachmentid=285048&d=1182108211

http://www.montada2.com/attachment.php?attachmentid=285782&d=1183468297

http://www.montada2.com/attachment.php?attachmentid=286617&d=1184608949

http://www.montada2.com/attachment.php? attachmentid=286012&d=1183819411

Animation Maker

13-09-2007, 09:09 PM

*^*^*^*^*^*^*^*^*

الرسمة الاولى:

الالوان خفيخة لكن رائعة

وشكل الدمية رائعة

*^*^*^*^*^*^*^*^*

الرسمة الثانية:

واو

رائعة جداً

وخاصة طريقة الحوار

Animation Maker

13-09-2007, 09:12 PM

*^*^*^*^*^*^*^*^*

الرسمة الثالثة:

شكاه رائعة

وأموووووووووووووووت في اللون الاسود

*^*^*^*^*^*^*^*^*

الرسمة الاخيره:

(لا أريد ان أقول)

هي الاروع باختصار

*^*^*^*^*^*^*^*^*

Sma-Almaqdesy

13-09-2007, 09:25 PM

:bigeyes:OOOO
شو هاد
ما شاء الله رسوماتك رووووووووووووووووووعة
بصرحة عجبوني بشكل
انتي فنانة
وكل رسمة أحلى من التانية

انا حدرس بالاردن انشاء الله
:bigeyes:
جد بتحكي
يايييييي معناتو بشوفك أكييييييد
أصلا الطلبة الوافدين من فلسطين هما ألز طلبه عنا بالجامعة
تعي ادرسي فنون عنا
وبالتوفيق يا عمري:biggthump

Fun

13-09-2007, 09:28 PM

الســــــــــــلام عليكم^^
كيفك يا قموووووووره شو أخبار
مبروووووك عليك رمضان:D
بس أنا انصدمت هلق....
في رسمات ماني شايفتهم من قبل ليش؟؟؟؟؟؟؟!!
غريب والله:ponder:
ع العموم...^.^
===
++الرسمي الأولى ظرييييييفه كتــــــــير و فكرتها كيوت..
و أحلى شي فيها هو الرسم,,,عطاها شكل خاص..
أبدعتي..:biggthump
++الرسمي التانيه شفتها من قبل،،، و لهلق عاجبتني و بالأخص الشعر و العيون...^^
++أول مره بشوف هالرسمي..... يا للعجب@.@
بس والله رووووعه ،، شكله كتير كتير كتير كتير حلو،، ما شالله عليك..
حبيتها لهاي الرسمي ،، و كل شي فيها باختصار عاجبني..:biggthump
++و هاي شفتها من قبل،،،، الله يوفقك شو تلوينك بيفتح النفس والله..
بتشهي الواحد يروح يجيب الكراسه و يلون بالمائي..:D
===
الله يوفقك يا رب,,, بانتظار إبداعاتك داااااااااااااائماً،،
تقبلي مروري...

L.B

13-09-2007, 09:51 PM

ما شاء الله رسماتك مميزين وخطوطك تذكرني باخت لي .. لا لا مو السلاح الفي لسه فيه وحده تانيه

تذكريني باسلوب اللادي اسكار وانا اموت فيه
وحيا الله الفلسطينيه - دحنا كترنا يا جدعان-

anime madly

13-09-2007, 11:03 PM

اهلا صديقي Animation Maker شكرا الك عالرد انا مبسوطة عشان الرسمات عجبتك الرسمة الاولى الوانها خفيفة عشان السكاننج بس خسارة لونزلت النسخة المعدلة رح تتطلع احلى الرسمة التاتة انا بحبها كمان بس مش احلى وحدة عندي انا مبسوطة عشان عجبتك الرسمات !!!!

