المساعد الشخصي الرقمي

مشاهدة النسخة كاملة : معرض تصاميم الأعضاء The Best Feeling...بعد العملية الجراحية ^_^


The28Lord
12-08-2007, 03:01 PM
السلام عليكم ورحمة الله وبركاته...

كيف الحال شباب وبنات ...والله اشتقت للمنتدى وكنت ناوي هذا الصيف تقريبا كل يوم احط تصميم...بس طبعا تجري الرياح بما لا تشتهي السفن...
الي صار يا جماعة اني سوييت عملية جراحية لترميم الرباط الصليبي الي انصاب عندي مرة يوم لعبت مباراة (المباراة المشؤومة):blackeye:...وابدا ما كنت متحضر للعملية على اساس اني مستانس على عمري وحاجز تذاكر يعني واثق اني بسافر واذا بي في الموعد مع الدكتور ( فجأة قلبنا درس عربي..هههههههه) يقول لي العملية بعد اسبوعين وضروري تسويها...وابتلشنا....:bigeyes:

وانا الحين في فترة نقاهة( صارلي 3 اسابيع على العملية) وحبيت اطرح تصميم...

صحيح قبل التصميم اشكر ربيعي ساسكي على زيارته لي في المستشفى وسؤاله الدائم عني(اونه رسميات ..اصلا لو ما زارني كنت بنتفه:AR15firing:...هههههههه)

اترككم مع التصميم...

http://www.montada.com/attachment.php?attachmentid=287991&stc=1&d=1186919849

ارجو ان يعجبكم التصميم...وانتظر آراءكم...

تحياتي...
Ahmed Blight
12-08-2007, 03:05 PM
اهلين ذ لورد

الحمدلله على السلامة و ما تشوف شر ان شاء الله :)

التصميم اذكر عرضته قبل بس مادري اذا معدل عليه

الدمج فيه حلو بس الخط ما احس نوعه و تاثيره مناسبين
غير هذا احس لو تخفف فرشاة الكتابة بيكون احلى

موفق :)
The28Lord
12-08-2007, 03:26 PM
هلا عيني A Y..

مشكور على المرور والله يسلمج...تصدق مركبين لي جهاز حديد على رجلي عشان يساعدني في المشي...
الله يعين...

المهم ..والله ما ادري اذا طرحته قبل مرة ولا لا...:ponder:!!!!!!!!!!

بس يمكن في تصميم شبيه فيه...لان عندي كذا تصميم على خلفيه منظر طبيعي...

ومشكور وان شاء الله اكون عند حسن الظن...

تحياتي...
Ahmed Blight
12-08-2007, 03:34 PM
مشكور على المرور والله يسلمج...
خخخخخخخ

هذا الموضوع ^^
http://www.montada.com/showthread.php?t=537002
Sasuke
12-08-2007, 05:02 PM
السلام عليكم ورحمة الله وبركاته


هلا اخوي ذا لورد ..


كيف حالك ؟ ان شاء الله بخير ؟


و شو صحتك الحين ؟


التصميم رائع اخوي بس تنقصه بعض الاضافات


مثلا جرب تضيف فرش او تطبق فلاتر


و تأثيرات الخط حاول تهتم فيها اكثر ..




صحيح قبل التصميم اشكر ربيعي ساسكي على زيارته لي في المستشفى وسؤاله الدائم عني(اونه رسميات ..اصلا لو ما زارني كنت بنتفه:AR15firing:...هههههههه)



ههههههههه بتنتفني :D


هذا اقل شي كنت اقدر اسويه


و الحمد لله على سلامتك


بالتوفيق
The28Lord
17-08-2007, 04:19 PM
السموحة AY...على الغلطة الغبية...

غلطة مطبعية ..أقولك العملية الظاهر مأثرة ههههههه:D
The28Lord
17-08-2007, 04:24 PM
هلا ساسكي...عمرة مقبوله أولا..


ثُانيا كيف الحال يا صايع ..ربيعك طلعاته محدووودة جدا وانت تصيع؟؟!!!!واسيني على الاقل...(كأني طحت فيك ...هههههه..ما عليه هذي ميزة الصداقة..)

وثالثا تولهت على اليلسة معاك...

ومشكور على الملاحظة

^_^..I'll try my best next time