عام نصحيه: اريد ان اشتري تلفاز HD [الأرشيف]

soul_UAE

09-08-2007, 08:00 AM

في موديل جديد من سوني 32 بوصه ميزاته في السعر والمواصفات يتفوق على سامسونج ...

موديله klv32v300 sony .......

مواصفاته يدعم الريسولوشن 1080P وسعره 3976 درهم .....

وقبل ماتشتري قارن هذا التلفزيون مع التلفزيونات الي نصحوك فيها الشباب وشوف فرق المواصفات في تلفزيون سوني .............

فوق المستحيل

09-08-2007, 09:27 AM

سول ماعمري بحياتي سمعت ان في تلفزين 32 يدعم 1080 بي

لكن بقول كم كلمه بخصوص تلفزيونات الال سي دي لان عندي اثنين منهم

واحد سوني برافيا v حجم 32 بوصه true hd

وواحد سامسونج m81 حجم 46 بوصه full hd

حسب تجربتي ..اتضح لي ان الال سي دي عموما لا يصلح للبث العادي او العاب الجيل القديم

بالعربي الال سي دي..مخصص لل hd

لما تشغل شي مو hd تكرهه نفسك وتندم انك شريت التلفزيون

ولما شريت السامسونج اتضح ان انه ايضا مايصلح للدي في دي الاصلي للفلام بينما البرافيا كان يصلح لها..يمكن لانه اقل جوده فيتقبلها

مادري هل كل مازادت المواصفات قلت جوده التلفزيون مع البث الضعيف

امر محير بصراحه

ولاحظت شغله غريبه..السامسونج ممتاز مع الاكس بوكس ..لكن مادري شفيه على السوني 3.لكن ايضا زين بعد لكن مو نفس الاكس بوكس

واما عن نصيحتي لك..فاانا والله اقولك ياسوني ياسامسونج..الكل ممتاز انشالله

Yusuke Urameshi

09-08-2007, 11:45 AM

اخوي انا كنت نفسك شريت تلفزيون فيليبس سنة 2005 و ما كان فيه hdmi و لم عرفت ان ما يدعم full hd زعلت و تضايقت المهم شريتلي تلفزيون samsung LA-46M81 full hd حده عجيييب و الحمدالله جهزت اموري للجيل الجديد نصيحتي لك اصبر ترا تندم جمعلك جم قريشات حتى لو انشالله تنطر سنه ونص اصبر انا نطرت سنه ونص على ما شريت التلفزيون نصيحتي لك اخذ سامسونج طبعأ الي عندي 46 بوصه و شغل عدل يعني ميه ميه ولد عمي

SUPER HUNTER

09-08-2007, 01:46 PM

معروف انه افضل تلفزيونات lcd hd هي من شركة سامسونج ..

لووول هل انته متأكد اخي العزيز ان سامسونج افضل من سوني في تلفزونات lcd hd معلومة جديدة :D
يعني سامسونج احسن عن تلفزون سوني برافيا اكس شي رائع حقا :D

Yamato

09-08-2007, 05:09 PM

انا عندي سامسونج فل اتش دي.. ووضوح الصورة 15000:1
بسعر 8950 درهم...
ممتاز للمشاهدة... بس بعدني ما جربت السوني 3 عليه...

kingx11

09-08-2007, 07:16 PM

انتظر لين 2008 بتنزل نوعيات جديده وسوني بتنزل تلفزيونات بتقنية OED الجديده

مدمن جيمز

10-08-2007, 01:05 AM

انتظر لين 2008 بتنزل نوعيات جديده وسوني بتنزل تلفزيونات بتقنية OED الجديده

وليه !!
شنو هل النوعيه بعد ؟؟

انا الحين قاعد اجمع حق تلفزيون بريفيا اكس 46 بوصه

شكلي بهون وبنطر لي ال 2008

kingx11

10-08-2007, 01:28 AM

^^^^^^^^^
النوعيه هذي لحد الآن شاشات كمبيوتر بحجم 11 انش بتنزل هالسنه وبتكبر وتتوسع وتصير شاشات بلازما يعني ارتاح انا كنت العوزكم فوق :D

لكن الاهم هو شاشة سامسونج الجديده 81 الي فيها خاصية 10g وهي الجيل العاشر من الالوان ((حوالي 20 مليار لون زياده عن الاجهزه الحاليه مثل برافيا اكس وسلسلة f من سامسونج)) والخاصيه متوفره في الاحجام من 46 انش وطالع اما ال40 انش مافيها الخاصيه

وهذا التلفزيون

http://www.samsung.com/us/consumer/detail/detail.do?group=televisions&type=televisions&subtype=lcdtv&model_cd=LNT4665FX/XAA#

FARES360

10-08-2007, 01:30 AM

لووول هل انته متأكد اخي العزيز ان سامسونج افضل من سوني في تلفزونات lcd hd معلومة جديدة :D
يعني سامسونج احسن عن تلفزون سوني برافيا اكس شي رائع حقا :D

:09: ويعني ما اقتبست الا ردي بالذات ليش؟ :D على فكره كنت داري انه فيه احد بيقتبس ردي ويعلق لأنه حسيت بالكره في منتدى البلاي :biggthump بس عناد قاعد لكم
فيه فوقي 3 قالو نفس الكلام انه افضل تلفزويونات lcd hd هي السامسونج
ولما تروح المحل أسالهم بيقولك نفس الكلام :أفكر: مو من عندي هالكلام :sleepy:

مدمن جيمز

10-08-2007, 02:19 AM

maxi

10-08-2007, 04:11 AM

مشكورين شباب .... والله انا احترت كل واحد يتكلم عن نوع !! بس اشوف الاغلبيه تكلم عن Samsung..!!
ما هو ارخص نوع من Samsung ؟ 32 بوصه يفرق عن ال 40 بوصه ؟ (غير الحجم ) اقصد في المواصفات !