صديقتي السلاح الخفي كيفك انا حدرس بالاردن بس صيدلة مش فنون للاسف :(ياريت بتكون فرصة سعيدة لو تعرفت عليكي:D بالمناسبة بانو جامعة بتدرسي ......انا مبسوطة عشان الرسومات اعجبتك انا بحب رسمك كمان كتير بس سامحيني ازاماقدرت ارد عليكي

*Fun* مرحبا صديقتي الله يبارك فيكي يسعدك تسلمي عالحكي الحلو ياي انتي تلوينك بجنن عفكرة شفتو بالجاليري تبعك رهيب اه انا كنت عارفة انو في رسمات ما حدا شافها عشان هيك عملت الخطوة هاي بس ما بعرف انتي شفتي البنت المطاولة الي شعرها اصفر مش عارف انوالاولى الي بتحكي عنها :ponder: شكرا الك صديقتي عالرد ياريت اشوفك ونرسم ونلون مع بعض !!!!احلام

L.B اهلين صديقتي الله يحييكي نحنا اكتر منا مفي عشان هيك قاعدين بندبح بعض بغزة عشان نقلل العدد:28: الله يعين الواحد شو بدو يساوي انا مبسوطة عشان عجبتك الرسمات اه انا بحب الستايل القديم بالرسم الياباني ومتاثرة برسم mamiya okiبمووووووووووووت عليها بحاول اقلد رسمها وبنفس الوقت الي اسلوبي الخاص ...

MEIKO

13-09-2007, 11:30 PM

WOoOoW:bigeyes:
ماشاء الله عليج اختي ^^ أبدعتي ..والله حطمتيني ^^ رسوماتك رائعة جدا ..وخصوصا ان ملامح شخصياتك قريبة للأنمي القديم ( شكلج متأثرة بريوكو أكيدا ^^ ) وهو نوعي المفضل طبعا ^^
رسومات رائعة فعلا تبارك الله ..أعتقد كلها من خيالك ..ان ترسمي هذه الملامح وبتلك الوضعيات من غير الاستعانة بصور امر رائع حقا ..أتمنى الوصول لهذه المرحلة ، وان كنت أظنها بعييدة علي :31:

الصراحة نحن محظوظين انك لميت نفسك من التشرد وفتحتي لك غاليري ^^ وان شاء الله راح أكون متابعة قوية لرسوماتك ;)

anime madly

13-09-2007, 11:59 PM

MEIKO
شكرا الك صديقتي عالرد الحلو انا مجنونة بالانمي القديم مع اني بصراحة مش عارفة شو يعني ريوكو T T _-_"

..أتمنى الوصول لهذه المرحلة ، وان كنت أظنها بعييدة علي :31:

االمهم صديقتي لا تحكي هيك انتي مبدعة انا شفت رسمك لووووووول انا فرحت لما شفتك راسمة جورجي بموت

عليها ^^ انا بحاول اجمع بين القديم والحديث بعدين ما الي اسلوب معين عكل شكرا كتير عالرد الحلو صحيح في شغلة صديقتي ازا بدك اتطوري رسمك حاولي ترسمي ملاحظاتك الشخصية يعني تبتكري طريقة رسم عيون الك لحالك او شكل الوجوه زي هيك...

shyam

14-09-2007, 12:16 AM

وعليكم السلام ورحمة الله وبركاته ..
مبرووك عالجاليري ..
المهم ..ستايل رسم الانمي بتاعك مميز واول مرة اشوف حد بيرسم بالستايل ده في منتدانا ..
عشان كده حاسة اني حتسلى في الجاليري بتاعك ..
بالنسبة للرسمة الاولى فهي فعلا حلوووة عجبني الشعر والعين.. بذات العين ..^_^
الكلب كمان كتكووووت ومتقننن ..^^
الرسمات الباقية كمان سووو ناايس..
Keep Going وحستنى اشوف جديدك ^.^

anime madly

14-09-2007, 11:50 AM

شكرا الك صديقتي shyam يسعدك حبيبتي عالحكي الحيلو ^^انشاءالله تتسلي اكتر واكتر رح احط رسمات جديدة عن قريب ........ كمان يمكن احط بمنتدى الكومكس والمانجا

