ابي اشترك بمسابقة افلام من الامارات..من يخاويني؟

[aifo]

احترت وين احط هالموضوع بأي قسم

لكن يمكن هذا القسم اقرب شي

انا عندي فكره طرت ببالي من زمان ويمكن الصيف هي افضل فرصه لتطبيقها

راح اشترك بمسابقة افلام من الامارات www.efilmc.com (http://www.efilmc.com)

بمقطع قصير مدته اقل من 4 دقايق

وابي شخص او شخصين ممن يحبون التمثيل او الاخراج او الفن المرئي عموما أن يرافقوني بمشواري الفني لو على الاقل على المدى القريب بهالمسابقه

الفكره جاهزه والاعدادات جاهزه

كل ما احتاجه هو ممثل بس

ان يكون طالب جامعي (او مجرد متخرج من الثانويه) وساكن الرياض

تقريبا هالشرطين بس

أنا ما اعرض شي للممثل الا انه اذا فزنا بالجائزه له نصفها

والجائزه للمركز الأول في المسابقه قيمتها 25000 ريال

ومع المنافسه البايخه بالمسابقه احتمال كبير نفوز

لكن ابي واحد يجزم معي

اللي دخلت مزاجه الفكره يراسلني على ايميلي aoso4ever@hotmail.com

واذا رتبنا الامور نتقابل بمقهى او اي مكان ونتناقش عن الموضوع



اسم الفلم: "رسالة الى الكاتب"
الممثل: "؟؟؟؟؟؟؟؟"
المخرج:"ابو هيثم"
التصوير: "ابو هيثم"
التحرير: "ابو هيثم"
مدته: " 3 دقائق و 12 ثانيه"
الكمره المستخدمه: "sony hc15e minidv"
البرنامج المستخدم: " 9 Ulead video studio"
تكلفة المشروع: " صفر ريال"

[II..FOX DIE..II]

السلام عليكم أخي ^^

انا عجبتني فكرتك .. والصراحة اللي عجبني اكثر الجائزة ولا فكرتك من جنبها خخخخ
ودي امثل والله بس المشكلة انا ما ني بالرياض ولو انا بالرياض صدقني اخليك تلعن الساعة اللي حطيت فيها الموضوع :D


ملاحظة على التوقيع بس /

يا خوي ترا حنا في منتدى والشاشة اكبر وحده حجمها 19 بوصه .. وراك مصغر الصورة كبرها شوي http://www.montada.com/images/x/icons/icon10.gif

سلام عزيزي

[أنــفــاسـ]

سلام اخوي aifo
كيفك ؟

صراحه الفكره حلوه ... حتى الجايزه حلوه @@ :09:

وطبعا انا من سكان الرياض مممممم يعني ممكن ليش لا
مع العلم ان مالي اي خبره في التمثيل <<< مو بكره تقول تمثيلك بايخ :09:

بس ليش لا ممكن نجرب

بس عندي سؤال
انت لك خبره من قبل ؟
يعني فيه اشياء سويتها ؟
وياليت تورينا ايها :D


بالتوفيق لك اخوي


تحيااااااااااااااااااااتي

[aifo]

مرحبا اخوي انفاس

اشكرك على اطلاعك على الموضوع وردك الجميل

انا اضفتك عندي بالمسنجر

والتمثيل ما يبي له شي

يعني هو مجرد وضعيات معينه تتخذها ( مثل الوقوف والجلوس بطريقه معينه وهكذا)

لأن المشاهد مافيها كلام (كلها اصلا مدتها ثلاث دقايق)

انا مالي خبره اكاديميه في هذا المجال لكني سويت عدة "مشاهد" او فيديو كليب مع موسيقى من تصويري بالكمره ولدي خلفيه جيده عن برنامج ulead

هي فكره خفيفه ونشاط "صيفي" انا اعتبرها مايبي له شي

بامكاننا التحدث بالمسنجر

تحياتي لك اخوي وتشرفني معرفتك

[aifo]

اخوي فوكس

اشكرك على اطلاعك على الموضوع

لكن ملاحظه

حجم الصوره تعتمد على دقة الوضوح اكثر من حجم الشاشه

انا عندي طالعه تمام وانا استخدم دقة 1024*768

لكني عموما عدلتها الحين

تحياتي لك

[aifo]

العرض مازال قائم

وللممثل نصف الجائزه ان فزنا