فوق المستحيل

10-08-2007, 05:23 AM

السامسونج m81 احدث من السوني x لذلك فهو الافضل

الفروقات التقنيه

السامسونج m81

كونتراكت 1 :15000

البرافيا x

1:7000

وصلة hdmi

السامسونج m81

1.3

البرافيا x

العاديه

دعمه full hd عن طريق HD component

السامسونج m81

يدعم

البرافيا x

لا يدعم

ملحوظه : عدم دعم البرافيا x للاتش دي كومبونت لوضوح full hd امر يضر اصحاب الاكس بوكس 360 العاديه

بالنسبه لللاخ ماكسي

ما هو ارخص نوع من Samsung ؟ 32 بوصه يفرق عن ال 40 بوصه ؟ (غير الحجم ) اقصد في المواصفات !

هناك اظن ثلاث انواع من السامسونج 32..وفرق السعر بسيط..لكن افضلهم هو صاحب الكونتراكت 1 : 8000 واهم شي الكونتراكت ركز عليه اخوي

الفرق بين ال 32 وال 40 ليس بالحجم فقط..بل هناك 40 full hd وكنتراكت اظن 1 : 15000

الفرق كبير لكن الافضل لل full hd هو حجم 46 بوصه

وبالتوفيق

kingx11

10-08-2007, 10:38 AM

^^^^^
تصحيح

البرافيا اكس يدعم hdmi 1.3

فوق المستحيل

10-08-2007, 11:09 AM

الله يعلم يمكن..لكن الي قريته بموقعهم مو مكتوب انه يدعم 1.3

kingx11

10-08-2007, 12:54 PM

هو عالعموم الhdmi 1.3 مايفرق عن الوصله العاديه الا بدعم true hd audio فقط

maxi

10-08-2007, 01:27 PM

dما شالله عليكم ... والله انا حاليا ما افهم كثير في هل الامور...ان شالله اليوم رح اشتري تلفاز HD
بس ما فهمت شو يعني الكونتراكت ؟!! وياليت لو حد نصحني في تلفاز يكتب اسم التلفاز كامل عشان اسال عنه ! وياليت يكون مجربه قبل على ps3 ..

maxi

11-08-2007, 12:45 AM

مشكورين شباب ما قصرتوا...اشتريت اليوم TVHD من شركة Samsung
بالتوفيق للجميع..

البيكهام هام

11-08-2007, 01:58 AM

عالبركه:)
الكونتراست هو التباين شوف الورقه اللي بالتفزيون فيها رقم 5000او 7000؟

فوق المستحيل

11-08-2007, 02:17 AM

مبروك وياريت يكون الكونتراكت 8000

فوق المستحيل

11-08-2007, 01:50 PM

هو عالعموم الhdmi 1.3 مايفرق عن الوصله العاديه الا بدعم true hd audio فقط

لكن شلون تفسر ان بعض وصلات HDMI يدعمون 720p و 1080i فقط

؟؟بسكوت+مالح؟؟

12-08-2007, 03:12 PM

لكن شلون تفسر ان بعض وصلات HDMI يدعمون 720p و 1080i فقط

لو كلامك صحيح مالقينا البرافيا إكس بـHDMI عادية وهو يدعم 1080p

إذا تقصد السلك نفسه فهذا كلام ثاني

فوق المستحيل

12-08-2007, 03:22 PM

نعم اخوي اقصد السلك نفسه..انا شفت سلك مونستر مكتوب عليه يدعم 720 بي و 1080 اي

لكن انا مشغل عليه بلايستيشن 3 على 1080 بي

هل يأثر يعني والا شنو ؟

thingslike_life

12-08-2007, 04:40 PM

ما يأثر والله اعلم

فوق المستحيل

13-08-2007, 06:50 AM

شلون مايأثر وانا قاري في كتيب تلفزيون سامسونج انه من الممكن ان تتأثر الصوره ان استخدمت وصلات HDMI القديمه بدلا من وصلات 1.3

امر غريب !

المهيري

13-08-2007, 07:49 AM

مع احترامي السوني برافيا لين الحينه هو اقوى تلفزيوون
انا الي عندي شارنة ب 11000 درهم الحينه ب 10000 مسوين تخفيض
مجرب علية افلام البلو راي وال ps3
السامسونغ حلو للافلام بس سمعت انه في مشاكل في الالعاب....

فوق المستحيل

13-08-2007, 11:48 AM

انا جربت الاثنين..برافيا وسامسونج..السامسونج افضل بسبب الالوان وتدرجها
ولا فيه اي مشاكل بالالعاب ابدا..بالعكس له مود خاص للالعاب

maxi

13-08-2007, 05:11 PM

انا كنت مقتنع في ال Samsung بس بدت ثقتي تقل فيه !!
انا متاكد (واتمنى) ان يكون الغلط في الاعدادات او الوصله او شي ! ان شالله ما يكون التلفزيون له علاقه !
شوفوا الموضوع
http://www.montada.com/showthread.php?t=549378
وياليت حد يساعدني..

joker_zambrotta

13-08-2007, 06:23 PM

شنو يفرق الhdmi 1.3 عن الhdmi العادية .....اعتقد ال1.3 موجوده بالسوني 3 صح؟

فوق المستحيل

13-08-2007, 07:01 PM

اخوي ماكس المشكله بالعرض لا تحاتي

اخوي جوكر..نعم موجوده بالسوني 3

اما الفرق فااظن انها بكميه المعلومات المنبعثه بالوصله نفسها بالثانيه

maxi

13-08-2007, 07:59 PM

طب اخوي سوؤال هل استطيع تغيير 720 بي الى 1080i عن طريق التلفزيون لو اقدر ممكن تقولي الطريقه .؟
والله انا ماعرف في هذي الامور ! بس حابب اجرب !