L.B

14-09-2007, 01:15 PM

L.B انا مبسوطة عشان عجبتك الرسمات اه انا بحب الستايل القديم بالرسم الياباني ومتاثرة برسم mamiya okiبمووووووووووووت عليها بحاول اقلد رسمها وبنفس الوقت الي اسلوبي الخاص ... [/QUOTE]

خلاص معناتوا لازم تجمعي كل رسوماتها و نجاها عندك
انا ما الى خبرة في الكتاب بس هي الها مانجا كاندي كاندي وجورجي؟! صح أما لا
اعتقد اني بعرف موقع موجودين عليه اذا حبيتي الاستفادة

anime madly

14-09-2007, 01:54 PM

شكرا صديقتيL.B انا عن جد عندي كل رسوماتها بس المانجا تبعبتها مش كتير مهتمة فيها
اغلبها shounen aiوانا ما بحب هالنوع من القصص او بالاحرى ما بتعجب كل الناس الها قصة شوجو وحدة بس المهم انو رسمها بتميز بالنعومة واسلوبها مميز غير عن كل المانجاكا باليابان رح افرجيكي نمازج من رسمها رح يعجبك بديش اعمل تقرير عنها بس بدي افرجيكي شوي من رسماتها باختصار نفسي اسير زيها ......

Animation Maker

14-09-2007, 01:55 PM

Anime Madly سوف تأتي لتدرس عندنا

يا مرحبا يا مرحبا

في أي دولة سوف تأتين عندنا إلى الاردن ؟؟؟

anime madly

14-09-2007, 02:01 PM

هههههههه كيف يعني في اي دولة طيب ماشي ^^ في دولة عمان اكيد بتمزح ..... شكلو الصوم ماثر عليك

Animation Maker

14-09-2007, 02:04 PM

هههههههه كيف يعني في اي دولة طيب ماشي ^^ في دولة عمان اكيد بتمزح .....

يا إلهى

سوف تأتين عندنا إلى العاصمة

انا في عمان

وكنت أقصد في كلمة "دولة" "مدينة"

لكني لم أنتبه

وأهلاً وسهلاً في عمان

anime madly

14-09-2007, 02:20 PM

شكرا الك صديقي الصغيرAnimation Maker عادي مش مكلة كنت بمزح معك اهلا فيك انا مش اول مرة اجي عالاردن هيا بلدي التاني اكيد
شفت الرسمات الي حطيتها اليوم حلوة هاي تبعت ماميا الي نفسي اسير زيها

Animation Maker

14-09-2007, 02:24 PM

هل هذه الرسمات لوالدتك؟؟؟

إنها فوق الروعة

أحسدك على الام التي تحصلين عليها

مثل أمي...

درست الفنون والاشغال اليدوية

anime madly

14-09-2007, 02:38 PM

ههههههههههههههههههه انتا اليوم عن جد مش طبيعي ماميا قصديmamiya oki ههههههههه والله انت تحفة
هاي رسامة يابانية ياريت امي بترسم زي هيك لووووووول هوا اسم mamiya بضحك شوي

Animation Maker

14-09-2007, 02:42 PM

هههههههههههههههههههههههههههههههههه

لقد استغربت....

أم وترسم كهذه الرسمات اليابانية

لا تؤاخذوني

كل هذا من الصيام....

anime madly

14-09-2007, 08:15 PM

عادي صديقي مش مشكلة بس عجبتني الفكرة ههههههههه امي بترسم زي هيك لول امي بتعرفش انو انا بعرف ارسم اساسا هههههههه

Animation Maker

14-09-2007, 08:31 PM

هههههههههههههههههههههههههههههههههههههههههههههههههههههههههههههههههههههههههههههههههههههههههههههههههههه ههههههههههههههههههههههههههههههههههههههه

سانوسوكى

15-09-2007, 11:40 PM

السلام عليكم

اهلا اختى الغالية

ما شاء الله ما هذا الابداع ؟؟؟!!!