kingx11

13-08-2007, 08:39 PM

لا مايصير من السوني نفسه تغير جودة العرض

ادخل DISPLAY SETTINGS وبتعرف

son of cid

13-08-2007, 08:55 PM

انتظر لين 2008 بتنزل نوعيات جديده وسوني بتنزل تلفزيونات بتقنية OED الجديده
والـ OED راح تكون بجودة الـ LCD .. ؟
أكيد في فرق في السعر عن الـ LCD.. أغلى ولا أرخص ؟

kingx11

13-08-2007, 09:40 PM

والـ OED راح تكون بجودة الـ LCD .. ؟

أكيد في فرق في السعر عن الـ LCD.. أغلى ولا أرخص ؟

مثل ماقلت قبل التقنيه جديده وسوني تطور فيها من عام 1992 وLG توها بدت تطور فيها

http://media.teamxbox.com/dailyposts/hardware/oled_sony11inch_02.jpg

سوني عرضت شاشات كمبيوتر LCD بتقنية OLED في معرض طوكيو للألكترونيات وحجم الشاشه 11 انش وسمكها 3 مليمتر مثل ماتشوفون فالصوره ويعرض رزلوشن 1204×600 واما 27 انش ((اللي مانزل للحين)) بيعرض FULL HD ويذكر ان شاشة ال11 انش تعرض كونتراست بقدر 4000:1 وهذا شي لايذكر بالنسبه للتقنية الجديده لانهم يخططون لاصدار شاشة بلازما من هالنوع بمقدار 1000000:1 كونتراست ((مليون مب بسيطه لكن بالتقنية الجديده تعتبر شي عادي))

http://media.teamxbox.com/dailyposts/hardware/oled_sony11inch_01.jpg

التقنية على حد قول LG تستخدم الزيت والماء في عرض الفيديو والالوان وهي تقنيه ارخص وافضل واريح للعين

وسوني تعتزم اصدار اول شاشه من النوع الجديد فالأسواق عام 2007 لكن بتكون تجريبيه يعني مب كامله واحتمال تصدر فاليابان فقط ومن المقرر صدورها بشكل رسمي وكامل عام 2009

واسعارها بتكون واقعيه لرخص تكلفة انتاجها

son of cid

13-08-2007, 09:52 PM

شكراً kingx11 على المعلومات المفيدة.

إن شاء الله تطلع بدري ونفتك .

فوق المستحيل

13-08-2007, 09:57 PM

معلومات جميله اخوي كينج لكن للاسف وقت صدورها عام 2009 وهالوقت معظم الالعاب القويه قد صدرت

Mr.Chief

13-08-2007, 10:00 PM

اخوي فوق المستحيل

ماشاء الله شكلك خبير في الشاشات

بغيت افضل شاشة سامسونج حق الـ Xbox Elite والـ PS3

ملاحظه : بوصه40 LCD Full HD

Homoud

13-08-2007, 10:22 PM

^
^
^
^
^

ما تقدر تخليها 46 بوصة :p
اضغط هنا (http://www.samsung.com/us/consumer/detail/detail.do?group=televisions&type=televisions&subtype=lcdtv&model_cd=LNT4665FX/XAA#)

هذا الأحسن :)

Mr.Chief

13-08-2007, 10:32 PM

ما تقدر تخليها 46 بوصة :p
اضغط هنا (http://www.samsung.com/us/consumer/detail/detail.do?group=televisions&type=televisions&subtype=lcdtv&model_cd=LNT4665FX/XAA#)

هذا الأحسن :)

اكيد اقدر

حفظت الوصله في القائمه

والله يعطيك العافيه على المجهود

السموحه ...,,

فوق المستحيل

14-08-2007, 08:09 AM

هلا اخوي مستر شيف..طبعا اذا تقدر تخليها 46 افضل وافضل

مع احترامي الشديد لللاخ حمود..ان الفئه الي موجوده بالرابط اقدم واقل جوده من الي بقولها لك الحين

اخذ السامسونج 46 فل اتش دي..الكونتراكنت ماله 15000 فئة M81...ركز على هالرقم وحتى لو تبي 40 اخذ سامسونج فل اتش دي وكونتراكت 15000 وفئة M81

وانصحك لا تعلق التلفزيون..لانك لما تعلقه راح تواجه مشاكل في تغير الوايرات من ورى

وحياك الله اخوي

GameCubeالمحترف

15-08-2007, 12:04 AM

شباب ما هو الافضل البلازما أم الــ LCD ويا ريت تقولون لي الفرق
ويكون حجمه 46 بوصه سوني أو سامسونج ويا ريت تعطوني صوره التلفاز
ويكون full hd و 1080P
وما الفرق بين True hd و Full Hd
ويكون يصلح للمشاهده على الرسيفر لأن الاهل يبون يطالعون فيه سمعت ان الــ HD لا يصلح لمشاهده الرسيفر
وارجوا اني ما تعبتكم من كثر الاسئله
وشكرا

فوق المستحيل

15-08-2007, 07:49 AM

الال سي دي افضل بلا شك

والفرق بين full hd و true hd هو ان الاول 2 ميجا بكسل والثاني 1 ميجا بكسل..والاول يدعم اشاره 1080 بي والثاني مايدعمها

ان كان القصد من التلفزيون الرسيفر..فاانا انصحك بالسامسونج لاني جربته على الرسيفر وهو ممتاز

لكن بما ان الرسيفر ليس hd فلن ترى جوده مرضيه لاي تلفاز hd مع الرسيفر

اخذ سامسونج 46 بوصه فل اتش دي فئه m81

النورس المعلا

15-08-2007, 07:54 AM

ياجماعة انتم تتكلمون انة وضوح الصورة يجي لها رقم ..

كيف اعرف الشاشة حقي كم وضوحها

شاشتي LCD من شركة NIKAI 32 بوصة HD READY

فوق المستحيل

15-08-2007, 07:58 AM

ابحث عنها في الكتيب للتلفزيون وسوف تعرف

النورس المعلا

15-08-2007, 08:25 AM

ابحث عنها في الكتيب للتلفزيون وسوف تعرف

720P OR 1080i

هذا هو
:D

فوق المستحيل

15-08-2007, 12:04 PM

نعم تلفازك TRUE HD

al3ndawe

15-08-2007, 05:36 PM

السلام عليكم ورحمة الله وبركاته

شباب انا كنت ناوي اشتري sony bravia x series لكني قريت في المنتدى ان في موديلات يديده بتنزل من سوني نوعها ocd فهل تنصحوني اتريا الموديل اليديد والا اتوكل على الله واشتري x series

وعندي سؤال ثاني شو الفرق بين sony bravia x series و bravia sxrd للعلم الاثنين full hd و2 mega pixel وتقريبا باقي المواصفات متشابها ولكن الفرق في السعر ال x series 46 inch سعره 12,999 درهم و sxrd 60 inch سعره 11,999 درهم , تلاحظون الفرق في حجم الشاشة لصالح sxrd لكن يبقى سعر x series اعلى ممكن حد يوضح لنا السبب :33: .

وقبل ما انسى تهنئة من القلب لاخونا النورس المعلا على المولودة اليدية والله يحفظها من كل شر وتتربا في عزك انشاء الله

ختاما تقبلوا تحياتي اخوكم
al3ndawe

فوق المستحيل

15-08-2007, 05:43 PM

اهلا فيك.اخوي الي اعرفه ان شاشات ocd اتوقع انها تتنشر عام 2009..وبهالوقت تكون معظم الالعاب نازله

يبدوا لي ان التلفزيون bravia sxrd بروجوكتر..تأكد من هالشي..لكن ان كان بروجوكتر

فالافضل sony bravia x series لانه ال سي دي

لكن ان كنت من مستخدمي الاكس بوكس..فلن تستفيد من دقه 1080 بي

ahat45

15-08-2007, 06:36 PM

أخي فوق المستحيل...........يعطيك أأأأألف عافية.........بالنسبة لشاشة bravia sxrd بروجوكتر وأنا متأكد من هاالشي بس حبيت أنصح أخي al3ndawe بشاشةsony bravia x series بصراحة أحسن شاشة بالسوق الى الان هيsony bravia x series واتمنى التوفيق للجميع.........................

NikoBellic

15-08-2007, 06:40 PM

لكن ان كنت من مستخدمي الاكس بوكس..فلن تستفيد من دقه 1080 بي
اخوي فيه العاب تدعم 1080p كثيرة على الاكس بوكس
والـ 360 يوفر لك هالخاصية من الاعدادات .. روح System Settings وبعدين Display حط على 1080p !

فوق المستحيل

15-08-2007, 07:01 PM

اهات شكرا اخي لكن سامسونج فئه m81 متوفقه تقنيا...لكن الكل زين انشالله

اخ نيكوا انا اقصد ان السوني اكس سيريس مايدعم 1080 بي الا عن طريق وصلة HDMI والاكس بوكس الي عند اغلب الناس حاليا الكومبوننت

اتمنى وصلت الفكره

GameCubeالمحترف

16-08-2007, 06:05 AM

طيب اخوي فوق المستحيل

يعني اذا استخدمت تلفزيون قديم على الرسيفر بكون اوضح من تلفزيون HD على الرسيفر؟
وهل يوجد تلفزيون اقوى من سامسونج m81 ؟
وكم سعر التلفاز الــ M81 وابي اشوف صورته ووموقع يكون احسن

فوق المستحيل

16-08-2007, 08:53 AM

يعني اذا استخدمت تلفزيون قديم على الرسيفر بكون اوضح من تلفزيون HD على الرسيفر؟

اعتقد بيكون انقى فقط لكن الالوان يكون الال سي دي افضل

لان في الغالب الال سي دي مخصص للوضوح العالي ( HD ) فعدم وضوحه مع الستلايت هو عدم توافق الاشاره

لان التلفزيون قد يدعم 1080 اي ..والرسيفر 480 بي كااقصى حد

وهل يوجد تلفزيون اقوى من سامسونج m81 ؟

لا اعتقد حاليا في اقوى منه تقنيا

وكم سعر التلفاز الــ M81 وابي اشوف صورته ووموقع يكون احسن

سعرهم 1030 دينار كويتي

وهذا رابط فيه صورة الجهاز ومواصفاته

http://www.megastore.co.za/product_info.php?products_id=6460

النورس المعلا

16-08-2007, 10:01 AM

وقبل ما انسى تهنئة من القلب لاخونا النورس المعلا على المولودة اليدية والله يحفظها من كل شر وتتربا في عزك انشاء الله

al3ndawe

اللة يبارك فيك حبيبي وعقبالك يارب

وصلت تهنئتك واشكرك جزيل الشكر عليها

:biggthump

thingslike_life

17-08-2007, 08:33 AM

يا شباب ابشركم شرييت تلفزيون
Samsung كنونتراست 8000:1

32 Inch LA32R81BD

هذي الوصله
http://www.samsung.com/au/products/tv/lcdtv/la32r81bd.asp?page=Specifications

scaryface

17-08-2007, 09:59 AM

اخوي فوق المستحيل

في فرق بين 720 بي و 1080 بي ؟

او 1080 اي و 1080 بي ؟

سمعت انه الفرق بسيط شو رايك ؟؟

شو رايك في سامسونج 32 بوصة مع كونتراست 8000 وثلاث فتح HDMI ??

اسمحلي ثقلت عليك الاسئلة

فوق المستحيل

17-08-2007, 01:06 PM

اخوي ثينج الجهاز جيد ان شاء الله

اخوي سكاري نعم هناك فرق..وعن تجربه بين 720 بي و 1080 بي..الفرق لا يستهان به

والدليل قم بتجربه عرض 720 بي على تلفزيون 1080 بي..سوف تجد عدم وضوح..وذلك لان عرض 720 بي اصبح له تكبير لكي يوازي 1080 بي

ولكن لما تشغل عرض 1080 بي لنفس العرض السابق 720 بي على تلفزيون 1080 بي..راح ترى الفرق واضح

طبعا تلفزيون 1080 بي قادر على تشغيل 720 بي

يعني لكي ترى عرض 720 بي بوضوح جيد..حول الاشاره من 1080 بي الى 720 بي...وسوف ترى كيف كان الفرق

اما 1080 اي و 1080 بي...نعم لا يوجد فرق كبير..لكن ..بالاحجام الكبيره من 46 بوصه فما فوق ترى فرق

فوق المستحيل

17-08-2007, 02:05 PM

اسف نسيت..مبروك ثينج..