اول مرة اشوف الجاليرى تبعك , لالالا انتى فنااااااانة حقيقية

اسلوبك فى الرسمات الاخيرة يذكرنى باسلوب مانجا مش فاكرة اسمها

بس يا ربى نفس طريقة الرسم , ابدااااااع

الرسم و التلوين كله كله رووووووعة

ربى يوفقك و يزيدك

و كل عام و انتى بخير

فى امان الله

anime madly

16-09-2007, 01:10 AM

شكرا الك صديقتي بس عفكرة الرسمات الاخيرة مش رسماتي رسمات مانجاكا يابانية انا بحب رسمها شكرا عالرد

L.B

16-09-2007, 09:02 PM

جميلة جدا رسومات المانجاكا يلي ارفقتيها هنا بس عملت لبكه لزيزة في المعرض
ضليتني اضحك طول صفحة ونص على ممامك يلي بتعرف ترسم ... فعذرينا

anime madly

16-09-2007, 09:37 PM

Animation Maker

16-09-2007, 09:50 PM

ههههههههههههههه اه animation maker كان تحفة يومتها مشعارفة شو قصتو يا حرام شكلو تعبان من الصيام ياحرام.......... لا مش مشكلة صديقتي اصلا انا نزلتها عشانك عشان انتي حكيتيلي انو الرسامة الي انا بحكي عنها هيي الي رسمت
كاندي فورجيتك شو الرسمات الي رسمتها ومش هيي الي رسمت كاندي........شكرا على التواصل

انا تحفة....

لازم تحطوني في معرض المنتدى

يوميتها كان ضارب فيوزاتي

وكنت زي المجنون

وعملتيلي نغمة كمان

"شو قصتو يا حرام و تعبان من الصيام"

ضليتني اضحك طول صفحة ونص على ممامك يلي بتعرف ترسم ... فعذرينا

"ضليتني " ؟؟؟

شة اللغة الي بتتكلم فيها ؟؟؟

على أي حال كانت طرفة جميلة ^^

anime madly

16-09-2007, 10:08 PM

Animation Maker

16-09-2007, 10:13 PM

اوه صديقي animamtion maker لا تزعل انا ماقصدي اشي تحفة قصدي ظلك خفيف دمك خفيف يعني بعدين انا في الاول فكرتك
بتتمسخر عاسم المانجاكا ^^لووول بالعكس انتا عملتلي نشاط بالمعرض بعد ماكن ممل وبنعس... عكل رح انزل رسمات جديدة انشالله عن قريب اتمنى تكونو متابعين الها ...

هههههههههههههههههههههههههههه

انا لم أزعل ولا حاجة

وانا أعرف معنى تحفة

والجميع يقولون عني تحفة ^^

بل عكس...

انا أفتخر إني أكون تحفة

وننتظر جديد رسماتك.....

وشكراً

Animation Maker

16-09-2007, 10:16 PM

نسيت ان أقول :: انيمي مادلي إيدك ان كنت تحبين تعلم ***** الانيمي انتظري جديدي وال " ***** " حتى لا تفشل المفاجأة

sosano

16-09-2007, 11:52 PM

أشكرك على رسومك الجميلة......
وبداياتك جيدة....
واستعمالك للفحم ايضا جيد.....
ولكنك تحتاج الى مهارة أكثر في رسم الملامح والأشخاص......
والى الأمام

anime madly

17-09-2007, 05:50 PM

مرحبا اصدقائي اليوم محظرة رسمات جديدة انشالله تعجبكو بس لوسمحتو ياريت حدا فاضي يعملي دمج لاول رسمتين رحا احطهن ما عرفت ادمج عندي مشكلة ببرنامج الفوتوشوب بعد الدمج بتطلع احلى بكتير

اوكي اول رسمة ولد كان بدور عاختو الصغيرة لقيها بحديقة مع ولد غريب ومضيفها قهوة وكيك :bigeyes: المهم انشالله تكون الرسمات احلى من القصة :Dهي هي هي ....