اخوي سكاري ان شاء الله الجهاز جيد

scaryface

17-08-2007, 06:10 PM

اخوي فوق المستحيل

اشكرك اخوي

الله يكثر من امثالك

فوق المستحيل

17-08-2007, 09:32 PM

تستاهل نحن في الخدمه اخي

A.F.A

18-08-2007, 11:18 PM

http://www.samsung.com/au/hdtv/s8.html

هل هذا افضل شي حق HD وبكم سعره تقريبا؟

GameCubeالمحترف

19-08-2007, 03:51 AM

شباب في الرابط اللي ذكره اخونا A.F.A
ماهو اقوى جهاز تلفاز؟؟
وهل بينهم جهاز M81؟

thingslike_life

19-08-2007, 07:14 AM

اخوي AFA الجهاز الي ذكرته جيد لكن

لاحظ الكنتراست 7000 وايضا انه مو full hd يعني hd ready

فوق المستحيل

19-08-2007, 08:22 AM

AFA

مثل ماقال لك الاخ ثينجس

اخوي المحترف..اعتقد ان اقوى فئه لحد الان فئه m81 الي كونتراكت 15000

A.F.A

19-08-2007, 11:08 AM

أهااا مشكورين شباب ما قصرتوا

GameCubeالمحترف

19-08-2007, 03:15 PM

شباب في اجهزه فيها Game Mode مثل R7 و R8 هل هي اقوى في الالعاب ولا ايش؟

فوق المستحيل

19-08-2007, 03:25 PM

الجيم مود موجود في اغلب فئات السامسونج HD

انا اشوف ان هالميزه جدا ممتازه

GameCubeالمحترف

19-08-2007, 04:35 PM

طيب ويش فايدتها؟
لكن هالخاصيه غير موجوده في الــ m81 صح فليش تنصحون فيه؟

فوق المستحيل

19-08-2007, 04:40 PM

من قالك انها مو موجوده بالعكس الخاصيه موجوده بال m81 ..وفايدتها تخلي لك الالعاب اكثر واقعيه

بالعربي تضبيطات بالاعدادات تصلح للالعاب فقط

GameCubeالمحترف

19-08-2007, 04:42 PM

في هذا الموقع غير مذكوره الخاصيه
http://www.samsung.com/au/hdtv/m8.html

عكس جهاز R7 اللي مذكور فيه هذي الخاصيه فتوقعت انها غير موجوده في الحهاز الاول

GameCubeالمحترف

19-08-2007, 04:51 PM

كم سعر جهاز M81
46 بوصه و 40 بوصه

في هذا الموقع مذكور سعره RRP $5,499 يعني 20000 ريال وهذا سعر خيالي جدا طبعا الــ 46 بوصه
http://www.samsung.com/au/products/tv/lcdtv/la46m81bd.asp

فوق المستحيل

19-08-2007, 04:57 PM

عزيزي المحترف..كن على ثقه تامه ان m81 فيه game mode لكن الصفحه التي لديك لم تكتبها

لكن حتى تعرف ادخل صفحه المواصفات بهذا الرابط وستجد الميزه موجوده باالاسفل

http://www.samsung.com/za/products/television/lcdtv/la46m81b.asp

سعر ال 46 1030 دينار كويتي..اي مايقارب 3500 دولار وعليك الحسبه في بلدك

اما الاربعين اظن سعره 880 دينار كويتي اي مايقارب 2900 دولار

تقبل تحياتي

A.F.A

20-08-2007, 11:45 AM

880 دينار مب كأنه وايد عليه صار نفس السوني غالي

فوق المستحيل

20-08-2007, 01:03 PM

880 احدث واقوى مواصفات من سوني..فئه السوني الموازيه لهذه الفئه لم تنزل بعد

فمن الظلم مثلا ان نقارن السوني x سيريس بال m81 لان m81 احدث منه

السوني x صدر قبل m81 ب6 شهور...فالمقارنه غير عادله...ننتظر سوني ومالديها من جديد واتوقع ان الاسعار سوف تفوق اسعار سامسونج

GameCubeالمحترف

20-08-2007, 04:00 PM

شباب يعني السامسونج اقوى من سوني مع ان الكل كان يتوقع ان السوني احسن

طيب ليش السامسونج اقوى من سوني؟؟

فوق المستحيل

20-08-2007, 04:10 PM

اخوي المحترف...انا بعطيك اياها من الاخر

الكل ممتاز والي يشتري منهم ماراح يندم

Smart Player

21-08-2007, 10:30 PM

اخوي فوق المستحيل !!
يعني بتقولي اذا شريت برافيا اكس وشغلت عليه شوتايم مثلاُ او اي قناة تلفزيونه راح اتحبط ؟!
سمعت انه ما يطلع عليه واضح , لازم افلام HD او اي شي HD !!

بس شلون يعني احط تلفزيونين يم بعض والعب بهذا واشوف شوتايم بـ هذا ؟!!!!!
ممكن تشرحلي اخوي الله يعافيك

فوق المستحيل

21-08-2007, 10:42 PM

اخوي سمارت..الفكره ان التلفزيونات من هالنوع تكون اوضح مايكون على بث HD

اما البعث العادي راح تلاقي تعرجات خفيفه جدا ماتأثر حيل بالصوره لكن يضل اقل جوده من الجهاز نفسه

فااعطيك مثال

تخيل تلعب لعبه سوني 2 على جهاز البلاييستيشن 3..تحس مالها قوه مثل الجهاز..لان الجهاز متطور وسابقها

فالسالفه نفسها بالضبط

انا مااقول انه قبيحه..ولكن اقول انها اقل جوده من التلفزيون..حتى لا يظن احد ان المشكله بالتلفزيون نفسه

وشكرا

Smart Player

21-08-2007, 10:48 PM

اها اوكي الحين فهمت
مشكور ما تقصر والله ^^
الله يعين-_-" عاد حاط ببالي اشتري برافيا اكس , المشكله اني (انغث) من الشغلات الصغيره
يعني احب كل شي بيرفكت , مافي طريقه اقدر اظبط التلفزيون على شان يكون البث واضح وقوي

وسوري اذيتك معاي ^^"

فوق المستحيل

21-08-2007, 11:03 PM

اخوي مادري شقولك بالضبط..انا سمعت ان في رسيفر HDMI ممكن يحسن لك الصوره اكثر من المطلوب

لكن صدقني راح يكون الاداء مرضي..لكن بيرفكت لا يمكن لان التلفزيون HD والبث SD

وحياك الله بالعكس ماكو اذيه..تعبكم راحه

kingx11

21-08-2007, 11:20 PM

بس شلون يعني احط تلفزيونين يم بعض والعب بهذا واشوف شوتايم بـ هذا ؟!!!!!
ممكن تشرحلي اخوي الله يعافيك