اللمسة السحرية

17-09-2007, 06:15 PM

السلام عليكم ورحمة الله تعالى وبركاته
رمضان مبارك عليك
لالا هدا ابن عمها عادي ماصار شي ماصار شي ههه
بصراحة الرسمة اعجبتني بالفعل واصبح رسمك اكثر تحسنا
ماشاء الله والي اعجبني اكتر هو الشعر تحفة وبالتحديد بالتحديد شعر
الفتاة ماعندي تعليق عليه برافو عليك
الرسمة ككل ابداااااااااااااااااااع وخطوطها متقنة .. انا عارف
ان اخ الفتاة اخفض راسه يعني مش معوج او شي وضعيتو هيك
... يسلموووو اختيanime madly (http://www.montada.com/member.php?u=452411)
على هدي التحفة ولا تحرمينا من المزييييد

Animation Maker

17-09-2007, 06:39 PM

الرسمة جميلة جداً

لكن الرقاب طويــــــــــــــــــــــلة جداً

ومستواها ليس على الظهر

وشكراً

Fun

17-09-2007, 10:10 PM

الســــــــــــــــلام عليكم^^
كيفك يا قمر شو أخبارك إن شالله منيحه.......
مبروووووك إنتقال موضوعك للتميز:biggthump
وإن شالله نشوف الجاليري زاخر بأعمالك الفنيه....:D
===
الرسمي الأخيره ،،،، حلوي و الله........^.^
عندك رسم الشعر رووووعه متقنتيه ما شالله عليك...
و العيون أحلى و أحلى.....
فناجين الشاي شكلها حلو هههه....
الوضعيات صح ماشالله...
و الكوكسينيلي كمان شكلها ممتاز :D
و شو كمان؟!!
في تفاصيل كتير عاجبتني...خخخخخ
يعني بدال ما وجع راسك،،،الرسمي كلها ع بعضها حلوي و عاجبتني.......^.^
===
الله يعطيكي العافيه يا رب....و يوفقك...
طبعاً بانتظار جديدك دئماً حبيبتي...:hug:
تقبلي مروري...

anime madly

17-09-2007, 11:59 PM

شكرا الكو اصدقائي على الردود الجميلة انشالله اتكونو اتسليتو بالمعرض تبعي

sosano شكرا الك صديقتي عالملاحظات الحلوة

المسة السحرية شكرا الك صديقي :bigeyes:لوووول شومالك انتي الي فهمت الموضوع غلط هاي البنت سغنوطة عمرها بس 13 سنة ههههههه ماخدين الموضوع بجدية اه الولد انحنا عشان في شجلر وهيك هاي قصة ازا عملتها رح انزلها بالكومكس انشالله

animation maker شكرا صديقي بس انا مش حاسة الرقاب طويل بس يمكن جسم الولد ابو شعر طويل في اغلاط شوي

*Fun* شكرا عزيزتي الله يبارك فيكي شو القصة شو تميز وماتميز:33: والله انا بعرفش بقول لحالي ليش صارلون موضوعي اخضر ههههههههههههه لسا تو عرفت
المهم انو الرسمة عجبتك انا دايما بكبر الرسمات عشان تقدرو تشوفو التفاصيل انا بحب التفاصيل كتير انا مبسوطة عشان الرسمة عجبتك ....