قصدك كذا؟؟

http://www.za7f33n.com/vb/uploaded/11/2wer.jpg

كل الاجهزه تحمل الخاصيه هذي ومفيده اذا كنت تبي تتابع فلم واخوك يبي يلعب :D

فوق المستحيل

21-08-2007, 11:25 PM

اهلا كينج

لا اخونا مايقصد انه يبي يتابع شيين بنفس الوقت

قصده ان الاج دي مايقدم اداء مع الستلايت فهو يقول يعني اشوف الستلايت بتلفزيون عادي والعب بالتلفزيون الاج دي

يعني محتار من سالفه الرسيفر

:)

kingx11

21-08-2007, 11:31 PM

ماعندنا رسيفرات تستقبل hd مافيه الا يجيبها من برى

حتى يوم يجيبها مافيه قنوات تعرض hd يمكن بس الجزيره near-hd الباقين للحين mpeg2

thingslike_life

22-08-2007, 08:35 AM

شباب هل فيه احد منكم سمع عن نظام مدد الي ب(اكسترا) يقولون حماية لمدة ثلاث سنوات اضافه الى نقله وضمان الجهاز. وخدمة تصليح خلال 24 ساعة

بس انا رفضته لاني شاك بمصداقيتهم اقصد (اكسترا) اتوقع اذا ما كان عيب مصنعي ما يصلحونه ببلاش وثاني شي النقل والتوصيل على حسابهم لمدة ثلاث سنين معقوله وبملغ قليل 490 ريال ما اصدق

احس اني مثل الي يشتري سمك في بحر

GameCubeالمحترف

30-08-2008, 01:52 PM

كويتي 777

30-08-2008, 08:14 PM

السلام عليكم

انا امس شريت تلفزيون Toshiba Regza 32AV500E HD-Ready

وبسعر 2200 تقريبا ومشكلته انه مش Full Hd

فهل ستكون العاب البلاي ستيشن 3 دون جودتها العاليه؟

مع العلم ان خلف التلفزيون توجد 5 الوان وضمنهم الاخضر والازرق

وشكرا...
انا عندي التلفزين هذا اذا حطيت دقة العرض 1080p
شغاله مافيها اي شي هل يعني انها تعرض full hd
على ال hdmi

فوق المستحيل

30-08-2008, 08:43 PM

full hd بهالاحجام ماله اي فائده

الالعاب كافي عليها 720p

الشاشه ماتعرض full لكن تقبلها وتعرضه بدقة اقل

يعني عملية downscaling

كويتي 777

31-08-2008, 04:40 AM

full hd بهالاحجام ماله اي فائده

الالعاب كافي عليها 720p

الشاشه ماتعرض full لكن تقبلها وتعرضه بدقة اقل

يعني عملية downscaling
بس انا اذا اخنرت 720p
الدقه تكون اقل وصارت كعاي لما العب warhawk
واذا اخترت 1080i
اتنقل بسرعه بين القوائم الاحظ وجود تشويش

فوق المستحيل

31-08-2008, 06:09 AM

الدقه اقل بنفس اللعبه ؟

مستحيل اخوي لان اللعبه اساسا 720p ..الفرق بين 720p و 1080p ماتحصله الا بحجم 50 فما فوق ولازم تكون قريب من الشاشه بعد

التشويش الي تقصده يمكن سببه ضعف زمن الاستجابه بالشاشه عندك...

back

04-09-2008, 06:22 PM

كل سنه وانتم طيبين ياشباب
حبيت اسالكم عن تلفزيون جديد من ال جي توه نازل السنه هذي اسمه سكارليت ايش رايكم فيه بالنسبه للالعاب انا شفته بعيني في كارفور صراحه شكله انيق وروعه ومكتوب عليه كونتراست 50 الف ياليت احد يفيدني اذا عنده خبره اكثر مني 0

فوق المستحيل

04-09-2008, 07:03 PM

هالشاشه صار عليها طلب كثير

ومجربينها يمدحونها

لكن مادري هل تقصد LCD والا بلازما

لان البلازما بــLG فيها مشكلة طبع بالصوره

M A S A

05-09-2008, 04:53 PM

انا عندي سامسنج 46 بوصه 12000 ريال و مره حلوة

انت تبغى رخيص و شركة معروفة خذ 32 بوصه 3000 ريال

احسلك اذا بتاخذها خذها من الشركة

كلة واحد بس الضمان

back

05-09-2008, 05:32 PM

انا قصدي ال سي دي سكارليت صراحه داخله مخي مرره الشاشه هذي ناوي عليها بعد العيد باذن الله بس ابي اتاكد من اللي مجربين انا يهمني الالعاب بس0

فوق المستحيل

05-09-2008, 10:08 PM

يهمك الالعاب اخذ سامسونج اخوي...لان فيها game mode الي مصمم من خبراء الاكس بوكس 360

وميزه يقلل اللاق بالصوره ويعطي افضل الوان ووضوح للالعاب

D.Otakon

06-09-2008, 02:40 PM

السلام عليكم ورحمة الله...

هذا النوع من الشاشات ضروري لل PS3 ؟؟ لو لعبت على تلفزيون عادي راح تختلف الرسوم بشكل كبير؟؟؟ أرجوا توضيح هذا الأمر...

فوق المستحيل

06-09-2008, 06:28 PM

طبعا راح تختلف الصوره وبشكل كبير ويوصل الى 6 اضعاف

وبعض الالعاب راح تواجه فيها مشاكل مع الشاشات العاديه..مثل عدم وضوح رؤية الخريطه في لعبة كول اف دوتي4

D.Otakon

06-09-2008, 08:49 PM

طبعا راح تختلف الصوره وبشكل كبير ويوصل الى 6 اضعاف

وبعض الالعاب راح تواجه فيها مشاكل مع الشاشات العاديه..مثل عدم وضوح رؤية الخريطه في لعبة كول اف دوتي4

يعني استبعد فكرة شراء الجهاز حالياً حتى اشتري شاشة HD ؟
وما هو اقل سعر موجود لهذا النوع من الشاشات؟

فوق المستحيل

07-09-2008, 12:11 AM

انا من اشد المعارضين لشراء ps3 او xbox360 اذا الواحد ماعنده شاشة hd

اذا تبي حجم 32 بوصه..تحصل بسعر 700 دولار او 800 دولار

مثل سامسونج R71 او R81

ShRsHr

07-09-2008, 08:46 AM

انا خذيت سوني دبليو وتمام التمام صوره وضوح و صوت ومزايا جباره من كل نواحي
والي اشوفه بعد سوني سامسونج بس طبعا سوني اقوى وخصوص الاكس ودبليو
اقوى تلفزيونين موجودين في سوق بس لازم يكون جيبك مليان :wink2:

فوق المستحيل

07-09-2008, 09:29 AM

اقوى تلفزيون بالسوق هو

pioneer kuro plasma

d.o.d.y

09-09-2008, 03:06 AM

مشكورين اخواني
ومن الردود مبين ان سامسونج افضل شي
بس غريبة سوني مو حلو ؟

فوق المستحيل

09-09-2008, 08:23 AM

اهم شي اخوي دودي هو الاستخدام او الغرض من الشاشه

اذا كان الافلام والستلايت.........فهذا البلازما افضل

اذا كان العاب وكمبيوتر....الال سي دي افضل

لكن ايضا البلازما يقدم اداء ممتاز مع الالعاب...

السوني ممتازه لكن فيها لاق بسيط بالالعاب مو مثل السامسونج لكن بالافلام السوني اقوى من السامسونج

d.o.d.y

10-09-2008, 02:45 AM

لا اذا انا بستعملها بستعملها اكثر شي في الالعاب الافلام في اللاب اكثر شي XD
طيب اي نوع سامسونج تفضل وياليت يكون رخيص وحجمه معقول ^^

فوق المستحيل

10-09-2008, 09:22 AM

جرب سامسونج R81 ممتاز جدا وحجم 32 بوصه واظن سعره 800 دولار اقصى حد

d.o.d.y

11-09-2008, 03:54 AM

مشكر خيو وان شاء الله اروح اشوف هالشاشة ^^
>> انا بنت مو ولد ^^

فوق المستحيل

11-09-2008, 06:23 AM

اسف جدا...وبالتوفيق :)

الفتى99

12-09-2008, 06:17 AM

والله انا اشووف ناس كتير يمدحوون samsung ويكوون32 بوصه او اكبر عشان تحس بالاثاره هع هع

صقـــر Q8

13-09-2008, 09:42 AM

نصيحه أما سوني أو سامسونغ

Just1Punch

14-09-2008, 01:39 PM

شو رايكم في LG Scarlet الجديد..تنصحون فيه خصوصا قرب مواصفاته من سامسونج تقريبا وسعره المناسب..؟

فوق المستحيل

14-09-2008, 01:49 PM

lg لها صيت قوي هالايام..والناس جربت البلازما ال جي..وتمدحها وتثني عليها

لكن مالي تجربه شخصيه فيها فما اقدر افيدك

وياريت لو تحدد لنا الاستخدام عشان نعطيك الخيار الانسب

Just1Punch

14-09-2008, 03:49 PM

اخوي استخدامي منصب عالPS3 والافلام..يعني تقدر تقول تلفزيون لغرض الالعاب والهوم سينما فقط لاني ما راح اشبك عليه الدش اطلاقا

وهذي مواصفات LG بشكل عام بالفلاش
http://ae.lge.com/products/model/detail/37lg55.jhtml

فوق المستحيل

14-09-2008, 03:57 PM

استخدامك محير..لان الالعاب LCD ممتاز..لكن الافلام البلازما افضل بسبب سرعة الاستجابه

للاستخدام السينمائي انا ارشح البلازما وبقوه لانها هاديه على العين وزمن الاستجابه فيها اسرع من LCD بالاضافة الى ان بالالعاب تؤدي الغرض وبشكل ممتاز..وفي LG بلازما يمدحونها لكن مااقدر اجزم لك فيها

انت كم حاط ميزانيه للشراء ؟

Just1Punch

15-09-2008, 01:48 PM

والله حيرتني ياخوي..بس انا هب مستعيل عالتلفزيون وميزانيتي مفتوحة لاي جديد ان شاء الله..كنت مصمم اخذ سامسونج بس حاليا متردد بعد ما اخذ ربيعي LG وقالي عن مواصفات الرهيبة وقربها من سامسونج..بنتظر سامسونج Series 7 و LG scarlet وبقارن بينهم وان شاء اختار واحد منهم..على فكرة لو تشوف الفلاش للLG راح تجد mode خاص للسينما والالعاب والرياضة وهذي تحسب للLG..شورايك اخوي؟

فوق المستحيل

15-09-2008, 01:57 PM

المودات اخوي موجوده بااغلب الشاشات

اذا تبي نصحيتي..اخذ لك pioneer kuro ....شاشه رائعه بكل المقاييس ولا يمكن ان تجد شاشه تعرض اللون الاسود بقوة هالشاشة

تقنيه بلازما

وهذي بعض الصوره للشاشه الاسطوريه

http://www.w2y.com/img/DSCN0772.jpg (http://www.w2y.com/img/DSCN0772.jpg)
http://www.w2y.com/img/img8490jm4_1.jpg (http://www.w2y.com/img/img8490jm4_1.jpg)
http://www.w2y.com/img/IM000165_1.jpg (http://www.w2y.com/img/IM000165_1.jpg)
http://www.w2y.com/img/IM000192_1.jpg (http://www.w2y.com/img/IM000192_1.jpg)

Just1Punch

15-09-2008, 03:26 PM

اول مرة اسمع بpioneer kuro بس لو تخبرنا عن مواصفاته وسعره ومكان بيعه او وكيله ولك جزيل الشكر

فوق المستحيل

15-09-2008, 04:34 PM

هذه الشاشه هي الشاشه الاولى عالميا حسب التصانيف والتجارب

اكثر صفه قويه بالشاشه هي قدرتها على عرض اللون الاسود

التلفزيون الي يقدر يعرض اللون الاسود بقوه..راح تكون جميع الالوان الثانيه قويه والتباين يصير اقوى

في كذا حجم لهالشاشه

42 و 50 واظن 60

حجم 42 موجود فقط بالجيل السابع والثامن...وانا انصح بالثامن لان السابع قديم

مواصافته HD READY

ولا تظن ولو للحظه ان الFull hd يفرق عن HD ready بحجم اقل من 50 وحتى حجم 50 لازم تكون قريب من الشاشه عشان تلاحظ الفرق

يعني الدقه مالها اي فايده....يكفي انها HD

التباين 16 الف...وهالرقم حقيقي..مو مثل شاشات LCD الي مايتجاوز تباينها الحقيقي 2200 حقيقي

اما سعره...فياريت تقول انت بااي دوله

اذا السعوديه اعتقد رفعوا سعره..لــ9600 بعد ماكان 8600 ريال ووكيله بادغيش..