عفكرة انا من الصبح في رسمة بحاول انزلها ومعية تنرفع معي :12:حلو كمان كتير رح تحبوها

L.B

18-09-2007, 12:17 AM

الرسمة الاخيرة تحفة
والله مو عارفه ع شو ولا عشو بدي اعلق
البنت يلي بايدها اللعبة صفنت فيها فعلا رائعة
وام اسليمان يلي ع الشجرة مو ناسية التفاصيل
كل الموجودين في الصورة رائعين
اتخيلها بالألوان تهبل

حبيبتي ما فهمت شو قصدك بالدمج يعني احط التنتين فوق بعض! " اكررها مرتين فوق بعض"

anime madly

05-01-2008, 10:21 AM

مرحبا ل بي انا بعتلك رسلة خاصة مابعرف ازا وصلت بس حبيت احكيل اني بجامعة عمان الاهلية

Another

10-01-2008, 03:08 AM

سلام
كيفك اختي
اسلوبك برسم مميز وحلو
عجبني كثير خاصرة برسم العيون
لكل اسلوب مميز بتعبير رسم العيون وطريقة رسم الشعر متمكنه وصايرين اضعاف زز ^_^"
تعليقي على الرسمة ان الشجر مومعروفم كانها هي قريبه بعيدة موباين البعد حقها او اني ماقدر اميز البعد حقها
الولد اللي منزل راسه عن الشجار صاير حركته ماتدل على المعنى
الولد والبنت ضايقتيهم حيل بجهت اليسار - الطاولة مو كامة بشكل مريح وهو قريب حيل لطاولة
البنت برسم عيونها وراسها بينت ان عمرها كبير محتاجة تبينين برائة اكثر

وبس ... كلهم وجهات نظر لا اكثر ولا اقل
اتمنى احصل تقبل منك للملاحظات
موفقه خيتو

أمير المجرة

17-01-2008, 04:41 PM

رسم جميل ....

فرج لامين

20-01-2008, 02:17 PM

شكرا مع بعض الملاحظات البسيطة والتي لاتنفي فنك ولاحسك الفني .. ملاحظاتي
1-دراسة الظل دراسة جيدة ..أي تحديد مساقط الاضاءة
2-حتى تكون الرسمة متكاملة يجب عدم اهمال اي جزئيه فيها..مثلا رأيت يجب وجود ظل بين القميص والرقبة
+ الاهتمام بالابعاد والنسب مع عدم التركيز علي المسح بالاصبع في التظليل واينما يكون برفع سن القلم والضغط
عليها لتباين الظل..وهذالاينفي كونك مبدع أو مبدعة
3- يجب ماتخلي فواصل بين الظل والاضاءة يعني يكون غيرغير محسوس..والكلام للجميع مع خالص تمنياتي بالتوفيق

iraqi spec ops

20-01-2008, 11:52 PM

مرحبا
كيف الصحة..ما شاء الله الرسوم روعة بس تحتاج الى ملاحظات
واعتقد الاخوه والاخوات مقصروا ننتظر المزيد ان شاء الله
تحياتي

naseh

16-02-2008, 12:11 PM

ياي الرسمات بتجنن ...................... انتي لازم تشاركي برسم الانيمي الياباني........ما شاء الله ماشاء الله ..
ارجوكي لا تتأخري علينا برسوماتك الجديدة....
مع تمنياتي بالتو فيق والنجاح..

anime madly

16-02-2008, 12:41 PM

اول شي شكرا صديقي another ملا حظات حلوة رح اركز عليها شكرا عالرد

اخي hazem شكرا الك عالرد انا رسمي جميل عارفة:Dها ها ها

فرج لامين شكرا كتير غلبت حالك شكلك دارس فنون تشكيلية او حجة زي هيك عندك خبرة ههه صراحة نص الحكي ما فهمتو :Dبس شكرا كتير كتير يعني بالاخر شو رايك يعني حلو ولالا بعدين بالعكس انا بدي الرددود كلها تكون زي ردك

iraqi spec ops الحمد لله انا كويسة انتا كيفك شكرا على الرد انشالله بنزل بس بدكو تستنو علي