وتستاهل اخوي ماسوينا شي

Just1Punch

15-09-2008, 05:18 PM

تسلم عالمعلومات اخوي واخوك من الامارات..:)

التلفزيون يديد فالسوق ويحتاج وقت شويه حتى ينافس ويثبت علو كعبه..لكن مستغرب انه بتقنية بلازما..هل هي بداية العودة الى الواجهة من جديد للبلازما علما اني سمعت بوجود تقنية قادمة تعمل بالليزر واخرى لا اتذكرها مع سوني.. عالعموم لك جزيل الشكر ولاتحرمنا من جديدك حتى يصبح الموضوع متجدد باستمرار

فوق المستحيل

15-09-2008, 06:04 PM

ياهلا فيك وفي اهل الامارات...وماسوينا شي تستاهل كل خير

لا اخي الشاشه ليست جديده بالسوق..لكن المشكله ان شركة بايونير ماسوقت للمنتج عدل فعشان هالشي مو معروف

الشاشه مايحتاج تنافس..لانها اثبتت نفسها وانتهى الموضوع

اما بخصوص شاشات الليزر او شاشات سوني Oled

فالحقيقه احنا لحد الحين مااستفدنا من HD ready ..فكيف راح نستفيد من التقنيتين الجديدات

علما باان اسعارهم نار نار نار...وشاشات الليزر حسب مااظن احجامها 60 و 70 على عكس OLED الي ماتتعدى حجم 12 او 14 بوصه...فضلا عن الغلاء العالي

ميزة البلازما انها هاديه للعين ممتازه للافلام بسبب سرعه الاستجابه..الغاز الي فيها اسرع من السائل الي بالLCD وممتاز جدا مع قنوات البث
التلفزيوني والالعاب ماعليها كلام ايضا رائعه

ملاحظه : البلازما لما تشوفها بالمعارض الالكترونيه تقول انها شاشه باهته.والسبب يعود الى الاضاءه القوية للمعارض..لان البلازما مصممه للاستخدام المنزلي...يعني انارة منازل..على عكس LCD الي اضائتها قويه وتعور العين

Just1Punch

15-09-2008, 06:40 PM

والله ياخوي كنت مع شاشات LCD وبعد معرفتي لهالمعلومات انقلب مخي الحين هههه..مااقدر افضل الالعاب عالافلام او العكس..ان شاء الله نختار الي يرضي الطرفين :biggthump

فوق المستحيل

17-09-2008, 07:39 AM

البلازما افضل خيار للاحجام الكبيره...وبالالعاب مافيه مشكله لكن لازم تكون من ماركه قويه..مثل بايونير كورو الجيل الثامن...

التتان

17-09-2008, 03:34 PM

السلام عليكم

كيف حالكم شباب

بصراحة ابي اشكر أخوي || فوق المستحيل ||
على ثقافته ومجهوده الجبار في هذا الموضوع،

انا حاليا مخطط اشتري لي تلفزيون جديد والميزانيه بين ٣٠٠٠ ريال لين ٣٥٠٠ ريال :)
ابي اخذ لي شي في حدود ٣٢ بوصة !
بس شو تنصحون ؟
سامسونغ ؟
سوني؟
فيلبيس شلون ؟؟؟

وشنو الفرق بين الـ Full HD أو Ready HD

وشلون اقدر اقارن بين الـ HD وبين الدقة العالية ( الكونتراكز ) يعني كيف طريقة المعادلة بين جهازين لو كان هذا اعلى من ذك :)

وآخر شي، هل الإلتزام بالماركات من سوني وسامسونغ او اقدر مثلا اجرب تلفزيون BENQ الي شعارهم على فانيلات الريال ؟

طبعا الإستخدام بيكون للسوني ٣ وللأفلام ( وعندي دي في دي HD فيلبس ) وهم بعد للستلايت ( دريم بوكس :) )

وشكرا جزيلا

Just1Punch

17-09-2008, 04:57 PM

اخوي فوق المستحيل

ماهي الاحجام الكبيرة الملائمة للبلازما وما هي افضل شركة تنتج تقنية بلازما؟

فوق المستحيل

17-09-2008, 05:21 PM

اخوي التتان اشكرك على الاطراء الجميل واحنا ماسوينا الا الواجب

حجم 32 بوصه...مايحتاج Full hd فلا تفكر بهالميزة وخلك بعيد عنها واذا هالميزه بتزيد سعر التلفزيون فشيلها من بالك

اهم شي بالتلفزيون هو التباين..كل مازاد التباين كل ماكانت الشاشه افضل بالالوان ودقتها

اما بخصوص الافضل..فبالالعاب كلهم يؤدون نفس الغرض لكن انا اميل للسامسونج اكثر بالالعاب لان مافيها مشكل بالسرعه..والسوني اميل لها بالافلام اكثر لان البكسلات جدا صافيه

ويبقى الاهم هو الي تشوفه قدامك والي ترتاح له

اما فيلبس ماعندي علم فيها

اخوي just1punch

اقصد بالاحجام الكبيره هي 40 فما فوق

بهالاحجام البلازما يتفوق على LCD ..البلازما اقل حجم يتوفر فيه هو 42 بوصه

افضل شركه للبلازما هي pioneer دون منازع..الجيل الثامن فقط هو الي فيه حجم 42..حتى السابع فيه لكن السابع قديم

اما الجيل التاسع فااقل حجم فيه 50 بوصه..واسعاره غاليه جدا !

التتان

18-09-2008, 01:52 PM

تسلم يا أخوي
ماقصرت يا فوق المستحيل الله يجزيك الف خير،

أخوي عندنا عروض بالبحرين على التلفزيونات مثلا التوشيبيا شرات الـ ٢٠٠٠ ريال خصم من سعره وجيه !
هل تنصح بهذي الشي او اكتفي بالماركات الأفضل من إل جي و سامسونغ و سوني؟

وتسلم يالغالي :)